انتي الدنيا وكل شجوني...واغلى شي بعيوني...يامدرستي

[سيلفي2065]

بابااااااااااااااااااااااك :D

هع هع...ولكم ولكم سيلفو...الله مير يسعد مساكم كانكم ممسيين...والله يصبحك بالخير عزيزي القارئ كانك غايب عن مدرستك ومرتز على النت من صباح ربي...

اييييه من زمان عني وعن مواضيعي...والله اني مشتاقه لمواضيعي اكثر من شوقكم لها :D (ماخذه مقلب بعمري)

اليوم سالفتي سالفه...تقدرون تسمونها فيلم هندي...اهديه كل اعضاء هذا المنتدى الا جين كازاما....ياخي مزاج مالي خلقك من قالك تهزمني بالبلياردو؟؟ :o <----ماعندها روح رياضيه ابد..

لا امزح...خلاص بزين اخلاقي دام صارلي فوق 3 شهور ماكتبت موضوع ابصير حليله معكم بهالمناسبه واحوبكم كل ابوكم...بس حوبو الموضوع أول...

---------------------------

يوم الجمعه....7 مساءا..

الوالده:هاه عاد لااوصيتس ابيتس تبيضين الوجه بالمدرسه الجديده وتشدين حيلتس تراتس اخر سنه وكل درجه تحتاجينها

انا : هاه..اي مدرسه :!

امي : المدرسه اللي بتنقلين له يالرمه :غضب:

انا : هاه..ايه طيب انشالله


كنت وقتها موصله اخر حد لي من التناحه وامي تكلمني وانا اهز راسي والله مدري وش قاعده اقول طبعا لاني كنت على النت ولما اكون منسجمه مع النت ماادري عن شي في العالم الخارجي



الزبده....

بعدها قمت رتبت جدولي وذاكرت ونمت على بالي اني الى الان طالبه في ثانويتي ماغيرها :)



الساعه 8 صباحا....

- يله قومي ياحلوه...قوم ياطالب ياجديد انتا <----قمه الرواقه على الصبح

انا : :!




:واو:




:غضب:
واااااااااااااعععععع الساعه 8 ورا ماقومتيني يمه ياويلي ويلااااااه مابي اغييييب :"


- معليه مب قايلين لك شي...يله البسي عشان نروح مدرستك الجديد تستناك


- ايش؟؟؟؟؟؟ اي مدرسه ذي؟؟؟؟؟؟؟

- هاو ؟! نسيتي !!

- نعم...؟ لا...! احسبتس تمزحين لا يمه تكفين تكفيييين مابي انقل

ظليت ارافس بالسرير تقل تيس قايلين له يله لاهنت اقرب مصلخه..

- قومي يابنيتي والله لمصلحتك تروحين مدرسه جديده...وتبدين بسمعه جديده عند المدرسات...لان مالك امل تجتهدين بذا المدرسه كل المدرسات حاقدين عليك...المدرسه اللي بتروحين لها يساعدون وتقدرين تجيبين نسبه بالراحه


- مااااااااالي شغلللللل مدرستي انا ابيهااااا...ابي ابله شهره...ابي خوياتي...وابي كرسييي وطاولتي الله يخليكم ابيهاااا لاتنقلوني


----------

معذره مضطره اقطع الجزء اللي اقنعتني فيه امي اروح للمدرسه لانها اسرار عائليه ومالك دخل انت وياه فيها ":"

على فكره....امي ديموقراطيه:أفكر:





دخلت المدرسه الجديده مع امي...تذكرت اول يوم لي بالروضه....!


دخلنا عند المديره وبدت تملي اوامرها طال عمرها

لازم اغير المريول

اقص اظافري

اشيل الخاتم اللي على يدي


بعد ماخلصت قالت يله روحي لصف ثالث ادبي ...

رديت عليها ووجهي يحمل مزيج من البراءه والقراوه..

ثالث ادبي ايش؟:#

ضحككككت هي والمراقبات وقالت لا ياحبيبتي مافيه الا ثالث ادبي واحد

على اول مارقيت الدرج بديت استوعب...

المدرسه ذي ماابيها

ليه انا فيها ؟؟

حمدالله والشكر

العب انا ؟؟؟

وشلون اروح مدرسه ماابيها...

كملت طريقي..وانا اهوجس هواجيس مدري وش تبي

وصلت الصف ... درعمت لا احم ولادستور لقيت الصف مقلووووب فووووق تحت

شله يطبلون على الطاولات

ووحده تجدع على خويتها طباشير وخويتها تجدع عليها اقلام

واخرى قاعده تمشط شعر خويتها...

قلت زين مافيه ابله...قعدت باخر كرسي..وطبعا خقيت مع الترحيبات والهلاوات من البنات بغيت اخق مره وحده واعطيهم حوضن

بس ماش ماكان لي خلق :6

بعدين سمعت صوت : انتي طالبه جديده؟؟

التفت...ولاهي الابله...معقوله؟؟ الابله موجوده وكل ذا يصير بالصف !! هذي البدايه ؟ امحق مدرسه.....!

بدت الابله تشرح...والصف قايم قاعد ماكاننا بحصه...

زهقت...وجلست امارس هوايتي...وهي مسكت ورقه وقلمين...وبديت ارسم واشخبط...

شوي...والا اسمع صراخ : انتي اللي هناك...اتركي القلم وانتبهي معي :غضب:

وانا صدقت وعلى طول تركت القلم...

قاموا البنات يضحكوووون...جت اللي جنبي قالت...ماعليك منها تستقوي عليك لانك جديده...ترانا مهجدينها...كملي كملي رسمتس يابعدي..


من جد حقدت عليها ذي...يعني انا طالبه جديده المفروض تراعي نفسيتي...مهي تحطمني من اول يوم...

رجعت لشخابيطي....عموما انا مسكت دفتر واشتغلت فيه خربشه...وعشان تكونون عايشين معي هالمعاناه...راح ارفق لكم صفحه من الدفتر في اخر الموضوع....



قطع علي هواجيسي وشخابيطي صوت غرييييب...انهبلت...لاهو انهيار...لاهو فيضان...وشو ذا؟؟؟؟؟

التفت على اللي جنبي..

-اقول نوير؟؟؟ وش ذا الصوت..

- هههههههه هذي الخلاطه حقتنا

- هاه؟؟

- هههههههههههههههههههه هذا الجرس معليه معليه تتعودين على الصوت



خلصت الحصه...طلعت برا...وحلفت ماارجع ولا حصه..اصلا مايحتاج ارجع الحصص كلها فراغ مافيه ابلات

من جد هذي عباره عن خبال...مب مدرسه....ابصم بالعشره انها خباااال...

بس يعجبونكم....اخر السنه كلهم درجات المشاركه كامله...ولايعطونهم الا اوراق يذاكرون منها... وكلهم ناجحين


جلست ادور لحالي بهالمدرسه...

يا الله..

كل شي فيها غير...

البنات

والمدرسات غير..

والمبنى غير... والقوانين غير....اصلا ذي المدرسه مااحس فيها قوانين بتاتا...

وبطبيعه الحال..

مثل ماكنت احتاج للحريه بمدرستي القديمه...واتضايق اذا الاداريات قاموا علينا وحبسوا حريتنا...

صدقوني اني الحين حسيت اني بحاجه ايضا لقوانين

او كما يسمونه هذي الحاجه بعلم النفس....حاجه فطريه للسلطه الضابطه ":" <-------يسلم بؤك ياموثقفه

قعدت باحد الزوايا ورجعت لهواجيسي..

شوي سمعت صوت بنت تقول...شوفي هذي هي ... هذي هي...


رفعت راسي ولا هي بنت جالسه تأشر لخويتها علي....ويوم شفتهم

سووا نفسهم يأشرون على اللوحه اللي فوقي



ياسلام ؟ علي هالحركات؟؟؟؟؟؟

هالحركه اصلا دايم اسويها انا وياورد لابغينا نتحرش بطالبه جديده...

افااااا....الحين انا صرت الجديده!!!!


يااااا الله....كريييييييه هذا الشعور...

تذكرت وشلون كنت اهبل بهنادي اللي جتنا من مدرسه ثانيه

ووشلون بكيت مشاعل الجديده اللي جتنا من الاحساء...:6


والحين دارت علي الايام...وصرت انا الجديده

مرت الساعات علي بطييييييييئه....ورجعت البيت فتحتها مناحه..

المدرسه ذي مااقعد فيها نهائيا...

لو ايش ماارجع لها...

هاوشني ابوي...وقال ان المدارس مب لعبه عندك كل يوم مداومه بمدرسه...وقال بالحرف الواحد....تغيير مدرسه مافيه بعد كذا!!!!!!!!


انصدمت...وماانكر اني انهرت وبكيت قدام اخواني!!!! من يصدق....سيلفي تبكي قدام اخوانها...:أفكر:

دخلت غرفتي...وبكيت بكيت الييييين مانمت....ولاقمت الا الساعه 8 ونص على صوت الجوال...اللي داق كان ابوي


ابوي : سيلفي؟؟

انا : نعم

ابوي: انتي سيلفي؟؟؟

انا : ايه انا

ابوي: يووووه وش هالصوووووووت?: انتي سيلفي بنتي؟؟

انا : ايه والله العظيم انا والله انها انا..

ابوي (بدت مصالته ) : ابي دليل...عطيني اسمك الكامل>>>???

سيلفي: ابوي خلاص عاد والله انها انا سيلفي

ابوي: وش بلاك؟؟؟ وش هالصوت؟؟؟؟ وين راح صوتس؟؟ كل ذا من الصياح !!!!!! ماتبين المدرسه؟؟

سيلفي: ايه والله مابيها ....

ابوي : خلاص يسهل الله...لاجيت نتفاهم


بعد مارجع ابوي اتفقنا انه يوصلني من بكره للمدرسه واقولهم انهم يوقفون النقل واظل بمدرستي


يوم جا نص الليل والبيت هجد وكلن قرشع على غرفته...

رحت ابي انام عجزت....افكار توديني وافكار تجيبني...


هالحين اذا مارضوا يرجعوني وش بسوي؟؟؟؟

مستحيل اقعد بهالمدرسه لو ايش ماصار !!!

اذا مارضوا راح احول طالبه منازل... ليه لا؟؟ احول

واذا برضو مارضوا وماصار فيه امل...... ابفصل من الدراسه

خلاص عادي افصل....مب لازم ادرس....

لا...

معقوله؟؟؟

افصل من الدراسه؟؟؟ وانا اللي ابي اتخرج باسرع وقت عشان ادخل الجامعه؟؟؟

اذا فصلت يعني مافيه جامعه !!!

لا... لا.... منب فاصله :!





ومن هالتفكير الييييين مادخلت بسبات عميق

-------------------

استراحه قصيره يعني اللي يبي يروح يشرب ماء والا اللي قدرها على النار روحوا شوفوا اشغالكم بعدين ارجعوا شوفوا سيلفي رجعوها والا طردوها من المدرسه...

[سيلفي2065]

قمت الصباح...

رحت المدرسه الساعه 7 وشوي... اول مادخلت...نزلت اغراضي عند الدرج...ورحت طوالي على الاداره....كنت امشي وانا منزله عيني...ماابي اقابل احد مالي خلق تحقيق واسئله...تعبت :":


لقيت ابله مزنه (المسؤوله عن النقل) بمكتبها...وقزيتها من القزازه كانت تكلم بالتلفون ومتحممممسه مع المكالمه...وفيه ابلتين عندها...

استنيتها لما خلصت...بعدين ارسلت المستخدمه شاكيرا:6 عشان تناديها

يوم دخلت لها شاكيرا...كلمتها...التفتت علي ابله مزنه من القزازه وأشرت لي وقالت... تعالي تعالي ياسيلفي...


رحت وانا مطمئنننننه....لان ابله مزنه ذي مافي مثلها اثنين....مع اني عاهدت نفسي اني مااحب ابله...وان من سابع المستحيلات احب ابله....الا اني لو بفكر واحب وحده من الابلات....راح احب ابله مزنه...


طقيت الباب ودخلت المكتب....فجاه انفقعت بوجهي ابله مزنه...

ياسيلفي ايش اللي صاير؟؟؟ :غضب: ايش يعني هونتي ماتبين تنقلين؟؟؟؟؟؟؟


انصدمت...وش فيها قلبت علي؟؟؟ اكيد امي كلمتها وعلمتها عن السالفه....

ابتدت ابله مزنه هواشها...وانا سااااكته وماني قادره اتكلم...اصلا مالي وجه اتكلم بعد سواتي...

كانت تتكلم وتتكلم وتتكلم....وانا مصدومه وسااااااااكته

والابلات اللي معها يخزون..

فجاه....سكتت...

نزلت راسي وقلت....ابله انا اسفه..:": :#

يوووووه

سيلفي اللي تدخل الاداره فاكه كشرتها...وتطلع منها تكركر تعتذر؟؟؟

سيلفي اللي تكتب التعهدات وكنه العيد عندها تعتذر لابله؟؟؟

حتى ابله مزنه تفاجأت...وكسرت خاطرها

مسكت كتفي وابتسمت وقالت.... معليه :-) روحي برا استني لما نرجع اسمك ونناديك

قعدت برا اغطس يديني بالنافوره لاشغله ولامشغله....

جتني ابله مزنه خرعتني: .... سيلفي :غضب: !!!!!!!!

وقفت بسرعه: سمي ?:

- ههههههههه اقعدي اقعدي....تعالي قولي لي وش السالفه

- ابله افهميني....انا نقلت المدرسه من دون اقتناع...ابله انا احب هالمدرسه وتعودت عليها....مقدر ادرس بمدرسه ثانيه....خلاص... خصوصا اني اخر سنه...ولازم اشد حيلي واجيب مجموع...ومستحيل اقدر اجتهد بمدرسه ماني مرتاحه فيها نفسيا...


- الله يالدنيا :) من يصدق انك انتي تقولين هالكلام...عموما اذا بحاول اقنع المراقبه مزنه انها ترجعك فصلك الاول....لان الحين هي ناويه تحطك بفصل ثاني..

- ايه عادي مو مشكله خليها براحتها (كنت حاطه ببالي انهم بيحطوني بفصل ام سرور وياورد)

- لالا معليه...انا بحاول اقنعها مو مشكله

- بس ابله اخاف تعصب :( <-----ماصيدي تعصب والا الا...ابيها تنقلني الفصل اصلا :6

- لا ماعليك حبيبتي انا اقنعها....اقعدي هنا لين نناديك...


راحت ابله مزنه ورجعت ايقالها بتبشرني....قالت يله روحي على فصلك القديم...


رحت شلت شنطتي وجلست امشي وانا معصبه وضايق صدري واضرب خطواتي بقوه على الارض...

وكان فيه ابله واقفه عند الباب عشان البنات المتاخرات..

وانا امشي بنفس الممر اللي هي فيها....كانت الميداليات اللي على شنطتي تصافق ببعض بقوه...وتطلع صوت زي كذا :

دقش .. دقش .. دقش .. دقش ..

ومع كل خطوه (دقش)

والابله تنااااظر مستغربه من وين جا هالصوت....

يوم التفت عشان ارقى الدرج شافت الميداليات وصارت تضحك ...

سمعت ضحكتها وقفت...

ناظرتها

قالت... ههههههههههههههههاااااي ماخليتي قرشوع في بيتكم الا ولزقتيه بذا الشنطه:D


طاح وجهي....ورقيت على فصلي بسرعه...لقيت ابله مزنه حقت الانجليزي علينا (اقول عماد...كل المدرسه اسمهم مزنه...الله يستر لايكون الحارس اسمه مزنه بعد:أفكر: )

اول شي سويته من قعدت على الكرسي هو اني شلت الميداليات او القراشيع اللي بشنطتي....مالي خلق طنازه ثانيه بعد...


الحصه اللي بعدها جتني بنت قالت : ابله حصه تبيك بمكتبها ( هالمره غيرنا...no more مزنه )


رحت لها
طقيت الباب ودخلت...ماامداي اسلم..الا وابله الاحياء وراي...

الاحياء : ابله حصه :غضب: ترى فصل ثالث علمي مسويين اضراب مب راضيين يروحون المعمل...

ابله حصه : ايش المسخره هذي؟؟؟؟

قامت وخلتني.... لحقتهم لقيت حالتهم حاله....البنات ماجابوا احياء...وحالفين مايطلعون المعمل...واللي ترأست الاضراب هي بلو روز

كانت واقفه وجالسه تقول : المدرسه ذي مانبيها يعني مانبيها....لو نقعد السنه كلها مضربين المهم تغيرونها والا مافيه احياء بعد اليوم :o


اوف.....بلو روز...ادفر بنت بالشله يطلع منها كل ذا؟؟؟؟؟ الظاهر السالفه كايده


غصبوا البنات يروحون المعمل ورجعنا...

بدت التحقيق...

- انتي خلاص مب في مدرستنا ليه مداومه؟؟

ملفك تم رفعه للرئاسه !!

نلعب احنا ؟؟

ومن هالحتسي...

يوم خشينا جو بالنقاش الحاد جدا جدا جدا ...

رجعت ابله الاحياء وهي شوي وتصيح...

ابله حصه :غضب: بلو روز مترأسه 10 بنات واقفين عند باب المعمل يقولون ماراح ندخل الحصه


حصه : يا اللللله ايش سالفتهم هذولا؟؟؟ خلاص سيلفي روحي فصلك بعدين نتفاهم...


رحت الفصل.... وانا ضااااااااايق صدري...


بعد ماانحلت المشكله تطلع لي ابله حصه وتقول ان ملفي مب موجود؟؟؟

معقوله يكون ملفي ضاع؟؟؟ طلعوه عشان يودونه ولما يبونه يرجع مارجع؟؟


لا...جد....تخيلوا ان ملفي ضاع....واقعد من دون ملف؟؟؟

مايصير....بعدين لاتخرجت ماعندي ملف....ولا ادخل جامعه...ياربييييه انا وش الله بلاني بهالنقل؟؟


دخلت ابله مدري وش اسمها (اتسذب اتسذب...الصراحه مالقيت اسم جديد اسميها غير مزنه او حصه...عاد انتوا اختاروا )

وكتبت اسمي بدفتر الفصل...بعد ماكانت كاتبه اني نقلت...

ارتحتتتتت نفسيا...وحسيت اني اقدر امارس نشاطاتي من جديد :0)



بعد السالفه اللي صارت....اكتشفت اني احب مدرستي...احبها اكثر من اي مدرسه دخلتها...ومستحيل اتخرج من اي مدرسه ثانيه غير هالمدرسه....


وسلامتــــكم...سووووري كثير كثير على الاطاله...


سيلفي 2065...طالبه مهذبه ومجتهده وتحب صديقاتها.. ادرس بالمدرسه.....الفلانيه :)

باقي ان انوه ان الاحداث هذي كلها صدقيه 100 % وماهلست عليكم فيها بشي الا باسماء الابلات:p


وهذي الصفحه اللي كنت اشخبط فيها يوم زاعقت علي المدرسه ذيك اللي بالمدرسه اللي رحت لها ...

[Pepsi Kun]

خخخخخخخخ ريهبة وخاصة الصورة ?:

[عماد 18]

و انا اقول طول القصة يا ربي وش السالفة ؟؟
كلهم موزنة و موزنة ..
لها الدرجة يحبوني :": ؟؟
بس يا عليك مشوار ?: ..
كل هذا موضوع ..
الحين لك حق تجحدين 3 شهور ثانيات :6 ..
يسلموا ..

لكن في نقطة ذابحتني ..
خطك بالعربي و الانجليزي يشبه خطي :": ..
ثاني مرة الاحظها !!

[RPG_master]

هههههههههههههههه يحليلك انتي ومدرستك:D

وانا اقول سيلفي متبلدة احساس:o


والله ذكرتيني ببعض المواقف الي كذا

اذا حسيت انك متوهق وكلن ينافخ بوجهك وماله خلقك:"

مالك الا تصيح:# :"


بس كان وصف المشاهد منتاز خاصتا سالفه انك طالبه جديدة

هذي لها فايدة علشان تحسين بغيرك مره ثانيه:-)


ومشكوره على الموضوع المحزن المبكي:"


وصراحة الورقه الي بالأخير تحفه فنية:D


واخر جمله فيها بعد معبره:6


على فكره..خطك يذكرني فيني وانا احلم ان خطي حلو:":

وتسلمين على الموضوع الحلو ولا تقطعين مره ثانيه ولا بوقفك من بطولة البيغاردو على قوله كازنوفا النخل

:-)

[DNA]

اتمنى انا كمان خطي يتعدل زي خط سيلفي :6 حلو

[عماد 18]

الرسالة الأصلية كتبت بواسطة عماد 18
لكن في نقطة ذابحتني ..
خطك بالعربي و الانجليزي يشبه خطي :": ..
ثاني مرة الاحظها !!

:أفكر: :أفكر: ..
و الا عشانها بنت ؟!

[Undine]

ماشالله شخابيط حلوه ياسيلفي:0)

اجل وش تقولين عن شخابيطي انا

دفتر بو ثمانين كامل كله

شخابيط حلوه زي كذا:D

اكره شي اذا صرت طالبه جديده شعور مرعب:" :"

مشكوره على القصه ياسيلفي:6

[DNA]

الرسالة الأصلية كتبت بواسطة عماد 18

:أفكر: :أفكر: ..
و الا عشانها بنت ؟!



ايش هدا عمادوو :#


:6 تكلم نفسك

[D0WN~T0WN]

والله من جد اذا كنت جديد بمدرسة تصير حالتك حالة مثلي انا العام رحت مدرسة جديدة وقسم بالله زهق ودي اسوي عملية ارهابية بالفصل كلهم لحوج وجنسيات اول مرة اسمع عنها خخخخ

والصورة اللي تحت معبرة من جد :6 وخطك تسذا

[Arsene Lupin]

فعلا النقل شين... و خاصه اول الايام..


بس بعد فتره تتعودين...

مثلي في الثانوي... نقلت في النصف الثاني من ثاني ثانوي.. لمدرسه جديده...


و صراحه يوم تخرجت من ثالث,,, اني احس اني عشت حياتي كلها مع اخوياي فيها... و اغلب اللي اعرفهم الحين منها... مع اني ما درست الا سنه و نص فيها...

فكل اللي تحتاجينه هو صبر...

بس شكل مدرستك الجديده ذي مصيبه ميب مدرسه... لا على تسذا القديمه ابرك :6

[العمدا]

الله يالدنيا :o

تفقعت عيونى من القرايه .. والمشكله تونى قايم الفجر ?:

المهم ..

المقصه او الموضوع توحفه :D

بغيت اصح فيه :6 !

الزبده .. ذكرتنى بنفسى .. انا ماضيي كله انتقالات .. دايم تجينى عروض من مدراس اخرى ":" درست الابدتائيه فى اربع مدارس :! اما الباقى فى مدرسه وحده ..

اخيرا ..

هنا نرجع للمثل المبجل (( ما الحب الا لحبيب الاول )) ":"

وبخصوص الصوره المرفقه ..

فحقيقه ميب صاحيه :واو:

يا اخى انا احقد على شي اسمه رسم :"

بس ما عليه نمشيها :6

ومشكوره سيلفى :)

[Chopper]

ههههههههههههههه والله تموتين من الضحك:D :D :D وأحلى شيء هو رسمتس فوق ((هذه لتس يالقشرة))

وياليل ماطولك ههههههههههههه رهيبة من جد بس اخبر هالأشياء يسوونها العيال:6 :6 :6 وحلوة يوم يتطنزون عليس قلبت الدنيا أول أنت الحين هم":" ":"

[~MâLâK~]

هههههههههههههههههههاا حللللللللللللللوووه خطيرتووووون إنتي سلووووف رهييييييييبه وتووووحفه يور قصتس خااصه الصوووره راح نسميها سيلفوليزا:D ..ياليتني اجي مدرستس بس مافي امل:"



بس القصه هاذي معبره وبقوه":" ...







اقول سيلفي الله لايهنيتس ممكن تسلفيني السكانر حقتس:#








ياللهslaaaaaaaaaaaaaaaaaaaam

[Mahdee87]

حلوة الشخابيط خخخخخخخخخخ:cool: :0) :0) :cool:

[RPG_master]

وانا بعد ابي السكانر:#

او علميني شلون اشغله:#

[Z4EVIL]

حزينة:أفكر:
تضحك كخخخخخخخخخخ :أفكر:
شكرا عالقصه وشكراً على اسامي المعلمات بس مالقيتي الا ذي الاسامي :p

[MEL C]

ههههههههههههه حلوووووووووه حووووووبه:0)


قعدت برا اغطس يديني بالنافوره لاشغله ولامشغله....

وش نافورته:! ؟

على فكره حوبه...ماتعرفين ترسمين اليد الي تكوخhttp://help.microsoft.com/!data/ar_sa/data/messengerv45_msn.its51/$content$/angel_smile.gif ؟


إيه صح إذا كنت جديد على المدرسه...تخنقك العبره:":

وتسلم حوباتك على الموضوعhttp://help.microsoft.com/!data/ar_sa/data/messengerv45_msn.its51/$content$/bowwow.gif

وحوضن ان بغيتيhttp://help.microsoft.com/!data/ar_sa/data/messengerv45_msn.its51/$content$/dude_hug.gif

[Spike]

موضوع جميل وحساس يحكي معانات طلاب المدارسhttp://www.gamers-forums.com/smilies/contrib/lynx/greysad.gif... (اقول لايكثر)...:6

لا موضوع جميل الصراحة وتشكري عليه...:)

الرسالة الأصلية كتبت بواسطة RPG_master
بس كان وصف المشاهد منتاز خاصتا سالفه انك طالبه جديدة

هذي لها فايدة علشان تحسين بغيرك مره ثانيه:-)
نعم...نعم...:cool:

وايه صح الشخاميط الى فوق بعد زينة...:D :6

[Auron]

ماشالله عليك تعبير احسن من بعض الناس:أفكر: (موب انا:p )


الله يعينك في هالمدرسه وشدي حيلك بيضي وجيهنا:6

[ez2dj]

ههههه كل هذا في أول أيام المدارس ....صباح الخير نحنا بدت مدارسنا قبل شهر :6

بس ماشاء الله خطج فنان ...بس ليش معلقه على نكتة العيوز إلي طاحت وقالت أحسن ..:p

أخخخ ذكرتيني بأيام العز قبل لا أتشرف بالعلمي ...كانت أيامنا نفسكم واكثر ((بس بدون بنات يمشطن شعورهن :6 ))


نسييت أقولكم باركولي على رسوبي في الفيزياء :D <==فرحان أنه هو الوحيد الراسب في الصف

[Angel whisper]

هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه ههههههههههههههههههههههههههههههههههههاااااااااااااااااااااااااااااااااااي :p

يا تورى يا تورى منووو البنت اللي كانت اول يوم من الدراسة تطنز علي ودعيت عليها الين ما شبعت ":" ؟؟

بس والله انج مظلومة ومسكينة يا سيلفوه :( ...

وتسلمين على الموضوع الرهيب والرسمة التوحفة :) ..

والله يوفقج :) ...

[سيلفي2065]

النايف..

لو بحلف انك ماقريت الموضوع...بس شفت الصوره :D معليه معذور صراحه الموضوع طويل وبقوه <-----توك تدرين؟
مشكور عالرد

عماد 18 ...

والله جد مشوار؟؟ عاد وش اسوي لكم استاهل تقطعون هالمشوار عشاني":"
الله مير يسلمك...بعدين لو سمحت لاتحاول تحتك وتقول خطك زي خطي
":" انا خطي مافي مثله بالمجره <-----نفختوا راسها ياعالم

ابو شوشه ...

تدري وش احسن مافي ردك؟؟

انه من شوشتك :)

هو من ناحيه متبلده الاحساس انا صدز متبلده....بس بامور زي هذي تتفجر عندي كل العواطف والاحاسيس الجياشه ":"

خلاص حسيت والله حسيت ماعاد اتحرش بالبنات الجدد:"
الله مير يسلمك ومشكور انت بعد على الرد


DNA...

هلا والله دنا :6 هذي الساعه المباركه اللي شفناك بموضوعي...


اجل خطي حلو هاه؟؟؟ مااقول الا ماعندكم نظر انت واياه.... اجل لاشفتوا خط ياورد وش بتسوون؟؟ والله اصرف من خطوطنا كلنا جميع


اندومي :D...

هلا والله يابعد بعدي انتي...الله يسلمك عيونك الحلوه مب الشخابيط ":" عاد هاه لاتنسين تورينا شخابيطتس بعد
تسلمين على الرد


مستر دي جي...

هههههههههههه اجل عمليه ارهابيه هاه؟؟ لاعاد ماتوصل لعمليه ارهابيه .... الجرس بالمدرسه اللي رحت لها كفيل بانه يدمر المبنى باكمله...بس لو يعلون الصوت شوي :6 ومشكور على الرد


ايرسين لوبين...

ايه على قولتك لو المدرسه زينه يمكن اتعود....بس ذي المدرسه غير مريحه بتاتا...بعدين صعبه اجي من مدرسه فله ووناسه وغير كذا مدرسات يشرحون كويس... الى مدرسه مافيها مدرسات اصلا...بس بالنهايه ياخذون درجات كامله..

عيب والله عيب....حنا جايين نتلقى العلم...مب بس ننجح من دون فائده ":" <------شوفوا مييييين يتكلم


خوباج....اوبس...اقصد مانويل :)

شكله ضاق صدرك ولاقريت الموضوع :6 ادري طويل بس وش اسوي بربرتي واجد

وتسللممم على الرد :cool:

[Lena]

سلام سيلفي

ههههههه
بجد فطست من الضحك

ومت من الحزن مره وحده كسرتي خاطري يابنت

قريت المضوضع كلمه كلمه مع انه طويل بس ممتع:-)

كانك من رعبنا<<<تعرفينهم القصمان كانك من اهلي:6

بس قصتك روعه:p

خاصه وصفك لاشكال البنات وهم بالحصه والابله فيه:D

ولا وانت مايته من الصياح:( <<<بجد حركت قلبي

تسلمين ويعطيك اف عافيه بس هاه وش اخر الاخبار وش صار عليك:-)

[RPG_master]

هو انا اقولك اني كنت متوقع انك متبلدة احساس بس بعد هالمواقف بغير الفكره عنك..:cool:

[سيلفي2065]

العمدا....

هاااو :! قمه الرواقه...وش مقعدك على النت من الفجر...الواحد لاقام من النوم يالله له خلق يغسل خشته وانت قاعد على النت

بغيت تصيح هاه؟؟ ورى ماصحت؟؟ عشان تشاركني مشاركه وجدانيه ونتقاسم انا وانت الدموع ":"

خخخخخخخخخ يلا تسلم انت بعد على الرد ياحضره العووووومدااااا <----تذكرني بالصعايده مدري ليه:o


كايتو كيد...

هههههههه ليه اموت ضحك وش قالوا لك اراجوز؟ :o يلا تسلم على الرد ياقدع ":"


ملوووكه الشوق...

ههههههههههه يابعد قلبي انتي الله يسلمتس على الرد يالقطوعه
:6 حيالله ملاك بموضوعي...يله عاد نبي مشاركات على مستوى مهب مشاركه وحده همن تنحاشين

ابشري بالسكانر والطابعه وآله التصوير بعد بس انتي تعالي حفل تخرجنا ويصير خير ":"



مهدي..

شوكرااا على الرد :)

Z4EVIL

حدد... حزينه والا تضحك؟؟:)

مشكووور على الرد




مل سي الحوووب..

هلالالالالا واللللله بحووووب

خخخخخخخخ هذي نافوره حاطينها عند باب الاداره عشان اللي عندها مشكله تجي تغطس يدينها وتتحسن نفسيتها
:6
والله ياحوب اليد اللي تكوخ كنت راسمتها...بس يوم جيت ادخل الورقه للسكانر شخبطت عليها لان شكلها يد معوقه مب يد تكوخ

الله يسلمك يامل سي على الرد




سبايك...

مشكوووور والله خنقتني العبره ماتوقعت كلكم تخشون جو معي بالمعاناه...مشكور على الرد



Auron

لا هين ماعليك انشالله انا شااااده حيلي هالسنه وماراح ارضى باقل من 90% ":"


ez2dj

والله الصراحه النكته كتبتها كنت احاول اوسع صدري....يعني تخيل ان فيه عجوز منتهيييه...طاحت...بعدين قالت احسن :غضب:

هههههههههههه والله يضحك :D


اينجل...

خخخخخخخخخخخ الله يسلمك انتي بعد...شفتي كيف كانت الحاله زفت؟؟

مشكور على الرد ياعمري ويوفقك وياي :)

[MoaeD]

ههههههههه والله من جد بغيت اصيح


بس انا اصيح غصب من الزكمه :":



بس اشوا انك رجعتي ولا كان جيت لمزنه تفاهمت معها



<--- مصدق اسمها مزنه



والرسمه ولا ليوناردو دافنشي يقدر يسوي زيها :p



ومشكوره على الموضوع :)

[سيلفي2065]

لينا..

هلالالالالا والله يالله ان تحييها بموضوعي اسفرت وانورت ... تو مانور المكان ":"

زين اجل ماراحت طاقاتك على الموضوع...نصيحه : اذا صار عندك اختبار لاتقرين مواضيعي ترى طاقتك كلها بتنفذ لان مواضيعي طويله من قلب :#

تسلمين ياعمري انتي اللي روعه والله....

اما عن اخر الاخبار...هذا ياطويله العمر وحده تقولي ان ملفي مب موجود في مستودع الملفات...ولما قالت للمراقبه...قالت ان الملف تحت وبيجيبونه بعدين

واما مديره المدرسه الجديده داقه على امي تهاوش اليوم الصباح...وقالت لها لازم تسوين اجراءات نقل من جديد لان بنتك طالبه عندنا...والله يستر...والله ياخوفي اظل ضايعه بين مدرستين مدري انا باي مدرسه

انتي ادعي انها تتسهل بس :(

وتسلمين على الرد الله يعافيك..




شوشه....

صدق والله؟:#



مؤيد...

هلا والله من امس توقعت انك اول واحد يرد على الموضوع طلعت اخر واحد :D

مب مشكله الموضوع منور فيك اول او اخر واحد...

ايه فزعتك تكفى ترى لسه المشكله ماانحلت نهائي لان الملف مب فيه..

لا صار شي بناديك بس لاتضرب ابله مزنه تراي احبها :# اضرب حصوص :D

مشكووور على الرد

على فكره...ترى الرسمه اللي بالزاويه هذي رسمه الابله اللي هاوشتني بالمدرسه الجديده...لاحظوا الحقد اول ماهاوشت رسمتها :D

[Lena]

الرسالة الأصلية كتبت بواسطة سيلفي2065
لينا..

هلالالالالا والله يالله ان تحييها بموضوعي اسفرت وانورت ... تو مانور المكان ":"

زين اجل ماراحت طاقاتك على الموضوع...نصيحه : اذا صار عندك اختبار لاتقرين مواضيعي ترى طاقتك كلها بتنفذ لان مواضيعي طويله من قلب :#

تسلمين ياعمري انتي اللي روعه والله....

اما عن اخر الاخبار...هذا ياطويله العمر وحده تقولي ان ملفي مب موجود في مستودع الملفات...ولما قالت للمراقبه...قالت ان الملف تحت وبيجيبونه بعدين

واما مديره المدرسه الجديده داقه على امي تهاوش اليوم الصباح...وقالت لها لازم تسوين اجراءات نقل من جديد لان بنتك طالبه عندنا...والله يستر...والله ياخوفي اظل ضايعه بين مدرستين مدري انا باي مدرسه

انتي ادعي انها تتسهل بس :(

وتسلمين على الرد الله يعافيك..




[/COLOR] :D

شوكرا:# ياااااااي استحي ترى من الكلام الحلو:6

ايه بدعليك من قلبي الله ييسر عليك

بس من كلامك باين اانك لعوبه مرررررره ومشاغبه وتونسي:D

<<تقدرين تقولين انا قريبه شوي من هالنوعيه راعيه اداره <<<بس دايم ظلم:"


الله يعينك بيغثونك من ناحيه النقل

الا اقول يا زين الكليه<<<شوريره انا اقهرك":"

بس لا بجد اثارتني سالفه النظم الي قلتيها
صدق الكليه حوسه ما تدرين وين الله حاطك <<<ذكريات الطابور والمريول البني:"

[ez2dj]

على فكره...ترى الرسمه اللي بالزاويه هذي رسمه الابله اللي هاوشتني بالمدرسه الجديده...لاحظوا الحقد اول ماهاوشت رسمتها

ماأدري ليش هذي المدرسة تذكرني بالآنسة منشن إلي في رسوم سالي ?: ((تراني والله ماألمح لأحد :6 ))

صح أنتوا في السعودية الحريم ماعندكم أسامي إلا مزنة وحصة ...:!

سبحان الله ..مزنة اسم قديم لأن هالأيام ماشي أمطار يعني يصلح هذا الاسم لشهر واحد وبعدين يتغير إلى جفاف :6

حصة :رن جرس الفرصة ومع السلامة ?:

[داج2222]

ااااااااااااااااااااااااااااااااه...:"

لا تزيد المواااااااااجع خلني قد نسييييييييت اه اه اااااااااااه:" < -- استخف

يمين بالله من اول ما قريت الموضوع و انا ودي اصيح احس اني زيك لين ما جا المقطع انك رجعتي للمدرسه و تقفل معي...بس انا يعني:غضب:

شوفي مستعد ابصم بالعشرين رجليني تقط ويا مهب مشكله:Dان هالسيناريو نفسه حقي بالشخابيط حقت الدفتر بالهستره حقت المدرسين اللهم فرق واحد اني شاطح ام السور من اول يوم و مسوي اضراب:":

يسلموووووووو الايادي

[DNA]

الرسالة الأصلية كتبت بواسطة سيلفي2065
هههههههه حوباااات حوضن http://help.microsoft.com/!data/ar_sa/data/messengerv45_msn.its51/$content$/dude_hug.gif الله مير يسلمكم ويسعدكم ويوفقكم بدنياكم ويرزقكم جنته بالاخره...ياجعلي مااعدمكم كل ابوكم ياحبني لكم


النايف..

لو بحلف انك ماقريت الموضوع...بس شفت الصوره :D معليه معذور صراحه الموضوع طويل وبقوه <-----توك تدرين؟
مشكور عالرد

عماد 18 ...

والله جد مشوار؟؟ عاد وش اسوي لكم استاهل تقطعون هالمشوار عشاني":"
الله مير يسلمك...بعدين لو سمحت لاتحاول تحتك وتقول خطك زي خطي
":" انا خطي مافي مثله بالمجره <-----نفختوا راسها ياعالم

ابو شوشه ...

تدري وش احسن مافي ردك؟؟

انه من شوشتك :)

هو من ناحيه متبلده الاحساس انا صدز متبلده....بس بامور زي هذي تتفجر عندي كل العواطف والاحاسيس الجياشه ":"

خلاص حسيت والله حسيت ماعاد اتحرش بالبنات الجدد:"
الله مير يسلمك ومشكور انت بعد على الرد


DNA...

هلا والله دنا :6 هذي الساعه المباركه اللي شفناك بموضوعي...


اجل خطي حلو هاه؟؟؟ مااقول الا ماعندكم نظر انت واياه.... اجل لاشفتوا خط ياورد وش بتسوون؟؟ والله اصرف من خطوطنا كلنا جميع


اندومي :D...

هلا والله يابعد بعدي انتي...الله يسلمك عيونك الحلوه مب الشخابيط ":" عاد هاه لاتنسين تورينا شخابيطتس بعد
تسلمين على الرد


مستر دي جي...

هههههههههههه اجل عمليه ارهابيه هاه؟؟ لاعاد ماتوصل لعمليه ارهابيه .... الجرس بالمدرسه اللي رحت لها كفيل بانه يدمر المبنى باكمله...بس لو يعلون الصوت شوي :6 ومشكور على الرد


ايرسين لوبين...

ايه على قولتك لو المدرسه زينه يمكن اتعود....بس ذي المدرسه غير مريحه بتاتا...بعدين صعبه اجي من مدرسه فله ووناسه وغير كذا مدرسات يشرحون كويس... الى مدرسه مافيها مدرسات اصلا...بس بالنهايه ياخذون درجات كامله..

عيب والله عيب....حنا جايين نتلقى العلم...مب بس ننجح من دون فائده ":" <------شوفوا مييييين يتكلم


خوباج....اوبس...اقصد مانويل :)

شكله ضاق صدرك ولاقريت الموضوع :6 ادري طويل بس وش اسوي بربرتي واجد

وتسللممم على الرد :cool:



هلا والله دنا :6 هذي الساعه المباركه اللي شفناك بموضوعي...


الله يبارك ف عمرج <---اتحولت ل كويتي:6
خلاص ;-) You owe me one وربنا يبارك فيا واشوف حضرتك ف مواضيعي انشلله;)

[alex]

اما " كش عليتس يالقشرا " :D




خخخخخخخخخخخخخخخخخخ :D ....

[MoaeD]

الرسالة الأصلية كتبت بواسطة سيلفي2065

مؤيد...

هلا والله من امس توقعت انك اول واحد يرد على الموضوع طلعت اخر واحد :D

مب مشكله الموضوع منور فيك اول او اخر واحد...

ايه فزعتك تكفى ترى لسه المشكله ماانحلت نهائي لان الملف مب فيه..

لا صار شي بناديك بس لاتضرب ابله مزنه تراي احبها :# اضرب حصوص :D

مشكووور على الرد

على فكره...ترى الرسمه اللي بالزاويه هذي رسمه الابله اللي هاوشتني بالمدرسه الجديده...لاحظوا الحقد اول ماهاوشت رسمتها :D


المشكله انتي اول من عرف البزنس اللي عندي :)


<---- اشوا انك مورغمون على ذلك :p


ابد ملفك ببيتكم بعد كم يوم <--- ترى قصدهع الطرد مب جيبت الملف :p



خلاص مزنه برفسها منب طاقها <--- عناد :6


وحصوص ذي بعد بكرا تبون تضحكون عليها اذا جت مشوهه :D

<-- مسوي قوي وهو ما عنده سالفه :6

[عماد 18]

الرسالة الأصلية كتبت بواسطة سيلفي2065
عماد 18 ...

والله جد مشوار؟؟ عاد وش اسوي لكم استاهل تقطعون هالمشوار عشاني":"
الله مير يسلمك...بعدين لو سمحت لاتحاول تحتك وتقول خطك زي خطي
":" انا خطي مافي مثله بالمجره <-----نفختوا راسها ياعالم

مشوار بس تستاهلين قريته كل ابوه ..
كم سيلفي عندنا ؟؟
2 الاصل و الكوبي اللي اخترعها سكوال لما حاول يشوه سمعتك ":" ..

بعدين انا منقهر ان خطك يشبه خطي من قال اني احتك :6 ؟؟

[Classic Evil]

هلا سيلفي ..

من ثلاث شهور ما كتبتي موضوع الظاهر جمعتيهم كلهم و حطيتيهم مرة وحده هناا :p ...

بس عندي فضول زايد <---( زايد ولا خميس ) شوي ... أبي أعرف شو الكلمات اللي مشطوب عليها ":" ....

[flarestar]

ياعمري ياسيلفي هذي اخر سنه كذا:"


الله يعينك بس صدق وش سالفه النافوره?: حلوه تغطسين يدك فيها :p

مشكوره عالموضوع الحلو:-)

[bounty]

هلا والله سيلفي



.. ثانكيو على القصه اتضحك .. :D





و الله يعينج ..




:أفكر:

[سيلفي2065]

ez2dj

لا لا من قال اننا كلنا اسامينا مزنه وحصه

العكس عندنا اسامي اصرف من اساميكم شمه وعفرا ":"

خخخخخخخخ امزح


داج...

الله يعينك يادجو صراحه حالتك حاله....بس انت خلك على الغياب غديهم يفصلونك :D <-------يازين ماشاورت


اليكس...

ايه كش عليك يالاقشر :D خخخخخخ ثانكيو على الرد ياقدع


BBQ

لا يرحم والدينا ووالديك خلاااااص انا عقلت..مابي انطرد ولا ابي تعهدات ولاشي خلنا عاقلين بس :!



عماد...


هههههههههه لسه فاكر؟؟:D
كش عليه سكوال الاقشر شوه سمعتي :!


ايفل...

هع....لالا بابا مالك شغل ابدا البته بهالكلمات....برايفت ":"


فليرستار...

هلا والله ومسهلا اسفرت وانورت ياحيالله من جانا...

كسرت خاطرتس؟:": اجل ابي حلاوه :o

خخخخخخخخخخ النافوره والله لولا الحيا والملامه ونظره الناس لي كان قمزت كلي فيها ورطشت مريولي :D بس ابله مزنه لحقتني قبل فوات الاوان..

وتسلمين انتي بعد على الرد..


باونتي..

اهلين باونتي...ومشكور انت بعد على القرايه...تسلم على الرد:)

[Oasis]

أصـــــــــلاً مردتس لنا .. :cool:

.. تقدرين تستغنين عن الطبيعة شـــوهره ؟! :o
.. تقدرين تستغنين عني (( أنـــــــــا )) لاء طبعاً .. " ثـ قـ هـ " ":"
.. تقدرين تستغنين عن شلة الطقاقات ؟؟ والله ماتستحملين ..
.. أصلاً شلون تعيشين بمدرسه انا موب فيها <<---- خلاص لجيتينا تراتس :أفكر:
.. أجل غنيمه ابو الريش تطنزت على ميدالياتس .. خخخخخخخخ ..





خخخخخخخخخخ .. على العمووم ولكم باتس يابعدي ..
بس لين بغيتي تجربين مدرسه عطينا خبر عشان نجي نجرب معتس :o




:0)

[DNA]

الرسالة الأصلية كتبت بواسطة Oasis
أصـــــــــلاً مردتس لنا .. :cool:

.. تقدرين تستغنين عن الطبيعة شـــوهره ؟! :o
.. تقدرين تستغنين عني (( أنـــــــــا )) لاء طبعاً .. " ثـ قـ هـ " ":"
.. تقدرين تستغنين عن شلة الطقاقات ؟؟ والله ماتستحملين ..
.. أصلاً شلون تعيشين بمدرسه انا موب فيها <<---- خلاص لجيتينا تراتس :أفكر:
.. أجل غنيمه ابو الريش تطنزت على ميدالياتس .. خخخخخخخخ ..





خخخخخخخخخخ .. على العمووم ولكم باتس يابعدي ..
بس لين بغيتي تجربين مدرسه عطينا خبر عشان نجي نجرب معتس :o




:0)

طب تصدق بالله..... مافهمت حاجه من كلام حضرتك , يا أبو مشاركه وحده:6

[Oasis]

عاد تصدق بالله اني بنت :cool:


اختلاف اللهجات يسوي اكثر :D

[سيلفي2065]

هلالالالا واللله يالله ان تحيي ابله اويسز :6

انتاركتيكا از فاااااااااار اند ذا نيو سكول از فاااااااااااااااااااااار :6

حوضن http://help.microsoft.com/!data/ar_sa/data/messengerv45_msn.its51/$content$/dude_hug.gif

ايه اكيديييين مردي لكم ولنصفي الاخر يا اويسز :#

بعدين لو سمحتي لاتطنزين على غنيمه ابو الريش :o ترى لها فزعات هنا ;)


خلاص المره الجايه لاجيت انقل مدرستي باخذكم معي تفزعون واذا ماعجبنا الوضع ردينا جميع

عاد تخيلي الشكل...انا وانتي وام سرور والمحتالات : ام سعود وام عنبر مرتزين عند ابله مزنه...رجعونا مدرستنا...ههههههههههههه يرحم ام الشكل... عاد يكفي ان المحتالات ينصبون على الباصات يوصلونهم من دون فلوس... هالمره بيسوون عمليه احتيال كبرى على المدرسه :!

[DNA]

الرسالة الأصلية كتبت بواسطة Oasis
عاد تصدق بالله اني بنت :cool:


اختلاف اللهجات يسوي اكثر :D



عاد تصدق بالله اني بنت :cool:

ونعم بالله:)


طب المنتدى مش كلياتهم من السعوديه:6 يعني حاولي تحكي حاجه نفهمها مع البقيه;-)

[RPG_master]

الرسالة الأصلية كتبت بواسطة DNA





ونعم بالله:)


طب المنتدى مش كلياتهم من السعوديه:6 يعني حاولي تحكي حاجه نفهمها مع البقيه;-)

علمنا وش ما فهمت وانا اترجم لك:-)

[عماد 18]

ام عويس ?: ؟!
وش اوايسس ذي ؟!
اذا ما ني غلطان فيك من بلو روز :أفكر: ..
ممكن نتعرف :": ؟؟

[RPG_master]

طوووووووط خطأ":"

ya ..انت كمل:6

[عماد 18]

ياورد ؟!
هذه كل يوم باسم ?: !!
الظاهر ان مشرف الالعاب يبي يخليها تدفع بدل ضغط زايد :أفكر: ..

[DNA]

الرسالة الأصلية كتبت بواسطة RPG_master


علمنا وش ما فهمت وانا اترجم لك:-)




الرسالة الأصلية كتبت بواسطة Oasis
أصـــــــــلاً مردتس لنا .. :cool:

.. تقدرين تستغنين عن الطبيعة شـــوهره ؟! :o
.. تقدرين تستغنين عني (( أنـــــــــا )) لاء طبعاً .. " ثـ قـ هـ " ":"
.. تقدرين تستغنين عن شلة الطقاقات ؟؟ والله ماتستحملين ..
.. أصلاً شلون تعيشين بمدرسه انا موب فيها <<---- خلاص لجيتينا تراتس :أفكر:
.. أجل غنيمه ابو الريش تطنزت على ميدالياتس .. خخخخخخخخ ..





خخخخخخخخخخ .. على العمووم ولكم باتس يابعدي ..
بس لين بغيتي تجربين مدرسه عطينا خبر عشان نجي نجرب معتس :o




:0)


اهو

[the king 2pac]

هههههههههههههههههههههههههههههههه
يمكن على قولتهم الضغط يولد الأنفجار
انتي انظغتي انظغتي الييييييييييييييييييييييييييييييييييييين

انفجرتي:D

[MoaeD]

الرسالة الأصلية كتبت بواسطة عماد 18
ياورد ؟!
هذه كل يوم باسم ?: !!
الظاهر ان مشرف الالعاب يبي يخليها تدفع بدل ضغط زايد :أفكر: ..



خخخخخخخ وانت وش حارق رزك :6

[RPG_master]

صح وش حارق رزك:cool:

[flarestar]

الرسالة الأصلية كتبت بواسطة سيلفي2065



فليرستار...

هلا والله ومسهلا اسفرت وانورت ياحيالله من جانا...

كسرت خاطرتس؟:": اجل ابي حلاوه :o

خخخخخخخخخخ النافوره والله لولا الحيا والملامه ونظره الناس لي كان قمزت كلي فيها ورطشت مريولي :D بس ابله مزنه لحقتني قبل فوات الاوان..

وتسلمين انتي بعد على الرد..




و لا تغلى عليك كيكه اوريو بعد
http://www.pizzeriauno.com/images/oreo.jpg

خخخخخخخخخخخخخخخ

و الله حتى انا اذكر ايام الثانوي ابي العب بالمويه:0) مادري ليه بس اخاف يخرب شعري بعدين اهون:6

[العمدا]

الرسالة الأصلية كتبت بواسطة سيلفي2065
العمدا....

هاااو :! قمه الرواقه...وش مقعدك على النت من الفجر...الواحد لاقام من النوم يالله له خلق يغسل خشته وانت قاعد على النت

بغيت تصيح هاه؟؟ ورى ماصحت؟؟ عشان تشاركني مشاركه وجدانيه ونتقاسم انا وانت الدموع ":"

خخخخخخخخخ يلا تسلم انت بعد على الرد ياحضره العووووومدااااا <----تذكرني بالصعايده مدري ليه:o

هع .. وانا وش الى مخلينى دافور الا هالحركه ":" .... نم بكير قم بكير شف الصحه شلون بتصير :p لا بس صدق وش تتوقعين من واحد الساعه 8 ونص 9 وهو طافى ونايم ?: اكيد من فجر الله بيقووووووووم :o
وبعدين وش الى صعيدى الله يهديتس :"

[Oasis]

الرسالة الأصلية كتبت بواسطة عماد 18
ياورد ؟!
هذه كل يوم باسم ?: !!
الظاهر ان مشرف الالعاب يبي يخليها تدفع بدل ضغط زايد :أفكر: ..





:cool: المنتدى منتداي .. :D
أســـكت لا أطلع أسم جديد وأسجل فيه :6

بــعدين أنا شفت ان أسمي القديم YaWaRd_85 كـان فيه مشقه على بعض الزوله .. يعني لين جوا ينادوني لازم يقولون يــــــــا ياورد .. فـ رأفتاً مني ورحمه عليهم غيرته .. ":" الله يحفظني ويخليني ذخر لكم ..

[Oasis]

الرسالة الأصلية كتبت بواسطة DNA







اهو




أصـــلاً هاذي شفرات بيني وبين سيلفي ..:cool:

[العمدا]

الرسالة الأصلية كتبت بواسطة Oasis
أصـــلاً هاذي شفرات بيني وبين سيلفي ..:cool:

اصلا اصلا :!


خلاص لا تكثرين بصل قبل النوم :p

[DNA]

الرسالة الأصلية كتبت بواسطة Oasis





أصـــلاً هاذي شفرات بيني وبين سيلفي ..:cool:

:) طيب

[Oasis]

تراه موضوع خويتي .. لا تقعدون تنافخون علي :"


http://celso.jeeran.com/Oasis.jpg

شوفوا توقيعي حركتات :cool: <<-- بتكفخها سيلفي

[عماد 18]

الرسالة الأصلية كتبت بواسطة Oasis





:cool: المنتدى منتداي .. :D
أســـكت لا أطلع أسم جديد وأسجل فيه :6

بــعدين أنا شفت ان أسمي القديم YaWaRd_85 كـان فيه مشقه على بعض الزوله .. يعني لين جوا ينادوني لازم يقولون يــــــــا ياورد .. فـ رأفتاً مني ورحمه عليهم غيرته .. ":" الله يحفظني ويخليني ذخر لكم ..
بهذه صدقتي ..
ام عويس اسهل من جد ":" ..