المساعد الشخصي الرقمي

مشاهدة النسخة كاملة : The hell it is, I didn't have those children


Arsene Lupin
20-11-2002, 12:32 AM
People turn to me and say:

"my children are starving. It's up to you to keep them alive."

and I say:

"the hell it is, I didn't have those children"



هذي كم جملة اخذتها امس من درس الجغرافيا...

كان يتكلم عن شعوب العالم... و ان فيه بعضها يعتمد على بعض... بس احيانا هالشي يضيع الشعب المعتمد عليه...



و عطانا مثال بسيط عليه... الي هو لو عندك قارب في المحيط... و عددكم 50 واحد... و معكم اكل يكفي 60 واحد...

و لقيتوا ناس بيغرقون... عددهم 50 واحد...

وش تسوون معهم؟ تنقذونهم؟

أكيد بنموت كلنا في الاخير...

ننقذ بعضهم؟

ممكن يسبب أزمه من ناحية الطعام...

نجحدهم و نطبق الجمله الي فوق؟ ... بمعنى ان مالك علاقه فيهم... كل واحد يدبر روحه...

ما ادري...




بشكل عام ابي اشوف آرائكم... يعني في الكلام الي في البداية...

او بشكل عام في الموضوع كله... يعني مفتوح للنقاش بأي شكل...
smoke
20-11-2002, 02:47 AM
كيف الحال .......؟
أكيد أرسين كاتب هذا الموضوع من الملل!
ليش؟
لأنه في ذا الوقت كل العالم تستعد للفطور .... والمنتدى يفضى!

أحب أغيظك و :6 ..... أنا أفطرت و أنت قدامك الله أعلم كم ساعة:D



أما بالنسبة لموضوعك ..... صراحة أنت حطيت معادلة صعبة .... إذا ما ساعدتهم يمكن يتضرروا ..... وإذا ساعدتهم يمكن تتضرر أنته !?: ?: ?:

وبعد تفكير عميق:أفكر: :أفكر: :أفكر: :أفكر: .............
إذا كنت أنا أقدر أساعدهم بدون ما أتضرر , وهم بعد يستحقون المساعدة

هذيك الساعة ممكن أساعد لكن إذا ما توفر أحد الشرطين عندها :

the hell it is, I didn't have those children
RPG_master
20-11-2002, 03:29 AM
والله مسأله صعبه جداً صراحة..

لكن بسوي نفسي ما شفت الي غارقين:#


اولاً:المثال لا ينطبق على اعتماد الشعوب على بعض..


في مية الف شعب تقدر تاخذ مساعدات بسيطة من كل شعب وتنقذ فيها الشعوب المحتاجه..


اما بالمثال حقك ما فيه الا قارب واحد(شعب واحده) يعني المفروض يكون فيه اكثر من مية الف قارب:D


ثانياً:كيف الحال:6 ؟
Anima
20-11-2002, 03:52 AM
انا ما حساعد ولا واحد منهم

عشان لما اساعدهم وتصير مجاعه والاكل يخلص
في بعضهم بيقفد اعصابه وبتصير مشاكل

وفي الي يقتل الثاني والي يتضاربون والي ياكل ذاك ومشاكل زي ما انتو عارفين
BANANA HAPPY
20-11-2002, 04:01 AM
في النهايه الكل بيموت...فأنقذهم احسن بدال ما اتندم بعدين على اني ما انقذتهم :6
Arsene Lupin
20-11-2002, 04:18 AM
المشكله مثل ما قلت... اذا ساعدتهم راح تموت انت وياهم...

و اذا ساعدت بضعهم... فيه ظلم للباقين...و احتمال كبير تموتون...


فالمشكله هل يكون هذا هو الحل؟ اجحدهم ؟





و بعدين يا شوشه هذا مثال بسيط... يعني افرض فيه قارب ثاني بس زحمه الي فيه... فطاحوا ناس منه و جو لم قاربك...





و بعدين فيه نقطة ثانيه ممكن تقنع الواحد انه يجحدهم...



نطبق هالشي على وضع شعب كامل... بيزود عدد الشعب اذا ركبناهم معنا في القارب...

و بعد فتره بيتم استهلاك الي في البلد كله... في هاللحظه بنموت انحن وياهم و عيالهم... يعني اضعاف الي كانوا بيموتون لو جحدناهم...


و تم حساب عدد الموتى في مثل هالموقف... يعني لو جحدناهم... يمكن ما راح يتعدى الي يموتون 10000 ...

بس لو ادخلناهم عندنا... راح يموت بعدين اكثر من 1000000 شخص...




و واضح الفرق هنا...




و شباب النقاش مو بس عن فكرة القارب... لو صار لك هالموقف...



يعني مثلا ممكن تطبق على الوضع عند بعض العوايل في السعوديه...

مثل الي افقر منه ما فيه... و يتزوج 4... و يجيب انواع المخلوقات... من وين يصرف عليهم؟؟؟

فيضطر يقول الكلام الي في النص....




و ما اشوف رد افضل من اخر جمله في النص...

the hell it is, I didn't have those children



و اي واحد عنده اي مثال ثاني ممكن ينطبق على هالمقوله يقوله... و ممكن نتكلم عنه....
Undine
20-11-2002, 04:35 AM
انا بقول مكلوفه اساعدهم؟بس اذا احد طلب مني مساعده

بساعده غصبن عني:":


و لقيتوا ناس بيغرقون... عددهم 50 واحد...

وش تسوون معهم؟ تنقذونهم؟

أكيد بنموت كلنا في الاخير...

ننقذ بعضهم؟

ممكن يسبب أزمه من ناحية الطعام...

نجحدهم و نطبق الجمله الي فوق؟ ... بمعنى ان مالك علاقه فيهم... كل واحد يدبر روحه...



بساعد الي اقدر عليه

واحاول ادور حل وشلون انقذ الباقين:":

بس اذا اشكالهم نذلين وموب وجيه مساعده:6

ادبر نفسي واجحدهم:#

بس بتجيني كوابيس بالليل واتذكر وجيههم:p
HArb200
20-11-2002, 04:51 AM
انتحر واكسر القارب واخش الاكل عنهم .. والكل بيموت :cool:
Angel whisper
20-11-2002, 05:10 AM
امم .. بستشير اللي وياي .. اذا وافقو على ان ننقذهم .. بننقذهم .. وبنخلي الوجبة اللي تكفي الواحد لاثنين ..

يعني نقسمها بينهم بالتساوي ..

والله بيبارك في الكمية وبتكفي الين ما حد ينقذنا ..

واذا خلص الاكل .. ومحد انقذنا ..

فعلى الاقل بموت وانا مرتاحة نفسيا ومب شايلة هم اني خليت 50 شخص يموتون بدون ما اساعدهم ..

وثانكس آرس عالموضوع :) ..
memy
20-11-2002, 06:14 AM
امممممممممم قرار صعب صراحه

بس اذا يستاهلون المساعده اساعدهم


و مشكور على الموضوع:)
Arsene Lupin
20-11-2002, 06:17 AM
you dumb heads ?:


the boat was just an example... try to understand the main idea in this topic.

my lab is much more interesting than you guys :"
RPG_master
20-11-2002, 06:24 AM
الرسالة الأصلية كتبت بواسطة Arsene Lupin
you dumb heads ?:


the boat was just an example... try to understand the main idea in this topic.

my lab is much more interesting than you guys :"

ههههههههههههههههههههههههههههههههههههههههههههههههههههههههههههههههههههههههههههههههههههههههههه:D :D :D
Angel whisper
20-11-2002, 06:33 AM
يعني اذا درسكم ممل انا شو ذنبي :o
Chad
20-11-2002, 06:43 AM
أحاول أقسم الأكل بيني وبيهم :)


اقول لا يكثر هرجك لاوقفل موضوعك
أحسن يا قوي:p
Arsene Lupin
20-11-2002, 07:05 AM
الرسالة الأصلية كتبت بواسطة king_kubaj



اقول لا يكثر هرجك لاوقفل موضوعك


لاوقفل؟؟ ?:

:6




انتحر واكسر القارب واخش الاكل عنهم .. والكل بيموت


هههههههههههههههههه صراحه احسن رد :D :D





طيب اذا كنت متأكد انكم بتموتون لو ركبت هالغرقانين معك... تركبهم ليش؟ (يالله خلينا الموضوع عن القارب، مبسوطين؟ :o )
Chad
20-11-2002, 07:08 AM
الرسالة الأصلية كتبت بواسطة Arsene Lupin
طيب اذا كنت متأكد انكم بتموتون لو ركبت هالغرقانين معك... تركبهم ليش؟ (يالله خلينا الموضوع عن القارب، مبسوطين؟ :o )
عشان لا حياه دون الأمل:6
Angel whisper
20-11-2002, 07:18 AM
عشان اموت وانا مب شايلة هم اني تسببت في موت 50 شخص بدون ما اساعدهم ..
HArb200
20-11-2002, 07:29 AM
اقول لاتسوون لي فيها رومانسيه .. اذا الدعوى خربانه خربانه ليش نتعب أنفسنا:o <<زووووووووووووول :p

طبعا الدعوى مزح ولا لو حقيقه من جد .. بشوتهم كلهم في البحر واعط بالقارب والاكل معي :6
Chad
20-11-2002, 07:31 AM
الرسالة الأصلية كتبت بواسطة HArb200
اقول لاتسوون لي فيها رومانسيه .. اذا الدعوى خربانه خربانه ليش نتعب أنفسنا:o <<زووووووووووووول :p

طبعا الدعوى مزح ولا لو حقيقه من جد .. بشوتهم كلهم في البحر واعط بالقارب والاكل معي :6

مسوي فيها سوبرمان بتشوت 49 شخص:6
Angel whisper
20-11-2002, 07:32 AM
الرسالة الأصلية كتبت بواسطة HArb200
اقول لاتسوون لي فيها رومانسيه .. اذا الدعوى خربانه خربانه ليش نتعب أنفسنا:o <<زووووووووووووول :p

طبعا الدعوى مزح ولا لو حقيقه من جد .. بشوتهم كلهم في البحر واعط بالقارب والاكل معي :6
يعني انت ما بتحس بالذنب لما بتعرف انك بيديك راح تحرم هالخمسين شخص من انهم ياخذون فرصة في انهم يعيشون ؟

يعني على فرض انك تركيتهم يموتون ..

وبعدها بيوم انقذوك انت واللي وياك ..

شو بتكون ردة فعلك ؟
Arsene Lupin
20-11-2002, 07:34 AM
تهاوشوا على كيفكم... معليش ما اعرف افكر الحين...


ابروح ارقد و ارد عليكم لاحقا...




سي ياااء
RPG_master
20-11-2002, 07:36 AM
احسن حل.....


اقولهم الحياة صعبه:#

كل واحد يدبر عمره:6
HArb200
20-11-2002, 07:38 AM
اي جي ,,
طبعا صراع على الحياة :cool:

اينجل ,,
كل واحد يصلح سيارته :) <<ومعها ذا الابتسامه .. (تحس ودك تصكه بأقرب بلكه :6 ) ,,
Angel whisper
20-11-2002, 07:43 AM
الرسالة الأصلية كتبت بواسطة HArb200
اينجل ,,
كل واحد يصلح سيارته :) <<ومعها ذا الابتسامه .. (تحس ودك تصكه بأقرب بلكه :6 ) ,,

ويا وجهك انا ما صدقت افتح سيرة نقاشية ويا حد الا وسكتيتني على طول :": ..
يلا مالي خص رد علي ولا تراني بحقد عليك :": ..
HArb200
20-11-2002, 07:51 AM
الرسالة الأصلية كتبت بواسطة Angel whisper


ويا وجهك انا ما صدقت افتح سيرة نقاشية ويا حد الا وسكتيتني على طول :": ..
يلا مالي خص رد علي ولا تراني بحقد عليك :": ..


خخخخخخخخخ .. لاخلاص برد :":

بس مدري وش أقول لأن ردك يذكرني بأبطال الأفلام اللي مسوين فيها عنتره .. يعني لو فعلن عشتي الموقف ماأعتقد أنك بتقعدين تساعدين ومدري وش .. هذي بالأفلام والرومانسيه بس . ":"

وبعدين لو ركبتهم معي بيعيشون دقيقتين ثمن نهلك كلنا .. خخخخخخ يعني حنا ندور في دائره مغلقه .. مافيه حل ينقذ الجميع .. فالأفضل تنقذ نفسك وتدعي للباقين بالرحمه :"
smoke
20-11-2002, 07:51 AM
والله صدعتونا أنتوا و موضوع القارب ..... المسألة أبسط من كذا .... اعتبروها أن أجالكم متسول لعندك ....... عاد أنته بتتصرف معاه حسب مزاجك , يا بتكون كريم و تعطيه أو يكون وجهك زي الجزمة و تصرفه!!!

ما في أبسط من كذا!
Angel whisper
20-11-2002, 07:59 AM
الرسالة الأصلية كتبت بواسطة HArb200


خخخخخخخخخ .. لاخلاص برد :":

بس مدري وش أقول لأن ردك يذكرني بأبطال الأفلام اللي مسوين فيها عنتره .. يعني لو فعلن عشتي الموقف ماأعتقد أنك بتقعدين تساعدين ومدري وش .. هذي بالأفلام والرومانسيه بس . ":"

وبعدين لو ركبتهم معي بيعيشون دقيقتين ثمن نهلك كلنا .. خخخخخخ يعني حنا ندور في دائره مغلقه .. مافيه حل ينقذ الجميع .. فالأفضل تنقذ نفسك وتدعي للباقين بالرحمه :"
ها ..
بس يعني حتى ولو ..

هو صح يعتبر من الغباء ان اسوي هالشي ..

بس .. انا عموما الغباء صفة لازقة فيني من زمان ..

فما استبعد اني اسوي هالشي ..

او على الاقل اساعد كم واحد ..

يعني انت معقولة بتستحمل واقع انك تتسبب في موت هالناس كلهم ؟؟
بصراحة هذا شي صعب ..

وبعدين .. انت ما عندك قلب تترك كل هالناس بدون ما تساعدهم :": ؟!
HArb200
20-11-2002, 08:21 AM
الرسالة الأصلية كتبت بواسطة Angel whisper

ها ..
بس يعني حتى ولو ..

هو صح يعتبر من الغباء ان اسوي هالشي ..

بس .. انا عموما الغباء صفة لازقة فيني من زمان ..

فما استبعد اني اسوي هالشي ..

او على الاقل اساعد كم واحد ..

يعني انت معقولة بتستحمل واقع انك تتسبب في موت هالناس كلهم ؟؟
بصراحة هذا شي صعب ..

وبعدين .. انت ما عندك قلب تترك كل هالناس بدون ما تساعدهم :": ؟!


بس لو ساعدتي واحد .. بيقولك ساعدي خويي واذا قلتي له لا ماأقدر .. بيقوم يشوتك بالبحر وياخذ خويه وينحاش ":" .. لانه وقت الهلاك مااعرف ابوي من امي .. الأقربون أولى بالمعروف :p .. وأنتي مايعرفك فمهيب بعيده يذبك في البحر .

هذا من نظرتي .. بس لو أمنتي جانب أحدهم ممكن أنك تشيلينه معك .
silverpaco_101
20-11-2002, 08:26 AM
خل عنك انت وياه كلام هارب صح اذا جا الجد و الله ما تعرف الا نفسك:6
RPG_master
20-11-2002, 08:40 AM
على فكرة...


راح من بالكم شي....










الرياض ما فيها بحر:D

يعني رجاء الي بالرياض لا يتفلسف:-) (انت اولهم)


والكلام يشمل ايضاً المدن الأخرى التي لا تحتوي على بحر:cool:
memy
20-11-2002, 08:53 AM
و عطانا مثال بسيط عليه... الي هو لو عندك قارب في المحيط... و عددكم 50 واحد... و معكم اكل يكفي 60 واحد...

و لقيتوا ناس بيغرقون... عددهم 50 واحد...


اول شي قال ارسين قارب مو سفينه

و عدد اللى فيه 50 و اللى يغرقون 50 يعني 100 ......يعني اصلا القارب بيغرق من العدد الكبير قبل لا يخلص الاكل

و اذا قالنا بنخليهم جنب القارب عشان ما يغرقون و نعطيهم اكل

راح يموتون من انخفاض درجه حراره الجسم .....و راح نموت من الجوع


يعني اتخيل اني راح اتركهم لانهم ميتين
عماد 18
20-11-2002, 09:51 AM
لا يؤمن احدكم حتى يحب لاخيه ما يحب لنفسه , صدق الرسول الكريم صلوات الله عليه و سلامه ..
قول لمدرسك الراس مالي احنا ما ندري وش يصير في المستقبل و الله امر اللي كانوا يذبحون عيالهم من الفقر انهم يتركون هالشي لان الرزق على الله :أفكر: ..
Lucky guy
20-11-2002, 10:16 AM
والله ادق على الهئيه عشان يوجد اختلاط :6
القــعـقـاع
20-11-2002, 10:41 AM
اقول ارسين

اياني و اياك تحضر مادة الجغرافيا مرة ثانية فاهم؟:6
sweet revenge
20-11-2002, 05:46 PM
السلام عليكم....

اكيد بنقذهم....وبالنسبة لسالفة الاكل فما اعتقد ان الاكل بينقص لو ساعدناهم....الله بيطرح في الاكل البركة....لو ما انقذهم...فالله راح يحاسبنا على هالشي....

انا ويا عماد فالي قاله....احب لاخيك ما تحب لنفسك.....والرزق على الله....
Arsene Lupin
20-11-2002, 06:26 PM
بالنسبه لكلام انجل وهارب... اعتقد هارب كلامه صحيح...



يعني الوضع معروف في القارب.. و حاسين انه اي زياده في عدد الركاب بيجيب اجلهم..

فصعب انك تعرض حياة 50 للخطر من اجل انقاذ خمسة او سته من الموت... و تخلي حياتهم معرضه للموت بدال ما كانت بتموت ?:




عماد... كلامك سليم... و نستنتج منه ان الخطأ على الي قاعدين يجيبون عيال في القارب الفقير... اذا منت قادر تصرف عليهم ليش تجيبهم من الاساس...

يعني لا تسوي مثل الي يجيبونهم ثم يذبحونهم... و لا تسوي مثل الي يجيب عيال و هو ما عنده شي يصرف على نفسه فكيف عليهم....




اياني و اياك تحضر مادة الجغرافيا مرة ثانية فاهم؟

علي اختبار بكراااا :"
عماد 18
20-11-2002, 10:01 PM
هذا اللي قدرك الله عليه :6 ..
انا ضربت مثال ..
و المؤمن للمؤمن كالبنيان يشد بعضه بعضا :أفكر: ..
يعني سالفة اني اترك مسلم عشان اكل هذه فكرة واحد ما ادري وش يبي ..
ان بعد العسر يسرى و غيره من الشواهد اللي تدل ان الله ان شاء الله ما راح يتركنا ..
اما خويك الراس مالي فما يفكر الا بالاحتمالات و الله عنده معجزات ..
Arsene Lupin
20-11-2002, 10:39 PM
الله عنده معجزات ما اختلفنا...

بس غلط انك تجيب عيال و انت ما تقدر تصرف عليهم... و تقول ابعتمد على معجزات الله...



فأنا معجبني هالرد :

The hell it is, I didn't have those children



لأنه يعطي درس لهالناس اللي تجيب مخلوقات في هالعالم و هي ميب قد مسؤولية الحفاظ عليها...





معليش متحمس شوي لهالفكرة :6

بس السبب اني قد قريت مره في جريده... عن واحد فقير في السعوديه... متزوج اظن اربع... و عنده 45 ولد ?:

و يسألونه كيف بتصرف عليهم؟ يقول الرزق من الله...

و نعم بالله... بس لازم تفعل الاسباب...

يعني فرضا ماتوا هال45 ... من المسؤول؟

انت يالفقير... لانك ما صرفت عليهم... ما تقدر؟ ... ليش تجيبهم من الاساس...
smoke
20-11-2002, 10:50 PM
الرياض ما فيها بحر



أنته و أفكارك هذي ..............هذا اللي طلع في راسك:D
MetalGear
20-11-2002, 11:27 PM
الرسالة الأصلية كتبت بواسطة Angel whisper
والله بيبارك في الكمية وبتكفي الين ما حد ينقذنا ..
..

انشالله :D ..

وكيف حد بينقذكم اذا بوسط البحر مافي شبكة جوال :أفكر: :p

اذا في وسط المدن الشبكة زفت :D

اجل كيف بوسط البحر :6 ..

(( ابي اعجزك :D ))
عماد 18
21-11-2002, 09:00 AM
الحين وش اللي حول الموضوع للعيال :! ؟!
انا اتكلم عن سالفة الانقاذ ..
و ضربت لك مثل اذا كان الله نهى عن اننا نقتل اولادنا خوف من الفقر فمبالك بانك تترك اخوان لك يموتون خوف من انهم يضايقوننا بشوية اكل ؟!
Angel whisper
21-11-2002, 09:03 AM
الرسالة الأصلية كتبت بواسطة HArb200


بس لو ساعدتي واحد .. بيقولك ساعدي خويي واذا قلتي له لا ماأقدر .. بيقوم يشوتك بالبحر وياخذ خويه وينحاش ":" .. لانه وقت الهلاك مااعرف ابوي من امي .. الأقربون أولى بالمعروف :p .. وأنتي مايعرفك فمهيب بعيده يذبك في البحر .

هذا من نظرتي .. بس لو أمنتي جانب أحدهم ممكن أنك تشيلينه معك .
انا من ناحيتي بساعد كثر ما اقدر .. وما اقولها .. على اساس اسوي نفسي سوبر وومان .. بس هذا اللي بسويه :) ..
Arsene Lupin
21-11-2002, 09:11 AM
العيال جزء اساسي من الموضوع... انتم الي قلبتوه لموضوع القارب...



يعني القارب كان مجرد تشبيه لا أكثر ولا أقل... بس أنتم أخذتوه على انه اساس الموضوع... كل واحد تخيل نفسه في هالموقف...وقال ايش راح يسوي...



اما اني اترك اخوي المسلم يموت جوع.... انا فعلا لست ملزم باني اكد عليه...

انا ملزم اني ادفع الزكاة... اذا دفعتها و جاني واحد في حالته... احتمال اني اقول له مالي علاقه فيك... عيالك و ابلش بهم... خاصة اذا كان من امثال النوع الي تكلمت عنه...




و بعيدن ماهي شوية اكل... أنت متأكد مية بالمية انكم راح تموتون اذا ركبتهم... طبعا الله قادر على كل شيء...

فهنا السؤال... تساعدهم ولا لا...



==============

ملاحظه: جاني سؤالين في الاختبار اليوم عن هالموضوع... و الله المنتدى صاير مفيد :cool:
RPG_master
21-11-2002, 09:27 AM
و الله المنتدى صاير مفيد :cool:

تقصد ردودي:cool: ..خاصتا رد الرياض هذاك:#
عماد 18
21-11-2002, 10:04 AM
اهاا ..
طيب ما دام الدعوة كذا ..
ياخي انا اتكلم بشكل عام ..
و انت ما دامك قادر انك تصرف او تساعد و لو بالقليل الي جايب عيال و مبتلش فيهم فهذا واجب عليك ..
ياخي انت ارجع من امريكا قبل لا تصير بوش نمبر تو :6 ..
@مـتـفـائــل@
21-11-2002, 12:32 PM
تدرون وش الحل























ترى انا دمروني اخواني من ذا الفيديو الله لا يرده ..







نسوي نداء الى قاعدة الدجيتال ..











صندييييييييييييد
ورماح والبشكه الطيبه كللللللهم ..تعال يا صندييييييييييييد




كل يوم واحد من اخواني يطب يقومني من النوم باسم جديد ..

شباب ابي حل .........؟؟؟؟؟؟:غضب: :غضب:
Lena
22-11-2002, 07:49 AM
مدري وش اقول

بس للاسف هاليومين زايد معي التتنيح:":

فما فهمت اي شي

الا ان ارسين يقول

الي ما عنده فلوس ليه يكثر العيال


اممممممممم تقريبا انا معك بالجمله ذي :)
عماد 18
22-11-2002, 08:58 AM
طيب اللي يكون عنده فلوس ..
لكن لما جاب عيال صارت عليه ظروف ..
مستحيل تقولون عليه شي ..
بعدين الرسول صلى الله عليه و سلم وصى بكثرة الاولاد ..
لانه قال فيما معناه انه راح يفاخر فينا الامم ..
على العموم هو فعلا اللي مو قادر يصرف المفروض ما يجيب فوق الحد ما اختلفنا ..
لكني كنت متحمس مع نقطة اننا ننقذ الناس و الا نخاف يخلص الاكل علينا :أفكر: ..
لانها فكرة راسمالية بحتة ..