قصتي مع جهازي ...

[Black Box]

السلام عليكم ...

أولاً أنا متحمس لجهازي عان لعبAة (GTA) لأني أدمنت الجزء الثالث إدمان وصرت أناL أسبوع عند أعيال عمي عشان ألعبها ...

وهذي مأسأتي مع الجهاز حقي :::

مرة قاعد ألعاب (فاينل فانتسي10) وكان الكوكا اللي قاعد أشربه جنبي ... وأختي الصغيرة عندي تطالعني وأنا ألعب ... وجا أبوي ينادي أختي تعشى ... وهي طالعة من الغرفة تحك رجلها بالكوكا ... وأنا اللي بغى يغمى علي ... المشكلة أني ثور أنا ... بعد ما حكت رجلها ما انكب الشراب ... بس من صرختي عليها نزت وخافت وهذي رجلها حتكت الكوكا ... انكب الشراب على الجهاز ... لااااااااااااااااااااااااااااااااااااا ...

وأنا طحت سب فيها لين ما تعب لساني ...

لو أني ما تعوذت من إبليس كان فقعت وجهها ...

وقمت أدور بنص محلات الخبر ... وفقدت الأمل بتصليحها ... كل واحد يقول جهازك ما في أمل يتصلح ...

لين ما الله قوى رجلي عشان أروح محل معفن في اخر مجمع الراشد ...

صلحها بس بغى عليه (580 ريال) ... قلت له خلها عندك لين ما أدبر لك ...

وللحين أجمع فلوسي لين أكمل المبلغ المطلوب ...

~~~~~~~~~~~~

الحين عرفتم سالفتي ... أجل انتبهوا تحطزن ببسي ولا عصير جنب الجهاز حقكم ...

ترى بيجي يوم بتعذبون مثلي ... إذا ما اهتميتوا بجهازكم ...

هذا اللي بغيت أقوله تنبيه لكم ...

وشكراً ,,,

[CV XBLOOD]

السلام ... تصدق يا أخي إني ما أحب آكل وأشرب وأنا ألعب !!
علشان أتجنب المشاكل أكثر ، ما ألعب إلا بعد ما يناموا إخواني كلهم ، علشان أروق وأتجنب المشاكل ، أو ألعب في غرفه لحالي وأقفل بالمفتاح وأبلعة !!:!

======
النقطة الثانية إلي حبيت أعلق عليها وهي ، المفروض إنك أول ما انكب البيبسي على الجهاز أو أي سائل آخر تطفيه علطول ، وتفكك الجهاز قطعة قطعة وتحاول تجفف القطع الداخلية وتمسح السائل بالماء النظيف علسان السكر ما يترك أثر ، وبعد ما تخلص جفف الجهاز بالهواء الساخن ( حق الشعر ) وركب الجهاز وانشاء الله بيشتغل .

وأنا حصل مع صاحبي نفس الشيء ، علطول أول ما انكب البيبسي على جهازه طفاه واتصل علي ، خلال يوم كان الجهاز عنده وإلى الحين زي الحلاوة ;-) وما أخذت منه ولا قرش !!:cool:

[Black Box]

لو أني عملت بكلامك ... بس راحت علي ...

جف الببسي على قطع الجهاز ... وصار صعب تنظيفه مع مراعاتي لحساسية الجهاز ...

شكراً على نصيحتك ... ;)

[CV XBLOOD]

يالله يا أخي ، خيرها بغيرها الواحد يتعلم من خطأه :-)

يعني الهندي إلي صلح الجهاز وش سوى ؟؟ مجرد تنظيف ?:

[Black Box]

الرسالة الأصلية كتبت بواسطة CV XBLOOD
يالله يا أخي ، خيرها بغيرها الواحد يتعلم من خطأه :-)

يعني الهندي إلي صلح الجهاز وش سوى ؟؟ مجرد تنظيف ?:

والله مدري ؟؟؟

صح بسأله ... (اسف غبي زيادة عن اللزوم) ... :D

[CV XBLOOD]

أخي حتى لو سألته ،، تتوقع يجاوبك الصدق ؟؟:واو: