كاو بوي
18-11-2002, 05:20 PM
مع إنسياب خطوط الشمس وقشعها لظلام الليل الحالك السواد ودخولها من خلال حديد الشبابيك ..
مع بدء دوران باصات المدارس الأهليه بالحواري والتلال لشقل البزارين والبزرات بعيونهم المغمصات ..
مع صحيان الشغالات من الفجور وقرقعتهن بالمواعين ..
مع بدء صياح ونياح حمودي ولد الجيران احتجاجاً على ذهابه للتمهيدي <-- من يوم درى اني لي دخل
بالتمهيدي ورياض الأطفال وهو مفجع الدنيا وكاره المدرسه
عندما ترى هذه المظاهر الطبيعيه أعلم أن يومٌ جديد قد بدء للتو واللحظه.
^ ^ ^
مقدمه بش
7 7 7
http://www.emoe.org/library/general/ramadan/gif/arabrmdn.gif
هّـل علينا رمضان شهر العباده والرحمه شهر الأعمال الصالحه.. نسأل الله أن يتقبل منا ومنكم صالح الأعمال..
من اللحين بديت اهوجس بعجاين السمبوسه وش أحسن ووش العجينه اللي ماتتعب باللف عجينة مطعم غوار ولا السنبله وطقتها من البقالات ...
ومين بيصير عليه فرش سفرة الفطور كل يوم وامطع الحلف انه ماينهك علي مثل العام ويخلوني اتولى السفره وملحقاتها..
وسرحت عاد انا سرحاني خطير على الصعيد الاقتصادي والارتوازي
أذكر مره سرحت ولاني بتـنزانيا جالسه بكوشه وجمبي واحد سح انه كاشخ على سنقة عشره بس شكله غريب مهوب مثلنا ياالأنس
والناس تسلم علي ويقولون لي مبروك ياعروسه بس اللي لفت لي نظري اني كنت احلى وحده فيهم
عاد اقووولك الفطور عندنا له تقاليد خاصه يتم على مرحلتين..
المرحله الأولى وابوي موجود يكون الأمن مستتب وماتسمع إلا هدوووء <-- الهدوء ينسمع ؟
وماتشوف إلا صوت طقطقة الملاعق <-- الصوت ينشاف؟
وجغ جغ جغ صوت دردبة الفمتو انا وحده عن نفسي ما أشربه إلا بطشت
واخخخم اخخخم واحد نشبت بحلدزه لقيمه <-- مفرد لقيمات القاضي
والشيره تنقط من بين اصابعه
واللي يفل السمبوسه بيكتشف حشوتها ويلعلع علينا همااااي قايلكم لاتحطون كراث
مع حشوة الدجاج <-- العرق دسّاس
اقول أش ولا كلمه الطبقه الكادحه مالها حق تعبّر عن رأيها (ودي اسكته بس
مدري وش اقول ) ولو فيك خير تعال لفها انت بكره
وتنتهي المرحله الأولى وتبدا الثانيه بعد مايطلع أبوي للمسجد
ومير يبدا المطامر على السفره
ونهب الصواحين <-- صحن صحون صواحين <-- التصريف الثالث من صحن
اللي يقحش جبنيه ويغبيها بجيبه واللي يتحضن الفطاير منظرنا تقل مجاعه يتضاربون من يصير أول عند باب جمعيه خيريه
وامي تصوت من بعيييد تقول انتم يالبنات بكيفكن تذابحن ماطاح من النجوم اخف للسما (حنا النجوم ) امّا اخوكم عطوه اللي يبي <--- تمييز
الحمد لله افطرنا وعبينا بنزين وشبعنا وعينا من الله خير..
تبدا مرحلة التهضيّـم عند تاش ماتاش <-- ووع ليه يجيبون زينب العسكري الشينه <-- وحده ماغارت
ونقعد نتهاوش على الاماكن كلن يبي الكنبه الوسطانيه لموقعها الاستراتيجي فيحدها قداماً التلفزيون
ويشاراً الريموت والتليفون
أما من ناحية الشمين تتيح لمن يربض بهذا المكان مراقبة الرايح والجاي
وكفش كل من تسول له نفسه يهّـرب مؤونه غذائيه لغرفته من دون علمنا..
ولكن لا يدوم الملاسن والهواش طويلاً حيثُ يدخل ابوي عائداً من الصلاة جالباً معه الهيبه اللي تخلي كل واحد يحط لسانه بلهاته و الهدوووء الذي يعم أرجاء البلاد من جديد..
ويتوسط الأسد ~ابوي~..عرينه ~الكنبه الوسطانيه الطرف المتنازع عليها ~
ونحن متسدحين ومتبطحين بأرض الله.. ومستعدين للضحك..
وبعد هذه الأحداث الداميه توصل الدفعه الثانيه من الأكل عشان نفك ريقنا <-- كل اللي اكلتوه بالفطور وتقولين نفك ريقنا؟
اما عن السحور فـا مافيه أية احداث تُـذكر لأنه وعلى بلاطه ماعمرنا تسحرنا وحنا صاحين وبوعينا الكامل ننود و ثلاثة ارباعنا نوووم لو ينحط لنا
حصى اكلنا وحنا ماندري
وكل عام ونحن إلى الله أقرب..
مع بدء دوران باصات المدارس الأهليه بالحواري والتلال لشقل البزارين والبزرات بعيونهم المغمصات ..
مع صحيان الشغالات من الفجور وقرقعتهن بالمواعين ..
مع بدء صياح ونياح حمودي ولد الجيران احتجاجاً على ذهابه للتمهيدي <-- من يوم درى اني لي دخل
بالتمهيدي ورياض الأطفال وهو مفجع الدنيا وكاره المدرسه
عندما ترى هذه المظاهر الطبيعيه أعلم أن يومٌ جديد قد بدء للتو واللحظه.
^ ^ ^
مقدمه بش
7 7 7
http://www.emoe.org/library/general/ramadan/gif/arabrmdn.gif
هّـل علينا رمضان شهر العباده والرحمه شهر الأعمال الصالحه.. نسأل الله أن يتقبل منا ومنكم صالح الأعمال..
من اللحين بديت اهوجس بعجاين السمبوسه وش أحسن ووش العجينه اللي ماتتعب باللف عجينة مطعم غوار ولا السنبله وطقتها من البقالات ...
ومين بيصير عليه فرش سفرة الفطور كل يوم وامطع الحلف انه ماينهك علي مثل العام ويخلوني اتولى السفره وملحقاتها..
وسرحت عاد انا سرحاني خطير على الصعيد الاقتصادي والارتوازي
أذكر مره سرحت ولاني بتـنزانيا جالسه بكوشه وجمبي واحد سح انه كاشخ على سنقة عشره بس شكله غريب مهوب مثلنا ياالأنس
والناس تسلم علي ويقولون لي مبروك ياعروسه بس اللي لفت لي نظري اني كنت احلى وحده فيهم
عاد اقووولك الفطور عندنا له تقاليد خاصه يتم على مرحلتين..
المرحله الأولى وابوي موجود يكون الأمن مستتب وماتسمع إلا هدوووء <-- الهدوء ينسمع ؟
وماتشوف إلا صوت طقطقة الملاعق <-- الصوت ينشاف؟
وجغ جغ جغ صوت دردبة الفمتو انا وحده عن نفسي ما أشربه إلا بطشت
واخخخم اخخخم واحد نشبت بحلدزه لقيمه <-- مفرد لقيمات القاضي
والشيره تنقط من بين اصابعه
واللي يفل السمبوسه بيكتشف حشوتها ويلعلع علينا همااااي قايلكم لاتحطون كراث
مع حشوة الدجاج <-- العرق دسّاس
اقول أش ولا كلمه الطبقه الكادحه مالها حق تعبّر عن رأيها (ودي اسكته بس
مدري وش اقول ) ولو فيك خير تعال لفها انت بكره
وتنتهي المرحله الأولى وتبدا الثانيه بعد مايطلع أبوي للمسجد
ومير يبدا المطامر على السفره
ونهب الصواحين <-- صحن صحون صواحين <-- التصريف الثالث من صحن
اللي يقحش جبنيه ويغبيها بجيبه واللي يتحضن الفطاير منظرنا تقل مجاعه يتضاربون من يصير أول عند باب جمعيه خيريه
وامي تصوت من بعيييد تقول انتم يالبنات بكيفكن تذابحن ماطاح من النجوم اخف للسما (حنا النجوم ) امّا اخوكم عطوه اللي يبي <--- تمييز
الحمد لله افطرنا وعبينا بنزين وشبعنا وعينا من الله خير..
تبدا مرحلة التهضيّـم عند تاش ماتاش <-- ووع ليه يجيبون زينب العسكري الشينه <-- وحده ماغارت
ونقعد نتهاوش على الاماكن كلن يبي الكنبه الوسطانيه لموقعها الاستراتيجي فيحدها قداماً التلفزيون
ويشاراً الريموت والتليفون
أما من ناحية الشمين تتيح لمن يربض بهذا المكان مراقبة الرايح والجاي
وكفش كل من تسول له نفسه يهّـرب مؤونه غذائيه لغرفته من دون علمنا..
ولكن لا يدوم الملاسن والهواش طويلاً حيثُ يدخل ابوي عائداً من الصلاة جالباً معه الهيبه اللي تخلي كل واحد يحط لسانه بلهاته و الهدوووء الذي يعم أرجاء البلاد من جديد..
ويتوسط الأسد ~ابوي~..عرينه ~الكنبه الوسطانيه الطرف المتنازع عليها ~
ونحن متسدحين ومتبطحين بأرض الله.. ومستعدين للضحك..
وبعد هذه الأحداث الداميه توصل الدفعه الثانيه من الأكل عشان نفك ريقنا <-- كل اللي اكلتوه بالفطور وتقولين نفك ريقنا؟
اما عن السحور فـا مافيه أية احداث تُـذكر لأنه وعلى بلاطه ماعمرنا تسحرنا وحنا صاحين وبوعينا الكامل ننود و ثلاثة ارباعنا نوووم لو ينحط لنا
حصى اكلنا وحنا ماندري
وكل عام ونحن إلى الله أقرب..