مشاهدة النسخة كاملة : كـيـف تـلـعـب WE6........؟! -مجموعة اسئلة للنقاش-
Chandler
09-12-2002, 04:52 PM
Winning eleven هي افضل لعبة كرة قدم على البلاي ستيشن.....هذا شي مفروغ منه...خصوصا عندنا في منطقة الخليج...لكن السؤال هو...كيف تلعب WE...باطرح مجموعة اسئلة (ارجو من الجميع الاجابة) عليها..من خلالها نقدر نحدد كيف نلعب WE..:)
هل تستخدم الرادار في المباريات ام لا...؟!...ماذا عن نوعية التصوير...؟!
هناك فئة من اللاعبين ما يستغنون عن الرادار ولو الغي من المباراة 100% بيخسرون لأنه مهم لتحديد اماكن اللاعبين..وعلى العكس فيه فئة معارضة من اللاعبين يضايقهم الرادار ويحسون انه بدون فايدة.....فأنت من أي فئة :)
بالنسبة للكاميرا او التصوير فهناك اكثر من اختيار مثل (تصوير قريب-تصوير بعيد-تصوير تلفاز-تصوير قريب جدا) وقد حصرت الكاميرات المفضلة في 3 انواع..وهي المتوسط..والبعيد(Far)..والابعد...<-- المتوسط هي اللي فوق Far والابعد هي اللي تحت Far...ولكني نسيت اسمائهم فأعذروني...:)
ما مدى استفادتك من الخطط الاستراتيجية...؟!
وانا اقصد هنا -المربع والاكس والدائرة والمثلث- اللي تظهر جنب اسم اللاعب اثناء المباراة...تستطيع قبل المباراة تحديد 4 استراتيجيات ممكن تستخدمها في المباراة..وهي تتنوع ما بين هجوم مرتد الى مصيدة التسلل حتى الهجوم من الاطراف...فهل انت مستفيد منها؟!...
معنويات اللاعبين ولياقتهم..هل هي مؤثرة بالنسبة لك...؟!
المعنويات هي السهم اللي يكون جنب اسم اللاعب في شاشة (الخطط والتغييرات) وكل ما ارتفع السهم كل ما كانت معنويات اللاعب مرتفعة...اما اللياقة فيه تظهر ايضا في شاشة (الخطط والتغييرات) بجانب اسم اللاعب وتكون ممتلئة قبل بداية المباراة وتنقص تدريجيا...فيه بعض اللاعبين ما تفرق معه...معنويات مرتفعة او منخفضة...اهم شي قوة اللاعبين...واللياقة ما يدري عنها اصلا...ولكن فيه لاعبين لا يمكن يلعب لاعب ان كانت معنوياته منخفضة حتى ولو كان افضل لاعب عنده...وفي اللعب يحاول يحافظ على لياقة اللاعبين...فأي اللاعبين انت؟!...
ماذا عن الخطط...هل لديك خطة خاصة بك..ام تعتمد على الخطط المعطاة في اللعبة...؟!
اللعبة تعطيك مجموعة كبيرة من الخطط..وبالاضافة لذلك تمكنك من تعديل اي خطة تريدها على طريقتك الخاصة ومن ثم تخزينها...فئة كبيرة تفضل تعديل الخطط على حسب اسلوبها...وعلى العكس هناك لاعبين ما تفرق معهم...اهم شي اللاعبين موجودين :)...فمن اي الصنفين انت..وهل خطتك ثابته طول الوقت ام تتغير على حسب الخصم المقابل؟!...
بما اني صاحب الموضوع..لازم اكون اول واحد يجاوب على الاسئلة...
بالنسبة للرادار فأنا ما استغني عنه ابدا والكاميرا افضل انها تكون Far وممكن اتقبل اللي ابعد منها...
اما الاستراتيجيات فأنا استخدم كل الاربع خطط المتوفرة خلال المباراة لأنها جدا مفيدة...خصوصا الضغط على الخصم والهجمات المرتدة...
نجي للمعنويات واللياقة...هذي بصراحة ما كنت مهتم فيها..بس نبهني لها احد اصدقائي ومن يومها وانا تشكيلتي تعتمد على مدى معنويات اللاعبين واللياقة صرت بين الشوطين اغير لاعب او لاعبين لتنشيط الفريق والمحافظة على اللياقة...
واخير الخطط...من ايام WE4 وانا استخدم خطة 3-4-3 (بعد التعديل طبعا) حتى يومنا هذا وهي خطة ثابته ما اغيرها مهما كان الخصم
ان شاء الله يكون اعجبكم الموضوع وارجو المشاركة....:)
MULHAM
09-12-2002, 06:15 PM
هل تستخدم الرادار في المباريات ام لا...؟!...ماذا عن نوعية التصوير...؟!
نعم انا استعمل الرادار دائما وهو عندي شيء مهم جدا جدا ... ودائما استعمله في الكشف عن حالات التسلل ... ومعرفة مكان اللاعبين ...
ما مدى استفادتك من الخطط الاستراتيجية...؟!
انا مستفيد منها كثيرا ودائما استعمل ثلاث منها فقط ...
معنويات اللاعبين ولياقتهم..هل هي مؤثرة بالنسبة لك...؟!
والله زمان في السوني 1 كانت تؤثر فيني مرة لكن الحين موب مثل السوني 1 ... ما صرت اهتم فيها كثير ...
ماذا عن الخطط...هل لديك خطة خاصة بك..ام تعتمد على الخطط المعطاة في اللعبة...؟!
انا العب دائما بـ 3-4-3 (مثلك) لكن بعد اجاء بعض التعديلات ... ":"
وشكرا على الموضوع الرائع :D
m7mmd-wh
09-12-2002, 08:54 PM
اجابة السؤال الاول:
طبعا استخدم الرادار ومثل ما قال الاخ ملهم انه مهم لتحديد التسلل
والتصوير اختار FAR لانه يعطيني مساحه واسعه من الملعب
في ناس يقولون ان التصوير اللي تحته يعطي مساحه اكبر
صح الكلام هذا بس انا ما ارتحت للتصوير هذا بعيد بزياده
بالنسبه لاسمه فهو STAND اما اللي فوق FAR فهو MIDDLE
اجابة السؤال الثاني:
الخطط الاستراتيجية اهتم فيها كثير ويمكن انا استغرب لاني العب مع ناس كثير ويقولون لي وش فايدتها ?:
وانا احط الاربعه كلها
1-الضغط على لاعبي الخصم
2-الهجمه المرتدة >>لان خطتي دفاعها كثيف فانضغط من هجوم الخصم
3-الهجوم من الجهة اليمنى
4-الهجوم من الجهة اليسرى
وانا كنت احطها اربعه من زماااان والى الحين احطها اربعه حتى بدا واحد من اقربائي يحطها زيي بعد ما كان يعارضني ويقول ان اربعه كثير على الفريق ":"
اجابة السؤال الثالث:
المعنويات واللياقة مهمة جدا
بالنسبه للياقه فهي تأثر في كل القوى للاعب وخصوصا السرعة
واما المعنويات فهي تأثر على اللياقة واشياء اخرى (يمكن تأثر في كل القوى انا مو متأكد)
اما كيفيه اختيار اللاعبين الاساسيين
اهتم اولا بالقوه طبعا بعدين المعنويات ثم اللياقة
مثلا اشوف انا ابي العب شفشنكو ولا هنري
القوه كلهم اقوياء
المعنويات اختار الاقل ?: ليش طيب
لان لياقته راح تقل بسرعة بالتالي راح يبدأ المباراة كأي لاعب
ولكن لما يتعب جميع اللاعبون راح يكون تعبان فأطلعه آخر الشوط الاول
وادخل اللي معنوياته أعلى اللي راح يقابل ناس لياقتهم ضعفت كثير
فيقدر يستغل هذا الشي لمده طويله لان لياقته ما راح تقل بسرعة مثل اللاعب اللي معنوياته اقل واذا حطيناهم بالعكس بالنسبه للمعنويات
راح نلاقي ان اللاعب اللي دخل بآخر الشوط الاول ما يقدر يستغلها في مده اطول من مدة اللاعب الاول .....
عموما ايضا فيه قوة تأثر باللياقة اللي هي التحمل STAMINA
فوق السرعة SPEED...
ولكن انا اقدم اللياقة على المعنويات في حالة واحدة عندما تكون لياقة اللاعب اقل من اللياقه الكاملة (في بداية المباراة) وهذا يصير بالبطولات الطويلة مثل ماستر ليق اما بالمباريات العادية مستحيل تلقى لاعب يبدأ بلياقة ناقصة
اجابة السؤال الرابع: ( اخيرا:p )
انا مستحيل العب بخطة جاهزة ( الا اذا كانت محفوظة بالميموري كارد )
و من اول ما طلع وننج اليفن من PS1 وانا العب 4-4-2 ولا غيرتها الا في وننج اليفن 5 فاينل افولوشن من PS2 (مغبر :p )
والحين العب بخطة ممتااااااااااااااازة مرة
اساس الخطة هذي 5-3-2 يعني في الحالات العاديه
لكن في حالة الهجوم تتحول الى 3-3 (دفاع و وسط) و 4 هجوم
وفي حاله الدفاع 6 (دفاع) 2-2 (وسط و هجوم)
ميزة الخطة هذي ان دفاعها و وسطها كثيف جدا
واطرافها ممتازة وهجومها (في حالة الهجوم فقط) يصبح كثيف يعتبر عيب بسيط فيها....
وحتى لو ارتدت الكورة عليك راح يكون في دفاع يغطي
هذا كله بعد التعديل باماكن اللاعبين وتغيير اتجاهات الاسهم و تعديل الاستراتيجيات
حتى ان شكل الخطة تغير كثير.............
وآسف لاني طولت بالرد.....
وشكرا على الموضوع.....
Chandler
09-12-2002, 11:03 PM
MULHAM...
مشكور على الرد...بس ما قلت لي...وش نوعية التصوير اللي تختارها...:)
m7mmd-wh...
ما شاء الله ردك طويل...وكلامك كله صحيح...مع اني معك قريبك اللي يقول ان كثرة الخطط تتعب اللاعبين...وتحديدا تنقص لياقتهم بسرعة..:)
soild
09-12-2002, 11:21 PM
الى الخ chandler كيف أسوي الخطط الاستراتيجيه الي جنب الاعب
m7mmd-wh
09-12-2002, 11:28 PM
CHANDLER
والله ممكن ليش لا....
بس انا الصراحه حتى مع وجود الاربعه كلها ما ضرني كثير
هذا على حسب اللي انا شايفه.........:o
Chandler
09-12-2002, 11:52 PM
soild..
بس كذا...انت تأمر أمر...
اول ما تختار شاشة الخطط والتبديلات اختار رابع كلمة (هي اصغر كلمة :))...بعدها بيطلع لك اختيارين..اختار الاول...بعد كذا بيطلع لك اختيارين ثانيين...اختار الاول منهم...بعدها بتطلع لك شاشة صغيره فيها كل الاستراتيجيات الموجودة وفيه 4 علامات (مربع-دائرة-مثلث-اكس)...انت حط كل علامة على الاستراتيجية اللي تبيها...واذا جيت تلعب في المباراة...اضغط L2 (وانت ضاغط عليه اضغط مثلث او مربع او اكس او دائرة) على حسب الاستراتيجيات اللي انت حاطها...
m7mmd-wh...
الله يقويك...ومشكور على الرد...
MULHAM
10-12-2002, 12:03 AM
الرسالة الأصلية كتبت بواسطة Chandler
MULHAM...
مشكور على الرد...بس ما قلت لي...وش نوعية التصوير اللي تختارها...:)
معليش نسيت ... الكاميرا اللي استعملها هي الـ (far) أعتقد انها ثالث وحدة ...
وبالنسبة للأستراتيجيات كمان نسيت اذكرها وهي : (الضغط على الخصم , الهجمات المرتدة , مصيدة التسلل <== هذه استعملها كثير) :D
zambrota
10-12-2002, 12:39 AM
هل تستخدم الرادار في المباريات ام لا...؟!...ماذا عن نوعية التصوير...؟!
طبعا الرادار مهم لتحديد اماكن لعيبتك وانا يفيدني كتييير في الهجمات المرتدة والكاميرا اعتقد انو اغلب الناس تستخدم FAR وانا اشوف انها احسن شي لانها تعطيك مساحة تشوف لعيبتك .
ما مدى استفادتك من الخطط الاستراتيجية...؟!
استخدم اتنييين منها اللي هيا الضغط على الخصم ومصيدة التسلل
بس عندي سؤال ايش الفرق لمن يكون اكس ومربع ومثلث ويكون auto1&auto2?
معنويات اللاعبين ولياقتهم..هل هي مؤثرة بالنسبة لك...؟!
والله اول ما كنت اهتم بها بس في احد من الاخوان نزل موضوع عنها بعدها سرت اغير قبل المباراة اللعيبة اللي معنوياتهم نازلة حتى ولو كانو نجووم وهادي استخدمها في الماستر لييج اما لمن العب مع احد مااهتم بها لاننا نخلي كل الاسهم حمرا .
ماذا عن الخطط...هل لديك خطة خاصة بك..ام تعتمد على الخطط المعطاة في اللعبة...؟!
من يوم ماعرفن الوننج الفن وانا العب ب 4 3 3 A طبعا مع تغييير الاسهم واحيانا الاماكن
شكرا على الموضوع الرائع مثلك
Chandler
10-12-2002, 01:38 AM
zambrota...
مشكور على الرد...بالنسبة لسؤالك عن auto1&auto2..فهي نفس المربع والاكس والدائرة والمثلث...اللهم انه في هالحالة يكون الكمبيوتر هو المتحكم بالاستراتيجيات...اما اذا اخترت الازرار العادية (مربع اكس....الخ)...فأنت تتحكم بالاستراتيجيات...:)
أبو بدر
10-12-2002, 02:16 AM
مشكور أخوي Chandler على الموضوع ....:)
هل تستخدم الرادار في المباريات ام لا...؟!...ماذا عن نوعية التصوير...؟!
أكيد استخدم الرادار و ما أقدر أستغني عنه خصوصا في الهجمات المرتده ...
وبالنسبه للكاميرا فأنا أستخدم الكاميرا FAR ...
ما مدى استفادتك من الخطط الاستراتيجية...؟!
بصراحه ما أهتم فيها ... لأنها تخربطني أكثر من إنها تفيدني...
معنويات اللاعبين ولياقتهم..هل هي مؤثرة بالنسبة لك...؟!
هذه النقطه مهمه ... فمثلاً إذا كان عندي لاعبين بنفس المستوى فأنا أفاضل بينهم من خلال معنوياتهم ... فاللاعب اللي معنوياته عاليه راح تلاحظ إنه في كل مكان بالملعب ...خصوصا اذا كانت الــSTAMINA عنده عاليه زي فييرا...
ماذا عن الخطط...هل لديك خطة خاصة بك..ام تعتمد على الخطط المعطاة في اللعبة...؟!
هذي النقطه تعتمد على الخصم اللي تقابله ... و لكن أغلب الخطط اللي أستخدمها هي 3-4-3 أو 3-5-2 ...
وشكرا مره ثانيه على الموضوع ...:)
كنفارو
10-12-2002, 02:17 AM
بسم الله الرحمن الرحيم
و خلا ل مسيرتي الاحترافية ساجاوب على لاسئلة كلها اجوبة مختصرة
اولا :
ضروري استخدام خريطة الملعب لكي تشاهد الختراقات لكل اللاعبين و متى تقط الكرة ( بينية ) للمهاجم و كذلك لتعرف ان حارس الخصم يتقدم
و بعذين من 6 سنوات ايام ونجلفن 3 بالسوني 1 استخدم الكاميرة البعيدة ( ابعد شي ) فهي احسن شي
ثانيا :
بالنسبة للاستراجيات فمعظم الشباب اللي العب معهم ما يدري وني الله حاطه بس انا استخدمها و استغل جهلهم بهذه الاستراجيات لانها مهمة جدا و ان ااحط
المثلث : مصيدة تسلل
المربع : ضغط هجومي بشكل عام
الاكس : ضغط من الناحية اليمنى
الدائرة ضغط من الناحية اليسرى
طبعا مع الآر تو و كلكم تعرفون هذا :-)
ثالثا :
انا من النوع الوسط لا مهتم و لا مبالي يعني في الماستر ليجيو صعب اغير المهاجمين ما اعوضهم و هم شفشنكو و هنري و فان باستينف فاخليهم يمضون الشوط و الشوط الثاني ابدل الاقل معنوية و هكذا
رايعا :
بالنسبة للياقة فقبل المباراة اكيد تكون لياقتهم كاملة و الحمد لله استخدم لاعبين ذو لياقة او stamna عالي جدا خصوصا بالدفاع و الهجوم و ما ابدل لان تخلص المباراة و لسة معظمهم فيه حيل
:cool:
خامسا :
اخيرا بالنسبة ل : الخطط ففي عندي شيئين : انا العب بايطاليا و خطتي و تبديلاتي مخزوة بالميموري كارد الودها و خلاص نفتك لاني صراحة اذا ارجعا بدون تلويد اقعد 10 دقايق !!!! و خطة فريق الاحلام ( الماستر ليقيو ) جاهزة و لله الحمد و تعبان عليها
للاستفسار او التحدي في ونجلفن 6 njm242@hotmail.com و شكراااااااا
كنفارو
10-12-2002, 02:19 AM
بسم الله الرحمن الرحيم
و خلا ل مسيرتي الاحترافية ساجاوب على لاسئلة كلها اجوبة مختصرة
اولا :
ضروري استخدام خريطة الملعب لكي تشاهد الختراقات لكل اللاعبين و متى تقط الكرة ( بينية ) للمهاجم و كذلك لتعرف ان حارس الخصم يتقدم
و بعذين من 6 سنوات ايام ونجلفن 3 بالسوني 1 استخدم الكاميرة البعيدة ( ابعد شي ) فهي احسن شي
ثانيا :
بالنسبة للاستراجيات فمعظم الشباب اللي العب معهم ما يدري وني الله حاطه بس انا استخدمها و استغل جهلهم بهذه الاستراجيات لانها مهمة جدا و ان ااحط
المثلث : مصيدة تسلل
المربع : ضغط هجومي بشكل عام
الاكس : ضغط من الناحية اليمنى
الدائرة ضغط من الناحية اليسرى
طبعا مع الآر تو و كلكم تعرفون هذا :-)
ثالثا :
انا من النوع الوسط لا مهتم و لا مبالي يعني في الماستر ليجيو صعب اغير المهاجمين ما اعوضهم و هم شفشنكو و هنري و فان باستينف فاخليهم يمضون الشوط و الشوط الثاني ابدل الاقل معنوية و هكذا
رايعا :
بالنسبة للياقة فقبل المباراة اكيد تكون لياقتهم كاملة و الحمد لله استخدم لاعبين ذو لياقة او stamna عالي جدا خصوصا بالدفاع و الهجوم و ما ابدل لان تخلص المباراة و لسة معظمهم فيه حيل
:cool:
خامسا :
اخيرا بالنسبة ل : الخطط ففي عندي شيئين : انا العب بايطاليا و خطتي و تبديلاتي مخزوة بالميموري كارد الودها و خلاص نفتك لاني صراحة اذا ارجعا بدون تلويد اقعد 10 دقايق !!!! و خطة فريق الاحلام ( الماستر ليقيو ) جاهزة و لله الحمد و تعبان عليها وحاط الاسهم و الاستراجيات و انا العب 3 _ 4 _ 3 لاني من النوع التكتيكي كثير و اعتم د على قوة الوسط
للاستفسار او التحدي في ونجلفن 6 njm242@hotmail.com و شكراااااااااولا : :cool:
soild
10-12-2002, 06:16 AM
مشكوووووووووووووووور أخ chandler
Chandler
10-12-2002, 07:04 PM
أبو بدر...
على ايش الشكر :)...انت اللي مشكور على الرد...
اما بقية ردك..فاسمح لي اخلفك الرأي في الاستراتيجيات...ممكن يكون كلامك صحيح في الاجزاء القديمة...لكن من WE5FE...والاستراتيجيات صارت مهمة جدا واللاعبين صاروا يطبقونها بحذافيرها...ولو ما اقتنعت بكلامي..جرب في المباراة الجاية اللي تلعبها انك تستخدم استراتيجيات...مو لازم الاربعة كلها..على الاقل جرب هالثنتين (الضغط على اللاعب الخصم-الهجوم المرتد)...وبتحس بالفرق..:)
بالنسبة لخطتك...انت تلعب بمحورين..او بمحور واحد؟!...ان كان محورين فخططك دفاعية...اما اذا كان محور واحد فخططك هجومية :)...
على فكرة..نسيت اضيف في المعنويات...اذا كان السهم احمر بيضاف للاعب نقطتين في كل قوة من قواته..يعني ان كانت سرعته 96\99..بتصير سرعته 98\99...وان كانت لياقته 89\99 بتصير 91\99...وهكذا...
اما اذا كان السهم اصفر (يعني نص مرتفع :))...بيضاف للاعب نقطة واحدة فقط...وان كان السهم اخضر (يعني عادي مو مرتفع ولا منخفض)...طبعا ما يتغير شي...
ونفس الشي ينطبق على السهم الرمادي (المتجه للاسفل)...والسهم البنفسجي (نص منخفض)...الاول يخصم من اللاعب نقطتين..والثاني يخصم من اللاعب نقطة واحدة...
كنفارو...
مشكور على الرد...كل شي في ردك ممتاز..بس انا عندي ملاحظتين...
1) كيف تستخدم ابعد كاميرا؟!...ما تحس انه يصعب التحكم في اللاعبين؟!...
2) اما الملاحظة الثانية فهو شي حبيت اصححه لك...
المثلث : مصيدة تسلل
المربع : ضغط هجومي بشكل عام
الاكس : ضغط من الناحية اليمنى
الدائرة ضغط من الناحية اليسرى
طبعا مع الآر تو و كلكم تعرفون هذا
الخطط هذي مو مع الآر تو (R2)...هي مع الضغط على L2...وشكرا على المشاركة..:)
soild...
العفو..هذا واجبنا...:)
Al Inter
10-12-2002, 10:18 PM
هل تستخدم الرادار في المباريات ام لا...؟!...ماذا عن نوعية التصوير...؟!
الرادار من أيام WE3 إلى آخر إصدار من ويننج الفين اللي هو برو افولوشون سكر 2 وانا مااستخدم الرادار نهائيا ولا أحب استخدمه نهائيا ،لعدة اسباب من اهمها ان في مرة جربت أحطه وضاعت عليي فرصتين بسببه !!!!!!! لانه يغطي على بعض الهجمات سواء كان في الاعلى أو في الاسفل ..
======================
الكميرا فيwe3 كانت الكميرا رقم 2 وفي we3 final version كانت الثالثة وفي we4 و we2000 أيضا 3
وفي we5 و we5fe و we5 j-league و pro evolution soccer كانت الكميرا هي رقم 3 يعني الثالثة
اما منذ أن نزل we6 كانت الكميرا الثالثة وزاوية التصوير هي 9 وايضا في we6 j-league و pro evolution soccer 2 الكميرا 3 والزاوية 9 .
وإن شاء الله في we6fe اذا نزل أكيد الكميرا 3 والزاوية 9
لانها تساعدك بشكل كبير على الانفرادات يعني تكشف لك الملعب وتبين الشبكة في نظرك كبيرة .. اما لو خليتها على الزاوية default يعني الافتراضية بتلاحظ ان الشبكة كأنها صغيرة وضيقة
باختصار الكميرا رقم 3 هي الأفضل في رأيي
بحيث لاتحس انها قريبة ولاهي بعيدة .. يعني .. وسط .. كذلك Far ممتازة بحيث إنها تكشف لك الملعب ..
..
ملاحظة الكميرا 3 هي اللي فوق far
ما مدى استفادتك من الخطط الاستراتيجية...؟!
أستفيد من خطة وااحدة فقط وهي خطة off Side Trap خطة كشف التسلل ومدى الاستفادة منها كبير .. وخصوصا في الاوقات اللي يكون في الدفاع لاعب واحد فقط .. تصبح الخطة مفعولها كبير جدا .. ويصبح تطبيقها أسهل
معنويات اللاعبين ولياقتهم..هل هي مؤثرة بالنسبة لك...؟!
في we3 ماكنت أهتم بها نهاااااائيا لكن من we4 ومن اليوم اللي شفت فيه اللون أحمر وحسيت انه فيه فرق بين ان اللاعب سهمه أحمر وسهمه عادي ( أخضر ) وفي رأيي أن اي واحد سهمه أحمر سواء كان ( لاعب - حارس ) فهو تزيد جميع طاقته بمقدار معين ، يعني لو لاعب سرعته مثلا 85 من 99 وصار سهمه أحمر في هالحالة ممكن تعتبر سرعته أعلى من ال85 بشوي مثلا 88 أو أعلى وكذلك بقية الطاقات يعني مو فقط في السرعة لكن أنت مابتلاحظ هذا التغير إلا في السرعة وهذا الشيء أقوله من واقع التجربة ..
يعني مثلا الحارس لو صار سهمه أحمر بتلاحظه يصد أفضل ... وهكذا
ببالنسبة الى اللياقة فهذي اللي الاحظها انها توجد بشكل كبير عند للي اعبين اللي الـstamina لهم قوية مثل فييرا دي بياجيو توماسي فيرون ....غيرهم
تلاحظ انه في كل مكان في الملعب وتلاحظ انها مايتعب بسرعة فهي مؤثرة بشكل كبير خصوصا اذا كان اللاعب يبذل مجهود كبير مثلا المحور
ماذا عن الخطط...هل لديك خطة خاصة بك..ام تعتمد على الخطط المعطاة في اللعبة...؟!
الخطة دائما 3-5-2 أو 4-4-2 في جميع المبارايات
وفي حالات اذا حسيت الوسط والهجوم ضعيف ألعب 3-4-3
==========
تحيات الانتر AL - Inter
أبو بدر
11-12-2002, 02:27 AM
اما بقية ردك..فاسمح لي اخلفك الرأي في الاستراتيجيات...ممكن يكون كلامك صحيح في الاجزاء القديمة...لكن من WE5FE...والاستراتيجيات صارت مهمة جدا واللاعبين صاروا يطبقونها بحذافيرها...ولو ما اقتنعت بكلامي..جرب في المباراة الجاية اللي تلعبها انك تستخدم استراتيجيات...مو لازم الاربعة كلها..على الاقل جرب هالثنتين (الضغط على اللاعب الخصم-الهجوم المرتد)...وبتحس بالفرق..
أخوي نواف ... أنا جربتها بكل الإصدارات بس يا خوي ما أحس إني أقدر أستفيد منها ... بالعكس تخربطني في المباراة ... عندك مثلا خطة التسلل إذا جت هجمه علي أقعد أوازن علشان أطبقها صح و بالتالي أطلع عن جو المباراة وأقعد أهتم بالإستتراجيات ... على العموم أنا بجرب الاستتراجيتين اللي قلت عنها و إن شاء الله أستفيد .....
بالنسبة لخطتك...انت تلعب بمحورين..او بمحور واحد؟!...ان كان محورين فخططك دفاعية...اما اذا كان محور واحد فخططك هجومية ...
في الغالب أحب ألعب بمحورين .....
Chandler
11-12-2002, 03:56 AM
Al Inter...
اولا..
مشكور على الرد...
ثانيا..
فيه عندي سؤال..اذا سمحت..كيف يغطي عليك الرادار مع انهم حاطينه شفاف..يعني يوضحون اللاعبين من تحته...:)
أبو بدر...
اتوقع ان الاستراتيجيات ما يبي لها وزن...يعني لو حطيت استراتيجية التسلل..الكمبيوتر بيطبقها في الوقت المناسب..
باختصار..انت حط الاستراتيجيات في اول المباراة وانساها :)...
أبو بدر
11-12-2002, 04:17 AM
الرسالة الأصلية كتبت بواسطة Chandler
Al Inter...
أبو بدر...
اتوقع ان الاستراتيجيات ما يبي لها وزن...يعني لو حطيت استراتيجية التسلل..الكمبيوتر بيطبقها في الوقت المناسب..
باختصار..انت حط الاستراتيجيات في اول المباراة وانساها :)...
اكيد تقصد اني احطها اوتوماتيك..لكن اللي اقصده انا اني احطها عادي..:)
Xenon
11-12-2002, 06:19 AM
السلام عليكم,,,
موضوع رائع أخوي ويعطيك العافية..
+++++++++
عن الرادار طبعا أستخدمه خاصة في الرفعات والون تو .. والهجمات المرتدة ...
تفيدك مرة تخترق الدفاع وتفكر بأيش راح تسوي وتطبق بسرعة ويتفاجأ الخصم بالمناولات السريعة وفجأة شوته وقول..
الرادار شئ اساسي...
_________
صراحة على البلاي ستيشن2 ما استفيد منهم ..
كنت استخدم هذي الخطط على البلاي ستيشن 1 بالويننج اليفن4 ...
________________
معنويات اللاعبين على حسب اللاعب تأثر ...
فمثلا يجيك لاعب متوسط المستوى وحالته ولياقته منتهية فأطلع على طول لأنه وجوده مثل عدمه في المباراة يوهقك يعني ...
___________________
الخطة على حسب المنتخب وهذا ..
عني انا منتخبي ايطاليا ...
الخطة هي نفسها الموجودة ما اغيرها بس اغير مراكز اللاعبين احيانا
وان غير الخط في بعض المرات على حسب المنتخب اختار خطة
4-3-3
او
3-4-3
ومشكور على الموضوع الجيد ...
واتمنى اننا نشوف مواضيع نشطة ومفيد في منتدى الويننج اليفن...
ولاتنسوا المسابقة واللقب..
وشكرا:D:D:D.
عماد 18
11-12-2002, 11:08 AM
موضوع رائع اخوي و تشكر عليه ..
ياليت اغلب المواضيع نستفيد منها مو مثل حال المنتدى هالايام ..
وش احسن لاعب وش افضل تشكيلة ..
الرسالة الأصلية كتبت بواسطة Chandler
هل تستخدم الرادار في المباريات ام لا...؟!...ماذا عن نوعية التصوير...؟!
الرادار من ويننج اليفن 3 و انا استعمله :) ..
مهم في معرفة وضعية المهاجمين في حالة بناء الهجمة ..
و مهم في الهجمات المرتدة ..
و ايضا استعمله في حالة الدفاع ..
لما احاول اني اقدم المدافع الاخير عشان مصيدة التسلل ..
اما التصوير ..
فغالبا فار و احيانا ميد ..
ما مدى استفادتك من الخطط الاستراتيجية...؟!
ما عمري جربتها ..
لكني اعتمد على اسهم الدفاع و الهجوم ..
معنويات اللاعبين ولياقتهم..هل هي مؤثرة بالنسبة لك...؟!
كانت مؤثرة ..
لكن من ويننج 6 و بعد ما صرت تتحكم بمعنويات اللاعبين ما عاد يفرق معي ..
ماذا عن الخطط...هل لديك خطة خاصة بك..ام تعتمد على الخطط المعطاة في اللعبة...؟!
ما اذكر اني جربتها ..
لاني احب ارسم استراتجياتي بنفسي ..
Chandler
11-12-2002, 05:03 PM
أبو بدر...
لا..ما اقصد اني احطها اوتوماتيك ?:...انا احطها في اول المباراة واتركها موجودة...الكمبيوتر يطبقها بنفسه...لو اني احطها اوتو كان بدال ما اقول (مربع-اكس-مثلث-دائرة)...اقول (اوتو1-اوتو2-اوتو3-L2) وهذي ما اطيقها..
playstation2...
مشكور على الرد..:)
+++++++++
عن الرادار طبعا أستخدمه خاصة في الرفعات والون تو .. والهجمات المرتدة ...
تفيدك مرة تخترق الدفاع وتفكر بأيش راح تسوي وتطبق بسرعة ويتفاجأ الخصم بالمناولات السريعة وفجأة شوته وقول..
الرادار شئ اساسي...
انا معك :)...بس ما جبت طاري الكاميرا...
صراحة على البلاي ستيشن2 ما استفيد منهم ..
كنت استخدم هذي الخطط على البلاي ستيشن 1 بالويننج اليفن4 ...
غريبة..?:..مع انها من We5 وطالع..صارت احسن واللاعبين صاروا يطبقونها بشكل افضل...ان كانت مفيدة لك على ايام We4 اجل انصحك تجربها في We6...خصوصا (الضغط على الخصم) <--- هذي اهم وحدة
معنويات اللاعبين على حسب اللاعب تأثر ...
فمثلا يجيك لاعب متوسط المستوى وحالته ولياقته منتهية فأطلع على طول لأنه وجوده مثل عدمه في المباراة يوهقك يعني ...
ياخي حتى اللاعبين الممتازين :o...اذا كانت المعنويات منخفضة مرة...وفيه بديل للاعب (حتى واذا كان اقل منه مستوى)...باطلع اللاعب اللي منخفضة معنوياته...او على الاكثر العبه شوط واحد بس...:)
الخطة على حسب المنتخب وهذا ..
عني انا منتخبي ايطاليا ...
الخطة هي نفسها الموجودة ما اغيرها بس اغير مراكز اللاعبين احيانا
وان غير الخط في بعض المرات على حسب المنتخب اختار خطة
4-3-3
او
3-4-3
كيف تغير مراكز اللاعبين؟!
تحركهم من اماكنهم..ولا تغير بينهم...
ومشكور مرة ثانية على الرد :)
عماد18...
مشكور على الرد :)...
هل تستخدم الرادار في المباريات ام لا...؟!...ماذا عن نوعية التصوير...؟!
الرادار من ويننج اليفن 3 و انا استعمله ..
مهم في معرفة وضعية المهاجمين في حالة بناء الهجمة ..
و مهم في الهجمات المرتدة ..
و ايضا استعمله في حالة الدفاع ..
لما احاول اني اقدم المدافع الاخير عشان مصيدة التسلل ..
اما التصوير ..
فغالبا فار و احيانا ميد ..
كيف تشوف في الميد :أفكر:...اللاعبين قريبين مرة....
ما مدى استفادتك من الخطط الاستراتيجية...؟!
ما عمري جربتها ..
لكني اعتمد على اسهم الدفاع و الهجوم ..
اتذكر..يوم انك تلعب مع خوباج كنت حاط الاستراتيجيات :!..وش غير رأيك؟!
معنويات اللاعبين ولياقتهم..هل هي مؤثرة بالنسبة لك...؟!
كانت مؤثرة ..
لكن من ويننج 6 و بعد ما صرت تتحكم بمعنويات اللاعبين ما عاد يفرق معي ..
بس في الماستر ليق...ما تقدر تغيرها..يعني اكيد مؤثرة..بعدين انا طول عمري ما قد حطيت المعنويات كلها مرتفعة اذا لعبت مع احد غيري...اخليها مجهولة (؟) <-- اختار هالعلامة لا جيت العب مع احد...:)
ماذا عن الخطط...هل لديك خطة خاصة بك..ام تعتمد على الخطط المعطاة في اللعبة...؟!
ما اذكر اني جربتها ..
لاني احب ارسم استراتجياتي بنفسي ..
يعني تعدل في الخطط الاصلية؟!...
مشكورين كلكم على الرد..:)
Al Inter
11-12-2002, 06:19 PM
الرسالة الأصلية كتبت بواسطة Chandler
Al Inter...
ثانيا..
فيه عندي سؤال..اذا سمحت..كيف يغطي عليك الرادار مع انهم حاطينه شفاف..يعني يوضحون اللاعبين من تحته...:)
مرحبا
انا مااقصد الملعب الموضوع في الرادار اقصد الدوائر اللي تمثل أماكن اللاعبين في الرادار هي اللي تغطي على بعض ( وليس كل ) الهجمات ..
مثال بسيط .. .. شوف الصورة اللي بالمرفقات .. شفت الدوائر الحمراء والبيضاء اللي تمثل أماكن اللاعبين .. هذي هي اللي تغطي .. لانها صراحة كبيرة بعض الشيء لو مثلا بدال مايحطوا دائرة كبيرة يحطوا نقطة بس مو صغيرة .. يعني أهم شيء إنها تبين لكن بالشكل هذا اعتقد تغطي بعض الهجمات ...
وطبعا في بعض الحالات اللي يصير فيها تكتل في الوسط ...الرادار يطغي على الملعب كله .. اقصد الدوائر تطغى الملعب الموضوع في الردار ..
Chandler
11-12-2002, 07:32 PM
Al Inter...
ممكن في هذي معك حق...صحيح اني ما اقتنعت...لكن وجهة نظرك منطقية...
طيب سؤال ثاني..كيف تقدر تعرف اللاعبين المتسللين وانت تهجم..او تعرف عدد مدافعين الخصم ومهاجميك اثناء الهجمة...:)
Al Inter
11-12-2002, 09:19 PM
الرسالة الأصلية كتبت بواسطة Chandler
طيب سؤال ثاني..كيف تقدر تعرف اللاعبين المتسللين وانت تهجم..او تعرف عدد مدافعين الخصم ومهاجميك اثناء الهجمة...:)
في حالة الخصم يهجم
عن طريق استخدام الاستراتيجية off side trap أو عن طريق معرفة الخطة ومواقع اللاعبين او الاثنين معا .. .. صحيح انها تكون صعبة تطبيقها من دون استخدام الرادار .. لكن لما أخلي التصوير على زاوية 9 بتلاحظ ان الملعب بينكشف يعني بتلاحظه كأنه مسطح على وضعية أفقية وهذا يكشف لك الملعب وتعرف الوقت المناسب اللي تسوي فيه الخطة off side trap ، طبعا ليس 100% إنها بتنجح .. لكن نسبة نجاحها ليست بالصغيرة .. وفيه طريقة ثانية غير عن الكميرا .. .. وهي انك تكون حافظ مواقع لاعبينك أو بمعنى آخر تعرف لاعبينك اللي في المنطقة المحددة .. مثلا اذا لاعب بخطة 3-5-2 و اذا لاعب الخصم انفرد وانا عارف ان 2 من لاعبي الدفاع لفريقي متقدمين في هالحالة أعرف انه مافيه الا دفاع واحد يعني بمجرد ماالقى إن الخصم يسوي تمريرة سواء بالمثلث او بالدائرة او ون تو أو اكس ..أو غيرها على طول اسوي الخطة طبعا بشرط ان يكون المدافع ماعنده مجال إنه يقطع التمريرة .. لانه اذا فيه امكانية أقطع التمريرة بدون الخطة كشف التسلل .. مافيه داعي استخدمها .. .. او عن طريق اللجوء إلى قرائة أفكار الخصم ..
ولا ننسى أن خطة التسلل سلاح ذو حدين ممكن تنقلب ضدك ..
أنا مااقول استخدمها في كل هجمة عليك ... بالعكس لو استخدمتها في كل هجمة عليك كان ضيعت وقتك كله في الدفاع ويمكن تغلط وتخسر .. إستخدمها وقت الضرورة .. يعني الوقت اللي يكون فيه الدفاع عبارة عن لاعب واحد مثلا ويكون فيه مجال الى الخصم إنه يمرر ويكون عنده 2 أو 3 لاعبين منفردين ..ومافيه مجال اني اقطع الكرة ..
و مثل ماذكرت اكميرا له دور كبييير جدا .. في معرفة التسلل من عدمه مثلا لو بتلعب بالكميرا 2 أو 1 .. يبيكون صعب جدا تكشف التسلل .. إلا اذا كنت تستخدم الرادار ... اما لو طيت التصوير على كميرا 3 والزاوية 9 تساعد بشكل كبير على كشف الملعب ..
ولو تجرب تضعها على وضعية TV بتلاحظ ان التسلل سهل تطبيقه وسهل كشفه أيضا !!
أما بالنسبةإلى وضعية الهجوم أي كنت انا المهاجم و أريد أعرف هل انا في موقف تسلل أم لا ... فيه عدة طرق مثل أولا أعرف هل الخصم يطبق خطط التسلل أو لا .. او ... أشوف خطته في خيار تغيير الخطط هل تتناسب مع اسلوب التسلل وهل الخطة فيها بعض الثغرات بحيث تزيد من قدرات التسلل للهجوم ..أيضا لو كان الخصم يلعب كل هجوم يعني حتى المدافعين يقدمهم للأمام ويضع سهمه أحمر يعني مهاجم للأمام ومواقع اللاعبين لمدافعينه هو منتصف الملعب يعني عند الدائرة .. في هالحالة لازم ماتلعب على الكرات الطويلة لانه تقريبا بيكون كل مهاجمينك في موقف تسلل..... مثلا أحاول أكثر من الون تو من بعيد مثلا من بعد منطقة الجزاء لفريقي أسوي ون تو عن طريق L1+X وطبعا اللاعب بيتقدم و ألعب عدة نقلات سريعة وقبل أن يصل اللعب إلى منطقة الدائرة في نصف الملعب أقوم بتمريرها له سواء عن طريق مثلث أو x و أفضل مثلث .. لماذا قلت (وقبل أن يصل اللعب إلى منطقة الدائرة في نصف الملعب ) ؟؟
لان كما أعلم أن مدافعين الخصم آخر إمتداد لهم هو في منتصف الملعب يعني أي مكان بعد نصف الملعب فهو تسلل ؟؟ يعني لازم تمرر لهم قبل نصف الملعب او عنده تقريبا ..... شيء آخر وهو ليس كل لاعب تشوفه منفرد على طول تمرر له .. لازم تحط في بالك هل هو متسلل .. وهذا يعتمد بشكل أساسي مثل ماذكرت على الخطة بشكل عام
على وضعية اللاعب ..واحيانا في الانفرادات أحاول أضع خط وهمي يمتد من آخر مهاجم أراه ، واشوف هل هذا الخط الوهمي تعدى المدافع اللي اشوفه أو لا .. ( مثل إذا يصبح تسلل تلاحظ في الاعادة يضعوا خط أصفر وهمي ) ..
بشكل عام خطة كشف التسلل بدون الرادار) يعتمد على خيار الخطط وأسلوب المباراة و أماكن اللعبين في خيار تغيير الخطط .. وهذا يختلف من مبارة إلى مبارة ومن خصم إلى خصم ..!:)
ولاأنسى أن اذكر إن مع الممارسة الكثيرة يصبح تنفيذ الـOff Side Trap أمر ليس بالصعب .. وكما ذكرت حتى و إن أتقنت الoff side كما يجب لا تنسى أنها سلاح ذو حدين ممكن تغلط ويجي عليك هدف !!! وممكن تخلصك من عدة أهداف !..:)
أتمنى أن تكون الفكرة واضحة ..
مع تحيات الانتر ...:) :)
أبو بدر
11-12-2002, 11:22 PM
الرسالة الأصلية كتبت بواسطة Chandler
أبو بدر...
لا..ما اقصد اني احطها اوتوماتيك ?:...انا احطها في اول المباراة واتركها موجودة...الكمبيوتر يطبقها بنفسه...لو اني احطها اوتو كان بدال ما اقول (مربع-اكس-مثلث-دائرة)...اقول (اوتو1-اوتو2-اوتو3-L2) وهذي ما اطيقها..
أخوي نواف أنت تقول الكمبيوتر يطبقها بنفسه و هذا يعني إنها
أوتوماتيك ... لكن أنت تقول أيضا ( إكس - مربع - مثلث - دائره ) و هذي أنت
اللي تطبقها مو الكمبيوتر ... لو أخذنا على سبيل المثال خطة التسلل و
طبقتها راح تلاقي نفسك كل شوي راح تطبقها لأنه كل ما استلمت الكوره
راح تروح منك ( مستحيل تطبق خطة التسلل و الكره معك :أفكر: ) ... أما
إذا كنت تقصد الا ستراتيجيتين اللي قلت عنهم ( الضغط على اللاعب
الخصم-الهجوم المرتد)... فإذا كنت بأبدا المباراة و أنا مختار استتراجية
الهجوم المرتد راح يكون الفريق في أغلب الوقت متقدم وهذا يسبب بعض الخطوره خصوصا إذا جت عليك هجمة مرتده ....
و السلام... :)
m7mmd-wh
12-12-2002, 12:24 AM
ابو بدر
الفرق بين الاوتوماتيك والـ(المثلث - المربع - الدائرة - X)
ان الاوتوماتيك الكمبيوتر يختار متى يحط الاستراتيجية او متى يشيلها
واما اللي انت تختارها (X-0- مربع - دائرة) هذي انت تختار متى تحطها ومتى تشيلها
وفي الحالتين الكمبيوتر يطبق الاستراتيجية (الا بالتسلل الوضع يختلف لانك انت تطبقها)
فالاوتوماتيك الكمبيوتر يحط ويطبق
اما الثانيه انت تحط والكمبيوتر يطبق
اما الهجوم المرتد بالعكس الفريق ما يكون متقدم يكون عادي مثل ما انت حاط
ويطبقها الكمبيوتر اذا انت كنت في حالة الدفاع وخصمك ضاغط عليك
وفجأة انت قطعت الكوره في هذي اللحظه تتطبق
ولا تخاف انها ترتد عليك لان اللي راح يهجمون مو كثير مره
(تعتمد كثره المهاجمين على شيين على خطتك وعلى نفس الهجمه المرتده)
اما التسلل
انت راح تطبقها مثل ما قال الاخ AL Inter
انت طبقها اذا ما كان عندك الا مدافع واحد في الاخير ولا يقدر يقطعها
ولا تقول لي ان الكمبيووتر هو اللي يطبق الاستراتيجيات
لاني مثل ما قلت فوق ان الكمبيوتر هو يطبقها كلها
الا التسلل تطبقها انت هذا في حاله (مربع - دائرة - اكس - مثلث)
اما حاله الاوتوماتيك ما قد جربتها....:أفكر:
أبو بدر
12-12-2002, 12:51 AM
الفرق بين الاوتوماتيك والـ(المثلث - المربع - الدائرة - X)
ان الاوتوماتيك الكمبيوتر يختار متى يحط الاستراتيجية او متى يشيلها
واما اللي انت تختارها (X-0- مربع - دائرة) هذي انت تختار متى تحطها ومتى تشيلها
وفي الحالتين الكمبيوتر يطبق الاستراتيجية (الا بالتسلل الوضع يختلف لانك انت تطبقها)
فالاوتوماتيك الكمبيوتر يحط ويطبق
اما الثانيه انت تحط والكمبيوتر يطبق
أخوي أنا فاهم هالشي ...:أفكر:
اما الهجوم المرتد بالعكس الفريق ما يكون متقدم يكون عادي مثل ما انت حاط
ويطبقها الكمبيوتر اذا انت كنت في حالة الدفاع وخصمك ضاغط عليك
وفجأة انت قطعت الكوره في هذي اللحظه تتطبق
ولا تخاف انها ترتد عليك لان اللي راح يهجمون مو كثير مره
(تعتمد كثره المهاجمين على شيين على خطتك وعلى نفس الهجمه المرتده)
أخوي أنا كنت ألعب ضد أخوي قبل شوي و كلنا مسويين استراتيجية الهجوم المرتد و حاطينها أوتوماتيك و كنت ضاغط عليه قام الكمبيوتر وسوى الاستراتيجه لي أنا و إياه مع العلم أني كنت ضاغط عليه...
اما التسلل
انت راح تطبقها مثل ما قال الاخ AL Inter
انت طبقها اذا ما كان عندك الا مدافع واحد في الاخير ولا يقدر يقطعها
ولا تقول لي ان الكمبيووتر هو اللي يطبق الاستراتيجيات
لاني مثل ما قلت فوق ان الكمبيوتر هو يطبقها كلها
الا التسلل تطبقها انت هذا في حاله (مربع - دائرة - اكس - مثلث)
اما حاله الاوتوماتيك ما قد جربته
أخوي أنا في بداية كلامي كنت أتكلم عن التسلل ... لكن الكلام جرجر نفسه لحد ما وصل إلى الإستراتيجيات الأخرى ...
بعدين أنت تقول طبقها إذا ما صار عندك إلا مدافع واحد بالأخير ... يعني خلاص ما يحتاج أطبقها لأن إذا صار ما فيه إلا مدافع واحد بالأخير فمعناه إني أنا أكون اللي أتحكم فيه ... و كما هو معروف إن خطة التسلل يطبقها خط الدفاع بأكمله مو لاعب واحد ... :أفكر:
m7mmd-wh
12-12-2002, 01:10 AM
بالتسلل انا اقصد ان يكون فيه اكثر من واحد طبعا
لكن قبل الاخير ما يقدر يقطعها فانت قدم الاخير عشان يصير تسلل
اما الهجوم المرتد فانا اول مره اسمع هالكلام
وانا اصلا ما احط الاوتوماتيك...............:أفكر:
عموما انت طبق الاستراتيجيات وراح تحس بالفرق....
ولا يضرك شي ان جربتها اول المباريات
وحاول انك تتعود على الـ(مربع - دائره - اكس - مثلث)
لانها احسن بكثير انت اللي تختار الشي بنفسك
ولا تتعود على الاوتوماتيك
لان مثلا ممكن بدايه المباراه تكون فايز والكمبيوتر حاط الهجوم المرتد لانك فايز وهو يفترض انك بتدافع عن فوزك
ولكنك انت ودك تجيب اهداف اكثر بس الكمبيوتر ما غير الاستراتيجيه
بعدين راح تحط انت بنفسك الاستراتيجيه ولكنك ما تكون متعود عليها
فانصحك انك ما تحط الاوتوماتيك لانها يمكن تبلشك بعدين.....:)
وانت قرر بنفسك في الاخير.......:-)
Chandler
12-12-2002, 01:35 AM
ابو بدر...
تبي الصراحة..:أفكر:...انا استراتيجية التسلل ما قد استخدمتها ابد عشان كذا ما اقدر اعارضك فيها..:)...لكن اغلبية الاستراتيجيات ما يبي لها متابعة...الهجوم من اليمين-الهجوم من اليسار-الهجوم من الامام-الضغط على لاعبي الخصم-الهجوم من الناحية الاخرى-تغيير مراكز اللاعبين-تغيير الخطة-تقدم احد المدافعين اثناء الهجمة <<< كل هذا انا متأكد انه ما يبي له متابعة اثناء المباراة..ومجربه :)
كنفارو
12-12-2002, 05:22 AM
الاخ شالندر ..... مشكور على موضواعاتك القيمة و الف شكر على اهتمامك بالحوار و الرد على رواد موضوعك ;)
و شكرا على التصحيح لان لما اطبع على الكمبيوتر صعب افرق بين R2 و L2
و احب ان انوه ان الكاميرا FAR هي الاصلح مع بعض العيوب كالتحكم و لكن احسن من ان نلعب لعب عميان !!!:6 :0)
الر111يق
12-12-2002, 12:01 PM
هل تستخدم الرادار في المباريات ام لا...؟!...ماذا عن نوعية التصوير...؟!
الرادار لا مااستخدمه مايهمني --- والنوعية التصوير نفس ماهي أو أبعد عشان اشوف الملعب زين
ما مدى استفادتك من الخطط الاستراتيجية...؟!
هذي اشوف ولد خالي تعبان ويسويها وقلق هههههههههه انا ماتهمني ابد ابد
معنويات اللاعبين ولياقتهم..هل هي مؤثرة بالنسبة لك...؟!
تهمني اذا كان مدافع اما اذا هجوم خله
ماذا عن الخطط...هل لديك خطة خاصة بك..ام تعتمد على الخطط المعطاة في اللعبة...؟!
تعرفون goolstorm
الي سوني 1
يوم كانت اشكالهم صناديق
اختار إيطاليا ولا قد غيرت الخطه
بس اسوي تبديلات
وصراحه موضوع قوي وحلو
مشكورين جميعاً- نورتونا على شغلات ماكنّا نعرفها
أخوكم
Stam
zx1400
12-12-2002, 05:49 PM
ممكن اعرف التوضيح لهذه الخطط مع العلم اني كنت اعرفها بس الي عندي يابا ني ارجو التوضيح
الهجوم من اليمين-الهجوم من اليسار-الهجوم من الامام-الضغط على لاعبي الخصم-
Chandler
12-12-2002, 07:09 PM
كنفارو...
لا شكر على واجب يا اخوي...اهم شي تنويركم للموضوع...ان ما كنت انا اللي يرد على موضوعي...اجل مين؟! :)
الر111يق...
مريح نفسك :)...انا اعرف كثااار زيك...اهم شي يلعبون المباراة..وما يحبون يوجعون راسهم بالتخطيط...وشكرا على الرد :#
Stam...
العفو...هذا واجبنا..:)
zx1400...
انا ما فهمت قصدك مضبوط...لكن ان كانك تقصد وين مكان هالاستراتيجيات بحكم ان لعبتك يابانية وما ينفهم شي منها...فأنا باكتب لك كل الاستراتيجيات الموجودة ووين مكانها بالضبط...
بعد ما تفتح صفحة الاستراتيجيات(واللي ذكرت كيف توصل لها في رد سابق)...بيطلع لك 13 استراتيجية..طبعا كلها بالياباني..وهذي ترجمتها...
الاستراتيجية الاولى ---> بدون اي خطة (يعني ولا شي اللاعبين يلعبون عادي بدون استراتيجية محددة)
الاستراتيجية الثانية ---> عادي..خطة عادية(الى الان مو فاهم وش فايدتها)
الاستراتيجية الثالثة ---> هجوم من الوسط(هجوم اللاعبين من الوسط)
الاستراتيجية الرابعة ---> هجوم من اليمين(هجوم اللاعبين من اليمين)
الاستراتيجية الخامسة ---> الهجوم من اليسار(هجوم اللاعبين من اليسار)
الاستراتيجية السادسة ---> الهجوم من الاتجاه المعاكس(يعني ان كنت تهجم من اليمين..يهجمون اللاعبين من اليسار..والعكس)
الاستراتيجية السابعة ---> تغيير الاطراف(يعني الجناح الايسر يتبادل مركزه مع الجناح الايمن..والظهير مع الظهير..وهكذا)
الاستراتيجية الثامنة ---> اختيار احد المدافعين ليرفع الكرة للمهاجمين(تختار مدافع واحد عند قطع الكرة..يمررونها له بشكل شبه اوتوماتيكي ويرفعها للهجوم)
الاستراتيجية التاسعة ---> الضغط على اللاعبين(الضغط على لاعبي الفريق الخصم لقطع الكرة)
الاستراتيجية العاشرة ---> الهجوم المرتد(عند قطع الكرة من لاعبين الخصم..يرتد فريقك للهجوم)
الاستراتيجية الحادية عشر ---> مصيدة التسلل(اشهر استراتيجية..وما تحتاج توضيح)
الاستراتيجية الثانية عشر والثالثه عشر ---> خطط اضافية(تستطيع هنا اضافة خطتين الى خطتك الاساسية..مثلا خطتك 3-4-3..وتريد الدفاع..بضغطة زر واحدة تتحول خطتك الى 5-3-2)
كل هذا اجتهاد شخصي مني...يحتمل الخطأ..فأرجو من اي عضو يلاحظ اي خطأ في كلامي..ان يصححه...:)
m7mmd-wh
12-12-2002, 07:29 PM
اخوي تشاندلر اولا مبروك لاضافه موضوعك ضمن المواضيع المتميزه
ثانيا انا راح اصلح لك 3 اغلاط بترجمتك للاستراتيجيات
الاولى : انت كاتب عادي وهي (بدون استراتيجيه)
الثانيه : انت كاتب لا مركزيه وهي (عادي اللي كتبتها فوق)
الثامنه : انت كتبتها تقدم احد المدافعين وهي (ان اذا قطعها المدافع يناولها بطريقه شبه اوتوماتيكيه للمدافع اللي انت اخترته وهذا المدافع
يلعبها طويله للهجوم على الطريقه الانجليزيه وطبعا انت اللي ترفعها
مو اوتوماتيكيا)
وانتم راح تسألون وش فايده اختيار مدافع محدد
مثلا بهولندا ما فيه ولا مدافع يعرف يرفع الا فرانك دي بور
فانا لو طبقتها راح اختار هذا اللاعب عشان ارفعها فيه ولا ارفعها بواحد ما عنده سالفه
واذا هو اللي قطعها خلاص تكون مقشره ارفعها على طول.....
وهذي تنفع لواحد وسطه تعبان ما يدبر شي ولا يستفيد منه في
نقل الكرات الى الهجوم..........فيستخدمها.....
ولعلمكم انا ما قد جربتها عشان احكم عليها.....:أفكر: بس انا علمتكم وش فايدتها وتنفع لأي الفرق اكثر شي(الفرق اللي وسطها تعبان)......:)
Chandler
12-12-2002, 08:02 PM
الله يبارك فيك..اصلا هو ما تميز الا بردودكم...:)
بالنسبة للاخطاء...مشكور للتعديل...وانا حررتها قبل شوي....:)
الرسالة الأصلية كتبت بواسطة m7mmd-wh
اخوي تشاندلر اولا مبروك لاضافه موضوعك ضمن المواضيع المتميزه
بالنسبه لي انا ألعب بالرادار والكاميرا far
أما الاستراتيجيات زي ماقال اخوي ابوبدر إنها تلخبط وتنسيك المباراه
أما المعنويات ما أفكرفيها إلافي حالة وجود بديل لايختلف مستواه عن الأساسي
أما الخطه 4-3-3 هجوميه
أما في حالة إني ألعب بمنتخب إنجلترا
فالخطه 4-3-3مع التعديل البسيط
وبالفعل موضوع يستحق التميز
Chandler
16-12-2002, 12:38 AM
عشوق...
مشكور يا اخوي على الرد..
بالنسبة لخطتك..واضح انك تحب الهجوم من العمق..لأن خطتك ما فيه اجنحة..صح كلامي ولا لأ؟!
الرسالة الأصلية كتبت بواسطة Chandler
عشوق...
مشكور يا اخوي على الرد..
بالنسبة لخطتك..واضح انك تحب الهجوم من العمق..لأن خطتك ما فيه اجنحة..صح كلامي ولا لأ؟!
والله على حسب نقطة ضعف الفريق المقابل
إذا قلوب الدفاع ماعندك أحد هاجمت من العمق
أما إذا كانت الأظهره بطيئه غيرت شوي من توزيع اللاعبين ولكن نفس الخطه
Chandler
21-12-2002, 11:20 PM
عشوق...
اسلوبك يشبه اسلوب ولد خالي....خصوصا انه يموت بمنتخب انجلترا..:)
prinse
27-12-2002, 09:35 AM
الرسالة الأصلية كتبت بواسطة Chandler
ما مدى استفادتك من الخطط الاستراتيجية...؟!
وانا اقصد هنا -المربع والاكس والدائرة والمثلث- اللي تظهر جنب اسم اللاعب اثناء المباراة...تستطيع قبل المباراة تحديد 4 استراتيجيات ممكن تستخدمها في المباراة..وهي تتنوع ما بين هجوم مرتد الى مصيدة التسلل حتى الهجوم من الاطراف...فهل انت مستفيد منها؟!...
كيف أسويها هذي الخطط
يعني كيف أظهرها
prinse
27-12-2002, 09:39 AM
الرسالة الأصلية كتبت بواسطة prinse
كيف أسويها هذي الخطط
يعني كيف أظهرها
Chandler
27-12-2002, 12:54 PM
اخوي prinse...
سؤالك جاوبت عليه في اول الموضوع..وهذا الجواب مرة ثانية...
اول ما تختار شاشة الخطط والتبديلات اختار رابع كلمة (هي اصغر كلمة )...بعدها بيطلع لك اختيارين..اختار الاول...بعد كذا بيطلع لك اختيارين ثانيين...اختار الاول منهم...بعدها بتطلع لك شاشة صغيره فيها كل الاستراتيجيات الموجودة وفيه 4 علامات (مربع-دائرة-مثلث-اكس)...انت حط كل علامة على الاستراتيجية اللي تبيها...واذا جيت تلعب في المباراة...اضغط L2 (وانت ضاغط عليه اضغط مثلث او مربع او اكس او دائرة) على حسب الاستراتيجيات اللي انت حاطها...
prinse
28-12-2002, 06:11 AM
أكس
مثلث
مربع
دائره
وش معناها يعني وشو هجوم مرتد مصيدة التسلل
بالنسبة لي:
مستحيل العب بدون رادار,بمعنى أصح مافي أمل.
بالنسبة للمعنويات,طبعا لازم اهتم فيها,وأحاول أخلي السهم الأحمر لآخر المباراة.
بالنسبة للكاميرا,ألعب بالعادية"ميدل".
التشكيلة: متغيرة اذا كانت بمنتخب,ثابتة بالماستر ليج,وهي 3-5-2 بارتكازين.
الاستراتيجيات: أهم شي الأوفسايد تراب.
لكن أضيف لها الزون بريس,كاونتر أتاك و تشينج سايدس.
Grandia
28-12-2002, 07:03 AM
انا العب بفرنسا :)
الخطه 4 دفاع
2 وراء خط النص وراء الدائره
وثنين قدام الدائره اللي هم بيريز وترزقيه :)
وقدامهم زيدان وهنري :)
4 دفاع واللي 2 اللي وراء الدائره اثبتهم دفاع :)
واللي قدام الدائره والهجوم اثبتهم في اماكنهم بالعتماد اعتماد تام علي البنيات والنتيجه اكثر من رائعه طبعا سرعة هنرى في المساحات الفاضيه انتم اعلم بها
هذا بختصار :D
Chandler
29-12-2002, 02:22 AM
DK...
تلعب ميدل ?:...مب قريبة زيادة عن اللزوم؟!...ومشكور على الرد...
جـرانديا...
طيب المعنويات واللياقة والاسهم والكاميرات والرادار...ليه ما جاوبت عليها :)...ومشكور على الرد...
نجم الكمبيوتر
11-01-2003, 04:22 AM
بسم الله الرحمن الرحيم
أما انا خطتي 4_3_3 مع التعدييييييل وبالله وشو الردار
:"
أبو بدر
18-04-2003, 01:58 PM
للرفع..
حتى يستفيد منه الاعضاء الجدد بمناقشة مثل هذي المواضيع...
طبعاً بعد اذنك اخوي نواف...:)
WiNdOwS_cRaZy
27-04-2003, 12:34 PM
لو سمحتواااااااااااااا شو هو
هل تستخدم الرادار في المباريات ام لا...؟
شو هو الرادار و كيف يسونه
ما مدى استفادتك من الخطط الاستراتيجية...؟!
لازم اللعب ما يحلي بدون الخطط الإستراتيجية .....
معنويات اللاعبين ولياقتهم..هل هي مؤثرة بالنسبة لك...؟!
عاد شو تبا أجيب لاعييبه تعبانين
أبو بدر
27-04-2003, 05:32 PM
لو سمحتواااااااااااااا شو هو
هل تستخدم الرادار في المباريات ام لا...؟
شو هو الرادار و كيف يسونه
أخوي الزعيم_العيناوي الرادار هو اللي يكون في أسفل وسط الشاشه و هو يشبه تقريباً الخريطه و تلقى فيه توزيع اللاعبين في الملعب ...
أتمنى أن أكون أفدتك ...:)
جميع حقوق برمجة vBulletin محفوظة ©2024 ,لدى مؤسسة Jelsoft المحدودة.
جميع المواضيع و المشاركات المطروحة من الاعضاء لا تعبر بالضرورة عن رأي أصحاب شبكة المنتدى .