المساعد الشخصي الرقمي

مشاهدة النسخة كاملة : موتري ...موتري.. قد لك دروبن طويله .. شد عزمك نبا نوصل حبيبن طرا لي


&الكويتي112&
04-12-2002, 12:51 AM
الووووو … قحطى فين … < === السموحه … الظاهر اني غلطان … :p .. من زمان ماكتبت موضوع بالمنتدى .. والله لكم وحشه يا هل المنتدى.. عساكم مرتاحين …. وعساكم من العايدين قبل الزحمه ..

الوكاد اليوم وبالتحديد الحين بكتب لكم قصه عسى ان ما تحوز على رضاكم … ويالله الحين بشد حزامي … يوووه نسيت صارلي سنه وانا بالمنتدى … يله كل واحد قبل لا يرد يجيب هديه …


كنت قاعد ببيتنا يوم الاربعاء قاعد اطالع صادوه … والا يدق علي ابو فهد …(عشيري صج مو من المنتدى) .. :

ابو فهد : مرحبا بالعشير …
انا : يا هلا … والله يا بو فهد …
ابو فهد : لو اقولك شي ماتصدق ..
انا : شنو .. ؟؟؟ ..
ابو فهد : اليوم الحبايب … يبون يخاونا الخط … (الخط بالوفره كله تقحيص جياتي وزدات ومن الكلام هذا) ..
انا : اشهد انك جذووب …
ابو فهد : وانا عند ربي صاج ..
انا : استعد يا كلج .. واخضع يا عنيد … :p (عاد انا عندي زد وجيتي كلهم بدون دفتر قاطهم بمزرعتنا ) خلاص انا الحين بروح المزرعه بالعيربانه (الددسن) واجيب الزد .. لعيونها … واصك الخط بوجهه .. خخخخخخخخ .. وامغطها الوفره .. وصادوه نسيته .. واصفط العيربانه .. بالمزرعه .. واخذ الزد … وطفيت الهدرز … عشان محد يكبس علي … وامغطها … الرقه (منطقتي-حارتي)
ومثل ما قال بن عوين …. : متعب القير بالتعشيق … والظغط عالي …

وانا بالطريق … مشغل … اغنيه … : موتري موتري قد لك دروب طويله … شد عزمك نبا نوصل حبيبن طرا لي ..
كلها سا عتين ابو العيون الكحيله … يصير قدام عيني ماهو وهم وخيالي …
وانا داش جو مع الاغنيه … واتعبت القير … والضغط ماينزل كله لكش بالقير <== يا ولد :p ..

ويوم وصلت الرقه دقيت على ابو فهد .. :
انا : اطلعي قدام بيتكم … يله بسرعه ..
ابو فهد : ابشررررررر ..
ويركب معي …
انا : وين الربع .. ؟؟؟ ..
ابو فهد : بدوانيه محمد ..

وامغطها واخذهم معنا … ونمغطها معهم للوفره …

ويو وصلنا هناك .. حول الساعه 11 بالليل .. ونقعد نتكي (يعني ناخذ راحه شوي) ونسوي لنا شاي .. ويوم صكت الساعه 12 .. ونشلعها … للخط … والا الشبيبه متكين والي فاجر المكينه والي فاجر القير .. ونشوف ذيك السياره الي قلبت وحده ثنتين ( يعني كم قلبه :6 ..) والشباب يتجمعون لى السياره المقلوبه … تظنون منو الي قلب … وشنو صار فيه الي قلب .. ؟؟ ..
انتظرونا بالحلقه القادمه … لكنشف اسرار الجريمه … خخخخخخخخخخخخخخخخخخ ..

ويله … افطارا شهيا انشالله .. ونشكر لكم مشاهدكم … :p ..
‍‍‍‍‍‍‍‍‍‍‍‍
04-12-2002, 12:53 AM
حرام عليك يا قاسي علينا...كملل:"
&الكويتي112&
04-12-2002, 12:55 AM
بسم الله الرحمن الرحيم ...

اشهد ان لا اله الا الله ... متى امداك قريتها ...

مشاء الله عليك ... ماصار لي دقيتين منزل الموضوع ..
Classic Evil
04-12-2002, 12:57 AM
أعوذ بالله حتى الأشباح اشتاقت لك :D ...


يا هلا فيك مرة ثانية ":"
‍‍‍‍‍‍‍‍‍‍‍‍
04-12-2002, 12:59 AM
الرسالة الأصلية كتبت بواسطة &الكويتي112&
بسم الله الرحمن الرحيم ...

اشهد ان لا اله الا الله ... متى امداك قريتها ...

مشاء الله عليك ... ماصار لي دقيتين منزل الموضوع ..
مافيه شي يصعب علي usef ;) -----(غصب بيعرفكم منو اهوه)
BoJasem
04-12-2002, 01:50 AM
هلا والله فيك واسف اني ما رحبت فيك لما رديت


;)
AL_7RBY
04-12-2002, 06:41 AM
يا هلا وغلا بالكويتي وينك من زمان ما تبين :D






(عاد انا عندي زد وجيتي كلهم بدون دفتر قاطهم بمزرعتنا )


الا اقول هم اي موديل ;)


مشكور على القصة :D
RPG_master
04-12-2002, 07:03 AM
حيالله الكويتي..


كمل بس حاول تسهل اللهجه شوي:6
باباسنفور
04-12-2002, 12:21 PM
راجعنا بكرة":"
باباسنفور
04-12-2002, 12:21 PM
راجعنا بكرة":"
&الكويتي112&
05-12-2002, 09:37 AM
مرحبا بالشبيبه ... بكرى العيد ... عاد توني جاي من السكراب .. ومن حظي النحس ما لقيت ...لي ثمنين ... الوكاد نرد على الشباب ...

بدون اسم ...

والله انك صدمتني ... بدون اسم ورديت بسرعه قلت شكله المنتدى خرف ... يمكن اي واحد يكتب قصه يصير جذي .... خخخخخخخخخ
..

rk LINK@(|

ماقصرت كفيت ووفيت ...


AL_7RBY

هلا والله بالحربي ... والله ياخوك بمشاغل الدنيا ...

وبخصوص موديلاتهم ..

الزد 83 والجيتي 77 ..


RPG_master ...

الله يحيك .. والله هذا الي كنت خايف منه اللهجه ... بس لايهمك ... انشاله بترجمها المره الجايه <=== ايه انطرني ... :6 ..


باباسنفور ..

الله يطول عمرك ترى كلنا بحاره وحده ومن قبيله وحده .. ماترضاها على واحد منك وفيك يجرجر اهله المخافر ... ترى السالفه ماتسوى .. ولا سمعك الشايب نقد عليك .. :p ..


ونشكر لكل من رد على الموضوع ..

وبهذه المناسبه الجميله والعيد بعد شوي انشاله ... اهدي لكم اغنيه موتري ..


موتري ... ابو^عبدالله (http://www.geocities.com/almhmoom_112/motry.rm)

وتصحون على هدرز سبعه خخخخخخخخخخخخ ..
باباسنفور
05-12-2002, 04:00 PM
مدري .. حيرتني اكثر?:
&الكويتي112&
07-12-2002, 11:20 AM
باباسنفور ..

اضحك معك ... عاد انت افهمها ..


ونكمل مسيرتنا ...

==========================================

وحنا قاعدين نشوف الشبيبه ... يقحصون ونشوف ذيج(ذيك) الزد .. الي جايتك موشمه(مسرعه) عروض ... وصقلته السياره(ماقدر يثبت السياره) ..وتدش فيه بالبر ومن حظه النحس .. طاح على خفستن قشره (طيحه كبيره) وتاخذ فيه وحده ثنيتين (مثل ما قلنا يعني كم قلبه ) والا يتجمعون الشبيبه على السياره .. وطلع بابا سنفور ... خخخخخخخخخخخخخ ..

ويطلع من السياره ..مافيه شي ... والشباب منصدمين .. شلون ما صار فيه شي وقلبته قشره ... (قويه) .. ويرد عليهم ابو سنيفر ...

مع تايد القديم .. مافيش مستحيل.. ..

وبهذا تنتهي نشرتنا الاخباريه ... وادري بعضكم من قهر ويقول ماعنده سالفه ... بس حبيت اضحك معكم شوي ...

يله تمسون على خير انشاله ...
باباسنفور
07-12-2002, 01:52 PM
ماعلموك أهلك ماتضحك مع أكبر منك:6
{gaia_girl}
07-12-2002, 02:12 PM
الرسالة الأصلية كتبت بواسطة RPG_master
حيالله الكويتي..


كمل بس حاول تسهل اللهجه شوي:6

أيوة و الله ياريت :) مشكور :)
&الكويتي112&
08-12-2002, 11:11 AM
باباسنفور ..

احترس تراك تكلم راعي سبعه ... مو مثل بعض الناس ... قاشع نخله ... :6 ..

{gaia_girl} ..

والله حاولنا بس للاسف مانجحت العمليه ... :) ..

والعفو ...
العمدا
08-12-2002, 11:59 AM
خخخخخ



حركه القوصه او النشره الى تبيه :6


وصراحتن الى مقلقن صدرى ومضيقن على جيب ثوبى هو usef وين اسمه ?:
&الكويتي112&
10-12-2002, 01:54 PM
الرسالة الأصلية كتبت بواسطة العمدا
6


وصراحتن الى مقلقن صدرى ومضيقن على جيب ثوبى هو usef وين اسمه ?:


والله مدري عنه ... :) ..
سكوال
10-12-2002, 03:38 PM
يا كويتي




عليك توقيع ............ يجيب الصداع
&الكويتي112&
10-12-2002, 03:41 PM
الرسالة الأصلية كتبت بواسطة سكوال
يا كويتي




عليك توقيع ............ يجيب الصداع


التوقيع هذا للمهمومين فقط ... هم الي يحسون فيه ...
ez2dj
11-12-2002, 04:30 AM
خخخخخخخخ ...قحطى خالك :p

يامرحبا فيك .....بس ماعرفنالك عندك ددسن ...وعندك زد... ماتركب?: :6

وماسمعنا أنه للددسن هدرز :6


أقول سلملي على بوهلول ...راعي الكمارو <===خخخ متأثر بقطعة 13:6
&الكويتي112&
11-12-2002, 02:46 PM
ez2dj ..

ليه ماتركب ... عندي ددسن وزد وجيتي ...

الهدزر للزد يالرقله مو للددسن ...

ابو هلال نايم لا صحى من النوم سلمت لك عليه ...