مشاهدة النسخة كاملة : MEL C "FeaT' B.B.Q
MEL C
04-09-2002, 06:37 AM
اهلين شباب
انا ومؤيد بنكتب قصه جديده من جزء واحد لكن عدة ردود
الرجاء محد يرد لين تنتهي القصه كامله وشكرا .. :)
الرجاء ربط الأحزمه...------->:6
MoaeD
04-09-2002, 06:37 AM
في يومن من الأيام في ولاية الرياض دي سي يسير في كوبري الخليج مؤيد (B.B.Q) ومعه عبود (Mel C) لملاحقة عصابة الكوبرا اللي يعيثون في الرياض فسادا
الذيان قضيا على عصابة القطاوة السوداء وعصابة الكلب المسعور وعصابه بو عطاوي لتهريب اشرطه محمد السليم
وكانوا مشغلين نوال الزغبي اللي تمنيته ودار الحوار
وقاما بقتال مروجي المخدرات من باكستانية وسنغاليه
ومحاربة انصار الإختلاسات المالية البنكية والعقارية <== وش دخل ذولا :p
بفريق متكامل من الخبراء من المهندسين والمخترعين والمقاتلين والمفكرين والدلوخ:6
عبود : اوف متى تطفي هالقرف
انا : وش دخلك ما دامك معي
عبود : يوووه انا مليت بأغير الشريط
انا وعععععع وش هذا ما لقيت الا توباك
عبود: ايه احسن شي
انا : انطم بس بأطفي المسجل واقر الملف هذا حق العصابه
عبود: طيب ...
عصابة الكوبرى بقيادة خوباج العظيم القائد الكبير الذي استولى على العصابه من الكوبرا السادس طعش بعد ان قتله بريحة البصل والذي ورث قيادته من اجداده
وقد استولى عليها بالتامر مع شقيقه ار بي جي ماستر وصديقته بانانا
وهي عصابه تقوم باعمال تخريبيه بجميع انحاء الرياض من سرقات واعمال تفحيط ومضاربات منسقه بين افراد العصابه
انا: يؤ كل هذا
عبود: ايه وهم يقتلون اي واحد يوقف بطريقهم بدون رحمه
انا: يعني لازم نسلح انفسنا
عبود : كيف؟ ممنوع تشيل اسلحه بشغلنا غير هالخنجر
انا: ومن يدري
عبود: كلمتك هذي تعجبني شكل عندك كل انواع الأسلحه
انا : ايه
يوم وصلنا لم مكان الجريمه صار مالا يمكن توقعه ....
راح يكملك عبود
MEL C
04-09-2002, 06:38 AM
تكمله...
يوم وصلنا لموقع الحادث شفنا شي غير متوقع
انا: من اللي يدور على بقالة الأمل
مؤيد: مدري بس غريب كنه مغطي القزازه بشي
انا: لا هذي كنها شوشه
كلنا : ابو شوشه
انا: مؤيد بسرعه وين الأسلحه اللي تقول
مؤيد: تعال اوريك
ويفتح شنطة الفكتوريا
انا: وين الأسلحه
مؤيد: وش فيك ما تشوفها قدامك
انا: شروخ وصواريخ .. اسلحه
مؤيد: ايه ما تشوفهم يستخدمونها بالأفلام .. ابوي يقول انهم بالأفلام يحطون شروخ وصواريخ عشان يتفجرون
انا: طول عمرك دلخ ياخي ابوك يلعب عليكيوم انك صغير عشان ما تخاف
مؤيد: وش دراك انه قايلي يوم اني صغير
انا: دلخ ...
وفي نفس الوقت نزل ار بي جي ماستر ومعه تايدوس اكس اكس اكس من المازدا واتجهوا للبقاله وجا ار بي جي وقرب الشوشه من راعيها وقال..
شوشه: هات حلاو المصاص اللي يلون الأثم بسرعه ولا كتمتك بالشوشه
راعي البقاله: هازا هك ناس ما فيه هك انا
شوشه: يعني كذا الكلام
ويكتم راعي المحل حتى الموت ويشلح حلاو المص كله ويفرك هو وتايدوس متجهين للمازدا
وكنا بنفس الوقت اخذنا كم ودسته من الشروخ والصواريخ وتغبينا ورى المازدا بإنتظار خروجهم ويوم طلعوا حجرنالهم قبل ما ياصلون السياره بالخناجر
انا: وقفوا ورجعوا اللي اخذتوه والا ...
شوشه: والا وشو خوفتني باللعبه اللي معك
مؤيد: هذي سكين مب لعبه
انا : اسكت انت !! الحين يا ترجعونها يا ..
ويقوم تايدوس ويهجم على مؤيد ويعطيه بوقس ساحق لكن مؤيد شغل المصدات (الكرشه) وصد البوقس ويرد عليه بشوته طيرته مترين وطاح على الأرض
اما انا هجمت على شوشه بالسكين ويوم جيت اضربه ويصوب الشوشه وتطير السكين من يدي
وجا ابو شوشه بيكتمني فيها واشغل النافوره الكبيره واخليها تحسحس الشوشه وعط ابو شوشه وهو يصايح (شوشتي ..شوشتي)
شوي الا القى تايدوس مصوب علي مسدس ناوي يقتلني من بعيد واغمض عيوني من الخوف واسمع الطلقه
وشلون سمعتها قبل ما احس بالوجع <== قلبنا فيزيا
وافتح عيوني والقى مؤيد ضرب تايدوس من مسدس
وسقط تايدوس صريعا...
انا: :!
مؤيد: :cool:
انا: من وين لك هالمسدس ؟
مؤيد: هذا مسدس مهديني اياه احد الأصدقاء
انا: ولا تعلمني ؟؟
مؤيد: خقت انك تعلم الإداره :#
انا: ادينلك بوحده .. بس الحين لازم نتحرك لأنهم بيهاجمونا بجيش كامل
مؤيد: يله
وندعس بالفكتوريا ونطلع على الدائري يوم ما درينا الا براعي لومينا ss قاعد يطاردنا
مؤيد: يؤ وش يبي ذا
انا: اكيد وش يبي يبي يقتلنا
مؤيد: لا انا اقصد وشلون طاير بهالسرعه
انا: مدري عنه بس اهم شي نهج منه
ويقعد مؤيد يفرفر فيه ومن جمب الخط الأصفر ويسحب فيه واخر شي صار ورانا بالضبط وبدا يطلق رصاص مسدسه وكسر القزاز الخلفي
انا: ضيعه ضيعه
مؤيد: وشلون ؟؟
انا: اسحب فيه من قدام التريله ذيك
مؤيد: طيب
ويسحب فيه من قدام التريله ويصقع راعي اللومينا بالتريله ويضطر انه يوقف
انا: وشلون سويت هذي <== متروع
مؤيد: تصدق صدفه
انا: هاه يعني ما كنت تعرف .. بغيت تموتنا
وفي نفس الوقت تجي 3 كابرس ss ومعهم رشاشات ويرشون ام الفكتوريا ومؤيد يحاول يوخر عن الرصاص
انا: والحين وش الحل
مؤيد: الحل معي انا
انا: وشو ؟؟
ويضغط زر اللي يشغل المسجل
انا: رايقين لمسجل يا خبل
مؤيد: اصبر شوي منب مشغل المسجل
انا: اجل وشو
مؤيد: ناظر وتدري
وينفتح المسجل ويطلع وراه لوحة تحكم ولا طياره ويضغط مؤيد 3 ازرار منها الا احس ان صواريخ ورى السياره اشتغلت وقامت السياره تنطلق تقل صاروخ
مؤيد: يمديك
انا: وشو هذا
مؤيد: هذا تيربو صممه اليكس للحالات الطارئه زي هذي
انا: طيب وشلون سويتيو عليه تجارب بدون ما يدري احد
مؤيد: هو لازم تجارب <== خبل
يوم ابعدنا عنهم الا سمعنا شي خبط ورى ثمن سمعنا انفجار غطا شنطة الفكتوريا طار واشتغلت الصواريخ والشروخ تشوفنا كننا بعيد الفطر
ووقفنا عند العثيم واخذنا لومزين ورحنا لبيتنا نبي نرتاح
------------------
التكمله بتكون عند مؤيد
MoaeD
04-09-2002, 06:39 AM
يوم وصلنا لم بيت عبود فتح المجلس وشغل المكيف وجا بيدخل وانا وراه يوم التفت علي
عبود: احم
انا: عسى ما شر وش فيك ؟
عبود: احم احم احم
انا: وشو عسى ما جاك شي من الصواريخ والشروخ
عبود: ياخي افهم وش معنا احم يعني فيه احد بالبيت لا تدخل
انا: وش دراهم عن بيتكم
عبود: مب هم يا ذكي قصدي فيه مرتي لا تدخل
انا: اييييه علشان كذا
ونريح ببيته ونطلع ندز لأليكس يوم وصلنا لمه وندخل لمعمله
عبود: دريت انك بغيت تذبحنا يا اليكس ؟
اليكس: وشلون ؟!
عبود: بالتيربو اللي مركبه لمؤيد
اليكس: بس وين نجربه يوم نركبه وهو قبل المهمه بشوي
مؤيد: خلاص اهم شي انها مرت على خير
اليكس: طيب الحين انتم جايين تحاسبوني ولا تبون شي <== صريح :p
انا: لا حنا جايين ناخذ منك سيارة واسلحه
اليكس:طيب
ويفتح باب كراج وتطلع سيارة
اليكس: هذي اخر ابتكاراتي هوندا اكورد مضاده للرصاص مركب فيها سرعتين تيربو توصل سرعتها الا اقل من 450 كيلومتر بالساعه
انا وعبود: واااااو
اليكس: خلوني اكمل .. فيها انظمة حماية يعني ما تفتح الا بهالريموت ولا المفتاح حقها
انا: حلو عطني المفتاح طيب
اليكس: معصي<== الكلمه المعهوده:p
انا: ليه
اليكس: ميلسي هو المقرر انه يسوقها
عبود: ":"
انا: :(
ويستلم عبود الأكورد وننطلق
عبود: القياده بتحط معنا عضوين جدد
انا: يووه بس تراي ابركب قدام ما ابي ورى
عبود:وش عليك كله واحد قدام وورى
انا: لا قدام يعني قدام
يوم رحنا للمكان المقرر فيه اللقاء لقينا انجل وملوك:!
انا: يحطون معنا بنات:!
عبود: وانت وش وراك ؟
انا: لا هذي مهزله
عبود: شف ما عجبك لازم تبارز وحده منهم واذا فزت تقدر تعترض
انا: بس يعني بس اطعنها خلاص اختار ملوك<== ما يدري وين المبارزه معه :p
واكيد فازت ملوك
انا: لا لا غش
عبود: اركب يبن الحلال خل نمشي ورانا عصابه...لاتقز المرايه كثير تراني اشوفك---->لعين:P
انا: وين وين :!
انجل: لا مو ورانا الحين يعني لازم نروح نوقفهم
وننطلق لم المركز الرئيسي للعصابه في خشم العان يوم دخلنا خشم العان ما فيه احد الشوارع هاديه والطرق فاضيه شوي الا نشوف موكب تفحيط بالجهه الثانيه وفي طليعته المازدا حقت شوشه
انا: هذولا هم
عبود: طيب والمطلوب
انا: وش جايين حنا نسوي ؟
عبود: نوقفهم عند حدهم
انا: يله
عبود: يله خل نروح
انا: نروح بدون خطه :!
انجل : انا عندي خطه
انا: نورينا
انجل: الخطه هي اننا نحاصرهم مع جميع الجهات
انا: هاه :! وشي هذي ؟ لا لا ما تصلح
ملاك : انا عندي خطه سنعه
وتسرد الخطه الإستراتيجيه
يوم جا مل سي من قدامهم مشغل توباك وفاتح الفتحه ويرقص ومعه ملاك تسوق
في الجهه المقابله كان عربجي مع لينا بالمازدا
شوشه : منهو هذا
لينا: هذا ملسي اللي فرك مننا بالدائري ومعه وحده
شوشه: افتحي الفتحه بسرعه ابطله اقنصه
لينا: طيب
شوشه: اي اي افتحيها كلها
لينا: انا فاتحتها كلها
شوشه: لكن عجزت اطلع
لينا: وده يبيله سؤال ! اكيد الشوشه منعتك
شوشه: يا رجال اقتلوهم
يوم ما دروا الا بهجمه من جهتين بالشروخ والصواريخ والرشاشات مني انا وانجل
ويحصدونهم حصد والرصاص يطير من الجهتين ومات من مات وفرك من فرك واصيبت انجل مع اصبعها لين ما بقى الا ابو شوشه ولينا
انا: انزل يا ابو شوشه وعلمن وين مقر خوباج بسرعه
شوشه: لن ايأس ابدا لن استسلم سأخلص الشوشة من كل الأعداء <== متأثر :p
انا: ما علين لا أحلق شوشتك وين خوباج
شوشه: هاه كلش الا شوشتي خوباج تشوف المصنع هذاك وراه .. بس ما فيه امل انك تقرب من المبنى الرئاسي حقه لأنه محصن
انا: يصير خير
ويهجم علي من الخلف ويخنقني بالشوشه لين قتله عبود شر قتله
واتجهنا للـ(قصر الرئاسي) اللي فيه خوباج ....
بيكمل عبود :)
MEL C
04-09-2002, 06:40 AM
واتجهنا للقصر الرئاسي يوم وصلنا :!
كوخ من خشب مكسر نصه مكون من غرفه واحده
يوم قربنا منه ويطلع كلام غريب You must stop the magic before go in
خخخخخ لا امزح يوم قربنا ويطلع اربع جنود محترفين كونق فو
انا : كل واحد يتولى واحد
مؤيد وملاك وانجل: طيب
انا قمت اضارب فيه واوخر عنه واضارب فيه لين اخر شي باغته وحطيتله منوم
اما مؤيد فشغل المصدات كالعاده (الكرشه) وصد جميع الضربات واطلق الغازات السامه اللتي القته صريعا
اما انجل وملاك فقتلوا كل واحد منهم بمهاره
يوم دخلنا لقينا بانانا وخوباج في وضع رومانسي يرقصان على الحان الموسيقى الهادئه
خوباج: ملسي لقد اتيت الى الموت بقدميك
مؤيد: لا والله جا بالأكورد اللي برى
انا: اسكت انت هو يهددني
بانانا: هازولا هما مؤيد وعبود ها ها ها هزولا هزموا جيشنا هاهاها انا بكتلهم بيد واحده باس
مؤيد: من وين جايبين هالشغاله :p
خوباج: حبيبتي شغاله والله اوريك
ويطلق خوباج كرشته على مؤيد وترتطم بع لتصقطه نصف ميت على الأرض
اما بانانا فأنطلقت على ملاك ومخشتها بأداة سامه وطاحت على الأرض
وقت انا ملاك ومؤيد سانتقم لكم ويطلق رشاشه على خوباج وتنط انجل على بانانا ويصير قتال عنيف
والرصاصات بدأت تنهال على خوباج بغزاره يوم وقف لقاها كلها مرتده ونسمع صوت غريب
تسسسسسسسسسسسسسسسسسسسسسسسسسسسس
غريب من وين ! يوم قربت الى انه من ثقب في كرشة خوباج شوي الا بدا يترنح كأنه زرافه مخدره---->والله من زين التشبيه
خوباج: سامحيني يا عزيزتي فلم اجد الا قلبي ليكون فداء لكي
بانانا: لااااا كوباج انت خبيبي لن اترك تموت وحيدا وا سأنتقم لك
وفي نفس اللحظه تطعنها انجل وتموت وتقول: اخيرا يا خوباج معا في الجحيم للأبد...
وفي المستشفى
انا: الحمد لله على السلامه مؤيد خير انشاء الله
مؤيد: ابد يقولون فيه رضوض وضلع مكسور
انا: يقولون ان وزنك خاف شوي
مؤيد: هااه لا لا جبلي دجاجه بسرعه خلني اعوض
انجل: انت ما تشبع ابد
ونضحك كلنا
تدخل ملاك: يا ناس وش فيكم على مؤيد خلوه في حاله وجيبوله دجاج
انا: انتي بس شخبارك عقب المخوش
ملاك: ابد بس تسممت ولولا الله ثم التيربو يمكن ما لحقتوا علي الله يخليكم
انجل: بس اهم شي يعني اهم شي <= وشو ذا:!
ملاك : ايه ايه <== مسويه فاهمه :6
انا: ايه صح حوب تحتريني اعلمها بمغامرتنا وبأكتبها بالنت يله سلام
(مقوله على الطاير..الحوب اساس الحياه)
==========
هاه وش رايكم بالقصه ماشيه ولا لأ
وتراها جزء واحد لعيونكم بس يعني لحد يقول كمل كمل :p
واحب اشكر مؤيد على جهده الكبير في تأليف هاذي القصه:)
D0WN~T0WN
04-09-2002, 06:54 AM
?:
متى تنشرونها بالمجلة
(انت قلتلي عدلها)
Undine
04-09-2002, 06:59 AM
هههههه حلوه :D مشكورين على القصه :D
عماد 18
04-09-2002, 07:09 AM
سجلوني متابع ..
راح اقراها لما اكون بكامل قواي العقلية ?: ..
tidusxxx
04-09-2002, 07:13 AM
يا طووووووووووووووووووووووووووووووووووولها..
باحفظها واقراها:D
الله الله الله
تبيني يا سيسو<------دلع ميل سي
اقرا كل ذي مره وحده
لو بتسدد فاتورتي حقت التليفون اقراها:D
لا بس صراحه قصه رهيبه<------- طبعا هذا لو قريتها:p
راح اقراها و احط رأيي :)
Y a z e e d
04-09-2002, 09:29 AM
:D ههههههههههههههه
والله عليكم قرقعة :D :p
اما خوباج فلة هو وبنانا :6
ثوكرن ونبي زيادة من سلاسل ارثر كونان دويل (( مؤيد و مرسي :p ))
":"
بس هاذولي مع عكشن شوي :6
RPG_master
04-09-2002, 10:16 AM
هههههههههههههههههههههههههههههه:D :D
صراحة قصة رهيبة من جد:0)
بس قتلتوني بكل وحشية:" :"
ومين راعي اللومينا هذا:6
انا مدري منهو بس بما انه صدم ايقنت وتأكدت انه سنفور:p
اجل مترأس موكب تفحيط انا ووجهي:#
مشكورين صراحة دوري اعجبني:-)
وحركة الشوشة القتاليه بعد:6
مؤيد: لا لا غش
انت كل شي غش ترا عثمان موب هنا:أفكر: :6
العمدا
04-09-2002, 11:49 AM
بخخخخخخخخخ :p :p
قسما بالله روعه ...
وحلاتها انه فى جزء واحد ..
صحيح تمصعت عيونى وانا اقراها :!
بس والله ابدااااااااع :D
تسلموووووووووووووون ...
شوشه: لكن عجزت اطلع
شف البراءه :p
silverpaco_101
04-09-2002, 01:36 PM
خخخخخخخ غطيتوا على المافيا يا شيخ:6
احمـ 9000 ـد
04-09-2002, 01:38 PM
خخخخخخخخخخخخ
حلوة جد>>بس يقولون حرام الحريم يسوقون عندكم
====>خوباج فشو دبته
كهااااااااااخهااااااااخ==>ضحكة جديدة!!
~MâLâK~
04-09-2002, 02:03 PM
هههههههههههههههههاا حلوووووووووووووووووووه حوووووب ومؤيد تسلموووون على القصه الخطييييييييييييره من جد واحلى شي الثقب في كرشة خوباج :D :D
رهيبيييين وكثرو منهاااا:D :0)
ياللهslaaaaaaaaaaaaaaaaaaaaaam
ez2dj
04-09-2002, 02:24 PM
ههههههههههه
قصة حلوة الصراحة وتسلم إيدكم
بس لو دخلتوا باباسنفور إلي كان يلحقكم في اللومينا :6 <==لاتقولون أنه فكرة شوشان لأني مندمج كنت في القصة ولا قريت الردرد :6
وأتحفونا بالمزيد
أوووه صح متى بتكمل القصة <===خربها :p
RPG_master
04-09-2002, 02:30 PM
لاتقولون أنه فكرة شوشان لأني مندمج كنت في القصة ولا قريت الردرد
شلون ما قريتها وعرفت انها فكرتي":"
ez2dj
04-09-2002, 02:40 PM
الرسالة الأصلية كتبت بواسطة RPG_master
شلون ما قريتها وعرفت انها فكرتي":"
والله كنت أقرا القصة وجتني الفكرة ....بس أول مانزلت شفت ردك عليه :6
فهمت
باباسنفور
04-09-2002, 04:50 PM
هههههههههههههاااي منسمين حتى الموت...
بس ليش تجيبون طاري اللومينا :"
ياخي ليش دايم انتم تحاولون تعذبونني:"
<... مجروح و جرحه كبير:6
لا بعد يلمحون مو بطريقه مباشره ":"
MetalGear
04-09-2002, 04:54 PM
قصة رهيييييييييييييييييييييييييييييييييييييييييييييييييييييييييييييييبة :p :p
مشكوريييين :D
مو كانه ذا الفيلم الهندي الي جابوه أبو ظبي قبل أسبوع؟
أوخسhttp://dreams-mix.net/forum/images/smilies/deal.gif
E:man
04-09-2002, 06:52 PM
هغغغغغغغغغغغغغغغغغغغغغغغغغغغغغغغغغغغ حركه والله حركه :D
ذكرتوني بايام نف نف وعصمان تهيء تهيء:"
الموووووووووووووهم ينطيكم العافيه وكثروا منها اوتسي :D
Angel whisper
04-09-2002, 07:52 PM
هههههههههههههههااااااااااااااااي
والله اني طلعت خطيرة ":" ...
لااااااا وقتلت بنانا بعد :p
ومخليني انا وحبيبتي ملوكه مسوين ثنائي رهيب ":" ..
بس والله ابدعتووووووو
ما شاء الله عليكم قصتكم رهيبة ..
نريد المزيد :p
وتسلمون ومشكوووووورين :) ..
وش هالابداع ذا الله يحفظكم:p لا بس قصة زي الي الفوها مصرقعة:D
Auron
04-09-2002, 11:02 PM
الله يقطع ابليسكم
ملاحيس:6 (ملحوس=مصرقع=مهتسر كلو سوا سوا سمسم عزبه:6 )
عاد مو توقفون عطونا قصص بعد":"
rushin_911
05-09-2002, 12:58 AM
حلوة :) قصة رهيييبة :)
نتمنى نشوف قصص أخرى بإذن الله :)
D0WN~T0WN
05-09-2002, 01:09 AM
وين الممثل القدير دي جي؟؟
يعني لاتصدقون الاشاعات اني اعتزلت لا انا قادر على العطاء سنين متى بتعطوني دور?:
the king 2pac
05-09-2002, 01:26 AM
ههههههههههههههههه
والله انكم زحف
HArb200
05-09-2002, 09:20 AM
خخخخخخخخخخخ .. يذكرني بفيلم مدري وشهو :": ..
ZAYERMA7
05-09-2002, 12:46 PM
الرسالة الأصلية كتبت بواسطة HArb200
خخخخخخخخخخخ .. يذكرني بفيلم مدري وشهو :": ..
خخخخخخخخخ
القصة حلوة
حرب مسوي لي حضر في المسنجر ؟؟
sas_com3
05-09-2002, 10:26 PM
خخخخخخخ
ابداع فانتستك ":"
اجل صوت اسسسسسس << قصطعت مصاريني الله يهديك :D
اول فلم سعودي :p
ahla game
04-02-2003, 09:44 AM
السلام عليكم
احلى فيلم راح ارشحوا يخليه المركز الاول في الU.S OFFICE :D :D
قصه روعه و يا ريت اكثر :)
جميع حقوق برمجة vBulletin محفوظة ©2024 ,لدى مؤسسة Jelsoft المحدودة.
جميع المواضيع و المشاركات المطروحة من الاعضاء لا تعبر بالضرورة عن رأي أصحاب شبكة المنتدى .