المساعد الشخصي الرقمي

مشاهدة النسخة كاملة : قضية الاسبوع -3-


Angel whisper
06-09-2002, 11:11 AM
السلام عليكم :) ...

شخباركم وشو مسوين ؟
عساكم بخير وعافية :) ...

احم ..
قضيتنا لهالاسبوع راح تكون عن هالكلمة ..
اللي اعضاء كثار يتمنون يشوفونها تحت اساميهم ..
المراقب ..
او الرقابة بشكل عام ..

فانتو كاعضاء.. شو مفهوم الرقابة عندكم؟؟
وهل تتمنون انكم تصيرون مراقبين؟؟ وليش؟؟

وشو رايكم بالمراقبين في هالمنتدى؟؟ - اتمنى تحطون آرائكم بدون تجريح لاي شخص -

وكثرة المراقبين .. شي ايجابي ولا سلبي ؟؟

امممم ..
وهل برايكم الاعضاء اللي يصيرون مراقبين ..
تتغير معاملتهم لكم ؟؟
يعني يصيرون متكبرين مثلا ؟؟

هذا اللي في بالي الحين ..
ويمكن اضيف اسئلة بعدين ..
سلااام :) ...
MEL C
06-09-2002, 11:43 AM
فانتو كاعضاء.. شو مفهوم الرقابة عندكم؟؟

انا بالنسبه لي مااعتبرها مرتبه تختلف عن العضو إلا انه يقدر يسوي خصائص مب موجوده للعضو..بس
وهل تتمنون انكم تصيرون مراقبين؟؟ وليش؟؟

لا..وليش...مااحب الرقابه
وشو رايكم بالمراقبين في هالمنتدى؟؟ - اتمنى تحطون آرائكم بدون تجريح لاي شخص -

والله اعتبره نص نص يعني اول مره اشوف قرار حكيم من مشرف الألعاب يوم خلا اودن مشرف..واودن الله يخليه ممتاز ماشاء الله عليه...
بس عندك ناس ماتدري وش يبون مثل ليتيكال وفوماستر...مايدخلون ابد..

وكثرة المراقبين .. شي ايجابي ولا سلبي ؟؟

سلبي بالنسبه لي لأنه يحسس الواحد انه مراقب ومسلوبه حريته في الكتابه..

وهل برايكم الاعضاء اللي يصيرون مراقبين ..
تتغير معاملتهم لكم ؟؟
يعني يصيرون متكبرين مثلا ؟؟

على حسب الواحد مثلا عندك آر بي جي ماستر وخوباج الحمدلله عاديين اما في بعضهم -قليل- يتكبرون...


ومشكوره انجل:)
hunk
06-09-2002, 11:44 AM
شكرا على هذا الموضوع الجميل حقا والذي تريدين راينا فيه بكل صراحة وارجو من الاعضاء ان يضعوا رايهم بصراحة ومن دون تردد اما بالنسبة الي فانني ارى ان المراقبين قبل ان يصبحوا في هذه المرتبة يجب عليهم ان لا ينسوا انهم كانوا في احد الايام من الاعضاء ولذلك لا ارى اي تكبر من اي مراقب وانا احترمهم بكل صراحة وهذا راي انا
سلام............زhunk
PS2PS3
06-09-2002, 11:58 AM
مفهوم الرقابة نفس اللي قاله MEL C .
هل أتمنى أني أكون مراقب و الله ما ادري ما فكرت بالموضوع .
ورايي بالمراقبين أغلبهم ممتازين مثل خوباج و شوشان وغيرهم .
أما كثرة المراقبين أعتقد أنها شيء إجابي إذا قسمت الأعمال بينهم أقصد كل واحد يدخل المنتدى بوقت محدد بشرط ألا تكون كثرة مفرطة .
و أما هل تتغير معاملتهم فحسب الشخص خوباج وشوشان عاديين و ليسو متكبرين .

و شكراً .

:)
tidusxxx
06-09-2002, 12:51 PM
فانتو كاعضاء.. شو مفهوم الرقابة عندكم؟؟
شي عادي..
وهل تتمنون انكم تصيرون مراقبين؟؟ وليش؟؟
لا....مالي خلق لعوار الراس....
وشو رايكم بالمراقبين في هالمنتدى؟؟ - اتمنى تحطون آرائكم بدون تجريح لاي شخص -
زينين...ما فيهم شي...بس مشكلتهم يجي وقت ما تلاقي ولا واحد متصل..
وكثرة المراقبين .. شي ايجابي ولا سلبي ؟؟
ايجابي...اذا كانوا يتناوبون...ويدخلون اصلا...
وهل برايكم الاعضاء اللي يصيرون مراقبين ..
تتغير معاملتهم لكم ؟؟
لا...هو على حسب الشخص...
يعني يصيرون متكبرين مثلا ؟؟
والله ما شفت ناس يصيرون مراقبين الا خوباج واينجل وبوب ثينج وكلهم تمام..

:D
HArb200
06-09-2002, 12:55 PM
من اي ناحيه طيب <<يحجر ..

مهيب مشكله بجاوب على سؤال منطقي ويصب في لب القضيه <<بردقان هو !؟ ..





وهل برايكم الاعضاء اللي يصيرون مراقبين ..
تتغير معاملتهم لكم ؟؟
يعني يصيرون متكبرين مثلا ؟؟

جدن .. للأسف .

عشتها بكل لحظه ودقيقه وجزء من الثانيه ... بس متكبرين ماأدري يعني ترى كلمة أن فلان متكبر قويه :) .. لأن لها اسقاطات مخيفه .. وأظن الكل فاهم القصد .

وشكرا على الموضوع الفلاته ..
باباسنفور
06-09-2002, 12:57 PM
موضوع حلووو يا انجيل تشكرين عليه..

بالنسبه لى اعتقد ان الرقابه شرف لاي شخص ..

وهذا تقدير لمجهوةداته وانه مؤهل بين الالاف من الاعضاء ليقود المنتدى ويتخذ قرار ..

وبحد ذاته اتخاذ القرار يبعث للشخص الثقه بالنفس ويوجد النظره السليمه لدى الشخص

غير كذا المراقب مطلوب منه التواجد بشكل دوري يعني لازم يكون متواجد بشكل يومي..

يعطي ربع وقته على الاقل للرقابه وخدمة الاعضاء ..

والباقي يستخدمه كعضو عادي زيه زي غيره..

بالنسبه للى يكون مراقب هل يتغير بعد بعد ان اولى هالمهم؟

بالتاكيد هو لازم يغير شويه من شخصيته عشان الاخرين يحترومونه ويفرض احترامه على الكل..

لكن مو يتغير بمعنى انه يتكبر

لا مو هذا اللى اقصده

تغير يساعده على تادية المطلوب منه على اكمل وجه

عاد مو تترك المنتدى مره وحده وتقول هذا تغيرات مراقب يعطي له شخصيه:0)

لكن هل فيه ناس صاروا مراقبين وتغيروا؟؟

اقول فيه بس واحد او اثنين بس":"

هل تتمنى انك تكون مراقب؟؟

انا اقول اللى يشوف انه قادر على تادية هالدور افضل من الموجودين يحق له انه يطمح للرقابه بل يراسل المشرفين ليخبرهم بوجهة نظره ..

وهذا ماهو عيب ابداً

اما اللى يبي يصير مراقب عشان يستقعد للعالم وعشانه حاقد على فلان ومايداني علان

فاعتقد المفترض انه يجنب نفسه من الرقابه ولايفكر فيها ابداًً

بالنسبه لى بعد ان اصبحت مراقب لم يتغير فيني شىء ففي منتدى الصرقعه عملت مراقب وتعلمت الكثير من تلك التجربه

خسرت ناس وكسبت ناس ..

وهذي ضريبة للرقابه..

لكن اللى خسرتهم انا اتاسف لهم واللى كسبتهم الحمد لله على هالشىء..

تحياتي
عماد 18
06-09-2002, 01:32 PM
بما اني مراقب فما لي حق الا برد واحد :) ..
الرقابة تكليف اكثر منها تشريف ..
بالعكس حسيت اني ارتحت اكثر باسم شيطان و لكن بعد ما تركت هم الرقابة :) ..
MoaeD
06-09-2002, 01:45 PM
الرقابه انا اعتبرها زي عرافة الفصل


هو طالب لكن من واجباته انه يحافظ على هدوء الفصل


مثل كذا المراقب

يحافظ على نظام المنتدى المعين فيه



يعني العريف المفروض ما ينزل مستواه الدراسي بسبب العرافه


نفس كذا الرقابه المفروض يصير عضو مثله مثل غيره ولا تتغير مواضيعه


بالنسبه للتكبر بعد الرقابه

انا ما اشوف ان الأعضاء يتكبرون على الصداقه بسبب الرقابه


لكن اللي شفته العكس


بعض الناس تركوا الرقابه عشان مكسب أصدقاءهم


لكن اللي لاحظته قلة المشاركات


والإهتمام بدخول جميع المواضيع وقراءة جميع الردود


وهذا يؤثر على المستوى



بعدين فيه امر احب اضيفه للأعضاء:


يا شباب مهمة المراقبين شوي صعبه


والإنسان كثير الزلل


يعني لو شفت اي مشاركه غير مرغوب فيها لا تقعد تفتح موضوع جديد


يكفي تبليغ المراقب عن الرد المعين

---
واس اني طولت عليكم :) وشكرا لكاتبة الموضوع :)
Angel whisper
06-09-2002, 01:46 PM
MEL C :
العفو :) ..
وفعلا .. قرار المشرف كان صائب وفي محله ..

hunk :
زين ان وجهة نظرك ايجابية تجاههم :) ..

PS2PS3 :
العفو :) ..

tidusxxx :
يا سلام احنا تمام :) ..
الحين بيكبر راسي ":" ...
امزح :) ..

HArb200 :
هممم ...
الظاهر ان في مراقبين مب زينين في رايك ..
طيب ..
ممكن تقوللنا شو الاشيا السلبية اللي شفتها منهم اذا ما كان عندك مانع :) ؟؟

بابا سنفور :
هو في سالفة تغيير الشخصية ..
المراقب لازم يغير شخصيته ... ولكن للافضل ..
يعني يصير رزين اكثر .. واعقل ..
بس لازم يبتعد عن التكبر .. ولا ما بيحصل وراه الا الحقد والكراهية من الاعضاء ..
والعفو :) ...

عماد 18 :
الرقابة تكليف اكثر منها تشريف ..
هاذي جملة في الصميم ...
وتختصر اشيا كثيرة :) ..
وهو فعلا ..
لما تكون عضو ..
تاخذ راحتك وانت ترد ..
يعني تقدر تتصرف وتكتب اللي تبغيه على كيفك :p
اما وانت مراقب فتحس ان كل كلمة بتتحاسب عليها :o

B.B.Q :
رايك حلو مؤيد :) ..
بس من واجب المراقب ان يشوف كل المواضيع ..
ممكن يطلع رد غلط من هني ولا من مناك ..
صح ان هذا بيقلل عدد ردوده ..
لكنه في صالح المنتدى ..
والعفو :) ...

ومشكورين كلكــــــــــم على ردودكم :) ..
العمدا
06-09-2002, 01:55 PM
وعليكم السلام ..

والله موضووع رائع .. والفكره حلوه ..

بخصوص نقطه التكبر ..

انا ما اعتقد ان الرقابه شي يخلى الواحد يتكبر ..

صحيح هو بيقدر يقفل او يحذف او غيره فى المواضيع ..

بس مهما كان ..

مهيب ذاك الشي الى يخلى الواحد يتكبر او يفتخر بنفسه ..

وبخصوص كثره المراقبين ..

على المنتدى الواحد .. لها سلبيات واجده ..

اهمها اختلاف الآراء .. وغيرها كثير ..

يعنى اعتقد مراقبين اثنين يكفوا ويوفوا على كل منتدى ...

ومشكوره آنجيل على الفكره ...
HArb200
06-09-2002, 01:55 PM
لالا ان شاءالله كلهم زينين ..
. بس عموما <<عموما يعني بكل المنتديات ..

الواحد لاصار مراقب معاد يشارك زي قبل ماأدري ليه بصراحه .. يمكن هذا هو العيب المشترك بكل المراقبين والاداريين ومشرفنا طبعا ..
MoaeD
06-09-2002, 01:58 PM
الرسالة الأصلية كتبت بواسطة Angel whisper

B.B.Q :
رايك حلو مؤيد :) ..
بس من واجب المراقب ان يشوف كل المواضيع ..
ممكن يطلع رد غلط من هني ولا من مناك ..
صح ان هذا بيقلل عدد ردوده ..
لكنه في صالح المنتدى ..
والعفو :) ...

ومشكورين كلكــــــــــم على ردودكم :) ..


بالنسبه لقلة المواضيع


انا هذا كان قصدي


انه المراقب راح يقل نشاطه لأنه راح يشيك على كل المواضيع والردود


وهذي المشكله في المراقبه اللي تخلي المراقب يتغير لا أكثر :)
عماد 18
06-09-2002, 02:48 PM
الرسالة الأصلية كتبت بواسطة HArb200
لالا ان شاءالله كلهم زينين ..
. بس عموما <<عموما يعني بكل المنتديات ..

الواحد لاصار مراقب معاد يشارك زي قبل ماأدري ليه بصراحه .. يمكن هذا هو العيب المشترك بكل المراقبين والاداريين ومشرفنا طبعا ..
قلة المواضيع انا معاك ..
لكن المشاركات اظن مشاركاتي تتحدث اكثر مني ":" ..
Lena
06-09-2002, 02:58 PM
السلام عليكم
تسلمين انجل حبيبتي عالموضوع
انت دائما تتحفينا بالاروع:)


اما عن الرقابه فللاسف ما اعرف عنها شي:": عشان كذا ما اقدر اتكلم


اما عن اني اصير مراقبه
ما اتمنى لاني شاريه راسي:D


بس الله يكون بعون المراقبين
ويساعدهم
لانها مسوليه

واما عن كثره المراقفبين ما تعجبني:(

علجبني كون هذا المنتدى اقصد العام مراقب من اخوين احس شي رائع كل ما تعب واحد
مسك دوره الثاني:D


ومشكوره انجل ما قصرتي:)
ez2dj
06-09-2002, 07:14 PM
موضوع رائع أنجيل وراح أرد على بعض أسئلتج :)


فانتو كاعضاء.. شو مفهوم الرقابة عندكم؟؟

مفهوم الرقابة عندي ..أنه هذا الشخص مختارينه ليراقب المنتدى ويشرف عليه ..وليس للتفاخر فيه ويقول أنا عندي خاصية الطرد وأقدر أمسح ردك وأقدر أحرره وغيرها
====

وهل تتمنون انكم تصيرون مراقبين؟؟ وليش؟؟

أنا أول مادخلت هذا المنتدى صراحة راودتني هذي الفكرة ....لكن بعد ما أحتكيت فيه ..عرفت أن شغلت الرقابة يبالها مسؤولية ونظام ومقابلة المنتدى في أكثر الأوقات ...وهذا إلي ما أقدر عليه
وأنا الحين أحس الرقابة تعب
=====

وشو رايكم بالمراقبين في هالمنتدى؟؟ - اتمنى تحطون آرائكم بدون تجريح لاي شخص -

والله الصراحة في مراقبين ماشاء الله عليهم ماسكين المنتديات ... لكن البعض الله يهداهم هالمراقبين يشوفون الرقابة بأنها تفضيل على الغير وأنه محد يقدر عليهم

======

وكثرة المراقبين .. شي ايجابي ولا سلبي ؟؟

اممم ....يمكن يكون إيجابي إذا كان هالمراقبين مايدخلون المنتديات لفترات طويلة لانه زميله في الرقابة يسد فراغه ....أما عن سلبياته ما أعرف ?:

=======


وهل برايكم الاعضاء اللي يصيرون مراقبين ..
تتغير معاملتهم لكم ؟؟
يعني يصيرون متكبرين مثلا ؟؟

أكيد يتغير ...ويحاول يكون الأفضل ويثبت بأنه جدير بالمراقبة ... ومراقبينا لين الحين ماتكبروا علينا :p

=========

Angel whisper : أنتي نسيتي سؤال مهم وهو :-

إذا كان في مراقب قديم وكان من أفضل المراقبين يغيب لفترة طويلة بسبب ظرف أو طارئ معين
ويأتون أعضاء جدد ماشافوا من هذا المراقب مواضيع ويقولون هذا الشخص عنده واسطة كبيرة من المشرف ...

شو رايكم هل يستمر في الرقابة أو أنه يغيرونه وينسون فضله في هذا المنتدى ؟؟؟

وهذا الشي أنا شفته في منتدى البلاي ستيشن العام


========
و أدري أني تفلسفت زيادة في الموضوع :6
ومشكوووووريشن على الموضوع









======

عماد 18 : معقوولة أنته شيطان و لكن ... :واو:

والله توني أعرف أنه أنت ?: .....بس تصدق شيطان و لكن ...
كان أجرأ عنك ويكسر القوانين :6

بس تشوف أنك لصقت علي كلمة معادلة كيميائية صار لقبي :6
الله يسامحك
=========
احمـ 9000 ـد
06-09-2002, 07:37 PM
فانتو كاعضاء.. شو مفهوم الرقابة عندكم؟؟
الرقابة هيبة
وهل تتمنون انكم تصيرون مراقبين؟؟ وليش؟؟
ايه علشان الشباب يهتمون بالمراقب اكثر من العضو


وشو رايكم بالمراقبين في هالمنتدى؟؟ - اتمنى تحطون آرائكم بدون تجريح لاي شخص -
المنتدى الصراحة يبي له زيادة مراقبين==>لا تصدقونه يبي يصير مراقب


وكثرة المراقبين .. شي ايجابي ولا سلبي ؟؟
ايجابي علشان اذا واحد تخلف يجي الي بعدو

امممم ..
وهل برايكم الاعضاء اللي يصيرون مراقبين ..
تتغير معاملتهم لكم ؟؟
لا ابدا عادي

يعني يصيرون متكبرين مثلا ؟؟
لا خاصة خوباج وشوشان كانهم اعضاء
ما فيهم تكبر



;)
Anima
06-09-2002, 09:47 PM
الرسالة الأصلية كتبت بواسطة B.B.Q
الرقابه انا اعتبرها زي عرافة الفصل


هو طالب لكن من واجباته انه يحافظ على هدوء الفصل


مثل كذا المراقب

يحافظ على نظام المنتدى المعين فيه



يعني العريف المفروض ما ينزل مستواه الدراسي بسبب العرافه


نفس كذا الرقابه المفروض يصير عضو مثله مثل غيره ولا تتغير مواضيعه


بالنسبه للتكبر بعد الرقابه

انا ما اشوف ان الأعضاء يتكبرون على الصداقه بسبب الرقابه


لكن اللي شفته العكس


بعض الناس تركوا الرقابه عشان مكسب أصدقاءهم


لكن اللي لاحظته قلة المشاركات


والإهتمام بدخول جميع المواضيع وقراءة جميع الردود


وهذا يؤثر على المستوى



بعدين فيه امر احب اضيفه للأعضاء:


يا شباب مهمة المراقبين شوي صعبه


والإنسان كثير الزلل


يعني لو شفت اي مشاركه غير مرغوب فيها لا تقعد تفتح موضوع جديد


يكفي تبليغ المراقب عن الرد المعين

---
واس اني طولت عليكم :) وشكرا لكاتبة الموضوع :)


كلام جميل

وانا معاك





واضيف واقول ان المنتدى مو ناقص الا مشرف يتابع ويهتم بالمنتدى


وشكرا على الموضوع والقضيه الحلوه
DNA
07-09-2002, 01:33 AM
انا صصراحه مابدي اصير مراقب لانها لازم اكون متفرغ:o بس انا مشغول بالهم الجامعه


وعلى فكره انا لي عتب ع مراقب واحد بس....:6 عماد 18


:6 مش عارف احس ان حضرتك عصبي او مزاجك مش رايق:) :6 بس


ولي ملاحظه على كوباج:6 ...انت عسل وشوشه كمان

وانا مااحب مراقبين كتير صراحه:6 يامراقبين...سايبين الشقه وقاعدين ف اوضه وحده :6 ؟؟
MetalGear
07-09-2002, 02:48 AM
فانتو كاعضاء.. شو مفهوم الرقابة عندكم؟؟
هو مراقبة المواضيع والردود واصلاح مايمكن اصلاحه والاشرف عليه وزي ماقال واحد من الاخوان ان الرقابة زي عرافة الفصل (وذا شي يسعى اليه الكثير وانا منهم)

وهل تتمنون انكم تصيرون مراقبين؟؟ وليش؟؟
نعم اتنمى ولكن ..... ليس الان ==> متى ؟؟ ====> عندما استحقها واصل لمرحلة استطيع ان اصل لمرحلة المراقبين . اما (ليش) ؟؟
ما ادري يمكن لأني شخص صفة القيادة تمشي في عروقي حتى بين اصدقائي والمدرسة

وشو رايكم بالمراقبين في هالمنتدى؟؟ - اتمنى تحطون آرائكم بدون تجريح لاي شخص -
بصراحة رائعين - ولكن فيه مراقبين ولا مرة قد شفت لهم رد ولا موضوع (يعني مالهم داعي)

وكثرة المراقبين .. شي ايجابي ولا سلبي ؟؟
ايجابي بالنسبة للمنتدى طبعا
وسلبي لبعض الناس الخوافين ، فيحس من انه مراقب من كل جهة فلا يستطيع انه ياخذ راحته بالكلام

امممم ..
وهل برايكم الاعضاء اللي يصيرون مراقبين ..
تتغير معاملتهم لكم ؟؟
يعني يصيرون متكبرين مثلا ؟؟

على حسب معدن الشخص


وشكرا انجيل على الموضوع الرائع @!
flarestar
07-09-2002, 10:37 AM
السلام عليكم :) ...

وعليكم السلام

شخباركم وشو مسوين ؟
عساكم بخير وعافية :) ...


الحمد لله عال العال


فانتو كاعضاء.. شو مفهوم الرقابة عندكم؟؟

و الله مادري بس عندهم خصائص غير الاعضاء

وهل تتمنون انكم تصيرون مراقبين؟؟ وليش؟؟
لا ما اتمنى لا نها مسؤليه


وشو رايكم بالمراقبين في هالمنتدى؟؟ - اتمنى تحطون آرائكم بدون تجريح لاي شخص -

و الله مافي احسن من خوباج و شوشان و عماد

وكثرة المراقبين .. شي ايجابي ولا سلبي ؟؟

لا بالعكس عادي مو سلبي

امممم ..
وهل برايكم الاعضاء اللي يصيرون مراقبين ..
تتغير معاملتهم لكم ؟؟
يعني يصيرون متكبرين مثلا ؟؟

مو كلهم على حسب الشخص نفسه

هذا اللي في بالي الحين ..
ويمكن اضيف اسئلة بعدين ..

و حنا ننتظر


سلااام :)

وعليكم السلام:)
E:man
07-09-2002, 11:20 PM
فانتو كاعضاء.. شو مفهوم الرقابة عندكم؟؟

انه معطكى مسؤولية حفاظ على المنتدى يعني انه شخص يستحق الثقة (عادة)

الي اعطيت له

وهل تتمنون انكم تصيرون مراقبين؟؟ وليش؟؟

شخصيا انا صرت وتركتها بنفسي لذلك طبعا لا

وشو رايكم بالمراقبين في هالمنتدى؟؟ - اتمنى تحطون آرائكم بدون تجريح لاي شخص -

والله ماني شايف منهم اي اخطاء تذكر ولله الحمد يعني خدومين كثير وما فيهم

عنجهية <<<جايبها من كتاب النصوص ثالث متوسط ;P

وكثرة المراقبين .. شي ايجابي ولا سلبي ؟؟

شوفي هي على اساس المراقب نفسه يعني فيه مراقبين لو شاف ان الي معاه

كثار يهمل اما فيه بعضهم لا يجتهد يعني على اساس المراقب نفسه


تتغير معاملتهم لكم ؟؟

ما ظنيت

يعني يصيرون متكبرين مثلا ؟؟

ما ظنيت لاني حتى الآن ما شفت ز كذا

وشكرا :D
The-Omen
08-09-2002, 05:57 AM
الرسالة الأصلية كتبت بواسطة BOY_THING
فانتو كاعضاء.. شو مفهوم الرقابة عندكم؟؟
قبل لا اصير مراقب .. كنت احترم المراقبين .. , و اعرف ان هاذي مسؤليه .. كبيره .. يعني .. لازم تحاول ترضي الأعضاء بشتى الوسائل . و في نفس الشي تحافظ على النظام .. و هذا عرفته بعد ما صرت مراقب . و بصراحه شغله مرهقه ..

وهل تتمنون انكم تصيرون مراقبين؟؟ وليش؟؟
لقب الرقابه .. سلم لأشخاص .. تم دراستهم من المشرفين .. على مدى . .. العضويه .. و اتوقع ان 99 في الميه من المراقبين .. استحقوا الثقه .. اللي سلمت لهم ..

وشو رايكم بالمراقبين في هالمنتدى؟؟ - اتمنى تحطون آرائكم بدون تجريح لاي شخص -
شهادتي مجروحه.. فيهم لأني احدهم .. لكن .. ممتازين .. و محافظين على اساس المنتدى ..

وكثرة المراقبين .. شي ايجابي ولا سلبي ؟؟
سلاح ذو حدين .. فأذا كثر المراقبين .. يقدرون يمنعون .. اي موضوع .. غير اخلاقي .. و وو الخ .. لكن في نفس الوقت .. يحصل خلاف مع المراقبين نفسهم في بعض وجهات النظر ..

امممم ..
وهل برايكم الاعضاء اللي يصيرون مراقبين ..
تتغير معاملتهم لكم ؟؟

لا و الف لا .. و مثل ما قال اخوي العمدا و الأخوان .. لازم المراقب يفرض شخصيته .. على الأعضاء .. و هذا لا يسمى .. تكبر ..
بس المشكله الأساسيه .. ان بعض الأعضاء يحاولون ..يستفزون المراقب بأي شكل من الأشكال .. ثم .. اذا اعطاهم كلمه قويه .. او سكر موضوع .. ماله داعي قالوا .. تغير !!!!

و احب .. اشكر انجيل على الموضوع ...


99 في الميه استحقوا الثقة؟؟؟
والواحد المكمل للمءة وين راح؟؟؟؟
لمن تلمح؟؟
خبرني ولو على الخاص;-)

اكي اتجي اجي جي:D :0) :D
The-Omen
08-09-2002, 06:16 AM
استهبال زياده منك ..وانا راح اوريك المهزله


على اصولها ..بس ورني زياده ردود سخيفه منك ..!!
aoks
10-09-2002, 02:45 AM
والله الرقابة المفروض انها ما تنعطى لأكثر واحد يكتب مشاركات...ألمفروض انها تنعطى لأكثر واحد يكون في المنتدى الفلاني..لنه بيكون يرقابه ويشوفه ويشوف وش يصير فيه....

اما واللهكثرة امراقبين حاجة سلبيه طبعا...

وشكرا

ردي مختصر صح:D
Gio
10-09-2002, 09:34 PM
اول شي خلي المعانديد يفتحون قسم اغاني بعدين افكر وش ذا المفهوم هع " إذا صرت مراقب :p و هذا لن يحدث ابدا :o "

Neva Eva My Niggaz
ستيف بورنسايد
11-09-2002, 08:05 AM
الرسالة الأصلية كتبت بواسطة Eminem191
اول شي خلي المعانديد يفتحون قسم اغاني بعدين افكر وش ذا المفهوم هع " إذا صرت مراقب :p و هذا لن يحدث ابدا :o "

Neva Eva My Niggaz
ويلكم باك امينم:D
Anime-Girl
11-09-2002, 10:21 AM
انا ويني عنكم بالله:D
المهم ..الحمد لله قدرت يدي تطق الفاره وادخل العام..
منتدى الانمي ذابحني بالتنظيم..?: >>تبي ترويكم انها تشتغل زي الناس:p ,المهم نرجع للموضوع ..
مادودني اثرثر..بس من جد اول ما اخذت الرقابه كانت فرحتي كبيره
لانه المشرف وغيره قدروني وانتبهوا لجهدي ومشاركاتي:)
بس بعدين عرفت انها ثقيله علي ..غير انه في شياطين في المنتدى مطلعين روحي وكل سب وصور ..الله لايوريكم,لا باسمي بعد..?:
على العموم هي مسؤليه صراحه ,وبديت احس ان الكل كارهني بس يجامل,مع اني بذلت جهد كبير في انماء منتداي ...بس ولاشكر ولاشئ
ليييييييييييييييييييييش:" :" >>>يابنت الحلال لانك بنت هذا السبب
البنت طول عمرها مضطهده من اول العصور..?:
للاسف حقيقه الامر..والزمان كله من بدايته الرجال هم المسيطرين واحنا مالنا قيمه للاسف..دايم حاطينه في الركن ..بس ياخذون اللي يبونه من خدمه وغيره وبعدين باي باي:!
قلبت الموضوع صح...بس صراحه الرقابه بدت تصيب صاحبها بالمرض وزيادة الهموم والتفكير..والله يسامح الكل على ظلمهم لنا احنا المراقبين..:)
وشكر لك يااينجل على الموضوع دائما تتحفينا بالاشياء الرائعه,لانك قمه
وانتي من الاول تستاهلين الرقابه.;)
واسفه لو قلبت الموضوع نكد ,يمكن لاني فقدت صديقه عزيزه لي ..
قمت وكتبت كذا..
RPG_master
11-09-2002, 06:17 PM
على العموم هي مسؤليه صراحه ,وبديت احس ان الكل كارهني بس يجامل,مع اني بذلت جهد كبير في انماء منتداي ...بس ولاشكر ولاشئ
ليييييييييييييييييييييش >>>يابنت الحلال لانك بنت هذا السبب
البنت طول عمرها مضطهده من اول العصور..
للاسف حقيقه الامر..والزمان كله من بدايته الرجال هم المسيطرين واحنا مالنا قيمه للاسف..دايم حاطينه في الركن ..بس ياخذون اللي يبونه من خدمه وغيره وبعدين باي باي


في نقطه بغيت اوضحها لك من زمان..


الي هي انه اذا كان فيه متخلف او اثنين بمنتدى الأنمي وحاقدين عليك ويسجلون بمية اسم هذا ما يعني ان الكل يكرهك او يحقد عليك بالعكس كلهم راضين عنك ويمدحونك ودايما لا تاخذين برأي الأقلية..


وبكل مجتمع لازم يطلع واحد او اثنين متخلفين مثل الي تكلمتي عنهم:-)
عماد 18
11-09-2002, 07:09 PM
الرسالة الأصلية كتبت بواسطة anime-girl
بس من جد اول ما اخذت الرقابه كانت فرحتي كبيره
لانه المشرف وغيره قدروني وانتبهوا لجهدي ومشاركاتي:)
بس بعدين عرفت انها ثقيله علي ..غير انه في شياطين في المنتدى مطلعين روحي وكل سب وصور ..الله لايوريكم,لا باسمي بعد..?:
على العموم هي مسؤليه صراحه ,وبديت احس ان الكل كارهني بس يجامل,مع اني بذلت جهد كبير في انماء منتداي ...بس ولاشكر ولاشئ
ليييييييييييييييييييييش:" :" >>>يابنت الحلال لانك بنت هذا السبب
البنت طول عمرها مضطهده من اول العصور..?:
على كلامك هذا اجل انا بنت :6 ..
لان حالتك تشبه حالتي بشكل كبير ..
الا سالفة الصور طبعا ..
لكن للان اقابل ناس ما يعرفوني لكن مع ذلك يكرهوني ?: ؟!
Gio
11-09-2002, 09:15 PM
الرسالة الأصلية كتبت بواسطة anime-girl

البنت طول عمرها """مضطهده""" من اول العصور..?:


يعني انا بنت :": خخخخخخخ
rosey_girl
12-09-2002, 05:58 PM
اعتقد موب كل الاعضاء يتمنون يصيرون مشرفين او مراقبين


وصراحه في اعضاء يستاهلونها بجداره


بس مثل ماقالوا الاخوان هى مسؤوليه ومب الكل قدها


بس صراحه انا اشوف انه مشرفين المنتدى ومراقبيه صاحيين

بالمقارنه ببعض المنتديات الثانيه:)
Black Box
13-09-2002, 07:57 AM
أنا ما أطمح أبداً أني أكون مراقب ...

لأني ما أقدر أتكلم بحرية ... ولازم أكون لبق وكلامي أراعيه بشدة ...

وبعدين مسألة تطفش ... لازم أكون متواجد في المنتدى يومياً ...

وبعدين في كثيرررررررين في المنتدى يستحقون الرقابة ...



(((أنا لو بكون مراقب ... بطرد كل الأعظاء ... على كل غلطة بسيطة ... وبحرر كل المشاركات ... وأحذف المواضيع وأكتبها مرة ثانية بسمي ... هاهاهاها)))

:D ;)