المساعد الشخصي الرقمي

مشاهدة النسخة كاملة : عام ذا جيت أوي في الرياض


Tha prince
13-12-2002, 07:18 PM
ابشركم يا شباب ذا جيت أوي نزلت اليوم في الرياض اللعبة المنتظرة من

اول ما نزل السوني بالتحديد شريتها امس يوم الخميس من محل اسمه

نهار على شارع المدينة بالرياض في ظهرة البديعة 4242745

أول شيء تحسه اول ما تشغل اللعبة : يجي استعراض شركة سوني يدل

بإخراج حلو مجرد انك تظغط ستارت تجي اختيارات نيو جيم لود جيم أوبشن

====> لا يوجد طور حر تقتج تستهبل في المهام بس

اول ما تبدأ اللعبة تبداها بمطاردة اذا كنت من منتظرين اللعبة بشوق منذ الاعلان عن اول صورة لها
<== نفس الحالة

اول شيء بتحسه بخيبة امل كبيرة لأن رسوم الخلفيات سيء جدا لكن

الشخصيات رسوماتها حلوه بل رهيبه و اسلوب القتال عجبني بإمكانك

تصوب تصويب اتوماتيكي على اقرب عدو و تقدر تصوب تصويب حر ( مثل

ميتل جير ) وفيه امكانية الالتصاق بالجدار و الظهور المفاجيء للأعداء

( ميتل جير ) وايضا تقدر تآخذ رهينة مثلا تاخذ واحد من الاعداء تشوف كل

الاعداء رافعين يديينهم وتقدر تاخذ من الابرياء فيه حركة الدحرجة سرقة

السياراات تقدر تسرق أي شيءو تقدر تطلق على الكفر او اي جزء من

السيارة ( جراند ثيفت ) و الحوادث القوية تعدم السيارة بسرعة يعني ما
عاد تتحرك طبعا و الشوارع مأخوذة من لندن ( معروف )

والسياراات كلها مشهورة حتى الآن افضل سيارة وجدتها لكزز بأنواعها

على ماظن يوجد ثلاث انواع السواقة اكثر من رائعة ( التفحيط ) ظابطينه

لكن السيارة الي حتكون معك في اول مهمة راح تخليك تكره اللعبة من

بياخة سواقتها كأنك تسوق سيارة من لعبة في سوني ون علشان كذا

تحمل و حاول تفوز المهمة الاولى بعدين بتعجبك انشاء الله


اما القصة فما اقدر اتكلم عنها شكلها قصة رهيييييييبه في البداية تبدو قصة عادية لكن كل مالها و تتعقد



ولو سوينا لها مقارنة مع جراند ثيفت أوتو اقدر اقول

المستوى الاجرامي : جراند ثيفت أوتو

المطاردة خارج السيارة : جراند

المطاردة داخل السيارة : جيت أوي


القصة : جـــيـــــت أوي بدون منازع

رسوم الخلفية : جراند بلا منازع

رسوم الشخصيات : جيت أوي

اسلوب القتال : جيت أوي

الرجة والهبال : جراند طبعا

تجنين الحكومة : جراند

الاطرقة والمدن : على حسب إذا كنت تحب الطرق الصغيرة والزحمة

وتنظيم الي اقدر اسميه عمل فني طبعا حتكون جيت أوي في لندن

اما تبي شوارع فاضية وواسعة و سياراات شوية جراند

السواقة ( التفحيط ) : جيت أوي


الرسوم عامة جراند احسن لكن في رسم الشخصيات جيت أوي افضل
يمكن


الصعوبة : جيت أوي المهمة ألأولى يالله فزتها ترى والله اللعبة صعبة جدا اما جراند ثيفت أوتو كلها اركب السيارة و سو الي تبي



أما العيب الرسمي جدا جدا والي خلاني احقد على شركة سوني فهو
عدم وجووود أي شيء على الشاشة شاشة فاضية

لا عداد سرعة ولا طاقة للاعب

ولا كم بقي ذخيرة يعني يخلص المسدس وانت ما تدري لازم تعد كم

طلقت من طلقة :0) ولا ي شيء بالمرة بس لاعبك و انت تراكض وتسوق

الشاشة فاضي حاولت سويت كل شيء بالأوبن ما طلع لي ولا شيء
للأسف والله قهر

في الاير اقول اللعبة ما عليها كلام حلوه لكن خربووها بعيوب بايخة كانو

يقدرون يصلحونها علشان كذا اقدر اقول اللعبة مخيبة للظن و محبطة

لمنتظريها و تسوي صدمة ه:!


<=== منقهر على الاخير
ارجو أن اكون افدتم واي استفسار انا حاضر





تحياتي ;-)
bir9
13-12-2002, 07:47 PM
كلامك صحيح
معقدة مرة بعد
و التصويب الاتوماتيكي (ابي اعرف كيف)
و مشكووور على الموضوع
محب الأجهزة
13-12-2002, 09:08 PM
افااااااااااا أجل طلعت مخيبة للآمال ؟؟
طيب في اللعبة في صدق انك تدخل كل مكان وأي مكان ؟؟؟
واللعبة كثيرة التعليق مثل gta vice city ولا ماتعلق ؟؟
والشرطة قوية في اللعبة ؟؟ وهل يجيبون إمدادات وجيش ولا بس دوريتين ؟؟
وكيف نظام الشرطة يعني مثل جراند ولا غير ؟؟
وهل في تنسيم كفرات؟؟

وآسف للإطالة ..
Tha prince
13-12-2002, 10:16 PM
التصويب الاوتوماتيكي بالظغط على زر R1 اما التصويب الحر بالظغط على زر R2

----------------------------------------------
محب الأجهزة :

افااااااااااا أجل طلعت مخيبة للآمال ؟؟
-------------------------------------------
ايه والله ياخوي شفت آخرتها ننتظر سنتين وفي الاخير لعبة عادية او عادي مرتفع المهم موب مثل ما توقعنا





طيب في اللعبة في صدق انك تدخل كل مكان وأي مكان ؟؟؟
-----------------------------------
ايه كل الاماكن تقدر تدخلها مثل درايفر 1 :D
ما فيه ولا مكان تقدر تدخله إلا المكان الي تسوي فيه المهمة فقط لا غير بتة بتاتا
<=== حسب معلوماتي





واللعبة كثيرة التعليق مثل gta vice city ولا ماتعلق ؟؟
============
لا ما تعلق جيت أوي ابدا
لكن جراند ثيفت أوتو انا شريته ولا قد علق علي إلا اول مرة لعبت فيه بعدها ماشي معي زي الفل والله ولا دي في دي أصلي وانا شاريه من نفس المحل ( نهار ) قل له ابي نسخة ما تعلق ويعطيك انشاء الله








والشرطة قوية في اللعبة ؟؟ وهل يجيبون إمدادات وجيش ولا بس دوريتين ؟؟

:D حلوه دوريتين لا موب دوريتيين بس المسألة ان العصابات والشرطة تطاردك يعني كبسة العصابات تلقى معهم لكزز وسيارات و سواقتهم احسن من الشرطة و يطلقون عليك رشاش ومطارداته اقوى من جراند ثيفت أوتو لأن الشوارع ضيقةو زحمة سياراات تحتاج لواحد طارة علشان تضيعهم و الشرطة بس تحدد و تحاول توقفك بس اذا عصبت سوت لك حاجز فقعت كل كفراتك و بن امك تحرك :D
اما عن الجيش ما حتى الآن ما جاني شيء ومثل ما قلت اصلا اللعبة موب مثل جراند ثيفت أوتو يعني تلعبها علشان تسوي مهام موب استهبالية
يعني انا اذا لحقتني الدورية علشان مخالفات مرورية من الاستعجال واصلا مطاردة العصابات لك تخليك تتنرفز و تعكس ام الدنيا

وكيف نظام الشرطة يعني مثل جراند ولا غير ؟؟


لا نظام الشرطة يختلف اختلاف تام يعني في جراند متى تلحقك الدورية ؟؟؟ بس اذا قتلت احد قدام عيونهم او صدمت الشرطة في جيت أوي نظام واقعي جدا يعني لو يشوفك شرطي قاطع اشارة او معاكس الطريق على طول يمشي وراك و واحيانا اصلا تكو نمطارد من اول المهمة من الشرطة والعصاباات والشرطة اذا قربت عندك ولا قدرت تقتل الشرطي و نزل من السيارة وقرب عندك خلاص يكلبشة و يمسكونة

وهل في تنسيم كفرات؟؟

تقدر تطلق على جميع اجزاء السيارة مثل جراند تنسيم كفرات و تكسير جزاز و تشوف اذا جت طلقة وحدة على جزازة تسوي تشوف اثرها يعني الجزاز ما ينكسر كله مرة وحدة



وآسف للإطالة ..


وش دعوة الله يحييك واي استفسار ثاني انا حاضر وفي الخدمة



بس شباب انا نسيت اقول شيء نسيت اقارن بين جيت اوي و جراند
من ناحية الاخلاق

انا اقول لك جراند ثيفت أوتو كل شيء فيه وسخ كل شيء تقريبا يعني وانت في الشارع تشوف بنات الشاطىء والبنات الخاصين بيـ... الله يلعنهم
و صور و لودينج البداية
اما جيت أوي مادري وش اقول كننت متوقع انهم بيعالجون هالمشكلة على الاقل يلقون شيء يتميزون به عن جراند
في بداية اللعبة كل شيء محترم و في الشوارع ما فيه بنات لابسين ملابس لك عليها
لكن يوم اني فزت المهمة الثانية فجأة جابو البطل يكلم على واحد من المرقص والمرقص وش فيه فيه بلاوي الله يآخذهم ويلعنهم قولو آمين يعني الي لعب ديد تو رآيت وشاف المهمة الثانية يقول ايه يمكن زي كذا انا اقول لا العن والله البنت لاببسة لبس من كثر ما يسترها ما تشوفه :D اللله يلعنهم يعني بهالمشهد غطو على جراند ثيفت وكل شيء لا و من زين الطبايع الكلام مهم في القصة ولا تقدر توخر العروض بأي زر يعني شايفها شايفها ( بالنسبة للي يبي القصة )
انا والله غمضت وقعدت اسممع الله ياخذهم الحين كل الاالعاب الرهيبه لازم يدسوون فيها هالاشياء و لو اني متحفظ على كلمة رهيبه شوي بالنسبة للعبة جيت أوي
<=== متحطم من جد :"
المهم ما طول عليكم اي خدمة انا حاضر


تحياتي ....;-)
AL_7RBY
13-12-2002, 10:49 PM
مشكور اخوي البرنس اليوم انشاله ابشتريها ;-)




الى الان لا توجد لعبة تهز عرش الكبير G T A ":"
Tha prince
14-12-2002, 12:26 AM
الى الان لا توجد لعبة تهز عرش الكبير G T A
------------------------------------
كنا متأملين في جيت أوي بس يا خسارة تصدقون انه ما ينفع تآخذ ذخيرة يعي تاخذ مسدس تخلص طلقاته يذبه و وتروح تدور لك مسدس ثاني والله بديت اشك ان اللعبة الي نزلت عندنا تجريبيية



:غضب:
تحياتي ...........;-)
mum
14-12-2002, 01:15 AM
والله اللعبة حلوة لكنها صعبة.... وفيه حاجة ودي أعلمها لكم وانا توهقت فيها اول ما لعب وهي كيف تزود طاقتك.... ببساطة اذا تكفخت( اصبت ) اوقف وخله يرتاح شوي وتزود طاقته ... وشكراً
Tha prince
14-12-2002, 01:21 AM
هلااااااا حبيب قلبي MSM
نورت الموضووع
تصدق عاد اني شاك في انك اذا ارتحت تزود الطاقة بس ما توقعت


اما عن اللعبة حلوه فهي حلوه و عن كونها صعبة هذا إلي محليها في عيني اكثر لكن بالله عليك لعبة من شركة كبيرة ولها سنتين تسويها تتوعد انها بتكسر السوق ومادري ايش في الاخير ؟؟ كسرت السوق بسمعتها فقط لكن اللعبة موب مثل ما توقعنا او علشان ما اوهق احد معي
ميب مثل ما توقعت انا على العموم اللعبة حلوه و ممتعة جدا والمهام ايضا حلوه و فكرتها جديدة ما تشبه لجراند ولا حاولت تقلدها في أي شيء
لكن المشكلة في الرسومات الخلفية تحس انك في درايفر 1 و مشكور على الرد

تحياتي ......;-)
Tha prince
14-12-2002, 01:24 AM
MSM = mum


سوري حبيبي قلبي غلطة مطبعية
mum
14-12-2002, 01:45 AM
العفو اخوي ... وترى الرسوم الخلفية مهيب سيئة لهالدرجة...

بس ودي اسألك وانت تدور بالمدينة ما لقيت ملعب نادي الأرسنال لأني دورت شوي ومالقيته ... واذا لقيته انت قلي لأن ودي أسلم على الشباب هناك :p ;)
solidsnake13
14-12-2002, 02:44 AM
هل اللعبة تستحق الشراء ولا هي لعبة عادية وتمشاية حال:0)
وكم تعطوها تقدير
|*|The Ruler|*|
14-12-2002, 03:23 AM
:( تراك غلطان ..... ذا جيت اوي نزلت صح لكنها ديمو مهيب كامله ...
والدليل ادخل هنا (http://gamespot.com/gamespot/filters/products/0,11114,914419,00.html) تبي تلقى ان اللعبه ما حددوا لها غلاف اصلاً .. وانها راح تنزل 21\1\2003:( يعني بعد شهر ونص تقريبا من الان;-)
stuntman2004
14-12-2002, 04:18 AM
مشكوووور
محب الأجهزة
14-12-2002, 04:26 AM
توقعت هذا الشيء .. لأني سمعت أن اللعبة بتنزل في 2003 مو الحين .. على كذا اللعبة صارت ديمو ..
Dr-CuTe
14-12-2002, 05:05 AM
النسخه اللي نزلت هي النسخه الاوروبيه:)

و النسخه الامريكيه تصدر بعد شهر ونص
أبو بدر
14-12-2002, 05:07 AM
مشكور أخوي Tha prince على الخبر الحلو ....:)

بالنسبه للديمو ... فأنا أتوقع إنها كامله لأن النسخه الأوربية تنزل بتاريخ
11\12\2002 .... وهذا يعني إن النسخه اللي نزلت أوربية و كامله .
Dr-CuTe
14-12-2002, 05:26 AM
تقدر تلعب و تتجول في المدينه يوم اما يكون عندك مهمه
ابو نادين333
14-12-2002, 06:53 AM
يوه واخرتها
ذا جيت واي اجل لعبه مخيبه لللأمال و20ريال خساره فيها

لكن انشاء الله يعود الأمل في لعبة مافيا

بس عسى ما تكون مخيبه للأمال مثل ذا جيت واي

انشاء الله تكون لعبة مافيا احسن من لعبةgta

بس قولوا امـــــــــــيـــــــــــــــــــــــــن

مع تحيات :- ابونادين333:cool: :cool:
mum
14-12-2002, 08:42 AM
كلام abdullah sdf مزبوط النسخة اللي نزلت PAL وهي كاملة
وال NTSC/US بعد شهر ونص

والسبب ان النسخة الاوروبية نزلت قبل الامريكية لأن الشركة المصممة أوروبية :)
m7mmd-wh
14-12-2002, 09:59 AM
اللعبه خيبت ظني كثييييييييييييير:( :( ....................


مع اني ما عديت المهمه الاولى :":

ومن عيوبها انك ما تقدر تطالع ورا وانت تسوق او تطالع يمين و يسار
ومثل ما قلتوا ما فيه قوه تظهر على الشاشه او بيان لعدد الرصاصات والاسلحه....

واضيف عليها ان ما فيه خريطه للمدينه (لندن)......


وبالنسبه للاخmum
ملعب الارسنال يقع بضاحيه من ضواحي لندن الهايبري (HIGHBURY)
وانا ما اتوقع ان الضاحيه هذي موجوده بالشريط:) ........


عموما انا عجبتني السيارات اما التحكم فانا ما جربت غير اول سياره (الخضرا) وان شاء الله تكون السيارات اللي غيرها احسن......


وانا بعد 10 دقايق من اللعب......
علق علي الشريط وراح اشوفه بكره
عسى ما يستمر هالتعليق:( :(
msm
14-12-2002, 11:29 AM
مشكووووووووووور Tha prince على الموضوع ..

أنا ماجربت اللعبة للحين .. لكن من كلامكم الظاهر اللعبة مافيها حرية زي GTA يعني فيها نظام المراحل او المهمات يعني مهمة ورا مهمة واذا فشلت فيها تعيدها ..يعني ماتطلع يمين ولا يسار :6 ( متوقع هالشي ) ..
Cyber Master
14-12-2002, 02:37 PM
ربما يتم تلافي جميع الأخطاء الموجوده في النسخه الأوربيه عند صدور النسخه الأمريكية

اتمنى ذلك :أفكر:
Tha prince
14-12-2002, 02:48 PM
شكرا شباب على الرد
اما موضووع انها كاملة ولا ديمو لا اكيد كاملةو التاريخ الي انت حطيته هذا حق الاصدار الامريكي ( انشاء الله يطوروونها شوي ) نسيت اقول ان من عيوبها ما تقدر تناظر يميين ولا يسار ولا ورا يعني بترجع ريوس لازم ثانيتيين ترجع علشان يحطون التصوير وراك مع ان الزر إلـ 2 والزر آآر 2
ما لهم أي شغلة وانت جوا السيارة يعني ترصه ما يسوي شيء لو خلوها تشوف ورا و يميين ويسار احسن

وصح عليك اخوي MSM اللعبة مهمة ورا مهمة اذا فشلت تعيدها مثل درايفر لكن مع عدم وجوود نظام تمشي حر و ما فيها خريطة مثل ما قال اخوي محمد بس ياخوي انت عدي المهمة الاولى ترى اللعبة حلوه مرة
لكن انا توقعتها احلى من كذا ولا هي حلوه و مهامهاحلوه وحماسيةو وبين المهام تجي مطاردات شيقة وحماسية المهمة الاولى والسيارة الاولى تحوم والكبد و تضيق الصدر بس العب العب الين تندمج مع القصة وصدقني بتعجبك انا الحين في المهمة الـ 6 يومين كاملين العب فيها وما وصلت إلا السادسة صراحة اللعبة حماس وصعبة و حلوه لكن عيوب بايخة لو ظبطوها كان حطمت اللعبة ارقام قياسية


اخوي MUM فعلا الخلفيات ميب سيئة جدا لكن كل السالفة اني انا ويا اغلبكم توقعناها احسن من كذا

solidsnake13 انا اقول اللعبة تستحق الشراء و نص اللبعبة رهيبه لكن عيوب تافه خربتها مثل ما قلت ما فيه خرايط ما فيه معلومات ما تقدر تاخذ ذخيرة ما فيه طور غير المهام بعكس درايفر و اطوار التحدي و جي تي اي وهو اللعب الحر ما تقدر تناظر لا ورا ولا يمين ولا يسار مع ان الازرار ما لها شغل والخلفيات ليست بذلك السوء لكن بالنسبة للعبة من شركة سوني و لها سنتين يشتغلون فيها المفروض تكون احسن من كذا بكثييير

ومشكورين شبب على الرد
<== وانا في الخدمة اي استفسار


تحياتي ........

;-)
سنيك سوليد
14-12-2002, 02:57 PM
عندددددددددي سواااااااااااااااال مهم

هل في حرية في التحكم يعني اقدر انزل من السيارة واسرق السيارة الي ابيها زي جراند ثيفت اوتو ولا زي درايفر الجزء الاول بس مهمات وهم يعطوني السيارة

اذا كانت مافيها حرية في التحكم ماراح اشتريهااااااااا مررررررة لان ماتعجبني الالعاب الي زي كدة :o :o :o

ولا خيبت ظني هاذي اللعبة منا كلام الي تقولونة سنتين ونحن ننتظر :غضب: :غضب: شي يقهر


ارجو الاجابة سريعا :o :o
Tha prince
14-12-2002, 02:59 PM
لا يهمك رد سريع رد سريع :D


تقدر تاخذ اي سيارة تقابلك مهما كانت لكن فيه بعض المهام ما تقدر تنزل من السيارة
طبعا تقدر لكن الرجال منشب على المقعد الي جنبك و دايخ يعني لازم علشان تفوز تكون معك هالسيارة

وتحياتي ;-)
البرت ويسكر
14-12-2002, 03:36 PM
يوء ياشباب كل هذي العيوب والله انكم ظلمتوا الللعبة اللعبة حلوة وفيها بعض العيوب مثل الكاميرا

بس اللعبة حلوة


ولا تنسون درايفر 3


هو الي راح يهز السوق


هزززززززززززززززززززززززززززززززززززززززززززززززز
Tha prince
14-12-2002, 11:15 PM
اول شيء ابي اعتذر من ابو بدر لأني ما انتبهت لردك وبصراحة يشرفني انك قريت الموضووع و انا اتوقع نفس توقعك اللعبة شكلها كاملة



البرت وسكر :
قلت لك اللعبة حلوه مرة والي يعطيها تقدير 90 ظالمها لكن انا قهرتني العيوب البسيطة والي تعتبر من أولويات أي لعبة سياراات مثل عداد السرعة مع ذلك خلها نقول ميب مهمة بس النظر الى الجوانب والخلف هذي مهمة جدا جدا جدا جدا و اقول جدا الين اشبع والل هما قد رجعت ريوس إلا وصدمت والخريطة المفرو ضتكون موجوودة بعد هذا وانت جوا السيارة
وانت برا من اساسيات اي لعبة مسدسات انه يككون فيه عدد الذخيرة
وامكانية حمل اكثر من مسدس هنا ما تقدر إلا تشيل مسدسين صغيريين و مسدس كبير ساكتون او رشاش ما ينفع اثنينهم لا وازودك من الشعر بيت ما ينفع تدخل الرشاش وتطلع المسدسات الصغيرة وبعد ما فيه عداد للطاقة مع انك تقدر تعرف من مشيت البطل على طول وتقدر تزودها مثل ما قال الاخ بالوقووف جنب جدار او اي شيء المهم ترتاح
يعني لا خلو اللعبة كاملة من حيث كونك جوا السيارة ولا وانت برا وكلها عيوب بايخة ويقدر اي مصمم لعبة تلافيها وتعديلها بيوم واحد
علشان كذا انا حقدت على شركة سوني وشلون شركة كبيرة تغلط هالغلطة الي ما يغلطون فيها إلا المبتدئين غير الرسوم الي توقعناها احسن من كذا بس الرسوم حلوه ما عليها توكل عيش لكن توقعنا افضل
ولا اناا منهبل على اللعبة وعاجبتني واعطيها نسبة 95 % لولا الاخطاء البايخة كان تحصل 99 او 98 بالنسبة لرأي المتواضع
وشكرا على الرد



تحياتي .....;-)
محب الأجهزة
15-12-2002, 04:23 AM
اللعبة عندي بالفعل !! انا ماتوقعتها بهذا الغباء يعني سوني قعدت سنتين تسوي لعبة وآخرتها تطلع لعبة زي كذا ؟!! يعني لو اي لعبة ثانية وقعدوا عليها سنتين كان حطمت السوق .. وفي أخطاء قوية للغاية وماأدري وشلون نسوها مثل : ماتقدر تشوف ورا !! أنا ماأعرف حتى أن الشرطة تطاردني .. ولا في خريطة اول مرة اشوف لعبة تمشي على انك تدق اشارة يمين وتلف !!

بس في سؤال يطرح نفسه : هل تتوقعون أن اللعبة ممكن تتحسن في النسخة الأمريكية ؟!! ?:
Tha prince
15-12-2002, 02:06 PM
نتمنى والله انهم يحسوون النسخة الامريكيية بس انصحك تكمل لعب اذا اندمجت معها بتعجبك
محب الأجهزة
16-12-2002, 03:44 AM
انا اندمجت في اللعبة وفعلا هي رائعة بس المهمة الثالثة ماعرفتلها وشلون طريقتها ؟؟?:
aoks
16-12-2002, 05:36 AM
المهمة الثالثة

اذهب للمكان المطلوب بالسيارة

ولما توصل

بتدخل متحف

اقتل الي معهم مسدسات وارقى الدرج وامشي وقتل كل إلي معهم مسدسات وبعدين بتلقى درج في اخر الدور إلي فوق ينزل على تحت

انزل واقتل الثلاثة إلي تحت وبتلقى درج طوارئ على اليسار ادخله واقتل واحد واقف على الدرج وبتلقى واحد ثاني معه شت جن

اقتله

وكمل طريقك تحت في القبو وبتلقى التمثال المطلوب

خذه والحين انحاش للمطعم إلي اتفقت ان وشاري انكم تتقابلون فيه

انا في المهمة الخامسة

صععععبة
Tha prince
16-12-2002, 12:36 PM
انا وصلت للمهمة 12 ;-)
will
17-12-2002, 07:24 AM
انا محتار اشتريها ولا لا
وشكرا the prinesعلى الموضوع على الأقل عرفت شي عنها
أبوشذى
17-12-2002, 08:15 AM
انا شريته من نفس المحل

ويعطيك العافيه......
البرت ويسكر
17-12-2002, 09:05 AM
انا يا اوكس وصلت المهمة السادسة والله صعبة من جد مهمتك انك تدخل قسم الشرطة


والله صعبة:" :" :" :"


سلملم;-)
Tha prince
17-12-2002, 02:36 PM
والله لو تجربون المهمة 12 تنسون كل الصعوبات على بال ما توصل للمكان بالسيارة تمل ومطارداات لمدة ربع ساعة تكون لسة بادىء المهمة الحقيقية وهي صعبة اكثر واكثر
لكني بتكي عليها اليوم وافوزها غصب عليها




-------------------------------
will انا محتار اشتريها ولا لا
وشكرا the prinesعلى الموضوع على الأقل عرفت شي عنها




-----------------
العفو


_________________________________________
أبوشذى :
انا شريته من نفس المحل

ويعطيك العافيه......

---------------------
الله يعافيك



تحياتي .....
-----------------------------------------;-)
محب الأجهزة
19-12-2002, 10:39 PM
أنا وصلت المهمة الرابعة ووصلت لين لقيت فان تصدم شرطة وتحرقها وبعدين الحق الفان وبعدين يقولون خسرت في المهمة !!
يعني وش لازم اسوي في الفان ؟؟؟