المساعد الشخصي الرقمي

مشاهدة النسخة كاملة : موقف محرج


Sleeping Dragon
10-05-2001, 03:58 PM
يالله كل واحد يكتب موقف محرج صار معه
Sleeping Dragon
10-05-2001, 04:36 PM
أنا يوم كنت في الإبتدائي في حفلة التخرج(كنت في الصف الرابع) نادوني لكي أستلم شهادة التفوق والميدالية والهدية وأول ما سلمت على ضيف الحفلة(ما أذكره) عطشت في وجهه
وفي مواقف كثيرة ولكن أنتم إكتبوا
ykm
10-05-2001, 05:36 PM
أنا راح أقول لكم :o موقف صار لي محرج :D ومؤلم :( في نفس الوقت :
قبل سنتين كنت طالع مع الاهل ومخيمين في البر ومعنا أقربنا يعني مخيم كبير المهم كنا مخيمين بجنب جبال (الله يهديه الوالد لو سمع كلامي وبعدنا شوي) المهم تعرفون البزارين مافية جبل مايتسلقونة المهم كان الوقت حول الساعه 3 بعد الظهر (توني متغدي ومالي الكرشة )+) جاني اخوي الصغير وقال يا ykm ولد عمك الصغير طلع الجبل وتعلق ماهو قادر ينزل (حسبي الله عليه) أنا سويت نفسي قوي +) فلت له خلاص رح ناد اخوه الكبير وخله يلحقني أنا رايح اطلعه المهم صعدت ولحقني أخوه ويالله وبالله نطلعه كان خايف مره المهم وحنا نازلين الا صاير أستقبال وتصفيق حار تحت (الله ياخذ البزارين مافيه أحد ماقالوا له وكانت أم الولد تحت كانت تقول بصوت عالي الله يعطيكم العافية والله انكم رجال أنا يوم سمعت الكلام هذا وشفت الاستقبال و أنا أرز نفسي (من قدي صرت منقذ +) ) وفي خضم هذة الفرحة زلت رجلي شوي و أنا أجيلك مدحدر من رأس الجبل الى القاع (الله لايوريكم والله شفت الويل ) و عقبها ماصحيت الا وأنا بالمستشفي مجبص (كسر بالرجل وكدمات متفرقه ).
عقبها كل ماشفت ولد عمي قلت له حسبي الله عليك ونعم الوكيل أقلب وجهك لاتذكرني بهاك اليوم الاسود أحرجتني قدام كل الي يعرفوني .
Sleeping Dragon
10-05-2001, 05:44 PM
ما أقدر أمسك نفسي من الضحك
وسلامات
ykm
10-05-2001, 06:18 PM
الله يسلمك يا arcanine بس لاتخاف علي الحين أنا زي الغزال +)
ولا تحسب اني اخاف الحين عادي ترى اي جبل اتسلقه مايهمني أنا قوي +) . (وشو :واو: كأني سمعت طاري جبل بالموضوع ياويلي لايحوشك أقول بس حط رجلك :واو: ).
the king
10-05-2001, 06:26 PM
أحنا كنا في حفل مدرسي سنوي كان أخوي من المتفوقين ( ما شاء الله عليه ) اللهم لا حسد ... كان في التوجيهي ... المهم كان غائب هداك اليوم و في هدية له لأنه متفوق ... لما جاء وقت تسليم الهدايا .. جاء أسم أخوية .جاءت أنا أستلم الهدية بدل أخوية طبعاً واقف قادمي وزير التعليم و أمير منطقة مكة المكرمة ( إلي يسلموا الجوائز ) وافقت قدام الوزير و أخذت الهدية و رجعت إلى كرسي . كان الوزير بعد سلمني الهدية مد يده عشان يسلم علي و أنا ماني شايفه و أنا أعطيته ظهري و رحت و كل المدرسة قاعدة تضحك و المدير و الوكيل قاعدين يلطموا ... و أنا ماني داري عن القصة .. بعدين روحت عند أصحابي قالوا لي أيش صار .. كل المدرسة سكتوا و أنا لحالي قاعد أضحك ...
Sleeping Dragon
10-05-2001, 09:16 PM
سلامة أخوك إنشاله
bounty
11-05-2001, 08:46 AM
مره كنت لابس جينز ابيض وقميص هم ابيض بس فيه بعض النقوشات السود (لووووووول) المهم كنت انا طالع لمكان وحق ناس معينين ;) وانا واقف عن راعي العصاير قلت له عطني عصير رمان لوسمحت ولايعطيني اياه ولايفلت من ايدي ولا يطيح على لبسي وصار لبسي احححححمر وكل ما امشي الناس تقعد وتضحك علي وانا :غضب: والي كنت امواعدهم صار وجههم :o :o وانا ما انسى هالذكرى