==مدرستي .. يامدرستي== [الأرشيف]

][DeVil Ni9ht][

01-09-2002, 11:00 PM

==مدرستي .. يامدرستي==
ياااااي والله اول يوم ليه في المدرسه كان مره قرف ماتتصورو قد ايه انا كنت بكره اليوم دا صحيت الصباح طبعا بشق الانفس صحتني امي قوم ياواد وانا نايم تسحب المخده وانا برضه نايم تسحب يدي وانا برضك نايم ,, كمان تسحب شعري وانا كمان نايم ,, بعدين تسحب 1000 ريال وانا كمان نايم لانه في صراف كان قريب من السرير حقي ,,

كمان تسحب والا خلاص مصختها ايش باقي تسحب المهم صحيت من النوم وهيه تقولي اصحى مدرسه وانا اقولها ياامي والله خلاص عارفين انه مدرسه يعني الفلم اللي سويتيه كله عشان المدرسه مو عارفين انها مدرسه اجل ملاهي جبتي حاجه جديده ياامي..

المهم لبستني الثوب الجديد والجزمه الجديده والله الجزمه مره حلوه كانت تلمع .. ومشطت ليه شعري وخلتني اشرب الحليب بالقوه وحطت ليه في الشنطه يمكن عشره ساندوتشات ماصارت شنطه صار مخبز .. وانا اقولها ياامي انا رايح المدرسه يعني رايح اتعلم مو رايح افتح كافتريا ,, وهيه تقولي لاااا لازم تتغذى وتصير طيار ,, وانا اقولها ياامي ماابغى اصير طيار ,, انتي عارفه انه الطيار سواق يعني زي سواق الليموزين وانا ماابغى اصير طيار ..

المهم وصلت المدرسه وقابلت صديقاتي واصدقائي ايوه لانه انا بدرس في مدرسه مختلطه وكانوا كلهم شايلين معاهم شنط زيي يعني بس انا شنطتي كانت احلى وحده كدا عليها صورة بيكاتشو ..

دخلنا الفصل وجات الابله مش فاكر اسمها بس شكلها كان مره يفجع تفكرني بوحده تكرونيه تشحت عند الحرم يااااي وكانت لما تتكلم شفايفها تحس انه فيها نشاط وحيويه تبغى تنطلق من مكانها وع .. وكانت مره شايفه نفسها وجالسه تهدد (مستغله انه شكلها يفجع )فينا اللي مايجي حال الواجب والا مش حافظ راح اضربه واعلقه في المروحه,, وانا اقول في بالي يالله وبعدين مع التمساحه دي اللي جالسه تهددنا من اول يوم .. روحي ياشيخه وانتي شبه امك كدا ..

جات الفسحه احسن اهوه ارتحنا من شوفت الفلم المرعب ,, جلست انا ومعاياه اصحابي :رولا ونسرين ورافت وعطيه(مااعرفه بصراحه بس شكله جاء هديه مع شنطة وحده من البنات) وجلسنا نتكلم عن فين راح كل واحد في الصيف ..

انا قلت لهم اتحداكم انا رحت لباغيس (لاني لو قلت باريس راح يقولوا ياااااي قديمه باريس ) فهما مساكين جلسو يسألوني فين باغيس دي فأنا بديت اصرف عليهم فقلت باغيس هذي تقع خلف المريخ من الشمال الجنوبي يعني دوله جديده دوبهم عاملينها تحت المويه وكانت مره روعه ,, وهم المساكين ياحظك واللي فاتح فمه حتى انا وقتها كنت احس نفسي اني كدا قائد مشجعي الاتحاد وفكرت اقلبها في المدرسه سوبيا بس بعدين تراجعت وقلت خلينا ياشباب نشوف اليوم الاول كيف يعدي واذا مامشي الحال كل واحد بكره يجيب معاه في الشنطه علبة شراب شاني .. عشان عندي فكره شيطانيه ..

لانه راح كل واحد منكم يرش الشاني على ثوبه ووجه وننزل للمدير ونقوله الابله التكرونيه شوف ايش عملت فينا عشان نفصلهامن المدرسه وترجع تبيع حمر وفصفص عند باب المدرسه...

وفي اخر حصه (مافيه في قلوبهم رحمه من اول يوم يجلسونا للحصه الاخيره) يصرفو لنا الكتب .. وكل واحد مننا رجع للبيت ومعاه عشرين كتاب يعني اللي يشوف كثرة الكتب راح يفكر اننا بناخذ المتوسط في سنة وحده وهما مايدرو انه هذي بس حقت سنة اولى ,,, يعني اذا كان سنة اولى كدا هيا كيف سنة تانيه وثالثه شكلهم راح يعطونا مكتبه بكاملها.. ايه القرف دااا

مو لو انه اليوم كان اجازه مو احسن ..

بس انتو كيف كان يومك زيي كدااا مقرف..

مسروق من كيبورد واحد فلته طيب الله ثراه
عاشق هستره\منتدى فلاشيات\قسم الهستره والاقلاع
www.flashyat.com/vb

وعوده الامورة

02-09-2002, 07:05 AM

هههههههههههههههههههههااااااااااااااااااااااااااااايييييييييي

حلوووووووووووووووووووووووووووووووووووووووووووووووووووووووووووووووووووووووووووووووووووووووووووووووووو وووووووووووووووووووووووووووووووووووووووووووووووووووووووووووووووووووووووووووووووووووووووووووووووه القصه ..

ومشكوووووووووووووووووووووووووووووووووووووووووووووووووووووووووووووووووووووووووووووووووووووووووووووووو وووووووووووووووووووووووووووووووووووووووووووووووووووووووووووووووووووووووووووووووووووووووووووووووووووو وووووووووووووووووووووووووووووووووووووووووووووووووووووووووووووووووووووووووووووووووووووووووووووووووووو ووووووووووووووووووووووووووووووووووووووووووووووووووووووووووووووووووووووووووووووووور على الموضوع ..

وعوده;-)