المساعد الشخصي الرقمي

مشاهدة النسخة كاملة : نقاش الرسامين الكل يقول ايش الرسوم إلي كان يشوفها وهو ياهل


هـداف
18-10-2002, 08:57 AM
السلام عليكم ورحمة الله وبركاته

أهلا بالجميع

هذا الموضوع خذيت فكرته من منتدى ثاني علشان ماأفقد ثقتي...المهم

كل واحد يقول ايش الرسوم المتحركه الي كان يشوفها وهو صغير..:D ;)

يعني في بعض الرسوم لاتنسى.....كنا نشوفهم واحنا صغار و للحين نتذكر كل شي وحتى الأغاني نذكرها.........:أفكر:

صج كانت ايام حلوه........وانشاءالله بقولكم الي كنت اشوفه بس بعد ماشوف ردودكم الحلوه:6 ;-)
Madoka
18-10-2002, 09:18 AM
موضوع وايد حلو يالشاعر ;)


بالنسبه لي انا كنت اطالع زينه و نحول لما كنت عنونه و اتذكر الحلقه الاولى بالذات لما الحين .. و اذكر ان كان في مشهد من االاغنيه تبكي فيه زينه !! كنت ابجي كل ما اشوفه ههههه ^_^ و كنت اطالع بشار و ... امممممممم جونكر الحلقه الأخيره كانت حزيييييينه .. و اذكر من جونكر حذاء راي الأحمر لان كان عندي مثله بالضبط !!
.... و قصص عالميه " في قصص الشعوب " لا يمكن انسى اغنيته ... على فكره صج اللي غنت اغنيه قصص الشعوب المغنيه أصاله ؟؟؟؟؟

و توم و جيري و وودي من الكارتونز اللي احبهم ^^ و بعد في سنجاب برتقالي شيطان ما اذكر اسمه

و لما كنت بالابتدائي طبعا شفت السنافر !!!
محد يقدر يقول انه ما يعرف هالمسلسل ... كان صج من اروع المسلسلات على الاطلاق و ليلحين اتذكر ذيك الايام :أفكر:


و شفت كبمارو اول مره لما كنت بأولى ابتدائي :D

و سهم الفضاء لما كنت بثانيه ابتدائي .... الصراحه سهم الفضاء يعيد لي ذكريات جميله :" لاني ما شفته لسنوات عديده و قبل سنتين انعرض في تلفزيون سلطنه عمان ( جزاهم الله الف خير ) و شفته و رجعت لذكريات ايام اول ... اكثر شخصيه احبها سيف ^^ اللي جنه زرافه هههههه و احب وايد أغاني سمر .. :)

طبعا في بعد من المسلسلات القديمه مثل رعد العملاق و ابطال الملاعب و سانشيرو و خماسي و الهداف " احب الكابتن أمين ^^ " و كابتن ماجد وااااااااااااااااااااااااو ^______^ و اشياء وايده كلها شايفتها .. ما طافني شي :o


و الحين لما اشوف المسلسلات اليديده يضيق خلقي لانها مو بروعه المسلسلات القديمه اللي انزلت على ايامنا " اللي يسمع الحين يقول عني عيوز عايشه 60 سنه هههه "

:) و انت يالشاعر شنو المسلسلات اللي شفتها و انت صغير ؟؟ :)
wildkitty
18-10-2002, 12:15 PM
ممممممم
طبعا انا اطالع كل شي :D

بس اول ببايات شفتهم على ما اعتقد
توته بالمريخ كانه كانت قنات البحرين تحطه وشي اسمه خماسي حته مو متاكد من الاسم و جاراندايزر عدنان ولينه مازنجر ... الخ

الاغاني للحيني حافظتهم :D
Space Cowboy
18-10-2002, 02:22 PM
سلام!

كيف حالكم

يا شاعر يا شويعر موضوع تشكر عليه
:D

madoka اشكرك اعدت الي الكثير من الذكريات الجميلة ((لأ ما حصلت ال 60 سنة بعد ;) ))

حسنا اعتقد انه مافي احسن من القديم ,,,,و الفضل يعود الى اخوتي الكبار لتسجيلهم بعض الأنيمي القديييم جدا
هل يتذكر احدكم المقاتل المضحك ........ أذكركم به
" الوحش المطاطييي! بوم بوم بوم *موسيقى تصويرية* "
او اغنية الأشرار المفضلة
"شدوا العصائب فالوحش قادم ,شدو العصائب...." :6 :6 :6

سهم الفضاء كان رائعا جدا , و حتى اغنية البداية كانت جميلة جدا

ايضا هناك طم طم , الحوت الأبيض , الغواصة الزرقاء , من قصص الشعوب

غرندايزر (( كوجي انهض يا كوجي)) و مازنجر الكلاسيكي ..بالمناسبة كوجي و هو نفسه ماهر بطل مازنجر ز ؟!!
رعد العملاق , وطبعا الأنيمي الرائع عدنان و لينا :D


ايضا احب وودي وود باكر ((القديم)) و توم اند جيري ((القديم)) بينك بانثر ((القديم)) و معظم اعمال الوارنر بروثرس القديمة جدا ..بجز بني و رود رنر زززز......الخ

اي نسيت ... اغنية "الرحال الصغير" كانت جميلة جدا ^_^
اسف للأطالة ....انجرف مع الذكريات و المواضيع الجميلة بسهولة :o

-------
هل هناك اي موقع في النت به اغاني الأنيمي العربية؟؟
-------

سلام:)
Madoka
18-10-2002, 09:24 PM
الرسالة الأصلية كتبت بواسطة Space Cowboy

غرندايزر (( كوجي انهض يا كوجي)) و مازنجر الكلاسيكي ..بالمناسبة كوجي و هو نفسه ماهر بطل مازنجر ز ؟!!

" اذا كنت تحسب نفسك من اهل الارض لم لا تقاتل مثلهم !! "
يرد دايسكي " كوجي لا تكن سلبيا " هههههه لووووول :D


الرسالة الأصلية كتبت بواسطة Space Cowboy

اي نسيت ... اغنية "الرحال الصغير" كانت جميلة جدا ^_^
اسف للأطالة ....انجرف مع الذكريات و المواضيع الجميلة بسهولة :o

صج نسيته الرحاله الصغير .. انا بعد كنت اتابعه ^__^ كنت احب الورده اللي معاه وايد ^.^


الرسالة الأصلية كتبت بواسطة Space Cowboy

هل هناك اي موقع في النت به اغاني الأنيمي العربية؟؟



Space Cowboy :) هذا موقع فيه اغاني انيمي عربيه .. ان شالله تلقى الاغاني اللي تحبها ^^

http://mypage.ayna.com/john_silver/

باي ":"
لينيير13
19-10-2002, 12:05 AM
..والله كانت أيام ....
ما أحلاها قصص الشعوب ..وأغنيتها ....من كل بلاد الدنيا ..من كل بقاع الأرض قصص شتى ..تروى حتى ..نعرف أخبار الإنسان وزالكل هنا جيران
مادوكا هذه غناء أصالة ....
وكابتن ماجد ..الجزء الأول ...والهداف ....جورجي ...رحلة عنابة ....جزيرة الكنز ...سالي -يخ ما أحبها - ..الحوت الأبيض ..الليدي لين ...والليدي أوسكار ....
Last_Angel
19-10-2002, 06:15 AM
اممم.. تقريبا كل الرسوم المتحركه اللي كانت تجي على غصب 1 وغصب 2 (القناة السعوديه 1و2) قبل لا نركب دش :p


وغيرها شفته على الفيديو
زي كابامارو (ما كان يجي على التلفزيون)
وجراندايزر (ما لحقت عليه )
الامير ياقوت
جورجي (برضه ما لحقت عليه)


^_______^
هـداف
19-10-2002, 07:51 AM
أهلا شباب....شابات

آسف على تأخير الرد...........:#

شكرا شكرا شكرا على الردود....والله ذكرتونا ببعض الرسوم الي نسيتها



كانت ذكريات:أفكر: :D

والحين بقولكم الي كنت اشوفهم وانا صغير

1- سالي

2-السنافر

3-رعد العملاق

4-كلندايزر

5- جازورا

6-عدنان ولينا;)

7-خماسي

8-فوترون

9-سمبل

10-اوسكار

11-ليدي

12-عقلة الأصبع

13-نيلز

14-نوار

15-في جعبتنا حكايات

16-صاحب الظل الطويل

17-السيده ملعقه

18-شاركي وجورج

19-الشناكل

20-كابتن ماجد

21-فلونه

22-توم اند جيري

23-هايدي

24-وادي الأمان

25-ساندي بيل

26-سندباد

27-موكلي

28-سلاحف النينجا

29-الصياد الصغير

30-نصف بطل(لاعب البيسبول)

:D ;)

هاشباب اشرايكم........عصرت مخي لين ماطلعتهم.......تذكروا كل شي:0)


ومشكورين:p
orange road
19-10-2002, 10:22 AM
ممممممم
تبون الانيمي اللي كنا نجوفه واحنا صغار...

عاد صبروا.. باعصر مخي ومب متذكرتهم كلهم...

كنت احب واموت على زينة ونحول واذكر اني كنت مسجلة كل حلقاتهم... وحتى ان مرة ياتنا صديقة امي ومعاها بنتها الصغيرة وعجبها وايد وصمت انها ما تطلع الا ومعاها شريط.. وطبعا الوالدة الكريمة عطتها اياه...
كم كان عمري حزتها؟؟؟ اربع سنين؟؟؟ ما اتذكر بالضبط لكن للحين حاطة في قلبي سالفة الشريط...

تولعت بعدها بعدنان ولينا.. حتى كنت اصمم ان اكتب على الشريط عدنان وخلود :6

كنت احب بعد ران تان تان.. ما اعتقد حد ما يعرفه :) وايد كنت احبه واحب الكابتن هادوك وطبعا كنت اسجله اول باول

ولما جفنا جراندايزر كنا متولعين فيه .. وكنا نتسابق انا واليهال الباقين ونرسمه على الطوفة وفي كل مكان.. والحلقات اسجلها اول باول واجوفها اكثر من مرة :0)

اما بعدين.. ليدي اوسكار...
الانيمي اللي غطى على كل شي وخلاني دايما اشتري سيوف بلاستيك واتبارز مع اليهال بالسيف واقلد اوسكار واصارخ مثلها :D

وقبلها اعتقد اني جفت الاميرة ياقوت وحبيتها بس ما تولعت فيها مثل ما تولعت باوسكار

بعد اذكر احلى الايام

واذكر بعد الليث الابيض وكوكي العجيب... كلها انيميات حبيتها

بس تعبت.. بعدين يمكن اذا تذكرت شي ثاني باكتبه :6

وشكرا يا شاعر على الموضوع الحلو :o
Neo Cid
19-10-2002, 10:31 AM
ههههههههههههههههههه

خوش موضوع يا شاعر .. ;)

الصراحة لو تبيني أتكلم عن الرسوم اللي شفتها أقدر أألف عنها كتاب .. :p لكن ان شاء الله أتكلم شوي عن اللي شفته .. يعني لو كنت أذكر بعد .. :D

أممممممممممممممممممم..

الصراحة بدايتي بعصر الرسوم كانت مع أخوي جيم و خالي .. و أثنينهم كانوا مجانين قريندايز :p ههههههههه .. المهم .. يعني كانت بدايتي لطيفة مع قريندايزر .. و للحين أذكر بعض الحلقات البسيطة .. لكني ما أعتبر أن لقريندايزر أي ذكريات غير خالي و اخوي ... :D

و نروح حق مسلسل ثاني .. و هو خماسي .. لو كنتوا تشوفوني و أنا اتابع خماسي .. تقولون مجنون بمعنى الكلمة .. خماسي خماسي شخصية خمسية أجزاء علمية .. :p ":" .. المهم .. ( شكلي وايد بدت عن الموضوع ) .. :": ":" .. كنت أشوف الحلقة الواحدة باليوم و أعيدة حوالي 5 مرات .. :p .. لكن الحمد لله هذا الجنون بعد ..

و كاباماروووووووووو ... هذا حبيب القلب .. ماني متلكم عنه وايد لأني الحين لازم أمشي شباب .. أكمل لكم يوم ثاني ان شاء الله .. GTG to Zzzzzzzzzz .. :":

:D :D

سلام .. ;)
GM Head
19-10-2002, 03:05 PM
الرسالة الأصلية كتبت بواسطة Neo Cid

الصراحة بدايتي بعصر الرسوم كانت مع أخوي جيم و خالي .. و أثنينهم كانوا مجانين قريندايز :p ههههههههه .. المهم .. يعني كانت بدايتي لطيفة مع قريندايزر .. و للحين أذكر بعض الحلقات البسيطة .. لكني ما أعتبر أن لقريندايزر أي ذكريات غير خالي و اخوي ... :D


1-و أخوي صاج في هذا (لأنه كان للحين في الروضة لما شاف أواخر حلقات غريندايزر) لأن غريندايزر كان يعتبر أقوى مسلسل أخذنا أنا و خالي(يكبر عن بسنة) كقدودة في محاربة الأشرار و رسم الآليين ........ إلى حد مرة رسمنا غريندايزر على طوفة أحذ غرف بيت جدي(الله يرحمه) و كنا على وشك البكاء لما أمر خالي الكبير(أكبرهم) بصبغ البيت و بالطبع رسمة غريندايزر منهم:": .

2-و اتذكر أنمي قديم و جزاء الله خيراً للذين أعادوه للبث و هو "نسور الفضاء" يااااااه ....... الYamato و هي تطير في الفضاء .......:" (دموع الفرح) تعيييييييد ليييييي الذكريييييات:" (دموع الفرح مرة أخرى).

3-سندباد : تحفة الأعمال اليابانية في حق العالم العربي و الإسلامي و هو بمثابة من أجمل ذكريات لي........... و ما قصروا قناة الشارقة الفضائية بإعادة بث المسلسل.

4-سالي: أول مسلسل أنمي دراما أشوفه و أتذكر مشاهد الحزن و الألم و القهر (و مرات كنت ابي أقتل الناظرة.....:غضب: ) بس كان روعة في الأدب البريطاني.

5-ليدي: يااااااااااااي :D كان أول مسلسل تكون البطلة فتاة و درامي أتابعه من الحلقة الأولى حتى الأخيرة , و كنت أقعد على أعصابي علشان اعرف شنو راح يصير في الحلقة الي وراه................:D ذكريات جميلة.

6-فلونة: إذا لقيتوا شريط لفلونة , قولوا لي علشان أراوي اليهال عندنا "هذا هو مسلسل ممتاز" مو التي تعرضه SpAcE ToOn ;) .

7-خماسي و فولترون: كنا نجمع ألعابه بالهبل لما كان in store و أنا للحين من متابعي خماسي(موجود في لعبة super Robot Wars Impact ) , و فولترون .............أأأأأأأأوهههههههههه .... لا يوجد أحى من الأنمي الي جذبني(و طز بالمسلسل الجديد).

8-كابامارو: يا ريت كنت مثله:D (أكل أكل لا أشبع) و كان أيام جميلة أنبط من الضحك لما كنت أشوفه (مو مقطع تقطيع).

9- توم و جيري: منو يقدر يوصل لمستوى هذا الثنائي المرح في عصرنا الحديث؟ و لا مسلسل ........ أعتبر توم و جيري القديم من أروع المسلسلات الكوميدية حتى اليوم لأن الأفكار في ذلك اليوم متوافرة , منو مثل اليوم الفكرة لازم تروح المحكمة علشان تثبت ملكيتك لها.

10- و الكثير من الأنميات الي ما أقدر أوصف مدى فرحي من مشاهدتها و حفظ الكثير من أغانيه.......... سنييييييففففففف :" :" (دموع الفرح و الذكريات)
لينيير13
19-10-2002, 07:18 PM
خلود ...ذكرتيني بالأميرة ياقوت ..كنت أحبها بشكل ...أما ليدي أوسكار فقد أحببتها لدرجة هائلة ..طبعاً مع سيوف وتمثيل ومؤثرات صوتية ...

هي خلود ..تحبين تان تان ...ومن لا يحبه ؟..هذه الشخصية أشهر من النار على علم ...وكانت لي معه ذكريات لا تنسى وحتى فبل عدة أيام حين أقيم معرض الكتاب العربي ...كنت ماشية بأمان الله وإذ بي ألمح تان تان عندها طار عقلي وركضت على الجناح متل الهبلة ....ههههه ولو ما كنت مفلسة كنت اشتريت القصص كلها ...
orange road
19-10-2002, 08:26 PM
اي لينير
احب تان تان وايد.. والحين قاعدة اقرا قصصه مرة ثانية

بعد نسيت اذكر لولو الصغيرة..
اموت عليها واحب اقراها قصص واجوفها كارتون لحد الحين :)
تجنن هالبنت.. القصص بسيطة وحلوة

وحبيت الزهرة الجميلة...
سوسن انت يا روحي زهرة...
سوسن يحميك كلب وهرة....

:6
Ranma Saotome
19-10-2002, 09:22 PM
مشكووووور شاعر على هالموضوع
والله تعبت وانا اقرا الردود.. ذكريااااااااااااااااااااااااااااااات
اشياء وايد ذكرتوني فيها هعهعهعهع وناااسه

شبااااب وبنات ترى ردي يونّس (مداح نفسه يبيله...) :p مب تقرون كلمتين وتتمللون هعهعهع

هه ماتذكر المسلسلات بالترتيب لكن اشياء وايد حلوه كنا نشوفها (احسن من بوكيمون)..

من الكارتون الامريكي كنت اشوف توم وجيري لكن ماكنت اضحك عليه مثل ماضحك الحين.. وودي وود بيكر كنت اموت عليه.. وبنك بانثر ههههههه كنت اخاف من آكل النمل:o (لحد يضحك:غضب:) هعهعهعهع كنت اكره ميكي ماوس وشلته.. وللحين اكرههم

كنت اشوف المقاتل المضحك يقظاااااان الفضااااااء ههههههههههههه والله تحفه.. والوحش المطاطي ذكرتني ياسبيس كاوبوي.. وشدوا العصائب لا لالا لا.. هههههههه كنت احب الدبلجه هههه عندي كلل اجزاءه وكان اكره شي عندي لما يغني كريييييييه

جريندايزر ههههههههه كنت استانس على شكل الوحوش والشخصيات الشرير ولا عاد لما ينفتح ويه هذاك وتطلع العيوز الحمره هههههه.. من اححلى المسلسلات.. وبين كل جمله والثانيه "اللعععنه" رعععععد الفضاااء

من قصص الشعوووووب من قصص الشعوووب الله والله وناسه قبل.. اكثر حلقة اتذكرها هي بحيرة البجع.. اوديت كخخخخ

كلللللللللللللله كووووووم و خماسي كوم ثاني.. بصراحه لين الحين اشوف خماسي وجريندايز هم اححححلى مسلسين آليات في التاااريخ بالنسبه لي.. خماسي كان صج فيه اشياء مبتكره.. وخاصه عند الالتحام درجة التركيز وهالاشياء.. والقائد مالهم ههههههه والالي.. وووو اتذكر كلللل شي.. ههههه خماسي التقليد وو يوم يفجرون خماسي.. والحلقة الاخيره طلع قارودا رجل آلي.. و امه ههههه ويا صوتها.. مسلسل توووووب..

من الروائع بعد كان نييييييلز.. اخبر الاهل كلللهم كانوا يتابعونه حتى شرينا كل الاجزاء......... وو اييييييييه شاركي وجوووورج كنت اموووت عليه
حتى اتذكر ايام رابع ابتدائي اعتقد كانوا كأن ييبونه في رمضان.. كنت ارجع من المدرسه على طووول على التلفزيون.. شاركييي وجوورج والعصابه والاشرار.. بس والله كان حلو يعني فيه شي غير

سلاحف النينجا.. مافي غيرهم اللي حببونا في البيتزا ولا كنا مانعرفها كخخخخ انا كنت احب مايكل انجلوا واخوي الصغير رفاييل والكبير دناتيلو.. وولد عمي يحب الشرير كخخخخخ ووو بعد الصياد الصغييييييير.. اعتقد الكلل حب هالمسلسل.. صج انه كان كله بس عن الصيد لكن كان روووووعه سمكة النمر وسمكة القط ومادري شنو

وكووووكي.. احلى شي لما يمشي يطلع الصوت ههههههه حتى وانا كبير كنت آخذ جوتي اخوي الصغير (يطلع صوت) وامشي فيه :D

وسااالي :" من شاف سالي وماجاته الصيحه.. قصته وايد حلوه وشفته اكثر من مره ولو اشوفه 20 مره ماراح اتملل
وليدي ليدي حلو كنا كللللنا نتجمع نشوفه مع بعض..
لكن صج اللي جذبني وانا صغير بعد تووووووووووووووووووته توته توووته.. ياحلوه ياتووووته.. هيا بنا ياتووووته.. للمريخ نرررحل:o الشخصيات اللي فيه كللها حلوه.. والبارون الطباخ هعهعهع والسيده دليله وبنتها والتوأم الغبي يااااه ماتذكر اسمهم الحين?: دنقل ومنقل اظن!! اتذكر حلقات وايد من هالكرتون

عاد مسلسلات كرة القدم خلوها على جنب.. كابتن ماجد والهداف وكابتن رابح وكابتن ثابت.. اكثر شي حبيته وانا صغير هو الكابتن ماجد...
لكن بصراحه احلى مسلسل اللي صججج يعني كرة قدم هو كابتن ثابت دون منازع.. بس الهداف ذكرياته غيييير الحارس امين ورامي الهداف و الحارس علاء وفريق البنات وفريق النمور وفريق الدبابات.. ياريت ييبون هالمسلسل مره ثانيه والله اليهال بيحبونه اكيييد
اييييييه قبل مانسى ماااشفت سانشيييييييييييييييرو
:" حرام عليكم حد ينسى هالمسلسل رفيجي من شهر تقريبا اشترى كللل الاجزاء لكن ماعطاني اياهم:":" اتذكر الهندي هههه والدب الغبي مع دميته.. وهذاك الثاني شسسسسمه ياربي.. وشلة سانشيرو كلهم كووووول ووو حركة الاسواره صج كانت عجييبه.. اااخ خلاص اول شي اسويه في اجازة العيد... باشتري سانشيرو ":" ايه واتذكر طلع كلام وااايد ان في مثل لعبة جومارو نزلت في الاسواق وكنا شكثر نحوووس ندورها لكن كله خرطي..

اااه سوووري وااايد طولت عليكم.. لكن كلما خلصت الكلام اتذكر مسلسل زياده... واذا تذكرت اكثر برجع وأأذيكم مره ثانيه هعهعهعهع

ومشكوووور مره ثانيه على الموضوع..
هـداف
20-10-2002, 01:39 AM
مشكورين شباب على الردود والمشاركه الحلوه...:)


كل يقول غلي بخاطره لحد يقول ماأبي أطول...عادي اكتبوا الي تبونه...أوكيييييييييييييييييييييييييي:6




على العموم...ذكرتنيي رانما ببعض المسلسلات.....الله يرجك...لحين تذكر ذيك المرأه الحمرى الي تطلع من راس الشرير........هاهاهاهاهاه:D بس بذكرك بذاك الي راسه جنه جبل على فوق.......هههههههه كنا نسميه بوجبل:0) :6


.....والعفو على الجميع:cool:
Gatts
20-10-2002, 03:14 AM
وصل Gatts أخيراً :)

المشكله Griffth مأخرني شوي :6

------------------------------------------------
( يوميات Gatts )

1\5\1985 : في مثل هذا اليوم وقعت عيناي على أجمل أنمي
في التاريخ وكنت أشاهده بعين الإستغراب و الإنبهار

ما هذا :واو: فتى يدخل في صدر رجلٍ عملاق ذو بزةٍ حمراء
زرقاء يناديه عبر قرص معلق في صدره معقووووول :! :!

إنه astroganger جونكر أجمل ما رأت عيناي

حتى أنه في صغري لقبت بمجنون جونكر :p

ولا زلت إلا اليوم أبحث عن خمسة حلقات ناقصه من أصل 26 حلقه

ولا زلت أبحث عن أغانيه اليابانيه الأصليه :"

ومن بعدها و أنا مجنون أنمي :cool:

وهناك مسلسلات أخرى كثيره كنت أتابعها مثل :

فارس الفضاء و الرجل الحديدي و غريندايزر و الزهره الجميله و سانشيروا و رانزي و

من قصص الشعوب ( من المسلسلات الجميله جداً)

بل وسباستين و سبانك و خماسي الرائع و نينجا و هايدي و غيره


وسلامتكم وسلامت الحاضرين والسامعين والنايمين :)
CUTE NURIKO
20-10-2002, 04:56 AM
الله ..... ايااااااام... ماشاءالله ما خليتوا شي ....

اموووت في وادي الامان ... والاغنيه ماله....

و رشا وسبانك.... بومبو :D .... و رغيف كل يوم يبدل ويهه :p


اوديت ... اذكر كانوا يعيدونه كل جمعه...

و كل اللي قلتوهم حلووووووووويييين ":"


مشكور شاعر على الموضوع الحلو :)
هـداف
20-10-2002, 09:41 AM
Gatts

تسلم على الرد..... وينك يارجال ماتبين:D ;)


نوريكو..........يعجبج وادي الامان هاه:D


مشكورة على الرد....واي واحد عنده شي يقوله خلنا نتذكلا:6
Touya
20-10-2002, 11:31 AM
السلام

تبون تضحكون شوي؟

طيب أسمعو سوالفي مع الكراتين وأنا صغير:6

نبدا بويش؟؟؟ يالله نبدا بسهم الفضاء... يوم أتذكر أول مرة شفته... في مركز دنيا الفنون في مدخل سوق الأحساء... في الليل... مع الوالد... شفته يعرض ورى الكاونتر وشفت كم لقطه ... بس ماأتذكر كاني شريته ولا لأ... المهم.... اللي أتذكره أنه من يوم شفت ذاك اللي شكله زي الضفدع يقلب شكله زي الوحش ويهاجم ربعه وأنا أنخرش و افحط ومن بعده ماشفت المسلسل ليومك...:":
(افحط يعني أبكي وأزاقع)

ويوم أني أطالع كبمارو يوم جده يطق هايات يوم يمسكهم... بكيت كسرو خاطري:":

وكنت أبكي كل ماطالعت سالي...:":

و سيلفر كان يخوفني... حتى أني وقفت أطالع المسلسل...


كنت أحب عدنان ولينا، نيلز ، هداف، فارس الفضاء (كان عندي شريط وحللت قيمته... طالعته لين أنقطع:6 )

ليدي ساعات بكتني...

سنشايرو للحين أتذكر أيامه الحلوة... خابر عندي حلقة مسجل عليها بالغلط القناة الأولى في وسط الخنقة:" وللحين ماني عارف وش صار:"

ببيرو... ماتذكر إلا ببيرو صفر ويجي حصانه وينط فوقه... من الأغنية بعد... بس من كم اسبوع شفته على التلفزيون... تصدقون؟ :#

ولا الليث الأبيض... .. كان من جد أيام أول حماس... مو النسخ اللي مطلعينها بعدين.... سماجة سمبا وطقته:غضب:

آه أيام... الحين الواحد قال كل اللي في قلبه... يالله نشوفكم:0)
Madoka
20-10-2002, 11:30 PM
قاعده اقرى كل ردود الأعضاء و لأكثر من مره :) كاتبين كلام حلوووو .. ياريت كل واحد يقول مواقف سارتله مع هذي المسلسلات ... و يكتب مشاهد أثرت فيه وايد

.. بالنسبه لي .. راح ابدأ بأبطال الملاعب :أفكر: هههههههه منو فيكم يذكره .. الصراحه انا اعتبره مسلسل كوميدي من كثر ما يضحك .. الدبلجه لهذا المسلسل رائعه و مضحكه ايضا ^_^ احب حارس المرمى كمال نسيم .. شعره حلو ^^ ... و يضحكني وايد جاسم مختار في بدايه المسلسل لما كان يدرب الفريق الأول هههه >_< مطلع روحهم مساكين

رعد العملاق تونس اغنيه النهايه (مليقه شوي) .. منو فيكم ملاحظ حسام (بطل المسلسل) اشلون يستخدم جهاز التحكم برعد العملاق :أفكر: كله يضغط عالزر و بعدين يحرك المقبض اللي ماسكه لجدام "ما عنده الا هالحركه عشان يحرك رعد العملاق لوووول) و كل ساعه ضايع منه جهاز التحكم :0)

أما خماسي :" نهايته صج صج كانت مؤثؤه .. لما قارودا (الشرير) اكتشف انه رجل آلي و ليس مواطن مو كوكب كامبل (خخخ) و قعد يبجي لأن (ميا) الآليه ضحت بنفسها عشان تنقذ حياته .... و تذكرون الحلقه الأخيره اشلون ماتت الشريره اورليانا(مادري كاتبه اسمها صح!) بعد ما اطلق عليها جارودا سهام .. صرخت صرخه تضحك هههههههههههه :D

و كابتن ماجد فيه مشاهد تضحك وايد .... مثل الجزء الأول لما كان فريق المجد يطالع مباراة لمازن و شافوا ان مازن رقمه 14 مثل عمر و قالوا انه يملك ساقين طويلتين :أفكر: و بعدين في مباراتهم ضد مازن ... قال عمر (ماذا يملك مازن غير الساقين الطويلتين) هاهاها و سمعه مازن يقول عنه جذي
و المباراة النهائيه في الجزء الأول لما لانه حاولت انها تطق بسام و كانوا ماسكينها و اهي معصبه و تحاول تطقه !! اما بسام واقف يسوي روحه كلش :D و بعدين ماجد قالها "لوزه توقفي" و طلع ان اسمها لوزه .. ....
:أفكر::6
كبمارو
21-10-2002, 03:56 AM
الرسالة الأصلية كتبت بواسطة Touya
ويوم أني أطالع كبمارو يوم جده يطق هايات يوم يمسكهم... بكيت كسرو خاطري:":

هي صح ذكرت...كان يضربهم تحت الجسر..في بدايه اول ثلاث حلقات..

انا عندي كراتين من الذكريات...لكن صدق احين انا في حاله ما تسمح اكتب...انشاءالله المره اليايه......تحياتي
هـداف
21-10-2002, 08:51 AM
تويا...ههههههههههههههاهاهاهاهاهاه:D :D

اذا عندك سوالف قولنا خلنا نضحك;)

موداكا:

الصراحه كبتن ماجد....مسويلنا سالفه..كله خرط في خرط...الحين مثلا ماجد ينجز بالهوى....ويقعد يتذكر كل شي ...:! اشدعوه...حلقه كامله وهو يتذكر وبعد وهو طاير بالهوى......فعلا شلخ بكل ماتعنيه الكلمه:p


كمبارو...حياك باي وقت وننتظر ردك:0)

.....................................

بقولكم سالفه لي.....مره لما كنا نشوف مسلسل الكبتن ماجد...كنا نشوف بسام وهو يركض...كانوا اللاعبين الي يقربون منه او يتزحلقون عليه ... يتناثرون :p ...عاد مره كنت العب مع اخوي الكبير وكنت اركض ... اخوي قرّب مني اشوي الي طاح..........ههههههههههاهاهاهه...والله للحين اذكر ومن ذيك اللحضه اصبحت القب ببسام":" :6 ......كووووووووووول
tis tis
25-10-2002, 02:02 PM
*كح* كح* الله هذا الشي يجيب حاجات مغبره *كح*..

المهم..والله اشياء كثيره شفتها...خليني افتكر..همممم
جونكر(مافتكره)-جرندايزر(تقريبا)-كابتن ماجد(ابله)-شينقتر روبو(لقديييم نفسي اشوف الجديد:": )-كوكي(استروا بوي)-خماسي - مازنجر...و ..يالله راسي يوجعني...:": الصياد الصغير - ريمي القديم - واشياء كثيره توجع الراس....:":
Touya
25-10-2002, 02:08 PM
الرسالة الأصلية كتبت بواسطة tis tis
*كح* كح* الله هذا الشي يجيب حاجات مغبره *كح*..

المهم..والله اشياء كثيره شفتها...خليني افتكر..همممم
جونكر(مافتكره)-جرندايزر(تقريبا)-كابتن ماجد(ابله)-شينقتر روبو(لقديييم نفسي اشوف الجديد:": )-كوكي(استروا بوي)-خماسي - مازنجر...و ..يالله راسي يوجعني...:": الصياد الصغير - ريمي القديم - واشياء كثيره توجع الراس....:":


الله ياريمي القديم... بكيت بعد الحلقات حقة مزرعة الورود اللي في الثلج يوم يومت جده... ويالمسكين انا اشهد أنه تبهذل من بعدها... ولا ذاك اللعين اللي كان يطق البزران بالسوط.... أخخخخخ أنا حاقد حقد عليه اللعين... من جد كان يخوفني:": وخصوصاً لما تجي اللقطات اللي شوي ويمسك عليهم شي ويطقهم... :"
deep^impact
25-10-2002, 02:30 PM
mmmmmm
والله مسلسلات واااايد كنت اشوفهم قبل

منهم,ساسوكي,كوكي,ابطال الملاعب,ثاندركاتس,توته ,رنا,
غريندايزر,جونكر

الهداف وكبامارو (اموووووت على شي اسمه شيزوووون)
وطبعا ماانسى الكابتن ماجد (كنت اشوفه باليوم 10398483054مره)
متأثر بشخصية ياسين

والله مسلسلات وايد ما اقدر اقولهم كلهم
طبعا ماانسى بومبو وفارس الفضاء وسهم الفضاء ورنين
هـداف
25-10-2002, 06:36 PM
tis tis

Touya

deep^impact


تسلمون على الردود.......;)

الموضوع رجع مره ثانيه



عندي رسوم متحركه محد يمكن فكر فيها..........!!!!!

الشجعان الثلاثة

هاهاهاه

صج كانت رسوم عجييييييييييييييييييييييييييييييبه وحلوه...:D ;)
زهرةالجبل
25-10-2002, 08:34 PM
والحين بقولكم الي كنت اشوفهم وانا صغير

1- سالي

2-السنافر

3-رعد العملاق

4-كلندايزر

5- جازورا

6-عدنان ولينا;)

7-الشجعان الثلاثة

8-ماروكو

9-سمبل

10-اوسكار

11-ليدي

12-عقلة الأصبع

13-نيلز

14-نوار

15-في جعبتنا حكايات

16-صاحب الظل الطويل

17-السيده ملعقه

18-شاركي وجورج

19-الشناكل

20-كابتن ماجد

21-فلونه

22-توم اند جيري

23-هايدي

24-وادي الأمان

25-ساندي بيل

26-سندباد

27-موكلي

28-سلاحف النينجا

29-الصياد الصغير

30-نصف بطل(لاعب البيسبول)

31-الهداف

32-سوار العسل

33-زهرةالجبل
هـداف
25-10-2002, 09:01 PM
اي تعالي زهرة الجبل.......ذكرتينا والله....:D ;)

حاطه ردي بس مزوده سوار العسل........والله ذكرنيني فيها......اذكر انها نحله ماردي ايش....وكان يدور على امه .....والله ذكريات :p :أفكر:


شكرا على الرد اختي زهرة الجبل

_________________________________

والله الحين وانا اكتب الرد قاعد اسمع أغاني من الوصله الي مادري مين حاطها والله نسيت......بس فله قاعد اسمه ميمي...

حلت علينا ميمي من عالم النجوم......تحملها حمامة ٌ......هههاهاهاها(متفرق:p )

اذا في حد عنده موقع ثاني ممكن يحطه اذا ماعليه امر لو يسمح:6
زهرةالجبل
31-10-2002, 08:20 AM
بعد ما خلصت:D :D :D

_اخي العزيز
_بوليانا
_عهد الاصدقاء
_اسرار المحيط
_كابتن رابح
_العائلة السعيدة
_جورجي
_الليث الابيض
_كاليميرو
_السباق الكبير
_اليس في بلاد العجائب
_المغامرون
_فتاةالمراعي
_شما
_ساندريلا
_نينجا

وفي رسوم ناسيتها
:D :D
Rewayah
06-11-2002, 09:32 AM
السلام عليكم. :)

اللي شفته وأنا صغير وحبيته...

- فارس الفتى الشجاع.
- *السندباد.
- الرجل الحديدي.
- *مغامرات عدنان.
- *جزيرة الكنز.
- ليدي ليدي.
- *غرندايزر.
- *سالي.
- حكايات عالمية.
- قصص عالمية (علاء الدين).
- قصص عالمية (30.000 متر تحت سطح البحر).
- قصص عالمية (علي بابا والأربعين حرامي).
- *صبي الأحراش.
- النسر الذهبي.
- *ساندي بيل.
- الحوت الأبيض.
- رحلة العجائب.
- *نينجا كبمارو.
- *رانزي المدهشة.
- الأحلام الذهبية.
- الزهرة الجميلة.
- *الهداف.
- صراع الجبابرة.
- صفر صفر واحد.
- خماسي.

;-)

"كوبي بيست" من إجابتي السابقة في موضوع: "للحديث عن الآنيمي..." (http://www.montada.com/montada/showthread.php?threadid=140470) للأخ سلطون. :)
(إضغط على الينك إن كنت تود قراءة رأيي في هذه الكرتونات).
هـداف
25-11-2002, 09:14 PM
شكرا على ردكم بالموضوع يازهرة الجبل ويياروايه....مع أني متأخر بالرد لكن إعذروني:#

روايه عليك ذاكرة قوية...مشاءالله عليك:D ;)
Ranze Eto
26-11-2002, 01:35 AM
:D موضوووووع حلوووووووو .....

امممممممم :أفكر: اذكر لما كنت اصغيره كان عندي اكثر من 250 شريط

بعضهم وارثتهم من خواتي اللي اكبر مني و البعض اآخر شاريتهم و مسجلتهم من التلفزيوون ....

اول شريط اغتنيته في حياتي وكان ملكي يعني ما ورثته :D اذكر كان هديه من عمي ( و الله و الهديه عاد:أفكر: ) شريط توم اند جيري

وااااااااو احلا شي توم اند جيري القديم .... حكيييت الشريط حك لين انقطع لا و خليت اخوي الكبير يصلحه لي عشان ارجع اشوفه ..

من بعدها ... بديت اشوف

* سبانك ( هذا حبيبي لين اللحين :D ) الاجزاء كلها

* رانزي الساحره ( اعتقد انكم اتعرفون مدى اعجابي بهالكارتون) اجزاءه كامله عندي

* المقاتل المضح (:واو: كح كح كح اطلعت اغبره ..ادري لانه قديم )

* سالي

* سالي (رحلة العجائب)

*بسمة و عبدو

*المهرج كيري

* الرجل الحديدي

* سوسن (الزهرة الجميله)

* ساندي بل

* توم سوير

* فلونه

* هايدي

* أسألو لبيبه

* لوسي

* قصص عالمية ( كنت احب قصة كسارت البندق:D و البجعات و كنت اتأثر لما الساحره العجوز ادخل الابره في قدم البنت :" )

* نينجااااا المغامر "كبامارووو" حبيييييييبي العبيط :6

* و الاميره ياقووووت

*بوليانا

* لولو الصغيره

*زينه و نحوول

* بشار

*الهداف

*الكابتن ماجد

* مغامرات أحلام و الكوالا

* باربا شاطر اعظم ساحر :D ( كح كح كح:واو: )

*جورجي

* مغامرات ريمي (القديم "الولد":o )

*بن بن .... (ههههه كنت احب العم شنبو )

* الضفدع الشجاع

* سهم الفضاء

* رنين (سفينة الاصدقاء)

* الدب تيدي

*الدببه الطيبون

* اليس في بلاد العجائب

* السندباد

*نصف بطل

* صاحب الظل الطويل

* التوأمان

* رحلة عنابه

* ماوكلي

*أحلام ذهبية

*حكايات لا تنسى

* ليدي ليدي

*عدنان و لينا

*فولترون

* خماسي

*سانشيرو البطل

*الليث الابيض

*كاليميرو

*ماهر المغامر

*فتاة المراعي

*السنافر

*جونكر

*الشناكل

*ميمي الصغيره

*لبني السريعه

*اخي العزيز

* فتاة المراعي

*نيلز

*جازورا

*السيدة ملعقه

*رامي الصياد الصغير

*مغامرات كوكي (فشفش:D )

*ساسوكي

:أفكر: امممممممممممممم استرجع

* فيه رسوم و الله ما اذكر اسمه الولد اللي يسافر عن طري المذنب و عنده ورده حمره تطلع منها بنت حلووه .. ?: نسيت اسمه

و الله نسيت الرسوم اللي شفتها وايد ... اذا ذكرت بكتبهم لكم
اممممم اغلب هالرسوم عندي الاجزاء كلها و بعضها كم جزء و بعضها جزء واحد ... هذا قبل ... بعضهم اللي تمو عندي للحين

بس اللحين لم يبقى سوى الاطلال :6
DAURAGON
26-11-2002, 06:01 AM
الله ...ذكرتونى بأيام الطفوله.....واتذكر اشياء مرره ظريفه
اتذكر ايام زينه ونحول لما كان ينعرض على القناه الأولى...لما يجى وقته
نروح انا واخوى المطبخ علشان نجهز حليب شوكلاته باالمزازه حق البيبى
ونجلس مقابلين التلفزيون ونشفط فى المزاز.......ههههه ذكريات حلوه
وكمان كنت اموت على شى اسمه حكايات لاتنسى حق القرود الثلاثه:6
وكنت اتابع هايدى بعد....كنت بعد ماتنتهى الحلقه اروح عند ابوى اصرخ
واصيح ابيه يشتريلى معزه صغيره مثل هايدى...
وكنت اموت على كعبول وبسيط.......:6
كمان تابعت اوسكار وبصراحه احلى رسوم كرتونيه تابعتها وعرفتها للحين
اهى وصديقها اندريه وماري انطوانيت ..بصراحه مرره كانت روعه وعلى فكره اوسكار طالعتها اخر مره الشهر اللى فات....يعنى مو وانا ياهل...
وكمان كنت اتابع بوليانا وساسوكى وكبمارو وسنشيرو .........وبصراحه ماخليت شى الا وتابعته:أفكر:
ونا للحين اتابع.....سلام دانك وكونان وسابق ولاحق ودراغون بول..<<اصله بيبى:6 :6
Madoka
26-11-2002, 07:38 AM
الرسالة الأصلية كتبت بواسطة DAURAGON
وكمان كنت اموت على شى اسمه حكايات لاتنسى حق القرود الثلاثه:6

ذكرتني فيه :) كنت اتابعه انا و اخواني و ليلحين اتذكر حلقه قوس قزح و الطيور لما تتلون .. كانت مؤثره جدا:"

.. و هم كنت اتابع عقله الاصبع ":"

و جم شغله مثل كريم و ريم ، و سبورت بيلي هههه و بيبي فوت (الفقمه البيضاء) ^___^

الحين لو اشوف واحد من آخر 3 مسلسلات كتبتها تلوع جبدي :": ساعات افكر احنا اشلون تابعنا بعض هالرسوم ^^!
Ranze Eto
26-11-2002, 08:54 AM
الرسالة الأصلية كتبت بواسطة Madoka

الحين لو اشوف واحد من آخر 3 مسلسلات كتبتها تلوع جبدي :": ساعات افكر احنا اشلون تابعنا بعض هالرسوم ^^!



:واو: بس مادوكاااااا ...كانت ايام حلوه ... احس للحين لو شفنا هالرسوم بنحبها مو عشان آلوانها البهاته و الرسوم القديمه لا بس لانها جزء من ذكرياتنا و ايامنا الحلووو :D

على الاقل احلا من التفاهات اللي يحطونها لليهال هالايام ... و الترجمة الركيكه :6 و التأليف و خصوصا سبيس تون ....

الصراحه انا انقهر لما يحطون لقطات لكارتون انا واخي ويسونه على رمضان و انهم صايميين و هالحركات ...

صدقوني انا مب مقهوره عشان ارمضان بالعكس احترمه و احب انه لو بيسون شي عشان رمضان من انتاج عربي ...بيكون احسن بوايد من انهم يترجمون غلط و يستخفون بعقلية الاطفال ... و اليهال مب اغبياء

:أفكر: طلعنا عن موضوعنا الاساسي ....

على طاري " ريم و كريم " ههههه كنت اصغيره لما اعرضو هالرسوم كان عمري 5 سنين :D (ياحليلي) ...و تأثرت وايد بكريم لما كان ياكل و يشرب بصبعه ....لما كانت امي اتحط لي الاكل احط صبعي عليه و احرك حلجي
هههههههه ... لين احصل لي صرخه من امي بعدين آكل عدل ..:6
عبط :D
Rewayah
26-11-2002, 09:18 AM
الرسالة الأصلية كتبت بواسطة Ranzie Eto
* باربا شاطر اعظم ساحر :D ( كح كح كح:واو: )
ول خييييييييبة! هذا صدج جديم عاد! :D


الرسالة الأصلية كتبت بواسطة Ranzie Eto
* مغامرات ريمي (القديم "الولد":o )
أدري أعرفه! وايد حلو! :o


الرسالة الأصلية كتبت بواسطة Ranzie Eto
* الضفدع الشجاع
نؤ نؤ؟ طبلوج؟ ":"


الرسالة الأصلية كتبت بواسطة Ranzie Eto
*مغامرات كوكي (فشفش:D )
فشفش؟ @@
ليكون تقصدين "مشمش" أخو كوكي الصغير؟ @@

هالرسوم أنا عقدني من حلات شخصياته وأفكاره! :أفكر:
أحلى الحلقات, حلقة الداراكولا اللي كان يبغي يمتص دم لولي أخت مشمش الكبرى...
وبعدين إكتشف إنها آلية. :)
عض رقبتها وإنكسر ضرسه! @@ ههههه

وكذلك حلقة الرجال اللي يتحولون إلى ذئاب وجايين من كوكب إنفجر ليختبؤا في الأرض.
كانوا الصيادين يصطادونهم وهم في حالة الذئب, وهم يحاولون وقف عمليات القتل دون أن يكشفوا حقيقتهم.

وحلقة المخلوقات اللي فوق الكوكب اللي ياخذون الوجوه عن طريق لمس اليد...
الصراحة "أرعب" حلقة! http://www.plauder-smilies.de/smhair.gif

وحلقة يوم يتعرفون على الـ "ديسبيرادو" الرحال, شكله كان رهيب! ;-) اللي ساعدهم يقبضون على عصابة تهريب المخدرات اللي يتعاطونها الآليين واللي بعد أن تزودهم بالقوة الخارقة, تجعل معدنهم يتآكل... :أفكر:

ومن أحلى أحلى الحلقات, حلقة الأم الآلية اللي زوجها الدكتور خبير الآندرويدز لما ماتت زوجته في الحادث وتركت طفله, نقل مخها في آندرويد آخر وصنع "حاضنة" أو أم بديله تحب ولدها حب ولا حب أمهات الأرض مجتمعة.
ويوم خطفوا ولدها لصوص الإبتزاز, حدث اللي كان متخوف منه الأب الدكتور, وتحولت الأم إلى آلة حرب مدمرة لا يقف شيء في طريقها لإستعادة ولدها... :!
وأحلى شيء لما قال أبو لولي لكوكي: "لن يستطيع مائة كوكي أن يوقِفوها"!!!! :!
أحب أب المانجا - تيسوكا أوسامو... بعد ما مات, محد يسوي مثل أفكاره! :"


الرسالة الأصلية كتبت بواسطة Ranzie Eto
*ساسوكي
وهل يخفى القمر؟ ^^

ساسوكي: تعال يا جامبو!
جامبو: لحظة يا ساسوكي, دعني ألقن الكلب روكي كيف يتوقف عن سرقة طعامي! http://www.plauder-smilies.de/sabber2.gif
ساسوكي: بسرعة يا جامبو! القائد سانادا ينتظرنا وهانزو هاتوري على وشك إرسال جنوده الملاعين!! http://www.plauder-smilies.de/pissed.gif
جامبو: ساسوكي إنتبه! سنيكي خلفك!! http://www.plauder-smilies.de/sad/smhair1.gif
سنيكي: هذه المرة... سأقضي عليك! وأثبت نفسي لأخي هانزو! http://www.plauder-smilies.de/person/ninja.gif
ساسوكي: أون بازارون... فن الكوgـا... الطائر الناري!! :غضب:


الرسالة الأصلية كتبت بواسطة Ranzie Eto
* فيه رسوم و الله ما اذكر اسمه الولد اللي يسافر عن طري المذنب و عنده ورده حمره تطلع منها بنت حلووه .. نسيت اسمه
"الرحالة الصغير" يا رانزي. -_^

وينج من زمان؟
صار لج فترة؟
Ranze Eto
26-11-2002, 10:20 AM
فشفش؟ @@
ليكون تقصدين "مشمش" أخو كوكي الصغير؟ @@

احم احم :":

و الله مدري اللي اذكره انه اخو كوكي الصغير كان دايما يقول ...فشفش

فشفش :p


--------------------------------------------------------------------------------
الرسالة الأصلية كتبت بواسطة Ranzie Eto
* فيه رسوم و الله ما اذكر اسمه الولد اللي يسافر عن طري المذنب و عنده ورده حمره تطلع منها بنت حلووه .. نسيت اسمه
--------------------------------------------------------------------------------

:واو: اهاااااااااا الرحاله الصغير صح تذكرت ... كنت احبه و الله

;-) هلا رواية انا موجوده من زمان في المنتدى بس ماكنت أشارك

بس اللحين بتتمللون مني ...برجع لكم مثل قبل ممله طالعه لكم في كل مكان ...و جاهزه للخدمات السريعه و المهمات الصعبة ;-)

رانزي ايتوا دائماً في الخدمة:D
orange road
27-11-2002, 03:04 AM
بل رواية..

والله كتبت حلقات كوكي المفضلة عندي بالضبط...

كانت وايد تخوفني حلقة كوكب الفجر.. وللحين :"
واحب حلقة مصاص الدماء.. حزنت لما مات.. مع انه يستاهل هو واهالي كوكب الخفافيش..
لما كنت صغيرة وجفت الحلقة اذا تذكر اخر الحلقة يوقف كوكي وعلى جسمه بقايا معطف الفامباير.. ويرفع يده ويصير على شكل صليب وتشرق الشمس وراه...
ما فهمت هاللقطة حزتها.. بس بعدين فهمتها...
بس عور قلبي لما تلاشى كل شي فيهم وما بقت الا اليد الآلية وفيها الخاتم اللي فيه الصورة... :"

وحلقة الأم... ولدي.. ولدي... :!
احم احم.. عاد هاي حطها على جنب بروحها.. تينن الحلقة...
_____________________

ساسوكي...
حبيبي... لما جفته كنت مستخفة على شي اسمه نينجا..
وكنت اتمنى دايما ان تكون عندي قدرات مثل قدرته...
ولما نلعب دايما انا ساسوكي... (بعدين حولت على ليدي اوسكار :6 )

ودي القى الحين حلقات ساسوكي.. كااااااااااملة :o
هـداف
27-11-2002, 08:09 AM
مشكورين شباب شابات ........ تسلمون والله على المشاركات يمكن ماأعطي كل واحد حقه بالرد....لكنكم ذكرتوني بأشياء كثيره كثيره:D :D

وأكرر سؤالي.......في موقع ثاني يعرض أغاني للأنيمي العربي;) :p
Bu Laban
27-05-2003, 12:42 PM
للرفع :) ... لاني أحب الموضوع هذا .. حتى يوم كتبت عن نفس الموضوع ما أحد عطاني وجه :( ... بس هذا هو اللنك ^^

http://www.montada.com/showthread.php?threadid=194690&perpage=20&pagenumber=1
assassin
27-05-2003, 04:47 PM
اهلا بصديقي العزيز :D

الصراحه ما اتذكر الانمي الي كنت اشوفه ذاكرتي مول تعبانه بس اتذكر سنشيرو و ببيرو و جرندايز ومازنجر و جونقر ووايد بس ما اتذكر :":


وأكرر سؤالي.......في موقع ثاني يعرض أغاني للأنيمي العربي

تفضل الموقع (http://alemarate.net/2001.htm) :D
كبماروو
26-10-2003, 10:38 AM
مشكور اخوي عالموضوع الحلو الي رجع لنا الذكريات الحلوه ايام جرنديزر وسنشيرو يا خي والله انمي لا يمكن ينسى مو زي الانمي الجديد اكثره ماله داعي^_^
فاذكر اول انمي شفته <وهو الافضل> كان جرنديزر وأاااااه ماحلى جرنديزر
برضه زي صاحبنا بدايه طيبه ^__^ هذا غير جميع الانمي الي جا عالسعوديه الاولى والثانيه وانا اعتبر افضل انمي عرضته السعوديه كان فارس الفتى الشجاع وأااه يالقهر ماجابو الحلقه الاخيره ما ادري هم قطعوها ولا اصلا مالها حلقه اخيره واذا كان لها فيا ليت تقولولي كيف اشوفها....
واخيرا ارجو ان تقبلوني صديق وعضو لكم
هـداف
26-10-2003, 09:42 PM
هاهاه.. :D
موضوعي القديم :tongue2:

حياك اخوي كبمارو في منتداك..وان شاء الله نشوفك عضو نشيط معانا :biggthump
_________
بخصوص سؤالك..بصراحه انا نسيت الأحداث :أفكر: ...
بس ان شاء الله تحصلها بأسرع وقت^_^

وحياك مره ثانية :)