دروس الرسم لون على الفوتوشوب مع orange road [الأرشيف]

orange road

22-12-2002, 09:55 PM

بسم الله الرحمن الرحيم

باحط لكم طريقتي في التلوين على الفوتوشوب..
وهي طريقة وايد سهلة ^^
يعني بعد هالدرس محد يقدر يقول ما اقدر او ما اعرف الون على الفوتوشوب..
وانشاءالله الله يعيني واكمل الدرس للاخير..
وانشاءالله انكم تستفيدون من الدرس خصوصا المبتدئين...

:غضب: لان في اعضاء هني ما عليهم كلام.. وقائمة الاغتيالات زادت وطالت... وحجيكوا يوم... انتوا بس حاسبوا على روحكم ياللي تعرفون روحكم :غضب: :غضب:

:D نرجع حق محور حديثا

اول شي انتوا محتاجين رسمة علشان تلونونها...

في البداية رسموا سكيتش حق الرسمة اللي في بالكم.. واهم شي تركزون ان الابعاد تكون صح...
يمكن هالسكيتش مب ليذاك المستوى (رسمته وانا في الشغل) لكن هو اللي باشرح عليه الدرس...

orange road

22-12-2002, 10:03 PM

الاسكيتش اللي فات رسمته بالحبر علشان يطلع واضح...
لكن انتوا ممكن ترسمونه بالرصاص اسهل علشان تمحون..

علشان اضبط الرسمة حطيت ورقة ثانية فوق السكيتش ونقلتها مرة ثانية..
وانتوا ممكن تحبرون السكيتش وبعدين تمسحون الرصاص
او تسوون نفس الطريقة..
المهم اخر شي نبي رسمة ابيض واسود نظيفة..

وبتحصلون على شي جذي ^^

orange road

22-12-2002, 10:06 PM

لما تسوون لها سكان سكنروها بال gray scale علشان ما تطلع لنا ظلال صفرا...
وخلو الكثافة على 400 dpi على الاقل علشان تطلع واضحة...

فتحوها على الفوتوشوب..

الحين الرسمة تسكنرت على ال gray scale mode واذا لونا فوقها بتطلع الالوان بدرجات الرمادي...
علشان نخلي الالوان تتلون فوقها عادي لازم نغير المود للرسمة..

ومن قائمة image نختار امر mode ونحدد المود اللي نبيه وهو في هالحالة RGB

orange road

22-12-2002, 10:22 PM

الحين احنا نبي نضبط الرسمة حق التلوين.. علشان نقدر نعبيها بالالوان بسهولة ومن غير ما تطلع عندنا فراغات ومساحات بيضا بين اللون وبين خط التحديد..

معناها ان لازم نحول الرسمة من رسمة عادية حق مساحات بيضا بخطوط سودا...

وهالحركة نسويها من امر image ونختار منه امر Adjust وبعدين امر Threshold
استعمل غالبا القيمة 155 ...
عاد هني انت وتقديرك ^^

orange road

22-12-2002, 10:34 PM

الحين صار عندنا رسمة جاهزة حق التلوين...

ممكن بعد على الرسمة الاصلية نحدد اماكن الضوء والظل علشان نسهل على روحنا التلوين...

مثل ما سويت بهالرسمة...

علشان لما الون استخدمها كمرجع ^^

orange road

22-12-2002, 10:37 PM

الحين باوقف لحد هالخطوة ^^

وفي الليل انشاءالله باكمل الدرس...

برزوا الرسوم علشان تطبقون عليها

GM Head

22-12-2002, 11:22 PM

ممتاز يا خلود ^^

هذا هو الدرس لي كنت أبيه

لأني شفت له نفس الخطوات بس بالياباني(المترجم مو قاعد يترجم الموقع) و أنا ما أعرف كل الكانجي >_<

فهذا هو الحل العربي له

و الله يعيطيج ألف ألف ألف ألف عاااااااااااافيييييييييييية @@

shaheen

23-12-2002, 12:25 AM

أهااااا وانا اقوووووول شلون تضبطين التظليل ترى تسوين سكيتش;-)
ممتاز يا محترفة
انا شفت بالانمي يسوون هالشئ بس ماكنت ادري معنى الالوان (ظل ولمعان)

حلو.. اختي خلود .. كملي :)

هـداف

23-12-2002, 04:03 AM

اللــــــــــــــــــــــــــه:6

موضوع عجيب ومفيد جدا .....مشكورة خلود على هالموضوع ...طريقتج عجيبه...ننتظر التكمله على أحر من الجمر;)

RSSAM

23-12-2002, 08:06 AM

مشالله درس وايد موفيد :)

مشكوره ءختي اورجينال رود على هالشغل الممتاز

الصراحه عجبني الدرس تسلم ايدج ;-) :)

orange road

23-12-2002, 08:56 AM

الحمدلله ان الدرس عجبكم ^^

بس معليش.. باضطر اني اكمله بكرة مب الليلة...
بسبب ظروف خارجة عن إرادتنا :o

الخطاف

23-12-2002, 08:17 PM

اووووووووووو
موضوع مفيد وايد ووايد حلو
خنتعرف على الأسلوب (الختير) ...
وحركة تلوينج وايد حلوه ...لازم أجرب :D

يالله كملي خلود

Madoka

23-12-2002, 08:44 PM

مشكووووره خلووود عالموضوع هذا ^___^ راح انتظر تكمله الدرس بفارغ الصبر ;)

orange road

24-12-2002, 05:34 AM

^^ نكمل الدرس..

بعد ما ضبطنا الرسمة وحددنا اماكن الضوء والظل على الاسكيتش ...

كل اللي علينا الحين ان نعبي المساحات بالالوان اللي نبيها...

اختاروا اداة الدلو وعبو المساحات ^^
سهلة.. صح؟

orange road

24-12-2002, 05:49 AM

ممكن نوقف لحد هالخطوة..
بعض الرسامين يحبون تكون رسومهم ملونة بمساحات ^^ (لو تلاحظون فطوم رسومها القديمة بدون تظليل لكنها حلوة)

لكن ممكن نكمل ونظلل...

التظليل له طريقتين...

وحدة اسمها soft وهي التظليل ما يكون محدد بالضبط، ويستعملون فيه الفرشاة او الاير براش
والنوع الثاني اسمه cell وهو التظليل اللي يكون بنفس الطريقة اللي تكون في الانيمي (لو تلاحظون تكون مناطق التظليل محددة عدل وغامقة)

خلنا نبتدي بطريقة ال soft

اول شي لازم نحدد المنظقة اللي بنظللها علشان لما نلون ما تطلع الالوان على الخطوط وتنعفس الرسمة..

في ادوات في الفوتوشوب تساعدنا على الاختيار ^^
واول اداة بنستعملها هي ال magic wand

روحوا على الويه وضغطوا عليه بالعصا السحرية وبتلقون ان المنطقة تحددت بنقط تتحرك..
هاذي معناه ان ما نقدر نلون الا داخل الاختيار بس...
انزين.. لون الويه موجود بعد بين خصلات الشعر والرقبة...
ما ابي الون كل منطقة بروحها.. ابي احط الظل مرة وحدة...

نوقف فوق المنطقة المحددة ونضغط بالزر الايمن للفارة، وبتطلع قائمة فيها اختيارات.. نحتار امر similar هالامر معناه ان احنا نبي العصا تختار لنا كل المناطق اللي بنفس اللون ^^

او ممكن تضغطون على shift وتقعدون تحددون بالعصا كل منطقة بروحها

وفي الاصدار السادس ما يحتاي زر ال shift لان تلقون خيار اضافة اختيار ثاني لمنطقة التحديد

يعني الحين شلون نختصر هالخطوة

magic wand بعدين الزر الايمن للفارة بعدين similar

^^

orange road

24-12-2002, 05:56 AM

والحين عقب ما حددنا المنطقة اللي بنظللها

كل اللي علينا نختار الفرشاة او الاير براش ونبتدي نظلل
هني اختيار الالوان وطريقة توزيع الظل والنور عليكم انتوا ^^

وبجذي ظللنا بطريقة ال soft

orange road

24-12-2002, 06:04 AM

ممكن نكمل التظليل على الرسمة بنفس الطريقة..

لكن هني مثلا ابي اخلي باقي التظليل بطريقة ال cell
^^

الاداة اللي بنستعملها هني هي اداة ال lasoo tool وهي من ادوات الاختيار

نحدد فيها المنطقة اللي نبي نظللها.. ويكون التحديد على شكل الظل اللي نبيه يطلع...

لاحظوا هني ابي اظلل الشعر.. التحديد طلع شوي على الويه.. مب مشكلة..
لانهم منطقتين منفصلتين عن بعض.. يعني ما بيطلع اللون على المنطقة الثانية الا اذا تعمدت الونها ^^

orange road

24-12-2002, 06:08 AM

الحين بالدلو نعبي المنطقة اللي اخترناها بلون اغمق من لون المنطقة ^^

وبعدين نشيل الاختيار..
اما انك تضغط عليه مرة ثانية بال lasso tool او تختار امر deslect من قائمة select

orange road

24-12-2002, 06:17 AM

انزين...

اقدر اتحكم بال lasoo tool لان عندي light pen
لكن اذا عندك فارة شلون تقدر تتحكم فيها

اذا كنتوا نفسي في التحكم بالفارة ما بتقدرون تحددون المنطقة اللي تبونها عدل باللاسو...

انزين .. في حل ثاني ^^

اذا رحتوا فوق اللاسو وتميتوا ضاغطين بيطلع لكم ادوات ثانية..
اختاروا اداة polygonal lasso tool وهالاداة تخليكم تحددون المنطقة على شكل خطوط ^^

انزين.. احنا ما نبي المنطقة تكون مضلعة..

حاولوا انكم تحددون المنطقة بالشكل التقريب حق الظل اللي تبونه زبعدين من قائمة select اختاروا امر modify ومنها امر smooth
دخلوا القيمة اللي تبونها وبتلقون المنطقة صارت انعم ^^

orange road

24-12-2002, 06:23 AM

وكرروا نفس الطريقة في كل الرسمة وبتطلع لكم جذي ^^

orange road

24-12-2002, 06:28 AM

وبنفس الطريقة نضيف الضوء...

وبتطلع الرسمة بهالطريقة...

orange road

24-12-2002, 06:33 AM

العيون نلونها بنفس الطريقة ^^

حددتها بالعصا السحرية... ولونتها بالفرشاة

وبعدين باللاسو حددت مناطق الضوء ولونتها بالابيض

وحددت حوالين العين باللاسو بعد ولونتها بالابيض.. وحطيت ظل رمادي خفيف فوق العين ^^

orange road

24-12-2002, 06:39 AM

وعقب ما خلصنا من التلوين.. بتطلع لنا الرسمة بهالطريقة ^^

orange road

24-12-2002, 07:03 AM

وعقب ما خلصنا من التلوين نحط الخلفية بالطريقة اللي نبيها ^^

وطريقة وضع الخلفية بتلقونها في هالدرس

كيف تضع خلفية لرسوماتك (http://www.montada.com/montada/showthread.php?s=&threadid=104521)

واذا في اي سؤال انا حاضرة انشاءالله
ويا ريت يكون في نفس الموضوع علشان الكل يستفيد

Madoka

24-12-2002, 07:18 AM

مشكوووووره وايد خلووود عالدرس الحلوو هذا :) و ما قصرتي ^______________^

رسمتج بالنهايه سارت رووعه ;) ;) خصوصا العين ^ ^ كووووووول

shaheen

24-12-2002, 07:21 AM

ماشاء الله درس حلو وفيه اشياء وايد تقنية ماكنت عارفها:)

ممتاز يا خلود
خوش درس ^^

MZM

24-12-2002, 11:21 AM

السلاااااااااااااااااااااااااااااااااااااااااااام خلووووووووووووووووود :"

متى حطيتي الدرس .. هاذي أنا اعتبرها خيانه :" كان المفروض اتابع الموضوع اول بأول

شي كبير مثل هاذا ما كان المفروض يفوتني

هههههههههههههههههههه

المفروض انا ألزق اول واحد اكتب رد

موضوع روعه صج يا فنانة الفوتوشوب :D

كنت ادري من زمان لو تشريحين طريقتج بالتلوين راح الكل يشوف منج شي جديد عليه و افكار روعه ^^

الموضوع حيل عجبني و استفدت منه و الله كثير يا فنانة الفوتوشووووب

خطوة أمر الـ Threshold اول مره اعرفها :" كنت ادري ان عندج بلاوي متلتله تختصر علينا كثير من الوقت :"
ليش ما سويتي ها الموضوع من زمان :غضب:
انا اللي اعرفه عن الفوتوشوب كله جاي من العبث و كثير اشياء اجهلها
و انتي ما قصرتي شرحك كان اكثر من روعه و جدا واضح و حلو

مشكور مشكوره مشكوره يا سيدة الفوتوشوب و هاذا الموضوع بالفعل كبير حيل بالنسبه لي و للكل

و جزاج الله ألف خير على كل معلومه قلتيها و كل معلومه جديد تعلمناها من شرحج :D

سلااااااااااااااااااااااااااااااااااااااااام

MZM

24-12-2002, 11:46 AM

نسسيييييييييييت :" كله من موضوعج اختبصت :cool:

الرسمه نسيت اعلق عليها :D سرحت مع الشرح و الخطوات

رسمتج تقولين بسيط و شرح بس هاه :cool:

آآآولي كلام غير دههههه يا شيخااااا
ما اقول غير منك لله يا مفتريه

هههههههههههههههههههه

هاذي تقولين عنها رسمه بسيطه بالله عليج ...... ما شااااء الله قمه بالروعه حتى الألوان منقيتهم نقوه بذوق روعه

الشخصيه نفسها حلوه و شكلها غير بالمره عن الشخصيات اللي ترسمينهم دوم

شعرها رهيب و حركته حيل عجبتني :D كلووووه كووووووم و لون الشعر كووووم تاني ههههههههههههه
اختيارج للون الشعر بالحيل حلو يا فنانه و الملابس و الربطه الحمرا و اللي على الرقبه و القطعه اللي لافه فيه راسها :D ذوق تحسدين عليه

شكلي بصكج عين هههههههههههه ما شاء الله ( روحي يا شيييخه منك للــااااااااااـــه :" )

لو صار لج شي تأكدي انه بسبتي :cool:
لحد يقرا اللي بالأقواس :6

بعدين تعالي هنييييي :!

اشوفج بنص الشرح ماخذه راحتااااااااااج تسوين داول لود و كإني بعد اسماعو صوتان هاتفان .... صبر صبر

linkin park :! لننننننننننننننننننننننننننننننننننننننننننننننننكن :"

هي تشغل اقراص و تسوي داول لود حق مسلسلات مانجا و تشرح بعد و حنا نروح فيها من شرحها

شفتو شكثر هي مفتريه على شان ما تلوموني :"
( بشيش الاعضاء عليج :6 احس طلعت لي قرون الحين هههههههههههه )

هههههههههههههه لحد يقرا اللي بين الاقواس :غضب:

شكلي طولت بالكلام :D آثار السهر بيّنت

المهم درس و شرح و لا اروع يا مفتريه :D نحنو في انتظار كول ما هوا جديد

سلاااااااااااااااااااااام

orange road

24-12-2002, 05:10 PM

شكرا مادوكا ^^
الحمدلله ان الدرس عجبج.. وننطر التطبيق

شاهين ^^
زين انك لقيت شي يديد في درسي
كنت خايفة ان الموضوع يكون عادي عندك وتمر عليه مرور الكرام

مزمز...
:! يماه منك
الحين على هالدرس مسوي لي كل هالسوالف وانت مع دروسك اللي تحطها مني ومناك محد قال لك شي
:" انت المفتري يا شيخ.. حرام عليك

ترى الرسمة ناقلتها من wall paper ^^ ما ادري شنو اسم الانيمي بس جفت الشخصية عجبتني رحت رسمت لبسها وحركتها...
بس البنت من عندي ^^
تصدق ان الرسمة كانت كاملة لين تحت... بس بعدين غيرت رايي واختصرتها للنص علشان الحق الونها بسرعة حق الدرس

هـداف

24-12-2002, 07:25 PM

درس حلو والله وفيه تفاصيل وايد ممكن نستفيد منها بشكل كبير...مشكورة خلود على الدرس المفييد;)

Jarah

25-12-2002, 08:44 AM

الله بالخير

هاهاها ... وييه ... دروس تلوين مرّة وحدة يا خلود ... لا و بطريقة ممتازة للعرض بعد ... Good Luck

عيل شوفي تلويني بالقصة الجاية لرفعت إن شاء الله و حاولي تحللين اشلون سويت تركيب ألواني ;-)

على فكرة ... ليش ما تحطين وصلة موضوعج هذا في موضوعي عن الـ Digital coloring هناك ... راح تفيدين وايد

موفقة إن شاء الله

جـراح

fatoom

25-12-2002, 09:56 AM

عجيييييييييييييييييييب

الدرس خلودوه ;-)

تسلميييييييين عليه

فعلا روعه

هالبنت تذكرني بأومايقوديز ^ ^

احس نفس الوقفه ^ ^

بس فعلا روعه

و بالتوفييييييييييييييق :D

orange road

25-12-2002, 05:16 PM

شكرا شاعر..
وانشاءالله نجوف رسومك ملونة على الفوتوشوب قريب ^^

جراح...
وليش ميت من الضحك على الدرس :"
مب تارس عينك يعني...
حاولت ابسط الطريقة واتخلص من اي خطوة مب ضرورية ^^
تظن ممكن احط وصلة للموضوع هناك.. اعتقد ممنوع الدعاية لمنتديات ثانية...
لكن ممكن اعيد نقل الدرس هناك...
لكن مب صايغته بالفصحى :(

فطوووووووووم ^^
حبيبتي... انتي الروعة والله
هالبنت بعد اعتقد الانيمي اللي هي منه اسمه فيه angel (ياكثر الانجليز في الانيميات...)

Jarah

26-12-2002, 05:47 AM

مرحبا

لا Orange road حشاج ما قاعد أتطنز أو مو عاجبني بالعكس ... انا قاعد أضحك لأنه وايد زين و نفس طريقة التتوريلات في السايتات الثانية ... بس العادة مو كل Artist يحب يشرح الـ Skills مالته بس هذا رأيي

لا تزعلين مو قصدي :0)

fatoom

26-12-2002, 06:00 AM

بالعكس انا اشوف وايد احسن

الواحد يحط طريقته بالتلوين :)

مثل ماسوت خلود

لأن الكل بيستفيد ;)

و درس موفق خلود :)

( بعد انيمي اسمه انجل ?: يله المهم نطلع بشي )

و السلام ^ ^

Space Cowboy

26-12-2002, 12:39 PM

سلام خلود

و الله لا اعرف كيف اشكرك , اليوم فقط تحيرت في طريقة تلوين بعض الأجزاء و الحمد لله الدرس جاء في الوقت المناسب ,بنت حلااااال بصحيح:6

شكرا!

سلام:)

wildkitty

26-12-2002, 09:03 PM

هلاو

مفروض انا اول وحده راده :أفكر: :"

موضوعج حلو يله لحد الحين باقينه جم طريقه ^^

Neo Cid

26-12-2002, 09:19 PM

يا سلااااااااااااااام على الموضوع الفلة .. :D

الله يعطيج 2002 عافية على الموضوع الرهيب اللي ناطرينه من سنة يدي .. :p

هذا التلوين ولا بلاش . :)

لي كم سؤال بالنسبة للدرس :
1- لمن ألون التظليل .. لاحظت أنه دقيق .. يعني الحواف دقيقة و ناعمة .. ممكن تقوليلي شلون خيتو ؟ .. و سامحيني إلا الجواب موجود و انا مو شايفة .. :":

2- بالنسبة للخلفية في النهاية .. لاحظت أنج مسوية مثل طبقة سميكة حول البنت ... هذي سويتها عن طريق Blending Options ?..

سلام .. أخوج ... نيو سيد .. :)

GM Head

27-12-2002, 02:45 AM

جزاج الله ألف خيراً يا معلمتنا خلود^^

و الله من كم يوم ما قدرت أحط أي رد لأسباب خارج إرادتي (وعود يجب أن أوفيها)-_-

و من درسج القيم ما أقدر أنتظر أسوي رسمتي الياية هذه الأسلوب@@

و بالمناسبة....... إسم الأنمي الي كنتي محتارة شنو إسمها و هي Steel Angle Kurumi

orange road

29-12-2002, 07:20 PM

آسفة لاني ما انتبهت للأسئلة ^^
معليش.. سوري على التأخير

الرسالة الأصلية كتبت بواسطة Neo Cid
لي كم سؤال بالنسبة للدرس :
1- لمن ألون التظليل .. لاحظت أنه دقيق .. يعني الحواف دقيقة و ناعمة .. ممكن تقوليلي شلون خيتو ؟ .. و سامحيني إلا الجواب موجود و انا مو شايفة .. :":
الجواب على سؤالك موجود في الموضوع ^^
أحدد منطقة الظل باللاسو تول...
افضل انك ترجع تقرا الموضوع مرة ثانية وبتأني.. لاني شارحة هالكلام مع الصور...
اذا ما فهمت .. بأعيده مرة ثانية

الرسالة الأصلية كتبت بواسطة Neo Cid

2-بالنسبة للخلفية في النهاية .. لاحظت أنج مسوية مثل طبقة سميكة حول البنت ... هذي سويتها عن طريق Blending Options ?..

سلام .. أخوج ... نيو سيد .. :)
الدرس للحين ما اكتمل... وانشاءالله المرة الياية اشرح بعض الأوامر للقوائم وطريقة ثانية للتلوين...
بس بجاوبك على هالسؤال ^^

لازم تكون الرسمة على لاير بروحها....
وبعدين تروح لأمر Layer من القوائم وتختار layer style (هالكلام في النسخة السادسة)
وتختار outer glow وبعدين تحدد اللون والكثافة والمساحة اللي تبي الجلو يغطيها ^^

اذا ما فهمت هالنقطة.. انتظر الدرس الياي انشاءالله لان الشرح بيكون فيه صور..
وانشاءالله يكون الدرس واضح...

Ranze Eto

31-12-2002, 04:53 PM

هااااااي اورنجووووووو

مشكوووره على الدرس الرائع و المفيد و الممتع بنفس الوقت ...

انشاء الله بطبقه بعد ما أخلص من الزفت اللي اسمه امتحانات:غضب:

:": فقدت اعصابي .... مب مني و الله :(

المهم كنت ابي اقولج ...اني كنت انتظر هالدرس من سنة تقريباً;-)

ثانكيوووووووو

ENIGMA-SOUL

06-09-2003, 11:35 PM

WOOOOOOOOW
بصراحه I'm speechless انا عضوه نايمه عادة بس احب اتفرج :) ومن وحاسن الصدف اني فتحت وصلة للموضوع هذا من توقيعك او شي زي كذا :06: نسيت ×_×
بس المهم اني فتححححححححته ^_^ ياااااااي والله فناااااااانه ياشيخه اقف احتراما لكي http://smilies.sofrayt.com/%5E/w/thumbs.gif
ودرس مفصل وشامل وكامل متكامل من مجاميعه .. ان شاء الله بحاول اطبق الدرس واعرض لك تطبيقي :D

تسلمين حبيبتي مره ثانيه والف تحيه لفنك :ciao:

orange road

07-09-2003, 12:47 PM

مشكورة رانزي ^^
( :argh: مفتشلة... توها تجوف الرد على الموضوع... ما ادري وين اودي ويهي)

:chairshot (رانزي: ياللي ما تستحين.. توج تقرين الرد؟؟/ خلود: سوري رانزي.. بسج طق عاد.. الكرسي يعور)

شكرا ENIGMA-SOUL :ciao:

عاد انا كنت واعدة اني اكمل الدرس ولا كملته...
^^ يمكن اكمله...
انشاءالله

emo_dogywolf

22-11-2003, 01:12 PM

آااااووووووووو(صوت عواء في الخلفية)

شكرا "أورانج رود" على هذا الموضوع الحلو يا حلو :D
لكن كيف يتم التظليل باستخدام اداتي ال"Burn tool " و ال"Dodge tool "؟

على فكرة؛ أنا لست أخا, من الأفضل أن تناديني بال"أخت" :09:
و أيضا أتمنى أن تقبلي بي صديقة لكي :biggthump

و شكرا

Rurouni Kenshin

23-12-2003, 09:44 PM

شكرا جزيلا
واستفدة كثيرا.........
وقمت بالتلوين مثلك.
ولكن لم اصل الى مهارتك
وانا مبتدئ بالتوين الرسم
:D :D :D :D
http://www.montada.com/attachment.php?attachmentid=149087&stc=1

Rurouni Kenshin

23-12-2003, 09:55 PM

شكرا جزيلا على درسك
واستفدة كثيرا.........
وقمت بالتلوين مثلك.
ولكن لم اصل الى مهارتك
وانا مبتدئ بالتوين الرسم
:D :D :D :D

Rurouni Kenshin

23-12-2003, 10:02 PM

Rurouni Kenshin

23-12-2003, 10:12 PM

yuki-babe

24-12-2003, 07:44 PM

واااااو كورومي من شخصياتي المفضلة في الأنيمي و لقد رسمتها و لونتها أفضل من الواقع يا أورانج رود^_^

بصراحة ,, درس رائع ,, و آنا استفدت كثيرا كثيرا ,,,

شكرا جزيلا لك ,, و ما قصرتي ,,, ^_^

C.Falcon

24-12-2003, 11:05 PM

طريقة حلوة أورانجينا ... :)

LINK_FOX

14-02-2004, 02:07 PM

السلام عليكم
واااااو درس حلو واااااايد اصراحه الدرس حلو وايد وبالتلوين وطريقت الرسم والتلميع الصراحه شغلك روعه يااورنج
والعين كأنها مثل الانمي انشاءالله بتابعه اكثر من مره علشان اتعلم ويصير تلويني حلو
انشاءالله
باي :ciao:

واشوفكم على خير

orange road

15-02-2004, 07:00 AM

emo_dogywolf

على فكرة؛ أنا لست أخا, من الأفضل أن تناديني بال"أخت"
ههههههههههه سوري..
بس ما عرفت استنتج من اسمج اذا انتي بنت او لا.. مع اني كنت شاكة ^^
حصل خير..
التلوين بالأدوات اللي قلتي عنها نفس الشي... استعمليها مثل الفرشاة العادية بعد تحديد المنطقة اللي تبين تلونين فيها بالماجيك ووند... لكن ما احب الون فيهم لانهم ما يعطون الدرجة الحلوة حق الظل.. مب دايما... افضل اني اختار لون الظل بنفسي علشان يطلع احلى...
بأحاول اسوي درس اشرح فيه هالاداتين اكثر انشاءالله ^^

mona
حلو انج طبقتي الدرس ^^ والحمدلله انه عجبج...
مع التدريب انشاءالله بتصيرين احسن واحسن...
الله يوفقج

yuki-babe
مشكورة حبيبتي ^^
مع اني ما اعرف هالشخصية.. انا جفتها في النت وعجبتني لكن ما جفت الانيمي الخاص فيها..
هههههههههههه انشاءالله اجوفه قريب...

C.Falcon
مشكور اخوي على المتابعة

LINK_FOX
العفو اخوي.. ما سوينا شي..
اهم شي التدريب والاصرار وانشاءالله تلوينك بيصير احسن مني..
والطريقة سهلة.. جربها اكثر من مرة وانشاءالله بتضبط معاك

:ciao: شكرا لكل اللي جافوا الموضوع وردوا عليه

**SaBRiNa**

14-04-2004, 12:20 PM

وااااااااااو

درس رهيب ^__^

الحين خزنته وبحاول ان شاءالله اطبقه في اقرب وقت وأراويج ^__^

وشككككككرا مرة ثانية :biggthump :biggthump :biggthump :biggthump

الملاك الأبيض

14-04-2004, 06:57 PM

مشكوووورة أختي على هذا الموضوع الحلو :biggthump

طريقتج حلوة وسهلة في التلوييين

بحاول أتعلم منج انشاء الله

واسمحيلنا على التقصير في الرد :ciao:

black wolf

08-06-2004, 02:32 AM

أختي يعطيك ألف عافية على الفن اللي عندك وأحنا ناطرين منك المزيد....بس ممكن تنزيل وصلة تحميل الفوتوشوب علشان أنت شوقتيني أحمله...مشكووووووووره

نور النور

27-06-2004, 02:08 AM

orange road

28-06-2004, 11:01 AM

انا اذا سويت هاي الخطوه تصير الخطوط مب ناعمه ابد :(

شلون انتي يصي عندك غير ؟!!

افيديني .. :أفكر:

ما ادري والله...
يمكن لأن الصورة عندج ما تكون كثافتها وايد..

حاولي لما تسكنرينها ما تكون اقل من 400 dpi ^^ جربي وقولي لي

نور النور

04-07-2004, 08:21 PM

مارضي يصير لانه مايصير اخليه اقل من 255 ؟!

واذا سويته 255 تصير الحدود كتير متينه و مش ناعمه ؟!

black wolf

05-07-2004, 02:04 AM

أورنج رود بلييييييز ردي علي وحطي لي على الأقل الموقع اللي أقدر أحمل منه الفوتو شوب..........سلام

orange road

05-07-2004, 02:27 AM

انا احاول الرد هني من فترة لكن ما ادري ليش ما يفتح عندي الموقع عدل هاليومين

نور النور..
حبيبتي.. لازم تسكنرين الرسمة على كثافة عالية والا ما بتصير الحركة.. انا جربتها على 300 وما طلعت الخطوط ناعمة.. لازم 400 واكثر..
على العموم المحترفين بعد يسكنرون على كثافة اعلى من هاي ^^
حاولي تعدلين السكانر او تيبين وحدة غيرها

المعزز
اخوي ما اعرف موقع تنزل منه الفوتوشوب.. لان اللي عندي قرص وما نزلته من النت
روح محل كومبيوتر قريب منك وخذ البرنامج او حاول عن طريق الكازا مثلا او الايمش او اي برنامج مثلهم تنزل البرنامج ^^

نور النور

05-07-2004, 02:41 AM

اقول مايصير مايرضى يسكنرها اقل ؟!

مايرضى اقل من 255 ؟

انتي فاهمه علي ؟!!!

black wolf

05-07-2004, 02:57 PM

انا احاول الرد هني من فترة لكن ما ادري ليش ما يفتح عندي الموقع عدل هاليومين
المعزز
اخوي ما اعرف موقع تنزل منه الفوتوشوب.. لان اللي عندي قرص وما نزلته من النت
روح محل كومبيوتر قريب منك وخذ البرنامج او حاول عن طريق الكازا مثلا او الايمش او اي برنامج مثلهم تنزل البرنامج ^^

خلاص أمري لله أروح ودور على البرنامج هذا :blackeye: ...على فكره انا وايد عاجبتني رسوماتك واتمنى لك كل التوفيق يا أختي الغالية :biggthump مع انه كان بودي أني أشكرك على وصلة الموقع بس ok..i will search شاكر لك تعاونك معنا وأتمنى أنك تساعدين نور النور بكل ما تقدرين لأني مجرب موقفها :02: وانا متأكد هي تنتظر ردك على نار :06: :bigeyes: (مع أني أحس أنك مو مقصره)...أشوفك على خير.... :ciao:

orange road

06-07-2004, 02:02 AM

نور النور..
ما اقدر اساعدج في هالشي.. متأسفة...

المعزز
العفو اخوي

black wolf

14-07-2004, 03:25 AM

خلووووووود..أبشرج حملت البرنامج واحد خويي عطانيه>>>>>تدرين شلون؟؟
كنت قاعد أقوله عن هالموضوع وبعد عن رسماتج شان يقول لي أنا عندي النسخه الأنجليزيه الأصدار السابع....تخيلي قالها بكل برود وانا اللي كنت أبيها على نار(المهم)..طبقت درسك على الرسمه وطلعت خوش رسمه......بس

لما يت أحفظها علشان أوريها لج ضغطت بالغلط على الأكس الصغير(الى هنا مو مشكله) ولما حط لي الخيارت الثلاث بكل برائه كان أبن أختي يمي وغط أي زر ولما طقيت أيده وخرته طلع أنه ظاغط enterاللي بالزاويه فراحت الرسمه....
على كل راح أرسم ثانيه وأوريها لك بعدين...معليه أبله هالمره الواجب أنشق(بالأصح أنمسح)باسويه مره ثانيه....
أشوفج على خير.....سلام

black wolf

14-07-2004, 07:40 PM

الحين بحط رسمتي وهو شخصية كورابيكا من HUNTER X HUNTER أعتقد الكل يعرفه طابع هو يشبهه شوي وبعد تراني سويت الخلفيه من درسج عن الخلفيات......بلييز أمدحيني :D هههههههههه أمزح معاج (مزحي ثقيل أدري كخخخخخخخ شكلي قهرت كل اللي قروا هالرد) :D :D

orange road

15-07-2004, 01:00 AM

المعزز ^^
مشكور اخوي انك طبقت الدرس

الرسمة اللي حطيتها حلوة
اختيارك للألوان موفق
وطريقتك في التظليل عدلة.. وعجبتني حركة الخطوط في البدلة..

بس اللي خرب الخطوط انها ما طلعت ناعمة.. ما ادري ليش هالمشكلة تكررت مع الاغلبية مع انها تطلع عدلة معاي ومع البنات هني.. الصراحة هاي اللي استغرب منه..

الخلفية حلو انك طبقت درس الخلفيات ^^ لكن حاسة ان الصورة نفسها ما تركب مع الموضوع.. وألوانها ما تنفع على الوان الصورة ^^

حاول انك تتفنن في اخراج الصورة نفسها من ناحية الكتابة وتصميم الصورة والحركات اللي حولها... لا توقف انك تحط صورة وخلاص ^^

بالتوفيق اخوي وخلنا نجوف لك محاولات اكثر :biggthump

black wolf

15-07-2004, 01:58 AM

هلا أبله........ :D
أنا أدري أن الخلفيه مومتناسبه مع الرسمه بس :06: :33: ......هذه اللي كانت متوافره عندي وحبيت أوريج التطبيق بسرعه..
زين أن الرسمه عجبتج :) .......والخطوط تصدقين كنت أحسبها يعني ناعمه جذي :bigeyes: :bigeyes: ؟؟؟؟
والبدله مخططه :D ....مو كله فن اللون موجود جذي وفيه خشب وأشياء ثانيه اذا سألتيني عنها بقولج.....
على كل مشكوره على النصائح المفيده اللي قلتيها وأنتظري مني الأفضل...... :biggthump

أخوك......المعزز

REAL SONIC sp

28-02-2005, 07:17 PM

واو
درس روووووووووووعة
بس ما سويتي درس عن طريقتك في الرسم ؟

REAL SONIC sp

28-02-2005, 08:36 PM

هذي رسمة لونتها بطريقة SOFT :biggthump

orange road

04-03-2005, 10:38 PM

ريل سونيك..
ما توقعت ان القى حد مهتم بالموضوع لحد الحين ^^
حلو التلوين ووايد مضبوطة الرسمة..
الحمدلله انك استفدت من الدرس..

بانتظار رسوم جديدة ملونة بالسل هالمرة

:biggthump

REAL SONIC sp

05-03-2005, 03:15 PM

ahh
I haven't draw it just colored it :-)

رجل الحاسوب

06-07-2005, 02:56 PM

السلام عليكم
أختي أرنج رد
شكرا على الدرس الرائع
:)

رجل الحاسوب

06-07-2005, 02:57 PM

نسيت أن أقول أني إحتفظت بنسخه منه
:D

D.J Teacher

24-07-2005, 12:50 AM

شكرا ياأورانج رود على هذا الدرس الرائع :)
الصراحة نسخت جزء منه علشان أطبقه مستقبلا ...

D££ôô3àTالــعين

01-08-2005, 03:15 PM

تسلمين يالغاليه على الدرس الرائع

ان شاء الله نستفيد منج انا اسوي نفس الطريقه بس شغلتها شغله خخخخخخخخخ

مرسي

orange road

01-08-2005, 05:40 PM

العفو ^^
العفو لكم كلكم

والحمدلله ان الدرس عجبكم وقدرتوا تستفيدون منه

Legendary Dakku

28-08-2005, 01:07 AM

ياااااااااااااااااااااااااااااااااااااااااااااااااااااه

منتهى الروعه *^_^*

تسلمين والله ^^ ربي يخليج

ما عندي اسئله حاليا بس بعد ما اجرب الطريقه بشوف ^^

:ciao:

Sander

28-08-2005, 01:23 PM

^^
ماتوقعت انو بلقى الصور لسه عايشة بالموضوع.. أستغربت o.O الدرس بعده مثل ماهو,
شي حلو و من حظي :D

مشكوورة و يعطيك العافية, ستايلك حلو,, امم أحس لو أطور ستايلي بتصير نتايجي مشابهه
بس أنتي عندك شغلة حلوة بالتلوين أنا لسه مو محترفها زيك..

عندك توزيع الظلال متقن أكثر و توزيع الضوء كمان.. و كمان عندك لمسة الخطوط الناعمة بالشعر تعطي نتايح روعة
http://www.montada.com/attachment.php?attachmentid=223566
مادري ليه ماجرب أطبقها برسوماتي خخخ :09:؟ <مشكلتي كسول>

بطبق الدرس و بعرض النتيجة وياريت تعطيني نصيحتك بأسلوبك المعهود ^^ عسى نطور شي :D
مشكورة و تسلمين,,

88_Shadow

28-08-2005, 07:23 PM

:أفكر: حاولت الون بس ما اعرف كيف تسوين smoth لاني احط لكن ما لاحظت تغير شي
فهميني :06:
انا شفت الخطوات ونفدتها بس ما طلع عندي اي نتيجه بsmoth

orange road

29-08-2005, 04:13 AM

ĐarK ҒorceS ŁeadeR

شكرا على المرور على الموضوع ^^

ساندر

ماتوقعت انو بلقى الصور لسه عايشة بالموضوع.. أستغربت o.O الدرس بعده مثل ماهو,

وانا بعد تصدق.. بالعادة الرسوم أول بأول تروح من المنتدى..
خل أخزن الدرس بسرعة عندي قبل لا يحذفونه من هني بعد... شكلك بتصك الدرس بعين :bigeyes:

حاولت الون بس ما اعرف كيف تسوين smoth لاني احط لكن ما لاحظت تغير شي
فهميني
انا شفت الخطوات ونفدتها بس ما طلع عندي اي نتيجه بsmoth

اذا كان عندك قلم ساندر ما راح تحتاج موضوع السموث ^^
لكن اذا انت تشتغل بالفارة.. ما ادري ليش ما تستوي عندك الحركة على الرسمة مع انها تستوي عندي عدل..
جرب انك تزيد القيمة.. لأن الرسمة كل ما زاد فيها الريزولشن لازم نزيد القيم اللي ندخلها علشان نجوف التأثير.. واذا قل ما نحتاج قيم كبيرة..

بالتوفيق :ciao:

Yume-Kawaii

29-08-2005, 02:50 PM

السلام عليكم

ما شاء الله الدرس رهيييييب والرسمة تقلين عليها بسيطة ها

أي بسيطة هذي تجنن...

وأكيد طبقت الدرس على نفس الصورة... وبالفارة.

وسلاااااااااام

88_Shadow

29-08-2005, 05:22 PM

اذا كان عندك قلم ساندر ما راح تحتاج موضوع السموث ^^

ما عندي قلم ساندر

انا لونتها بس بطريقه ثانيه

بالفرشاة ما اعرف اسوي نفس االطريقة

بس حاولت اقلد

orange road

30-08-2005, 01:37 AM

Yume-Kawaii

التطبيق عدل ^^ لكن اختيار الألوان يبي له عناية أكثر...

اذا كنت تحس انك تلقى صعوبة في اختيار الالوان.. ممكن تستعمل بعض الرسوم اللي في النت وتعجبك الوانها وبالشفاط في الفوتوشوب تاخذ الالوان اللي تعجبك..

هاوي رسم..
ليش كله اغلط بينك وبين ساندر؟؟؟ :blackeye: يمكن لأني اجوف الصورة الشخصية أحيانا وما اجوف الاسم عدل..
المهم ^^

التطبيق زين.. ونفس بداياتي تقريبا في التلوين.. يعني مع التعود على الفوتوشوب بتلقى النتيجة تكون أحسن في كل مرة ^^

بالتوفيق :ciao:

88_Shadow

30-09-2005, 10:59 PM

هذيك المرة كنت الون بالفرشاة دون اداة التحديد لكن الحين عرفت استخدمها

حلو اسلوبج شكلي بلون على طول على هذا الاسلوب هذا تطبيقي على رسمه من رسوماتي ^^

orange road

01-10-2005, 01:43 PM

88_Shadow

01-10-2005, 03:05 PM

اختيارج حق الألوان وايد موفق شادو ^^
هالالوان الباستيلية اموت عليها @@ لكن لما ايي الون ما ادري ليش أحول وارد على الدرجات اللي متعودة عليها..

مستواج وايد زين في التلوين شادو ^^ مع التدريب بتصيرين أحسن مني ان شاءالله...

مشكورة بس انا اوصل مستواج مستحيـــل
انا وين و انتي وين ^^ صدج يعني لا تتحسبين اني ابالغ او شي بعد
أنا احب أختار الالوان الدافيه وايد والألوان البارده وايد ما ادري ليش

صقر المغرب الأقصى

25-10-2005, 12:48 AM

مشكورة أختي اورانج جزيل الشكر على الموضوع الرائع والمفيد

thank you very very very very much
وهذه رسمة لي لونتها بالفوتوشوب باتباع الخطوا ت الي قلتلنا عليها
اعطيني رأيك بليــــــــــــــــــــــــــــــــــــــــــــز
سلام :ciao:

jetleyjaky

26-10-2005, 05:02 PM

:ciao: مشكووووووووووووووووووووووووووووووووووووووووووووووووووووووووووووووووووووووووووووور

orange road

26-10-2005, 05:37 PM

شادو ^^

بالعكس اختي.. وايد ناس اصغر مني وصاروا احسن مني ^^
وان شاءالله بتصيرين...
انا بروحي للحين وحدة تتعلم حالي حالكم.. ^^

بالتوفيق حبيبتي

هيلال الخبير..

آسفة اخوي =_= ما جفت الرد من قبل..

الرسمة حلوة والتلوين حلو ^^ يذكرني بالضبط بنفس اسلوبي في بداياتي في التلوين على الفوتوشوب..
الله يوفقك ان شاءالله
لكن واصل التمرين وان شاءالله بتتطور بسرعة الصاروخ ^^

jetleyjaky

العفو اخوي.. والحمدلله ان الموضوع عجبك ^^