المساعد الشخصي الرقمي

مشاهدة النسخة كاملة : وش اللي ما عجبكم في اي جزء من اجزاء فاينال فانتسي


TIFA Lockheart
28-10-2002, 12:22 PM
hi
looooooooooooooool
o.k
ابغى رايكم في اي شىء ما عجبكم في اي جزء مهما كان هذا الجزء
احم
مثلا
ff10
اللي ما عجبني فيه كان المقطع اللي عند البحيره
يعني سكوير سوفت متعبه حالها على مقطع مال امه دااااااااااعي
ff9
الحيونات اللي تتكلم و البطل اللي له ذيل........يعني وش بيكلفهم لو حطوه بدون ذيل و خلوه انسان عادي
ff8
معليش.....................لليحبون هذا الجزء
هذا اخس و اغبى جزء سوته سكوير سوفت على الاطلاق
القصه غبيه وواضحه نهايه و الشخصيات سطحيه و ماهي عميقه ابدا ابدا و الرومانسيه اللي فيها داخله عرض ومالها دخل في القصه ومن الشعار باااااااااااااااااااااين وش النهايه و عنصر المرح اللي نحذوووووووووووووووف يمكن للاجونا و شلته يضحكون شوي و غيرهم وعععععععععععععع
ff7
طبعا هذا الجزء هو اسطووووره فاينال فانتسي
و عيبه الوحيييييييييد اللي يمكن اقوله هو رسمه ((فقط)) اما الشخصيات فتحسها واقعيه في مشاعرها و احاسيسها و القصه اكثر من مؤثره و حلوه


:0) للاسف هاذي بس الاجزاء اللي لعبتها:0)
اللي لعب اجزاء غير كذا
يقول عنها :0)
نقبل نقدكم;-)
ashley.riot
28-10-2002, 03:33 PM
ملينا من المواضيع هاذي :

اؤيد كل كلامك عذا هذا :




معليش.....................لليحبون هذا الجزء

على عكس ما قلتي .... افضل جزء مع السابع .... الشعار لوحده افضل شعار بعد شعار الجزء الحادي عشر .... لدرجة ان فيه اغنيه عربيه اقبست منها ....وبعدين انتي تقولين ايش دخل الرومنسيه بفاينل فانتسي 8وتقولين ان عرض البحيره اعجبك ... الي قاهرني شيء واحد ان البنات ما اعجبتهن فاينل فانتسي الا بالسابع والثامن ....
TIFA Lockheart
29-10-2002, 02:16 AM
اوكيك
طيب
اسفه
ما دريت
انا الثامن ما احبه
و عرض البحيره ما احبه
CAPISH:غضب:
.dark man.
29-10-2002, 03:00 AM
والله انا ماعجبني الجزء السابع بس اتمنى يصردون جزء جديد له على السوني2
nightmear
29-10-2002, 03:58 AM
اول شي احب اقول ام لكل واحد ذوقه مثلا في ناس يحبون ff7عن باقي
الاجزاء
وفي ناس العكس:طبعا انا في راي ان ff8هي احسن الاجزاء بغض النظر
عن باقي الاجزاء اومادري صراحة له انتم حاقدين عليها مع امنها تملك عروض احسن من ff7,ff9 طبعا انا قصدي على القصة مو على دقة العروض.

أما عن رأي في ff7فهي ولا شك انها لعبة متميزة ولاكن هذا لايعني ان
ff8مو حلوة.وفي النهاية كل العاب فاينل فانتسي متميزة. ولا ارى فيها
اي شي يعيبها.
Neo Cid
29-10-2002, 04:09 AM
يا هلا بمتعصبة فف7 ... جيتي بمحلج .. :D

طبعا كل شخص له رأية .. و أنا لي رأي مشابهة رأي أختي تيفا .. :)

فف7 : جزء متكامل من جميع النواحي .. و حتى من ناحية الشخصيات بحجمها الصغير .. بس شكلها كيوت .. :p .. ومعطية للعبة جو جميل ..:) و خاصة لما باريت يعصب .. يونس الاخ هذا .. :p ":"

فف8 : لعبة بايخة ... نظام السحر مالها ماله فايدة .. و السومون يبطون الجبد .. لعبة مالها فايدة ( مع احترامي لأخواني )

فف9 : والله هي لعبة حلوة . بس عيبها أنها قصيرة .. و القصة اللي فيها ما أدري شلون صايرة .. مهترئة شوي .. و الشخصيات مثل زيدان فيها عيوب مثل ذيل و فيفي الدايما هادي ( يحرق الاعصاب ) :غضب:..

فف10 : رومانسيتها الاكثر من اللازم ... يعني شنو هالبياخة ؟ .. و خاصة مشهد البحيرة مثل ما قالت الأخت .. و أشياء ثانية .. و اسلوب القتال المنوم .. صراحة أسلوب بايخ .. تحس أنك بتنام .. ! .. :أفكر:

المهم .. هذا اللي أذكرة . بس لو ناوي أضيف ان شاء الله بالردود القادمة ..

سلام !. ;)
ashley.riot
29-10-2002, 04:32 AM
فف8 : لعبة بايخة ... نظام السحر مالها ماله فايدة .. و السومون يبطون الجبد .. لعبة مالها فايدة ( مع احترامي لأخواني )
الظاهر انك ما تهتم الا بالسحر ... وبالعكس نظام السحر حلو بالمره ... يعني تخيل استطيع ان اجيب كل الحركات في الدسك الثاني ... ولا تنسى قوى الحراسه اودين ... واول ظهور له كان في الثامن ....كل شيء ايجابي بها ... عدا الشكوبو ....






رومانسيتها الاكثر من اللازم ... يعني شنو هالبياخة ؟ .. و خاصة مشهد البحيرة مثل ما قالت الأخت .. و أشياء ثانية .. و اسلوب القتال المنوم .. صراحة أسلوب بايخ .. تحس أنك بتنام .. ! ..

افضل جزء من ناحية النظام القتالي ... العاشـــــــــــــــــــــــر وبلا منازع ....
هذا دليل انك ما تلعب اي جزء من اجزاء فاينل فانتسي مره ثانيه ... بس تلعبها مره وحده وترجمها ويتجمع عليها الغبار ..وبالنسبه للرومانسيه ... بالعكس هاذي الاساس في فاينل فانتسي لو ما كان فيها رومنسايه ايش راح تكون ...ما فيه جزء من فاينل فانتسي والا فيه رومانسيه ...لازم يكون فيها بطل وبطله ...انا عارف ليه ماتحبون عرض البحيره .. انا مثلكم تدرون ليش نكرهه... لانه :": :": :": :": :": للغايه ..
M7MOOOD
29-10-2002, 06:19 AM
أصلا فاينل فانتسي 7 هي أفضل لعبة آر بي جي من جميع النواحي .. حتى رسوم اللعبة ممتازة و لحتى الآن أنا أذهل لما ألعب اللعبة و أشوف مدى روعة رسوماتها .. لأن اللعبة صدرت من 6 سنوات تقريبا و هي أول لعبة آر بي جي ثلاثية الأبعاد .. يعني كثر خير سكوير الي طلعت لنا اللعبة بهالمظهر الأسطوري المخلد .. فرسومات اللعبة لا تعتبر عيبا اذا ما رأينا مدة اصدار اللعبة و مدى توافر الامكانيات في ذاك الوقت لصنع لعبة آر بي جي ثلاثية الأبعاد :أفكر:
FF Expert
29-10-2002, 08:05 AM
سلسلة FF هي القمه و إن كان عليها بعض العيوب و هذا رأيي ببعض الألعاب باختصار:
FF7:عيبها رسومها و ألعابها الجانبيه ليست بتلك القوه.
FF8: أفضل جزء ((برأيي)) لكن عيبه الشكوبو ((إلا إذا كان عندك بوكيت ستيشن))
FF9:عروض قوى الحراسه مب حماسيه و الذيل حق زيدان و القصه ما أعجبتني مره ((لكن الشكوبو روووووووعه))
FF10:نهاية القصه ما أعجبتني أبداً.

شباب أعتقد إن الهدف من الموضوع هو النقد و ليس السب
nightmear
29-10-2002, 08:17 AM
مثل ماقلت قبل كل واحد وله ذوقه

فشلون يا نيو سد تقول ان نظام المجك ماله داعي فيff8مع انه يشبه
نظام ff7مع كل احترامي يانيو سيد لكن انا اقولك انك لازم تعطي كل لعبه
حقها:D
M7MOOOD
30-10-2002, 01:03 AM
الرسالة الأصلية كتبت بواسطة nightmear
مثل ماقلت قبل كل واحد وله ذوقه

فشلون يا نيو سد تقول ان نظام المجك ماله داعي فيff8مع انه يشبه
نظام ff7 يانيو سيد لكن انا اقولك انك لازم تعطي كل لعبه
حقها

:أفكر: http://www.montada.com/images/icons/icon14.gif :أفكر:
ايريس
30-10-2002, 02:16 AM
هايو... :D

انا راح اعطي اللعبه حقها..... :D

فاينال 7 من افضل الاجزاء في العالمالعربي....من ناحيه القصه واللعب وكل شيء حتى رسوماتها عاجبتني.... :D

فاينال 8 العروض الصراحه روعه ....بس طريقه القتال ممل لدرجه فضييييييييعه........سحب وما سحب....

يا شيخ ملل..... :D

فاينال 9 اللعب اصلا كله حيوانات القصه حتى مادخلت في راسي.....كلهم حيوانات ماعدى جارنيت وبس...حتى كوجا طلع حيوان.... :D

ونظام اللعب خايس من جد.....

اما فاينال عشره الله يعيني والله يوم شفت المقطع يوم البحيره كرهت هاي الجزء وحتى يوم نهته اختي ايريس كسرت ابو الي جابه.... :D

لا علبالهم ريكو تقلد يوفي يااخي من زين ريكو عاد ولا سيمو الوسخ.... :غضب:

ولا تايدوس ذا الشين ....بصراحه نظام القتال خايس من جد.....واشكالهم حقيقيه حتى انها مافي خيال ابد....والقصه مو عاجبتني وع....كله على بعض خايس...واللعبه مالها اي حق....
:6 :6

بصراحه احب جزء 7 اولا والثامن ثانيا فقط اما الباقي كله خايس مع احتراماتي وتقديري لكم....وش بعد
:D
وانا ناطره فاينال 11 متى بيطلع بس.....المهم باي باي وثانكس على الموضوع...اختي

ملا حظه(انا اخت ايريس ابشارك بدلا عنها لظروف خاصه حدثت لها ولن تعود الا بعد اول رمضان...وشكرا)
squall 911
30-10-2002, 03:02 AM
:غضب: :غضب: :غضب: :غضب: :غضب: :غضب:

بالأول ما كنتم معطيين فاينل فانتسي 8 حقها أما الحين زودتوها



ff8
معليش.....................لليحبون هذا الجزء
هذا اخس و اغبى جزء سوته سكوير سوفت على الاطلاق
القصه غبيه وواضحه نهايه و الشخصيات سطحيه و ماهي عميقه ابدا ابدا و الرومانسيه اللي فيها داخله عرض ومالها دخل في القصه ومن الشعار باااااااااااااااااااااين وش النهايه و عنصر المرح اللي نحذوووووووووووووووف يمكن للاجونا و شلته يضحكون شوي و غيرهم وعععععععععععععع

تصدقي كان ممكن تجيني جلطة و أنا قاعد أقرأ اللي كلام اللي كتبتيه :غضب:

اللعبة والله العظيم حلوة ما أدري كلكم تقولون عن القصة مو حلوة

مع انها من أحلى قصص ألعاب الآر بي جي :غضب:

والشعار رووووووووعة ايش فيه :غضب:


فف8 : لعبة بايخة ... نظام السحر مالها ماله فايدة .. و السومون يبطون الجبد .. لعبة مالها فايدة ( مع احترامي لأخواني )


أصلا نظام السومون فيها أحلى بكثييييييييييييير من نظام فاينل فانتسي 7


فاينال 8 العروض الصراحه روعه ....بس طريقه القتال ممل لدرجه فضييييييييعه........سحب وما سحب....

يا شيخ ملل.....

أصلا أكثر شي حببني بفاينل فانتسي 8 هو انها ما فيها لا MP ولا هم يحزنون
nightmear
30-10-2002, 03:08 AM
صراحة ياsquall 911


بدعت رديت عليهم رد شافي او وافي يعني بعدها لازم مايتفلسفون على فااينل فانتسي 8


او انا دايما اقول انها احسن لعبةRPGمن ناحية كل شي
squall 911
30-10-2002, 03:35 AM
الرسالة الأصلية كتبت بواسطة nightmear
صراحة ياsquall 911


بدعت رديت عليهم رد شافي او وافي يعني بعدها لازم مايتفلسفون على فااينل فانتسي 8


او انا دايما اقول انها احسن لعبةRPGمن ناحية كل شي

يا أخي انت تعجبني http://www.montada.com/images/icons/icon14.gif
ايريس
30-10-2002, 03:37 AM
الرسالة الأصلية كتبت بواسطة nightmear
صراحة ياsquall 911


بدعت رديت عليهم رد شافي او وافي يعني بعدها لازم مايتفلسفون على فااينل فانتسي 8


او انا دايما اقول انها احسن لعبةRPGمن ناحية كل شي

هاي ...انا ماقلت شيء اللعبه عاجبتني وايد...بس صراحه الي يخليني امل السحب هذا صراحه سخيف جدا...نظام سبعه ازين ..كل واحد وله راي..
squall 911
30-10-2002, 03:46 AM
الرسالة الأصلية كتبت بواسطة ايريس


هاي ...انا ماقلت شيء اللعبه عاجبتني وايد...بس صراحه الي يخليني امل السحب هذا صراحه سخيف جدا...نظام سبعه ازين ..كل واحد وله راي..

أنا مالي دخل سواء عجبتك اللعبة ولا لأ

بس انتم كذا أهنتم اللعبة مو قلتم رأيكم ?:
ايريس
30-10-2002, 03:49 AM
الرسالة الأصلية كتبت بواسطة squall 911


أنا مالي دخل سواء عجبتك اللعبة ولا لأ

بس انتم كذا أهنتم اللعبة مو قلتم رأيكم ?:

لا مااهنا اللعبه قلنا انظام السحب ممل وهذه هي الصراحه.... :D

ثانكس
squall 911
30-10-2002, 04:01 AM
الرسالة الأصلية كتبت بواسطة ايريس


لا مااهنا اللعبه قلنا انظام السحب ممل وهذه هي الصراحه.... :D

ثانكس

انت ما أهنتي اللعبة بس غيرك :أفكر:


هذا اخس و اغبى جزء سوته سكوير سوفت على الاطلاق


فف8 : لعبة بايخة

على حسب علمي هذي اهانات :أفكر:
Neo Cid
30-10-2002, 04:16 AM
ashley.riot :

هذا رأيي .. ولا تاكلني مرة ثانية .. تراني ما أنوكل .. :D

nightmear :

اي صح .. كل شخص وله رايه .. :أفكر:

بس أنا نظرتي للسحر جذي .. يعني ما فيه واقعية .. الواحد يسحب السحر .. و بعدين وين يخشة ؟.. هاه ؟ .. وين ؟ .. :p .. بس على الأقل فف7 السحر تلقاه بمالتيريات .. و على الأقل فيه شي من الواقعية ( طل :p ) .. بس صراحة أخوي .. أنا ما أحب الثامن .. و بس .. :D

و العاشر .. انا أعتبره ممل .. و نظام القتال لو يكون حماسي أكثر من فف7 بيكون أحسن .. لأن هذا يدوخ .. كل شخصية ولها دور .. :o <<--نعسان ":"

و هذا اللي أبي اقوله ..

سلام !. . ;)
Chandler
30-10-2002, 04:40 AM
اعصابكم :)...

استغرب من بعض الاعضاء الله يهديهم انهم يتعصبون لجزء لدرجة عجيبة وكأنهم مصممين اللعبة او دافعين فيها دم قلبهم...تراها يا اخواني لعبة لا راحت ولا جت...صحيح اني احب بعض الالعاب...لكن ما يوصل حبي هذا لدرجة التعصب الاعمى اللي ممكن يخليني اغلط على اخوي المسلم...:)


بالنسبة لرأيي...

FF7: احلى جزء بالنسبة لي...وتقريبا ما فيهم عيوب...اللهم الالعاب الفرعية مو بنفس قوة الالعاب الفرعية اللي في الاجزاء الباقية...ممكن بعضكم يقول رسومها عيب...بس صدقوني...لو قارنتوا رسومها اول ما نزلت برسوم اي لعبة RPG...بتلقونها خيالية...

FF8: يجي بعد الجزء السابع في الروعة (بالنسبة لي)....جميل من كل النواحي...بس نظام القتال فيه معقد شوي...ويجيب الملل في بعض الاوقات (خصوصا فكرة سحب السحر)...لكن هذا ما يأثر على جمالها...

FF9: هالجزء حلو ومقبول...خفيف على القلب وسهل...<-- (وهذا هو عيبه)...سهولته الزايده هذا غير ان قصته فيها شوية سطحية...يعني ما تجي زي قصة FF7 او FF8 من ناحية العمق والتاثير...

FF10: هنا نقدر نقول ان سكوير سوت نقله في اسلوبها...طبعا نقله ناجحة 100% لكن هذا ما يمنع وجود العيوب...مثل الغاء الخريطة...وسوء تركيب الاصوات....


هذا رأيي عن عيوب كل جزء من الاجزاء اللي ختمتها...وهذا رأي شخصي...ممكن يكون صحيح وممكن يكون غلط....:)
FF Expert
30-10-2002, 05:19 AM
شباب ما تحسون إنكم قلبتو الموضوع إلى نقاش حول FF8

أنا مع Squall_911 وNightmear في كل شي قالوه:D :D :D

فعلاً غريبه نص العالم طبو على الثامن و كأنه ذابح لهم أحد

كل إنسان له ذوقه و أعتقد الموضوع ما وضع لاهانة الألعاب

على العموم أنا أبحط مقارنه ((من منظوري أنا))
نظام السحر:
في السابع: يستعمل الماتريا و هي فكره حلوه لكنها تطول و تأخذ منك وقت علشان تجيب الأسحار القويه.
في الثامن: الحصول على الأسحار ليس فقط بالأمر Draw كما يقول كثير من الأعضاء أنتم نسيتو تحويل الأدوات إلى سحر و ميزة النظامين هي أنك تقدر تحصل على الأسحار القويه حتى لو كنت في بدايات اللعبه لكن لازم تعرف كيف تحصلها.
في التاسع: الصراحه ما أعجبتني حركة إنه ما يسوي السحر إلا شخصيات معينه.
في العاشر: نظام السفير بورد حلو.
نظام تقويةالشخصيات:
في السابع: نظام تقليدي و هو النظام المعروف و المستويات البعيده صعب جداً إنك تحصلها بالإضافه إلى الماتيريا و لكن دورها محدود لأن لك حد في عدد الماتيريا لإانت ما تدري تحط السحر و لا السومون ولا القدرات و أكثر عدد خانات هو 8.
في الثامن: أعتبره نظام روعه لأن تطوير مستويات الشخصيات سهل و ليس بتلك الصعوبه كما أنها تحتوي على الربط و الي هو أحلى نظام تطوير((بالنسبه لي)).
في التاسع: نظام تقليدي بالإضافه إلى الأسلحه((بأذكرها بعد شوي))
في العاشر: نظام السفير بورد نظام روووعه و ميزته أنه فيه نوع من السهوله.
الأسلحه:
في السابع: نظام عادي.
في الثامن: مع محبتي للجزء لكنهم ما عطو الأسلحه حقها إلا في موضوع حركات سكوال الخاصه.
في التاسع: أفضل أنظمة فاينل فانتسي بالنسبه للأسلحه فأسلوب احتواء السلاح على الحركات أسلوب حلو.
في العاشر: أسلوبه حلو و بالذات قدرتك على وضع الحركات الي تبغاها في السلاح.
قوى الحراسه:
في السابع: نظام الماتيريا معقول حلو نوعاً ما لكن عروض قوى الحراسه ليست حلوه إلى هذيك الدرجه ((و السبب في ذلك يعود إلى قدم اللعبه))
في الثامن: هو أحلى نظام من ناحية قوى الحراسه فأسلوب تعليمهم الحركات و كونهم يتطورون في المستوى حلو و عروضهم Cooooool .
في التاسع: ما أحس إنه عطى قوى الحراسه حقها و عروضها ليست بذيك القوه.
في العاشر: أسلوب إنك تقاتل بقوى الحراسه و تقويها و تعلمها حركات روعه لكن عيبه أن يونا فقط هي الي تستدعي.
الحركات الخاصه((الحركات النهائيه للاعبين)):
في السابع: طريقه تقليديه الي هي مع تطور المستوى تتعلم حركات ((أو إنها كل ما طبقت الحركه أكثر جتك الحركه الي بعدها)) باستثناء أقوى حركه عند كل لاعب لأنك تحصلها باستعمال الأدوات كما أنها قليله مجرد أربعه لكل لاعب.
في الثامن: يتميز بسهولة القيام بها لأنك كل ما صارت طاقتك ضعيفه تقدر تسويها ((هذي ميزه عند ناس و عيب عند ناس آخرين)) لكن الحلو فيها التنوع في طريقة تحصيلها فكل لاعب فيه طريقه علشان تحصل الأوفر درايفات الخاصه فيه.
في التاسع: الصراحه الظاهر إن سكوير يبغونك ما تسوي الحركه الخاصه إلا مره في كل ختمه ((تجلس 1000000 ساعه علشان تجيك trans مره وحده)) و إلى الآن ما فهمت كيف تجمع الحركات الختصه في هذا الجزء.
في العاشر: الحلو في العاشر إن فيه تنوع نوعاً ما مثل الثامن و الميزه الي موجوده فيه دون باقي الأجزاء هي تعدد طرق تجميع الأوفر درايف.
الألعاب الجانبيه:
في السابع: الصراحه الليتل سيزور ما أعجبتني أحس إن ألعابه الجانبيه ما أعجبتني.
في الثامن: لعبة الكروت روووووووووووووووعه.
في التاسع: لعبة الشكوبو أكثر من رائعه و هي أحلى لعبه جانبيه في سلسلة FF بالاضافه إلى لعبة الكروت.
في العاشر: لعبة البليتز بول حلوه نوعاً ما لكن الي أعجبني فيه هو ((Monster arena)) الصراحه خيال ما أدري إن كنتم تحسبونها لعبه جانبيه أو لا لكنها الصراحه أعجبتني.


و يا شباب أبغى أقول إن هذا رأيي الشخصي
لا يقعد أحد يقولي أنت أصلاً ما تفهم أصلاً وش تعرف عن FF :غضب: :غضب: :غضب:
لا أمزح انتقدو على كيفكم لكن أذكركم إن هذا مجرد رأيي
Angel whisper
30-10-2002, 06:19 AM
يا هلا بتيفا :) ..

FF7 :
كامل والكمال لله ..
ممكن البعض يعتبر الرسوم عيب ..
لكنها ما كانت سيئة لهالدرجة..

FF8 :
مثل ما قلتي ..
جزء ماله داعي !!
الشي الوحيد الحلو فيه هو رسومه وبعض الموسيقى ولاجونا :p

FFX :
روعة ..
بس شوي مصخوها في الثياب .. ومشهد البحيرة ..
وللاسف المجال محدود في اللعبة فالواحد ما يقدر يتوسع فيها ..

وثانكس على الموضوع :) ..
ashley.riot
30-10-2002, 12:11 PM
شباب .... هدو من انفسكم ... وكل ناس ولهم اذواق ... احب انبهكم ان الذين غلطوا على فاينل فانتسي 8 ليسوا بنقاد يؤخذ برايهم ... هؤلاء الناس ياخذون اللعبه من مبدا واحد ومنطلق واحد ... يعني اذا اعجبتهم حركه والا عرض في اللعبه اعجبتهم اللعبه كلها ... وللمره الثانيه انبهكم هاذي اراء شخصيه ... فيه ناس يحبون اشياء وفيه ناس ما يحبونها ....

الي مستغربه شيء واحد ان البنات هنا يذمون الثامن رغم ان هذا الجزء سر الانجذاب الحقيقي للبنات .. والدليل الشعار ... خذ صوره من الشعار واعطها ولد وبنت ... راح تلاحظ ان البنت هي الي تنجذب اليه اكثر وممكن تفعل المستحيل من اجل شرائها ....

فاينل فانتسي 7 و8 نفس الشيء عندي ... ما اقدر افاوت ما بين الجزئين لان الجزئين اعتبرهما العمود الفقري لسلسة فاينل فانتسي ...
squall 911
30-10-2002, 11:49 PM
الرسالة الأصلية كتبت بواسطة Angel whisper
يا هلا بتيفا :) ..

FF8 :
مثل ما قلتي ..
جزء ماله داعي !!


وثانكس على الموضوع :) ..

الحين لو قلتي انه اللعبة ما عجبتك مو يكون أحسن من (( ماله داعي )) :غضب:
TIFA Lockheart
07-11-2002, 06:49 PM
واااااااااااااااااااااااااااااااو
:واو:
عصبتوا مررررررررررررررررررررررررررره
ماله داعي تعصبون كذا
حنا نتكلم عن مجرد العاب فقط لا غير
حتى لو حشيتوا او نقدتوا ف ف 7 ما راح ازعل ابدا
وكل واحد و وجهه نظره":"
مولازم يتقييد بالثاني
that's all":"
ايريس
08-11-2002, 08:25 AM
الرسالة الأصلية كتبت بواسطة TIFA Lockheart
واااااااااااااااااااااااااااااااو
:واو:
عصبتوا مررررررررررررررررررررررررررره
ماله داعي تعصبون كذا
حنا نتكلم عن مجرد العاب فقط لا غير
حتى لو حشيتوا او نقدتوا ف ف 7 ما راح ازعل ابدا
وكل واحد و وجهه نظره":"
مولازم يتقييد بالثاني
that's all":"

كلامج صح :D :D :D
Neo Cid
08-11-2002, 08:38 AM
الرسالة الأصلية كتبت بواسطة TIFA Lockheart
واااااااااااااااااااااااااااااااو
:واو:
عصبتوا مررررررررررررررررررررررررررره
ماله داعي تعصبون كذا
حنا نتكلم عن مجرد العاب فقط لا غير
حتى لو حشيتوا او نقدتوا ف ف 7 ما راح ازعل ابدا
وكل واحد و وجهه نظره":"
مولازم يتقييد بالثاني
that's all":"

اي والله.. :D

قلنا كل شخص له راية الشخصي .. :) و إذا الواحد بيعصب لو أنا غلطت على شخصية يحبها .. صراحة .. يطلع ما عنده سالفة .. هذا ما يسمونه Fan لهذي اللعبة ... :أفكر:

سلام .. ;)
TIFA Lockheart
08-11-2002, 05:00 PM
مشكورين على ردودكم :-)