شباب محتاج مساعده في FF7

[E:man]

كل الي ابغى اعرفه هو كيفية الحصول على الشكوبو في FF7 وانا حاليا معي (على ما اظن )كل الادوات اللاومه لذلك لكن كيفية الحصول هي الي معقدة حياتي :( فلو سمحتوا طريقة الحصول ومشكورين مقدما
+) :cool: +)

[مغرم ال RPG]

أنا من زمان عنه بس لازم يكون معاك متيريا يعطيك إياها إلي يبيع لك العشب حق الشكوبو تحط المتيريا إكويب وتمشي على خطوات الشكوبو إلي في الخريطة بتدخل في معركة الموسيقى بتتغير(لا تنفجع) يجيك وحشان أو واحد ومعاه الشكوبو إرمي للشكوبو العشب واقتل الوحش قبل لا يخلص الشكوبو أكل لكن لو خلص الشكوبو أكل وإنت ما قتلت الوحش بيضربك الشكوبو وبعدين يهرب .

أن شاء الله أكون ساعدتك وع ليش طولت عليك
ملاحظة إذا ركبت الشكوبو وبعدين نزلت منه بيهرب.:o

[E:man]

مشكور اخوي مغرم ال RPG على اهتمامك ;)

الحين شباب انا معلق في اللعبه مره ثانيه :( الحين انا جوا طياره اسبحبها سباحه ههههههه +) فابغى اعرف وين اروح (على فكره فيه مهمه ما عملتها والمهمه عباره عن دفاع عن قريه نسيت اسمها بس على القرية تمثال على شكل صقر على ما اظن فهل هذي المهمه هي حل المشكله ?: )

[aeris]

مرحبا...أنا آيرس
عن سالفة الطيارة..فأنا أظن إن من اللزم إنك تحارب في هاذيك القرية الي ذكرتها وبعدين تروح مكان مثل فوهة بركان وشوف شو بصير.......

[Sleeping Dragon]

إيريس
بعد ما هزمت بامر في مدينة روكت وأهرب منها بالطائرة وين أروح (ياليت لو توضحين أكثر يعني وين صايرة بالخريطة )
ورحت مدينة يقولون فيها غابة نائمة الي يدخلها ما يطلع دخلتها وكملت مشي أربع دقائق وما صار شي

[alex]

هلا eman .. وينك من زمان ما شفناك ..


بالنسبة لحل فاينل فانتسي .... بعد ما تطيح الطياره روح فيها إلى جولد سوسر ( الملاهي ) وروح لبائع الأسلحه راح يقولك انه باع ال key stone لصاحب الملاهي ( ديو ) .... الحين روح لحلبة القتال وادخل المتحف الي على اليمين راح تلاقي الكي ستون اضغط عليه يجيك ديو ويقول إذا تبيه لازم تفوز في الدوري .... بعد ما تشترك وتفوز وتاخذ الكي ستون روح لـ temple of the ancent ... الموجود في آخر جزيره تحت في الخريطه ... شكله مثل الهرم موجود داخل غابه .... هذا هو الحل ... :)

[Sleeping Dragon]

ولكن المنطقة المحيطة بجولد سويسر طينية كيف أعبرها

[aeris]

مرحبا
يأظن إنك بعد ما تروح بالطيارة الي تمشي على الماي دور عن مدينة كلاود....يمكن!!!بس إنت جرب وأكيد بتحصل على المكان المناسب
بالتوفيق

[alex]

يا اركنانين روح للمدينه الي فوق جولد سوسر ( مدينة باريت الأصليه الي مليانه خرابه .... الي اول ما تدخل فيها يعطيك واحد بوقس :D ) وبعد ما تدخلها اركب القطار الهوائي وتروح للجولد سوسر ...... وبعدين انت يوم يسجنوك في الجولد سوسر قبل كيف طلعت ؟؟؟ ولا ما رحت للجولد سوسر قبل ؟؟؟

[E:man]

يا اخت aeris سويت الي قلتيه وما لقيت فوهة بركان يمكن تقصدين الهرم ؟؟؟

اهلين والله بالغالي alex
عاد انت تدري الاختبارات وش تسوي ;)

دورت على المدينة لكني ضيعتها تصدق ههههههههه فلو تقدر تحددلي مكانها اكون لك مشكووووووووووووووووور كثير

يا arcanine الغابة النائمة هذي يقولون انه فيه نبتة والله اعلم اذا صحيتبها الغابة بينفتحلك طريق ولو تلاحظ بالخريطة بتلاقي بنفس الجزيرة الموجودة فيها هذي الغابة فيه مدينة ثانيه ما تقدر تشوفها بسبب الجبال وما تقدر تدخلها بسبة هالغابة النايمه ههههههه فالظاهر لازم انا وانت ندور عن هالنبته (هذا شيء توصلتله بمجهودي فصح ولا خطأ+) )
اما المدينة فانا مضيعها فلو تدلني عليها :)

[E:man]

على فكرة laex وصلت للجولد سوسر مرة ثانيه لكن ما قدرت ادخلها ما ادري ليش لكن اول مره دخلتها لما ردت اطلع منها كان يجيني احيان عربة شكوبو تدخلني جوا المدينة هالمرة طلعتني برا وكل مره ادخل اضيع بالصحرا لين ما القا عربة الشكوبو وهي اطلعني برا المدينة خير شر ?:

[alex]

يا eman .... المدينه موجوده شمال جولد سوسر مباشره ... في نفس الجزيره ما بينهم شي ...... من عندها اركب القطار علشان تدخل الجولد سوسر ... اذا دخلت اتبع تعليماتي السابقه ......

وبالنسبة للغابة النائمه ما تروح لها الحين ..... بعد ما تاخذ الكي ستون من ديو وتخلص مرحلة الهرم temple of the ancent .... تروح لها وراح تلعب لعبة الحفر والبحث عن لونار هارب ... وهذي الأداة تفتح ممر داخل الغابة النائمة ....

[amruallam]

اقول يا e:man ترى فاينل فانتسي 9 احلى بكثير من فان فانتسي 7p:تدري ليييش ؟ اقلها ان فيها وحدة حلوة مثل جارنت فهمت ولا لأ وفيها بعد زيدان وفيهاوفيها............الخ ياريت ترد بسرعة واتمنى انك تكون عرفتني p:







أحسن لعبة حتى الآن على مستوى البلاي ستيشن 1 هي لعبة فاينل فانتسي بجميع مراحلها واجزائها

[E:man]

لقيتها يا اخ alex ومشكور كثير على مساعدتك وآسف لاني ازعجتك زياده عن اللزوم

شوف يا amruallam اول شي لما تسوي اسم ما تحط اسمك واسم عيلتكم حط اسمك او اسم تنكري يعني مو اسمك الحقيقي هههه ثاني شي فاينال فانتسي 9 حلوه لكنها ما هي الاحسن (باعتراف الخبراء) والأفضل هو السابع وبعدين انت صغير على سالفة حلوه هههه ومع كذا فيه في السابع tifa و aeris وما هم ماليين عينك ؟؟؟وبعدين فيها سكوال وباريت وسيد احسن من مليون زيدان ههههه وعلى فكره هذا الموضوع مو لمناقشة افضل جزء هذا موضوع طلب مساعده ولا ما تقرا العناوين

وعلى فكره ترا منتدى ريزيدنت ايفل قريب در فيه شوي يمكن تلاقي شي يعجبك ;)

[alex]

الله يسلمك eman ..... وأي طلب أنا حاضر ..

[E:man]

يا حول الله :( علقت مره ثانيه في منطقة الي جوا الهرم انا شفت سيفروث جوا المنطقه وماني عارف ايش سوي لان المكان يشبه المتاهه بل هي متاهه :( ?:
وآسف على الازعاج