المساعد الشخصي الرقمي

مشاهدة النسخة كاملة : قــــــــــــــــــــلـــــــــــــــة أدب


خيـآل
09-12-2002, 07:34 AM
قلة الأدب
قــــــــــــــــــــلـــــــــــــــة أدب
إنك تروح للمسجد بملابس رياضة أو قميص نوم بينما تروح لربعك بثوب مكوي وطيب يشق الخشم !!!

قــــــــــــــــــــلـــــــــــــــة أدب !!!

إنك تتصل على ربعك كل يوم وعادي تقعد معه نصف ساعة أو أكثر بينما عمك أوخالك أو عمتك أو خالتك لهم شهور ماسمعوا صوتك !!! من زينك أنت وصوتك


قــــــــــــــــــــلـــــــــــــــة أدب !!!

تدور بسيارتك بالساعات وماتخلي شارع ما ( شبرته ) وحفظته وكل هالدوران غالبا لأسباب ( قليلة أدب ) بينما أهلك لويبون مشوار ساعة وحدة قلت : ( الليموزينات واجد!!!)

قــــــــــــــــــــلـــــــــــــــة أدب !!!

إن شيريهان تسوي عملية والجرايد والقنوات تسوي مناحة بينما الشيخ السحيباني يقتل ونصف العالم مادروا !!!


قــــــــــــــــــــلـــــــــــــــة أدب !!!

إن اللاعبين والمطربين يكرمون ويغرقون بالخيرات بينما المشايخ ربك يستر ياكثر ماينسجنون !!!


قــــــــــــــــــــلـــــــــــــــة أدب !!!

إن الواحد يضبط ساعته على الدوام بينما صلاة الفجر مايدري متى وقت أذانها !!!


قــــــــــــــــــــلـــــــــــــــة أدب !!!

إن الواحد يشتري الأغاني بالشيء الفلاني ويسمعها بينما مستحيل يشتري شريط إسلامي ولو بخمسه ريال ولو يهديه واحد شريط إسلامي سجل عليه ( بابا فين ) !!!


قــــــــــــــــــــلـــــــــــــــة أدب !!!

اذا جيتي تطلعين لعرس او لصديقاتك تتزينين وتتعطرين واذا جلست عند زوجك تقعدين بوساختك وريحتك بصل


قــــــــــــــــــــلـــــــــــــــة أدب !!!

ان الوحده تقعد على التلفون ساعه وتقعد في صلاتها دقيقه


قــــــــــــــــــــلـــــــــــــــة أدب !!!

اذاطلعت البنت من البيت وهي كاشخه وريحة عطرها واصله اخر الشارع وتقول للشباب لا تلحقوني

قــــــــــــــــــــلـــــــــــــــة أدب !!!

إن الواحد يشوف ( قلة الأدب ) ولايقول عنها ( قلة أدب ) !!!


قــــــــــــــــــــلـــــــــــــة أدب !!!

قلة ادب انك تحصل واحد يحترم الناس كلها الا امه او ابوه تلقاه يكلمهم بطرف خشمه


قــــــــــــــــــــلـــــــــــــة أدب !!!
قلة ادب انك تشتري كل اللي نفسك فيه ويوم يجي طاري الحج او العمره قلت انا ما عندي فلوس وانا غير مقتدر


قـــــــــــــــــــلــــــــــــــة أدب !!!

قلة ادب انك تكون جالس في المدرج وتسمع الاذان ومن بعدها الاقامه وانت مكانك وكأنك مثبت بمليون مسمار على كرسييك

قـــــــــــــــــــلــــــــــــــة أدب !!!

لماتشوف واحد في الشارع وتستصغره ولا تسلم عليه

قـــــــــــــــــــلــــــــــــــة أدب !!!

اذا شفت صديقك في ورطه ولاتساعده


قـــــــــــــــــــلــــــــــــــة أدب !!!


اذا قدم لك صديقك خدمه وأنكرت فضله عليك
قــــــــــــــــــــلـــــــــــــــة أدب !!!

انك تحط سيارتك عند باب جارك ..وعندك مكان ابعد شوي..

قــــــــــــــــــــلـــــــــــــــة أدب !!!

لما تجلس بمكان عام تتقهوى انت وعيالك..وتقومون وزبايلكم وراكم..
مع ان صندوق الزباله حولك...

قــــــــــــــــــــلـــــــــــــــة أدب !!!

انك تكون مسئول عن عمل يتوقف اداؤه عليك..وتطنش وتتأخر
ويتحمل الباقين مسئولية إهمالك
قــــــــــــــــــــلـــــــــــــــة أدب !!!

انك تطولي لسانك على الشغاله..وهي بسن امك علشان شغله ممكن تسويها بنفسك((ليس منا من لم يوقر كبيرنا))

قــــــــــــــــــــلـــــــــــــــة أدب !!!

لما ترفعي صوتك بالسيارة ومع السواق وتضحكين وتقهقهين ..وكأنه محرم لكِ
و تفتشين للدكتور عاااادي...وكنه من بئية اهلك<-----قلبت مصري

قــــــــــــــــــــلـــــــــــــــة أدب !!!

لما تعزمين صديقاتك وتخلين الوالده تسوي قهوتكم وتجيبها لكم..وتسوي عشاكم ..وانتي مشغوله بالسواليف

قــــــــــــــــــــلـــــــــــــــة أدب !!!

لما ترفضين شريط اسلامي او كتيب من احد الدعاة..بينما لو اعطاك شريط لمطرب العرب كان ماتدرين شلون تشكرينه

قــــــــــــــــــــلـــــــــــــــة أدب !!!

انك متعلم وحاصل على شهاداة عليه..وماتفقه اقل شي في دينك

قــــــــــــــــــــلـــــــــــــــة أدب !!!


أنه مانشوف القرآن إلا من الجمعه للجمعة عشان الكهف ..


قــــــــــــــــــــلـــــــــــــــة أدب !!!


نسهرساعه على النت ولانصلي لو ركعة لله


................وياكثركم قلة الأدب نسئل الله العافيه.................


تحياتي لكم وابي اشوف ردودكم ورايكم بهالموضوع صح ولا لا
skyhauk
09-12-2002, 07:49 AM
ooOops
Z4EVIL
09-12-2002, 10:47 AM
ولو انه مكرر لكن مشكورة :)
FSM
09-12-2002, 11:03 AM
شكرا
راعي الفايبر
09-12-2002, 11:20 AM
قـــــــــــــــــــــلـــــــــــــــــــــــة ادب

اننا ما نشكر الي حاطه هذي الموضوع :D :D :D :D


مشكوره على الموضوع :cool:
CTMELODY
09-12-2002, 11:40 AM
من جد قلة أدب
MAJEDA
09-12-2002, 11:45 AM
يعطيك اللللللللللللللللللللللللللللللللللللف

عافيه:D :D

على الموضوع الحلو
alamid
09-12-2002, 12:22 PM
قلة ادب:o

مشكورةاختي:)
خيـآل
09-12-2002, 08:28 PM
لا شكر على وااجب









;-)
sniper-vip
09-12-2002, 08:50 PM
اعتقد اني كاتب الموضوع هذا قبلك

للتاكد اظغط هنا (http://www.montada.com/showthread.php?s=&threadid=158614)

تصرفك هذا قلة ادب

:غضب:
MG4
09-12-2002, 08:58 PM
لما ترفضين شريط اسلامي او كتيب من احد الدعاة..بينما لو اعطاك شريط لمطرب العرب كان ماتدرين شلون تشكرينه

وش فيه فنان العرب ........





وشكراً يا meme 611

_____________________

ميمي عضوه جديده يا الغـ$ـrichـ$ـني يعني مادرت عن موضوعك
______________________

والله من وراء القصد.رينوا
skyhauk
09-12-2002, 10:27 PM
thank u meme611
really it's so nice ;-)
خيـآل
10-12-2002, 06:10 PM
اسفه لاني ما شفت موضوعك وانا اكثر شئ ادخل المنتدى الصرقعه ما ادخل منتديات ثانيه ................ وهذا الموضوع كنت نا قلت عبر البريدي الاكتروني

اكرر اسفي الغـ$ـrichـ$ـني ارجواا تقبل:"








;-)