على رأي المثل : اللي ما يطول العنب ...... سده واستريح !!!! [الأرشيف]

smoke

19-10-2002, 09:52 AM

سلاااااااااااااام ..........
كيف الحال ؟ كويسين ؟ ------------ طلع العرق .
أكيد أغلب أعضاء المنتدى طلاب في مدارس أو كليات , والمدرسة ( بالذات الثانوية العامة ) هي من أحلى الفترات في العمر كله , أنت تصحا الصبح و أنت فرحان , تنتظر الباص و أنت فرحان , تروح المدرسة وأنت فرحان , توقف في الطابور و أنت فرحان , تدخل الصف و أنت فرحان , تتعلم و أنت فرحان , المدرس يخمك بواجب طويل وأنت فرحان , المدرس اللي بعده يقولك على موعد الامتحان و أنت فرحان , تروح البيت و أنت قلبك على المدرسة و لكنك فرحان لأنك بترجع لها ثاني يوم ........!!!! ( شكلي بنطرد من المنتدى) ..

هذي أول نقطة , الموضوع الي بعده عن ............ (والله مستحي ما أدري كيف أقولها) .......المريخ أرض يمنية ( أبوك لأبو القات اللي طفحته....!!!!) , ما فيها شي , مدام أمريكا يوم طلعوا القمر و حطوا علمهم , معناها أن القمرأرض أمريكية ..! إذا ً (من صدقه هذا) ما فيها شي لما يكون المريخ أرض يمنية .!!!!!!

ثالث موضوع ..... قبل شوي أجا عندي إبليس (اللي هو الشيطان بدون لكن) يريد يفتني , سألني :
لو كان عندك عقل جبار (يعني تقدر تسوي قنبله نووية) كيف تستغل هالعقل ؟! فكان الرد كما يلي:
أول شي بغشش شباب الثانوية العامة الإجابات , ثاني شي بشارك في فوازير رمضان (ذا اامرجوج ما سمع عن جورج قرداحي ) , ثالث شي بخترق كمبيوترات كم واحد ما أطيقهم في المنتدى ...!!! وبس...

أما النقطة الرابعة , أحب أقولكم على سر في حياتي ما يعرفه غير ثلاثة : أنا و واحد طايح في المستشفى و الشرطة ....!
قبل سنة كنت أسوق السيارة في أمان الله , راجع من الكلية غاث من امتحان الفيزياء , و يا ولد إلا ما تطلع نقطة تفتش قدامك , قلت في نفسي اليوم رحنا شيبس ..... هديت نفسي و كنت لابس الحزام , وأسوق على راحتي على أمل أن الشرطي راح يقولي روح , ولكن ........................... ما أشوفه إلا يأشر لي على اليمين ... وأخوكم الفقير إلى الله ما عنده رخصة , جنبت السيارة و ركبي تتنافض , و ما شوف إلا شرطي طول في عرض , حجب عني ضوء الشمس , و هواء التنفس الذي يبقيني على قيد الحياة .....ما علينا , المهم الشرطي قال الكلمتين الكريهتين لأشكالي : الرخصة و الملكية , قلت له : ماعندي رخصة , قال و ابتسامة متوحشة تتلاعب على شفتيه: أنزل من السيارة و عطني المفتاح......... ( كملت ...... امتحان فيزياء و نقطة تفتيش) , حبيت أطلع لي دمعتين ( ما هو وقت الكرامة و المرجلة) لكن ما في شي طلع معاي , العيون جفت , قلت له : يا طويل العمر (ألعن أم الحاجة اللي خلتني أتسيد اللي يسوا و اللي ما يسوى) عديها هذا المرة والله ما أسوق بدون رخصة مرة ثانية , قال : بتنزل أو أنزلك غصب , قلت : خلاص خلاص بنزل , كانت نوال تغني في المسجل : أنت فاهم و أنا فاهمة ما لي وياك أي تفاهم , انتهى الأمر وكشفتك .......... (الأغنية تنطبق على الموقف تمام ) , نزلت و أنا أفكر في سمعتي اللي بتتمرغ في الوحل .....!!! , اتصلت بأبوي ورد علي : كيف أجيك و أنت أخذت السيارة يا ذكي , قلت له و أنا في قمت الطفر : خلاص أنت ما منك أمل , واتصلت بواحد صاحبي : ألو محمد موجود ؟؟
ولد صغير : لا , حمود نايم...
أنا : صحي و قول له فلان يبغيك حالة طوارئ , مشكلة مع الشرطة ..
الولد : انزين بس كم بتعطيني ؟!
أنا : بعطيك بوسة ....!
الولد : خل بوستك لك , ما أريد يصيبني التهاب جلدي .
أنا : أنا ....! التهاب جلدي .... ! يلا روح صحي محمد لأقلب البيت عليكم ...!
الولد : كيف بتقلبه و أنت محجوز عند الشرطة ...؟؟!!
أنا : أرجوك , أرجوك ,أرجوك .........
الولد : بس بس خلاص , صدعت راسنا , إحنا إيش اللي خلانا نتعامل مع هذولا الأطفال ....!!! محمد , يا محمد , أصحى , في واحد حرامي مسكته الشرطة و يريد يكلمك ....
محمد : هات التلفون , الووووووو , إخس يا حرامي ( هذا داخل عرض)
أنا : مو فاضيلك أنت و فلسفتك , أنا مسكتني الشرطة أسوق بدون رخصة تعال حصلني على المركز علشان تكفلني .....
محمد : أبشر , ما طلبت غالي , دقيقة و أكون عندك , و تك ورررررررررررررر .
أنا : سكر الخط في وجهي النذل , أنا أرويك بس أنت طلعني أول شي ......

وبعد ساعة ونصف .........................................
أنا : ألوووو وين أنت ؟؟؟؟!!!!
محمد : الحين دقيقة وأكون عندك .
أنا : بيكونوا سجنوني و خلصت ....
محمد : أنت أصبر عاد وإلا ........ (بدأ شغل الذل )
أنا : خلاص بلاش وإلا هذي .......
محمد : ها , حسبت في راسك شي ........ تك ورررررررررررر .

وبعد نصف ساعة ....................

أنا : ألوووووووووووو وين أنت !!!!!!!!
الولد الصغير : يووووووووه هذا حرامي مرة ثانية ........
أنا : احترم نفسك لأسطرك ألحين ........
الملازم جنبي : وأنت أحترم نفسك لأسفرك الحين .......
أنا : بس كيف أنا مواطن .
الملازم : هه , قصدي بسفرك السجن و لا تلقط كلام علي .
الولد : ههااااااااااااااااااااي
من قهري قفلت أنا الخط في وجهه , أول ما التفت للملازم قال : شرطي مبارك , وده الحجز .
وتشوفون أخوكم الفقير إلى الله يسحبونه الحجز , وألقى هناك اثنين باكستانيين و واحد ما أدري وين أصله .
الأول : مرهبا أرباب , كيف هال مال أنته , أنته شو يسوي ؟؟؟!!!
أنا : أسكت تراني ما لي خلق لك ...
الثاني : كيف أنته ما في خلق حق أنا و أكبر , أنا و أنته و أكبر صديق مال سجن ألحين .!
أنا : وللللللييييييييييه , هذا من وين طلعلي بعد ؟؟
الأول : ما في مشكلة , أنا أسمي أكبر , صديق مال أنا أسمه عظيم , نفر ثالث هذا ما في معلوم , هذا يمكن ما في إنسان ..!! شو إسم أنته ؟
أنا : أنا إسمي باص مدرسة داعس يجيب خبركم ...!
الأول : هذا اسم واجد طويل , أنته بابا اسمه مدرسة و بابا كبير اسمه داعس , واجد مزبوط , بس شو هذا خبركم , أنت ساكن داخل الخبر ؟
أنا : !!!
الثاني : أنا يجي سجن لأني يدخل سكين داخل بطن مال كفيل مال أنا , وكفيل موت , يقولون أنا لازم إعدام !!!
أنا : :!!!!
الأول : أنا كستي كسة , أن كنت أهب هرمة عندها واجد فلوس , هي بعد يهب أنا , أهل مال هرمة يسوي جنجال لأني أنا و هي يريد يسوي شادي ( عرس لغير المثقفين ) , هي يقول أنا يسير ينتزر جنب الشارع و هي يجي يهرب معاي بلاد , أنا ينتزر جنب الشارع و ينخم زين علشان أبوس زين (يععععععععععع) , حرمة يجي من بعيد يركض , أهلها يركض وراها , حرمة ما يشوف زين , يزحلق في نخام , يطيح داخل شارع , يمر باص مدرسة داعس يجيب خبرها , وأهل مال هي يقول أنا في أقتل , و ......... لهزة أنته في نفرات اسمه باص مدرسة داعس , أنته يقتل حبيب مال أنا ...!!!!!!!
أنا :
ويقوم الكبت من مكانه ........
الأول : أنا اليوم يا كاتل يا مكتول ( ليش مش نوكيا)
أنا : لا وحياة صاحبك هذا تشابه أسامي بس ....!
الثاني : أنته يسب أنا ...........؟!؟!؟!
ويمسكوني الإثنين , وكل واحد يده كأنها كفر كامري مبنشر , وقعدت أصارخ على الثالث .
أنا : أنت الحقني , خلصني من هذيلا الديناصورين .
الثالث : ..........................
أنا :هيه , أنته ما تسمع ؟
الثالث : ............................
أنا : أرجوك تدخل ..
الثالث : أنا إيش اللي خلاني أرمي إبني من فوق السطح ............ ها تذكرت , كان يبي ريال و أنا زعلت والقات كان في عز وقته .
أنا : الحقووووووووووووووونييييييييييييييييييييي ........!!!!!!!!!!!!!!!!!
فجأة سمعت صوت صغير مألوف : هييييييييه حرامي يضربونه هييييييييييييه .
محمد : أنتو .......... تعالو ضاربو واحد قدكم .....!
ويدخل صاحبنا محشش , و ............ بووووووووووووووووووووم , يجيله بكس مشعر يطير عينه اليمين و يرميه برا المركز , وأخيرا وصلو الشرطة , أنا كنت أتلو الشهادة , يائس خلاص لكن الحمد لله فلت .
عاد الباقي مو مهم , الولد الصغير كفلني ( لا ردوني السجن أحسن ) , و محمد طايح في المستشفى , و الكبت و أصحابه رمومهم الحجز الانفرادي

هكذا نصل إلى ختام حلقتنا و نقول لكم : اهتموا بأنفسكم و دراستكم و على رأي المثل : من غسل ثيابه لازم ينشرها .................

وسلامتكم:!

DNA

19-10-2002, 10:12 AM

What's your point:o ?0

tidusxxx

19-10-2002, 10:35 AM

نياهاهاهاهاههاهاهاهاهها.....طفح جلدي...حلوة:D

MoaeD

19-10-2002, 10:54 AM

كستي كسه اجل ههههههههههههههههههاااي

حلوه منك :p

Chad

19-10-2002, 11:12 AM

ههههههههههههه كفر كامري مبنشر:p :p :p

تشكر:6

D0WN~T0WN

19-10-2002, 12:44 PM

متى الغدا ?: ؟

Mohammed

19-10-2002, 08:12 PM

و الله موتني من الضحك:D :D :D :D
تستاهل:0)

أنت تصحا الصبح و أنت فرحان , تنتظر الباص و أنت فرحان , تروح المدرسة وأنت فرحان , توقف في الطابور و أنت فرحان , تدخل الصف و أنت فرحان , تتعلم و أنت فرحان , المدرس يخمك بواجب طويل وأنت فرحان , المدرس اللي بعده يقولك على موعد الامتحان و أنت فرحان , تروح البيت و أنت قلبك على المدرسة و لكنك فرحان
تقصد زعلان:!

المريخ أرض يمنية ( أبوك لأبو القات اللي طفحته....!!!!)
:D :D :D :D

smoke

19-10-2002, 09:02 PM

تسلموا على الردود جماعة ..... لكن اصبروا هذي البداية بس ...!
:cool:

Arsene Lupin

19-10-2002, 09:29 PM

هههههههههههههههههههههههههههههههههههههههههههههههه

الله يرجك...

أنا : أنا إسمي باص مدرسة داعس يجيب خبركم ...!

هههههههههههههههههه من وين طلع هالاسم :D :D

ماش الموضوع فيه ريحة الاقلاع :6

انا

20-10-2002, 01:21 AM

هههههههههههههااااااااااااااااااااايييييييييييييي

:D :D :D :D

العمدا

20-10-2002, 01:32 AM

خخخخخخخخ ..

حررررررركه :p

يسلموا :)

ماش الموضوع فيه ريحة الاقلاع :6

خخخخخخ :p

يا اخى انت نكبه (:o) :6