المساعد الشخصي الرقمي

مشاهدة النسخة كاملة : عام اتمنى تخدموني


ام العيال
30-08-2002, 04:14 AM
السلام عليكم ورحمة الله وبركاتة
اخواني لي طلب وياليت تخدموني
قبل تقريبا شهر شريت بلاي ستيشن2 للاولاد لاكن قبل اسبوع صار تطلع في الشاشة كلمة No Data ولايشغل الالعاب وارسلتة للشركة قالو لايمكن اصلاحة . المهم بحثت عن اي موقع للبلاي ستشن ولالقيت الا مواقع قليلة طبعا عربية واعتقد احسنهم هذا ولو اني ماني فاهمة شي فية كلة اسرار واكواد بس احس انة الافضل وبدون ان اطيل عليكم
1-وش حل كلمة No Data
2-الاسرار الي تتكلمون عنها هل هي ارقام سرية ولاايش؟
3-هل استطيع استخدم الالعاب الموجودة في المنتدى على البلاي ستيشن2 وكيف؟

ارجوكم الي يقدر يساعدني لايبخل علي .

اختكم
ام العيال
.dark man.
30-08-2002, 06:54 AM
اولا لاتروحين للشركة لان الخدمات الي عندنا فاشلة روحي لاحد المحلات الكبيرة
مثل العاب طوكيو وجيم ماستر .
عطل الجهاز من العدسة
-هناك امران
الاول:الاسرار وهي عبارة عن اماكن سرية او اسلحة سرية او اي شيء يكون مخفي في العبه
لايمكن تشغيل الالعاب التي في المنتديات على السوني2
انما على جهاز الحاسب
التنين الاسود 3
30-08-2002, 07:21 AM
سلام .....
اختي كلمه No Data .... يمكن تعني انه مافي شي في الجهاز ( يعني لاكرت ذاكره ولا اللعاب )

و يمكن ماتشتغل الالعاب لأنها منسوخه مش اصليه .... وما عرفتي تشغلينها .... او ماعرفتي تتعاملين معها ( لأن بعضها صعب )



2-الاسرار الي تتكلمون عنها هل هي ارقام سرية ولاايش؟

في بعضها ارقام وبعضها يبيله شي يسمى ( جيم شارك او اكشن ربلاي )


-هل استطيع استخدم الالعاب الموجودة في المنتدى على البلاي ستيشن2 وكيف؟

تنزلينها يعني ؟؟؟؟
اذا كنتي تعنين انك تنزلينها ... فلا ماتقدرين ...

اما كيف تحصلي عليها .... من محلات البيع المشهوره ( معلومه بايخه :p )



اما الشركه قالو لا يمكن اصلاحه ..... فيمكن اتي وديتيه الى شركه سوني ... فشافو قطعه الكوبي فقالو ماحنا مصلحينه .....

وشكرا ً ..... :D :D :D
Dark Angel
30-08-2002, 08:20 AM
ام العيال

كلامك غير واضح....

بما أنك شريتي الجهاز ...هل فيه أي تعديلت داخلية....ومن وين شريتيه...

اذا الجهاز عليه ضمان الفيصلية ( على أفتراض أنك من السعودية )
المفروض ترجعين لنفس المحل اللي أخذتي منه الجهاز و هو مرغم يحل لك المشكلة لأنك مثل ما تقولين ما أستعملتوا الجهاز الا لمدة شهرين...يعني الضمان ما زال ساري عليه من الفيصلية .....


2-الاسرار الي تتكلمون عنها هل هي ارقام سرية ولاايش؟

الأسرار هذي تجي على أنواع كثيرة بالنسبة للالعاب....و كل سر يجي معه طريقة أستعماله في العادة...
مثلاً فيه أسرار تتطلب منك ضغط الأزرار على يد البلي ستيشن بترتيب معين و قت تشغيل اللعبه...
و فيه أسرار تتطلب أكسسورات خاصة لأدخالها مثل ما يسمى بالجيم شارك Game Shark او الاكشن ريبلاي Action Replay
وهذي في الغالب تكون عبارة عن سي دي لما تشغلينه تطلع لك مجموعة من الخيارات من ضمنها خيار أدخال أسرار جديدة ...و في الغالب هذه السي ديات يكون فيها أسرار مخزنة ...ما عليك الا أنك تخترين أسم اللعبة اللي تبين تشغلين أسرارها و بس...


3-هل استطيع استخدم الالعاب الموجودة في المنتدى على البلاي ستيشن2 وكيف؟

المنتدى ما فيه أية العاب ممكن تستعملينها على البلي ستيشن...العاب البلي ستيشن ما تجي الا على هئية سي ديات ....و لا يمكن تنزيلها من الانترنت و من ثم تشغيلها على البلي ستيشن...

المنتدى هذا للحديث و مناقشة الالعاب نفسها...و السؤال عن أشياء تخص عالم الالعاب :)
يعني مثل سؤالك هذا :)

أتمنى أنا نكون أفدناك و اذا فيه أي سؤال تفضلي ..الشباب و انا ما راح نقصر في الأجابة على اسئلتك..
ام العيال
31-08-2002, 12:57 AM
الف شكر لكم على ردكم

اخوي دارك مان . العاب طوكيو وجيم ماستر وين احصلهم .والعدسة هل هي غالية.

اخوي التنين الاسود 3 ماهو الى هادرجة الله يسامحك . الكرت موجود والالعاب فى الجهاز . والـ( جيم شارك او اكشن ربلاي ) وين احصلة. وقطعه الكوبي وشهى.

اخوي Dark Angel والله هذا الي قدرت علية لاني ماني فاهمة في السوني ولاشي واسفة اذا كنت ماعرفت اوضح وش ابي. وعموما انا الي ارغموني بكلامة ان مالة اصلاح


وشكراااا على ردودكم

اختكم
ام العيال
ماجد
31-08-2002, 03:36 AM
الرسالة الأصلية كتبت بواسطة ام العيال
والعدسة هل هي غالية.


تقريبا 25 دينار كويتي :) عاد حاوليها الى عملتكم :D


الرسالة الأصلية كتبت بواسطة ام العيال
( جيم شارك او اكشن ربلاي )



تستطيعين ايجادها في محلات البلاي ستيشن :)