مشاهدة النسخة كاملة : عام المودتشيب للبلاستيشن 2
قاهر الناس
11-05-2001, 07:23 PM
شباب الله يرحم والديكم وين اللاقي المودتشيب اللي تشغل الألعاب اليابانية والأوروبية (بال) على البلايشتيشن النظام الأمريكي؟ سمعت ان في وحده تشتغل على اليو اس بي USB PORT الموجود في البلاي ستاشين 2 وين الاقيها في الأمارات ووين القى النسخ كوبي يعني من العاب البلاي ستشين 2 ..واذا مافي في الإمارات هل من الممكن حد من الأخوان يطرشي لي اياها وأنا ادفع له تكاليف القطعه والشحن والكوميشن أذا كان يحب...وشكرا.
بعطيك محل في عجمان ينفع؟؟؟؟؟؟؟؟؟
المحل هو الروضة في عجمان,النعيمية وهو مكان معروف .
Abs133
12-05-2001, 03:30 PM
والله؟
كيف بكم وهل يركب القطعة ويبيعها للامريكي؟
ارجوك يا اخوي DK
المحقق الجنائي للمجرمxbox
13-05-2001, 01:55 PM
يا قاهر الناس (هههههههههه انت سبق انك حصلك ازمه نفسيه )؟؟؟
يا اخي وشوله هذا الاسم بعدين تقهرهم على ايش (سبق وانك قهرك احد كذا ولا انا غطان غير اسمك احسلك الله يصلحك )
a.m.k
13-05-2001, 02:42 PM
هلا
ياخوي محل في حامد سنتر اسمه ضوء الشمس في ابوظبي
بتلاقي فيه البلاوي (اذا كنت متمصلح مع راعي المحل);)
Abs133
13-05-2001, 04:43 PM
والله
اقدر القى عند ذاك البنغالي؟؟
ياخوي انت متأكد ولا كذا؟
؟؟
يا a.m.k
a.m.k
13-05-2001, 04:50 PM
يا خوي العاب الكوبي موجوده من زمان في حامد....
بس بعظهم تكون ناقصات يعني مثل الdemo
Abs133
13-05-2001, 07:06 PM
قصدك امريكي ولا ياباني؟
وهل يركب القطعة حقت الكوبي عنده؟
قاهر الناس
14-05-2001, 07:58 PM
شباب شكرا على التفاعل وياي لكن للحين مالقيت جواب 100% ياخوي ضوء الشمس ماعنده انا زبونه يمكن الحين من 10 سنوات ..اعرفه عدل ..يقول ماعنده المودتشيب....وللأخ اللي خبرني عن محل في عجمان أقول له مشكور بحاول اسير عجمان هالويك اند انشاءالله ..بالنسبة للاخ لالي يسال عن السيستم اللي عندي .اقوله انا عندي بلاستيشن 2 نظام امريكي NTSC
شكرا لكم
قاهر الناس
14-05-2001, 08:00 PM
ياخوي المحقق الجنائي صدق انك محقق ..بديتها بتحقيق وياي انا ..لا ياخوي مب مريض نفسي انا الحمدلله تعالجت من زمان الفال لك انشاءالله :)
alkhaj
14-05-2001, 09:24 PM
عزيزي الوحداوي :
بخصوص قطعة تشغيل الكوبي فإنني قد أشتريتها من المحل في مدينة عجمان بقيمة 200 درهم للقطعةSBOX و 200 درهم للجيم شارك وسوف أقوم بتركيب القطعة غداً وسأخبرك إذا كانت تعمل أم لا علماً بأن صاحب المحل قد قام بإعطائي رقم أحد الأشخاص الذي قام بتركيب القطعة وبسؤالة أفاد بأن القطعة تعمل بشكل جيد وإن معظم الألعاب المنسوخة تشتغل.
بخصوص الألعاب الكوبي فهي متوفرة في مدينة دبي وسعرها يتراوح بين 30 إلى 35 درهم وقد قمت سابقاً بذكر الألعاب التي قمت بشرائها وبإمكانك مراجعة المواضيع السابقة للتعرف على الألعاب المتوفرة وفي حالة طلبك لأي لعبة إرسل لي على البريد الالكتروني لإخبارك بالتفاصيل وحاضرين لأي خدمة من مدينة دبي.
Abs133
14-05-2001, 09:46 PM
اقول ياخوي al khaj
في اي محل في دبي00وهل فيه العاب جديدة وهل تكون كاملة قصدي FMV
ابغى اسأل عن لعبة اسمها The Adventure Of Cookie And Cream
وشكرا
مبروك alkhaj وسامحني اني ما اتصلت فيك لاني توي شفت الرسالة.
ياريت اول ما تجربها تكتبلنا.
ايش الالعاب الي اشتغلت عليها OK؟
طبعا قصدي العاب اصلية يابانية اذا كانت اشتغلت على جهازك الأمريكي.
ومشششششكككككوووووور مسبقا.
جميع حقوق برمجة vBulletin محفوظة ©2024 ,لدى مؤسسة Jelsoft المحدودة.
جميع المواضيع و المشاركات المطروحة من الاعضاء لا تعبر بالضرورة عن رأي أصحاب شبكة المنتدى .