المساعد الشخصي الرقمي

مشاهدة النسخة كاملة : حلوا القضيه ذي معي


the driver
19-09-2002, 10:23 PM
السلام عليكم مشكله حلوة راح اقولها لكم على طريقة قصه



المهم يوجد بيت فيه عائله تتكون من خمسة افراد حرمه واحده وهي الام والباقين الزوج والاولا الكبير اسمه محمد والثاني اسمه محمود والثالث اسمه سامي المهم الي صار ان الوالد اشترى لزوجته الي هي ام الاولاد هذولي جوال

المهم الولد الكبير شكاك والثاني بايع الدنيا والثالث مغلوب على أمره الي صار انهم مره جالسين في صالتهم مثل كل يوم وشوي الولد الكبير مسك جوال امه ورقم مين ذا ورقم مين ذا حتى وصل لرقم الام ماتعرفه الي صار انه قام يشك في امه ( والام ضعيفه ) ويقول مين ذا الي صار انه حول الجهاز الي الانجليزي وقال لها عشان ماتتعلمين تمسحين الارقام ( شوفوا وصل الي اين ) والصغير جالس يتسمع وجالس وهو عمره ممكن 15 سنه بعد ماطلع اخوه فوق قام يقول لامه ياشيخه حرام عليك هي وحده من الاثنين ياما تقولين لابوي وهو يمدس لك وجهه واما انك انتي تهاوشينه وتعطينه كف على كيفك واما الاخ الوسط قال لها ياشيخه هذاك ابوي روحي وقولي له وشوفي وش يسوي له الشكاك ذا

والام مي عارفه وش تسوي ؟


لو سمحتم قولوا لنا حل في هذي المشكله :غضب:
قوت القلوب83
20-09-2002, 04:03 AM
أعتقد إن هذا خطأ الأم حين سمحت لأبنها الأكبر أن يتدخل في أمورها الشخصية.

بعدين المفروض هو ما يسأل أمه هذا السؤال ويحطها في موضع الإتهام.

الشخص الوحيد إللي له الحق في سؤال الأم هذا السؤال هو الأب .

عشان جذي أعتقد أفضل حل إن الأم تصارح الأب بالحقيقة عشان تتفادى أي مشاكل ممكن تحصل في المستقبل.

وبعد حل المشكلة على الأم والأب إيقاف الإبن الأكبر عند حده ومنعه من التدخل في شئون الآخرين.

هذا من وجهة نظري.
شجون الليل
20-09-2002, 04:20 AM
السلام عليكم ورحمة الله وبركاته
اخي الفاضل the driver انا اوافق اختي قوت القلوب ..
فليس على الام ان تعطي ذلك الابن فرصة لان يتمادى معها .. فليس ذلك من حقوق الام على الابن .. فيجب عليها ان توقفه عند حده .. وذلك بان تخبر اباه .. فالوالد هو افضل وانسب شخص يتعامل مع الابن في هذه الامور..

اتمنى انني استطعت افادتك في مشكلتك
تحياتي
اختك
شجون الليل
الســـــــاهـر
20-09-2002, 07:05 AM
انا ماراح اضيف شيء زياده عن الي قالوه الاخوات قوت وشجون ..

وانا معاهم في حكاية ان الولد المفروض مايمد يده على جوال امه بدون استأذان ..

والمفروض تكون صكته كف ساعتها نسته اليوم الي انولد فيه ..

واصلا لو هي مربيته صح ماكان اخذ الجوال بالطريقة هذي ..

يعني كل الاخطاءء تقع على الام ..


اما الحل .. انا اشوف انها تسوي قدام الاخوان الثلاثة ومن ضمنهم الكبير .. انه عادي عندها .. وتقول رح بالي مايحفضك .. رح قل لابوك .. اصلا انا ماسويت شيء غلط عشان اخاف منه ..

وتمسك ولدها الكبير في الليل .. وتعلمه ان الي سواه غلط ( اكيد مع كم كف كذا ترد الروح ) وتقول له اذا تبي تنسى اسمك .. قل لأبوك ( طبعا اذا كان الرقم الي شك فيه الولد صحيح رقم رجال ) اما اذا كانت السالفة مجرد شك .. تكتفي بانها تقول له عيب الحركة الي سويتها اليوم قدام اخوانك .. ( ماننسى الكفين :D ) وبس ..

وبكذا نكون حلينا السالفة بعدون اي ازعاج او مشاكل ..


:)


تحياتي .. الســــــــــــــــــاهـر ..
][ النورس ][
20-09-2002, 03:28 PM
انا ماعندي شي اضيفه





لان الاخوان قالوا كل شي وايضا جابوا الحلول



المناسبة..




وان معهم ان الام تقول للاب وهذا احسن



حل





النــــــــــورس;-)
the driver
20-09-2002, 03:32 PM
والله حلول جميله وشكرا لآراكم والله انا قال لي واحد وحبيت احط المشكله وانا راح اقوله حلولكم الجميله :D
Mahdee87
20-09-2002, 03:43 PM
مدري شو الحل



انا اقول انه الام تقول لابنها

اسكت ولا تكثر حكي:p :p
شجون الليل
21-09-2002, 12:20 AM
الرسالة الأصلية كتبت بواسطة الســـــــاهـر
وتقول له اذا تبي تنسى اسمك .. قل لأبوك ( طبعا اذا كان الرقم الي شك فيه الولد صحيح رقم رجال )
تحياتي .. الســــــــــــــــــاهـر ..
:! من جدك ولا تمزح ؟؟؟
الســـــــاهـر
21-09-2002, 07:06 PM
الرسالة الأصلية كتبت بواسطة شجون الليل

:! من جدك ولا تمزح ؟؟؟

والله شوفي .. اذا الرقم رقم رجال .. يعني وانكشفت قدام ولدها الكبير ..

انا اشوف لو تفهمة وتوعده انها تتركة وانا تتركة .. احسن من انه يروح يقول لابوه وتحصل مشاااكل لها ول مالها ثاني


:)






سهووووووور
BLACK TIGER
21-09-2002, 07:23 PM
السكوت احسن حل":"