المساعد الشخصي الرقمي

مشاهدة النسخة كاملة : اخبار ار بي جية !!


Angel whisper
06-11-2002, 03:18 AM
هلاو ..

اخبار الحلوين :) ؟؟

عساكم بخير وعافية ..

حبيت احطلكم كم خبر حلوين من موقع
all rpg (http://www.allrpg.com)

ونبدا ..

اصدار خاص من Tales Of Destiny 2 :

اعلنت نامكو انها راح تصدر اصدار خاص من لعبة TOD 2 للناس اللي راح

يطلبونها قبل ..

وراح يتضمن هذا الاصدار معلومات عن شهرة هاذي اللعبة بين محبين الاربي جي ومقابلات مع الممثلين الخمسة الاساسيين اللي سوو الاصوات

ومشاهد وعروض البداية لكل السلسلة ..

بالاضافة لفيلم عن العرض الخاص للعبة في Tokyo Game Show 2002

وهذا الاصدار راح يكون ياباني فقط ..

------------------------------------------------------------------------------------

Arc The Lad : Spirits Of The Dead Dusk
اعلنت سوني عن شخصيتين رئيسيتين للعبة Arc The Lad ..

واحد منهم هو Kharg .. ال guardian لبلاده .. وبطل النور .. وهو يمثل

البشر في هاللعبة ..

وهو يقاتل عشان يحمي ال Spirit Stones اللي توفر الطاقة والنور لبلاده ..

وهو يحمي بلاده من خطر مملكة ثانية تهاجم سفن مملكته الطائرة .. راح

يقابل بنت غريبة اسمها Lilia ..

ثاني شخصية هو Darc وهو من عالم الشياطين ..

ومهمته هي ان يسرق الكريستالات وان يحضر الظلام للعالم .. لانه اذا

سرقها راح يعطي الطاقة للشياطين اللي راح تخليهم يسيطرون على كل

شي ..

وفي اللعبة ... راح ينجرح في غابة .. وبتعالجه Lilia .. وراح يحس بمشاعر

تجاهها .. يمكن تغير وجهة نظره للبشر ..

وسوني ما اعلنت اذا القصتين للشخصيتين راح يكونون منفصلات او انهم

مشتركات ويا بعض ..

------------------------------------------------------------------------------------

Breath Of Fire Sound Track Details
اعلنت كابكوم تفاصيل الساوند تراك للعبة بريث اوف فاير ..

الساوند تراك راح يصدر في 21 ديسمبر في اليابان ..

Hitoshi Sakimoto (Final Fantasy Tactics, Tactic Ogre) and Yasunori Mitsuda (Chrono Trigger, Xenogears) هم اللي الفو اغاني وموسيقي اللعبة ..

وراح يحتوي على 49 اغنية على ديسكين ..

والدفعة الاولى من الالبومات اللي راح تنباع بتكون في اغلفة معدنية خاصة ومعاها كتيبات خاصة بعد ..

واغنية البداية للعبة اسمها Castle Imitation وراح تغنيها مغنية يابانية اسمها Chihiro Onitsuka...

------------------------------------------------------------------------------------

Square to use new software engine in Unlimited Saga
اعلنت سكوير انها راح تستخدم نظام جديد للرسومات واللي سموه Sketch Motion ...

واظن ان اغلبكم لاحظ في عرض هاذي اللعبة .. الرسومات الغريبة لها ..
اللي هي الاشبه باسلوب ال manga ..

من رسم الشخصيات بالاضافة الى الحوارات بين الشخصيات واللي تطلع فوق الشخصيات على شكل فقاعات ..

وعموما سلسلة ال sagaكانت معروفة دايما بالوانها اللي نقدر نقول عنها مائية .. يعني كانها مرسومة باليد بالوان مائية :6
watch this (http://world.altavista.com/urltrurl?lp=ja_en&url=http%3A%2F%2Fwww.playonline.com%2Fusaga%2Fflashsite%2Fsaga_opening.html)

-----------------------------------------------------------------------------------

هاذي هي اهم الاخبار اللي قريتها ..

وان شاء الله تكون عجبتكم ..

سلااااام :) ...
squall 911
06-11-2002, 03:25 AM
مشكوووووووووووووووووووووووووووووووووووووووووووووووووووووووورة على الموضوع ;-)
xenosaga
06-11-2002, 03:38 AM
مشكورة اختي على الموضوع المنسق والجميل;-)
سلاموف:-)
Neo Cid
06-11-2002, 05:20 AM
شكرا خيتو انجيل على المعلومات .. :)

توقعت أنج تبين تكتبين شوية عن فف11 .. :6 ..
بس ما عليه .. خيرها بغيرها يا نيو سيد .. :D

يعطيج العافية .. ;)

سلام .. :)
ديجيمون ماستر
06-11-2002, 06:05 AM
مشكور على الخبار الجديده ...:)
Angel whisper
06-11-2002, 06:09 AM
العفوووو جميعا :) ...

وانا بصراحة حسيت ان اكثر الاخبار يا سيد هي عن فاينال 11 .. يعني احسن لو اغير شوي ولا شو رايك :) ؟؟
Neo Cid
06-11-2002, 06:12 AM
الرسالة الأصلية كتبت بواسطة Angel whisper
العفوووو جميعا :) ...

وانا بصراحة حسيت ان اكثر الاخبار يا سيد هي عن فاينال 11 .. يعني احسن لو اغير شوي ولا شو رايك :) ؟؟

أوبسيييييييي ... :": ( عاد الحين وين أخش ويهي .. :" ) .. دبرولي صرفية .. :p

آسف خيتو .. خطأ مطبعي .. المفروض أقول فف12 ... مي فيري سوري .. :":
تعقدت .. أول مرة تمر جدامي لعبة فف جديدة وما ألعبها .. :أفكر:

سلام . ;)
E:man
06-11-2002, 07:43 AM
يعطيتس العافيه والله وما قصرتي :)

ويكفي اخبار FF طقت تسبودنا ولا لا نيو سيد :D
Auron
06-11-2002, 07:54 AM
مشكور على الاخبار الحلوه

يارب عجل في صدور انليميتد ساجا:6
ZIDANE TRIPLE
06-11-2002, 08:07 AM
مشكووووور;-)
MG4
06-11-2002, 08:13 AM
الف شكر على الاخبار


_________________


سلاموف

انت روسي ولا وش السالفه




والله من وراء القصد
Flanteus
06-11-2002, 10:43 AM
شكرا شكرا:0)
DEVIL RED
06-11-2002, 11:52 AM
مشكور على الاخبار
Neo Cid
06-11-2002, 11:07 PM
الرسالة الأصلية كتبت بواسطة E:man


ويكفي اخبار FF طقت تسبودنا ولا لا نيو سيد :D

اي والله .. عاد تصدق .. ملينا .. :D

أمس شريت وايلد آرمز و سيكيودين 3 .. و ادعوا لي بالتوفيق باللعبتين .. :p

و يسلم تسبدك خيو هيثم .. ":" :p :D
FF Expert
07-11-2002, 12:40 AM
مشكووووووووره على هذي الأخبار الحلوه

من زمان نبغى أخبار زي هذي

و على ما قالو نغير شوي عن FF لأن كل الأخبار عنه


يعطيكي العافيه على الموضوع;-)
M7MOOOD
07-11-2002, 03:35 AM
شكرا على الموضوع .. الله يعطيك ألف عافية :)
Angel whisper
07-11-2002, 09:06 AM
العفو والله يعافيكم :) ..

وان شاء الله بدورلكم اخبار ثانية اجدد واحلى :) ..
Justine
07-11-2002, 06:50 PM
يعطيكي العافية همس :)

اناشالله تطلع بريث اوف فاير على قد تصوري لها .... اصلا بعد ما شريت سويكودين 3 تحطمت و انقهرت :(
QaHir
07-11-2002, 07:39 PM
الف شكر على هذه الاخبار الرائعه ونحن بانتضار المزيد وشكرا لكي مرة اخرى .. :)
Touya
07-11-2002, 11:01 PM
الرسالة الأصلية كتبت بواسطة E:man
ويكفي اخبار FF طقت تسبودنا :D

والله معك حق.. انا شاركت في المنتدى اول مرة عشان منتدى الر بي جي.. وكانت فيه مواضيع واجد متنوعة... بس هاليوميمن كله... FF رايح FF جاي:" :" :"

زين لالقينا موضوع زي هذا يهتم بالتنويع:6


Bahamut Zero

آفآآآآآآآآآآآآ وشولن ماعجبتم سايكودن 3 لاتحطمني.. أنا مستني ذا الجزء من زمان وماتصدق قد ايش احب السلسلة... تعليقك حطمني:":

يمكن ماعطيت اللعبة فرصة؟:6
Angel whisper
08-11-2002, 04:55 AM
العفو جميعا :) ..

باهاموت ..
انا بريث اوف فاير مب عاجبتني ابدا .. اقصد الاجزاء اللي قبل ..
ما احبها :": ..
وان شاء الله يطلع هذا احلى ..

Touya :
خخخخخخخخخخ
طيب ولا يهمك برصلك اخبار ار بي جي وما بتكون عن فاينال فانتاسي ابدا :6
Pentium
08-11-2002, 05:29 AM
مشكورة يا أخت أنجل على هذه الأخبار....;)

أخبار رووووووووعة...:) الله يعطيك العافية
Justine
08-11-2002, 06:29 AM
الرسالة الأصلية كتبت بواسطة Touya




Bahamut Zero

آفآآآآآآآآآآآآ وشولن ماعجبتم سايكودن 3 لاتحطمني.. أنا مستني ذا الجزء من زمان وماتصدق قد ايش احب السلسلة... تعليقك حطمني:":

يمكن ماعطيت اللعبة فرصة؟:6

خخخخخخخخ صادق يا راجل صادق :p أول مرة احكم على لعبة بشكل مبكر .... يمكن عشان الاحداث الرئيسية ما بدأت الا بعد اكثر من ساعة <<<<< حرق عليك اللوعبة :D

صراحة انا لسه متأثر بسرعة قتال جرانديا اكستريم عشان كذا انقهرت من اللعبة بسبب بطء القتال و قلت انها بايخة :": :": :":

-------------------

همس الملاك : اممممم انا حبيت اللعبة عشان فيها تنانين و بس :":
فكرة اني العب برجل يتحول لتنين راقت لي كثير و ما ادري ليه :#
اصلا انا ما لعبت الا الرابع :)
Angel whisper
08-11-2002, 07:15 AM
الرسالة الأصلية كتبت بواسطة BAHAMUT ZERO

همس الملاك : اممممم انا حبيت اللعبة عشان فيها تنانين و بس :":
فكرة اني العب برجل يتحول لتنين راقت لي كثير و ما ادري ليه :#
اصلا انا ما لعبت الا الرابع :)

انا الرابع هو اللي ما عجبني

حسيته غبي بزيادة مادري :": ..

لدرجة اني ما لعبت في الا اقل من ثلاث ساعات وبعدين رجعته للمحل ..

مع اني في عمري ما سويت هالشي لاي ار بي جي لعبتها ..
Touya
08-11-2002, 02:42 PM
Angel Whisper..
هذا ازين شي سمعته اليوم... أخبار فاينال في كل محل... كل ماأرفع حصاة ألقاها:6

Bahamut Zero

هههه لامعي حق ولاشي سايكودن تثبت عمرها زي كل مرة.... أنا لعبت الجزئين الأولين... ومع أن الجرافيك متقارب... والموسيقى متقاربة... والخناق متقارب... بس مع كذا... كل وحدة أحلى من الثانية... خصوصاً في القصة! قصص سايكودن متميزة برونق خاص... بلا حب بلا قتال عشوائي بلاخرابيط.... هاذي الألعاب... في اول ساعة تكون شخصية عادية متوهق! توه خانك قائدك وبعد كم ساعة تلقى عندك قلعة توسع فيها وتدعي الناس إليها... انا عندي القصة والقلعة هم أكثر مايميز السلسلة! بس القصص... ولا في الخيال..:D

والله أنا مع اني ألعاب الألعاب الأولية لي مدة إلا أني للحين ماقيمت واحد منها... ليه أني أعيد وامسح السيف... الجزء الثاني عدته اربع مرات وكل مرة تقني أول مرة ألعبها:D

آسف يمكن اني هذرت واجد بس أنا لاقالوا لي اسم لعبة مثل سايكودن أسترسل في الحديث :6 (ياعيني:أفكر: )


بالمناسبة أنا استغرب كابكوم ليه ماسكه معهم غلط لازم يسمون البطل ريو وحتى لو كانت أر بي جي:6
Justine
08-11-2002, 04:32 PM
الرسالة الأصلية كتبت بواسطة Angel whisper


انا الرابع هو اللي ما عجبني

حسيته غبي بزيادة مادري :": ..

لدرجة اني ما لعبت في الا اقل من ثلاث ساعات وبعدين رجعته للمحل ..

مع اني في عمري ما سويت هالشي لاي ار بي جي لعبتها ..

حتى أنا انقهرت من اللعبة ..... خصوصا من زوايا الكاميرا الغبية ...


بس همس انا ما اعتبر نفسي من عشاق الRPG اذا ما نهيت اي لعبة تطيح في يدي من ذيك النوعية :)
بس حكاية الامبراطور العائد الباحث عن نصفه الاخر ( يعني الجزء الاخر من قوته مو عن حبيبته :D ) وقوة التنين كايسر ووو ...
لو سألتي عن تقديري للعبة فأنا راح أعطيها 83 %

--------------------

تويا : خخخخخخ انا ما استرسل الا مع لونار ..... يا ربي قد ايش احووووب هاذي اللعبة ... شخصيات رائعة تلامس العقل ...رومانسية عالية تخلج القلوب ... موسيقى حالمة ... رسوم كارتونية و عروض انيميشن مميزة باختصاااااااار لعبتي المفضلة :)


عموما صدقني انا اسف عزيزي :# عشان كدت اغير نظرتك في سويكودين 3.
Touya
08-11-2002, 09:50 PM
تويا : خخخخخخ انا ما استرسل الا مع لونار ..... يا ربي قد ايش احووووب هاذي اللعبة ... شخصيات رائعة تلامس العقل ...رومانسية عالية تخلج القلوب ... موسيقى حالمة ... رسوم كارتونية و عروض انيميشن مميزة باختصاااااااار لعبتي المفضلة :)


عموما صدقني انا اسف عزيزي :# عشان كدت اغير نظرتك في سويكودين 3. [/B][/QUOTE]

:D
ههه ضربت على وتري الحساس... اللي هو قبل كل أر بي جي في قلبي.
لونار! ياشيخ ذا اللعبة تسحر الواحد. أنا قيمت الجزئين وتمنيت أنهم يسوون الثالث بس للأسف:"

أحس أنها لعبة يطلق عليها مصطلح الأر بي جي من صج... تحس أن في عالم سحري وخيالي والموسيقى هي أكثر مايميز هالعالم. وقصصها الروعة... كلاسيك بمعنى الكلمة مع أن اللعبة كوجودة من قبل عشر سنوات و لكن لم أعيد إصدارها على البلايستيشن كانت ثاني ار بي جي مبيعات بعد فاينال الثامن:D

تقني أسترسلت أنا؟ يببببببببببببببه نكممممممممممممل":"

ياخي دراجون ماسترز ولابلاش
ولا جاليون يوم يرجع في الجزء الثاني o.O;; أنا يوم شفته رجولي قامت تنافض ماني مصدق اللي اشوفه:واو: تحس ناس يعرفون شلون يعفسون مخ اللاعب ويصدمونه.

لعنة الله عللى جيم أرتس مو راضيين يسوون جزء ثالث... حسبي الله ونعم الوكيل... بس مردهم مسوينة مسوينة:غضب: أنا وراهم والزمن طويل
Squall 9
09-11-2002, 12:55 AM
ههههههههه إنتقام
Angel whisper
09-11-2002, 03:41 AM
باهاموت :
انا بشكل عام ما اترك اللعبة الين ما احس اني لعبتها عدل وشفت اذا زينة ولا لا .. باستثناء هاذي اللي ما استحمليتها ابدا :": ..

Touya :
خخخخخخخخ
بحاول احطلك كم خبر هاليومين

ولونار بصراحة يعني .. انا ما لعبت الا ديمو لها .. وما عجبتني وايد .. يمكن لانه بس ديمو ..
وما حصلت اللعبة الا اصلية .. وكان في بالاضافة للعبة نفسها اشياء اضافية ..
بس السعر كان 400 درهم تقريبا وانا كنت مفلسة فما اشتريتها ..
وانا اقصد لونار 2 ..
Justine
09-11-2002, 11:26 AM
Toya : اقول روق و اجرب شاي الربيع ترا يمدحوه في اقوات الغضب :D
تدري في رأيي جيمز آرتس افضل شركة RPG في الساحة ... طالع انتاجها المتميز : سلسلة Grandia المبهرة و سلسلة Lunar الحالمة ... بصراحة شركة تستحق تكون الاولى في مجال الRPG و هذا اللي راح يصير و تذكر كلامي ....
ما في أحد يقدر ينكر انه كونامي تحاول تطلع لعبتها الجديدة لدنيا الشهرة ... و اكاد اجزم انها نجحت في ذلك ....
ملاحظة : لو تبي تستمتع بلعبة سويكودين 3 ابدأ اللعب بHugo ثم Chris ثم Geddo صدقني راح يطيح فكك السفلي من هول اللي تشوفه ;-)


همس الملاك : شكلك مثلي :0)
كل شهر لازم تنخرب ميزانيتي ... الحمدلله احنا في رمضان و الا كنت رحت وطي .... :p
تبين نصيحتي ... جربي لونار الاول ترا قصتها اكثر رومانسية من الثاني في حين الثاني يحوي مفاجآت و حقائق و قصص عميقة ...
Touya
09-11-2002, 11:46 AM
Bahamut Zero

والله انك تعجبني ياشيخ...:D
gamearts هي الunderdog في عالم الأر بي جي;)

Angel Whisper:
:! حسافة أنا كن ابشتري النسخة الأصلية بعد بس كنت مفلس:"

وأنا اقول لش نفس اللي يقوله لأخ باهموت زيرو
ألأول ثم الثاني... علشان أصلاً القصة متابعة... ولما تلعبين الثاي بتنصدمين صدمة ووقتها بتقولين منهو العبقري اللي كتب هالقصة... وشلووووووووووووووووون؟!:غضب:


جاليون.......
وهذا لغز لونار الأول والأخير

برأئي الشخصي هو الشخص الوحيد الي يعتبر زي سيفروث للي لعبو اللعبة... شرير بس بالغصب بتحبه

وهاذي صورة له من مانجا للعبة...للأسف ماعندي المانجا
D2D
09-11-2002, 11:57 AM
مشكور على المعلومات


اخوكم D2D:cool:
rose VIP
09-11-2002, 03:26 PM
الموضوع رائع Angel whisper

مشكوره عليه :)
Angel whisper
10-11-2002, 05:16 AM
BAHAMUT ZERO :
هههههههههههههاااي
اييه وانا الحين ناوية اشتري الثلاثي المرح جرانديا اكس وسويكودين 3 ووايلد ارمز 3 ..
يعني بعلن افلاسي التاااااااااااااام :6
وان شاء الله بنقب عن لونار وبشتريها ..
مع اني .. انصدمت بمشهد شفته في الديمو .. لما كان Hiro يتسبح .. وتدخل عليه Lucia :": ..
ياخي فضيحة هالمشهد :": ..

Touya :
انا كنت عادي بشتريها .. لو كان عندي فلوس طبعا ..
بس في كلا الاحوال ما كانت بشتريها ..
لان ماي ماذر كانت وياي ولو درت ان سعرها 400 بتكسرها على راسي :6
وتصدق .. رحت بعدين اشتريها وما حصليتها :(
وااااااااااااااو :واو:
هذا شكله كووووووووول
ياخي مثل Sephy بالضبط :واو:

D2D & RoseVIP
العفوووو :) ..
rushin_911
10-11-2002, 06:18 AM
مشكورة على الأخبار يا أينجل (و آسف لأني تأخرت بالرد)
BOY_THING
10-11-2002, 06:31 AM
مشكوره اينجل على الأخبار اللي تشرح الصدر ,,

خصوصاً اذا الواحد انقطع فترة عن النت .. و يبي كل شي جاهز :6
Angel whisper
10-11-2002, 06:48 AM
rushin_911 :
العفو اخوي ..
والمهم نشوف ردك :) ..

BOY_THING :
العفوو ..
وويلكم باك :) ..