VANGUARD BANDITS - تقرير -

[Angel whisper]

مسا الخير :) ..
لاحظت ان قلة من الاعضاء يعرفون هاللعبة ..
اللي هي فعلا من احلى العاب الار بي جي اللي لعبتها ..
فقررت اكتبلكم تقرير عنها ..


http://www.ex.org/5.5/images/vanguard_cover.gif

الاسم :
Vanguard Bandits
الجهاز :
PSX
النوع :
Strategy/RPG
الشركة المنتجة :
Working Designs

-----------------------------------------------------------------------------------

القصة :
لما المستكشفين الشجعان من الاراضي القديمة ابحرو لاول مرة في المحيط الواسع واكتشفو قارة Eptina تعجبو من جمالها الاخاذ ..
وبعض هالمستكشفين قررو انهم يستوطنون هالعالم الجديد الغريب ..
وبعضهم رجع لبيته ويا قصصه عن العجائب الطبيعية اللي شافها في الارض الجديدة ..
هالقصص الرائعة الهمت عشرات الالاف من المواطنين لانهم يغيرون الملل والروتين اللي عايشينه في الارض القديمة لاثارة الارض الجديدة..
لكن هالمستوطنين الجداد .. واكثرهم فقرا واميين ..
جلبو وياهم للارض الجديدة مساويء مجتمعهم القديم ..
الفقر .. الجريمة .. وحديثا .. الحرب ..
حدود القارة كانت مرسومة بالدم .. والامم اللي طلعت قاتلت بعضها على مباديء قومية ودينية .. ولاتفه الاسباب .. ولانبل الاسباب ..
السما اللي كان لونها ازرق رائع صار لونها اسود من دخان الغابات اللي احترقت ..
الانهار الصافية صار لونها احمر من كثر الجثث اللي انرمت فيها ..
والقارة اللي كانت من اجمل المعالم الطبيعية صارت اكبر دليل على قبح الانسان ..
وكثار توقعو ان حرب Eptinia هاذي ما راح تنتهي ابدا .. الين ما صار اغرب اكتشاف ..
في قلب مملكة Pharastia .. علماء الآثار اكتشفو ادلة على ان القارة كان فيها سكان من قبل ..
وسكانها اخترعو لانفسهم عدة رجال آليين عمالقة .. واللي سموها بعدين ATAC ..
وكل ATAC مثل فارس مدرع .. وطوله تقريبا 25 قدم ..
وبعد شهور من البحث والتحليل اكتشفو ان الATAC كان يشتغل بواسطة افكار قائده .. اللي كان مكانه داخل راس ال ATAC والالة بالتالي تقرا افكاره ..
وبقوة ال ATAC الهائلة ووجيوش مملكة Pharastia القوية .. قدرت المملكة على انها تسيطر على القارة بشكل كامل ..
وبعض الامم كانت تبغي تنفصل عن المملكة ..
لكن بعد ما شافو قوة ال ATAC الخارقة فضلو الاستسلام ..
واخيرا توحدت القارة .. وقواد Pharastia قررو بان قوة ال ATAC اللي كانت مفيدة جدا في الحرب راح يستعملونها الحين للحفاظ على السلام ..
واقوى ATAC اللي قاده الملك بنفسه خبوه في مكان سري ..
وباقي الATACs نشروهم في انحاء القارة ..
لكن المملكة ما قدرت تسيطر عالقارة لفترة طويلة ..
الحروب الاهلية بدات مرة ثانية ..
والمملكة وجدت نفسها وهي ما تدافع عن ملكها للقارة ..
ولك تدافع عن وجودها في هالعالم ..
وفي وسط حرب Eptina الثانية .. ظهر شاب اسمه Bastion ..
واللي قدره ان يتعلم دوره الرئيسي في تقرير المصير الاخير للقارة ..

يتــــــــــبع :
عالم Eptina ..

[RPG_master]

مشكوره على الموضوع...وننتظر التكمله :)

[NsaN]

بس ياريت لو تحطين شوية صور عن اللعبة...بيكون تقريرج احلى:)

و يعطيج العافية :)

[Angel whisper]

Pharastia Kingdom :
بعد سيطرتها على القارة ..
الملك ارسل نوابه لرئاسة الولايات المتعددة ..
لكن كثير منهم اغترو بقوة ال ATAC اللي عندهم وصارو فاسدين ..
والبقية المخلصة من جيش الملك بقيادة القائد Galvas Derid تسوي المستحيل لحماية الدولة من هجوم الامبراطورية ..

----------------------------------------------------------------------------------

Junaris Empire :
بعد ما اندلعت الحرب بين ولايات المملكة ..
قام مواطن غاااضب بتكوين حركة مقاومة ضد الحكومات الفاسدة ..
وجيشه المكون من المزارعين زاد بشكل كبير وكون امته الخاصة فيه .. Junaris Empire ..
ومع مرور الوقت بدات تظهر سعادته الكبيرة بالقوة اللي كان يقاومها ..

----------------------------------------------------------------------------------

Avalon Principality :
سكان هالمنطقة الرحل .. متواضعين وكادحين في عملهم ..
حاكم هالمنطقة كان دائما مخلص للملك وللمملكة ..
وللاسف .. هو كان عاجز عن تقديم المساعدة الكافية ل Galvas ..
لانه كان مشغول بالدفاع عن حدوده ضد Muspel Nation ..

----------------------------------------------------------------------------------

Muspel Nation :
بفضل مصادرها المعدنية اللانهائية ..
Muspel هي اغنى دولة في كل القارة ..
وهالامة اتخذت دور المحايد في هالحرب بين المملكة والامبراطورية ..
مع انهم كارهين وبشكل واضح ل Avalon ...
وفي اشاعة .. غير مؤكدة ..
تقول بان الدوق Radcot حاكم Muspel له علاقة مع الامبراطورية ..

----------------------------------------------------------------------------------

Nordilain Forest :
هالدولة المليئة بالغابات .. لها واحد من اعنف واشرس حكام القارة ..
الدوق Logan ..
والمعروف بلقب (( البربري الدموي ))
Nordilain تعمل مع الامبراطورية للسيطرة على المملكة ..
لكن هالتعاون مب سهل ابدا ..
خاصة وان Logan لاحظ ان الامبراطورية تعامله كشخص وضيع ..

----------------------------------------------------------------------------------

Duchy of Hibernia :
هالمنطقة المغطاة بالثلوج يحكمها اقرباء للعائلة المالكة في Pharastia ..
وهالمنطقة مكلفة بحماية المملكة ..
بالاضافة لانها ممكن تتهم بتدمير المملكة اذا ثبت ان حكومتها فاسدة ..
وعلى الرغم من هجومات الامبراطورية المتتالية عالمملكة ..
الا ان قائد Hibernia اللورد Alden ظل صامت بشكل غريب ..

----------------------------------------------------------------------------------

Dionne - Lehve :
هالدولة حكمت بنجاح بواسطة مجموعة من المحاربين العظماء..
وكل واحد من المحاربين مستعد لتقديم قوته لاي دولة تستحقها ..
والماركيز الحاكم حاليا ما قرر منو يساند.. المملكة او الامبراطورية ..
واختياره راح يغير من احداث الحرب تغيير جذري ..

----------------------------------------------------------------------------------

Southern Alliance :
هالامة تكونت بواسطة ملاك الاراضي ورجال الاعمال ..
بعد ما الدوق انهار وهرب من ارضه ..
ترك ارضه تحت رحمة Muspel ..
وكل مدينة في هالامة على درجة عالية من الاستقلالية ..
وكل وحدة منها صارلها القدرة على مقاومة هجومات Muspel ..

----------------------------------------------------------------------------------

يتـــــــــــــــبع ..
الشخصيات ..

[{gaia_girl}]

واو ثانكس على التقرير آينجل! كمليه! ^_________^ :D

[Angel whisper]

RPG_master :
العفو :) ..
وبكمل بعدين تعبت :( ..

Magenta :
الصور بحطها في وقتها :) ..
والله يعافيك ..

{gaia_girl} :
العفو ..
وبكمله باجر ان شاء الله :) ..

[RPGgirl]

مشكورة آنجل على التقرير :)

[Broken_Sword]

في عرض فلاشي رائع
لللعبة

على هذا الموقع

www.xeofreestyle.com

بعدين اختاري vanguard


صراحة انا شفت العض وما صدقت انو هذا على الفلاش

وملحقاته.

:D :0) :!

[Arsene Lupin]

مشكوره على التقرير...



هاللعبه بالذات ناشب اسمها في راسي... لان اذكر مره لقيتها في محل كمبيوتر... و كان حاط الغلاف حقها... صورة لإيفانجليون... تنحت حسبت نزلوا لعبه له...


في الاخير طلعت هاللعبه :6

[SUPER_SAIYAN]

اخييييييييييييييييييييييييييرا :o ... لقيت حد يكتب عن هذه اللعبة :D .. فكرت انه محد يعرفها ابدا :6 ..

مشكورة ANGEL على الموضوع :0)

والله يعطيج 1560 عافية :cool:
ويخليج ربي ":"

[رامشي]

اللعبة قديمة ، بس الحق ينقال، القصة حلوة جدا، والقتال ممتع، والموسيقى فيها رائعة جدا، وعرض البداية ممتع جدا، لكن هل في احد قدر يحللها ويطلع النهاية السعيدة فيها؟؟؟؟؟؟

انا الحمدلله قدرت أطلع النهاية السعيدة.

مشكورة Angel whisper على هذا التقرير الرائع

[BOY_THING]

مشكوره .. اختي اينجل .. من جد صادقه .. ما عرفت اللعبه الا من استعراضك الرائع .. لها


مشكوره :)

[Angel whisper]

RPGgirl :
العفو اختي :) ..

Broken_Sword :
مشكور اخوي عالعرض :) ..

Arsene Lupin :
يا هلا بارسين ^-^ ..
العفووو ..
والله اللعبة رهيبة لازم تشتريها ..

SUPER_SAIYAN :
والله انا شاريتنها بالصدفة :6
وادمنت عليها بعدين ..
والله يعافيك :) ..

رامشي :
العفو ..
وانا طلعت كم نهاية .. اظن 4 او 5 ..
ما ادري اي وحدة السعيدة ..
لان اللعبة مقسمةلعدة فروع ..
:) ..

BOY_THING :
العفو اخوي :) ..
وزين ان التقرير عجبك ..
والحين راح اكمله :) ..

[Angel whisper]

آسفة على التاخير شباب وبنات ..
لان البارحة كتبت وكل شي انمسح :": ..
يلا اكمل الحين ..

-----------------------------------------------------------------------------------

الشخصيات الرئيسية :

http://216.40.211.9/gfx10/i_vanguardbandits_ss.jpg
Bastion
تحت ارشادات ابوه الصارم والصبور Kamorge ..
Bastion يتمنى انه يصير جندي عشان يشن الحرب ضد الامبراطورية ..
وهو يتجول في الارض مع ابوه واخته الروحية Milea والميكانيكي Puck ويحاولون يتفادون الجيش الامبراطوري اللي كان يبغي يقبض على Kamorge ..
وفي الوقت الحالي Bastion يقضي اغلب وقته في التدريب على الاساليب القتالية لل ATAC ..

-----------------------------------------------------------------------------------

http://webpost.net/an/angelica/Faulkner.jpg
Faulkner
قائد الجيش الامبراطوري .. واقوى رجل على القارة ..
Faulkner مصر على غزو المملكة والانتقام لابوه ..
ولسوء حظ الجميع .. طموحات Faulkner ما وقفت عند هالحد وبس ..
لانه يبغي يحكم الامبراطورية .. والعالم من بعدها ..
وهو يستمتع بارسال Zakov عشان يسوي له اعماله القذرة ..
ويسمح للمجنون Madoc بانه يصنع له ATAC مجنون مثله ..

-----------------------------------------------------------------------------------

http://webpost.net/an/angelica/Sadira2.jpg
Sadira
هالاميرة مثل اي بنت عمرها 17 سنة .... شعلة من الحيوية ..
وعلى العكس من اخوها الكبير Duyere فهي تحس بان الحرب مع المملكة لازم تنتهي ..
وتبدا بشكل سري محاولات لاعادة السلام للقارة ..
وبآرائها السديدة .. والمقنعة .. راح تسهل مهمتها ..

-----------------------------------------------------------------------------------

http://webpost.net/an/angelica/Duyere2.jpg
Duyere
الابن الوحيد للامبراطور Degalle ..
هالامير الشاب ما يهتم باي شي غير عرشه اللي راح يورثه ..
واللعب بثرواته اللي ورثها ..
وما ينفع لاي شي غير اللعب والعبث ..
اخته الصغيرة Sadira محاربة اقوى منه بكثير ..
وDuyere يبقى قوي في المعركة بفضل ال ATAC اللي عنده Sarbeles واللي يعتبر من ال excavated ATACs ..

---------------------------------------------------------------------------------

http://webpost.net/an/angelica/Alden.jpg
Alden
معروف بلقب "Ice Wolf" ..
والشخص السيء الحظ هو اللي بيقاتله في المعارك ..
لورد Alden يحكم مملكة Hibernia الثلجية ..
وهو ظل محايد في الحرب بين المملكة والامبراطورية ..
واكتفى بانه يراقب الوضع بدل مما يساند احد الاطراف ..
وAlden يعتمد اعتماد كبير على Melior يهتم برايه ويدخله وياه في كل معاركه ..
وAlden يمووووت على الشطرنج ..
ويعتبر افضل لاعبينها على مستوى القارة ..

------------------------------------------------------------------------------------

http://webpost.net/an/angelica/Logan2.jpg
Logan :
قائد ال Nordilian Duchy ..
ما يحب اي شي كثر ما يحب مجد المعركة والنصر ..
وهو من اقوى المقاتلين على القارة ..
ويستخدم ال ATAC القوي Crimson في سحق اعدائه ..
زوجته توفت بعد ولادة بنته Claire بفترة قصيرة ..
وهو الحين يعتمد على Claire في دعمه معنويا ..

-----------------------------------------------------------------------------------

http://webpost.net/an/angelica/Zeira2.jpg
Zeira
قائد Avalon Principility ..
الدوق Zeira رجل متواضع يحكم Avalon بقفاز مخملي بدل من القبضة الحديدية ..
وبسبب احكامه الصائبة قدرت قواته على انها تدافع عن نفسها ضد هجمات الجيش الامبراطوري ..
وهو يعرف ان الوقت يمر بسرعة .. ولازم يتصرف قبل فوات الاوان ..
وهو يوثق ويقدر قواده المقربين منه جدا ..
وهم Kaidul, Ione, Reyna و Galvas ..

-----------------------------------------------------------------------------------

http://webpost.net/an/angelica/Dionne2.jpg
Dionne
الماركيز Dionne Lehve هو حاكم البلد اللي يحمل اسمه ..
وهو اجدد واقوى الحكام من سلالة Dionne Lehve الكبيرة ..
واللي اقسمو على انهم يحمون Gratia .. وهو الحجر اللي يزود ال ATAC الاسطوري Ultragunner بالطاقة ..
Dionne يحيط نفسه بمجموعة من المحاربين الاقوياء .. واهمهم النينجا Andrew ..
عند Dionne ال ATAC اللي اسمه Roaring Lion ..
ويعتبر من ال excavated ATACs ..

-----------------------------------------------------------------------------------

يتــــــــــــــبع ..
ال ATAC
..

[Angel whisper]

ATAC ..
هالكلمة اختصار لــ ( All Terrain Armored Combatant )
صنعوها على هيئة فرسان نبلاء ..
ومقواة بالقوة السحرية لل mystical stones ..
هالعمالقة الميكانيكية طورت فن الحرب ..
ال ATACالعشرة الاصلية جمعوها ويا بعض وسموها بال Excavated ATACs ..
هالعشرة انوجدت من فترة طويلة في ال Pharastia Kingdom ..
ودرسوها العلماء بدقة ...
وكنتيجة لهالدراسات العديد من الامم صنعتلها ATACs خاصة فيها ..
لكن ولا واحد منهم كان بمثل جمال وقوة ال excavated ATACs ..
ومع ان المملكة توقعت بان ال ATAC راح تجيب السلام للقارة ..
الا انها على العكس تماما زادت حرب Eptina الثانية دموية ..
وخلاها اكثر الحروب شراسة وعنف في التاريخ ..

----------------------------------------------------------------------------------

وهاذي بعض انواع ال ATAC اللي بتشوفونها في اللعبة :
http://www.rpgdreamer.com/rpgworld/vb/vb12.jpg
Ultragunner

Attribute : Light
Weapon : Eternus

اقوى ال excavated ATACs ..
هالATAC انصنع خصيصا لملك Pharastia ..
وفقط الناس اللي يحملون الدم الازرق للعائلة المالكة في Pharastia هم القادرين على قيادته ..

----------------------------------------------------------------------------------

http://www.rpgdreamer.com/rpgworld/vb/vb7.jpg
Sarbelas

Attribute : Earth
Weapon : Mystaria

كان قبل ملك للامبراطور Degalle ..
وحاليا يملكه ابنه Duyere ..
هالATAC ماله مثيل في السرعة والحركة ..
لكنه ضعيف في الدفاع ..

----------------------------------------------------------------------------------

http://www.rpgdreamer.com/rpgworld/vb/vb5.jpg
Crimson

Attribute : Fire
Weapon : Blood Blade

هال ATAC الغير عادي يقوده الدوق Logan ..
ومعروف ان الدوق يلاقي صعوبة كبيرة في انه يلقى حد يقاتله ..
لانه شي طبيعي ان اللي يقاتله يخسر على طول ..

----------------------------------------------------------------------------------

http://www.rpgdreamer.com/rpgworld/vb/vb54.jpg
Sylpheed

Attribute : Wind
Weapon : Steelburn

انسرق من وحدة من الامم الكثيرة اللي احتلتها الامبراطورية ..
وهو حاليا تملكه Sadira ..
ويقولون ان له القدرة على تصليح باقي انواع ال ATAC ..

----------------------------------------------------------------------------------

http://www.rpgdreamer.com/rpgworld/vb/vb8.jpg
Toreadore

Attribute : Wind
Weapon : Gunganir

هالATAC صمموه مثل خيول Avalon ..
وهو فعلا من اغرب انواع ال ATAC ..

ويقوده الدوق Zeira ..

----------------------------------------------------------------------------------

http://www.rpgdreamer.com/rpgworld/vb/vb2.jpg
Zulwarn

يملكه Faulkner ..
ياخذ قوته من كل شخص يقتله ..

----------------------------------------------------------------------------------

يتـــــــــــــبع ..
طريقة اللعب ..

[Justine]

مشكورة همس و يعطيكي العافية :)


يكفي انها من Working Design


متوفرة عندنا لكن بالياباني ... و أنا من بعد ما شريت Girls Side تعقدت من شي اسمه ياباني ....



بس ابي اسأل عن طريقة القتال هل هي استراتيجية زي بلاك ماتريكس و لا تعاقبية عادية ؟

[QaHir]

ابداع اخر تقرير شامل ومتناسق من كل النواحي .. ابداع وبعده ابداع تشكرين عليه كثيرا .. الموضوع سوف يتم نقله للميزه والله يوفق الجميع ..

[Neo Cid]

يه يه يه ..

يا انتي يا خطيرة ... :D

مشاء الله .. تقرير متواضيع و مميز .. :)

يعطيج العافية خيتو انجيل ... ;)

موضوع يستاهل أنه يكون ضمن المواضيع المميزة .. :D

لكن لي تعليق على اللعبة و الموضوع بشكل عام خيتو : :أفكر:
يعني خيتو ما عليج أمر .. اللعبة في وايد صلبان .. صليب .. ( مو عارف جمعة :": ) .. يعني على الأقل خيتو لو عندج برنامج تلوين أو رسم .. أنج تشيلين الصليب من على اي رسمة و صورة .. :)

لأني ملاحظ على اللعبة أنها متروسة هالسوالف .. جذي ليش ما شريتها .. :)

سلام . ;)

[AB666D]

مشكورة وما قصرتي

ننتضر المزيد



أحوي قاهر كل الألعاب فيه موضوع للدكتر زحفان غريبه ما دخلتوه بالمواضيع المميزة ؟؟؟؟؟؟

[Angel whisper]

BAHAMUT ZERO :
تقدر تقول انها تعاقبية واستراتيجية ..
لان الدور يمر بالشخصيات شخصية شخصية ..
ولكل شخصية ليست اوامر ياثر في المعركة وايد ..
راح تفهمني لما اكمل التقرير ..
باجر ان شاءالله ..
لاني ادور صور مناسبة اشرح عليها :) ..
والعفو .. والله يعافيك :) ..

قاهر كل الألعاب :
تسلم اخوي هذا من ذوقك :) ..
بس الموضوع صغير عالمميزة ?:

Neo Cid :
الله يعافيك ..
الصلبان مالها علاقة ابدا باللعبة ..
يعني هي موجودة على ال ATAC اللي اسمه Ultragunner حسب ما لاحظت وبس ..
يعني ما في تطرق للنصرانية او لاي ديانة في اللعبة ابدا :) ..

الخطير3021 :
العفو اخوي :) ..

[Flanteus]

شكرا ...بس اللعبة قديمة ولا جديدة :) ؟؟
وشكرا مرة أخرى
.........( بدا وقت الحماس ...من أول أنتظر نظام القتال ..وكيف راح يكون":" )

[ez2dj]

موضوع رائع أختي أنجيل وتسلمين :)

وهذي اللعبة كنت أدورها من أول ماقلتيلي عنها لين الحين وماحصلتها ?:


عليه العوض :6

[.MAy.]

يعطيكي العافية أخت أنجيل على الموضوع COOOOoooooOOOL :cool:

[Anime-Girl]

ماشاء الله عليك يا اينجل رهيبه دائم كالعاده ;)
وياليت القى هاللعبه ..القديم صعب تلقينه ولو لقيته يبيعونه الحراميه دبل لك :! ..من جد نصب واحتيال على الاصول..بس نحاول ندورها لو تستحق ;)
الف شكر اختي ^^

[Guilty Gear X]

الرسالة الأصلية كتبت بواسطة anime-girl
ماشاء الله عليك يا اينجل رهيبه دائم كالعاده ;)
وياليت القى هاللعبه ..القديم صعب تلقينه ولو لقيته يبيعونه الحراميه دبل لك :! ..من جد نصب واحتيال على الاصول..بس نحاول ندورها لو تستحق ;)
الف شكر اختي ^^

اشتريها اصلية بسعر زهيد بEbay.com
او محلات الالعاب الاونلاين تبيع الالعاب القديمة بسعر زهيد
او نزلي اللعبة من النت مجانا:cool:

[Angel whisper]

آسفة جميعا عالتاخير ..

بس للاسف ما لقيت اي صور تبين طريقة القتال ...

فبضطر اشرح كل شي بالكتابة :( ..

flanteus :
العفو :) ..

ez2dj :
الله يسلمك :) ..
يمكن تحصلها في سيتي سنتر دبي :) ..
انت وحظك :6

الملاك الصغير :
الله يعافيج :) ..

anime-girl :
الله يسلمج :) ..
واللعبة تستحق والله ..
والاصلية وياها ديمو لونار 2 :6 <<< تسوي دعاية للاصلية :p

[E:man]

يعطيتس العافيه :0)

تخبرينن لما استنجد بمساعدتكي في اللعبتي :p

هغغغغ طلعت ثلاث نهايات بالاصح انا واولاد عمومتي :0)

تدرين عاد من اكثر واحد بينبسط على التقرير ... هو ولد عمي الي خلاص اتخرج

من الجامعه يمووووووت عليها كان شبه مدمن عليها :D <<<وش يبي هو وقصة حياته:p

المهم ما اقول الا يا مال الفانكس :D <<<لا تسالين وش معناها الي اعرفه انه زين ?:

[Angel whisper]

طريقة اللعب ..

1- بداية اللعب :

اللعبة مقسمة لثلاث فروع .. branches ..

وهم ..
Kingdom branch ..

Imperial branch ..

Ruin Branch ..

وكل فرع مقسم لمجموعة مهمات .. missions ..
وفي كل فرع 20 مهمة تقريبا ..

وبعد ما يصير حدث معين في اللعبة ننتقل لشاشة فيها مجموعة اوامر ..

mission :
نبدا بها المهمة ..

Briefing :
وفيه واحد من شخصياتك يشرح ظروف المعركة ويعطيك نصايح تسهلها عليك ..

Interview :
خلال اللعبة .. بعد كل معركة تقريبا تقدر تختار هالخيار ..
في هالخيار راح يطرحون عليك شخصياتك اسئلة ..
ولااااااااااازم انت Bastion ترد عليهم لانك قائدهم ..
فبردك على اسئلتهم راح تخليهم يوثقون فيك اكثر كقائد لهم ..
وبعد تقدر تشوف مشاعرهم خلال هال interview ..
عن طريق مجموعة وجوه يحطونها تحت كل شخصية توضح احساسها ..
ممكن تكون معصبة او حزينة او حايرة او فرحانة الخ ..
لكن ما راح تقدر تتكلم الا مع ثلاث شخصيات وبس ..

Shop :
هالخيار متوفر تقريبا بعد كل حدث ..
ومنه تقدر تشتري اسلحة .. احجار .. وعناصر ..
ويفضل انك تشتري هالاشيا كلما يطلعلك هالخيار ..

Equip :
منه تقدر تغير equipment و ATAC الشخصية وتشوف ال status الخاص فيها ..

يتــــــــــــــــــبع ..
في المعركة ..

[Anime-Girl]

الرسالة الأصلية كتبت بواسطة Guilty Gear X


اشتريها اصلية بسعر زهيد بEbay.com
او محلات الالعاب الاونلاين تبيع الالعاب القديمة بسعر زهيد
او نزلي اللعبة من النت مجانا:cool:
مشكور على المعلومه ..بس انزلها من النت اصرف :p
خلنا نخلص اللي عندنا اول من العاب مدري والله متى :!
مشكوره اينجل على التتمه ..;)

[Angel whisper]

السموحة عالتاخير .. كالعادة كتبت وانمسح كل شي :": ..

في المعركة :

http://www.workingdesigns.com/games/playstation/vanguard_bandits/screen_shots/graphics/04.jpg

بعد ما تخلص اللي تبغيه .. اختار mission ..

وبعد حوار صغير بين شخصياتك راح تبدا المعركة ..

في الصورة اللي فوق اهم الاشيا الموجودة بالمعركة واللي بشرحها الحين ..

FP & AP Gauges :
موجودين بالطرف العلوي من اليمين بالصورة ..

1- AP : Action Points :
العداد اللي لونه ازرق فوق ..
كل شخصية لازم يكون عندها عدد يكفيها من ال AP عشانتقدر تتحرك وتقاتل في المعركة ..
واذا انتهت النقاط ما راح تقدر الشخصية على انها تقاتل او تدافع عن نفسها ..

2- FP : Fatigue Point :
تحت عداد ال AP ..
كل حركة تسويها الشخصية ان كانت مشي او قتال تخلي العداد يزيد ..
ولما ينملي العداد ما تقدر الشخصيةتقاتل لدور كامل ..

Terrain Status :
موجود على يسار الصورة من تحت ..
يخليكم تشوفون حالة ارض المعركة ..
3H :
يخليكم تشوفون مكانكم في المعركة ..
5% :
افضل الفرص القتالية ..
Plai :
نوع ارض القتال ..

وفي حالة انكم اشرتو على اي شخصية فراح يظهرلكم ال status الخاص فيها ..
ويطلع فيه اسم الشخصية وال HP لها ..

وبين فترة وفترة في المعركة افضل انكم تشوفون status الشخصيةعشان تعدلون فيه ...
عشان تشوفون ال status اشرو على الشخصية واضغطو على O ..
وراح تظهر لكم هالاشيا :

1- اسم الشخصية وليفلها والحجر المستخدم لها ..

2- عدادات ال FP & AP ..

3- نوع ال ATAC ..

4- عداد ال HP ..

5- حالة الشخصية النفسية ..
نجاح الشخصية خلال القتال يعتمد على حالتها النفسية بشكل كبير ..
وبشكل عام توجد 4 حالات نفسية ..
1- Calm :
ياثر عال agility ..
2- Angry :
ياثر على قوة الضربات ..
3- Sad :
ياثر على الدفاع ..
4- Happy :
ياثر عال Dexterity ..

ويرمز لهالاشيا بمجموعة وجوه ..
وكل ما كان الوجه اكبر كل ما كانت الحالة اللي يمثلها هي اللي مسيطرة على الشخصية ..

يتبـــــــــــــــــع ..

[E:man]

الرسالة الأصلية كتبت بواسطة Angel whisper
السموحة عالتاخير .. كالعادة كتبت وانمسح كل شي :": ..




خوذي راحتك وعلى العموم الموضوع حلو ويعطيك العافيه على التكملة :D

[Angel whisper]

نكمل ..

لما تضغط على ال start خلال المعركة راح تطلعلك مجموعة اوامر .. هاذي هي :

Units :
وفيها تشوف كل القوات المشاركة في المعركة ..
القوات المساندة لك راح تنكتب بلون ازرق .. والمعادية بلون احمر ..
وبتنقسم الشاشة لقسمين ..
اللي فوق تشوف فيه status الشخصية الماشر عليها..
واللي تحت يعطيك قائمة القوات ..
وموجودين مؤشرين في هالشاشة ..
الاول يخليك تشوف ترتيب الجيش من اليسار لليمين ..
والترتيب راح يكون على اساس الاسم .. الليفيل .. المدى القتالي .. السرعة .. وال HP ..
والمؤشر الثاني تحركه من فوق لتحت عشان تشوف الشخصيات والجنود واحد واحد ..

Map :
واضح انها الخريطة :6

Turns :
يعطيكم قائمة بادوار الشخصيات ..
ان كانو من قواتك او من اعدائك ..
قواتك باللون الازرق والاعداء باللون الاحمر ..

Tactics :
لما تختار هالخيار راح يتوضحلك الهدف من المعركة..
واللي مب ضروري انه يكون قتل كل اعدائك ..

System :
ويشمل :
cursor :
وتحدد منه وظائف الاسهم ..

V. Scroll :
يغير الشاشة على حسب دور الشخصية ..

Map Zoom :
يخليك تسوي زوم للشاشة على حسب النسبة اللي تبغيها ..

Status Box :
اذا خليت هالخيار على on بتقدر تشوف اسم الشخصية وال HP الخاص فيها لما تاشر عليها ..
واذا حطيته على off ما بتشوف هالاشيا ..

MSG. Speed :
Message speed ..
ومنه تحدد سرعة الكتابة في الحوارات ..
Slow, Normal او Fast ..

Sound :
Mono او Stereo ..

Battle Animation :
هذا من احلى الاشيا في اللعبة ...
لما تبدا تتقاتل ويا واحد ..
راح يصيرلك واحد من شيئين ..
يا اما انك تشوف مشهد anime مثل هذا :
http://www.workingdesigns.com/games/playstation/vanguard_bandits/screen_shots/graphics/03.jpg

او مشهد عادي جدا ..
مجرد ان يطلعون مربعين وانت تختار الحركة اللي تناسبك وتصير الضربة ..

وهالشي انت تتحكم فيه من هالخيار ..
اذا كنت مستعجل ومب فاضي فاختار off .. وما بتطلعلك مشاهد ال anime ...

واما اذا كنت فاضي ومروق فحط على on ..
وراح تستمتع باحلى مشاهد anime للحركات والضربات ..

Vibration & save ..
اعتقد انهن معروفات :) ..

يتـــــــــــــــــــــــبع ..

[E:man]

اقول وين الكونتينيو الي تحتسيتي عنووه :D

ولا لساع تعيبانه :D

ويعطيك العافيه :D

[Angel whisper]

anime-girl :
العفو :) ..

E:man :
الله يعافيك ..
وزين ان التقرير عجبكم :) ..
وان شاء الله بكمل باجر :) ..

[the_normal_boy]

اول مرة اشوف موضوع زي الأوادم


على العموم ترى اللعبة من ارقى الألعاب انصحكم بلعبها.

[E:man]

بالانتظار أينجل :)


الرسالة الأصلية كتبت بواسطة the_normal_boy
اول مرة اشوف موضوع زي الأوادم


على العموم ترى اللعبة من ارقى الألعاب انصحكم بلعبها.

هغغغغغغ اقول الي رد ذا الرد أسامه ولا ياسر :D

اتوقع اسامه نفس الاسلوب :p

[Touya]

السلام عليكم.... شلون فاتني موضوع حلو زي هذا... اللعبة قديمة وحلوة:D
واعجبتني كثير... بس لما جيت اخلصها انبطت كبدي بططططططططططططط:غضب:

النهاية اللي طلعت لي مليون بالمية هي أسوء نهاية:غضب:

شنهو حظي نحس:"

بس اللعبة حلوة...
وبالمناسبة ما أعتقد ان Working Designs هي اللي سوت اللعية?:

Working Designs شغلتهم بس الترجمة:D

ماعمرهم سووا لعبه من عندهم:0)

[SOLEDUS]

الصراحة هاذي اللعبة من أحلى الالعاب اللي لعبتها

خلصت نهايتين منها بس الثالثة ما قدرت أجيبها

أعتقد في آلي جديد تركبه احد الشخصيات وهذه بتكون النهاية الثالثة على ما اعتقد

أنا انصحكم تلعبون هاي اللعبة واللي ما يلعبها بيندم وايد وايد

أنا مسكين لأن سيديي إخترب:"

بحاول ألاقي اللعبة بأي ثمن

وشكرا إختي على الموضوع الحلو اللي يرجع الذكريات الحلوة

[SOLEDUS]

لو سمحتوا حد يعرف كيف أطلع النهاية الثالثة وهي عن طريق الحصول على آلي غريب بس ما عرفت كيف أطلعه

لو سمحتوا لو في حد يعرف ما يبخل علي بالجواب

[SanjiyaN]

i searched for the game but never found ithttp://heartchat.com/main-mask/f145.gif

thanks anyway http://heartchat.com/main-mask/f80.gif

[الميلاني3]

السلام عليكم ............

حبيت في البداية اشكر انجل على الموضوع الجميل عن اللعبة الاروع في رايي المتواضع و الشرح الوافي الي بدلته على لشان تساعدنا في فهم اللعبة اكثر و هي لعبة حلوة و خاصة اغنية البداية احسن اغنية للالعاب الاستراتجيه وحقيقة انصح الجميع بلعب هذه اللعبة و على العموم شكر كبير على الجهد الرائع

[Mr.Xbox]

شلون اجيب النهاية الثالثة او ATACK جديد لPASTEION ما ادري يمكن الاسم غلط

لقد انهيت نهايتين وباقي الثالثة شلون اجيبها ؟

وانتظر الرد على احر من الجمر