| Counter-Strike |برنامج البوتات وطريقة تركيبه!

[ThE_Hero]

بسم الله الرحمن الرحيم
في هذا الموضوع بنذكر طريقة تشغيل برنامج البوتات Ping Of Death Bot الـــ PODBot 2.5 وطريقة عمله داخل اللعبة * وقريباً طريقة عمل خرايط جديدة انت تصمم اسلحتها للبوتات!! *
*************************
تعريف برنامج PODBot : هو برنامج يساعدك للعب مع الكمبيوتر بمفردك دون الإتصال بالانترنت في لعبة Counter-Strike.
وهو تقريباً للناس اللي ماعندهم half life اصلي او اشتراك رقمي سريع مثل الـ DSL وهو افضل برنامج للبوتات حالياً واخر اصدار له هو 2.5 يمكنك تحميله إضغط هنا لتحميل PODBot 2.5 (ftp://ftp.trusted-network.de/pub/games/pod25ins.exe) حجمه 1.8 ..
وهو يشتغل على الابديت 1.3 و 1.5 بشكل جيد!
__________________________________________
طريقة اللعب: بعد تنصيب البرنامج وتثبيته بشكل صحيح على الجهاز لديك!
تقوم بدخول اللعبة وتذهب إلى PLAY CS ثم PLAY ON LAN ثم Create ثم تختار اي خريطة تعجبك مثال de_dust انتظر قليلاً بعدها سوف تقوم بالدخول إلى اللعبة بعد ذلك سوف تلاحظ دخول البوتات (لاعبين)!!
العب على راحتك!
** مميزات الاصدار 2.5 :
1- تستطيع قتل جميع البوتات.
2- اختيار مستوى البوتات صعب سهل متوسط!
3- اختيار اسحلة البوتات.
4- طرد احد البوتات.
5- إضافة بوتات بشكل سريع.
.... والكثير!
** طريقة التحكم:
طريقة التحكم سهلة جداً وبسيطة .. يمكنك ذلك بالضغط على زر (=) كما هو موضح بالصورة!
http://www.csmerkezi.com/bot/klavye.gif

وسوف تظهر لك قائمة فيها الخيارات التي تستطيع عملها
كما هو موضح في هذه الصورة
http://www.csmerkezi.com/bot/bot5.jpg

واختار ماتريد منها!!
اتمنى انكم تستفيدوا من هذا الشرح المبسط!
صورة من اللعبة (http://www.csmerkezi.com/bot/bot1.jpg)

تحياتي لكم

[محمدS.M]

مشكور على الموضوع ...
اريد ان اسال هل يؤثر هذا البوت على العب بالانترنيت او على LAN
؟؟

[ThE_Hero]

العفو اخي محمد!!
لايؤثر اطلاقاً وانا حالياً استخدمه في جهازي!

تحياتي لك

[العراقي17]

ThE_Hero

مشكور على الموضوع(مع اني اعرف كل الي بالموضوع) بس حبيت اشكرك على جهدك وحرصك على افادة الآخرين ;)

اخوك

MasteR

[ThE_Hero]

العفو اخوي العراقي17!!
لازم كل واحد يقدم شيء يفيد فيه الاخرين لأن في ناس مايعرفون شي عن هذا الموضوع! او كيفية عمله

ماشالله عليك تعرف تلعب CS :) :)
تحياتي لكم

[EAGLE 2000]

شكراً لك على الموضوع:)

[aldanger]

شكرا عالموضوع (الصراحة ما قريتة كله .. لاني اعرفة )

المشكلة انك تكتب موضوع بعدين بعد كم يوم بييجي واحد يقول كيف انزل البوت او كيف العب عالنت يا جماعة و يقعد يستنجد و يستضرخ وفزعة و معرف ايش!! و لما ما احد يرد يقول ليش ما تردون ما احد يريد يساعدني .. و يحط هذي الصورة :": (الظاهر هذي الصورة لها معجبين كثر!!)

بصراحة المفروض يكون موضوع واحد في وصلات لكل مواضيع الاسئلة المتكررة و هذا الموضوع يغلق و بثبت و نرتاح!! و اللي يسال عن شغلة مكررة خمسين مرة ينقفل موضوعة و ينحطلة لنك للموضوع المثبت و يبدي عاد يشغل مخة شوية و يدور في الوصلات اللي في الموضوع المثبت!! <<<< الاخ جاي بمخططات شريرة :D

اظن مرة عملوا هيك بمنتدى الفوتوشوب (يمكن بعدهة محطوطة .. اصلي هجرت الفوتوشوب من زمان :6 ) حطوا موضوع واحد و فيه كل الاوصلات للمواضيع المهمة .. او يمكن مو بالفوتوشوب بغير منتدى !! << الاخ مخربط اليوم!

المهم .. مشكور مرة ثانية .. و اسفين خرجنا عن الموضوع :6

[RichMan]

السلام عليكم


مشكور ThE_Hero على هذا الموضوع :)


بس ما قلت لنا وين بالضبط يتم التثبيت ؟ يعني في خيارات التثبيت اللي تطلع نختار اي ملف علشان التثبيت يصير فيه ؟ هذا انت ما ذكرته مع انه اهم شي :)


بالتوفيق

[ThE_Hero]

العفو اخوي EAGLE :)

aldanger كلامك كله صح وانا سويت الموضوع للسبب هذا لأنه واحد يرد يقول انتوا ماتعرفون الكونتر ستريك وماتردون علينا!!
الفكرة اللي قلت عنها سواها اخونا المراقب محمد في منتدى البرامج!! والصراحة فكرة جميل!!

العفو اخوي ريتش مان
انا حسب اللي عندي مـود !!
يتثبت على الملف هذا
C:\SIERRA\Half-Life
واعتذر لأني ماكتبته!

تحياتي لكم

[احمـ 9000 ـد]

لو سمحتوا ابي اعرف كيف احصل كونتر سترايك

هل سيدي ولا من الانترنت؟

لاني شفت صديقي عنده اياه بس بدون سيدي !!؟؟:أفكر:

[ahla game]

السلام عليكم

مشكوور اخوي هيرو

عراقي17 انت MASTER ?:

و الله ما كنت ادري :0) تتزكر في كوالتي اقلك صبر شوي لا تقتلني و انت معاك AWP و تقتلني :" (قصه محزنه :6 )



ومع السلامه
مع تحيات احلى جيم ":"

[ThE_Hero]

اخي احمـ 9000 ـد!!
اذهب إلى اي محل بيع العاب الكمبيوتر واطلب منه لعبة الكاونتر ستريك!!
وصدقني تستاهل انك تشتريها
تحياتي لك

[Pentium]

طيب هل يشتغل هذا البوت مع الماب Blood Strike ؟;)


و شكرا لك و الله يعطيك 100 عافية:)

[احمـ 9000 ـد]

هو بكم سعره؟

:D

[ThE_Hero]

Pentium
لا مايشتغل !! اعتقد في تحديثات للبوتات بس مادري من وين!

احمـ 9000 ـد
إذا تأخذ اصلي سعره تقريباً بالكويت 15 دينار!! احسب مادري..

تحياتي لكم

[احمـ 9000 ـد]

15 دينار (وندر فل :0) )

ذكرتني بايام السيجا
:"

[ThE_Hero]

إضغط هنا لتحميل WAY POINT الخاص بــPOD bot (http://www.geocities.com/r6tanya/download/waypoints.zip)

التفاصيل موجود بالملف

خريطة cs_mansion (http://www.geocities.com/r6tanya/download/cs_mansion.zip)

تحياتي لكم

[Goliath]

طيب..
فرضا انت وربعك عددكم أربعة ومايحمس حق teams تقدر تشغل هالبرنامج عشان يضيف لاعبين لكل فريق لين يتكون عندك عدد مناسب من اللاعبين؟

[ThE_Hero]

اكيد ...

انا قبل فترة سويت سيرفر على النت ودخلت اكثر من عشرين بوت مع الربع !!

تحياتي لك

[Pentium]

مشكور على جهودك أخي العزيز...........:)


و يا ريت إذا لقيت البوت الخاص بالماب Blood Strike ...تعطينا إياه....:)


و ألف شكر


;)

[مــهــنــد]

السلام عليكم

انا عندي لعبة كاونتر سترايك
الإصدار v43

انا حملت البرنامج حق البوتات لاكن يوم جيت اسوي له (سيت أب)
حمل شوي بعدين رفض يقول خطأ

انت قلت انه يشتغل على الابديت 1.3 و 1.5

طيب ممكن تعطينا أي واحد منهم علشان تقدر تشغل برنامج البوتات :(

الله يخليك :)

[ThE_Hero]

وعليكم السلام...
إذا تستطيع كتابة الخطأ الذي ظهر لك ...
المهم..
التحديثات لنسخة كاونتر ستريك (مود)
أول شيء تحديث الهاف لايف ... إذا مافي بالـCD تحديث له (ftp://ftp.barrysworld.com/pub/games/halflife/official_patches/client/win32/11081109.exe)
الأبديت (التحديث) من 1.0 إلى 1.3 (ftp://ftp.gamenews.ch/csv1113.exe)
التحديث من 1.3 إلى 1.4 إضغط هنا (http://www.9levelsunderground.com/modules.php?name=Downloads&d_op=getit&lid=5)
التحديث من 1.4 إلى 1.5 إضغط هنا (http://www.strikenet.com/cgi-bin/download/download.pl?files/cs_at/csv1415.exe)

إذا كانت سرعة الانترنت كبيرة (DSL ) يمكنك أختصار كل هذا في ملف واحد وهو مود الكاونتر ستريك كاملاً 1.5 وحجمه 121MB
إضغط هنا لتحميله (http://sorcererx.net/files/cs/csv15full.exe)

اتمنى .. اني ساعدتك
تحياتي لكم

[مــهــنــد]

مشكووووووووووووووووووور

ألف شكر

[ThE_Hero]

قولي النتجية معاك.........

[Rex]

مشكور أخ ThE_Hero , ما قصرت والله ;)

بس حبيت لو حطيت رقم الIP مال السيرفر الكويتي ...

لأني بعد ما حدثت عندي اللعبة صار ياخذ رقم الآي بي مال السيرفر بس...
:أفكر:

فياليت لو كانت بعد عندك سيرفرات أخرى من الامارات مثلا ((اذا في طبعا)).. تحطلي رقم الIp ..

وشكرا مقدما :) ...

[Rex]

آسف على الخطأ ...
المفروض يكون هالرد بالموضوع الآخر عن كيفية اللعب بالنت ...
:)
بس أرجو أن أجد الاجابه ...

سلام :D

[ThE_Hero]

REFLEX
العفو اخوي .. وهذا واجبنا

انا اتعامل مع اسم السيرفر.. إذا ماقدر يضيف معاك جرب تكتبهم داخل الكونسل .... وانت داخل اللعبة إضغط (ذ) واكتب
connect cs.qualitynet.net
or
connect cs2.qualitynet.net

انصحك بتحميل برنامج الــ GameSpy Arcade تقدر من خلاله اختيار الدول .. يعني مثلاً تختار على الامارات تطلع كل السيرفرات اللي في الامارات :)

تحياتي لك واتمنى ساعدتك بهذي المعلومات

[مـحـتـرف]

اخوي "the hero" ممكن عنوان تحميل برنامج GameSpy Arcade

اللي تكلم عنه ؟

ووممكن تجاوب على سؤالى !؟

انا عندي جهاز بالموصفات التالية

وندوز "98"

سرعة "1700"

الرام "255"

البانتيوم "4"

كرت الشاشة " Nvidia "

هل اقدر انى العب على الانترنت كاونتر سترايك بدون اي لاق ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[ThE_Hero]

مـحـتـرف
مواصفات جهازك تقدر تلعب فيها كاونتر ستريك وبشكل جيد .. ولكن على الانترنت يتطلب اشتراك سريع مثلاً DSL مايكون لاااااق... عندك

برنامج قيم سباي إركيد .... لازم تشترك عندهم وتنزل الملف (http://www.gamespyarcade.com/)

اتمنى ساعدتك بالمعلومات

[مـحـتـرف]

مشكور ,,,

بس عندي سؤال اخير ولو انى ازعجتك بس تحملني :)

انا نزلت كل التطويرات اللي قلت عليها

ابديت من 1.3 الى 1.4

ومن 1.4 الى 1.5

وكل شي اوكي بس يوم دشيت اللعبه يقولي

could not load labary client.dll
وعنوان ملف اللعبه

:غضب:

ارجوا انك تساعدني في حل هذه الازمه :(

[ThE_Hero]

العفو اخوي مـحـتـرف...
انزين انت نزلت الابديت من 1.0 إلى 1.3 .... اتمنى ترد علي بسرعة

[مـحـتـرف]

لا :(

[ThE_Hero]

اخوي "مـحـتـرف" ....
حمل الابديت من 1.0 إلى 1.3 ... وسوله setup
بعدين اعمل setup حق الابديت من 1.3 إلى 1.4
بعدين اعمل setup حق الابديت من 1.4 إلى 1.5

وبالترتيب .... وانشالله يشتغل معاك
انتظر الرد

[احمـ 9000 ـد]

شبابنا ابي منكم خدمه بسيطه جدا جدا ....

رفيجي عنده كونتر سترايك بدون سيدي

ويلعب ببوتات


ممكن العب كونتر سترايك بدون سيدي ؟؟؟

;)

واذا يصير ممكن تعطوني موقع انزل منه مجانا

وياه البوتات

(اذا ما عليكم امر)

:#

[ThE_Hero]

اخوي احمد ...
راجع اول صفحة بخصوص برنامج البوتات... لأن اسم الموضوع لبرنامج البوتات مادري ليش ماتلاحظ عدل ........

المهم اما عن الكاونتر ستريك .. منو قالك لازم تلعبها بـــCD

اللعبة بدون سيدي ....

انصحك تروح تشتريه افضل ... لأنها تستحق الشراء
تحياتي لك

[Rex]

البرنامج اللي من gamespy عجيب مره !! ;)

شكرا أخ ThE_Hero ... :)

[TTm1st]

شباب اذا مالقيتوا واو بوينت للخريطة الي تبغاها.سوي بنفسك واي بوينت
افتح على مجلد PODBOT حتلاقي ملف انترنت اسمهHOW TO MAKE WAY POINT افتحه و سوف يعلمك كيف صناعة الواو بوينت


----------------------------------------------

COUNTER STRIKEتعلم صنع خرائط (http://members.lycos.co.uk/ttm1st)

[TTm1st]

شباب اذا مالقيتوا واي بوينت للخريطة الي تبغونها.سوي بنفسك واي بوينت
افتح على مجلد PODBOT حتلاقي ملف انترنت اسمهHOW TO MAKE WAY POINT افتحه و سوف يعلمك كيف صناعة الواي بوينت


----------------------------------------------

COUNTER STRIKEتعلم صنع خرائط (http://members.lycos.co.uk/ttm1st)

[مـحـتـرف]

مشكور اخوي ذا هيرو بس سؤال :)))))))))))))))))))))))))))))))))

اذا شريت نسخه كاونتر سترايك 1.5 هل احتاج ابديت ؟؟ او اشبك على الانترنت والعب على طول ؟؟؟؟؟؟؟؟؟؟؟

وابي شفره بكونتر سترايك

اللي تسرع المشي الى الامام ؟

:D

[ThE_Hero]

العفو اخي REFLEX

شكراً لك اخي TTm1st على المعلومات ... وانا قد وضعت ملفات للوي بوينت في هذا الموضوع..

تحياتي لكم

[ThE_Hero]

مـحـتـرف
إذا شريت او حملت نسخة الــ 1.5 تقدر تلعب على الانترنت على طول..
تحياتي لك

[مـحـتـرف]

مشكور تعبتك معاي :) تحملنى :)

ابي شفره تسريع المشي الى الامام :D

[ThE_Hero]

اخوي مـحـتـرف انشالله مافي تعب ...
بس بقولك شي هو ان لعبة الكاونتر ستريك جماعية ويمكن وضع شفرات او كلمات سرية ...
بس في أشياء تقدر تسويها مثلاً إذا انت مسوي السيرفر على جهازك..
مثلاً: الجاذبية تقدر تفتح الكونسل وتكتب sv_gravity 200 او اي رقم وهذا يتحكم بالجاذبية الارضية .. وفي كذا حركة شوفها داخل الملف المرفق..

اتمنى ساعدتك بهذا الشيء
تحياتي لك

[TTm1st]

يا أخونا المحترف لن تستفيد من شفرة تسريع المشي لانها لعبة جماعية يعني اذا كنت مثلا السيرفر و حطيت شفرة ما فانها تطبق على بقية الاعبين......ليس عليك وحدك

[ThE_Hero]

TTm1st
شكراً لردك وإضافة بعض المعلومات....

تحياتي لك

[*Bo_Sh6ap]

السلام عليكم اخوي ممكن تقولي ما فائدة


WAY POINT الخاص بــPOD bot



و ممكن طلب


أبي كاونتر سترايك 1.5

ملفها
ممكن

وشرح كيفية التحديث وجزاك الله خير

[ThE_Hero]

اهلاً اخي *Bo_Sh6ap
فائدة الــوي بوينت .. هو جعل البوتات تلعب على اي خريطة غير الأعتيادية...
طريقة التحديث سهله جداً ... مجرد إنزل الملف من هنا (http://www.strikenet.com/cgi-bin/download/download.pl?files/cs_at/csv1415.exe) واعمل له setup وسوف يكتمل التحديث ....

تحياتي لكم

[احمـ 9000 ـد]

ماشاء الله عليك ذا هيرو

كفيت ووفيت

وانا قاعد انطر اشتري اللعبة في اقرب فرصة

;-)

[ThE_Hero]

اهلاً اخي... احمـ 9000 ـد
وهذا مفروض يسويه.. كل واحد عنده بعض معلومات عن الألعاب...

أن شاء الله تشتريها... وعطني خبر

تحياتي لـــك

[مــهــنــد]

اخوي ThE_Hero

أولاً اشكرك على البرنامج الرائع

ولاكن عندي مشكله صغيره

اني ما اقدر ألعب مع البوتات في الخرايط اللي حملتها من الإنترنت ؟؟

يعني كيف ادخل البوتات في الخرايط اللي انا محملها على اللعبه ؟

وشكررررررراً
:)

اخوك/مهند

[ThE_Hero]

عفواًً اخي مــهــنــد....
المشكلة قد تستطيع حلها.. بنفسك... لذلك تحتاج إلى الــWAY POINT اللي يكون فيه كثير من الخرائط... الغير متوفرة في الأصدار... 2.5
حاول تبحث عن الــWAY POINT من خلال موقع www.google.com ...
ان شاء الله تجدها..

تحياتي لك

[مــهــنــد]

اخوي ThE_Hero

لا خلاص الحمد لله حليت المشكله :0)

وهي انك تنسخ ملفات الخريطه كلها

وتحطها في مجلد البود بوت

و تحطها في كل المجلدات الموجوده في ملف البود بوت

وبعدين تروح تلعب وراح يطلعون لك

وبس ;-)

[Snake-87]

أخوي مشكور أولا
إذا شريت الكوبي(دينار ونص) يصير ألعب على الانترنت ؟؟؟
أو في حركة أو بوت يصير ألعب على الإنترنت؟؟؟؟

[ThE_Hero]

اهلاً اخي soper sonic ...
شاهد في توقيع موضوع كيية اللعب على الانترنت ... وإقراء الموضوع جيداً
وهناك ذكرت كل المتطلبات...

تحياتي لك

[*Bo_Sh6ap]

أخوي ذ_هيرو


WAY POINT

بس مو راضي يدخلون


نفس الشيء


و انا هست شوي بالملفات


وفجاة ييت بلعب


ولا المراحل اصبحت مراحل هاف لايف


والصراحه

طريقه حلوه

:p
إني ألعب بمراحل هاف لايف ولا نفس الشيء بس مراحل هاف لايف

بس ما يدخلون

يقولون ما عندك

WAY POINT


وانا منزله قبل ما ادري إذا كان مو شغال


بس ممكن توضح بأي ملف يتم تنزيله

وكيف يتم تشغيله
__________________________________________

موضوع ثاني ألحين


أخوي أنا عندي 1.3

بحدثه شلون


ما أعرف أسويله سيت أب


ممكن تعلمني


بأي مكان حتى لو كان بالماسنجر


.........


:0)


آسف اتعبتك معاي بس يله مشها

":"

[ThE_Hero]

اهلاً اخي *Bo_Sh6ap ....
يجب انك تنسخ الملفات الموجوده في الوي بوينت وتضعها في ملفات الــPODbot .. راح تشوف اسامي مراحل.... نزل المراحل هذي وراح يشتغل برنامج البوتات فيها... ملاحظه : كل مرحلة لها waypoint .... ابحث عن الخرائط ..

====
اما عن التحديث كما ذكرنا سابقاً ...
نزل التحديث من 1.3 إلى 1.4 .... وبعدين من 1.4 إلى 1.5 ... وطبعاً لما تنزلهم تسويلهم setup بالترتيب...

لآ ان شاء الله مافي تعب ... هذا إيميلي gogofriday@hotmail.com ...

تحياتي لك

[*Bo_Sh6ap]

جزاك الله خير أخوي


انا سويت ونسخت لي البود بوت بس ما سار معاي شيء راح أجرب مره ثانيه بس أنا محتار في التحديث لأنه عندي برامج لكاونتر وايده

أنا اعطيك أسامي البراامنج وانت قولي أيهي أول أنزل علما أنه عندي DSL


وكاونتر إللي عندي 1,3


نبدأ

1

csv13full.exe

2

csv1314.exe

3

csv1314HLMoD.exe

4

csv14fullHLMoD.exe

5

csv1415.exe

6

cs1005.exe

7

pod25ins.exe

8

csupdate.exe

9

waypoints.zip

هاذي كل ملفات كاونتر عندي

بس مو عارف أشغلها

أبدي بشنو ألحين








:أفكر:


أرجوا التوضيح أخوي هيرو لو سمحت


وجزاك الله خير

[ThE_Hero]

اهلاً اخي ......
سوا حق هذا سيت آب csv1314HLMoD.exe
وبعدين هذا csv1415.exe
بس... بالترتيب

[*Bo_Sh6ap]

أخوي ان شريت اصلي خلاص بس ممكن سيرفرات عربيه

وجزاك الله خير

وعيدك مبارك


وكل عام وأنت بخير



وماقصرت أخو هيرو


بس ممكن السيرفرات

:0)

[ThE_Hero]

وعساك من عواده... وكل عام وانت بخير...

شوف اخوي ... هذول سيرفرات شركة كوالتي نت:
cs.qualitynet.net
cs2.qualitynet.net
... إذا كنت تريد المزيد حاول تحمل برنامج
http://www.gamespyarcade.com/_img/layout/logo1.gif
إضغط هنا... لازم تسجل بموقعهم وتسحب النسخة (http://www.gamespyarcade.com/)
هذا البرنامج فيه جميع السيرفرات مجرد اختيار اسم اللعبة ومكان السيرفرات

تحياتي لك

[mastakilla]

ممكن تحط لي في ملف مرفق البوتات عشان وصلة تنزيل البوتات ما تشتغل

[ThE_Hero]

مع ان الوصلة شغالة 100% ...
هذه وصلات اخرى:
1 (http://scifi.pages.at/holiday1965/download/podbot25.zip)
2 (http://www.gamecenter.cz:8888/filecenter/pod25ins.exe)


تحياتي لـك

[mastakilla]

مشكوووووووووووووووووووور


الوصلة اشتغلت

[ThE_Hero]

العفو...

[}{Bo-3ZoOooZ}{]

ممكن برنامج way point لأنه ما يشتغل ..


و ممكن ماب cs_16fighter . fy_iceworld . fy_pool_day . cs_awp_map


مع تحياتي

[SILINT HELL]

مكشورين اخواني علي المشاركات بس انا بغيت اقول اني انا عندجي كونتر بس الاصدار القديم

ودي في برنامج نفس الاصدار الجديد يشغل الاصدار الجديد ويلعب وياي الكمبيوتر

واذا مافيه ياليت تعطوني محل باكويت يبيع الاصدار الجديد ولا تعطوني موقع احمل منه البرنامج نفس ماقال اخوي العضو احم9000د

ومشكورين مره ثانيه :D

[jadzia_dax99]

معليش شباب سؤال غبي تحملوني
انا اللعبة اشتغلت معاي وركبت البوت ولعبت عن طريق النت كل حاجة تمام بس المشكله انه اذا بديت اللعب يكون معاي مسدس عادي
ومعاي فلوس لكن كيف اقدر اشتري اسلحة مثل الباقين مع اني حاولت بس ماعرفت ياليت تقولون لي كيف ؛؛؛؛؛
ومشكورين حبايبي <<<<

[brhoom]

كان عندي برنامج اسمه OgcHook704 كان يخليني اشوف من خلال الابواب و يظهر مكان الخصم على الرادار و يظهر من سلاحه خط احمر طويل و لكنه للاسف لم يعد يعمل على 1,3 فهل حد منكم يعرف برنامج مشابه؟؟؟

[ThE_Hero]

اسف على التأخير اخي }{Bo-3ZoOooZ}{ ... سوف اقوم بعرض وصلات الخرائط .. انتظرني فقط!!
===
العفو اخي .. SILINT HELL
لازم اعرف شينو رقم الاصدار اللي عندك عشان اعطيك الوصلات اللي تقدر تحمل منها الاصدار اليديد.... او تقدر تروح محلات في شارع بن خلودن في حولي... اسئل عن كاونتر ستريك راح يعطونك الاصدار اليديد..

===
اهلاً اخي jadzia_dax99 ... يبدو انك مبتدأ في اللعبة ...
جرب تضغط حرف الــB سوف تظهر لك قائمة بأنواع الاسلحة .. إذا تبي رشاشات ... اسلحة قناص.. مسدسات ... إلخ

===
اهلاً اخي ... brhoom مع احترامي لك .. هذا يسمونه غش ...
اللعب بدون البرامج هذه يكون افضل

تحياتي لكم ... ولمزيد من المعلومات تقدرون تكلموني على gogofriday@hotmail.com

..

[jadzia_dax99]

مشكور اخوي

الحين الواحد يعرف يلعب

[ThE_Hero]

العفو....

[Snake-87]

ممكن سؤال الله يخليك؟؟
ولا تعطيني وصلة جاوبني يس أور نو طال عمرك
تكفى ok??
السؤال: إذا كان عندي كونتر سترايك كوبي هل أقدر ألعب بالإنترنت عليه؟؟
وإذا يصير هل له رامج وتكفى بس أبي إيه ولا لا؟؟؟؟

[MoaeD]

اسف للإزعاج اخوي بس حبيت اسأل


بالشبكه المحليه (LAN) اذا لعبنا 3 هل يجي كمبيوتر يلعب مع الثالث ولا لازم البوت ؟


وبعدين التحديث من 1 الى 1.3 ما اشتغل اذا ممكن تشوف الوصله :)

[ThE_Hero]

اهلاً اخي soper sonic
شوف اخوي ... انا الهاف لايف اللي عندي (كوبي) او الكاونتر ستريك (كوبي) .... بس يبيلك Cdkey اصلي.... يعني رقم السي دي لك انت بروحك ..عرفت شلون ...
نصيحة مني: روح اشتر كاونتر ستريك اصلي.. افضل من التعب والبحث..
الجواب: لآ ماتقدر تلعب بكاونتر ستريك (كوبي)
====
اهلاً اخي MoaeD ... انشالله مافي إزعاج وانا لازم اجاوب على اسئلتكم وطلباتكم لأني حطيت الموضوع .. :) :)
...
يبيلك برنامج البوتات PODbot ... علشان يكمل مع رفيجك :) وتقدر تزيدهم على راحتك تقدر توصلهم 50 .. :)

تفضل هذا الأبديت:
1 (ftp.umn.ru/archive/games/halflife/cs/csv1113.exe)
2 (ftp.stack.nl/pub/users/davidd/client/csv1113.exe)
3 (ftp.tu-clausthal.de/pub/games/mods/counterstrike/csv1113.exe)
4 (clubarena.spb.ru/pub/files/CSV1113.EXE)

اختار اي وصله منها...
تحياتي لك

[Havoc]

مشكور اخوي ذا هرو على الموضوع

و لو ان ردي متأخر جدا

:)

ممكن تعطينا وصلات لخرائط فيها way point او موقع الاقي فيه الخرائط معدلة

و خاصة الخرائط مثل Iceworld3 و pool و deathmach

تحياتي ;-)

[*Bo_Sh6ap]

أخوي هيرو أنا عندي في الكوبي ألعب عدل وكل شيء غير الأصلي مع البوتات

ولكن بالماوس أودي فوق ما يطالع فوق يشمي جدام ( للأمام )


وإذا نزلت الماوس تحت يرجع وره ( للخلف )


وأنا بشوف فوق وما أعدل الكنترول لأنها مو موجوده وما أعرف أسم حركة

الماوس للأسفل أو للأعلى...

[ThE_Hero]

اهلاً اخي *Bo_Sh6ap
تأكد من التالي طبعاً في الكونترل
http://www.arab3.com/upload/images/Mar03/DIDO_adcs2.jpg

بعدين تدخل هني...
http://www.arab3.com/upload/images/Mar03/DIDO_adcs1.jpg

تحياتي لك..
===
اخي Havoc انا بحثت عن الوي بوينت ولم اجده...
تقدر تكلمني على الـgogofriday@hotmail.com ...

تحياتي لكم

[MEL C]

مشكور اخوي ذا هيرو..بس يرحم امك ابي خريطه آي وورلد مع الوي بوينت..:)

[ThE_Hero]

اهلاً اخي... MEL C
تقدر تذكر اسم الماب بالانقلش افضل.. لأني اول مره اسمع فيها ...

تحياتي لك

[كنفورو]

اخوي انا نزلت البرنامج لكن
بعد ماضغط على الزائد ماطلع لي ولا شي

ممكن تقول لي السبب؟

[okok]

السلام عليكم
انا عندي استفسار بخصوص بوتات كاونتر سترايك ..
انا ماأعرف شي عن اللعبه وبالصدفه لقيت محل يبيعها ونسخه عربيه
ويقول انها الجزء الاخير وتوه نازل الاسواق
المهم . . . انا ابي اشتري اللعبه ولكن سؤالي :
هل تشتغل اللعبه بدون الاجزاء السابقه ؟
هل أستطيع ان اشغل البوتات على السيدي العربي هذا ؟
واذا الاجابه ( لا ) أرجو ان تساعدوني شلون اقدر اشغل البوتات او السيديات المطلوبه عشان اشتريهم ...
وأسف على الأطاله وانا بأنتظار المساعده
ومشكورين جميعا
في امان الله

[احمـ 9000 ـد]

للرفع

احد افضل مواضيع المنتدى

[فهد---7]

نهاية رجل شجاع ThE_Hero :bawling:
كان طيب مــع الناس وكان يساعد الناس وكان خلوق وكان كريم مع الناس:bawling:

[aadddd]

اريد ان اقول لكم كل عام وانتم بخير

[sir lan]

thankssssssssss

[tarekkkk]

سؤال متأخر شوي انا سويت خريطة كيف اقدر اضيف way point إلها

[al7bxMaplestory]

مشكوور على الموضوع:wink2: