أكشن - كامله مع الجزء الأخير :) -

[MoaeD]

أكشن -1-

في احد المكاتب في ذاك المبنى السري كان ميل سي يتأفف
ميل سي : وين المدير تأخر
سيلفي : لا ما تأخر لكن موعدنا معه 12 بالضبط والحين الساعه 11.50 دقيقه
ميل سي: يعني لازم الدقه ؟!
مؤيد : الناس الحقيقيين هم اللي يهتمون بدقة الوقت .
ميل سي : ايه يصير خير <--- متنح :p

وفي هالوقت دخل المدير مانويل (الملقب بسوبر مان ابو المصارين :6) وخلفه كان مساعده داج 2222

وجلس على مكتبه في غرفته التي جلس فيها الفريق المكون من مؤيد وميل سي وعماد وابو شوشه وسيلفي وملاك ..

المدير : اليوم جمعتكم عشان عندنا مهمه خطيره جدا ... وسريه !
عماد : وش طبيعة هالمهمه ؟
المدير: تعرفون انه فيه شبكة عصابات راح تحاول تهرب اسلحه داخل حدودنا
مؤيد : يؤ :! هذا يعني يمكن تنتشر عندنا الجريمه اشد وابشع من الموجود في بعض البلاد
المدير: بالضبط .. وهنا يجي دوركم .. عندنا معلومات تؤكد ان التهريب راح يتم من امريكا لكن المحتمل وجود الأسحه في أحد مدينتين واشنطون أو نيويورك
ملاك: طيب كيف هل نفتشها مدينه مدينه ولا كيف ؟
مؤيد : لو صارت الأسلحه بالمدينه الثانيه غير اللي نفتشها ما يمدينا نوصل المدينه الثانيه الا والأسلحه تهربت وخلصت
المدير: بالضبط ولذلك بنقسمكم لفريقين كل فريق بمدينه وراح نحاول نكشف الأسلحه بأقصى سرعه

اشر المدير لداج اللي فتح دولاب وطلع اجهزه غريبه

داج: هذي الأجهزه تتصل بالأقمار الصناعيه مباشره ويقدر كل منكم ان يتصل بالثاني او بالقياده هنا ...
مؤيد: تمام .. واللي يكشف الأسلحه يبلغ الفريق الثاني عشان يجي لمه
المدير : والان اتفقوا مع بعض وانقسموا لفريقين وتوكلوا على الله

في السياره المتوجهه للمطار

ميل سي: الحين عرفنا الخطه مؤيد وعماد وسيلفي بيروحون نيويورك وانا وشوشه وملاك بنروح لواشنطون وعرفنا الاماكن اللي بنروحلها لكن من وين الأسلحه ؟
مؤيد : ما قلتلك فيه احد بيستقبلك بالمطار هذا بيعطيك كل شي

يوم وصلوا مؤيد وعماد وسيلفي لقوا السياره تنتظرهم

مؤيد: واخيرا بنبدأ
عماد: اهم شي الأخلاق <--- مضيع :6
سيلفي: اركب بس ولا يكثر

يوم ركبوا ويروح فيهم لبيت سري فيه كل شي يحتاجونه ونفس الشي صار لميل سي وشوشه وملاك

شوشه : لاب توب اخيرا فيه نت <-- :6
ملاك : هذا للإتصالات السريه والمعلومات يا خبل :!
شوشه : لازم التعيدات
ميل سي : ايه عشان تنجح المهمه

في اليوم الثاني في نيويورك كان مؤيد وعماد وسيلفي وصلوا لم بيت في طرف المدينه في مكان معزول لصاحب اكبر مشتب به في التهريب

عماد: سيلفي انتي ابقى بالسياره
سيلفي: لا ابنزل معكم
عماد اقعدي عشان نستعد للهروب مباشره
سيلفي: طيب :o

ويدخل عماد يفتش داخل البيت ومؤيد قعد يفتش المخازن اللي برى

يوم سمع عماد صوت يعرفه ... صوت مسدس .. عرف انه لو تحرك خطوه وحده بيموت ...

[MoaeD]

أكشن-2-


عماد كان خايف لأنه يدري ان اي حركه راح يموت فيها بحكم خبرته ...


لكنه سمع صوت تأوهات وصوت شي طاح .. يوم التفت لقى سيلفي تدخلت وشاتت المسدس من يد المهرب

وبالرجل الثانيه شاتت المهرب مع وجهه وطاح على الأرض

قالها عماد: ما قلتلك اقعدي بالسياره :!
سيلفي : لا تكابر لو ما عاندتك كان ما انقذت حياتك
عماد: بس الامر يبقى امر ..

قطع عماد عبارته وهو يمسك مسدسه ويطلقه على المهرب اللي ماخذ سكينه وبغى يطعن سيلفي ومات

سيلفي: ليه قتلته كنا نبي نستجوبه
عماد : كان بيقتلك
سيلفي :بس ولو كنت تقدر تطلق على يده
عماد : خلاص صار اللي صار


يوم سمعوا صوت رصاص وبعدها ضربه قويه وخطوات ثقيله تدخل مع المدخل من الدور السفلي ...
--

كان الفريق الثاني يمشي في سيارته بواشنطون رايح الى المكان الاول من المشتبه فيها


يوم وصلوا لقوا باب العماره مفتوح والمدخل مظلم وغريب

دخل الثلاثه لم العماره الهاديه وكل واحد معه مسدسه يناظرون بكل الإتجاهات

فاجأهم 3 اشخاص دخلوا مع المدخل وبـ 5 اشخاص نزلوا من الدور الثاني وكل واحد معه رشاش

يوم طلع من بينهم شخص حافظينه زين


سنيفر نخله الخارج عن القانون اللي يقتل قبل ما يتكلم


وكان فخ محكم .. بكل تفاصيله ...

--

كان الدخول المفاجئ خلى كل من عماد وسيلفي ثابتين بمكانهم .. وكانوا يدرون انه اي مقاومه منهم راح تعني القتل


في نفس اللحظه اللي دخل فيها 6 جنود مرتبين من المدخل ..


كان فيه 3 جنود دخلوا مع الدريشه .. ومن المعروف انه كل واحد معه سلاحه رشاش مع ذخيره كافيه لقتل فريق كامل ..


قال احد الجنود : عرفنا انكم بتكونون هنا عشان كذا جينا مسرعين ما كذب الرئيس
سيلفي : أي رئيس ؟؟
الجندي : مالكم اي علاقه اهم شي الحين كل واحد سلاحه بالأرض او اقتلكم كلكم الحين
عماد : واذا ما حطيت سلاحي بالأرض ؟
الجندي وهو يأشر بيده : بنقتلكم شر قتله

يوم صوب رشاشه على عماد هو و3 من رجاله وأشر بيده وانطلقت الرصاصات ...

--

المعروف ان سنيفر راح يقتل عند اي حركه مفاجئه


المفروض انه الواحد يسوي حركه اكثر من مفاجئه


وهذا اللي سواه شوشه .. رمى قنبلة غاز الى الجنود الخمسه وسنيفر

وكان كل منه هو وميل سي وملاك تجهز بكمامه من النوع اللي تحجب الأنف والفم ونظاره خاصه لمنع الدخان

واطلقوا رصاصاتهم بكل جهه فقتلوا 2 من جنود سنيفر والجنود اللي عند الباب


وهربوا مع الباب


يوم وصلوا السياره لاحظ شوشه ان ملاك ما طلعت


شوشه : وين ملاك ؟
ميل سي : ما كانت ورانا ؟
شوشه : خل نرجع


يوم طلع من عند الباب سنيفر و 3 من جنوده وهو ماسك ملاك ومصوب مسدسه لم راسها


وهو يقول : استسلموا ولا اقتلها

وكانت مفاجأه لهم .. مفاجأه خطيره مره ...


--

يوم اشر الجندي بيده كان عماد ينتظر الموت من رصاصات الجنود الثلاثه ..


لكن يوم سمع صوت الرصاص ولا حس بالألم .. عرف ان الرصاص مو من الجنود


يوم التفت لقى مؤيد قتل الجنود اللي عند الدريشه واللي جمبه وكانوا بيقتلونه

بقى 3 جنود عند الباب وكان الرشاش سوى تكه تدل انه خلص الرصاص


في نفس اللحظه اللي رفعت سيلفي مسدسها وقتلت 2 منهم وواحد اصابته بيده ورجله فطاح وطاح منه رشاشه


فنقزت ومسكته تقوله: من رئيسكم ؟؟
الجندي المصاب : ما اقدر بيقتلني لو علمت ..
سيلفي: انا بأقتلك ان ما علمت !!
الجندي وهو يرتجف: ار .. ار ...

انطلقت رصاصه قطعت كلمته وقتلته من شخص بالدريشه


يوم هج اللي قتله ونزل الثلاثه ولقوا ان سيارتهم شققت كفراتها وهذاك هرب وعرفوا انه ما فيه مجال للحاق فيه

--

كان شوشه يعرف انه راح ينفذ بوعده ويقتل ملاك ان تحركوا حركه مثل اللي قبلها

والمشكله انه ماسك ملاك ما يقدر يسوي شي

قاله شوشه : حنا نستسلم لا تقتلها
سنيفر : هذا احسن حل لكم
ميل سي: انا ما راح استسلم بهالسهوله

وتحرك ميل سي وانطلقت الرصاصه .....

[MoaeD]

أكشن -3-
-----


وطاح مل سي على الأرض


قام سنفور وطالع فيه شوي ثم ضحك ضحكه غريبه

سنفور : هعا هعا هعا هعا هعاي (:p) من قال اني بأتركم بهالسهوله انا حصنت نفسي وحطيت حراس فوق السور عشان يصيدونكم
شوشه : بس نسيت شي
سنفور :وشو ؟
شوشه : هذا اللي فوق السور

يوم اشر والتفت سنفور ويطلق شوشه رصاصته وتضرب سنفور مع كتفه اللي طاح وطاحت معه ملاك


وتحرك واطلق رصاصاته على الإثنين اللي على السطح ويوم صوبه على اللي ورى سنفور سمع تكه تدل ان الرصاصات خلصت

هذا يعني انه مسدس فاضي قدام 3 رشاشات

وكان الموقف خطير

--

يوم رجع مؤيد وعماد وسيلفي لم البيت الامن


فتحوا الكمبيوتر ولقوا رساله ..


بالترجمه الشفريه اكتشوا ان المرحله الجايه بتكون صعبه مره ...


--

طبعا اي واحد يدافع عن نفسه لازم يدور اقرب سلاح وشوشه لقى اقرب سلاح هو سلاح ميل سي لكن اذا تحرك بتموته رصاصات الجنود


لكن فيه نقطه مفقوده ...


ملاك تحركت هي بعد في نفس اللحظه اللي سمعة تكة المسدس وسحبت مسدسها من حزامها واطلقته على اقرب الجنود ومات واصيب الثاني


وتحرك شوشه ولقط مسدس ميل سي واطلقه على الجنديين الباقيين


ويوم قرب الإثنين لميل سي شافوا انه نفسه صار ضعيف


يعني ان ما لحقوا فيه لأقرب مستشفى خلال نص ساعه يعني انه بيفقدونه .. للأبد ...


--


إسم الهدف الجاي كان لوحده يخوف في مهمة مؤيد وعماد وسيلفي


فالهدف كان كازينو ...

ومو اي كازينو .. كازينوا لأكبر عصابه في نيويورك بعد المافيا ...


كان هذا بكبره يعقد المسأله .. لكن الهدف هو المعلومات مو القتال ...


يوم وصلوا الكازينوا ودخلوا كان الناس يناظرون في القادم الجديد ...


يوم جو يدخلون الإداره وقفهم رجال كبير لدرجة انه ينزل راسه عشان يشوف الفريق


قال عماد : نبي رئيسكم ..
رد الحارس : الرئيس مب موجود
مؤيد : قله نبيك عشان الصفقه الجديده ...

يوم سمع الإسم تروع وراح جوى لم الرئيس

قال عماد : وش قصدك اي صفقه ؟؟!
قاله مؤيد : ما فيه صفقه ولا شي بس تعرف العصابات عندهم صفقات بس الحراس الدلوخ ما يعرفون الطرف الثاني فهم بيخافون من سماع اسم صفقه
سيلفي : ههههههااي من جد دلوخ


يوم رجع الحارس وقال: ادخلوا الرئيس يبيكم


يوم دخل الثلاثه وانبهر الثلاثه من اثاث غرف الإداره

سيلفي : يؤ ولا غرفه ملكيه :!
مؤيد : وش تتوقعين من عصابه اجراميه تجارتها بالسلاح والمخدرات
عماد : اتوقع اكثر من كذا بس يمكن عشان الشبهات
مؤيد : بالضبط

يوم دخلوا عليه

قام وقال : اي صفقه اللي تتكلمون عنها ؟
مؤيد : هذي نصبه عشان ندخل عندك من الدلوخ :p
الرئيس تسمي رجالي دلوخ :@ ... رجال العمدا تسميهم دلوخ :@ ..
عماد : ايه دلوخ وش تبي اكثر من كذا ...
العمدا : ما احد يسمي رجالي دلوخ ويفلت ...

واحد معه رشاش ومصوبه للفريق ...

وهذا الفرق يعني انه امل النجاة ضعيف .. ضعيف مره ...

--

يوم انه ماستر وملاك شالوا ميل سي فجأه مسك سنفور ملاك وهو مصاب بكتفه

وطاح ميل سي منهم

سحب شوشه مسدسه واطلق واصابت سنيفر مع راسه

لكن المشكله كانت ...

ميل سي .. فالطيحه كانت اختصرت وقت موته ..

[MoaeD]

أكشن-4-




كات العشر رشاشات مصوبه لم الفريق .. وكان امل النجاة للفريق ضعيف ..


لكن الفرق عن المره الاولى .. ان الفريق الان مستعد للمقاومه ومعه اسلحته ..


تحرك الثلاثه مره وحده وارتبك الرجال العشره فكانت رصاصاتهم طايشه ما اصابت الهدف صح


فكل واحد منهم اتجه لطرف من العشره فسيلفي اطلقت رصاصاتها على الأول من اليمين قبل ما تضرب رشاش الثاني وترجع للثالث اللي صوب رشاشه وتتفادى رصاصه وتقتله


واما عماد فانطلق للجهه الثانيه واطلق رشاشه واصاب الثلاثه ثنين بمقتل والثالث ضربه اصابة الجهه اليمنى من صدره


ومؤيد اللي تحرك لم الوسط واطلق رصاصاته على ثنين وشات رشاشات ثنين منهم


ويوم انتهوا منهم كلهم اذا العمدا من برى الغرفه وكان يكلم احد رجاله وكان هالرجل يصوب لم الثلاثه ومن برا الغرفه قاذفة صواريخ


وكان في نفس اللحظه بيأشرله الإطلاق .. وكان المشهد مخيف لأقصى درجه ...

--

في المستشفى كان ماستر يدور بتوتر وهو قدام غرفة العمليات وكانت ملاك جالسه عند الغرفه

ملاك : وش قالك الطبيب اول ما وصلنا ؟
ماستر: يقول امله بالنجاة ضعيف خصوصا اننا وصلنا متأخرين
ملاك : الله يرجعه لنا سالم
ماستر: انا السبب ..!
ملاك : الأعمار بيد الله ادعله بس بدال ما تلوم نفسك ..


يوم دخل واحد للمستشفى

ملاك وماستر : :! :!
داج: وش فيكم ما قد شفتوني من قبل ؟
ماستر: وش جابك هنا انت الحين ؟
داج : الإداره ارسلتني تقول ان الهمه ما تحتمل التأخير ولازم نتحرك بأقصى سرعه
ملاك : ما راح نتحرك من هنا لين يطلع الدكتور
داج : هذا مب مشكله اهم شي ما تضيعون وقتكم هنا
ماستر: لازم نتطمن على صحة ميل سي

وكان الإنتظار طوييييييييييل لأقصى درجه والكل يناظر لمبة غرفة العمليات متى تطفى ...

--

كان انطلاق الصاروخ هو اللي بيقضي على الفريق

لكن بذخ العمدا هو العامل الأساسي هنا


فمن يوم ناظر مؤيد الصاروخ عرف ان التضاغط اللي بينتج منه هو اللي بيقتلهم حتى لو ما اصابهم الصاروخ

فجر عماد وسيلفي وطيحوا الطاوله حقت الإجتماعات الكبيره ويدخلون وراها بنفس اللحظه اللي انطلق فيها الصاروخ


وانفجر وكان التضاغط كبير لدرجة ان الطاوله دفتهم معها للخلف لين لصقوا بالجدار


يوم انتهى كل شي

مؤيد: انتم بخير ؟
عماد : عايشين
سيلفي: ايه اهم شي
مؤيد : زين لأحد يتحرك لازم ننقض عليهم وتذكروا نبي العمدا حي ..
سيلفي وعماد : اوكي ..

ودخل العمدا هو وثلاثه من رجاله

وانقض الفريق عليهم ..


فكان لكل الجنود الثلاثه نصيب من الرصاص اما العمدا مسكه مؤيد في اللحظه الأخيره ..

مؤيد: تعال يا جبان
العمدا : وش تبون مني قتلتوا نص رجالي وبتقتلوني معهم :!
مؤيد : حنا ما جينا نضارب جايين نبي معلومات منك ..
العمدا : وش تبون بالضبط ؟
مؤيد : انت تعرف عن الأسلحه اللي بتتهرب الى بلدنا ..
العمدا: ايه سمعت عنها
مؤيد : يعني انت مو طرف فيها
العمدا: انا حاولت .. لكن ما قدرت
عماد : يستحق الموت ..
مؤيد : لحظه ... منهم الطرفين ؟
العمدا: عصابة اسلحه عاديه .. وعصابة ارسين لوبين لا تفكرون تقاتلونه تراه خطير بالمره
مؤيد : وين موقعه ارسين هذا ؟؟
العمدا : في واشنطون على اطراف المدينه
مؤيد: طيب وين الأسلحه
العمدا : ما ادري
مؤيد وهو يصوب مسدسه : هذي يمكن تنعش ذاكرتك
العمدا: بأعترف .. هو ما راح يحطها بمخازنه عرفته عقب تعاملي الأخير معه بس حتى لو دمرتوا الأسلحه بيحاول ثانيه لازم تقتلونه هو ...
مؤيد : مشكور على المعلومات ..

وضربه مع طرف عنقه واغمى عليه

وكانت المعلومات خطيره لأقصى حد ...

--

طفت اللمبه ووقف الثلاثه بنفس الوقت وطلع الدكتور

ماستر : يا دكتور وش صار عليه ؟
الدكتور: حالته الحين احسن شوي لكن ما راح يقدر يتحرك خلال اسبوع تقريبا
ملاك: شلل ؟
الدكتور : لا مو شلل لكن الحركه راح يكون تأثيرها سلبي عليه ...
داج : يعني هو بخير
الدكتور : ايه .. بس ممنوعه الزياره عنه هاليومين ..

وفي هاللحظه رن الجهاز الإتصال وكانت المكالمه من الفريق الثاني


القتال اتخذ منحى جديد و خطير ..

خطير مره ..

[MoaeD]

أكشن -5-



في الطياره المتجهه لواشنطون كان الثلاثه مؤيد وعماد وسيلفي يفكرون بالاحداث الجايه


يوم قاطع عماد الكلام كله

عماد: الحين وشلون بنقتل ارسين وحنا ما نعرف موقعه ؟
مؤيد : اهم شي عرفنا وين الأسلحه وارسين لاحقين عليه بعد ما ننتهي من المهمه الأساسيه
سيلفي : اهاااا .. يعني انت ما كنت ناوي تروح لأرسين على طول
مؤيد : الا لكن الطريقه المثلى لهذي قبل ما نوصل للأسلحه بعدين بيحصن نفسه لكن خلو علي طريقة معرفة موقعه وخلو الحين نرتاح استعداد للمراحل الجايه ..


داج : ليش ننتظر حنا الحين ؟؟ ليش ما نبدأ شغلنا دامهم يجون ؟
ماستر: اولا هذي تعليمات الإداره وثانيا لازم يصير فيه تقسيم جديد عشان المهمه هذي اصعب من اللي قبلها
داج : امممم .. طيب !!

---

وصل الفريق اثاني وصار القسيم الجديد ..

داج وسيلفي بيكونون الفريق الأول بحيث يكونون يزرعون القنابل من الجهه الشمالية

مؤيد وعماد بيزرعون القنابل من الجهه الجنوبيه

وبيكون ملاك وماستر عند الإتصالات وخط هجوم ثاني اذا صار شي لأحد الفريقين ...

والمهمه هي تفجير مخزن الأسلحه ..


انقسم الفريقين والمعدات واتجه كل فريق لموقعه ..

يوم وصل كل فريق وبدا شغله

--

كان ماستر مشغول بتركيب القنابل وكان مره منهمك بالشغل يوم سمع صوت تكه يعرفها صوت سلاح

ماستر : داج اعقل بلا لعب بزارين
؟؟ : من انت ووش تسوي هنا
ماستر وهو يلتفت : :!


كان فيه حوالي 15 رجل وكان كلهم معهم كامل اسلحتهم وكان ماستر في وضع لا يحسد عليه

--

كان عماد يركب اخر القنابل وكان مؤيد يرجع العده يوم حس بحركه غريبه ورى اقرب جدار لمه

ويدور من الجهه الثانيه

ويصوب مسدسه وهو يقول : من هناك

كان فيه رجال مسلح انهبل يوم شافه وقان ناوي يهرب او يبلغ احد


لكن مؤيد لحقه باخر لحظه ومسكه وكان الرجال يحاول يتخلص منه

لكن تحرك الرجال وكانت حركه مباغته يوم ضرب مؤيد مع بطنه وراح ياخذ الرشاش وصوبه لم مؤيد الواقف على بعد مترين منه


وكان الإثنين يعرفون ان اي رصاصه بتنطلق بتعني انكشاف الفريق وكان الحارس مصوب الرشاش لم مؤيد اللي يبعد عنه مترين على الأقل


وكان المشهد مريع بكل ما تعنيه الكلمه

--

كان ماستر بموضع لا يحسد عليه فـ 15 رجال اكبر من انه يقدر يقاتل لحاله


وكان يعرف انه بس اذا سحب مسدسه من حزامه بتنطلق عليه اكثر من 100 رصاصه


لكن فيه شي مفقود هنا


يوم خطر لماستر هالسؤال : وين داج ؟

وجاه الجواب بإنفجار قنبله بين الـ 15 رجل يوم اصيب منهم 6 وواحد كان طايح والباقين وقفوا بعد الإنفجار على طول


وانطلق الرصاص على الحراس من الجهتين من داج وماستر وكان الجنود مرتبكين وطاح منهم 4 قتلى


انطلق ماستر على اقرب واحد لمه وشات السلاح ثم دار على نفسه ورجف الرجال مع فكه وكان داج ضرب الحارسين اللي قدامه بمدفعه الرشاش


والتفت على الثالث اللي كان يصوب على ماستر مسدسه واطلق عليه الرشاش


داج : انت بخير ؟
ماستر : الحمد لله بس خل نكمل شغلنا قبل ما ياصل الباقين

وفي هاللحظه سمع الإثنين صون انفجار .. انفجار صاروخ من الجهه الجنوبيه عند الفريق الثاني ..

وعرفوا انه القتال بدا .. وبعنف ...


--

يوم سمع مؤيد والجندي الإنفجار اللي عند الفريق الثاني .. التفت الجندي لم المصدر


وكانت فرصة مؤيد يوم انقض عليه وشات الرشاش من يده ومسكه وضربه مع معدته وقعد يتلوى وعدله بضربه على فكه

وقام وضربه مع رقبته ضربه قام يتلوى على الأرض واغمى عليه


ورجع مؤيد لم عماد يوم التفت عماد لمه

عماد : انتهينا و ..

وكان عماد يشوف ورى مؤيد شي خطير .. حتى الموت ...

[MoaeD]

أكشن -6-



تخيل انك غير مستعد وتواجه 20 رجل مسلح

راح تكون مواجهه خطيره


لكن فيه فرق واحد .. الخبره

فالمقاتل تكون له حاسه قتاليه كبيره عند الخطر دائما فيعمل مالا يتوقعه الخصم

وهذا ما صار مع مؤيد وعماد


كل واحد منهم ركض في اتجاه واستل سلاحه واطلق


لكن 20 مدفع رشاش مقابل مدفعين فحس مؤيد برصاصه في كتفه وثانيه تحك بطرف فخذه


اما عماد فأصابته رصاصه في ساقه خلته يطيح مره وحده وثانيه ضربته مع ساعده

اما الأعداء فاصابت 8 منهم رصاصات الإثنين وطيحتهم ميتين

لكن عماد طايح ورشاشات نصف الباقين على الأقل متوجهه له

هذا يعني انه راح تصيبه على الأقل رصاصه في موقع خطير

رصاصه مميته ..
--

كانت سيلفي وملاك جالسين في السياره وكانوا زهقانين للاخر بإنتظار اشارة الفريقين

لكن سمعوا الإنفجار الأول من جهة الشمال

سيلفي : فيه قتال عند فريق شوشه وداج لازم نساعدهم
ملاك : لا لازم ننتظر لين الإشاره على الأقال من احد الفريقان فالأوامر اوامر مهما كان الصوت و ...

قطع كلامها صوت الرصاص عند الفريق الثاني

سيلفي: هنا ما اقدر اقعد لازم اتحرك
ملاك : اظن ايه الحين لازم نتحرك
سيلفي: انا بروح للفريق الشمالي وانتي للجنوبي وعند اي مشكله نرجع هنا
ملاك : خلاص

--

كان ماستر يضبط اخر قنبله من جهتهم الشماليه التفت لداج

ماستر : خلاص خل نحط الإشاره
داج : يله

يوم وصل داج لجهاز الإشاره وتصيبه رصاصه من ظهره ويطيح على وجهه

في اللحظه الثانيه كان ماستر صوب سلاحه للي أطلق الرصاصه واطلق عليه

وطلع من مكانه اربع جنود معهم مدافع قويه وقام الخامس وكان لابس مضاد للرصاص على صدره

وكانت معهم اسلحه من طراز معين من الطراز اللي يشيل في خزانه صاروخين صغيرين وقويين

وكانت مواجهه عنيفه .. لأقصى حد ...

--

كان الخروج من حالة عماد صعبه الا بمعجزه

والمعجزه تحققت

انفجار قنبله وسط الفريق طيح الرجال كلهم


وجت ملاك ودخلت مسرح القتال وهي تقول

ملاك: لولاي كنت موجوده يمكن تصابون
مؤيد : القدر وما يكتبه ربنا
عماد : ونعم بالله

وفجأه ركض مؤيد ونقز ودف ملاك وانطلقت رصاصه واصابت يد مؤيد

كانت الرصاصه من واحد من الخمسه اللي قاموا من الإنفجار

واطلق فريقنا رصاصاته لمهم وطيحتهم كلهم موتى


وفجأه انطلقت رصاصات من خلف الجنود الميتين وكانت تعني قتال جديد للفريق

--

كان ماستر يدري حتى لو انه اطلق رصاصاته على الأقل ما راح يقتل الا 3 منهم والإثنين بيطلقون صواريخهم


وكانت الفكره مخيفه

لكنه وقف وما اطلق يحتري الفرصه المناسبه

وانطلقت الرصاصات

رصاصتين صائبتين من ورى ماستر طيحت اثنين منهم بمقتل

وادرك ماستر انه اللحظه المناسبه

واطلق رصاصاته واصاب الثلاثه

وطاحوا كلهم

والتفت الى مطلق الرصاصات

سيلفي : ما كنت تتوقع جيتي هنا صح ؟
ماستر: المهم الحمد لله انك جيتي على الوقتي

وانطلق صوت من المكان

؟؟ : في الوقت اللي بنقتلكم فيه

يوم التفت الإثنين

كان فيه فريق مكون من اربع بنات

انجل وميمي واندينيو وفليرستار

يطلقون على انفسهم المحترفات

--

كان فيه خمس مقاتلين يطلقون رصاصاتهم لم مؤيد وملاك اللي تفادوها كلها

ومعهم نفس الأسلحه حقت الصواريخ

انطلقت رصاصات عماد اللي اربكتهم فهم يحسبونه ميت لأنه طايح

ورصاصات 3 محترفين اكيد كانت تكفي لقتلهم

لكن كانوا لابسين مضاغد الرصاص فما مات منهم الا اثنين

لكن مؤيد وعماد ادركوا هالحقيقه مباشره وقتلوهم

لكن ظهر من وراءهم شي غريب

زي الرجل الالي مدرع لكنه كان داخله بشري

شي غريب .. للغايه

[MoaeD]

أكشن -7-



كان ماستر وسيلفي بقمة الذهول

ما توقعوا انه فريق مستقل بقوته مثل المحترفات يتحالف مع ارسين وعصابته


صح انه ارسين له قوته الخاصه


لكن تحالفه لازم يكون احيانا موجود .. حتى مع عصابه مغروره


على الأقل حتى يضمن الفوز


وكانت العصابه محترفه بحق


انتشروا مره وحده فكانت انجل وميمي انقضوا على سيلفي في نفس الوقت فلير وانديني على ماستر


وكان الإشتباك قوي .. اشتباك محترفين مع محترفين


سيلفي تفادت لكمه من انجل وانقضت على ميمي بلكمة قويه في بطنها


في نفس اللحظه اللي شات فيها ماستر فلير مع رجلها اليمنى وطاحت يوم فقدت توازنها اما انديني تفادت قبضة ماستر وسددت اليه ضربه مع صدره


اما ميمي اعتدلت بحركه مباغته وسيلفي تحاول تفادي لكمات انجل وتضرب سيلفي مع ساقها وطاحت سيلفي مع المفاجأه وقوة الضربه


فانضت انجل عليها بركله محترمه لكن سيلفي تدحرجت ووقفت بسرعه وانقضت على ميمي ضربتها بطرف كعب قدمعها مع عنقها فطاحت ميمي مغمى عليها

اما ماستر اللي كان يقاوم انديني باغتته فلير ومسكته مع ورى وانديني بدت تضربه مع قدام


اما سيلفي فأنقضت عليها انجل بعد ما ضربة ميمي وطوقتها مع الخلف


وكانت الهزيمه قريبه .. حتى النخاع ...


--

كان هالشي اللي يقرب يتوضح اكثر واكثر


كان مثل الدرع الحصين وكان داخله انسان


قامت ملاك ورفعت مدفعها الرشاش واطلقت عليه وارتدت عنه الرصاصات بقوه


وتحرك هالشي وكانت حركته سريعه وادرك مؤيد من اتجاهه انه ناوي يصوب ويقتلهم برصاصه ودف ملاك لجهه وركض للجهه الثانيه

وانطلقت رصاصاته .. وضربت بالأرض بمكان ملاك ومؤيد


ما كانت رصاصات عاديه كانت رصاصات متفجره مثل القنابل الصغيره


يعني انها ما تخترق الجسم بس .. لكنها تخلي مكانها فتحه كبيره تسرب نصف دم الإنصان في نصف الوقت اللي تسربه الرصاصه العاديه ..


ادرك الإثنين هالشي وكل منهم راح لإتجاه اما هالشئ الالي اتجه لمؤيد وراح يطلق رصاصاته


فركض مؤيد في خط متعرج وما اصابته ولا رصاصه واحتمى بأقرب لوح من الخشب


وضربت الرصاصات قاعدة اللوح وسحقته وطاح على مؤيد ويوم رفعه لقى صاروخ راح ينطلق بإتجاهه وبلا رحمه ..

--

ماستر كمحترف في القتال استخدم جسم فلير كدعامه ورفع رجليه وضرب انديني مع الفك فطاحت من قوة الضربه

اما فلير فرجع يده وضربها من الخلف فأفلتته مع الضربه فاستدار عليها وضربها مع فكها بلكمه طيرتها مترين وافقدتها الوعي

اما سيلفي فأنجل ضربتها مع راسها بعصى ثقيله وبدى جرح ينزف من راسها ويوم شافت انجل اللي سواه ماستر بفلير وانديني هربت

اما ماستر فبعد ما انتهى من فلير جته ضربه من انديني من الخلف مباغته طيحته على الأرض وكانت انديني تصوب له مسدس

مسدس يحمل كل معاني الموت .. وبلا رحمه ...

--

بالنسبه للرجل داخل الاله الغريبه كان يظن انه انتصر اخيرا على اللي قتلوا كا اخوياه وهذا اولهم بيموت


اما مؤيد فقد تحرك عقله يوم شاف الصاروخ بينطلق

المنطقه اللي جنبه مفتوحه ولا فيها مكان للإختباء


وتحرك مؤيد والصاروخ ينطلق وتخطاه الصاروخ بأربع امتار قبل ما ينفجر


وكان التضاغط رهيب ودف مؤيد وراه 3 امتار قبل ما يطيح على وجهه



وكان يصوب رصاصه واطلق الرصاص .. وبإحكام للهدف .. واصابه وبعنف ...


--


كان ماستر يقاوم غيبوبه شديده وكان في وضع ما يسمح له يدافع عن نفسه


فأنديني تبعد عنه 3 امتار ومصوبه مسدس لمه وهو مرهق وعقله يحارب غيبوبه


فقالت انديني : الموت جاك يا حلو .. صح انها موته مالها داعي بالرصاص .. لكن تستحقها
ماستر : وانتي مصدقه روحك كذا متحالفه مع ارسين بيتدمر زي ما تدمر فريقكم
انديني : ارسين هذا غبي يوم يتحالف معنا اصلا حنا ناوين نخطف منه قوة عصابته لحبه الشغوف بالنساء هاهاهاهاهاي
ماستر : اجل ما دريتي انه مرسل الرجال اللي خلف ذيك الشجره ليقتلونك
انديني : حاول غيرها .. اوه صح ما فيه غيرها باي وسلملي على الموتى

وانطلقت الرصاصة .. رصاصة اخترقت راس انديني وطاحت قدام ماستر

--

كانت ملاك في صراع مع نفسها بعد انفجار الصاروخ


مؤيد طايح وكان ما يتحرك والرجل الالي يقرب لمه فما احتملت انه يموت مؤيد بعد اللي سواه


كان هذا يدور براسها وما تحملت الوقوف .. ركضت بكل قوتها والرجل الالي يطلق رصاصاته

واصابت جسم ملاك اللي حمت مؤيد بجسمها وطيحتها جمبه

وقام مؤيد وناظر ملاك اللي اصابتها الرصاصات

وكان وصل منه الغضب الى ما بلغه

ووقف بكل جروحه والامه وركض رغم كل الإصابات والدم اللي يلوثه الى اقرب المقاتلين اللي يملكون الأسلحة ذات الصواريخ


ورفعه للالي وقال : هذي لملاك


واطلق الصاروخ وانطلق نحو الهدف مباشره وانفجار


وكان انفجار قوي لدرجة انه تقطع الرجل وتناثرت دمائه واشلائه في كل مكان


وفي هذه اللحظه وصلت الإشاره لم الجهاز

فشغله واطلق نفس الإشاره وضبطه وشال انجل وساعد عماد على الوقوف وانطلق للسياره


وما بقى الا الجوله الأخيره

[MoaeD]

أكشن -8-




في المستشفى

ماستر : ازين شي انك صحيت بالوقت المناسب وقتلت اندينيو قبل ما تخلص علي
داج : عشان تعرف قيمتي :cool:
ماستر : اقول لا تشوف نفسك تراك من جمبها :p
داج : لو من جمبها ما انقذتك
ماستر : وين مؤيد ؟
داج : أذكر انه عند غرفة ملاك

فبعد ما فجروا مخزن الأسلحه اتجهوا الى المستشفى لعلاج الباقين

فملاك كانت في غرفة العمليات

وسيلفي خيط جرح رأسها لكن لازم ترتاح لمده طويله ولا تقدر تشارك في القتال الجاي

وداج طلعوا الرصاصه وخيطوا الجرح ويقدر يشتغل لكن يحاول يتجنب الإرهاق الزايد

وعماد جاهز للشغل لكنه يرتاح بعد ما شالوا رصاصة فخذه

قرب ماستر من مؤيد وقال : الى الان تنتظر هنا ؟؟
مؤيد : الى ان تطفى اللمبة او تجي تعليمات الإدارة !
ماستر : الله يعين .. لكن هل عندك خطه معينه لأرسين ؟
مؤيد : الإنتقام ... لكن ما راح نخطط الا بعد ما تجي التعليمات والدعم


في نفس اللحظه جت بنتين عرف ماستر منهم وحده .. انجل


انطلق لمها يبي يضربها وتفادت ضربته وانطلقت لمه الفتاة الثانيه ومسكته وثبتته وكان يقاوم

وأنجل ضربته ضربه أحس منها بوجع شديد وأحس انه ما يقدر يواجههم

في نفس اللحظه اللي مسك مؤيد انجل واللي معها واللي من قوة المسكه افلتت ماستر

وضرب الأولى ضربه طيحتها جمب ماستر اما الثانيه فلوى ذراعها وثبتها

مؤيد : من اللي أرسلكم ؟
انجل : اتركها حنا ما جينا نضارب !
ماستر : كل هذا ولا تضاربون :!
مؤيد : طيب ليه جايين هنا ؟
انجل : جينا لأن هدفنا نفس هدفكم
ماستر : ووشو هدفكم ؟
انجل : الإنتقام من أرسين اللي خدع صديقاتي .. خلانا نشتغل معه ووعدنا انه راح يرسل معنا قوات كثيره وراح يحمينا
لكنه كان واضعلنا كمين حتى لو نجحنا وهذا اللي خلاني اهرب يوم شفت الهزيمه لأن صديقاتي ما صدقوا هالكلام :( ..
ماستر : لو اني ما شفت اندينيو تموت كان قلت هذي هي :! !!
انجل : نسيت اعرفكم .. هذي توأم أندينيو السابقه وكانوا يلقبون الأخوات اندينيو (:p) جت لتنتقم لأختها
مؤيد : المهم .. لازم ننتظر التعليمات والتحرك بيكون بكرا غالبا ان تحركنا استعدوا ...
انجل : اوكي ..


في نفس اللحظه انطفأت لمبة غرفة العمليات وطلع الدكتور

مؤيد : وش صار يا دكتور
الدكتور : حالتها صعبه وهي الان تحت جهاز الرئه الإصطناعيه
مؤيد : بتعيش ؟
الدكتور : الأعمار بيد الله ..

وفي هذي اللحظه رن التلفون

وكانت المحادثه تعني ان الأحداث بتتخذ مسار جديد .. وخطير ...

--

كان الفريق منطلق من ناحية قصر وكانوا خططوا كيف يدخلونه

فمؤيد وانجل راح يتسلقون الجبل اللي يصير فوقه مدفع مضاد الطائرات وينسفونه ويدخلون القصر من فوق الجبل وطفون الأسلاك المكهربه

اما ماستر وانديني راحي يدخلون من الخلف عند انطفاء الكهرب عن الأسلاك المكهربه

وداج وعماد عند وصول الإشاره راح يشغلون الحراس بالقنابل من خلف الأسوار وراح يهجمون عند انفتاح البوابه


وصل الكل وبدوا تنفيذ العمليه وبدا مؤيد وانجل يتسلقون الجبل وماستر وانديني لفوا ورى القصر وداج وعما استعدوا ورى النتوء اللي مقابل بوابة القصر

--

كان ماستر وانديني يجهزون العده لتسلق الأسوار عند الإشاره

لكن سوء الحظ كان حليفهم

لمحهم حارس من الحراس اللي يدورون حول القصر يوم قرب وينطلق عليه ماستر بلكمه تفاداها بمهاره

ما كان ماستر يتوقع كل هالمهاره من الحراس فهو يحسبهم من المرتزقه اللي خبراتهم قليله بالقتال

لكن كمحترف ادرك الحقيقه مباشره

وكان فيه حقيقه ثانيه لازم يلتزمبها .. ما تنطلق رصاصه تنبه الباقين

اما الحارس في نفس اللحظه ادرك هالشي فأستل مسدسه لكن انديني تدخلت وشاتت المسدس

اما ماستر فأستغل انشغاله مع انديني وضربه ضربه مع رقبته خلته يطيح فاقد الوعي

وهنا ارتاح الإثنين وكملوا استعدادهم ..

--

كان مؤيد يتسلق الجبل وكانت انجل تتسلق وراه


لكن بالمصادفه افلتت واحدهمن حلقات انجل قبل وصولهم بأمتار قليله ..

والمشكله انها لو طاحت تبي تجذب بالثقل المفاجئ مؤيد

وراح يطيح الأثنين ..

وتفشل العمليه ..

[MoaeD]

أكشن -9- الختام :)


لكن بالمصادفه افلتت واحده من حلقات انجل قبل وصولهم بأمتار قليله ..

والمشكله انها لو طاحت تبي تجذب بالثقل المفاجئ مؤيد

وراح يطيح الأثنين ..

وتفشل العمليه ..
---

كان الحبل مثبت بالإثنين يعني طيحة انجل راح تطيح مؤيد

والحلقه الأخيره لأنجل كانت بتنفك

ارخى مؤيد نفسه ونزل شوي وطع من عدته معول وثبت نفسه بالجدار ووركب حلقه جديده وهو متمسك بالمعول على انجل وثبت الحبل

وثبت انجل جمبه على الجدار وخلاها تثبت حلقه ثانيه بدال المرتخيه

ويوم رقى الإثنين للأخير كان كل منهم يلهث بسبب النشاط الزايد


وها النشاط اخرهم شوي لكن الصدفه انه قرب 4 حراس منهم بعد ما رقوا


قرب الحارس وقال : من انتم ؟
قاله مؤيد : حنا متسلقين جبال هاوين !
الحارس : وين التصريح ؟؟ هذي منطقه خاصه !
مؤيد وهو يدخل يده بجيبه : هذا


وطلع يده وضرب الحارس والتف على نفسه وشات الحارس الثاني

في نفس لحضة ضربة الحارس الأول تحركت انجل لأقرب الحراس وضربته واستقبلت لكمة الثاني براحة يدها وضربته بشوته مع فكه

ورجعت انجل وشاتت مسدس الاول اللي سحبه وعطته بدها ضربه مع فكه طاح فاقد الوعي

بينما ارتد مؤيد من الحارس الاول ضرب الثاني بقبضته على معدته وعدله برفسه مع الوجه وضربه مع طرف عنقه وافقده الوعي

ورجع للأول ورفسه مع وجهه وطاح فاقد الوعي بعد

وتحرك الإثنين وراحوا للمدفع وركبوا القنابل حوله بعدين ثبتوا الحبال وبعدها فجروا القنابل


ونزلوا لم طرف القصر جنب محطة الكهرب مع انشغال الحراس بالإنفجار وبسرعه ثبتوا القنابل على مولد الكهرب الرئيسي وفجروا القنابل

وطفا الكهرب لمدة 10 ثواني ثما نطلقوا يركضون في الساحه متجهين لم القصر .. قصر ارسين ...

--

يوم سمع ماستر الإنفجر حق المدفع قال : الان

وانطلق هو وأنديني وراحوا يثبتون حبالهم على السور وبدوا يتسلقون ويوم دوى الإنفجار الثاني ويقمزون فوق السور بين الأسلاك المكهربه


وبسرعه نزلوا من الجهه الثانيه وشافهم احد الحراس وأطلق رصاصه لمهم يوم تجمعو الحراس عليهم وكانوا يواجهون فوق 20 حارس


وكان الحراس يتزايدون وفجأه انفجرت قنبله بين الحراس ثمن انفجرت ثانيه وتشتت الحراس

وانطلق ماستر وانديني يفتحون البوابه لكن طلع في طريقهم لكي قاي (ابو عتب) وهارب


وكان لازم القتال ...


--

بعد ما رجع الكهرب كان عماد وداج تجهزوا للقنابل وبعد ما سمعوا صوت الرصاصات بدوا يرمون القنابل في الوسط في النقطه المحدد تماما


وبعد فتره ناظر داج فوق السور وقال لعماد : شف هناك

وكان اللي يناظره شي مريع .. مريع جدا ...

--

انطلق مؤيد وانجل لم القصر وكان كل ما اعترضهم احد اطلقوا عليه بالرشاش يوم وصلوا البوابه كانت مسكره

ويلتقت مؤيد لأنجل ويقول : ابعدي

ويطلق رشاشه على كيلون الباب ثم دفه برجله وانفتح


وانطلقوا داخل القصر متجهين الى جناح ارسين


يوم دخلوا لم الغرفه الرئيسيه لقوا ارسين قاعد على كرسي كبير وكانت لينا جنبه تشتغل على الكمبيوتر


ارسين : اهلين انجل اشوفك صرتي مع الأعداء
انجل : انت العدو الأول
ارسين : ولكم كنت في انتظاركم

يوم طلع 8 حراس من ورى مؤيد وانجل وكل حارس معه سلاح وكان القتال وصل الى ذروته ..

--

كان ماستر وانديني مستعدين للقتال مع هارب وابو عتب وهنا اشتبك ابو عتب مع ماستر وانديني مع هارب

اما ماستر فضرب ابو عتب مع مع بطنه لكنه تفادى ضربة ماستر الثانيه واعطاه ضربه مع صدره

اما انديني فانقض عليها هارب وتحركت متفاديه لكمته ثم رفسته مع بطنه ولكمته مع وجهه

لكن هارب ارتد لها مثل الزنبرك ولكمها مع بطنها وثانيه مع وجهها ثم ضرب رجليها وطاحت

وتدحرجت متفاديه رجفته ورجعت وضربته مع ظهره وتأرجح وقامت التقطت الرشاش وأطلقت عليه

وكان ماستر مشتبك مع ابو عتب وانحنى ابو عتب وضرب ماستر اللي طاح وابعد شوي

وجا ابو عتب ومسك مسدسه يبي يطلق على ماستر

وفجأه أهتزت الأرض وطاح المدفع وسبب أرتجاج افقد لكي قاي توازنه والتفت واذا رصاصة انديني اخترقت راسه

يوم التفت الإثنين اذا المدفع طاح من جهة البوابه وتدحرج وسحق نص السور يعني انه ادى مهمتهم وبزياده

وانطلق الإثنين بإتجاه القصر وهم يطلقون مدافعهم على الحراس اللي يركضون من كل اتجاه

وفجأه صدر امر من جهة القصر بمحاصرتهم وانطلق من كل اتجاه الحراس لمهم

يعني ان نجاتهم نقصت لأقل من الصفر مع الفرق في العدد

فكان 40 حارس بأسلحتهم مقابل 2

وكان الفرق رهيب للغايه

--

كان مؤيد وانجل يدرون انه اذا ما تحركوا في الوقت المناسب راح يموتون

ومع طيحة المدفع كان الوقت المناسب فتحرك الإثنين

في وقت كان ارسين مشغول مع اللي صاير بالساحه

وانطلق مؤيد لأقرب واحد من جهته وضربه ضربه طيحت رشاشه وضربه وع فكه ودار وضرب الثاني

وسحق فك الثالث برفسه وسحب الرابع وضربه بضربه مع بطنه وعدله بضربه مع فكه ثم ضربه مع عنقه وافقده الوعي

اما انجل فأنطلقت لم الحارس القريب وضربته مع بطنه ولفت للثاني ووطيحت الرشاش

لكن الحارس الثالث طوقها والرابع ضربها مع كتفها في قوه

ويوم رجع الحارس الرابع حس بيدين تمسكه وترفعه بقوه ثم ترميه بالأرض

اما الثاني فأقلتت يد انجل وضربته بمرفقها يوم افلتها وتدور وتضربه مع خشته ضربه نسى فيها نفسه

والتفت الإثنين مع امر أرسين لجنوده

وصارت المواجهه بين ارسين ولينا ومؤيد وأنجل مواجه حتميه

--

كمحترفين كان الحراس يطوقون ماستر وانديني فيه شبه دائره وكانت المواجهه حتميه وحتى الإصابه

لكن القدى ابى الا انه يعيش الإثنين

فدخلت سيارتين من سيارات الجيش من الفتحه اللي تركها المدفع بالسور

كل وحده فيها مدفع رشاش وكان جين كازام معه وحده والثانيه فيها داج وعماد

واطلقت السيارتين الرشاشات وكانت تحصد الحراس حصد وتحرك ماستر وانديني وأطلقوا رصاصاتهم

واختبط الحراس ما يدرون من يطلقون عليه وحصدوا جميع الحراس

ويوم دوى صوت قوي من القصر

-دقيقتان على انفجار المكان

-دقيقه وتسع وخمسون ثانيه

وعرفوا انه فيه تحولات كبيره جوى المكان لكن ما كان يقدرون يسوون الا الترقب ...

--

كان ارسين مصوب مسدسه لمؤيد وهو يقول الوداع ايها الصديق

لكن مؤيد ما ترك له فرصه يطلق رصاصته فتحرك من مكانه وهو يضغط الزناد

وسحب مسدسه وضرب مسدسه ومسدس لينا وانقض على ارسين

اما انجل فتحركت في الثانيه التاليه مباشره على لينا وكان صراع قوي .. بين محترفين ..

انجل ضربت لينا مع وجهها وجت بتركلها لكن لينا تفادت ركلتها وضربتها في بطنها


واستغلت التواءها وطلعت سكين حاد ومسموم وضربتها مع جنبها بقوه

اما مؤيد اللي تفادى لكمة ارسين وعطاه لكمه مع بطنه وثانيه مع وجهه

واما ارسين فركل مؤيد مع خصره وطاح يتلوى

التفت على لينا وهي تشتغل على الكمبيوتر ودوى الصوت حق التفجير


قال ارسين : يا غبيه نقدر نفوز
لينا : لا شوف الساحه وتعرف بما اننا خسرانين خل نخسر كل شي

وكانوا سيطروا على كل شي

فانطلق بطريقه جنونيه على مؤيد وهو يقوم وتفادى مؤيد لكمته وضربه مع طرف رقبته واغمى عليه


اما لينا فسحبت مسدس من الدرج وصوبته على مؤيد ..

وانطلقت الرصاصه

--

كانت انديني تبي تدخل لكن منعوها

ماستر : انتي مجنونه ؟ لو انفجر المبنى يتموتون كلكم
انديني : تتوقع اني راح اترك انجل تموت وانا قاعده
داج : ان ماتت فهو قدرها
جين : خلو نمشي قبل ما ينفجر كل شي
عماد : خل ننتظر لين يطلعون قبل الإنفجار بشوي ولا مشينا


--

كانت لينا واثقه من النصر فهي تصوب مدفعها لم مؤيد اللي طايح

لكن انطلقت الرصاصه وضربت صدر لينا وثانيه اخترقت جنبها وثالثه راسها

وكانت انجل ماسكه جرحها وطاحت

وكان الوقت يقول دقيقه و20 ثانيه

فقام مؤيد وشال انجل وراح يركض لم المخرج والوقت ينقص

دقيقه

50 ثانيه

ولاح المخرج من بعيد وطلع والوقت 30 ثانيه وكان الفريق الثاني بيمشون


انديني : وقف وقف طلعوا

ويشولنهم معهم وينطلقون

ومن وراهم انفجر القصر ..

وهذا يعني تمام المهمه وبنجاح ..

وانتهت القصه بهالإنفجار ..


والحين كل اللي أطلبه رايكم خصوصا بعد ما جمعت القصه كلها بمكان واحد :)

وكل واحد يرد راح يعطيني رايه بصراحه راح يخليني اعدل اسلوبي على القصص الجايه :$

وكل واحد يرد مشكور وما قصر وله مني الف شكر حتى لو كان رده حرفين :)

[داج2222]

محقوووووووووووووووووووووووووووووووووووووووووز:cool:

لي عوووووووووووووووده قريبه لا خلصت هالدستور الي اسمه موضوع هع:D

[memy]

تسلم حلوه القوصص:)

بس احلى شي اكشن 7 ( لاني موجوده":" )

مشكور على القوصص:D

[Lucky guy]

وفجأه أهتزت الأرض وطاح المدفع وسبب أرتجاج افقد لكي قاي توازنه والتفت واذا رصاصة انديني اخترقت راسه

لالالا ما يصير :غضب:

غوش غوش ليه ما تعلمني :6

والله القصه روعه ومشكور على الجهد كل هذا عشان :0)

[Arsene Lupin]

ماش ما تنفع مؤلف... خليتني اتصفق في هنيهه (ياني قلق :D )


خخخخخخ لا حلويه صروحه .... بس الاحداث في الاخير انتهت على طول...

يعني المفروض الاحداث جوا القصر على الاقل تاخذ جزئين او ثلاثه...



و فيه نقطه... الى هي ان اغلب المشاكل الي يقعون فيها الاعضاء تنتهي بسرعه... يعني تجي رصاصه منا ولا منا... فانت تستخدم اسلوب التنقل بين الاحداث عشان يشعر القارئ بطول الموقف...


فيفضل انك تضعهم في مشكله تستمر معهم اكثر من جزء... مثل ان ياخذون عضو على انه رهينه ... او يرجعون اثنين من الاعضاء للمركز و يلقونه متفجر ولا عنده احد... يعني شي زي كذا...


المهم ما اطول.... و مشكوووور على القصة، الي نوعا ما هي الي تحرك المنتدى هاليومين :)

سلامون

[RPG_master]

ماشالله ماشالله وش هالزين:6

بس مااااااش ما طلعتني سوبر مان كعادتي كوخ عليك http://www.montada.com/images/icons/icon13.gif

توشكر على الجزء


وكلام ارسين حلو جداً وانا اوافقه في اغلبه:-)

[Jin Kazama]

كل وحده فيها مدفع رشاش وكان جين كازاما معه وحده

ما عليه بعدين باتفاهم معاك :غضب: ادري انك قاصد :"


القصه حلوه بس يوم تكتب قصه ثانيه خفف من البتاع صدقني بتطلع احلى;)

[Lena]

هاه :#
كاني دخلت بالقصه:6 <====مضيعه




يوم دخلوا لم الغرفه الرئيسيه لقوا ارسين قاعد على كرسي كبير وكانت لينا جنبه تشتغل على الكمبيوتر

حتى بالقصه الكمبيوتر لاحقني:"
والله حركتات مساعده الشرير انا:cool: حلو دوري:#



انجل ضربت لينا مع وجهها وجت بتركلها لكن لينا تفادت ركلتها وضربتها في بطنها


واستغلت التواءها وطلعت سكين حاد ومسموم وضربتها مع جنبها بقوه

خخخخخخ مسينكه انجل توليتها:6
سكينه مسومه<===يا حليلي والله عندي اشياء خطيره:p





قال ارسين : يا غبيه نقدر نفوز
لينا : لا شوف الساحه وتعرف بما اننا خسرانين خل نخسر كل شي



يا عيني عالذكاء مقدر:p صرت اذكى من رايسي:p
اما لينا فسحبت مسدس من الدرج وصوبته على مؤيد
بدا الاكشن ":" <===او تدرون اني بالحقيق حتى تومب رايدر ما العبها من الخرعه:": <==:6



كانت لينا واثقه من النصر فهي تصوب مدفعها لم مؤيد اللي طايح
اوفكورس واثقه:cool: <===خشت جو باقصه:#




لكن انطلقت الرصاصه وضربت صدر لينا وثانيه اخترقت جنبها وثالثه راسها

وكانت انجل ماسكه جرحها وطاحت
هااااه :!
مت

لالالا مابي واااااااااء تهي تهي مابي اموت:" <==واري صغرت عقلي:#

[Lena]

اممممممممم
اذا تبي تعليقي عالقصص


بصراحه مره حلوه عموما وتونس...

لاحظت فيها كثره التفاصيل وانك توصف كل شي بدقه كانه قدامك

ذكرني هالشي بمسلسلات الانمي:p تصلح قصتك نسوي منها انمي:6

بس بشرط ما اموت بالنهايه:أفكر: <<====مصره عالسالفه:6

حلو منك انك تدخل عضاء كثير

وفعلا القصه حركت المنتدى

يلا نستنى اجزاء او قصص اخرى:6

[TIFA Lockheart]

:D
ههههههههههههههه
ههههههههههههههه
ههههههههههههههه
ههههههههههههههه
والله ولا ميشون امبوسيبل
ههههههههههههه
هههههههههههههه
هههههههههههههه
هههههههههههههه
بس ما تلاحظ شىء:واو: انك انت البطل ماشاء الله عليك:واو:
بس والله من جد ابداااااااااااااااااااااااااااااااااااااااااااااااااااااع
والله خطيره ^_^ مع ان المهمه مميته و خطيره بس اسلوبك كان يتميز بالمرح
هههههههههههه
ههههههههههههه
والله ماعمري ضحكت زي كذا
مشكور اخوي
يلا يلا الجزء اللي بعده بسرررررررررعه:"
بس لا تنسى تحطيني من الشخصيات:6

[DiGit4L]

وع سخيــــــــــــفه القصه :o <-- اشوى انه ماقراها











<-- تحسه منتظر الجز الاخير عشان يقول لك انها سخيفه :6


بس تدري وين القهر ؟؟

انه يجيك بالاخير واحد ويقول ياسلام ممتازه وننتظر الجزء الاخير وهذا هو الجزء الاخير

الي اول حرف من اسمه TIFA Lockheart

تبي الحرف الثاني ولا عرفته ;-)

[Arsene Lupin]

تم تحريره من قبل RPG_master في 29-10-2002 عند07:23 AM

ياخي حرره و قل لنا وش كتب :6

[RPG_master]

ياخخخي عن اللقافه:p

صلحت له حرفين قالبهم:أفكر:

[~MâLâK~]

هيييييييييييه وعاااش الجميع فرحاان ومبسوووط:D ....ررهييييييييييبه النهايه وكول حاقه;-) يسلمو مؤؤييييييد بس طبعا كل الأجزاء حلوه إلا الأخير لأني مب فيه":" <=====ماتنعطى وجه:6


بس مب ملاحظ حاقه:!


انا وحوب نسيتونا باالمستشفى وصار لنا:":




يلا انتظر منك قصتون اوخرى:0)


























ياللهslaaaaaaaaaaaaaaaaaaaam

[HArb200]

ههههههههه وراي تلفعت أنا :":

يلا موش مشكله كلها خيال ":" خلاف الواقع :cool:

بس حلوة خاصه المقطع الاخير ;-)

[Gio]

و الله قصصصصه تووحفه تسلم عليها .......


اول فلم سعودي ميكس وذ هندي :6

[العمدا]

فيرى قود ":"

النهايه ولا اروع :)

وفكره انك تجمعها كلها زينه بعد :6 اشوى انك قايل من البارح :#

ولى تعليق بسيط ..

مثل ما قال ارسين فى نقطه انك ختمتها بسرعه ..

انا لاحظت هالشى فى نص هالجوزء ..

كان واضح انك مستعجل فى ختامها :)

عموما ..

بشكل عام القصه رووووووووووووعه ":"

وننتظر قصه بعدها :6

[Pepsi Kun]

سوححححححححححححححححححححححقن لكم :غضب: :غضب:







.
.
.
..
.
.
.
.
.
.
.
.
.
.
.
.
.
.
.
.
.
:غضب: :غضب:

يا :o

يالفن ماعرفتم تقدرون هذا المبدع :6 :6

والله المفروض يكون هذا فليم موب بقصة بس :6 :6

[Chad]

يبدو إنها قصه حلوة رح أنزلها على الجهاز وأقراها بشويش:-)

تسلم أخوي مؤيد:D

[MEL C]

افا بو عتب كفخوك والله----->حرش:6

تسلم خدودك على القصه ياحلو ياموع موع----->دلع جديد:6


إيه صح وراك جحدتني انا وحوبه في الموستشفى:!


مت انا صح:" ؟


وااااااااااااااااااااااااااااع:" ------>مصدق الدعوه:6

[MoaeD]

داج : انشاء الله تعجبك :)



ميمي : العفو وشكرا على ردك :)



لكي قاي : هذا من ذوقك وشكرا على ردك :)



ارسين : رديت عليك رد وش طوله :" بس انحذف لأن الوجيه كثيره :غضب:


نرجع لموضوعنا


الحين انت سرقت فكرتي للجزء الجاي يا حرامي :غضب:


المهم انا خليت النهايه تنتهي بسرعه

لأني ناوي اكمل سلسلة اجزاء ممته من القصه هذي ;-)


فأنا مو مستعد اني اسوي قصه ثانيه بفكره ثانيه :)


ومشكور على ردك الحلو :-)



ماستر : لازم تنجلد احيانا :p ومشكور على رأيك :) وردك :-)



جين كازام : ههههههااي وش قاصد :!


والبتاع صعبه اخفف منه لازم بهار :أفكر: (:p) ومشكور على ردك :)

[MoaeD]

لينا : تعليقك على كلامك بالقصه موتني ضحك :D


خلاص افكر اسوي انمي :) بس بتموتين بالنهايه لازم :p


ومشكوره على رأيك وردك الحلو :)



TIFA Lockheart : <----- ما عرف يقرا الإسم :p


مشكور على ردك


بس اي جزء تقصد ?: :!




ديجيتال : ورى ما قريتها :! <-- صدق نفسه :p


الظاهر كذا :D



ملوووكه : ايه هين عاش الجميع في سعاده :p


اما انتي وحوب وسيلفي بالمستشفى وبيلحقكم وحده :p


ومشكوره على ردك :)




هارب : ياخي انت ما جيت الا اخر شي وما بقى افكار :p

لازم تتلفع عشان يتحمس القارئ :p ومشكور على ردك :)

[Angel whisper]

وااااااااااااو كوووووول مؤيد !!

عاد انا كنت ناوية افرك من فوق الجبل بس تعرف عاد انا ملاك ما اقدر اسوي حركات الشياطين هاذي :": <<< :p

بس انا عاد في كل جزء اتكفخ اكثر واكثر :p

خلاص الجزء الياي خلني اتزوج وادرب عيالي على القتال وافتك من التكفيخ ":" ..

وتسلم ايدك مؤيد :) ..

[MoaeD]

ديد : هذا من ذوقك :)

بس ماش خربت كلامك بالسطر الثاني :أفكر:



العمدا : بالنسبه لختامها راجع رد ارسين :)


بالنسبه لجمعها بموضوع واحد عشان

مشوار تصير كل جزء بموضوع للي ما قروها :)


شوكرا على ردك :)



النايف : هذا من ذوقك :)


بس عساك قريتها :": <--- :p




A.J : خذ راحتك بس اهم شي عطنا رايك :)



ميل سي : ياخي لا تحرش :p



من قال انك مت :!


العفو ومشكور على ردك :)



انجيلا : ايه امحق ملاك :p


زين دربي عيالك زين :p عشان الفعهم ويضيع تعبك :p


الله يسلمك ومشكوره على ردك الحلو :)



وانشاء الله القصة الجديد بعد الإختبارات :-)

[Gio]

الرسالة الأصلية كتبت بواسطة Angel whisper
وااااااااااااو كوووووول مؤيد !!

عاد انا كنت ناوية افرك من فوق الجبل بس تعرف عاد انا ملاك ما اقدر اسوي حركات الشياطين هاذي :": <<< :p

بس انا عاد في كل جزء اتكفخ اكثر واكثر :p

خلاص الجزء الياي خلني اتزوج وادرب عيالي على القتال وافتك من التكفيخ ":" ..

وتسلم ايدك مؤيد :) ..


اوب حوبه متزوجه من ورانا :p

[TIFA Lockheart]

الرسالة الأصلية كتبت بواسطة B.B.Q



TIFA Lockheart : <----- ما عرف يقرا الإسم :p


قل قسم









اقول
how are you?
هذا و انت قسم انجلش
^_^
lock=قفل
heart =بطن
:D
^_^
بعدين انا بنت مو ولد:غضب:

[Arsene Lupin]

الحين انت سرقت فكرتي للجزء الجاي يا حرامي

عرق في لوبين وش نسوي :6



و بعدين ما يحتاج تعابير... حط (&)... و نفهم كللل التعابير :6

[MoaeD]

الرسالة الأصلية كتبت بواسطة TIFA Lockheart

قل قسم
اقول
how are you?
هذا و انت قسم انجلش
^_^
lock=قفل
heart =بطن
:D
^_^
بعدين انا بنت مو ولد:غضب:


انتي بنت :! <--- ابد ما خق :p


وبعدين انا كنت متعيجز وليس ما عرفت اقدر اكتبه كذا بالعربي :

تيفا لوك هارت وقضينا بس وقتها كنت متعيجز :p


i am fine <----- صدق سؤال هاو ار يو :p


وبعدين ديجيتال هو اللي خلاني اعتقد انك ولد :أفكر:





ارسين : اكيد حرامي من طبعك (الطبع يغلب التطبع) :D


وبالنسبه للتعابير نجرب (&) <-=-=-=- صدق :p

[kairi]

تبغى الصودق :o
أنا ماقريت ولا حرف منها :D
لكن شكلها حلوة :0)
مشكووووووور على جهودك الواضحة في ال10 أجزاء من قصصك ;-)

تحياتي :
جوبنة كيري :6

[MoaeD]

الرسالة الأصلية كتبت بواسطة kairi
تبغى الصودق :o
أنا ماقريت ولا حرف منها :D
لكن شكلها حلوة :0)
مشكووووووور على جهودك الواضحة في ال10 أجزاء من قصصك ;-)

تحياتي :
جوبنة كيري :6


حياك الله وانشاء الله تعجيك :)


بعدين كيري اذكرها تكتب كذا : kiri :أفكر:

[TIFA Lockheart]

الرسالة الأصلية كتبت بواسطة DigitaL
وع سخيــــــــــــفه القصه :o <-- اشوى انه ماقراها











<-- تحسه منتظر الجز الاخير عشان يقول لك انها سخيفه :6


بس تدري وين القهر ؟؟

انه يجيك بالاخير واحد ويقول ياسلام ممتازه وننتظر الجزء الاخير وهذا هو الجزء الاخير

الي اول حرف من اسمه TIFA Lockheart

تبي الحرف الثاني ولا عرفته ;-)
:واو:
بسم الله عليك
يمكن خانني التعبير
وانا قصدي قصه ثانيه
<<<=======عاش مصرف
المهم
لاتحش فيني
كوخ عليك:6

[عماد 18]

تسلم مؤيد :) ..
اخيرا قريتها :6 ..
نهايتها تذكرني بنهاية ريزدنت ايفل الجزء الثاني من ناحية الانفجار ..
ذكريات حلوة :" ..
بس اسلوبك يشبه اسلوب نبيل فاروق بشكل كبير ..
خصوصا خاتمة كل جزء :) ..

[العمدا]

الرسالة الأصلية كتبت بواسطة عماد 18

بس اسلوبك يشبه اسلوب نبيل فاروق بشكل كبير ..
خصوصا خاتمة كل جزء :) ..

الحمد لله موب انا بلحالى الى قلت هالشي :6

لا ويوم اقوله يقول لا ?:

ويتحججلى بانه دختور وهو لا :6

[عماد 18]

خخخخخخخخخخخخخخخخ ام العذر :6 ..
وش دخل الدخترة ؟!
التقليد ما يبيله دختوراه :6 ..

[MoaeD]

اخيييييرا قريتها :6


الله يسلمك :)


وبالنسبه للتشابه انا ما قلت الخاتمات هي اللي عشانه دكتور يا العمدا :أفكر:


انا قلت الأحداث يقدر يجيب اشياء انا ما اقدر اجيبها لأنه اكثر خبره مني (دكتور)


فلو سمحت لا تفسر كلامك على كذا


وبعدين انا عاجبني اسلوبه في ختم الأجزاء :) .. خل اقلده :p

[العمدا]

يا اخى انا ما قصدت انه السبب الرئيسى :#

بس ذا التفسير الى جا على راسى :6

المهم وش فيها حتى لو قلدت .. اهم شي انها تتطلع روعه :)


فلو سمحت لا تفسر كلامك على كذا

احم :#

[cold ace]

قصة رهيبه مره ومشكور عليها