نقاش الرسامين تقرير عن سيدة الباستيل Akemi Takada الفنانه العظيمه ^.^ [الأرشيف]

Madoka

18-10-2002, 10:11 PM

بسم الله الرحمن الرحيم
---------------------------

حبيت اني اكتب تقرير طويل و عريض عن افضل فنانه عندي الفنانه اليابانيه العظيمه ^^ أكيمي تاكادا

و راح اجمع لكم معلومات عنها من مصادر مختلفه و اوعدكم ان هذا الموضوع راح يكون مميز عن باقي المواضيع ;) لانه مو عن شخص عادي ... عن أكثر رسامه احبها و كان لها اثر كبير فيني و في رسمي .. و لما الحين و انا اعفس النت فوق حدر بس علشان احصل رسمه يديده لها او رسمه ما عندي اياها من رسومها الرائعه .. :D ما تقدرون تتخيلون عدد الرسومات اللي عندي اياها لها ^^

طبعا راح احط موضوع مفصل عنها :) و قبل لا ابدي الموضوع احب اعرفكم فيها بشكل سريع و ان شالله راح احط المزيد من المعلومات عنها لاحقا
_________________________
Akemi Takada الملقبه بسيدة الباستيل (الوان الباستيل يسميها البعض الالوان الشمعيه) لانها مغرمه بهذه الالوان و كل لوحاتها تلونها باستخدام هذي الالوان ^^

صورتها الشخصيه ^^http://totaloli.jeeran.com/images/akemit-pic.jpg
وهذي اهي راسمه نفسها ^.^http://www.cri.co.jp/cap/a-takada/images/akemi.jpg
-------------
الهويه الشخصيه:
الاسم: اكيمي تاكادا

تاريخ الميلاد: 31\3 (سنه ميلادها لم يتم ذكرها ابدا !! يعني مادري جم عمرها لكن اتوقع انها مولوده في سنه 1952 .. اتوقع !!)

فصيله الدم: O

مكان الولاده: طوكيو - اليابان ..

عائلتها: والدها طبيب أسنان ، عندها اختين وحده اكبر منها و الثانيه اصغر منها (سمعت ان وحده من خواتها توأمها !! يعني عندها اخت توأم لكني مو متأكده لما الحين من هالمعلومه) ، عندها اخ واحد اصغر منها !
و تزوجت من "script writer" اسمه Itou Kazunori سنه 1983
.... لدى اكيمي قطه و كلب و تعتبرهما فردان من عائلتها :) يحليلها ^__^

شهادتها الجامهيه: تخرجت من Tama Art University و درست تخصص Graphic Desin !!

انضمت الى Tatsunoko Production (http://www.tatsunoko.co.jp/) عام 1977 في بدايه عملها في مجال الانيمي و المانجا و لكنها استقالت بعد اربع سنوات ( راح اذكر قصتها بالتفصيل بعدين )
--------------
أكيمي تاكادا تعمل مصممه شخصيات للأنيمي و احيانا للماجا و ايضا احيانا لألعاب الكمبيوتر ...

أشهر أعمالها:
Kimagure Orange Road
Urausie Yatsura - LUM
Magical Angel Creamy Mami
Fancy Lala
Maison Ikkoku
عوده الأرض "زهره الجبل" Alpen Rose
و الكثير الكثير غير هذول راح اتكلم عن كل واحد فيهم بالتفصيل ;)

ملاحظه:o لحد يقولي روميكو تاكاهاشي رسامه مانجا Urausie Yatsura - LUM لاني ادري :) .... اكيمي تاكادا اهي اللي صممت شخصيات هذا المسلسل للأنيمي ... يعني هذي شغلتها تصميم الشخصيات Character Designer و ايضا ترسم رسوم للشخصيات اللي تصممها أي illustrator
-------------

و التكمله بعدين ........ :)

BUBLE

18-10-2002, 11:59 PM

هااااي

عجبني حييل موضعج هذا عن الفنانة العظيمة اكيمي تاكادا....هاذي الفنانة كل شي برسمها حلو :D ....مشكووووورة لانج حطيتي هالمعلومات عنها :)
انشالله تحطين باجي المعلومات عنها;)

لينيير13

18-10-2002, 11:59 PM

,hوالله يا مادوكا ...أنا أعجبت بهذه الفنانة بعد اللي حكيتيه ....أحس أنها رقيقة ومرهفة الإحساس ....

ننتظر البقية عنها ....

shaheen

19-10-2002, 01:56 AM

أخيرا مادوكا بدأت تحقيقاتها المكثفة وعن مادتها المفضلة... كان طلبا على لساني والان اصبح واقع مرئي هههههههه ممتاز أختي

أنا متشوق بصراحة للمعلومات اللي اح تحطينها لأن ما قرأت في الموضوع يبشر بالمعلوماتية الدقيقة والثقة في الطرح والالقاء.
لذا فانا اعطيك ثقتي لتكملة هذا الموضوع الرائع... (اظنك تعملين على هذا الموضوع من فترة ;-) )

والان اعطيك الفرصة لاكمال الموضوع الجميل>_<

GM Head

19-10-2002, 02:17 AM

ما شاء الله تعبج يا مادوكا;-)

كل واحد يحط تحقيق عن الفنان الي أخذه كأستاذه و متبع على أسلوبه.

عندي إقتراح:

صحيح ان لكل رسام أستاذ أو فنان يتبع منه أسلوبه, ليكتب لكل عضو (مو إجباري) عن الفنان الي أتبع أسلوبه أو تعلم منه.(مثالاً أنا : Gou Nagai و Youji Shinkawa ).

و كملي الموضوع علشان نعرف السالفة ^^

Madoka

19-10-2002, 05:32 AM

شكرا لكل من BUBLE و لينيير13 و shaheen و GM Head على تفاعلكم مع الموضوع :)

نطروا علي اشويه و انا اوعدكم اني احط لكم كل المعلومات اللي اعرفها عنها بالتفصيل الممل ;)

GM Head عجبني اقتراحك وايد ^^ كل واحد معجب برسام اكيد راح يكون ملم بكل المعلومات عنه ....... ياريت نشوف تطبيق اقتراحك عشان نتثقف من هالناحيه :0)

orange road

19-10-2002, 08:24 AM

ما كنت اعرف اسم هالرسامة على اني حبيت وايد رسمها...

لكن شلون تقولين انها مصممة شخصيات روميكو تاكاهشي مالت مسلسل لامو ومايشون اوكوكو؟؟
هل تقصدين اهي اشتغلت عليهم تصميم حق الانيمي؟؟؟؟

لان مثل ما نعرف يكون في الانيمي مصمم شخصيات..

ورسومها روعة واللي يلفت نظري انها بالباستيل.. ورسومها حلم..
كملي الموضوع مادوكا...
لان الموضوع محمس صراحة :)

لوجــــــين

19-10-2002, 09:27 AM

سلالالالالالالالالالالالالالالالالالالالالالام:cool:

اشلونش مادوكا ;)

موزوعش روعااااااااااااااااه خاصة انه يتكلم عن أكيمي تاكادا :" :"

رجاءا كملي الموضوع انا متابعتش التقرير روعااااااااااااه:6

و يعطيش ألف عافية ;)

سلالالالالالالالالالالالام;-)

Madoka

19-10-2002, 08:19 PM

orange road و لوجـيـن
شكرا على ردودكم ;)

ان شالله اليوم احط لكم اشلون دخلت اكيمي مجال الانيمي و بدايه اعمالها :) بس خل ارتب تسلسل الأحداث من المراجع اللي عندي و ان شالله راح اكتب التكمله 2Day
---------------------------------

بالنسبه لكلامج اورنج رود ^_^ صح اللي قلتي اهي اشتغلت على تصميمهم للأنيمي يعني اهي تطالع رسوم روميكو بالمانجا و ترسم اشلون راح يكونون بالانيم ، هذي وظيفه مصممي الشخصيات

... على فكره لامو المفروض تكون لابسه شورت و ليش بكيني !! أكيمي هي اللي قرقرت انها تخليه بكيني عشان سرعه الرسم .. و لامو بالمانجا شعرها مليء بالالوان (ماله لون محدد?: ) و كان اللي بيسوون الأنيمي بيخلون شعرها أسود و أصفر مثل لون التايجر اللي لابسته! لكن أكيمي تاكادا اهي اللي اختارت اللون الاخضر التركواز لها و اصرت ان هذا يكون لون شعر لام بالانيمي و وافقوا عليه و الحين شوفي لامو بالانيمي اشحلاتها و تخيلي لو كان شعرها اسود و اصفر >_<
قارني بين لام بالمانجا و الانيمي بالصورتي اللي تحت ;)
http://totaloli.jeeran.com/images/rmikoLM.jpg http://totaloli.jeeran.com/images/lamu2.gif
الرسمه الثانيه راسمتها أكيمي تاكادا و الأولى معروفه راسمتها روميكو ...

هذا أحد تصاميم أكيمي للام حق ^_^http://totaloli.jeeran.com/imaes/takaum1.jpg
-------------------
بالنسبه Maison Ikkoku كان هناك مصمم آخر للشخصيات غير أكيمي في بدايه المسلسل و صمم الشخصيات لجم سيزين (جزء) و لكن هذا المصمم ترك العمل في هالمسلسل و أكيمي تابعت تصميم باقي حلقاته (يعني حلقات البدايه كانت لمصمم آخر)
و اللي شايفين هالمسلسل و متابعينه راح يلاحظون اشلون تغير نمط رسم الشخصيات نوعا ما بعد ما استلمت اكيمي تصميم الشخصيات !
------------
رسمت اكيمي العديد العديد من الرسوم للامو لكن شخصيات Maison Ikkoku ما رسمتهم الا بعدد قليل جدا !! راح احط رسوم لهم بعدين
شوفو الرسمه اللي تحت لشخصيات Urausie Yatsura راسمتها أكيمي

orange road

19-10-2002, 08:40 PM

اها :)
يعني صدت جبد الصج (اصبت كبد الحقيقة) :6

نياهاهاهاها

صح.. لامو في المانجا على الاغلفة كان شعرها ملون
بس اللون الفستقي احلى عليها

للاسف ما جفت حلقات مايشون اكوكو والا كنت لاحظت التغيير في الرسم..

كملي الموضوع مادوكا..
لاني احب هالرسامة واحب اعرف عنها اكثر....
:D

Ranma Saotome

19-10-2002, 08:43 PM

السلام عليكم

مشكوووره اخت مادوكا على الموضوع الجميل والممتاز
ماشالله شكلج مشتغله على الموضوع من فتره ومعلوماتج كلها اكيده ودقيقه..

الرسالة الأصلية كتبت بواسطة Madoka

نطروا علي اشويه و انا اوعدكم اني احط لكم كل المعلومات اللي اعرفها عنها بالتفصيل الممل ;)

واحلى من التفصيل الممل مافي.. وخاصه مع طريقتج في طرح الموضوع:)

وأنا مع GM لأن مثل هالمواضيع صج حلوه وفيها افاده ومعرفه..

ننتظر منج المزيد ;)

لينيير13

19-10-2002, 10:12 PM

مرحباً مادوكا ..........
أقدر لك هذا المجهود الذي قمت ببذله ...

لكن هناك أمر ما ....

بالنسبة للصور التي وضعتها ...أقصد الصور الأخيرة .
هذه الصور عادية جداً بالنسبة للأجانب لكنها ليست عادية بالنسبة لنا كمسلمين ...
لا يجوز وضع صور كهذه ...وفيها تجاوز للضوء الأحمر
رجاءاً انتبهي في المرات القادمة لهذه الناحية ....

ولا تزعلي مني .......هذه نصيحة محبة

Madoka

20-10-2002, 08:34 AM

شكرا لكل من orange road و Ranma Saotome و لينيير13 على الردود :)

لينيير13 اذا كانت الصوره مضايقتج .. انا اطلب من احد المراقبين انه يمسحها و ما يسير خاطرج الا طيب :)

Madoka

20-10-2002, 08:51 AM

كيف دخلت أكيمي تاكادا عالم الانيمي:
.. تتكلم السيده تاكادا عن نفسها(منقول من موقع):
أنا كطفله اغرمت بالمانجا، و قد تخلص والداي من كل القصص التي املكها! لكنني ذهبت الى المكتبه و قرأت كل القصص التي تخلصوا منها هناك........

من الرسوم اللي كانت اكيمي تطالعها و اهي صغيره ... تقول" Osamu Tezuka و عمله The Adventurs of Goku و سندباد البحار ^^ و Legende of White Snake "

لما كانت أكيمي طفله صغيره جدا كانت تحلم انها تسير أميره :) .. اما في مجال العمل كانت تتمنى انها تكون طبيبه اسنان (مثل ابوها) لكنها ما درست هذا المجال لان مالها خلق دراسه تطول و كانت تبي تتخرج بسرعه !!

في المرحله الثانويه (الصف الثاني الثانوي) قررت اكيمي ان اللي تبيه هو المانجا !! و كانت تبي تدرس تخصص متعلق بالمانجا .. لكن ابوها و امها ما خلوها!! ... السبب انهم كانو يبونها تدرس تخصص اكثر واقعيه، و انها تتخرج من كليه زينه ... و بالنهايه دخلت كليه لتصميم الجرافيت و بالطبع نجحت
;)

Madoka

20-10-2002, 09:08 AM

طبعا خلال دراستها هذي ادركت ان احساسها يدفعها الي الرسم و التلوين .. و كانت اثناء دراستها في الجامعه تشتغل وظيفه مؤقته اهي تلوين الCells (مشاهد الانيمي ترسم لقطه لقطه و يتم تلوينها ... هذا معنى الCells ارجو انكم فاهمينه لاني مو عارفه اشرحه>_<)

و بعد تخرجها بدأت السيده تاكادا في البحث عن عمل ..." ما فكرت ابدا في انها تشتغل بمجال الجرافيت ديزاين (اللي درسته بالجامعه) و بداله كانت تبحث عن وظيفه متعلقه بالانيمي و المانجا و الرسم (هوايتها الأولى) !! "

ذهبت السيده تاكادا الى شركه Tatsunoko Production (http://www.tatsunoko.co.jp/) و هذا كان في مارس عام 1977 .. و كان عليها انها تترجاهم (Please) عشان يوظفونها عندهم ، و كانت في زياراتها السابقه تحضر لهم الكعك (تتودد لهم :)) فقاموا باعطائها اختبار و طبعا نجحت فيه و قبلت للعمل في هذي الشركه ;-)

في الثلاث الأشهر الاولى عملت في التحقق من الCells و اعمال اخرى متعلقه بالانيميتنج ، و بعد الثلاث اشهر هذي تم قبولها في عالم تصميم الشخصيات Character Design

لينيير13

20-10-2002, 07:09 PM

شكراً لتفهمك الموضوع يا مادوكا:) .....
هذه فقط ملاحظة من أخت لأختها ....

نحب أن نعرف المزيد عن هذه الرسامة ....وشكراً لجهودك ;)

لما أرجع لازم لاقي الموضوع كامل:غضب: سامعة ......:p

بالتوفيق

Touya

20-10-2002, 09:06 PM

همم جميل جميل... موضوع حلو... شخصياً قريت حاولي أربع مجلدات من KoR و كم مقطع من maison ikkoku وصراحة القصص حلوة وخصوصاً Kimagure Orange Road:D

مشكورة على الموضوع مادوكا وأستمري... حمستنين أكتب تقرير عن مانجاكا جديد أعجبت في أعماله مؤخراً وهو Nihei Tsutomu واللي أعماله اللي قريتهم للحين هم Noise و Blame :6

Madoka

20-10-2002, 11:07 PM

شكرا لينيير13:) بس لا تستعيلين ... في بالي اكتب عنها شغلات وايده و احط ملاحظات عن كل تصاميمها و مواقع عنها و أكتب رأيي الشخصي في كل عمل من أعمالها .. و احط دراستي ال(ماجستير) :D عن كل عمل من أعمالها و الأشياء اللي اكتشفتها من التدقيق في رسومها ..... يعني راح ياخذ الموضوع فتره مني ..
و كل ما اشوف تفاعل من الاعضاء راح احط اكثر ^_^ ...

Touya ... واااااااو قاري بعض مجلدات المانجا لاورنج رود ":" ... عاد الانيمي وايد احلى من المانجا :) على فكره اكو سلسله يديده من مانجا اورنج رود حاليه تصدر في اليابان (فريش يعني) تكمله لما حدث لشخصيات اورنج رود لما كبروا ^^
ويا ريت تكتب عن اللي قلت عنه :) Nihei Tsutomu لاني اول مره اسمع فيه ?: ... و شكرا على الرد :)

ملاحظه : اللي عنده اي سؤال عن هذي الرسامه خل يسأل أبله مادوكا :o

Madoka

21-10-2002, 12:51 AM

ما هو أول عمل قامت أكيمي تاكادا بمجال الأنيمي ؟؟

اوكي .. الحين اقولكم الجواب :D

أول عمل للسيده تاكادا في مجال الأنيمي كان لمسلسل اسمه On Shot Kanata! شوفوا صورته مني بس لا تنصدمون :واو: http://totaloli.jeeran.com/images/kanata2.jpg
هذا المسلسل عن لعبه البيسبول (عن أحد فرق البيسبول) و هو مسلسل عائلي نوعا ما :) ....
كان هناك فرقه من المصممين لهذا الانيمي و كان هناك من يقوم بتصحيح تصاميم اكيمي في ذلك الوقت ^_^’
اللي عنده أي سؤال ماله داعي يرفع صبعه >_<
_________
أما أول عمل قامت به بدون ان يتدخل في تصميماتها أي مصحح او الخ .... هو مسلسل Time Bokan

و عملت السيده تاكادا خلال الأربع سنوات اللي أمضتها مع شركه Tatsunoko Production العديد من الأعمال (طبعا ماله داعي أعيد و اكرر انها عملت كمصممه للشخصيات !! اي تشوف شكل الرسوم بالمانجا و ترسمهم للأنيمي)

من بين اعمالها مع هذي الشركه فلم دبلج للعربي اسمه 30000 ميل تحت سطح البحر مادري شايفينه و لا لأ اهو قديم حيل و مدبلج للعربي ^_^

Madoka

21-10-2002, 01:05 AM

من أشهر أعمالها اللي قامت بها خلال عملها مع تلك الشركه هو
انيمي مشهور جدا جدا في اليابان اسمه Yattaman
المعروف باسم Gatchaman
------------------
طبعا انا مو شايفه هالانيمي و ما اعرف قصته و مالي خلق ادور بالنت عنه *_* سوري ! اذا بتعرفون عنه شوفوا موقع Anipike.com
بس اللي اقدر اقولكم عنه ان هذا الانيمي المفضل لدى اكيمي تاكادا أو بالأحرى أفضل انيمي عندها على الاطلاق :D !!
أظن ان كان له اكثر من جزء و قبل لا تشتغل اكيمي تاكادا في مجال تصميم الشخصيات (ايام دراستها) كانت تتابع هذا الانيمي و تحبه كثيرا .. و لما اشتغلت اتيح لها المجال انها تصمم الشخصيات له ^__^
ملاحظه اللي يعرف معلومات اكثر عن Gatchaman خل ينورنا ":" .. لاني ما اعرف عنه الا القليل القليل !! و معلوماتي عنه ملخبطه :":

هذه رسمة أكيمي لاحدى شخصيات هذا الانيمي

Madoka

21-10-2002, 01:32 AM

حتى الآن و خلال الأربع سنوات اللي عملت بها السيده تاكادا في شركه Tatsunoko Production لا يمكننا القول انها انشهرت !! اذن ما هو العمل الذي كان له الدور في شهرتها في اليابان
--------------------------
الحين وصلنا الى مسلسل Urusei Yatsura الذي كان السبب في شهرة كل من روميكو تاكاهاشي و أكيمي تاكادا "أكيمي تاكادا عرفت باليابان مع بداية عملها في هذا المسلسل لكن خارج اليابان للأسف حتى الآن يجهل الكثير من عشاق هذا الأنيمي ان السيده تاكادا كانت لها بصمة واضحه في هذا المسلسل"

Urudei Yatsura هؤلاء الغرباء المزعجون

حين عرض على السيده تاكادا العمل في تصميم شخصيات هذا المسلسل تركت العمل في شركه Tatsunoko هذا في 15 اغسطس عام 1981 (بعد ان عملت عندهم 4 سنوات) و أصبحت رسامة متحرره (الى هذا اليوم هي لا تنتمي لأي شركه محدده لكنا قامت بالعديد من الأعمال لستوديو Pierrot (http://www.pierrot.co.jp/index.html) التفاصيل لاحقا^^)

بدأت اكيمي تاكادا على الفور برسم سكتجات (تصاميم) لشخصيات هذا المسلسل و منذ الصفر!! كانت تتطلع على المانجا و تدرس الشخصيه و تقوم برسمها و بعد ذلك ترسم كل شخصيه بعده تعابير للوجه ... الخ ثم تقوم بتسليم التصاميم للشركه المنتجه على الفور :)

و خلال عملها في تصميم شخصيات Urusei Yatsura تقول أكيمي " في الحقيقه طوال عملي لسنوات في تصميم الشخصيات لUrusei Yatsura تقابلت مع روميكو تاكاهاشي (شخصيا) لمرتين فقط! " :)

عملت السيده تاكادا تصاميم الشخصيات لمسلسل Urusei Yatsura لجميع حلقات الTV و الأربع أفلام الأولى .
و أيضا عملت كمراقبه (رئيسه) لرسامي الانيمي (ال Animatirs ) في هذا المسلسل و هذا جعلها تدرك انها ليست animator و انما illustrator (اي رسم الرسوم و تلوينها)

لوجــــــين

21-10-2002, 01:46 AM

سلالالالالالالالالالالام:cool:

يعطيش ألف ألف عافية على هل معلومات الثمينه بالنسبة لي كوني مجنونه رسمات أكيمي تاكادا خاصة شخصية مادوكا :"

بليز تابعي الموضوع و كتبي كل شي تعرفينه عن هل فنانه :6

سلالالالالالالالالالالام;-)

هـداف

21-10-2002, 10:06 AM

موداكا.....مشكوره والله على المعلومات الي تحطونها عن الرسامين ..................علشان الواحد يتعلم وياخذ فكره عن الي حوله;)

وانشاءالله نشوف المزيد والمزيد:6 :0)

Madoka

21-10-2002, 07:51 PM

شكرا لوجين و شاعرىعالرد :)
---------------------------------
راح احط لكم بعض النماذج من رسومات اكيمي لUrudei Yatsura ^_^

هذه الصوره دمجت فيها مجموعه من اسكتشات رسمتها اكيمي للمسلسل (المجموعه مو كامله عندي بس اللي بيني اطرشها له انا حاضره;) )

Madoka

21-10-2002, 07:53 PM

هذي مجموعه بسيطه من اغلفه المجلات اللي عليها رسومات أكيمي لهذا المسلسل " أكو بعد وااااااااااااايد مو حاطتهم" شوفوا هالعينه :) كلها من الثمانينات

Madoka

21-10-2002, 07:54 PM

مني دمجت كميه منوعه من رسومات اكيمي لهذا المسلسل

Madoka

21-10-2002, 07:55 PM

بعد ^^

Madoka

21-10-2002, 07:58 PM

الحين بعض رسومات أكيمي تاكادا بالباستيل ;)
هذي الرسمه مغطيه عليها شوي بالأسود ^^،

Madoka

21-10-2002, 08:00 PM

هذا الرسمه نادره جدا ^^ اذا بتشوفون تكملتها دخلوا هالموقع
http://isweb8.infoseek.co.jp/play/lum4ever/feature/anmedia/am8200.htm

Madoka

21-10-2002, 08:02 PM

هذي غلاف لمجله عام 1984

Madoka

21-10-2002, 08:10 PM

رسمه نادره ايضا ^^ يعني ما راح تشوفونها في الا في هذا المنتدى يمكن :)

Madoka

21-10-2002, 08:14 PM

اذا تبون مواقع فيها رسومات أكيمي ل Urudei Yatsura ... للأسف المواقع دايما يحطون رسوم لهذا المسلسل بدون ذكر الرسام اللي راسم الرسوم !!

في مني موقع ^^ كل الرسوم فيه لأكيمي
اضغط هنا (http://www.yadirs.net/akemitakadahomage/italiano/lamu2.htm)

و كان عندي خوش موقع غيره بس خل ادوره لكم و ان شالله احطه ;)

AREXA

12-11-2002, 08:00 AM

وااااو

مدوووكا الموضوووع واايد حلو

:D اكيييد انا مااا ألووومش انش اتحبيين هالفنااانة

صرااحة رسمهااااااااااااااااا اهبلللللللللللللللللل:!

عاااجبني:"

والله رهيييب

تستحق لقب فنانة:"

:غضب: مو أنا طاااح حظي ماالت علييي او على ويهيييييي

صج رسمها من تلويين او اسلووب حلو

اذكر يوم كنت اصغيرة كنت ايمع بطاقات اورينج رود

لاني ميتة ابرسمهم:"

نااعم او حلو

واذا كني اتحبين رسمها يامدوكا :غضب: راح تجدريين اذا تابعتي او استمريتي :) لا تيأسييييييييي

;-)

لان رسمش جريب منها:)

بالتوفييق انشالله

Madoka

14-11-2002, 02:28 PM

الرسالة الأصلية كتبت بواسطة AREXA
وااااو
مدوووكا الموضوووع واايد حلو
:D اكيييد انا مااا ألووومش انش اتحبيين هالفنااانة
صرااحة رسمهااااااااااااااااا اهبلللللللللللللللللل:!
عاااجبني:"
والله رهيييب
تستحق لقب فنانة:"
:غضب: مو أنا طاااح حظي ماالت علييي او على ويهيييييي
صج رسمها من تلويين او اسلووب حلو
اذكر يوم كنت اصغيرة كنت ايمع بطاقات اورينج رود
لاني ميتة ابرسمهم:"
نااعم او حلو
واذا كني اتحبين رسمها يامدوكا :غضب: راح تجدريين اذا تابعتي او استمريتي :) لا تيأسييييييييي
;-)
لان رسمش جريب منها:)
بالتوفييق انشالله

مشكووووووووره اريكسا على كلامج :) الفنانه هذي ما اطوف لها اي رسمه من النت و من كثر ما عندي من رسوماتها قاعده اسوي دراسات عليهم لووووول:D ..... عاد تدرين ستيكرز اورنج رود وايد انشهروا عندنا ... للاسف انقرضوا :\!!

و مشكوره عالرد على الموضوع !!! لاني اعتقدت ان محد هامه الموضوع :o هههههه

shaheen

14-11-2002, 09:47 PM

شكرا اخت مادوكا على المعلومات الجميلة عن الفنانى اكيمي تاكادا.... زين سويتي انج حطيتي صورتها ههههههههه عشان نعرف شكل الرسامة اول مانروح اليابان... (كلهم نفس الويه).

حلوة بداية تاكادا مع انها غير متوقعة...
وهل هي فعلا من رسمت شخصيات فيلم 30000 ميل تحت البحر؟؟ هل هو ذلك الفيلم الذي عرض في قصص عالمية؟؟

بالنسبة لشخصيات مسلسل الانمي ... Gatchaman اللي رسمت تاكادا شخصية منهم.. هو مسلسل قديم كان ينعرض بالانجليزي واسمه:
Battle of the Planets
اكيد بتتذكرونه لما تشوفون الصورة اللي تحت :0)

وشكرا اختي على التقرير الحلو:)وارجو اكماله .. اظن انك ماوصلتي لفترة الاورانج رود:) والى الملتقى":"

Madoka

15-11-2002, 08:53 AM

شكرا أخ شاهين على الرد :)

الرسالة الأصلية كتبت بواسطة shaheen
زين سويتي انج حطيتي صورتها ههههههههه عشان نعرف شكل الرسامة اول مانروح اليابان... (كلهم نفس الويه).

هههههه عاد لو اشوفها جدامي اعرفها علطول لاني حفظت شكلها :أفكر:

الرسالة الأصلية كتبت بواسطة shaheen
وهل هي فعلا من رسمت شخصيات فيلم 30000 ميل تحت البحر؟؟ هل هو ذلك الفيلم الذي عرض في قصص عالمية؟؟

حسب علمي .... اي :)

مشكووووووور وايد على الصوره اللي حطيتها لنا :) .. احس ان شكله الانيمي مألوف عندي ?: ... الصراحه عندي له بعض الرسومات لكني ماني قادره احكم عليها اذا كانت اكيمي راسمتها و لا لأ و تحت حطيت رسمه مو متأكده من ان اكيمي راسمتها !!^^

Yurilin

15-11-2002, 11:52 AM

شكراً على الموضوع الحو
آنه ابصراحة من دون زعل ما أميل لأكيمي تاكادا
آنه أفضل Ayumi Hamasaki
إلي غنت أغنية Thousand Arms

Yurilin

15-11-2002, 11:59 AM

إذا تبين يا مادوكا معلومات عن الفنانين أو الفنانات في اليابان عندي
مواقع وايد عنهم و راح أدزلج إنشاء الله بعد ما أبحث و أتأكد عنهم

Madoka

15-11-2002, 10:37 PM

مشكوووووووره اختي yuri7h20 عالرد ;) و على وجهه نظرج ^_^
بس عندي سؤال :D Ayumi Hamasaki هذي رسامه بعد ؟؟ لاني اول مره اسمع هالاسم ؟!:)

الرسالة الأصلية كتبت بواسطة yuri7h20
إذا تبين يا مادوكا معلومات عن الفنانين أو الفنانات في اليابان عندي
مواقع وايد عنهم و راح أدزلج إنشاء الله بعد ما أبحث و أتأكد عنهم
يا ريت والله :) لاني دايما احب اطالع المواقع الشخصيه للفنانين و احب اتعرف على فنانين جدد ^^
------------------------------

الحين راح اكمل كتابه هذا التقرير .. .... وين وصلت !! @@

اي ... بعد ما عملت اكيمي تاكادا في تصميم شخصيات Urusei Yatsura لاكثر من سنه في الثمانينات !! من 1981 الى ان تم انتاج الفلم الرابع ....
و عملت لبعض الاعمال الاخرى عام 1981 و 1982 .. لكن ما اعرفها لانها لما تنشهر .. سوري >_<

و في عام 1983 و لأول مره اتيحت لأكيمي تاكادا تصميم شخصيات لأنيمي (و مانجا) من ابتكارها ... .. يس ":" لان طوال السنوات اللي فاتت كل اعمال تاكادا كانت الشخصيات من تصميم رسامين
و كانت اهي تصمم الشخصيات للانيمي فقط و ترسم Illustrations لها .. لكن الحين السيده تاكادا ستقوم بتصميم شخصيات 100% من ابتكارها .. و هذا معناته انها تستطيع عمل ما تشاء في تصميم الشخصيات و على هواها ... و هذا هو اول عمل لها
Magical Angel CREAMY MAMI

الحديث عن هذا المسلسل طويل عريض راح اتكلم عنه بالتفصيل^____^ شوفوا الرسمه تحت فيها الشخصيتين الاساسيتين في المسلسل كريمي و يو

اكيد ............. روعه!!

fatoom

16-11-2002, 12:37 AM

jالسلااااام

تقريييييييييييييير و لا اروع مادوكا @ @

تسلم إيدج عليه

:) وااااااااااااايد عجييييييييييييييب

بليييييز كملي و حطي عنها مادوكا @ @

مو ضوعج تحفه

ياريت لو تكثرون من هالمواضيع

لأنها مفيده
:D

Madoka

16-11-2002, 08:33 AM

عزيزتي فطوم :) انا سعيده لاني الموضوع عجبج :):):):):) و مشكوره وايد على الرد ^______^

-----------------------------------------------------------
تكمله الموضوع^^
____________

قلت لكم ان كريمي مامي هو اول عمل اتيح فيه للسيده تاكادا تصميم شخصيات من ابتكارها (بس مو الوحيد;)) ... و عشان هالشي اكيمي تحب هالشخصيه كريمي و تحب هالانيمي واااااااااايد و من سنه 1983 لما الحين ما وقفت اكيمي ابدا عن رسم كريمي و باقي شخصيات هذا المسلسل !!! على خلاف المسلسلات الاخرى اللي توقفت عنها بعد الانتهاء من انتاج المسلسل او توقفت عن رسمها بعد عده سنوات ... فهي كما تقول أحب ان ابدأ بدايات جديده ^^

في الواقع :o في اكثر من مقابله اجريت مع اكيمي سألوها سؤال من هي أكثر شخصيه تحبينها من بين كل الشخصيات اللي رسمتيها ؟؟؟؟ اجابت أكيمي " في الواقع انا اغير رأيي كثيرا .. الا انني احب كريمي مامي أكثر شي في الوقت الحالي" و هم كل ما يسالونها تقول أغير رأيي وايد لكني أحب كريمي في هاللحظه :D !! يعني السيده تاكادا تحب هذي الشخصيه من بين كل الشخصيات و الاعمال اللي عملت فيها !! و اكثر !!!
لما سالوها عن اكثر عمل تحبه من اعمالها هم أجابت "Creamy Mami" :)

على فكره مادري قلت قبل ولا لأ ان أكثر قصه مانجا تحبها أكيمي هي : ليدي أوسكار":"

و في الواقع لا توجد سنه لم ترسم فيها السيده تاكادا (كريمي) !! و بالرغم من ان شكل كريمي تغير كثيرا من اول مره رسمتها اكيمي الى الآن الا انها لم تتوقف ابدا عن رسمها !!

و حين سألت السيده تاكادا في احدى المقابلات معها : من هي اسهل شخصيه رسمتها ؟؟ أجابت " كريمي مامي حتما!! لانها اسلوبي الفعلي بالرسم "

عرفتوا الحين مدى قرب هذه الشخصيه الى قلب السيده تاكادا ؟؟ :)
---------------------------

تحت دمجت مجموعه رسوم للسيده تاكادا ^^ .... هذا اللبس اللي يلبسونه الشخصيات ظهر في الاو آي في Long GoodBye

Madoka

16-11-2002, 08:47 AM

قبل لا احط لكم قصه المسلسل شوفوا هالصوره:
http://totaloli.jeeran.com/images/cr0001.jpg
عاليسار كريمي في المانجا (مو اكيمي اللي راسمه المانجا !! هذا ويهي-->:أفكر: اذا ما سألني أحد ليش اهي مو راسمه مانجا ؟؟ هههههههه) و اللي بالنص رسمه اكيمي و عاليمين شكل كريمي في الانيمي ^^
________________

Mahu Shojou Creamy Mami - Magical Angel CREAMY MAMI
قصة المسلسل :

يو موريساوا (اللي شعرها ازرق بوي:D) فتاة عمرها 10 سنوات .. شقيه و فضوليه جدا ، تحب صديق طفولتها (توشيو) الا انه يعتبرها مثل أخت له :)

في يوم من الايام تلمح يوو سفينه فضاء و تتبعها ... و هناك ساعدت ربان السفينه (بينو بينو) الذي كان تائها ، و كمكافأه لها أعطاها علبه مكياج سحريه و قطتين طغيرتين تتكلمان !! هما نيجو و بيجي (اظن) الا ان هاتان القطتان لا تتكلمان الا امام يوو فقط ...

المهم :o ... علبه المكياج السحريه تمكن يوو من التحول الى كريمي مامي (اللي شعرها بنفسجي) اي تصبح يوو اكبر سنا مما هي عليه في الواقع ...

و بالصدفه تصبح كريمي مامي مغنيه و نجمه مشهوره و محبوبه و يقع توشيو بحبها الا انه لا يعرف ان كريمي هي نفسها يوو صديقته !! و لا أحد يعرف من هي كريمي و متى تظهر و اين !! و من هنا تبدأ مغامرات يوو ^^ حيث انها تشعر بالغيره من كريمي (تغار من نفسها ههههه) لان توشيو لا يفكر الا بكريمي و لا يعيرها انتباها !!

المسلسل كوميدي و فيه الكثير من المغامرات و المواقف المضحه الا انه طفولي >_< من الدرجه الاولى !!!!!!!!!!!

يتكون المسلسل من 52 حلقه و جزء او آي في و فلم واحد ^_^

:o شفت من المسلسل وايد حلقات لكن ما عجبني ?: لانه حده مال يهالوو ههههه يمكن كنت شايفته و انا صغيره جان غيرت وجهه نظري عنه :)
---------------------
تحت دمجت رسومات للسيده تاكادا (: هذي هي Yuu بطله المسلسل اللي تتحول الى كريمي ^_^ يجنن الويه الكبير عاليمين .. مو ؟

Yurilin

21-11-2002, 05:55 PM

لأ إهيا مو رسامة إهيا مغنية و يمكن ترسم
لأن معلوماتي عنها قليلة..
و إلي أعرفه إنها تمثل على أصوات الببايات
هذي صور لهاhttp://www.mm52.com/japaneseidols/ayumi_hamasaki/ayumi_hamasaki.jpg

http://www.zhongshan.gd.cn/star/japen/Ayumi%20Hamasaki/ayumihamasaki.jpg

Yurilin

21-11-2002, 06:01 PM

حلوة القصة أعجبتني و خاصة الصور الصورة على اليسار
أتمنى لو تييبين صور و قصص أكثر:#
بس أخاف أتعبج و أزعجج:)

Madoka

22-11-2002, 08:22 PM

اشكرج يا yuri7h20 على ردج مره اخرى ^_____^

أظن اني اعرف هالمغنيه اللي حطيتهي صورتي .. شفتها مره بالتلفزيون (تذكرني بهيكارو من مسلسل اورنج رود ههههه)

الرسالة الأصلية كتبت بواسطة yuri7h20

أتمنى لو تييبين صور و قصص أكثر:#

حاظرين للطيبين ;)

___________________

مني دمجت رسمتين للسيده تاكادا (يعني بالاساس اهم مو لاصقين ببعض اوكي) !! شوفوا اللي على يساركم كريمي ... عارفينها هههههه .. اما اللي عاليمين هذي (Ohta Takako) و هي المغنيه اليابانيه اللي تؤدي صوت كريمي في الانيمي ^___^ و لها شعبيه في اليابان ^^ ...على فكره هالرسمه ما اظن انكم راح تلقونها بالنت !:)
http://totaloli.jeeran.com/images/crmami-s.jpg

و هذي رسمه أخرى للسيده تاكادا ^.^ لما الحين ما عندي النسخه الملونه منها ... http://totaloli.jeeran.com/images/dreamymami.jpg

اللي تحت .. دمجت رسومات يظهر فيها توشيو مع يوو (من مسلسل كريمي مامي) ... ان شالله يعجبونكم!

Madoka

22-11-2002, 08:35 PM

نسيت اقول ان مسلسل (كريمي مامي) هو من مجموعه Magical Girls مثل (سيلرمون و كيوتي هاني و حنين و ماجيكال ايمي و ... الخ)
و هو اول مسلسل من Magical Girls من انتاج ستوديو Pierrot ...
-----

و مادري قلت لكم و لا لأ ان السيده تاكادا متزوجه من script writer لهذا المسلسل .. اسمه (Itou Kazunori) و قد تزوجت منه عام 1983 في نفس العام اللي طلع فيه انيمي كريمي مامي :)
-----

طبعا تلاحظون على رسومات السيده تاكادا تقارب في المواضيع خصوصا في الرسوم اللي تقوم بها للمسلسل الواحد (لان الرسوم كلها من تصميمها و افكارها) ... و ابيكم تلاحظون معاي رسوماتها لكل مسلسل شنو كانت افكارها :) .... عرضت لكم من Urusei Yatsura و كانت معظم رسومها على هيئه Cells و القليل منهم بالباستل ، و اغلب الرسوم لشخصيات الانيمي (رسوم جماعيه يعني)...... اما اعمالها لمسلسل كريمي كانت بالباستل (الاغلبيه) و معظم الرسومات نشوف فيها نفانيف .. و غالبا اللبس (الرسمي) للشخصيات في الانيمي ^_^

مني دمجت رسومات لها كلهم لابسين فيهم نفانيف بيضاء ;) ...

orange road

23-11-2002, 05:12 AM

شاهين... الانيمي اللي ذكرته هو كارتون والا انيمي؟؟؟
اذكر ني كنت اجوفه وانا صغيرة.. وكنت اتابعه بعد :#

وايد يعجبني رسم هالرسامة مادوكا..
اريكسيا بعد كانت تجمع بطاقات اورانج رود... روعة...
يعني صرنا الحين ثلاثة..

من بعد اللي كانت تجمعهم وللحين محتفظة فيهم

كملي مادوكا الموضوع.. ترى مشوق وايد

بس قولي لنا.. ليش مب هي اللي راسمة المانجا؟؟؟

Madoka

23-11-2002, 07:54 PM

اشكرج عزيزتي اورنج رود على المشاركه :) ..

الرسالة الأصلية كتبت بواسطة orange road

اريكسيا بعد كانت تجمع بطاقات اورانج رود... روعة...
يعني صرنا الحين ثلاثة..
من بعد اللي كانت تجمعهم وللحين محتفظة فيهم

اكو بعد اعضاء قالولي انهم يجمعون هالصور بس ماني مفتنه عليهم :6
------------------

:أفكر: بالنسبه لسؤالج عن اهي ليش ما ترسم مانجا .. الجواب لانها مو رسامه مانجا !! ^___^ اكو وايد رسامين في اليابان ما يرسمون مانجا لكن يرسمون شغلات ثانيه متعلقه بالمانجا ... و السيده تاكادا مصممه شخصيات (هذي وظيفتها الاساسيه) ...

و سألوها مره ما حاولتي ترسمين مانجا ؟؟ اجابت " في يوم من الايام حاولت ان ارسم قصه مانجا و لكنني لم استطع لان من الصعب رسم الشخصيات باكثر من وضعيه و اكثر من تعبير للوجه و ايضا من الصعب تأليف قصه تلاقي شعبيه لدى الجمهور "
يعني اهي ما رسمت مانجا و ما اتوقع ترسم (لكن الحين لما يسألونها ما راح ترسمين مانجا تقول هذا سر و احيانا تقول انها تخطط لعمل شي ^_^) !!
لكنها ترسم وااايد مشاهد لقصص مصوره (كلام و جدامه رسمه) و لها وايد رسوم مرتبطه بقصص معينه ^__^

-----------------

اظن اني تكلمت عن Creamy Mami بما فيه الكفايه و اظن بعد ان النت مليان معلومات و صور و مواقع عن هالمسلسل :) و ماراح تواجهون اي صعوبه في الحصول على رسومها عنه لان اكيمي تاكادا لحد هاليوم ترسم كريمي و اكو وايد من الFans اللي يحبون اعمالها لكريمي اكثر شي ( انا مو منهم لاني افضل مادوكا :6 )

****فهذي آخر صور اعطيها لكم عن هالعمل و راح انتقل لعمل آخر قريبا ^^
راح احطها في وصلات عشان لا ينترس الموضوع صور ^_^

**كريمي بلباس ماري انطوانيت (http://totaloli.jeeran.com/images/mami-antwnt.jpg)
**هذي وايد عاجبتني فكرتها شوفوها ^^ (http://totaloli.jeeran.com/images/water-bed.jpg)
**مني هم دامجه مجموعه رسوم (http://totaloli.jeeran.com/images/mixmcr.jpg)
**هذي نعومه وايد :) (http://totaloli.jeeran.com/images/cool-mami.jpg)
**رسمه جماعيه لشخصيات هذا المسلسل (نادره نوعا ما هالرسمه) (http://totaloli.jeeran.com/images/Creamy-cast.jpg)

و الحين هالرسمه راسمتها أكيمي و ملونتها بالكمبيوتر .. عشان لا تقولون اهي ما تلون بالفوتوشوب ;-) ... اظن ان الرسمه روووعه مثل ما انتو شايفين ^___^

Madoka

28-11-2002, 04:22 AM

هذي بعض المواقع اللي راح تلقون فيها رسومات اكيمي لمسلسل كريمي مامي:
هذا من اشهر المواقع عن اكيمي .. و هذا القسم فيه رسومات كريمي (http://www.yadirs.net/akemitakadahomage/english/creamy.htm)
موقع ثاني هم فيه رسوم كريمي (http://www.yamano-world.com/version3/creamy4.html)
بعد ؟؟ (http://digilander.libero.it/benioh/takada/creamy.html)
بعد صور .. (http://www.yadirs.net/akemitakadahomage/english/mword.htm)
هذا فيه صور وايده (http://magicalgirls.free.fr/html/creamy/galerie.htm)
هذا بعد لا يطوفكم ^^ (http://www.onlyshojo.com/creamyakemi.htm)
و هذا فيه تصاميم لهذا المسلسل :) (http://www.onlyshojo.com/schizzicreamy.htm)

بسكم مواقع :o

صج بعطيكم موقع فيه رسوم اكيمي تاكادا لمسلسل لامو ^^ كاهو مني (http://lamunet.supereva.it/dwlnow/image/indexen.htm?p) بس انتبهوا .. لان في بعض الرسوم (البعض مو الكل) موضوعين في الجاليري تحت اسم اكيمي تاكادا لكن اللي راسمتهم مو اكيمي !! صاحب الموقع ملخبط شوي :أفكر:
____________________________

الحين راح اتكلم عن مسلسل يديد من اعمال السيده تاكادا ... هذا المسلسل مو غريب عليكم ;-) لانه مدبلج للعربيه باسم "عودة الأرض" .. و يسميه الكثيرين بزهرة الجبل عرفتووووووووه ؟؟ :)

Madoka

28-11-2002, 04:58 AM

Honoo no Alpen Rose ... Jeudi & Lundi
Alpine Rose of the flame :

هذا الانيمي شوجو ^^ للرسامه Michiyo Akaishi التي عرفت بأعمالها الرومانسيه ^___^ ..
و السيده تاكادا مسؤوله عن تصميم الشخصيات لهذا المسلسل (مثل ما تعودنا منها;) )
انتج هذا الانيمي عام 1984 . ... كان لهذا المسلسل شعبيه في اليابان ^___^ ..

انا شفت هالمسلسل بالعربي اول مره سنه 1989 ( يعني من زمااااان مدبلجينه ) و صوت البطله جمان تأديه ايمان هايل (نفس صوت ماروكو و رامي الهداف) .. و المسلسل يتكون من 20 حلقه بس !!
و الصراحه انا استغرب لان في بعض الاعضاء ما يعرفون هذا المسلسل و مو شايفينه ?: مع انه قديييييييييييييييييييم !!

طبعا قلت لكم اني شايفه هالانيمي من سنه الطواعين :D .. لكني ما عرفت ان اكيمي تاكادا مصممه شخصياته الا قبل سنه تقريبا !! و كنت طوال الفتره اللي فاتت اسأل نفسي : شنو السر وراء الشبه الكبير بين كريمي مامي و عبدالقادر (http://totaloli.jeeran.com/images/ab_cr.jpg) (احد الشخصيات الرئيسيه في المسلسل) ههههه ..

طبعا انا شايفه المسلسل بالعربي و اظن ان وايد منكم شايفينه عشان جذي راح اتكلم عن قصته باختصار شديد :o .. القصه و مافيها تدور احداثها في اوربا (في سويسرا اظن) خلال الحرب العالميه الثانيه ، و البطله (جمان) و البطل (حسان) من افراد المقاومه .. و هما يبحثان عن ماضي جمان التي فقدت ذاكرتها و يتعرضان للعديد من الصعوبات و المخاطر و مادري شنو ... انتو شوفوا المسلسل و ريحوني >_<
__________________

هذي صوره فيها البطله جمان (جودي اسمها الأصلي) .. اللي عاليسار شكلها بالمانجا و اللي بالنص راسمتها أكيمي;) و عاليمين شكلها بالأنيمي
http://totaloli.jeeran.com/images/AlpenRose.jpg

للأسف السيده تاكادا لم تقم برسم رسومات وايده لهذا الانيمي .. و بس لقيت لها رسمتين بالباستل فقط :( .. و ما اظن في غيرهم الصراحه !! الرسمتين دامجتهم تحت ^____^

و اذا تبون مني اكو جم رسمه للسيده تاكادا لهذا المسلسل

هذي جمان بطله القصه راسمتها اكيمي ^___^ (http://totaloli.jeeran.com/images/alpen-judy.jpg)
هذا كل اللي عندي من تصاميمها لهذا المسلسل للأسف ما عندي المجموعه كامله .. بس شوفوا الصوره على كل حال (http://totaloli.jeeran.com/images/alpen-sktch.jpg)
هذي مو متأكده ان اكيمي راسمتها .. بس يمكن اي و يمكن لأ (http://totaloli.jeeran.com/images/alpen-ani.jpg) :أفكر:

تحت الرسمتين اللي راسمتهم اكيمي بالباستل لهذا المسلسل (اللي شعره ازرق اسمه عبدالقادر ، و اللي شعره بني حسان بطل المسلسل ^^) ارجو ان تنال اعجابكم

Madoka

29-11-2002, 09:19 PM

عندي بعض الصور لمجموعه من اعمال السيده تاكادا !! لكن ما اعرف اسامي هالاعمال و لا اعرف شنو اهي بالضبط (قصص و لا انيمي) و مو متأكده بالضبط من سنواتها ":" لكنها من الثمانينات و تقريبا 1984

شوفوها بالوصلات اللي تحت ^_____^

http://totaloli.jeeran.com/images/unknown-taka.jpg

http://totaloli.jeeran.com/images/unknown-taka1-a.jpg

http://totaloli.jeeran.com/images/unknown-taka3.jpg

http://totaloli.jeeran.com/images/unknown-taka1-b.jpg

http://totaloli.jeeran.com/images/unknown-taka2.jpg
طبعا ما يحتاج اقول ان اغلب هالصور نادره و ماراح تلقونها عالنت ;)
______________________

راح اكلمكم عن اثنين من اعمالها لعام 1985 .. بس ابيكم تشوفون هالرسمه اللي تحت لمسلسل Alpen Rose نسيت احطها لكم ^___^
رسمه لجمان مع حسان ( جودي و راندي في الانيمي الياباني :p ) .. الرسمه بالباستل ^.^ ترى اهي نفس الرسمه اللي فوق (الرسمه اللي فيها جمان و حسان ! بس هذي اوضح)

سياكا

30-11-2002, 07:36 AM

مرحبا....MADOKA
وااااااو
بصراحة كل مواضيعج ممتازة ووااااااااااااااااااااااااايد حلوه...;-)

اخخخ... على اكيمي..الانيمي رائع ويجننيييييييييييييي‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍????‍‍‍‍‍!!!:" :" :" :" :"

COOOOOOOOOOOOL:cool: :cool:

ياالله منتظرة مواضيع يديدة ;-) ......باي

لينيير13

05-12-2002, 07:40 AM

إس...إس

السلام عليكم

مرحباً مادوكا ...الله يعطيك العافية على هذا المجهود الذي بذلتيه ..
الرسامة هذي رائعة ....ما كنت أعرف أنها هي اللي رسمت مسلسل زهرة الجبل ....
أحب رسوم هذا الأنمي ..وخصوصاً جمان ..بس بصراحة ...ما فهمت شي من هذا الأنمي ...حسيت أنه فايت ببعضه وما فهمت منه شي

SHADOW HEARTS

06-12-2002, 10:30 AM

شكرا ^_^

Madoka

06-12-2002, 06:17 PM

سياكا شكرا حبيبتي عالمشاركه :)
لينيير13 عليكم السلام.. وحشتينا والله ^____^
مسلسل عوده الارض المدبلج للعربي كان مقطع منه مشاهد .. و ايضا الدبلجه لم تذكر ابدا ان الاعداء هم النازيين و ما ذكرت اشياء وايده .. عشان جذي قصته معفوسه و مو مفهومه مثل ما قلتي :D
SHADOW HEARTS العفوووو اخوي :)

--------------------

وصلت الحين لعام 1985 ^ ^
من اعمال اكيمي تاكادا في هذا العام ...
Seikon-sha Yuu
ما اعرف عنه الا القليييييييييييييييييييييييييييييييييييييييييييل :": .. قريت في موقع ان القصه تم تنفيذها على شريط كاسيت >_< ..
القصه لها 4 اجزاء (اغلفتهم راسمتهم اكيمي ) و في داخل القصه ايضا اعتقد هناك المزيد من رسومات اكيمي لهذه القصه ... و قد نشرت من 85 الى 89 .. بس ?: ما عندي شي ثاني اقوله ..

هذه مجموعه من الرسوم له ..

Madoka

06-12-2002, 07:54 PM

عمل آخر للسيده تاكادا لعام 1985 و استمر الى 1994 ^^ هو
Eternal Firena
:) شنو اللي يميز هالعمل عن غيره ؟؟

هذه الروايه قد حول الى مسلسل OAV ..
و هناك لعبه كمبيوتر على جهاز سوبر نينتيندو :) RPG صدرت عام 1995 لهذا العمل ^^ ..

Shudou Takeshi صاحب القصه عرف بأعماله اللطيفه و الحنونه (مثل مغامرات حنين و غيرها ) ... و قد اصدر لسلسه (فايرينا) 9 اجزاء ... الاغلفه تحت @@ ... طبعا جميع الاغلفه اللي على القصص راسمتها أكيمي تاكادا
;)

Madoka

07-12-2002, 07:49 AM

قصه المسلسل

سارت احداث هذه القصه في المستقبل ! .. كانت هناك امبراطوريه تحكم العالم كله !! .. و بطله المسلسل فايرينا ( اللي شعرها اصفر ) فتاة يتيمه قد ربيت على اساس انها ولد و دربت على فنون القتال !! حين تكبر فايرينا تكتشف انها وليه عهد بلاد قديمه اسمها ( فيروسيلا ) التي قد تم غزوها (من قبل الامبراطوريه) و من ثم محوها من الوجود ... لذلك قررت الهرب و من ثم بدأت معركتها الطويله ضد الامبراطوريه

هذه بعض اللقطات من الانيمي:
http://totaloli.jeeran.com/images/firena-anime.jpg

اضغط هنا لتشاهد اغلفه غلاف الجزء الاول و الثاني للاو آي في (http://totaloli.jeeran.com/images/vedio_cvr.jpg)
الغلافين من رسم اكيمي ^^

قلتلكم اكو لعبه لهذا المسلسل ;-)
مني شوفو غلاف اللعبه ^^ (http://totaloli.jeeran.com/images/firena_game.jpg)
ملاحظه !!!!!!!!! اللي يعرف هاللعبه او عنده اياها !! بليييييز حق يقول لي
:"

تحت شوفو رسمه لاكيمي لهذا العمل .. هذي الرسمه وااايد احبها ^______^ و ما قدرت ادمجها مع باجي الرسومات اللي بحطها لكم بعدين (لاني احبها هههههه)
و على فكره :) فايرينا من اعمال اكيمي تاكادا المحببه عندي

shaheen

12-12-2002, 06:50 AM

ماشاء الله عليج اخت وسام... فعلا قمتي بمجهود ضخم!!!!
حبك لهذه الفنانة فاق التصور والخيال... لقد قمت بالتقصي عن هذه الفنانة والتي اصبحت معجب بها فعلا.. فأعمالها الجديدة فعلا شئ لا يصدق... رسمها جميل بشكل رائع.

بلا شك كنت ممن يجمع صورها اللاصقة:) وقد كنت ازينها في حجرتي (وخاصة لما اضعها على المنبه من داخل الغطاء الزجاجي فيعطي لمسة رائعة^^) وكانت صورها تذهلني وتشبع ميولي في الرسم والتلوين... وكانت هذه رسومات قديمة لها.. أما الان فما أراه شئ رائع جدا... رسمها اصبح يجنن بحق!!!

فعلا انها رسمة كبيرة وتستحق كل هذا التقصي وكل هذا المجهود الرائع

وبالنسبة لك اخت مادوكا تعتبرين كنز لنا فهذه الصور والمعلومات من الصعب الحصول عليها وقد اختصرتي لنا الوقت.

اما بالنسبة للمعلومات فهي قيمة وخاصة بأنها قد ترسم مانجا خاصة فيها.. وهذا شئ رائع فعلا:) وشكرا للوصلات الممتعة:)

فعلا اكيمي تاكادا فنانة عظيمة:)

Yurilin

15-12-2002, 06:50 AM

شكراً يا مدوكا

Madoka

15-12-2002, 10:32 AM

شكرا لك عزيزتي yuri7h20 ^__^

شاهين :) شكرا على الرد ^^ .. يسعدني وايد ان رسومات الفنانه اكيمي عجبتك ^______________^ .. و في حالة بغيت اي معلومه عنها .. لا تتردد في سؤالي :cool:

______________________
بالنسبه لملصقات اورنج رود (Sticker Collection) اللي كانت تباع عام 1994 في بعض دول الخليج !! بقول عنها شي مهم جدا !!!!!

هذه الرسومات هي نسخه طبق الأصل عن رسومات أكيمي تاكادا !! و لكن الرسومات المستخدمه في مجموعه الملصقات ليست من رسم أكيمي !!!

ما ادري اذا كان اللي عندهم من هالصور لاحظوا هالشي !! لكن الصور هذي على ما يبدو .. صدرت بشكل غير قانوني (يعني رسمت بشكل غير قانوني) .. و الرسومات موقعه باسم (Somchai) منو هذا مادري :": ! لكنه نسخ رسومات اكيمي و رسمها مره ثانيه و لونها بنفس الالوان لكن ما استخدم الوان باستل (ما اعرف شنو الالوان المستخدمه في تلوينها >_<) ..

و الصراحه انا افتريت النت و دخلت مواقع لا تحصى عن Kimagure Orange Road (من اشهر اعمال أكيمي !! راح اتكلم عنه قريبا ;) ) ... المهم دخلت ملايين المواقع و ما لقيت فيها و لا رسمه من الرسومات الموضوعه في الSticker .. و هذا اللي خلاني اعتقد انها غير قانونيه !! (على فكره أكو آرت بووك يحوي رسومات أكيمي لاورنج رود غير قانوني صدر في الصين .. و هو رديء من حيث الطباعه ! الا انه نادر جدا جدا و غالي الثمن)

--------
شوفو تحت حطيت صوره فيها نفس الرسمه لكن وحده لأكيمي و الثانيه نسخه مزيفه :D

الفرق واضح !!!!!!!!!!!!!!!! الرسمه اللي على يمينكم ( مو أصليه ) و هي مستخدمه في مجموعه الملصقات !! اما الأصليه اللي على يساركم ^^ رسمه السيده تاكادا الأصليه !! شوفو التشابه في كل خط من خطوط الرسمه و في الالوان !!!!!! لكن طبعا اختلاف في طريقه التنفيذ

الرسمه اللي راسمتها أكيمي مرسومه عام 1988 ... اما النسخه منها مرسومه عام 1993 ?: .. و تقدرون تلاحظون الالوان اللي في رسمه أكيمي متعوب فيها .. يعني دمجت الوان الباستيل و تعبت في تكوينها ثم قامت بالتلوين ... اما النسخه اللي راسمها شاف رسمه اكيمي جدامه و مجرد انه قام بنقل الرسمه و الالوان فيها فاقعه و صريحه (يعني لم يتم تكوينها و انما استخدمت بشكل مباشر من العلبه او من مادري شنو >_<) ....
ملامح الوجه تختلف و واضح منهي الأحلى ":" .....
:أفكر: بس حبيت اقولكم هالشي ( مو تغترون بالملصقات زياده عن اللزوم و طلعوا رسوم اكيمي من الانترنت أحسن )
التقليد عمره ما يوصل لمستوى الأصلي :o

Madoka

16-12-2002, 07:46 PM

بالنسبه لمسلسل Eternal Firena .. للأسف حتى الحين ماكو ولااااااااااا موقع خاص عن هذا المسلسل .. و بعد ماكو اي موقع يجمع رسومات اكيمي لهذا المسلسل !! لكن ممكن تلقون الرسومات عنه مخلوطه في الجاليريات اللي فيها رسوم أكيمي !!

راح اعطيكم وصله تلقون فيها جم رسمه ^_^
http://the.animearchive.org/takada/8/
ملاحظه !! تقدرون تفترون في الوصله اللي عطيتها لكم و تطالعون وايد رسوم لأكيمي :)
و اذا تبون باجي الرسوم اللي عندي اياها .. اقدر اطرشها لكم او احطلكم عنوان كل صوره من وين لاقيتها !:)

بحط لكم صوره فيها مجموعه رسوم لمسلسل فيرينا الأبديه ;) ... الصوره تحت ... (كان في بعد رسوم ما حطيتها!)

shaheen

16-12-2002, 10:25 PM

مممممم معلومة حلوة يا مادوكا
ماظنيت ان الاستكرات ليست من رسم تاكادا.. لانها مطابقة تمام يعني انهم استعملوا اسلوب الشف او الفانوس السحري.. ممممممم فعلا ملاحظة قيمة

بالنسبة للألوان فهي وانا اكيد من ذلك:
coloured indian inks
وهي الوان مائية تمتاز بقوة لونها فهي احبار ملونة يعني انها تؤخذ من العلبة مباشرة ويمكن تخيفها بالماء ومزجها بالوان اخرى.. انا شخصيا استعملتها وكذلك الاخت اريكسا في رسوماتها الأخيرة:)

شكرا على الموقع الحلو مادوكا;-)

Madoka

16-12-2002, 10:33 PM

الرسالة الأصلية كتبت بواسطة shaheen
بالنسبة للألوان فهي وانا اكيد من ذلك:
coloured indian inks
وهي الوان مائية تمتاز بقوة لونها فهي احبار ملونة يعني انها تؤخذ من العلبة مباشرة ويمكن تخيفها بالماء ومزجها بالوان اخرى.. انا شخصيا استعملتها وكذلك الاخت اريكسا في رسوماتها الأخيرة:)

:واو: مشكوووور اخوي شاهين على المعلومه هذي اللي عن الالوان ^_____^ ... :-) لان تأثيرها وايد عاجبني :)

... و مشكور بعد لانك رديت عالموضوع :)
______________

اعمال اكيمي تاكادا عام 1986
أنا قريت في بعض المواقع ان اكيمي هي مصممه شخصيات مسلسل Pastel Yumi (http://www.pierrot.co.jp/english/80/pastel_yumi/yumi1.jpg) و Mahô no yousei Pelsia (http://www.pierrot.co.jp/english/80/pelsia/pelsia1.jpg) و magical Emi (http://www.pierrot.co.jp/english/80/magical_emi/emi1.jpg) (المسلسلات هذي شبيه بكريمي مامي و من انتاج نفس الشركه اللي انتجت كريمي) ... لكن ما شفت ولااااااااا رسمه لاكيمي لهذه الأعمال عشان جذي افضل عدم التطرق لها مدام ما عندي دليل على انها هي مصممه الشخصيات >_<
_________________________________
الحين اعمالها لعام 1986

** مني عندي صوره لعمل لها هم في عام 86 اسمه بالياباني (放課後、アイスティ ) .. هذي صورة الغلاف ماله http://www.cri.co.jp/cap/a-takada/images/gallery/bunko/icetea.jpg راسمته أكيمي (عندي الصوره حجم أكبر لكن مو واضحه!) ... المهم ما اعرف اي معلومات عنه !!
--------------------
**عمل آخر حقق شهره لا بأس بها في اليابان هو:
Urban Square صورته تحت ^_^

orange road

16-12-2002, 10:46 PM

مادوكا... ما كنت عارفة ان الستكرات مب رسمها :(
وانا الي كنت متخرعة عليهم :"

بس لقيت وايد صور من الستكرات على النت
تعرفين... باطلع الستكرات وباقارنهم باللي لقيتهم على النت
^^

بس صج.. الرسمة غير في الملامح...
بس في رسوم بالباستيل مادوكا على الستكرات...
يعني ما اعتقد ان كلها مسروقة

باقارن وباجوف ^^

شكرا محقق كونان..
اقصد محققة مادوكا

Madoka

16-12-2002, 10:54 PM

Urban Square هو مسلسل او آي في صدر عام 86 ^____^ الشخصيات اللي في الأنيمي من تصميم أكيمي تاكادا :) ... و السيده تاكادا رسمت مجموعه لا بأس بها من الرسوم الملونه لهذا العمل :)

قصة المسلسل:
بطلة المسلسل فتاة جامعيه جميله متخصصه في مجال fine art
^_^ هي ايضا كاتبة سيناريو لكنها كاتبه من الدرجه الثانيه ، المهم هذه الفتاة تورطت في جريمه غير قانونية مع البطل (اللي شعره اسود) و صديقه (بو شوارب هههه) .. و بسبب تورطها اضطرت لترك الجامعه و الهرب معهما ...

شوفوا لقطات من الأنيمي مني ^^ (http://totaloli.jeeran.com/images/UrbanS-anime.jpg)

آسفه ما عندي تفاصيل أدق عن القصه >_< ... لكن اقدر اقولكم عن هالانيمي انه حقق بسيطه شهره في اليابان ^____^ كعمل من اعمال أكيمي !!
و السيده تاكادا في تلك السنه اصدرت أول ArtBook لها بعنوان Complete Visual Works راح اتكلم عنه بالتفصيل بعدين ;) .. و السيده تاكادا في هذا العام اقامت معرض للوحاتها في اليابان (هم راح اتكلم عنه بعدين^^)

ملاحظه : لا توجد مواقع لهذا المسلسل للأسف :) و اذا تبون رسوم اكيمي له راح تلقونها مطشره في المواقع ههههه بس مني وصله فيها جم صوره لهذا العمل ^_^ شوفوا مني (http://www.yadirs.net/akemitakadahomage/english/crystella.htm)

تحت حطيت صوره دامجه فيها رسوم لهذا العمل (اكو بعد وايد رسوم ما حطيتها:) )

Madoka

16-12-2002, 10:58 PM

الرسالة الأصلية كتبت بواسطة orange road
مادوكا... ما كنت عارفة ان الستكرات مب رسمها :(
وانا الي كنت متخرعة عليهم :"

بس لقيت وايد صور من الستكرات على النت
تعرفين... باطلع الستكرات وباقارنهم باللي لقيتهم على النت
^^

بس صج.. الرسمة غير في الملامح...
بس في رسوم بالباستيل مادوكا على الستكرات...
يعني ما اعتقد ان كلها مسروقة

باقارن وباجوف ^^

شكرا محقق كونان..
اقصد محققة مادوكا

المتحريه خلوود سوري ما شفت ردج :)

اي شفتي شلون طلعوا الصور مزيفين ههههه ^___^ ترى مقارنتهم من قبل (او بالأحرى حافظه شكلهم و ملاحظه الفرق) و كلهم يختلفون :أفكر:

و اذا كنتي لاقيه الاستكرات عالنت عرفي انج لاقيتهم في موقعي ههههههههه لان محد غيري حاطهم :) .. و قارني بينهم رسمه رسمه و شوفي ^________^

مشكوووووره عالرد خلود :) و على فكره قربت اتكلم عن مسلسل اورنج رود ;)

Rewayah

17-12-2002, 09:27 AM

موضوع حلو وخطير وفظيع وعظيم يا مادوكا!!!! :)
رهيب × رهيب × رهيب × رهيب!

أحلى تقرير قريته على كل المستويات والمنتديات. ;-)

orange road

17-12-2002, 09:56 AM

عاد تصدقين مادوكا...
اني ما جفت من اورانج رود الا الفيلم بس ^^

سياكا

19-12-2002, 07:20 AM

وااااااااو...واااااااااااو...واااااااااااو ...:واو:

حبيبتي مادوكا ...موضوع بيجطع الجللللللللب ..:"

والله انتي عبقريه! في جمع المعلومات عن الفنانه الخطيره اكيمي ;-)

اهنيج على هذا العمل الممتاااااااااااااااااز ..:cool:

شكلج تعبتي وايد من هذا العمل المرهق ....[FONT=times new roman][FONT=arial][SIZE=5]

Madoka

19-12-2002, 11:42 AM

Rewayah مشكوووووور اخوي :):) اخجلت تواضعي :# ... مشكوووووور وايد عالرد :):)

orange road شفتي الفلم الثاني :) .. عاد المسلسل أحلى بوااايد ^___^ .. ان شالله تشوفينه قريبا:)
مشكوره عالرد حبيبتي خلود ^_^

سياكا مشكوووره واااااااااااااااااايد عزيزتي :-) :):)... و مشكوره عالصوره الحلوه ^^ عيون مادوكا في الصوره وايد حنونه تذكرني برسوماتج ;)

fatoom

19-12-2002, 11:52 AM

مشكووووووووووووووووووووره

مادوكا على المعلومات ;)

صج انج رهييييييييييييييييييييييبه

و بالذات تحرياتج ;-)

عجبتيييييييييييني :D

و انا قريب بشوف المسلسل :D

من زمان افكر فيه ;-)

Madoka

19-12-2002, 12:24 PM

مشكووووووووره عزيزتي فطوم على مشاركتج ^___^ ...:) اذا شفتي المسلسل قوليلي رايج فيه ^ ^
--------

الحين .. تابع التقرير ^^

عندي رسوم لشخصيات من تصميم اكيمي بس للأسف مو عارفه اساميها و لا عارفه اي معلومات عنها و لا حتى سنتها >_<
و في شغلات طنشتها !! و شغلات راح احطها لكم :) ..
هذي مثلا شخصيه .. مادري منو اهي و لا عندي اي معلومات عنها >_< (http://totaloli.jeeran.com/images/wh01.jpg)
صوره ثانيه لها (http://totaloli.jeeran.com/images/wh02.jpg)
عندي بعد صور لنسف الشخصيه اذا تبون قولوا لي!!:أفكر:

--------------------

Twilight Q
مسلسل او آي في .. شخصياته من تصميم السيده تاكادا ^^ ... انتج عام 1987

مخرج المسلسل Mochizuki Tomomi :)

قصة المسلسل
بطله المسلسل أيومي (في الصوره تحت) كانت تقضي عطلتها مع صديقتها على الشاطيء ، و بالصدفه وجدت كاميرا مرمية في البحر !! فدفعها الفضول لمعرفه ما يوجد في تلك الكاميرا ... و حين نظرت اللي الصور اللي كانت فيها وجدت صورتها برفقه رجل !!! ولكنها لم تعرف هذا الرجل و لم تقابله ابدا !!!!!!!! ثم تكتشف ان هذا الرجل ميت منذ الحرب العالميه!
فتنتقل عبر الزمن الى الماضي و الى عصور مختلفه من تاريخ اليابان .. و تبدأ مغامرتها في البحث عن صاحب هذه الكاميرا العجيبه و عن الشخص الذي في الصوره :)

الرسوم في الانيمي جميله جدا ^^ خصوصا انها من تصميم اكيمي ;) .. هذي لقطات منه!
http://totaloli.jeeran.com/images/twilightQ-anime.jpg

اهني شوفوا غلاف الشريط (http://totaloli.jeeran.com/images/twilightQ-vcvr.jpg)

لا يوجد مواقع لهذا المسلسل >_< لكن في موقع واحد مكتوبه فيه القصه ^____^ بس ما فيه و لا رسمه لأكيمي .. عشان جذي ماله داعي اعطيكم الوصله !

عندي من رسوم اكيمي لهذا العمل رسمتين بس :": !! و مادري اذا كان في غيرهم و لا لأ :) لان هذا المسلسل صدر عام 87 و هو نفس العام اللي صدر فيه مسلسل اورنج رود .. و اظن اكيمي انشغلت في رسم مادوكا :6

راح احطلكم الرسمتين اللي راسمتهم اكيمي لهذا العمل هذي الرسمه الأولى !! ادري الوانها مو واضحه .. سوري (http://totaloli.jeeran.com/images/twilightQ-ill2.jpg)
و تحت الرسمه الثانيه ^^

GM Head

15-01-2003, 05:51 AM

لقيت يا مادوكا أن (Character Design) تصميم الشخصيات لمسلسل الأنمي Mobile Police Patlabor من عمل Akemi Takada:!

و كنت مستغرب أن تعمل Akemi Takada لمسلسلات الخيال العلمي

و بغيت معلومات أكثر :"

مستحيل يطوف شيء شذي جدامي

orange road

04-02-2003, 05:59 PM

شكل المسلسل الاخير اللي تكلمتي عنه حلو ^^

يا ريت تكملين..
لاني ابي اوصل حق قصة اورانج رود :D

nicky_th_1

14-02-2003, 11:59 AM

مادوكا مشالله عليج
شكلي بقراء الموضوع من البدايه :D

keep going girl :D

Madoka

25-02-2003, 11:09 PM

GM Head
مشكووور اخوي على ردك ^_______^ انا سعيده لان مسلسل باتلابور عجبك ^.^ ... بدأت اكيمي العمل فيه من 1988 ... راح اكلمك عنه ليتر :cool:

orange road
عزيزتي الحين انا وصلت لمسلسل اورنج رود ^.^ :) مشكووره وااااااااااااااااااااايد عالرد :)

nicky_th_1
مشكووره حبيبتي على ردج عالموضوع ^_______^ .. و ان شالله يعجبج :) .. مو شرط تقرين الموضوع كله لانه متروس كلام >_< ممكن بس تقرين الأجراء اللي تعجبج ^.^

_____________________

وصلت الحين الى العمل اللي كان السبب في شهره الرسامه اكيمي تاكادا خارج اليابان ;-)

احم .. :o

هذا العمل هو بالتأكيد Kimagure Orange Road ;) .. التفاصيل لاحقا ^.^

شوفوا تحت رسمه لاكيمي تاكادا راسمتها سنه 1989 ... و هي من اروع و اجمل رسوماتها لمسلسل KOR

DeViL0666

27-02-2003, 10:47 AM

eeeeeee hathy khosh rasama

i know someone always talk about her...:cool:

Madoka

01-03-2003, 11:12 PM

سلام :)
شكرا يا DeViL0666 على الرد :)
_______________________

في عام 1984 بدأ الرسام Matsumoto Izumi بنشر قصه اورنج رو المانجا ^^ (راح اتكلم اكثر عن الرسام (http://totaloli.jeeran.com/images/1984_mg.jpg) بالرد القادم) ...
و في عام 1987 تقرر تحويل قصه المانجا الى انيمي ^.^ !! و منذ ذلك الحين ارتبط اسم اكيمي تاكادا بمادوكا و مسلسل اورنج رود !!

لاحظت وايد اشخاص عبر مواقع الانترنت يلخبطون بين رسام المانجا ايزومي و بين اكيمي!! يعني البعض يعتقد ان الرسومات اللي بالباستل (لاكيمي) هي من رسم رسام المانجا ?: .. و وايد اشخاص يلخبطون بالمسلسل و يصنفونه مع مسلسلات الشوجو!!!! مع ان المسلسل و المانجا شونان !!

المهم ... ما علينا :o ...

قصه المسلسل:
كتبت تقرير (للأسف ما كملته><) في منتدى الانيمي عن قصه المسلسل ^______^ فياريت تضغطون على الوصله اهني (http://www.montada.com/showthread.php?postid=1657114#post1657114) و تقرون قصه المسلسل اذا تحبون تعرفون عنه ^_^

الحين ... شنو كنت بقول :": ... أفكاري متشتته >_< خل اطرش الرد احسن !!

تحت دمجت رسومات اكيمي بالباستل لمادوكا مع هيكارو في صور ثنائيه ^_____^ .... :)