تسجيل الدخول

مشاهدة النسخة كاملة : شيئ يقهر فعلا ...


mayadah
04-09-2002, 02:44 PM
هااااي

السلام عليكم ورحمة الله وبركاته..

صراحة فيه موضوع قاهرني ومعقدني ومنرفزني...:غضب:

ليييييه بعض الناس يعتبرون الأنمي أنه حق الأطفال (البزارين على قولتهم ) وخاصة في المملكة العربية السعودية ؟؟؟:غضب:


أنا من لما كنت صغيرة أشوف الأنمي وأحبه إلى ألحين بس اللي حولي من أهلي وأقاربي يحتقرون هذا الشي ..:( مدري ليه؟!

صارت لي سالفة في المدرسة .. كانت عندي الحصة الأخيرة فراغ .. فاستأذنت من الأبلة في آخر عشر دقايق أن أروح أجيب أخواني الصغار من اللتمهيدي والروضة ... عشان نرجع البيت بدري وسمحت لي .. فرحت ووقفت قدام الغرفة اللي دايما يحطونهم فيها في نهاية الدوام .. قعدت أطالع وينهم فيه ؟؟ .. مرت وحدة من زميلاتي .. شافتني وقالت : ههههههه .. شكلك قاعدة تطالعين الكرتون معاهم ..!!.... سفهتها بس قهرتني قهههههرررررر:غضب: :غضب: :غضب:

ليه بعض الناس كذا ؟؟:( :( :غضب: :غضب: ?: :"
Honey--Heart
04-09-2002, 05:31 PM
الصراحة معاك كل الحق

وانا أعتبر الي يفكرون بها الشكل رجعية وتخلف


:غضب: :غضب: :غضب:
Dragon Knight 2
04-09-2002, 07:03 PM
الصراحة ما أدري بس من وجه نظري .....
أعتقد أنك تبالغين شوي بكلمة أحتقار .... أعتقد الكلمة المناسبة هي طريقة قضاء الوقت حقك ما أعجبت غيرك ....

و بعدين الصراحة مهوب الأنمي هو إلي يخلي الواحد شخصية.....
الواحد هو يخلي نفسه شخصية.....
و لو خيروني بين يسموني بزر و يسموني رجال فأفضل يسموني بزر و أشوف أنمي و أنا واثق من نفسي أني شخصية مدبرة و متفهمة !!!!!

و لو قالو لي خل الأنمي أقولهم معقولة أخلي موسع صدري عشان أيش؟؟؟؟؟؟؟؟؟؟؟؟؟؟؟؟؟
عشان أنهم يقولون أنه حق بزران؟؟؟؟؟؟؟؟؟؟؟
((يقولون))؟؟؟؟؟؟
الصراحة مانيب مخليها عشانهم (( قالو )) !!!!!!!!!!!!!!

بعدين المفروض كل واحد و راحته و هواياته و المفروض نكون ديموقراطيين!!!!!! و ليس دكتاتوريين!!!!!!!!!

و من هواياتي متابعة الأنمي .....

و في هذه المناسبة هذي قصيدة هجاء كتبتها مع أخي العزيز الملقب بــ ((قمر-نايم-أبو يعقوب)) ((هذا أسماء الدلع حقته)) في هجاء أصحاب ((قالو)) :
قالــــــــــو بــــزر قلــــت هوايتــــــــي *** أسبح و أحمد ربــــــــي و أصـــلي
قلـــــت لهـــــم وش دخلكم فينـــــي *** أولاء عليـــنا و إنا مـــــــــا نــــــدري
تــــرا هــــــذا أسلــــوب حيـــــــــــاتي *** موسع صــــدري و راضييـــــن ربي
تراكـــــم ما تعرفـــــون مغزي الأنمي *** صـــــور و مشــــاعر و أغــــــــانــي
تشوفونها بعيونكم و أشوفها بقلبي *** و أحكـــم عليها حبي في صــدري
و مهما طال الزمن فنفسي و أمالي *** أنه يأتــــي يــــوم يفهمـون كلامي

و سلامتكم ...........
SUPER_SAIYAN
04-09-2002, 08:30 PM
ANIME وبس .. والباقي خس ..

:cool: :cool: والله يعطيكم 1560 عافية كلكم يا محبي الانمي :cool: :cool:
star dragon
04-09-2002, 09:18 PM
اصلا اللي في فصلي يحسبون الانمي للصغار حتى استاذ الدين يتريق عليه يقولي ايش تفكر في الدجتال انا اقول لا انا اصلا مااتفرج في الاشياء المخرفه فيها
Al-RaQmi
04-09-2002, 09:24 PM
وهذي كمان هي مشكلتي من الناس...

تركت هذا المنتدى 3 شهور بسبب هذا بس اقنعني واحد من الاخوان الين رجعت مرة ثانيه ......

وشكرا على الموضوع

الرقمي.....:(
mayadah
20-09-2002, 12:09 PM
السلام عليكم جميعا ...:D

Dragon Knight 2 :
صراحة كلامك رفع معنوياتي .. :D
بالنسبة لكلمة احتقار ... أنا ما بالغت فيها لأنهم فعلا يحتقرون :غضب:
وشعر الهجاء حقكم خطييير ..:D

SUPER_SAIYAN :
شكرا على الـ1560 عافية :D

star dragon :
الأساتذة بعدد :! ....
أنا إذا الأبلة سوت لي كذا أيش أسوي ؟؟ :":
إذا سوت لي كذا ما بهتم لأن أبلة من الأبلات تتكلم عن الأنمي (سوسن) وتقول أنها كانت تشوفه وهي صغيرة وتتمنىلو تقدر تشوفه ألحين :D
يعني لو قالت لي هالكلام بروع أعلمها عشان يتهاوشون .. :D (شرية:": )

الرقمي :
دام هذي هي نفس مشكلتك مع الناس المفروض تتمسك بالمنتدى أكثر لأن فيه اللي مثلك يشوفون أنمي .. ولا أنا غلطانة ؟؟ :D
anime.angel
20-09-2002, 12:23 PM
سلاااااام

اظن هاذي مشكلة الكل
و بالنسبه لي الحل بسيط اجيب الانيمي واطالعه الحالي واذا احد من البزران طلب انه يشوفه اقوله لا ما ينفعلك لما تكبر تشوفه كذا احس بثقه اكبر بعدين والي رتفع معنوايتي اكثر انه اختي الكبيره تشوفه معي :6 تحبه اكثر مني مع كذا ما تطيع تشترك بالمنتدى:غضب:


anime.angel
Chopper
20-09-2002, 12:40 PM
الرسالة الأصلية كتبت بواسطة SUPER_SAIYAN
ANIME وبس .. والباقي خس ..

:cool: :cool: والله يعطيكم 1560 عافية كلكم يا محبي الانمي :cool: :cool:

دائم مستانس ماعمري شفتك معصب ولكم كلكم 1560ألف ألف شكر
المحلل
20-09-2002, 01:59 PM
أهلا فيكم شباب وشابات.......................

صحيح كلامكم كلكم:أفكر: الكل يعتبر غن الأنمي للأطفال مع أن محتواة للكبار انا مثلا أتابع الأنمي لكن بالخفية ودائما من الإنترنت لأن لو واحد شافني:أفكر: ما يحتاج أكمل انا دائما أطالع الأنمي وألحين صار لي يمكن 7 - 10 أفلام شفتهم وانا أحب الأنمي لكن إيش أسوي ما أقدر أجيب الأنمي للبيت يعني لو الإنترنت مو موجود شان ما شفت شي:D ومشكورين على الموضوع:)

باي.....................
روائد555
20-09-2002, 10:45 PM
والله هذى هى مشكله الانيمى بالذات فى السعوديه


لكن والله لو شافو مضمونها والله ماكنو قالو عليها كذا
بعضها بس مخصص للكبار فقط

انا والله بعض الانيمى الى اشوفها فيها لقطات انا نفسى اقرف منها <<<<مثل المشاهد الدمويه مره مثل كينشن

بعض الانيمى تكون فى مرتبه الافلاف وتجيب المراكز الاولى فى امريكا على الافلام العاديه

لكن ايش نسوى العقول متحجره ماتبغى تفهم

انا ابويه لما يشوفنى اشوف الانيمى يقلى انا منت ناوى تكبر وانا ماارد عليه لانى لو وريته الى بتفرج عليه ماكان قال كذا
بس خليه يفكرنى صغير مادام انا واثق من الشىء الى انا بتفرج عليه وواثق من نفسى


وسلامتكم:D :D :D
Arcard
20-09-2002, 10:55 PM
اهيها كلمة وحدة جهلة ومتخلفين :p
aldanger
21-09-2002, 11:12 AM
ههههههههه

بصراحة لما اقرة كلامكم ما اقول عنكم غير مجانين!!!! :D :6 :6

لا و خشينا في التخلف و الرجعية .. و مشاعر و اغاني!!!!!! :D
نا شخصيا عمري 17 سنة و ما عندي مشكلة اقول اني اتفرج دراجون بول زي و كنت اتفرج بوكيمون .. بس انتوا فد مرة طوختوهة .. ليش؟؟؟ لانكم يمكن تعتبرون "الانمي!" او الكارتونات هي كل حياتكم (او اهم شي بالوجود!!) ..!! :أفكر:

يلة .. امطروني عاد بوابل من الاتهامات و الشتائم!! :6
Rewayah
22-09-2002, 08:19 PM
الرسالة الأصلية كتبت بواسطة mayadah
مرت وحدة من زميلاتي .. شافتني وقالت : ههههههه .. شكلك قاعدة تطالعين الكرتون معاهم ..!!.... سفهتها بس قهرتني قهههههرررررر:غضب: :غضب: :غضب:

ليه بعض الناس كذا ؟؟:( :( :غضب: :غضب: ?: :"
لأنهم عنز... :أفكر:
Rewayah
22-09-2002, 08:24 PM
الرسالة الأصلية كتبت بواسطة star dragon
اصلا اللي في فصلي يحسبون الانمي للصغار حتى استاذ الدين يتريق عليه يقولي ايش تفكر في الدجتال انا اقول لا انا اصلا مااتفرج في الاشياء المخرفه فيها
قوله: الصراحة تعلمت أشياء وايد من الديجيتال عجز الكثير من "التربويون" تعليمي إياها... :p
Rewayah
22-09-2002, 08:34 PM
الرسالة الأصلية كتبت بواسطة aldanger
ههههههههه

بصراحة لما اقرة كلامكم ما اقول عنكم غير مجانين!!!! :D :6 :6

لا و خشينا في التخلف و الرجعية .. و مشاعر و اغاني!!!!!! :D
نا شخصيا عمري 17 سنة و ما عندي مشكلة اقول اني اتفرج دراجون بول زي و كنت اتفرج بوكيمون .. بس انتوا فد مرة طوختوهة .. ليش؟؟؟ لانكم يمكن تعتبرون "الانمي!" او الكارتونات هي كل حياتكم (او اهم شي بالوجود!!) ..!! :أفكر:
بالضبط!!
الأنيماي فعلاً أصبح "أهم شيء بالوجود" لبعض الأفراد!!
وأعتقد أن هذا أروع شيء حدث للأنيماي! أي أنه صار له عشاق من كل الأجناس والثقافات!
بل ويحترمونه ويعاملونه كعنصر رئيسي في حياتهم.


الرسالة الأصلية كتبت بواسطة aldanger
يلة .. امطروني عاد بوابل من الاتهامات و الشتائم!! :6
ما أظن!
لأننا مشغولين بشيء أهم من ذلك وحاطينه نصب عينينا! ألا وهو الأنيماي!! :p ههههههه

حياك. -_^
Z.o.Z
22-09-2002, 09:08 PM
شباب أنا أموت في الأنيم

لكن مو يكون حياتي و بس

أنا مثلا أموت بالكرة و بالأكل و بالقراءة و الأنترنت

مو بس أنيم
star dragon
22-09-2002, 09:54 PM
يا روايه اصلا انا افتكيت من الاستاذ هذا ماراح اشوفه خير شر
Rewayah
22-09-2002, 10:25 PM
الرسالة الأصلية كتبت بواسطة star dragon
يا روايه اصلا انا افتكيت من الاستاذ هذا ماراح اشوفه خير شر
وأنا قلت ذلك من باب السخرية من التربويين لا أكثر! :p

زين والله! أرتحت منه! ;-)

بس خل شخصيتك قوية ورأيك ثابت لا تحيد عنه!
ولا تجامل أحداً خشيةً منه!
قول رأيك بصراحة. :)

وبعدين تعالوا...
لا تخلون مثل هالنقاش يكثر وايد ونظل نحنا نفسر وندافع!...

خلونا نتصرف بشكل طبيعي وتلقائي بحيث أنه الآخرين يحسون أنه الكرتون مو بس للصغار بل وأن يشعروا أن نظرتهم للكرتون وأنه للصغار تضعهم في موقف غبي وتصورهم أنهم لا يفقهون شيئاً...

مو كل مرة واحد بيقولكم "الكرتون حق الجهال" وأنتوا تخجلون!
لا... بل خلوهم دايماً يحسون انهم هم الجهال إذا ما قالوا مثل هالعبارات! ;-)

حياكم. :)
DEVIL ON HELL
23-09-2002, 08:21 AM
على طاري القصة أختي كنت مع شباب سهرانين الي الساعة 2 الصباح :"
وقلت لهم

((DEVIL: يالله ياشباب ان بروح البيت

الشباب : وين رايح يابو فلان ؟

DEVIL : والله بروح البيت تاخرت:o

الشباب : تكف أقعد يابو فلان

DEVIL : صراحة ماقدر بروح أشوف الأنيمي(( نسيت نفسي وقلت الأنيمي :D ))

الشباب : شو قصدك بلا الأنيمي

DEVIL : أفلام كرتون :"

الشباب : . . . . . . !!!؟!؟!؟!؟!؟!؟!؟!!؟؟؟!!!!

DEVIL : :أفكر: شو :أفكر:

الشباب : أفة يابو فلان

DEVIL : خير يا بو الشباب

الشباب : توك بزر:0)

DEVIL : (( انا يوم سمعت كلامت بزر ولعت أحترقت :غضب: :غضب: ))

الشباب ::p

DEVIL :انا بزر ياصمرمد :غضب: أنا :غضب:
أقول ياشباب اشوف أفلام كرتون أحسن من أني اجلس معكم :غضب:
بس قاعدين تحشون في الناس زي الحريم :غضب: والله ألي بيقول كلمة زيادة بحط العقال بضهرة سامعين :غضب: ))

يعن ياشباب عادي مدام ان مااسوي شي غلاط مافي مشكلة

وحكمة تقول (( طنش تعش تنتعش لك الاحياة )):D

وأخيرا :" كل شي في الدنياء يبكي

وسلالالالالالالالالالالالالالالالالالالالا:" لالالالالالالالالالالالالالالام يبكي
Arcard
23-09-2002, 08:31 AM
وللة DEVIL ON HELL اقولك هذول ناس عبط ما يفهمون شى وانا الحمد للة عمرى ما قابلت احد من هذا النوع لان كل اصدقائى نفسى
DEVIL ON HELL
23-09-2002, 08:50 AM
الرسالة الأصلية كتبت بواسطة Arcard
وللة DEVIL ON HELL اقولك هذول ناس عبط ما يفهمون شى وانا الحمد للة عمرى ما قابلت احد من هذا النوع لان كل اصدقائى نفسى

صحيح أخوي بس مانقدر نعاتب احد بسب أن ماحد يعرف شو انت قاعد تتكلم فية :" لان الأنيمي مالة شهرة مثل الافلام أمريكاء

بس انا عندي شباب يوم شافون اتفرج علي الأنيمي ماصدقو ان في افلام كرتون حقت الاكبار :! :واو:

صار الشباب يتفرجون معي علي الأنيمي :D

انا أبكي :"

وشباب يبكون معي :" :" :"

شي رهيب يبكي من جد :"
Arcard
23-09-2002, 09:05 AM
لا اخوى انت ما فهمت قصدى انا ما اعاتب احد بس الصراحة اغلب العرب يشوفون الانيمى للصغار وبس واذا قلت انك اطالع انيمى يا ويلك شنو نكت بتطلع عليك وحتى اذا فهمتهم شنو الانيمى الراس يابس ويقعدون يتمسخرون عليك لكن مو معناتها ان كل الناس جذى لا فى ناس وايد تفهم
وبعدين انا ما اقولهم طالعوا انيمى غصب ابيهم بس يبطلون يقولون ان الانيمى للصغار وهذا الى ابى وشكرا :D
DEVIL ON HELL
23-09-2002, 09:12 AM
الرسالة الأصلية كتبت بواسطة Arcard
لا اخوى انت ما فهمت قصدى انا ما اعاتب احد بس الصراحة اغلب العرب يشوفون الانيمى للصغار وبس واذا قلت انك اطالع انيمى يا ويلك شنو نكت بتطلع عليك وحتى اذا فهمتهم شنو الانيمى الراس يابس ويقعدون يتمسخرون عليك لكن مو معناتها ان كل الناس جذى لا فى ناس وايد تفهم
وبعدين انا ما اقولهم طالعوا انيمى غصب ابيهم بس يبطلون يقولون ان الانيمى للصغار وهذا الى ابى وشكرا :D

صح لسانك :D

:"
Arcard
23-09-2002, 09:20 AM
صح بدنك...شوف بة شوية نقاش اتفقنا على مضمون واحد شكرا لك اخوىDEVIL ON HELL :D
orange road
24-09-2002, 02:00 PM
يمكن الجيل اللي اكبر منا ما يعرفون الانيمي
وبعد اغلب جيلي

لكن جيلكم انتوا يعرفون الاكثرية الانيمي ويعشقونه لانهم تربوا معاه
ويجوفونه في كل وقت

بالنسبة لي اتصرف في الموضوع عادي
وبكل فخر اقول للناس اني احب اتفرج على الانيمي
ولما يقولون شنو الانيمي اقول لهم افلام يابانية.. رسوم متحركة يابانية
:) وما ارضى انهم يسمونه كارتون لانه مب امريكي

ولو تدخلون غرفتي بتلقونها مليانة كتب مانجا واشرطة انيمي ومعروضين في المكتبات اللي شاريتهم مخصوص لان رفوفهم بحج كتبي واشرطتي
وعارضة الاشرطة والكتب عادي :)
واي شخص يدخل غرفتي اول مرة افرجه على المجموعة واقول بكل فخر (هاذي مجموعتي من الانيمي .. هي صغيرة :6 لكن انشاءالله بتزيد..)
(اعتقد عندي تقريبا فوق ال 100 شريط.. باعهم المرة الياية وباحط العدد المضبوط)

لا تستحون من هواياتكم
وراوو الناس انكم تحبون الانيمي
ولا تخجلون
انتوا ما تسوون شي غلط :o
Arcard
24-09-2002, 07:02 PM
صح لسانك orange road كلامك على راسى :D :D :D :D
SAZABI
25-09-2002, 01:46 AM
الحل في رأي انك تلاقي ناس زيك و تقضي وقتك معاهم.

انا مع الناس اللي تحب الانمي اتكلم في الانمي معاهم اما اللي ما لهم ما تكلم ببساطه لكن ما شفت احد حولي قال انه تبع بزوره و لو قال اقناعه سهل جدا اخليه يشوف ديفل مان ابوكلبس اف امون اللي شافه واحد من الشباب قلبه رهييف بكي من البشاعه اللي مسويها جوناجاي فيه عنف لابعد درجه.