الي الشباب في الدمام

[DANTI]

السلام عليكم يا شباب......عندي سؤال ياريت..
ماهو افضل محل dvd copy بالدمام (او الخبر طبعا)؟
انا اتعامل مع توي ستوري لكن حبيت اعرف في افضل ام لا
وهل تصدر الالعاب في الدمام بعد فتره طويله من صدورها بالرياض او جده؟
طولت عليكم........شكرا ;) :)

[Xenon]

السلام عليكم,,,
تبي الصراحة .. والصراحة راحة ...

كل محلات الشرقية من شرقها لغربها ومن شمالها لجنوبها ...

نصابين وحط عشرين خط تحت نصابين ..

اغلى ناس في المملكة وآخر ناس يجيبون ...


وأتمنى ومازلت أتمنى انه يطلع محل ممتاز في الدمام او الخبر ...

أنا في شراي ما اتعامل الا مع الرياض ...
اشرطة واجهزة وقطع .. وكل شئ ...

أعطيك مثال على النصبات لا وياليت نصبات بعض المرات شئ مايعرفونه ويقولون الا نعرف ..

اعطيك أمثلة...

في محل بيت الكمبيوتر من زمان أول مابدت قطع تشغيل الكوبي DVD تنتشر بالرياض وجدة .((المدن المتطورة))...

رحت أسأل اللي يشتغل في محل بيت الكمبيوتر بالخبر ((مع العلم انه محل مشهور والمحل الاساسي في الرياض ولكن أو مافتح فرع بالدمام بدأ النصب))...
قلتله متى تجي القطعة وكذا ..
بدأ بعطين يتفلسف ... ويقول ..
ياخيو هازا كله كزب بكزب كلام المواقع والاشياء هادي كزب بكزب .. اللي بيقول انه فيه إطعة (يعني قطعة) يفرجينا مش بس يقول وخلاص ..
متل المسل (المثل يعني) اللي بيقول انه الجمل صعد فوق النخلة ..
هادا الجمل وهاي النخلة .. شفت كيف ..
بدت فلسفته قلتله القطعة نازلة وانت جالس تتفلسف .. وفي لحظة وهو منسجم بالكلام والنصب سحبت رجلي وطلعت من المحل وهو جالس يكلم نفسه...


وفيه غيرها هذي قصة أول مانزل جهاز البلاي ستيشن2 في عام 2000م ..
رحت لمحل ألعاب طوكيو وسألته عن السعر وقالي 3000 ريال سعره آخر شئ ...

قالي ابوي ابدخل انا بكاسره .. دخل ابوي ولادخلت معاه .. وفجأة يطلع وسألته كم قالك قال ب3600?: ... ايش رايكم بالنصب .. شاف ابوي جاء قال خلني اصكه بمبلغ طبعا يا انه يكسب راعي المحل ان كان يقاله امين مع انه نصب .. أو يلهف ال600 ريال ويكتب بالسجل انه انباع جهاز ب3000 ريال ...


وفيه ثالثة ...محل كمبيوتري ... رحتله مرة بعد مابدت أخيرا تنزل العاب ال DVD كوبي بالدمام .. تحس مب مصدقين حطوا اعلان على المحل الآن قطعة بدون عناء للبلاي ستيشن2 .. مابقى الا يقطعون كيكة عشان جابوا القطعة اللي انبسطوا فيها اهل الرياض وجدة لين قالوا بس ....
على العموم نكمل .. سألته عن الاسعار .. وهذا ... وصكني بسعر 40ريال ((هذا أول الحين ب35 عند نفس المحل ويقاله رخص))...
قلتله خير وش تبيع انت .. بالرياض انا اشتري الالعاب هذي تدري بكم .. قال بكم .. قلتله ب20 ريال بسسسسسس ..
عاد الرجال مسكين انهبل .... والتصريفه جاهزة .... قال ايش ..
قال نسخنا غير نسخ الرياض ... حنا نسخنا أصلية من سنغافورة اما الرياض فنسخ تقليد من اماكن ثانية ...
بغيت أفطس ضحك ... شايفني ثور ولا وشو يضحك عليه .. حتى الكوبي صار اصلي وتقليد في الدمام ...

في الدمام بلاد العجائب والغرائب ...


وآخر السوالف امس .. عند نفس المحل كمبيوتري ....
وسألته عن الاسعار قال ب35 ((بعد مانزلت الاسعار ويقالهم نزلو))...
قلتله ليش غالي .. قال حنا ارخص ناس ...
عاد القهر بنفس المجمع فيه محل يبيع ب30 ..
قلتله فيه محل يبيع ب30 هنا جمبكم وتقولي ارخص ناس ...
قال حنا نجيب جديد هم يبيعون قديم ...


اللي يقول مرة مغرقنا محله بالالعاب ...
كلها صف واحد بس العاب ...

وصاجنا ....


وانا في جولتي لم أجد ولامحل تصدقون ولامحل يبيع للاكس بوكس كوبي ..

الامحل واحد ...فقط
وهو كمبيوتري في فرعين بالمخازن الكبرى وبمجمع الراشد....
فقططططططططططط



ادعوا للشرقية بالازدهار .. في علام الالعاب ...


وشكرا:D:D:D.

[DANTI]

الف الف شكر علي الموضوع الرائع يا playstation2 (صراحه انا معجب بمواضيعك الرائعه من زمااان واسلوبك المتميز)
اعتقد انك اخرجت كل غضبك في هذا الموضوع:) :) :)
تعرف انا حصل لي نفس المواقف لما كنت اسال عن قطعة الديفيدي كوبي.
كل محل يقول لي الاسبوع الجاي..الاسبوع الجاي ولما اروح (الاسبوع الجاي) يقولوا اللي بعده!!!!!!!!!!!!!!!!!!1?: ?: ?: ?:
معني كده اني يجب ان اذهب الي الرياض كل اسبوع.....:" :" :"
صعب جدا...خلينا مع دول و امرنا لله
شكرا مره اخري يا playstation2
وسلام:D :D ;)