مـــســـاعــدات

[aoks]

بسم الله الرحمن الرحيم

أحب أفتتح هذا الموضوع الخاص بالمساعدات

إذا تبي أي مساعدة في أي لعبة

تفضل وأكتبها هنا بدون تردد!!

وبما أني صاحب الموضوع فراح أبدأ أنا بطلب المساعدة;)

أنا الحين في The Getaway موصل المهمة السابعة...يقولي روح للفان وغير ملابسك..رحت هناك وغيرت الملابس وبعدين طلب مني ألحق سيارة فان أخرى...رحت ولحقتها ووصلت لمكان توقف فيه سيارة الفان إلي لازم الحقها ويكتب لي Mission Faild عشاني ضيعت الفان?:

ممكن أحد يقولي وش لازم أسوي؟:D

[msm]

أنت واصل مثلي المهمة السابعة ..

بعد ماتلحق الفان وتخربها ..راح توقف الفان الي لحقتها ..خلاص اتركها وكمل طريقك واتبع اشارات سيارتك الى ان تصل لمركز الشرطة ..

واذا وصلت هناك وخلصت المهمة السابعة علمني ..لاني انا عجزت القى غرفة الأسلحة في المركز :": :D ..

[aoks]

لازم اخرب الفان؟؟

أنا الحقها بدون ما اخربها

ولا ألمسها

اللهم ألحقها وهي توصل مكان معين وتوقف

والإشارات تأشر لي عليها

توني ادري اني لازم اخربها:D

مشكور:D

[aoks]

للرفع + انا وصلت زيك يا msm لمركز الشرطة

ويقولي لازم اجيب مسدس..ماادري كيف:(

[كاو بوي]

غرفه الاسلحه فوق اخذ المسدس بعدين يرن الجرس

ويجموعون علي بعدين مادري وين اروح

الصراحه اصعب شريط:غضب:

[aoks]

كاو بوي

لما تجيب المسدس لازم تقتل المفتش

لكن وين المسدس بالضبط فوق؟

[SINVER_kalagrus]

الرسالة الأصلية كتبت بواسطة كاو بوي
غرفه الاسلحه فوق اخذ المسدس بعدين يرن الجرس

ويجموعون علي بعدين مادري وين اروح

الصراحه اصعب شريط:غضب:

نفس المشكله:( ....

[ابوتركي]

وصلت للمرحله الرابعه على ما اظن اللي فيها لكزس LS430ويركب معي واحد بس اذا وصلت للمكان مادري وش اسوي

[aoks]

لازم يا ابو تركي تلقا شاحنة...وتصدمها لين ما تتدمر..وبعدين بينزل منها واحد..خذه وركبه معكم وأرجع للمقر:)

[ابوتركي]

مشكووووووور بس اناا الحين وصلت المرحله12

[aoks]

ابو تركي

في المهمة السابعة وييين غرفة الأسلحة بالضبط؟؟

[msm]

الرسالة الأصلية كتبت بواسطة aoks
ابو تركي

في المهمة السابعة وييين غرفة الأسلحة بالضبط؟؟
أول ماتدخل المركز يتلقى شرطي واقف أمامك .. اتبعه وخلك وراه ..الى ان يقف عند مدخل احد الغرف .. الآن انظر الى الجهة اليمنى ..واركض في خط مستقيم الى ان تجد الحائط أمامك .. عندئذ ستجد الدرج المؤدي الى الدور الثاني على يمينك ;) ..

غرفة الأسلحة (Evidence Room) موجود في الدور الثاني .. ابحث عنها عن طريق الأسهم <------- ..
ملاحظة : أول ماتصل الى الدور الثاني امشي في الممرات وانت ملتصق على الجدار ..

[aoks]

أنا وصلت المهمة رقم 8

بس لعبت فيها شوي...صعبة شوي:)

وشكرا يا msm على المساعدة رغم أني توني أشوفها وانا موصل المهمة الثامنة

على العموم

مشكورين:)

وأعيد وأكرر...أي واحد يبي أي مساعدة في أي لعبة

فليكتب هنا;)

تحياتي aoks

[SkaveN]

معليش تعلموني التحكم في ذا جيت اوي
لاني عجزت حتى في المرحلة الاولى:":
و كيف ازود طاقتي

[msm]

التحكم ..

0خارج السيارة0
X : اذا كنت عند الحائط فستلتصق به .. واذا كان أمامك سيارة أو حاجز منخفض فستحتمي به .. واذا كنت خلف العدو مباشرة فستمسكه كرهينة ..واذا كنت تجري فستتشقلب :D ..

O : للدخول الى السيارة ..

المربع : لإستخدام الأسلحة ..واذا كنت ماسك الرهينة بتلوي عنقه ..

مثلث : لإخراج الأسلحة ..

R1 : للتصويب التلقائي ..

R2 : للتصويب العادي ..

0داخل السيارة0
مايحتاج معروفة وسهلة :6

وبالنسبة لتعبئه الطاقة :
قف بجوار اي حائط ..وستجد "هاموند" يتكئ عليه .. وبتتعبأ الطاقة تدريجياً ..

[aoks]

أنا وصلت المهمة رقم 11

أي واحد يبي أي مساعدة في أي لعبة يكتب على طووووول:D

[محب الأجهزة]

انا وصلت المهمة الخامسة ( بعد المهمة حقت اللكزس ) وماعرفت وش اسوي وكل شوي يقول : you were cought ولا اعرف وش اسوي ..
واحد منكم يعلمني الله يرحم والديكم ...

[عابد 25]

انا واصل للمهمة الرابعة حقت اللكزس .. رحت للمكان المحدد ولكن ماني عارف وش أسوي !! هل اخرج من السيارة والا أتبع سيارة آخرى

الرجاء المساعدة

[aoks]

محب الأجهزة

لازم تتسلل للمكتب إلي حق شارلي (المكتب إلي لما تدخله في المرحلة الأولى يضربونك فيه)

لازم تتسلل له بدون ما يشوفك أحد

تراها صعبة

عابد 25 : بتلقى سيارة شرطة لنقل السجان

لازم تكسرها بحيت انك تصدم فيها عدة مرات


أستغرب كل الناس أسألتهم في ذا جيت اواي:D

[ابوتركي]

اقول المرحله 12مووووووووووووووووووت كيف تعديتها عطني اساسياتها

[aoks]

انا توني في 11:D

اصبر علي:D

[prinse]

سؤال في هيد هنتر

كيف أتغلب على الزعيم الي يرسل عناكب إذا صدمت فيني أنفجرت?: ?: ?:

[aoks]

والله مااعرف في هيد هنتر

لأن ما لعبت فيه الا شوي

انا سؤالي في ذا جيت اواي

الحين موصل المهمة رقم 12
بس ما تلاحظون ان اللعبة صعبة من ناحية تضييع الشرطة؟؟

ممكن اذا في احد عنده طريقة مثالية يقولنا

[ابوتركي]

الرسالة الأصلية كتبت بواسطة aoks
والله مااعرف في هيد هنتر

لأن ما لعبت فيه الا شوي

انا سؤالي في ذا جيت اواي

الحين موصل المهمة رقم 12
بس ما تلاحظون ان اللعبة صعبة من ناحية تضييع الشرطة؟؟

ممكن اذا في احد عنده طريقة مثالية يقولنا

شفت الصعوبه زين الحين واتمنى تضيفني على الماسنجر
aboturke_m@hotmail.com
وبالنسبه لتضييع الشرطه سهل المشكله في السفينه موووووووت

[عابد 25]

الرسالة الأصلية كتبت بواسطة prinse
سؤال في هيد هنتر

كيف أتغلب على الزعيم الي يرسل عناكب إذا صدمت فيني أنفجرت?: ?: ?:
أول شئ تطلق على العنكبوت وإذا طلقت عليه قرب منه واضغط X ووجه على الباب اللي خلفه الرئيس .. وهكذا إلى ان يموت

[prinse]

ما فاد جربة قبل

[عابد 25]

الرسالة الأصلية كتبت بواسطة prinse
ما فاد جربة قبل

اخوي انا مختم اللعبة ومتأكد من الحل اللي كتبته ..

انت مو من اول رمية على الباب تبي تهزمه .. لالا .. ترى المعركة طويلة والرئيس ذا طويل شوي

ارمي اكثر من عنكبوت على الباب ..

[M2K]

بالنسبة لتضييع الشرطة أخوي aoks :

ما تقدر تضيعهم إلاا إذا مشيت بشويش واخذت سيارة ثانية بدون ما يدرون عنك أو انك تنزل عليهم وترشهم رش :0)


تحياتي :) :0)

[M2K]

بالنسبة لتضييع الشرطة أخوي aoks :

ما تقدر تضيعهم إلاا إذا مشيت بشويش واخذت سيارة ثانية بدون ما يدرون عنك أو انك تنزل عليهم وترشهم رش :0)


تحياتي :) :-)

[عابد 25]

انا واصل في المهمة السابعة اللي تدخل مركز الشرطة وتاخذ سلام لتقتل به رجل .. لكن انا عجزت صراحة في طريقة قتله كل ما احاول اقرب منه يهجمون علي الشرطة ...

اللي يعرف طريقة لا يبخل علينا

[aoks]

عابد 25

اطلع فوق وبتلقى غرفة في مسدس خذه...ولما تطلع بتلقى على يمينك رجل بدين لابس فانيلة بيضاء وبنطال بني فاتح..طارده إلى ان يصل لمكان ومعين...واطلق عليه الرصاص

إلى ان يموت:)

[التعاوني]

يا الله وش كل المعلومات هذي الله يعطيكم العافيه

[عابد 25]

الرسالة الأصلية كتبت بواسطة aoks
عابد 25

اطلع فوق وبتلقى غرفة في مسدس خذه...ولما تطلع بتلقى على يمينك رجل بدين لابس فانيلة بيضاء وبنطال بني فاتح..طارده إلى ان يصل لمكان ومعين...واطلق عليه الرصاص

إلى ان يموت:)

المشكلة لو شافني أحد من الشرطة وانا ماشي وراه راح يطلقون علي ..

لكن انا باحاول ..

مشكور

[MEL C]

انا الحين في المهمه 13 الي تلعب فيها بالشخصيه الثانيه...DC:0)

[aoks]

الرسالة الأصلية كتبت بواسطة MEL C
انا الحين في المهمه 13 الي تلعب فيها بالشخصيه الثانيه...DC:0)

حظك

انا في المهمة 12

والله صعبة

للحين ما قدرت اوصل السفينة:"

[ابوتركي]

مسيكين اوكس الى الحين ماوصلت للمرحله 13 ترى 12 سهله بس يبغى لك شوية ذكاء يعني امش نظامي في الخطوط العاديه واذا شفت الطريق مافيه شرطه دز واذا تكعفشت من الشرطه انزل وقتلهم وغير السياره وعلى هالحال

تحذييييييييييييييييييييييييييييييييييييييييييييييييييييييييييييييييييير

المهمه 13 فيها خلاعة
يعني اللي عنده اخو صغير يطلعه من الغرفه لاني توهقت قدام اخواني الصغار

[aoks]

ابو تركي...شكرا للتحذير...والله هذا الي يقهرني في اللعبة:(

بس تراني بعدل في ردك لأنك الفاظك شوي صعبة

[ابوتركي]

الرسالة الأصلية كتبت بواسطة aoks
ابو تركي...شكرا للتحذير...والله هذا الي يقهرني في اللعبة:(

بس تراني بعدل في ردك لأنك الفاظك شوي صعبة

عادي خذ راحتك وانا كتبتها وكنت منفعل

وبالنسبه للعبه تحلو وفي المرحله 13تساعدك الشرطه والمهمات اللي بعدها تشوف المجازر و القتال يصير في الشوارع والشرطه تساعدك
وحقيقه اللعبه تصييييييييير رووووووووووعه لاتفوتكم يا شباب

[msm]

طفح الكيل :غضب: ..

عجزت أعدي المهمة 21 في شخصية دي سي كارتر :" ..الي عبارة عن تسلل الى وكر العصابة ..

الي عنده تلميحات لهذه المهمة او تعداها .. يكتب الطريقة مشكوراً

[north-star]

الرسالة الأصلية كتبت بواسطة msm
طفح الكيل :غضب: ..

عجزت أعدي المهمة 21 في شخصية دي سي كارتر :" ..الي عبارة عن تسلل الى وكر العصابة ..

الي عنده تلميحات لهذه المهمة او تعداها .. يكتب الطريقة مشكوراً


انا الحين متوهق فيها وش السواه ياناس:"

[prinse]

يا شباب أنا الحين المتوهق في المرحله الرابعه شلون أفوز فيها وش قصة الي يركب معي

[prinse]

؟؟؟؟؟؟؟؟؟؟؟؟؟؟؟؟؟؟؟؟؟؟
ترى سؤالي في ذا جيت وي

[SkaveN]

انا في المهمة 12
صعععععععععبة مره
ساعدونييييييي:"

[عابد 25]

prinse:
امش بالسيارة إلى المكان المعين ، وراح تلقى شاحنة لنقل المساجين حاول تصدمها إلى ان توقف وبعد كذا تنتهي المهمة

Brick Game:
روح إلى المنطقة المحددة وهي منطقة السفينة وادخلها ، ولازم توصل إلى قبو السفينة وانتبه من الاعداء المنتشرين بكثرة في قبو السفينة ، وحاول تقتلهم إلى توصل إلة باب ادخله وامش بين الصناديق إلى ان تنتهي المهمة ..

[prinse]

شكراً ياعابد جا الرد متاخر أنا الحين في التاسعة

=-=-=-=-=-=-=-=-=
شي غريب في ذا جت واي

بعض الأحيان وأنا أمشي ويكون جنبي سياره وأقفه يدخل تحتها وتنتهي المهمه

[عابد 25]

الرسالة الأصلية كتبت بواسطة prinse
شكراً ياعابد جا الرد متاخر أنا الحين في التاسعة

=-=-=-=-=-=-=-=-=
شي غريب في ذا جت واي

بعض الأحيان وأنا أمشي ويكون جنبي سياره وأقفه يدخل تحتها وتنتهي المهمه
صراحة ماانتبهت إلى طلبك الا اليوم ، و لا بأس المحاولة بنفسك أفضل .. وبالتوفيق وانا واصل الحين في المهمة 23 اي مساعدة انا جاهز :D

ايه هذا على انه صدمته السيارة ويموت ، على بالهم يسوون حوادث :D :D المشكلة بعض الاحيان صدمة السيارة تكون خفيفة ويموت منها .. وين الواقعية ?:

[nano8706]

لو تسمح أريدك أن تقولى على مواقع أستطيع أن أسوى منها داون لود لألعاب البلاى ستاشن بس يكون فيها ألعاب كاملة و جديدة و شيقة و يبقى ألف شكر ليك.

[prinse]

أنا الحين في المهمه 11

صراحاً معقده

[عابد 25]

الرسالة الأصلية كتبت بواسطة prinse
أنا الحين في المهمه 11

صراحاً معقده
ذكرني بالمهمة أكثر :أفكر: ، هل هي حقت اشعة الليزر ؟؟؟

[prinse]

نعم حقت الليزر

[عابد 25]

المهمة مالها طريقة معنية عشان تنهيها ، يعني على حسب قدرة الشخص ..

واللي مصعب المهمة انك إذا جلست فترة في المكان اللي فيه الليزر ينفجر الغاز ..

انت حاول تجد طرق لتتجنب ملامسة الليرز ولا تستعجل .. هذي نصيحة مني ، ركز والعب بهدوء في هذه المهمة ..

وإذا انفجر الغاز لا توقف حاول تخرج من الغرفة بسرعة وتضغط X عشان الدحرجة وبعدين تسند على الجدار لتعبي طاقتك ..

[وهــج الليــــل]

مشاءالله مشاءالله اقبال على الموضوع زي الحلاوه.... :cool: :cool:

المهم ياشباب ممكن اسرار The Getaway وكيف طريقة شرحها..لاني انا شفتها في المنتدى وبصراحه ما عرفت كيف اشغلها ياليت احد يقولي كيف.؟ :أفكر: :أفكر:

ومشكور اخوي....aoks بصراحه رووووووووووعه :واو: :واو: :واو:

[وهــج الليــــل]

غرييييييييييبه والله ليش محد يرد على الاسئلة......؟؟؟؟؟؟ وين الشباب اللي يردون على الاسئله

[محب الأجهزة]

أبغاكم تساعدوني في المرحلة الأولى من لعبة tine spplitters 2 اللي تكون في سيبيريا عام 1990 .
خلصت المهمات الموجودة في المرحلة وبقت الأولى بس وماعرفت وش اسوي .. ودرت المرحلة ومالقيت شيء ...
وفي مكان اروح له القى في الرادار دائرة خضراء ولما اروح لها ماالقى شيء بس القى درج ..
انا تعقدت في المرحلة ولا عرفت وين اروح ممكن تعلموني ؟؟؟

[عبـــــــــده]

الرسالة الأصلية كتبت بواسطة عابد 25

صراحة ماانتبهت إلى طلبك الا اليوم ، و لا بأس المحاولة بنفسك أفضل .. وبالتوفيق وانا واصل الحين في المهمة 23 اي مساعدة انا جاهز :D

ايه هذا على انه صدمته السيارة ويموت ، على بالهم يسوون حوادث :D :D المشكلة بعض الاحيان صدمة السيارة تكون خفيفة ويموت منها .. وين الواقعية ?:

ما شا الله عليك واصل المهمه23 ....... طيب لو سمحت ساعدنا....

انا واصل المهمه 21 وهم يبغوني اروح وكر شارلي....اوكي انا رحت هناك ....وطلبوا مني التسلل الى الوكر ....اول شي تلقى اثنين عند المدخل بعد ما يخلصوا كلام الاصلع يدخل والثاني يقعد عند السياره الخطيره.... تسللت ورا اللى عند السياره وقتلته ....وبعدين طلعن المحل ولقيت الاصلع يطل للجدار وقتلته ...... وبعدين تطلع فوق وعلى طول تنزل عند كراتين العصير وتتخبى وراهم الى ان يخلصوا كلامهم.. ويروحون.... وبعدين دخلت داخل المصنع ... وفيه اثنين يتكلموا ... وبعد ما خلصوا كلام واخد تقدم للامام والثاني يروح يسار ..... انا الان حيـــــــــــــــــران?: ?: ?: ......ماادري وين اروح كل ما اتسلل من مكان يكشفوني ,,,,


فيا ريت يا اخ تقول لنا كيف تعديتها.... بالتفصيل الممل ....وتقبل فائق تحياتي...;-)

[aoks]

محب الأجهزة...أرجع بداية المرحلة....وبتلقى بيوت..وحده منها فوقها دش


ارمي عليه TIMED MINE

القنبلة الموقوتة وبيتفجر

الحين ارجع اخر المرحلة (المكان الي لقيت فيه الكرستالة الخضراء) وبتلقى دائرة الزمن

ادخل فيها وبتروح احلى مرحلة في اللعبة (شيكاجو):D

[عابد 25]

الرسالة الأصلية كتبت بواسطة عبـــــــــده


ما شا الله عليك واصل المهمه23 ....... طيب لو سمحت ساعدنا....

انا واصل المهمه 21 وهم يبغوني اروح وكر شارلي....اوكي انا رحت هناك ....وطلبوا مني التسلل الى الوكر ....اول شي تلقى اثنين عند المدخل بعد ما يخلصوا كلام الاصلع يدخل والثاني يقعد عند السياره الخطيره.... تسللت ورا اللى عند السياره وقتلته ....وبعدين طلعن المحل ولقيت الاصلع يطل للجدار وقتلته ...... وبعدين تطلع فوق وعلى طول تنزل عند كراتين العصير وتتخبى وراهم الى ان يخلصوا كلامهم.. ويروحون.... وبعدين دخلت داخل المصنع ... وفيه اثنين يتكلموا ... وبعد ما خلصوا كلام واخد تقدم للامام والثاني يروح يسار ..... انا الان حيـــــــــــــــــران?: ?: ?: ......ماادري وين اروح كل ما اتسلل من مكان يكشفوني ,,,,


فيا ريت يا اخ تقول لنا كيف تعديتها.... بالتفصيل الممل ....وتقبل فائق تحياتي...;-)
لازم تنزل لقبو مركز العصابة .. وإذا نزلت راح تلقى اثنين من رجال العصابة يتكلمون ، الأول راح يوقف في مكان ، اما الثاني بيتحرك ثم يبرجع إلى مكان وقوف الأول .. بعدين انت امشي ولا تقتل احد منهم وبذلك تكون انهيت المهمة

[بيلي كوين]

أخ عابد أنا في المهمة 21 قتلت الاشرار إلى في المستشفى
بعدين رحت مكان في سيارتين لكزس برة ودخلت في الجراج
ولقيت فراري وسيارة ثانية وما لقيت شئ هناك
مني عارف اش أسوي ممكن تقولي الحل أخوى بسرعة لني
متحمس مع اللعبة ومشكور مقدما ;-)

[عابد 25]

الرسالة الأصلية كتبت بواسطة بيلي كوين
أخ عابد أنا في المهمة 21 قتلت الاشرار إلى في المستشفى
بعدين رحت مكان في سيارتين لكزس برة ودخلت في الجراج
ولقيت فراري وسيارة ثانية وما لقيت شئ هناك
مني عارف اش أسوي ممكن تقولي الحل أخوى بسرعة لني
متحمس مع اللعبة ومشكور مقدما ;-)
هلا اخوي ..

اول شئ لازم تدخل بسيارتك إلى مكان السيارتين اللكزس الموقفة ، بعدين اخرج من سيارتك وادخل الجراج راح تلقى مجموعة من رجال العصابة اقتلهم بعدين دور على رجل مقتول ، يعني مهمتك تدور على رجل معاه ملفات تهمك ، دور في الجراج على واحد وتنتهي المهمة ..

ودور في المكان اللي قبل مكان الفراري والسيارة الثانية ..

[سلـــــــــــــ]

انا واصل في لعبة 007 الاخيرة عند لمن اخذ بزوكة عند التلفريق ومني عارف اعدي لو مسمحتو ممكن تعطزني الحل

[عبـــــــــده]

الرسالة الأصلية كتبت بواسطة عابد 25

لازم تنزل لقبو مركز العصابة .. وإذا نزلت راح تلقى اثنين من رجال العصابة يتكلمون ، الأول راح يوقف في مكان ، اما الثاني بيتحرك ثم يبرجع إلى مكان وقوف الأول .. بعدين انت امشي ولا تقتل احد منهم وبذلك تكون انهيت المهمة

ممكن توضح اكثر..... يعني من فين انزل للقبو ... من اي مكان ... ياريت تشرح لي بالتفصيل منبدايه المهمه... معليش ثقلنا عليك ... بس اتحملنا

[msm]

الرسالة الأصلية كتبت بواسطة عبـــــــــده


ممكن توضح اكثر..... يعني من فين انزل للقبو ... من اي مكان ... ياريت تشرح لي بالتفصيل منبدايه المهمه... معليش ثقلنا عليك ... بس اتحملنا
أنا متخصص في هذه المهمة بالذات -المهمة 21- ":" :

إليك الحل بالتفصيل الملل :

أول ماتدخل المستودع .. وتلقى الشخصين الي قلت عنهم ..استند على أول صندوق الي بجانبك على اليمين .. وسترى الرجل (الي قلت عنه انه تقدم الى الأمام) ستجده واقف .. اجلس فترة من الوقت ..وبيتحرك من مكانه .. وبيجي ناحيتك ..بعدين يلتف ويرجع مكانه ويظل على هذه الطريقة يذهب ويأتي ..

في المرة الأولى اتركه .. وفي المرة الثانية راح يلتقى معه الشخص الثاني (الي قلت عنه انه يروح لليسار) ..ثم راح يلتفون ويكملون طريقهم ..انت انتهز الفرصة والحق الرجل الأول واقتله -أو بالأحرى اقبض عليه- وضعه امام آخر صندوق في الممر الي انت فيه على اليسار ..وانتظر الى ان ترى الشخص الثاني يرجع الى المكان الي كنت واقف فيه واول مايروح ..ارجع لمكانك الأول (أول ماتدخل المستودع .. أول صندوق الي بجانبك على اليمين) ..وانتظره هناك .. واول مايلتف ويكمل طريقه امسكه واقبض عليه ..

الآن ارجع لمكان الشخص الأول المقبوض عليه (الذي وضعته امام آخر صندوق في الممر الي انت فيه على اليسار) ..وانظر وانت مستند على الصندوق وسترى شخصاً آخر ..وبسرعة اجري خلفه وامسكه .. الآن سترى تحتك مباشرة درج يؤدي للأسفل انزل من خلاله واستند على الحائط الذي على اليسار ..سترى شخصاً آخر ولكن لايمكنك المرور أمامه ..لذا اذهب للحائط الذي امامك مباشرة (أمام الحائط الذي استندت عليه عندك نزولك الدرج) وامشي عليه وانت مستند الى ان تصل الى خلف ذلك الشخص الذي رأيته .. وامسكه .. و ..

خلاص اكمل طريقك مباشرة لتجد هاموند هناك :D

ملاحظة1 : مابداخل الأقواس هو تفصيل للتفصيل الذي كتبته :6 ..
ملاحظة2 : انا حفظت المهمة هذي حفظ ..من كثر ماحاولت اعديها :": ..

[prinse]

أبغى الحل الكامل للمهمه- 12-

ودي أعرف وش المطلوب مني في المهمه

[ابو خطاب]

السلام عليكم

يا اخوان انا واصل لمرحله19 ساعدت الشخصين وطلعو معي للشارع لكن ما بغو يركبون السياره معي لكن خلتهم وتبعت الاشارات بعد ما ركبت السياره ووصلت لمكان بس ما اعرف شنو اسوي

[عبـــــــــده]

الرسالة الأصلية كتبت بواسطة msm

أنا متخصص في هذه المهمة بالذات -المهمة 21- ":" :

إليك الحل بالتفصيل الملل :

أول ماتدخل المستودع .. وتلقى الشخصين الي قلت عنهم ..استند على أول صندوق الي بجانبك على اليمين .. وسترى الرجل (الي قلت عنه انه تقدم الى الأمام) ستجده واقف .. اجلس فترة من الوقت ..وبيتحرك من مكانه .. وبيجي ناحيتك ..بعدين يلتف ويرجع مكانه ويظل على هذه الطريقة يذهب ويأتي ..

في المرة الأولى اتركه .. وفي المرة الثانية راح يلتقى معه الشخص الثاني (الي قلت عنه انه يروح لليسار) ..ثم راح يلتفون ويكملون طريقهم ..انت انتهز الفرصة والحق الرجل الأول واقتله -أو بالأحرى اقبض عليه- وضعه امام آخر صندوق في الممر الي انت فيه على اليسار ..وانتظر الى ان ترى الشخص الثاني يرجع الى المكان الي كنت واقف فيه واول مايروح ..ارجع لمكانك الأول (أول ماتدخل المستودع .. أول صندوق الي بجانبك على اليمين) ..وانتظره هناك .. واول مايلتف ويكمل طريقه امسكه واقبض عليه ..

الآن ارجع لمكان الشخص الأول المقبوض عليه (الذي وضعته امام آخر صندوق في الممر الي انت فيه على اليسار) ..وانظر وانت مستند على الصندوق وسترى شخصاً آخر ..وبسرعة اجري خلفه وامسكه .. الآن سترى تحتك مباشرة درج يؤدي للأسفل انزل من خلاله واستند على الحائط الذي على اليسار ..سترى شخصاً آخر ولكن لايمكنك المرور أمامه ..لذا اذهب للحائط الذي امامك مباشرة (أمام الحائط الذي استندت عليه عندك نزولك الدرج) وامشي عليه وانت مستند الى ان تصل الى خلف ذلك الشخص الذي رأيته .. وامسكه .. و ..

خلاص اكمل طريقك مباشرة لتجد هاموند هناك :D

ملاحظة1 : مابداخل الأقواس هو تفصيل للتفصيل الذي كتبته :6 ..
ملاحظة2 : انا حفظت المهمة هذي حفظ ..من كثر ماحاولت اعديها :": ..

ثانكيو فيري مطش ..... على مساعدتك لي ولكن مع هذه النصايح... برضه ما قدرت اعدي.,... بس اخر شي تدري ايش سويت .....في البدايه خليتهم لمن يتفقون الاثنين مثل ما قلتلي وامسك لك الاصلع واسحبه سحب واطلعه برا المصنع من مكان ما جيت عشان لاحد يكتشفه واصفه بالرشاش على مقفاه ..... ويجيك الثاني واول ما يتمغط الا والحقه بخويه واسدحه جنبه....وش رايك بهالطريقة.....;-) ;-)

[ابو خطاب]

الله يجزاكم خير ليش التطنيش

[aoks]

أبو خطاب : لو اقدر اساعدك..بس لازم تساعدني أول لأني توني في المهمة 12

ما عرفت اوصل السفينة الوقت يخلص بسرعة!! والشرطة ما ترحم..واذا مشيت نظامي خلص الوقت وانت ما دريت

[THE_ZODIAC]

السلام عليكم

سؤالي في ^غيت وي^

انا يمكن في المرحلة السادسة اللي تكون بعد مرحلة التسلل للغرفة اللي يعذبونك فيها في بدايت اللعبة و بعدها وصلت الجثة و رحت مكان يتحاربوا فيه ناس و دائما يذبحوني هناك و اتمنى تساعدوني

[ابو خطاب]

السلام عليكم

اوكس انت لا تمشي نظامي لان الوقت راح يخلص

امش باستهتار الى ان تصل لمكان حق ميناء السفن وفي شبك فيه فتحه مكسوره انزل من السياره وادخل للفتحه وادخل للسفينه

بس


زودياك لازم تذبح جميع الناس داخل المبنى

[prinse]

الرسالة الأصلية كتبت بواسطة prinse
للرفع
ممكن تجوبوني
شأنا وصلت السفينه بس ما قدرت أفوز فيها
أبغى الحل الكامل للمهمه- 12-

ودي أعرف وش المطلوب مني في المهمه

aoks أنا ماعتقد أن الوقت قليل أنا يمكن ماخلص علي الوقت إلى مره وأحده

[بلاي ستيشن 2]

انا ابشركم خلصت اللعبة:0)

[md_na_m_aj]

اريد مساعدة في جيت اوي المرحلة الرابعة متع الشاحنة
ما اعرفت اش المطلوب
:!

[We6fe]

حبيت ارفع الموضوع لانه مهم جدا :)

بعدين كثرت مواضيع المساعدات .. وحبيت يكون هذا الموضوع شامل لاي مساعده مو بس انه يكون للي علق في اي مكان ;)

وشكرا

[F I N A L]

انا خاتم العبة اي سؤال اسئلو


الهمة الرابعة يبوك تلحق المؤشرات الضوئية لين توصل لمكان الشاحنة

لونها بيضاء كبيررررة بتوصل لمكان زي شارع ضيق سادة لا لايس فيه اي لفة مافيه سيارات ابد



يبوك تلحقها وتكسرها

[F I N A L]

سيصاب مارك بلغضب نتيجة مغادرة شارلي للقصر وسيتصل بصديقه كارتر

طالبا مزيد من المعلومات :

شارلي الان متواجد على ظهر قارب لنقل البضائع اسمه{سول فيتا}ويجب عليك التوجه هناك اركب السيارة واتبع المؤشرات الضوئية لتصل اليه
ثم توقف بلقرب من المستودع وانزل للممر لتجد قارب اصعد للقارب
وانعطف يمينا وتخلص من الاشرار واتجه لقمر القيادة وتخلص من الشرير
تقدم لاخر الممر على اليمين واعبر الباب في الناحية اليسرى
وخد قسطا من الراحة
ثم اتجه اسفل السلالم لتصل الى غرفة المحركات واقضي على الاشرار
ثم اقتل جميع الاشرار الذين هناك (انتبه بعض الاشرار يتسللون اليك خلسة) ابحث عن غرفة في مكان مظلم ادخلها احدر الرافعات ابحث عن الصناديق المتدلية (احدر هناك اشرار) ستصل الى سلالم وبعدها ادهب الى الشرفة واقضي على الشرير وانزل من السلالم ثم سر الى المام
لتصل الى الغرفة التالية واحدر الرافعة وبسرعة تخلص من الشرار والسلام عليكم ورحمت الله وبركاته