المساعد الشخصي الرقمي

مشاهدة النسخة كاملة : يا جماعة شوفوا لي حل مع هالجهاز المخرف !!


Issac
10-12-2002, 04:39 AM
السلام عليكم ...

من تقريباً 5 أيام وأنا والجيم كيوب في حالة غريبة فالجهاز على غير عادته بدا يخرف وأنا أقصد هالكلمة الجهاز ما عاد هو طبيعي وصارت لي معه مواقف في الأيام اللي فاتت بأذكرها بموضوع بأكتبه قريباً تحت عنوان "تــــــــخـــــــاريــــف" لكن خلونا بموضوعنا أسمعوا قصتي وبتعرفون وش صار:

((اليوم الفجر تقريباً الساعة 5 أنهيت ميترويد برايم فقلت أبي أغير جو وألعب لعبة ثانية فشغلت البلاي ستيشن وشغلت Shinobi ويا ليتني ما شغلتها فقعت صدري بتفاهتها بايخة ومملة فطفيت البي إس 2 وقلت أتفرج على التليفزيون أفضل لي المهم مرت الساعات تلو الساعات ما بين التليفزيون والـ PC فقعدت أفكر وش أسوي وشهو الشي اللي يطير الملل فقلت ما في غيرها "Mario Sunshine" وطلعت ماريو ولعبت بس لما شغلت اللعبة كان التحكم معلق على الإتجاه الأيمن فقلت كالعادة أفصله وأشبكه من جديد فصلت يد التحكم وشبكتها من جديد بس المشكلة ما راحت قلت مافي إلا إني أضغط Reset فعدت اللعبة ولما شغلتها التحكم معلق :! فقلت ما في غير طريقة ((ر.ك.ر.خ)) أقولكم قصتها في مو ضوع تخاريف :6 جربت الطريقة وما نفعت فقلت بأفصل يد التحكم للمرة الأخيرة

ولما





جيت




أفصلها



























ما إنفصلت :!

يا حلاوة على الجهاز المخرف طلع عضائة عاض في يد التحكم له تقريباً 7 ساعات عجزت وأنا أسحب وأجر باللين بالقوة ما في أمل مكلبشين ببعض :! أنا ما أدري من وين جاتني هالبلوة لا وأزيدكم من الشعر بيت زر R ما ينضغط يعني رحت فيها ياناس ويش أسوي بهالجهاز هبل بي شيب براسي :" ))


المطلوب من كل من قرأ هذه القصة إما أن يتقدم بإقتراح أو حل للمشكلة أو أن يدعو الله أن نجد حلاً سلمياً يرضي كلا الطرفين وتنتهي السالفة على خير وأظن إنها ما هي بمنتهية إلا عند المشحمة أو بعملية فصل جراحية عند أحد المستشفيات :6
ENIGMA
10-12-2002, 04:54 AM
مرحبا.....



أنا نفس الشيء صار معي للأسف (يعلق R والأنالوج لليمين ) وأكثر شي في ماريو سن شاينز .



في حل يمكن يفيدك وهو انه تعمل CENTER لليد . لازم تعمل التالي :
-تثبت الانالوج على الجهه الي تعلق (اليمين مثلا ) بنفس قوة التعليق .
-وانت مثبته اضغط R+L+START ثلاث ثواني تقريبا .
- ممكن تحتاج تعيدها حتى تضبط تمام .



وشكرا.................;-)
Issac
10-12-2002, 05:02 AM
الرسالة الأصلية كتبت بواسطة ENIGMA
مرحبا.....



أنا نفس الشيء صار معي للأسف (يعلق R والأنالوج لليمين ) وأكثر شي في ماريو سن شاينز .



في حل يمكن يفيدك وهو انه تعمل CENTER لليد . لازم تعمل التالي :
-تثبت الانالوج على الجهه الي تعلق (اليمين مثلا ) بنفس قوة التعليق .
-وانت مثبته اضغط R+L+START ثلاث ثواني تقريبا .
- ممكن تحتاج تعيدها حتى تضبط تمام .



وشكرا.................;-)

يا أخوي جربتها بس ما نفعت المشكلة كيف أفك هالضب اللي عض يد التحكم :"
MULHAM
10-12-2002, 05:40 AM
شيء عجيب :واو: ...
net emperor
10-12-2002, 05:43 AM
ههههههه ما يقدر على فراقه :D


عادي ترى وللناس فيما يعشقون مذاهب ":"


.
.

لا بس من جد غريبة حكاية التلحيم اللي صارت هذي ... انا اقول خلهم على راحتهم هم يدبرون انفسهم لا تخاف :6



وبالنسبة لحكاية التعليق على اليمين فهذي تصير لي احياناً ... بس اذا غيرت اليد تضبط ...


-----------

انا اقول كل هالمشاكل جاية من اختك الصغيرة .. من يوم ما طيحت الكيوب والمشاكل كل ماله تتكاثر :o <== يبي يفتن :D


المهم بس انت حاول من مناك ... إذا ما ضبط عاد اجدعهم بالزبالة .. وقلهم خل يباسة الراس تنفعكم ...

====

على فكرة وش رايكم بتوقيعي الجديد :cool: (( مارديت إلا عشان تشوفونه :6 ))
naji
10-12-2002, 06:03 AM
نفس المشكلة عندي بس فقط في لعبة ماريو
يصير ماريو يجري على اليمين افصل اليد ارجعها مافي فايدة
بس الحمد لله ماصار الا بعد ماانهيت اللعبة
اسمحولي يد الكيوب قوية من ناحية التحكم فيها ولكن سيئة
في قوة التحمل تصدقون عندي اربع ايادي مانجا منها الايد واحدة
Black Box
10-12-2002, 07:35 AM
أنا مثلك ... وكل مرة لازم أعيد الجهاز بعدين يشتغل زي الفل ...

حتى لعبة ميترويد حصل لي مرة نفس الشيء ...

مادري المشكلة من اليد ... ولا من اللعبة ?:
aoks
10-12-2002, 10:54 AM
جهازك مخررررف

اقووووول

حازم....وديه النسر خله يضبطه لك 100%

وما راح ياخذ منك ان شاء الله فوق الـ 150

وسلامتك;-)
hitler is back
10-12-2002, 01:08 PM
الله يعينك

بس لايكون احد هكر على الكيوب
:6

لكن حقيقه شباب لازم تدلعون الكيوب لاني اشوفه جهاز حساس,والحمدلله له سنه عندي ولا سار فيه ولا خرف,مدلعه اخر تدليع,ادلعه من كثر ماسمع من مشاكل باجهزتكم

اذا تحبون تحفظون الكيوب لعمر اطول وليبقى ذكرى لسنين دلعوه ولا بتخربون جزء من احلى الذكريات بحياتكم
Issac
10-12-2002, 04:29 PM
انا اقول كل هالمشاكل جاية من اختك الصغيرة .. من يوم ما طيحت الكيوب والمشاكل كل ماله تتكاثر <== يبي يفتن
صدقت أنا كنت مدلع الكيوب آخر دلع بمجرد ما تجي عليه ذرة غبار أنط وأمسكها قبل ما تلامسه << مبالغ :6 بس فعلاً كنت مدلعه ومهتم فيه وإلى الآن وأنا مهتم فيه وكل المشاكل اللي صارت بسبة الطيحة اللي أكلها وإلا قبل ما يطيح بيوم كنت ممسحه ومهتم فيه <<أبتلشتكم بذي الكلمة :6


المهم بس انت حاول من مناك ... إذا ما ضبط عاد اجدعهم بالزبالة .. وقلهم خل يباسة الراس تنفعكم ...
ما فهمت قصدك :!



جهازك مخررررف

اقووووول

حازم....وديه النسر خله يضبطه لك 100%

وما راح ياخذ منك ان شاء الله فوق الـ 150

وسلامتك
تصدق توني أدري إن عندهم قسم جراحة وتجميل :6


بس لايكون احد هكر على الكيوب
لا تستبعد يمكن وحدة خربته مو هكرت عليه أقولك من هي

في نملة قبل يومين كانت تاكل من فتات برينجلز بالخل والملح << مدرى كيف ما ماتت :6

وأنا عطيتها شلوتي ما دستها شكلها حبت تاخذ بثارها وجابت الشلة علشان يعدمون جهازي :6


لكن حقيقه شباب لازم تدلعون الكيوب لاني اشوفه جهاز حساس,والحمدلله له سنه عندي ولا سار فيه ولا خرف,مدلعه اخر تدليع,ادلعه من كثر ماسمع من مشاكل باجهزتكم

لوت تعرف بس كيف كنت أدلعه :"


اذا تحبون تحفظون الكيوب لعمر اطول وليبقى ذكرى لسنين دلعوه ولا بتخربون جزء من احلى الذكريات بحياتكم
صدقت بذي وتبي الصراحة الجيم كيوب أحلى جهاز شريته في حياتي ;-)
dark-link
10-12-2002, 10:29 PM
تبي تزين اليد خلك ضاغط Y + X + Start لمدة 3 ثواني
;-)
BoJasem
10-12-2002, 11:58 PM
شباب مو متأكد من المعلومة لكن اقولها

اعتقد اتجاه اللعبة إلى اليمين ((صارت معاي)) انك لما تشغل الجهاز ((في لحظة تشغيله)) تحرك العصاة او كانت العصا في وضع غير مستقيم يعني مائلة او شيئ اخر فيحدث هذا الخطأ

هذا وجهة راييي وراح ادور عن تأكدي لها

سلملم ;-)

الحل افصل اليدة وارجع اشبكها

;-)
Golden_Sun
11-12-2002, 12:22 AM
الرسالة الأصلية كتبت بواسطة aoks
جهازك مخررررف

اقووووول

حازم....وديه النسر خله يضبطه لك 100%

وما راح ياخذ منك ان شاء الله فوق الـ 150

وسلامتك;-)

روح صلحة و إنشاالله تزول هذة العوارض الصحية الخطيرة :6
maz1000000
16-12-2002, 06:09 PM
;-)
Mada Mada Dane
17-12-2002, 12:31 AM
وده النسر زي ماقال اوكس وراح يصلحه لك واذا كنت ماتقدر تصبر اشتر جهاز جديد لو عندك فلوسه ;)
SkaveN
17-12-2002, 12:32 AM
وده النسر و ارتح?:
dutchsland^man
18-12-2002, 12:32 AM
وده لبيت الكمبيوتر ، وانا اعتقد المشكلة ان القطعة اللي تشغل الياباني اللي داخل الجهاز هي السبب ، أنا جهازي ما ركبت القطعة والى الحين وهو ما شاء الله مضبوط ولا جته عوارض مرض التخريف ،،،،

انا وزميلي شريناه في يوم واحد في بيت الكمبيوتر أول ما نزل ، وهو ركب المحول ( يشغل ألعاب ياباني أو أمريكي ) وهو جاه نفس الأشياء إلا تعليق اليــــد ،،،،


وشف يا خوك يمكن واحد من أخوانك او الشغالة ياكل علك ودخل العلك داخل اليد ،،،،،



وترى لو كنت تبي تشتري كيوب ، أنصحك من بيت الكمبيوتر تراه حلو ومضبوووووط ، وضمان أهم شي ..‍‍‍

وهذا يرجعلك شخصيًا ، و ما على الرسول إلا البلاغ ..‍‍