المساعد الشخصي الرقمي

مشاهدة النسخة كاملة : نقاش الرسامين محاولات اودنية بدائية في العالم الرسم اليدوي ..


ODIN
04-09-2002, 03:45 AM
بسم الله الرحمن الرحيم ..

طبعا الكل يعرف ان خويكم اودن ما عنده سالفه بالرسم اليدوي ..

لذلك قررت اني ابدى بالتعلم من اسبوع تقريبا .. والحمدلله بديت بداية جاده جدا .. صراحه طلعت عيوني .. وراسي صدع من التدقيق والنقل ..

لكن الحمدلله قدرت اوصل لمستوى بدائي رضيت به حتى الان .. بالنسبه لهذه المده ..

لذلك ارجوا منكم يا اخوان النقد البناااااااء والي يكسر الظهر .. لاني صراحه ابي اتعلم . ابي اطور من نفسي ..

صحيح الرسمات تفشل :) بس عادي دلوني على الاخطاء التي وقعت بها ..

بسم الله .. نبدى بهذه الرسمة . وهي عبارة عن نينجا بالرصاص .. من مخيلتي ..
ODIN
04-09-2002, 03:51 AM
وهذه رسمة ثانية .. وهي عبارة عن مجاهد شيشاني .. بالقوات الخاصه ..

محترف بسلاح الكلاشنكوف كما هو واضح بالصورة ..

وخبير بسلاح ال M136 المضاد للدبابات ..:)
ODIN
04-09-2002, 03:56 AM
وهذي رسمة لاحد المجاهدين .. وهو مختبئ بين سفوح الجبال .. ينتظر الضحيه :)
ODIN
04-09-2002, 04:00 AM
وهذي تقريبا افضل رسمة عندي .!

وهي عبارة عن فارس قد نالت منه السهام من كل جهه .....
ODIN
04-09-2002, 04:02 AM
هذا ما عندي من رسومات بالرصاص .. في كم رسمة تحتاج لتلوين .. راح الونها عن قريب واعرضها لكم .
shaheen
04-09-2002, 04:24 AM
عزيزي الأخ اودين

ماشاء الله باكورة اسبوع واحد غنية بالمفاجآت

ياحبك حق الجهاد والحرب:) يعجبني اسلوبك في التفكير

بالنسبة للرسومات:

حركات الشخصيات ممتازة
الخطوط تحتاج الى ثقة اكبر

يمكن استعمال ضغط القلم لتوضيح أشياء مهمة
انتبه للاضاءة والظل... سيريحونك من خطوط كثيرة.. مجرد تلوين مكان الظل يخفي اجزاء من الرسمة.

بس بشكل عام... ممتاز جدا جدا... لاني اعرف الكثيرين لا يمكنهم رسم شئ في اسبوع:)الله يوفقك وان شاء الله ترسم المزيد المزيد:)
wildkitty
04-09-2002, 04:30 AM
هلاو هلاو


واخيرا يا بدر يبت السكنر


الرسمه الاوله حلوه بس
وين العين الثانيه مخشوشه على فكره
هل رسمه تذكرني برسوماتي ليش مادري


رسمتك الثانيه
يبيله تضبيط
الجندي لو كان اضعف شوي
الريل لو تلاحط انه معكوفه شويه
وضعيته حلو
الرقبه عريضه شويه


الثالثه حلو
ماعليها وايد كلام
بس انه لو كان اضعف شوي
تكون مضبوطه


الرابعه
الايدين لازم تكون شويه اكبر
فيها بعض التفاصيل البسيطه الي اعجبتني
واهي احسه مادري ليش رسمه مؤساويه
alucardracula
04-09-2002, 09:07 AM
أودين أحيي فيك روح الحماس
و أدعوك الى المواصلة و أتمنى بسرعة أشوف رسوماتك الملونة..
و نصائح أخويي شاهين مهمة خاصة خاصية التظليل و التوضيح بالبنسل هاي مهمة جدا حط بالك زين و ان شاء الله بتذهلنا..
أتمنى لك التوفيق ..
هـداف
04-09-2002, 12:14 PM
أودين رسماتك وايد حلوه وخصوصا عن الجهاد.....ربشه:واو:

وعاد نبي نشوف رسماتك الملونه.....أنطرك:D ;)
BUBLE
04-09-2002, 03:45 PM
هلاااااا اودين

قمت ترسم:)

اكيد تشجعت من رسامين المنتدى....حتى انا صار لي نفس الشي:D

حلو رسمك ....انشالله يصير احسن واحسن

بس انت اهم شي انك تسمع نصايح الاعضاء والمراقبين

وبتصير رساام توب;-)


انشالله نشوف رسمك المطور قريبا
ODIN
04-09-2002, 05:11 PM
مشكورين لملاحاتكم . استفدت كثير منها ..

شاهين اتمنى لو توضح سالفه الظل اكثر .. شكلي ما فهمت عليك .

.. طيب هذي اول رسمة ملونه .. التلوين سيئ جدا لونتها على الطاير اليوم ..
fatoom
04-09-2002, 05:23 PM
مشاء الله عليك اخ اودين :)

محاولاتك ممتازه و كلام شاهين صح ...عن التظليل

الظل و النور ... لأن مشاء الله عليك متمكن من الفوتوشوب

و الحس الفني موجود فيك ...

فمافي اي مشكله :)

صدقني بتتطور بوقت قيااااااسي ;)

بإذن الله :)

انت تابع رسم و درب يدك و عينك و كل شي بيكون اوكي :)
wildkitty
04-09-2002, 10:42 PM
تلوين على الطاير?:
على الطاير شذي علي لو بدقه وتأني مشال الله عليك
عيني عليك بارده يا بدر

بس الايدين يبيله شوية تعديل وله تلوينك مشال الله عليه ما عليه كلام
ODIN
05-09-2002, 01:07 AM
شكرا كيتي فطوم ..

هذه رسمة .. محاولة بالتليون الرصاصي بالفتوشوب ..

اتمنى اسمع رايكم .
wildkitty
05-09-2002, 03:08 AM
رسمه زينه بس الاصابع لو كانو شويه امتن هاذه من ناحية الرسمه
ومن ناحية التلوين هل مره عندي ملاحظات احس الجسم ساير مسطح



:)


استمر
orange road
05-09-2002, 03:30 AM
معاها حق كيتي :)

الرسمة احسها مسطحة
واليد يبي لها تعديل
ODIN
05-09-2002, 05:12 AM
صحيح الرسمة الاخيرة سيئه لابعد حدود ..

لكن والله مدري وش الحل .. لما الون رسمة بالفتوش احس بملل كبير .. لذلك ما اصدق احس اني خلصتها واسكر البرنامج على طول ..

الشغله مملمه ما تخلي الواحد يتحمس لها :)
java_sun
05-09-2002, 09:58 AM
السلام
واو اودين بدايه وايد حلوه
الرسمه اللاولى حلوه العين بس لو تحاول تصغرها و تضبط الويه شوي
الرسمه الثانيه حلوه و التظليل زين بس الجندي وايد متين ?: يبيله شوي رجيم
الرسمه الثالثه حلوه بس هم يبيله رجيم

فكرة الرسمه الثالثه حلو بس حاول تكبر الايد و تضبط الذراع شوي

عاد النينجا رهييييييييييييبه ماشاء الله حلوه بس حاول تضبط عضلات الذراع شوي

الرسمه لاخيره حلو بس هم تحتاج تضبيط الذراع








:6 وايد متأثر من metal gear :0)
هـداف
05-09-2002, 10:16 AM
مشالله مشالله عليك ياأودين......في تطور ملحوظ برسمك

تلوينك جميل وفكرة رسمك حلوه..........;) كوووووووووووووول

عندي ملاحظه صغيره جدا جدا جدا .... ركز على الظل اشوي مثل ما قالك الإستاذ شاهين;)

وننتظر المزيد :)
ODIN
05-09-2002, 06:58 PM
ماشاء الله .. والله ما قصرتوا على هذي الملاحظات يا اخوان ..

هذي رسمة ثانيه .. بس سيئه كذلك ..

( ترى الجندي لابس نظارة للأشعه تحت الحمراء .. ما ادري ما عرفت كيف اخلي المشاهد يعرف ان هذي نظارة على طول . احس انها فراغ مب نظارة ..

مالحل برأيكم ؟
هـداف
05-09-2002, 08:10 PM
الرسمه حلوه بشكل عام........وجميل إنك تركز على الجهاد والمقاتبين وكذا.......تذكرنا والله.........إتصدق ياأودين أفكر أسوي قصه عن المجاهدين بعد ماشفت رسومك.......تابع تابع;)
ODIN
05-09-2002, 08:25 PM
الله يسلمك يا شاعر ..

بقولك بالضبط اسباب محاولتي تعلم الرسم ../

1- كنت دائما اتمنى ارسم مجاهدين .. حاولت بالفتوشوب . لكن نتائج سيئه جدا .. لانه بصراحه ما يصلح لرسم الاجسام والاشياء المعقده ..

وبصراحه هذي الرسمات ابد ابد ما فسرت الي افكر فيه ..

لاني افكر برسمات معبرة اكثر من هذه .. وحدثت مرة الاخت FATOOM عن الي افكر فيه ..

2- .. بالمدرسه وانا فاضي وزهقان :) في شيئ اقدر اشغل نفسي فيه ..هههه

3- العطله مرة وانا ما تعلمت شيئ ولا زدت شيئ بمعرفتي الا بالفتوشوب .. وهذا صراحه ما اعتبره شيئ كبير .. قلت لازم نزيد خبرتنا بشيئ :) وجاء الاختيار على الرسم ..

-----------


بالنسبه لملاحظة ( ان الجندي عريض يحتاجله رجيم .:))

انا متعمد اخليه كذا .. لان كل المجاهدين بالشيشيان يلبسون جوكيتات عريضه .. لان الجو هناك بارد جدا!!!

شوفوا الصورة هذي راح تفهموني اكثر..
java_sun
06-09-2002, 02:15 AM
اودين انت بديت بدايه واااااااااااايد وااااااااااييييييييييييد حلوه ممتازه و رسماتك حلوين بس لو تدقق شوي بالاشياء البسيطه صدقني رسمك ابيطلع احلى شي اهو اصلا روعه بس شاياء بسييييييطه اللي قالوها الاعضاء اهي اللي شوي يبيلهه تعديل و حلوه افكارك .. خصوصا رسم جنود لأني ماشوف وايد اعضاء يحبون يرسمون جنود ..... اتمنى لو نفتح موضوع حق رسم المجاهدين و اشياء تعبر عن معنى مثل السلام و هالاشياء :D
wildkitty
06-09-2002, 04:18 AM
اولا سلاااااام ( حقوق الطبع محفةظه للوجين )


نبدي الي لاحظته
انه خطك من ناحية الريل عوي مايل وايد عن الجسم والرسغ بلريل الثانيه وايد ضعيف ساير غير متوازن مع الجسم
hesham
10-09-2002, 11:35 AM
ماشاءالله عليك يا بدر الصراحة بداية قوية .

وخاصتاً في أفكارك في رسم المجاهدين ماشاءالله عليك تعجبني ياأخي;-)

وإن شاء الله راح تزداد مهارتاً في الرسم والله يوفقك في الجهاد أقصد في الرسم:p
:)
ODIN
10-09-2002, 03:47 PM
في عندنا انسان معقد جالس ويبدل المرفقات ..ويخرب الصور .. لا تستغربون يالي اول مرة تدخلون الموضوع :)

وشكرا لتشجيعكم يا اخواني..