الكسندر قويحص
21-09-2002, 12:39 PM
طبعا تحدثانا في الحلقه الماضيه (مسوي ابطال الدجتل) عني يوم اني
رحت اطلع جوازي(قايلكم لاتشرهون خبل) طبعا بعد ماطلعت من الجوازات
معي دفتر السانتوب ابو قحص مسكت معه يروح يسير على البحرين وطبعا
صعبه يروح لحاله لانه ماقدر يمسك نفسه عن الشيشه عاد كيف بيمسك
نفسه عن ال.......وال.............:6 (قطع قطع ياعم) المهم كلمت خالي
تركي فنوني قالي والله حتى انا وحشني هناك (باين) المهم مسكنا الخط
للبحرين والله الموتر مايقول لا(قولو ماشاء الله تراه حايسني الايام هذي)
مشينا بعد العصر المغرب قبل العشاء بشوي ابوقحص وفنوني بالدمام
طقينالنا عشوه بشوايت الخليج وامغط ياولد الجسر ابو قحص كنه رايح
للجنه من زود الوناسه وماغير امغط بالعلك تقول بزر متخرج من الروضه
بتقدير ممتاز وماخذ بالمواضبهA+ (فصيلة دم ذي ولا تقدير) ماعلينا
ابوقحص وخاله اول ما وصلو اخذولهم فندق طبعا حطيت العفش
وبخششت الهندي الهندي حط ورقه على الماصه قلت وش ذي ارقام
المطعم والفلات قال نو هذا نمبر بنات هلو قلت له الله ياخذك جب الريالين
لابوك لابو.........(ترا الاعلام خثنا) انقلع والتفت الا ابوفنوني محنتش وكنه
ثور يبي يرفس الي قدامه واناظر الا انا لابس فلينه حمره واستخير ربي
وافصخها قالي خالي ليش كذا قلت له بس ياخوي الله يكفينا شرهم قالي
الله يكفينا شرك انت يالبزر حدك الفيصليه والدانه وتخب حدك تروح القصيم
اذا خربتها قلت له خالي وش فيك قالي اقول امش خاوني بوريك شي
قلت له وشو قال امش لا افش كرشك انت وجنزك ذا التفصيل قلت له
ازين منك انت وشخصيتك تقول شايب بدو بالحراج طبعا نزلنا انا واياه
ودخلني مكان كله الي انت خابر والي انا خابر والي كل شبابنا المسافر
للخارج والي مخربها بالداخل خابره قلت له خالي انا جاي حدي سنما وبس
قالي تشرب يعني تشرب قلت له معصي يعني معصي وانا بروح السيف
الحين ابو قحص ركب الباص وهو بالباص شفت مصريه واقفه وتحرش فيها
واحد انا حز الموقف بخاطري وقفت وخليتها تجلس مكاني شوي فضى
المحل الي جنبها وقالت لي تعال اجلس ابو قحص برك كما يبرك البعير
شو سرخت وقالت حرامي حرامي بتسراني يابن المجنونه قلت اخص والله
مابقى الا هي اسرقق انتي وجهك الي سنه باط صعيدي ماعمره حلقه
المهم قالت فين فلوسي قلتها قسم بالله مامعي الاخمسين ريال لو معي
فلوس ماركبت باص قالت الحرامي ابن الكلب سرقني وانا اردد بنفسي
واقول المقوله المشهوره(باسمك صرخت وصابني نشوة الزار) عليك جو
المهم البنت التفتت وسطرتني كف ابو قحص ضاعت اعلومه ان ضربتها
حرمه ومدت يدي عليها نقص لرجولتي وان خليتها ابصير ملطشه وكلن
بيضرب ويمشي وكل الباص قلبو على الى شايب كان يناظر وساكت وكنت
خايف انه يقلب بعد المهم اخذونا القسم وقام الضابط البحريني جزاه الله
خير يقول انتم تجون وتسكرون وتخربون الديره قلت له ياريال (مسوي من
عيال البلد انا وخشتي)والله ماسرقت منها شي قالي شف هي مثبته عليك مثبته عليك قلت له ليه
قالي وبكل برود جذي لحظتها تدخل الشيخ الي كان ساكت وقال لا الحق
الولد هذا ماقصر معها بشي وانا شفته والله مامد يده على شنطتها قاله
العسكري وانت من يالله بره بره قاله انا بره يالوح امسك ويجدع البطاقه
شوي الا العسكري تقول مقروص اسف ياعمي الشيخ (طلع من الشيوخ
الحمدالله) قال اسمع ياولدي يقصدني يا انك ترد الكف ولا قسم بالله ابطلع
من الموضوع قلت له صعبه امد يدي عليها قال اضربها وحاولت امد يدي وبينما انا احاول الا كف ثاني يمشي مليون على وجهي وامي تقولي عساك العما قم تاخرت على اخوانك بروحون المدرسه شفتو القهر طلع الموضوع حلم.
ملاحظه لا احد يزعل وعدنا قريب مع يوم من حياتي (موهب حلم من احلامي) خبل الله لايبلانا.
رحت اطلع جوازي(قايلكم لاتشرهون خبل) طبعا بعد ماطلعت من الجوازات
معي دفتر السانتوب ابو قحص مسكت معه يروح يسير على البحرين وطبعا
صعبه يروح لحاله لانه ماقدر يمسك نفسه عن الشيشه عاد كيف بيمسك
نفسه عن ال.......وال.............:6 (قطع قطع ياعم) المهم كلمت خالي
تركي فنوني قالي والله حتى انا وحشني هناك (باين) المهم مسكنا الخط
للبحرين والله الموتر مايقول لا(قولو ماشاء الله تراه حايسني الايام هذي)
مشينا بعد العصر المغرب قبل العشاء بشوي ابوقحص وفنوني بالدمام
طقينالنا عشوه بشوايت الخليج وامغط ياولد الجسر ابو قحص كنه رايح
للجنه من زود الوناسه وماغير امغط بالعلك تقول بزر متخرج من الروضه
بتقدير ممتاز وماخذ بالمواضبهA+ (فصيلة دم ذي ولا تقدير) ماعلينا
ابوقحص وخاله اول ما وصلو اخذولهم فندق طبعا حطيت العفش
وبخششت الهندي الهندي حط ورقه على الماصه قلت وش ذي ارقام
المطعم والفلات قال نو هذا نمبر بنات هلو قلت له الله ياخذك جب الريالين
لابوك لابو.........(ترا الاعلام خثنا) انقلع والتفت الا ابوفنوني محنتش وكنه
ثور يبي يرفس الي قدامه واناظر الا انا لابس فلينه حمره واستخير ربي
وافصخها قالي خالي ليش كذا قلت له بس ياخوي الله يكفينا شرهم قالي
الله يكفينا شرك انت يالبزر حدك الفيصليه والدانه وتخب حدك تروح القصيم
اذا خربتها قلت له خالي وش فيك قالي اقول امش خاوني بوريك شي
قلت له وشو قال امش لا افش كرشك انت وجنزك ذا التفصيل قلت له
ازين منك انت وشخصيتك تقول شايب بدو بالحراج طبعا نزلنا انا واياه
ودخلني مكان كله الي انت خابر والي انا خابر والي كل شبابنا المسافر
للخارج والي مخربها بالداخل خابره قلت له خالي انا جاي حدي سنما وبس
قالي تشرب يعني تشرب قلت له معصي يعني معصي وانا بروح السيف
الحين ابو قحص ركب الباص وهو بالباص شفت مصريه واقفه وتحرش فيها
واحد انا حز الموقف بخاطري وقفت وخليتها تجلس مكاني شوي فضى
المحل الي جنبها وقالت لي تعال اجلس ابو قحص برك كما يبرك البعير
شو سرخت وقالت حرامي حرامي بتسراني يابن المجنونه قلت اخص والله
مابقى الا هي اسرقق انتي وجهك الي سنه باط صعيدي ماعمره حلقه
المهم قالت فين فلوسي قلتها قسم بالله مامعي الاخمسين ريال لو معي
فلوس ماركبت باص قالت الحرامي ابن الكلب سرقني وانا اردد بنفسي
واقول المقوله المشهوره(باسمك صرخت وصابني نشوة الزار) عليك جو
المهم البنت التفتت وسطرتني كف ابو قحص ضاعت اعلومه ان ضربتها
حرمه ومدت يدي عليها نقص لرجولتي وان خليتها ابصير ملطشه وكلن
بيضرب ويمشي وكل الباص قلبو على الى شايب كان يناظر وساكت وكنت
خايف انه يقلب بعد المهم اخذونا القسم وقام الضابط البحريني جزاه الله
خير يقول انتم تجون وتسكرون وتخربون الديره قلت له ياريال (مسوي من
عيال البلد انا وخشتي)والله ماسرقت منها شي قالي شف هي مثبته عليك مثبته عليك قلت له ليه
قالي وبكل برود جذي لحظتها تدخل الشيخ الي كان ساكت وقال لا الحق
الولد هذا ماقصر معها بشي وانا شفته والله مامد يده على شنطتها قاله
العسكري وانت من يالله بره بره قاله انا بره يالوح امسك ويجدع البطاقه
شوي الا العسكري تقول مقروص اسف ياعمي الشيخ (طلع من الشيوخ
الحمدالله) قال اسمع ياولدي يقصدني يا انك ترد الكف ولا قسم بالله ابطلع
من الموضوع قلت له صعبه امد يدي عليها قال اضربها وحاولت امد يدي وبينما انا احاول الا كف ثاني يمشي مليون على وجهي وامي تقولي عساك العما قم تاخرت على اخوانك بروحون المدرسه شفتو القهر طلع الموضوع حلم.
ملاحظه لا احد يزعل وعدنا قريب مع يوم من حياتي (موهب حلم من احلامي) خبل الله لايبلانا.