NICE_ BOY
31-10-2002, 07:51 AM
هلا شباب
مسيكم بالخير
والله اشتأت لكم ( لا تصدقون تراي اكبر نصاب على وجه الارض )
والله لإلكون بالالب وحشة ( بلا نصب )
يالله ماعلينا اهم شيء الاخلاق وحب الوطن والعلوم الردية عفوا الزينه ...
اهم شيء شباب اللي بيسمع القصة يجلس ويتكتف لأني ما عندي استعداد كل شوي ناط بحلقي واحد يقول وشو هاه مدري ايش ....
------
والله وذاك اليوم كن مصدع مرررره وكان الوقت تقريبا الساعة ثلاث بعد المغرب ( مادام هذا اولها ينعاف تاليها ) المهم واطلع من بيتنا وانا لابس بنطلون جنز برتقالي مخطط باخضر فسفوري ولابس فنيلة علاقي وشماغ فلسطينيين ( هدية من ياسر عرفات ) والله واتلطم لأن كان الوقت مطر وغباااار مرررره ( معين تجيك العافية ) وكان من شدة الضلام ذاك اليوم الشمس ساااطعة
اهم شيء والله راسي ماعاد الا ينفجر من الصداع والبلاوي لأني كنت راعي علوم نص كم ...
اهم شيء والله اروح لخويي ( ابو سراج ) في خيتمه ..
قلت : هلا ابو سراج
قال : هلا والله
قلت : جايك في خدمة
قال : يالبية
قلت :هاه ماعندك حبوب تراي تعبان وطفشان مالقيت لي احد يبيع
قال : لا والله ماعندي الا اللي تبعي والشباب بيتجمعون الحين ولا اقدر اعطيك اسمح لي
قلت : طيب اجل انا استأذنك ابروح ادور لي حبوب قبل يدخل الظهر ثم تذبحنا الشموس
قال : زين
المهم انا رحت وبديت من مكان لمكان وكل ما اروح لأحد يعتذر يعطين
اهم شيء والله وتقفل الدنيا بوجهي
بصراحة مليت وانا ادور
اخر شيء قلت هالمحل ولا غيرة لأني تعبت والشباب ينتضرونن بالبيت
اهم شيء وادخل ذاك المحل الكبير اللي بالسوق
قلت : السلام عليكم
قال : وعليم السلام
قلت : لو سمحت عندك حبوب ؟
قال : تفضل ادخل جوى
دخلت جوى وامشي وامشي اهم شيء حصلت هندي واقف
قلت له : هلا صديق
قالي : هلا صديق
قلت كيهالا باي ؟
قال : تيقا
قلت : عندكم حبوب قال شوف هناك
قلت تعال عطني
اهم شيء عطاني اياهم في كرتون بني صغير وغطاه لونه اخضر
اخذتهم وحطيتهم بمخباتي وحاسبت
اهم شيء رحت للشباب بالبيت ولقيتهم ينتضروني على جمر
والله واعطيهم حبوب الكيرم واروح اجيب لهم الشاهي والقهوه والله ونجلس نلعب الى اذان الفجر ( الفجر اللي قبل العصر وبعد المغرب
اهم شيء والله يا استانسنا وناسة وفلة وسعة صدر ذاك اليوم
والله يافاتكم نص عمركم بس بصراحة طلعت روحي لين لقيت الحبوب وقررت اني ما افرط فيهم مدى الحياة
تحياتي لكم وشكرا لحسن الاستماع والان مع الاحوال الجوية ( متأثر بالاخبار )
مسيكم بالخير
والله اشتأت لكم ( لا تصدقون تراي اكبر نصاب على وجه الارض )
والله لإلكون بالالب وحشة ( بلا نصب )
يالله ماعلينا اهم شيء الاخلاق وحب الوطن والعلوم الردية عفوا الزينه ...
اهم شيء شباب اللي بيسمع القصة يجلس ويتكتف لأني ما عندي استعداد كل شوي ناط بحلقي واحد يقول وشو هاه مدري ايش ....
------
والله وذاك اليوم كن مصدع مرررره وكان الوقت تقريبا الساعة ثلاث بعد المغرب ( مادام هذا اولها ينعاف تاليها ) المهم واطلع من بيتنا وانا لابس بنطلون جنز برتقالي مخطط باخضر فسفوري ولابس فنيلة علاقي وشماغ فلسطينيين ( هدية من ياسر عرفات ) والله واتلطم لأن كان الوقت مطر وغباااار مرررره ( معين تجيك العافية ) وكان من شدة الضلام ذاك اليوم الشمس ساااطعة
اهم شيء والله راسي ماعاد الا ينفجر من الصداع والبلاوي لأني كنت راعي علوم نص كم ...
اهم شيء والله اروح لخويي ( ابو سراج ) في خيتمه ..
قلت : هلا ابو سراج
قال : هلا والله
قلت : جايك في خدمة
قال : يالبية
قلت :هاه ماعندك حبوب تراي تعبان وطفشان مالقيت لي احد يبيع
قال : لا والله ماعندي الا اللي تبعي والشباب بيتجمعون الحين ولا اقدر اعطيك اسمح لي
قلت : طيب اجل انا استأذنك ابروح ادور لي حبوب قبل يدخل الظهر ثم تذبحنا الشموس
قال : زين
المهم انا رحت وبديت من مكان لمكان وكل ما اروح لأحد يعتذر يعطين
اهم شيء والله وتقفل الدنيا بوجهي
بصراحة مليت وانا ادور
اخر شيء قلت هالمحل ولا غيرة لأني تعبت والشباب ينتضرونن بالبيت
اهم شيء وادخل ذاك المحل الكبير اللي بالسوق
قلت : السلام عليكم
قال : وعليم السلام
قلت : لو سمحت عندك حبوب ؟
قال : تفضل ادخل جوى
دخلت جوى وامشي وامشي اهم شيء حصلت هندي واقف
قلت له : هلا صديق
قالي : هلا صديق
قلت كيهالا باي ؟
قال : تيقا
قلت : عندكم حبوب قال شوف هناك
قلت تعال عطني
اهم شيء عطاني اياهم في كرتون بني صغير وغطاه لونه اخضر
اخذتهم وحطيتهم بمخباتي وحاسبت
اهم شيء رحت للشباب بالبيت ولقيتهم ينتضروني على جمر
والله واعطيهم حبوب الكيرم واروح اجيب لهم الشاهي والقهوه والله ونجلس نلعب الى اذان الفجر ( الفجر اللي قبل العصر وبعد المغرب
اهم شيء والله يا استانسنا وناسة وفلة وسعة صدر ذاك اليوم
والله يافاتكم نص عمركم بس بصراحة طلعت روحي لين لقيت الحبوب وقررت اني ما افرط فيهم مدى الحياة
تحياتي لكم وشكرا لحسن الاستماع والان مع الاحوال الجوية ( متأثر بالاخبار )