دروس التلوين خطوات التلوين باستخدام الألوان الخشبيه مع أبله مادوكـــا [الأرشيف]

Madoka

26-12-2002, 03:10 AM

السلام عليكم ... :أفكر:

لا يكون صدقتوا :D ....

اوكي ... بس لا تستانسون وايد .. راح احط لكم الخطوات اللي اتبعها في تلوين رسومي بالخشبي...

طبعا مو شرط اني التزم بنفس الخطوات في تلوين جميع رسومي .. . و مو شرط تكون طريقة تلويني مثاليه أو صحيحه :) ... لكن بس براويكم المراحل اللي تمر فيها الرسمه قبل لا تخلص ^__^

و ان شالله تستفيدون شي ... و تشوفون ان التلوين بالخشبي أحلى و اكثر متعه من التلوين بالفوتوشوب :6 ( نزلت مادوكا راسها لان بعض الاعضاء قاموا بحذف الطماطم لوووووووووول )

Madoka

26-12-2002, 03:16 AM

اول شي تييبون الرسمه اللي بتلونونها ( خطوه بديهيه :أفكر: )

تحت شوفوا الرسمه اللي بلونها ... لاحظوا اني ما حددتها بالاسود و لا الحبر ... لاني ما افضل تحديد الرسمه اذا كنت بلونها بالخشبي ...

و يفضل ما يكون الرصاص غامج لان اثناء التلوين بالخشبي يمكن يسيح الرصاص مع اللون و يخرب الرسمه شوي >_<

اول شي خذيت اللون الازرق الفاتح و سويت شويه ظلال عالارضيه .. مع ظل خفيـــــــــــــــــــــــــــــــــــف على البشره ^_______^ .. و حددت الرسمه عالخفيف

سبب اختياري للأزرق هو ان الازرق يندمج مع كل الالوان ( يتماشى مع كل الالوان ) على عكس الاسود اللي يمكن يخرب الرسمه لو استخدمناه في التحديد

Madoka

26-12-2002, 03:21 AM

خذيت ازرق داكن شوي و حددت الظل و النور للبشره :) ( الصوره اللي عاليسار ) .. لاحظوا ما غمجت وايد ...

و الخطوه اللي وراها ( الصوره اللي عاليمين ) خذيت درجه من درجات الاخضر التركواز و سويت ظلال في الارضيه ^_____^ ...

علشان تبرز الرسمه لونت الارضيه ... لاحظوا اني تركت فراغات بيضاء مني و مناك ... ليش؟؟ :)

لان لو لونت الارضيه كلها راح تختنق الرسمه و ما تتنفس ?: ههههه ... دائما احب اترك فراغات بيضاء عشان لا احس بالاختناق و انا الون >_<

Madoka

26-12-2002, 03:25 AM

الحين .. خذيت درجه اصفر فااااااااااااااااااااااااااااااااتحه وايد ... و لونت البشره فوق الازرق ^^ لاحظوا انه تحول الى اللون الاخضر

Madoka

26-12-2002, 03:31 AM

راح الون الأرضيه ^______^

استخدمت أكثر من درجه من درجات الأزرق و لونت الارضيه بشكل عشوائي ( ملاحظه ... انا ما اعرف الون ارضيات لو تلاحظون )

لحظه شنو قلت توني :": ....

طبعا أكيد ما لونت الارضيه عشوائيا و ما اخترت درجات الأزرق بدون تفكير !!!
انا اتبع نظريه علميه بحته في تلوين الارضيه .. الا و هي :o

آخذ لون ازرق و الون فيه .. متى ما خلص !! مالي خلق ابريه ..آخذ لون أزرق ثاني ... و هكذا :6

و لاحظوا خطوطي بالتلوين ... نسيت اقولكم من البدايه ان التلوين بالخشبي له أكثر من طريقه ... مثلا تمسك القلم و تحركه بطريقه دائريه او على شكل خطوط مائله .. او خطوط عشوائيه أو على شكل اكسات ( X )...

انا طريقتي بالتلوين عشوائيه .. أو بالأحرى شخبوطيه :0)

Madoka

26-12-2002, 03:35 AM

راح احط لكم التكلمه باجر ان شالله :)

اللي عنده اي انتقاد او اي ملاحظه ... انا حاظره ^_____^

بقولكم ان الرسمه اللي قاعده الونها حجمها أصغر من A4 شوي !! و على ورق مقوي ناعم !! ( المفروض التلوين بالخشبي يتم على ورق خشن نوعا ما !! لكني ما احب الخشن >_< )

:-)

orange road

26-12-2002, 03:47 AM

حلو الدرس ابلة مادوكا ^^
يعطيج العافية..

عاد كمليه ....
لا تضحكين علي لو قلت لج اني ما اعرف الون بالخشب :#

fatoom

26-12-2002, 05:21 AM

السلااااااااااااااااام ^ ^

مبرووووووك على الدرس ابله مادوكااااااااا :D

عاد بليز كملي @ @

ابي اشوف طريقتج و اتعلم :D

و بالتوفيق ^ ^

][Mylene][

26-12-2002, 06:37 AM

ابله ابــــــــــله ابله مادوكا الله يخليك كملي الدرس

ايه ابله حطي لو سمحتي لون وردي عشان تكمل الوناسه :p :p

shaheen

26-12-2002, 07:50 AM

أبلة أبلة أبلة مادوكا

كملييييييييييي الموضوع ^^

حلو موضوعج ابلة :0)

كملي يله.. الرسمة وايد حلوة في الاصل ولما لونتيها صارت اروع.. يله ابلة كمليييييييي ^^

mirage

26-12-2002, 07:57 AM

ما شاء الله مادوكا...

الموضوع اكثر من رائع...:)

كملي يا أبلة...;-)

Last_Angel

26-12-2002, 09:26 AM

كملي كملي كملي!!!

Ranze Eto

26-12-2002, 11:16 AM

مييييييييييييس مادوكاااااا

رسمج حلووووووو

تلووووينج روعه

بليييييييز كملي
:D

thanxxxxx

حسين العطار

26-12-2002, 12:43 PM

:! :! :! :!

و تقوللي آني أحسن واحد بالتلوين الخشبي!

تلوينج روعة. الشي الوحيد الذي أختلف فيه عنك هو طريقة تحريك القلم. آني أستعمل الخطوط المائلة المتجهة في اتجاه واحد.

بالمناسبة .. أني هم ما أحب الورق الخشن، لأنه ما يساعد على نشر اللون زين و يترك فراغات غير مرغوب فيها >_<

آني أستعمل ورق الطابعة اللي يكون ناعم الملمس:o

كملي الدرس لأن الأخوان ما يقدرون ينتظرون أكثر:D

سلام;-)

Space Cowboy

26-12-2002, 12:51 PM

ابلة مادوكا! :6 سلام

مشكورة على الدرس , ولكن الرسمة عجيبة :واو:

....التكملة:D

سلام:)

wildkitty

26-12-2002, 08:52 PM

طانكوش حق الموضوع
بس بس ماعرف الون خشبي :":
بوريج تجربه لي ومن ذاك اليوم انا بطلت الون خشبي

اوبس مادري وينها انا راسمتها على كتاب الموسيقى ك ^^;

Neo Cid

26-12-2002, 09:04 PM

يا سلام على الموضوع خيتو مادوكا .. :)

هذي المواضيع الحلوة .. ;)

من زمان ما شفنا مواضيع دروس وما شابهها .. وينها الدروس هذي عنا .. ":"

التلوين بالخشب هو من أفضل أنواع التلوين .. و أنا أشهد بهذا الشي ..
أحلى من التلوين بالفوتوشوب .. :)

يعطيج العافية أختي مادوكا .. :)

لكن بالنسبة لتلوينج البنت شوية بعض الاجزاء بالأزرق بأوائل الخطوات .. ليش هذا ؟ .. خليتي البنت لونها أخضر ؟ .. ممكن أعرف ليش ؟ .. عشان أزيد من خبراتي بالتلوين .. :)

تحياتي .. نيو سيد . ":"

Madoka

27-12-2002, 12:07 AM

orange road .. مشكوره حبيبتي عالرد ^ ^ .. ان شالله تجربين الخشبي و تتعلمين عليه :) .. على فكره التلوين بالخشبي شبيه بالتظليل بواسطه الرصاص ...

fatoom و ][Mylene][ .. شكرا عالردووود ^____^ ... ان شاء الله احط بنفسجي بدال الوردي :) .... shaheen .. :) .. شكرا عالرد ... انطر و شوف النهايه راح تسير احلى من جذي انشالله (اذا ما خربتها >_<) ..

mirage و Last_Angel و Ranzie مشكوووووورين وايد عالردود ... :):):)

حسين العطار :) كنت اعتقد انك تستخدم الطريقه الدائريه في تلوين رسومك ^___^ ماشالله الخطوط اللي تستخدمها ما تبين و ناعمه حيل .. ... بس انا ما احب ورق الطباعه الخفيف >___< شلون تقدر تلون عليه !! ... انا سعيده جدا بمشاركتك في الموضوع :)

Space Cowboy و كيتي ... مشكورين عالرد ^^ ... كيتي هههه ضحكتيني بسالفه دفتر الموسيقى ^____^ احس انج موسيقاره معروفه لكن لحد الحين ما كشفوا مواهبج ":"

Neo Cid هلاااااااا فيك اخوي :) ... و اخيرا قررت الرجوع للمنتدى ^_____^ ... مو تقاطعنا مره ثانيه ... مفهووووم!!
راح اجاوب على سؤالك بعد شوي ..

Madoka

27-12-2002, 12:49 AM

الرسالة الأصلية كتبت بواسطة Neo Cid

لكن بالنسبة لتلوينج البنت شوية بعض الاجزاء بالأزرق بأوائل الخطوات .. ليش هذا ؟ .. خليتي البنت لونها أخضر ؟
اكو اكثر من سبب ^^:

*اول شي حطيت اللون الازرق الخفيف عشان احدد الظل و النور .. و انا دايما قبل لا الون اي شي احط درجه ظل خفيفه على المنطقه اللي بلونها عشان التوضيح ... بس ما استعمل اللون اللي ابي الون فيه المنطقه (يعني كنت ابي الرسمه تكون درجات الاخضر لكني ما استخدمت اخضر من البدايه) .. و شوف بعد شوي مراحل تلويني للشعر ^^
ليش؟؟ لاني ابي ادمج الوان و لو استخدمت اللون بشكل مباشر من البدايه راح تسير الرسمه ... مادري شقول بس يعني تسير بايخه ?: ...... و لاحظ شلون دمجت الازرق مع الاصفر او مع درجه وحده من الاخضر بدال ما احط الاخضر علطول :) ... دمج الالوان اثناء التلوين بالخشبي اهم شي !!! (حاله حال باجي انواع الالوان) ..
عشان تعرفون الخشبي مو هين ههههه

* سبب ثاني :": ... كان الدكتور اثناء المحاضرات يفتر علينا و احنا نلون .. و يقولي تلوينج تلوين وحده خايفه >_< .... يعني انا اخاف ابدأ بدرجه لون غامجه من البدايه .. و تطلع مو حلوه و انصدم بعدين :" ... و التدرج بالتلوين من الخفيف بعدين التغميج احسن من الناحيه النفسيه :o ( انقلبت دكتوره نفسيه الحين ) ... و اقصد من كلامي ان الرسام يكون متعود على شكل الرسمه بالرصاص و لو فجأه حط لون داكن :واو: راح يخترع كل ما يلف ويهه عن الرسمه و يرد يطالعها !! لووووول

^__________^

و عندي تعليق على الاوراق الخشنه ... اعرف فنانه (تلوينها توب ماشالله عليها) ما تلون الا عالاوراق الخشنه لانها تحب تدمج الوان وايد .. و تضغط حيل عاللون لما تلون ..... و الورق الناعم ما يتحمل دمج وايد الوان و عند مرحله معينه ما راح يتقبل اللون و يمكن تذوب الورقه من كثره الالوان !! ... لكن الورقه الخشنه تتحمل و تاكل الوان وايد :0) ... و عندي بعد ملاحظات ثانيه عالاوراق بس مالي خلق اكتبها >_<

ابيكم تعتبرون الورقه يوعانه اثناء التلوين :أفكر: و تدمجون الوان بدون تردد ..

Madoka

27-12-2002, 01:01 AM

كملت تلوين الأرضيه !! و سويت دوائر شوي بالخلف ...

استخدمت درجه بنفسجي ^^ و درجه ازرق داكن .. و اخضر شوي .. مع بني !! البني ما استخدمته الا شوي عشان اكسر من حده الالوان (لانها فاقعه)!!

Madoka

27-12-2002, 01:15 AM

الحين ... الشعر ^^

اكثر شي يتعبني هو تلوين الشعر :":

اول شي ( الرسمه عاليمين ) حددت خطوط الشعر بالاخضر الزيتي ... و بعدين خذيت رمادي و ظللت شعرها ( عيوزه هههههه ) :D

ثم .. لون بنفسجي حددت الشعر اكثر و بينته اكثر ^ ^ ( ما بغيت اكشف عن طريقتي السريه في تلوين الشعر .. بس عشانكم ;) حطيتها )

... لاحظوا ان البنفسجي مو متماشي مع لون الارضيه لكن انا راح اخليه يتماشى بعد شوي غصب :أفكر:

Madoka

27-12-2002, 01:21 AM

الرسمه عاليمين ----> لونت الخط فوق العين بلونين (ازرق و اخضر) ... و حددت الرموش بالاخضر .. و سويت الحاجبين بالازرق ...
حطيت شويه ازرق عالشعر :) .... و استخدمت نفس الازرق في تغميج لون البشره ^^

الرسمه عاليسار----> لونت بالاخضر اماكن الظل في الشعر و بينت الخصل اللي فيه اكثر :) ..

ليلحين ما كملت الرسمه ... التكمله احطها بالليل انشالله :)

حسين العطار

27-12-2002, 03:16 AM

حسين العطار كنت اعتقد انك تستخدم الطريقه الدائريه في تلوين رسومك ^___^ ماشالله الخطوط اللي تستخدمها ما تبين و ناعمه حيل .. ... بس انا ما احب ورق الطباعه الخفيف >___< شلون تقدر تلون عليه !! ... انا سعيده جدا بمشاركتك في الموضوع

لا. طريقة الخطوط المايلة أسهل و أسرع بس آني أمرر القلم عدة مرات على نفس المنطقة حتى تروح الفراغات و بعدين آني أضغط على القلم في المناطق الغامقة ( لهذا السبب الأقلام تخلص بسرعة:D ) و أطلع دهنه.

الورق اللي أستعمله مو خفيف بس سطحة ناعم جداً:)

سلام;-)

سياكا

27-12-2002, 03:48 AM

هااااااااااي :)

اشلونج اليوم يا ابله :6 ....موضوعج وااااااااااااااايد حلووووووو ;)

والله زين الواحد يطور مهارته عندج ...تلوينج يجنننن ;-)

وابي اتعلم واطور مهارتي في التلوين ...بس ما اجدر ادخل النت كل يوم

لان شغلي ما يخلص :"

L.B

27-12-2002, 08:25 AM

موضوع روعة
اكيد الاهداء لالي :) :6

بستنى التتمة على احر من الجم مع اني لهلا مو مستوعبة كيف حتصير الالوان طبيعية

:أفكر: شو يا جماعة كلكم خريجي كلية الفنون ؟؟ طيب ويلي مالت عليه ودرس تخصص تاني شلون يكتشف اسرار التلوين ?:

Madoka

27-12-2002, 09:11 PM

شكرا عالردود .. حسين و سياكا و Talla :):):)

Talla ... ممكن الشخص يطور مهارته من خلال الممارسه .. مو شرط يدرس تخصص فنيه :) ..... او ممكن من خلال الدراسه في الدورات التعليميه اثناء العطله ^_^

-----

قمت بتلوين العين ... استخدمت ازرق و اخضر و شويه بنفسجي .. و ما غمجت عالالوان وايد ...
و لونت الحلج باللون البنفسجي الفاقع >_< و سار شكله غامج حيل و اللون طلع مو حلو ?: تدرون ليش؟؟
لاني كنت مظللته بالرصاص و لما ييت الون فوقه طلع اللون اللي شايفينه جدامكم

Madoka

27-12-2002, 09:17 PM

قمت بتلوين قفاز البنت و جناحها بالبنفسجي الفااااااااااااااتح مع الاخضر ... و دمجت اللونين بالابيض :)

و كملت تلوين الشعر .. استخدمت شوي اخضر فاقع مع اصفر خفيييف .. و اخضر و كل الالوان >_< هههه و سار شكله مثل ما انتو شايفينه :)

لونت الطوق اللي في شعرها ( لانها ملاك خليت الطوق في شعرها بدال ما اخليه فوق راسها ^^ ) لاحظوا لونته نفس لون الفم (اللون البايخ>_<) و حطيت شوي اصفر معاه

طلع لونه مو حلو ادري :": لكن بغيت احط درجه لون نفس لون الفم عشان اضيّع السالفه >_< ... فكرت البسها سوار بس قلت ماله داعي :)

قارونوا بين الرسمه قبل التلوين و بعده ^______^

Madoka

27-12-2002, 09:21 PM

و هذا الرسمه خلصت ^________________^

لونتها خلال يومين .. مثل ما شفتوا :)

ملاحظه عقب ما خلصت الرسمه حطيت قوفها طبقه غراء شفاف ( طبقتين من الغراء!!) لان الالوان الخشبيه تبهت و يخف لونها لو تركت فتره طويله !!! و لازم نحفظ الوان الرسمه ...

ممكن بالغراء او بالمثبت الخاص اللي ينباع في محلات الرسم ... او الورنيش >_<

ما انصح باستخدام الورنيش :) لانه يخلي الرسمه تلمع و يقلل قيمتها !!:o

ملاحظه: درجات الالوان اللي اخترتها لتلوين الرسمه اقتبستها من صوره بمجله ( لاني كنت بحط الرسمه بالمنتدى و مابغيت اجازف و الون بدجات لونيه من ابتكاري و تطلع مو زينه بالنهايه !! ) عشان جذي اقتبست الالوان (الاخضر و الازرق) من صوره واقعيه ^_____^ و زدت عليها البنفسجي :)

خلصت و ملصت :0) .. ارجو ان تنال اعجابكم

النجمة الامعه

27-12-2002, 09:26 PM

هلااااااااااا ...

مشكوررررررره حبيبتي على الرسم الحلووووووو الي مثلج :) ;-)

shaheen

28-12-2002, 10:15 AM

واو يا رهيبة انتي
مادوكا فعلا ابدعتي

لم اتصور ان تلونين هذه الرسمة بهذه الروعة
ممتاااااااازة فعلا

شكرا على هذا الدرس المفيد فعلا في التلوين الخشبي وانتظروا مني رسمة بالالوان الخشبية الشاهينية ههههههههه;)

RPGboy

28-12-2002, 11:03 AM

حلو شغلج أختي مادوكا !
هذا الفن على أصوله :D
مبدعة و تلوينج مرتّب !
و الخطوات مــتــقــنــة !
و أسلوب الشرح ممتاز !
تســـــلم إيــــــــــــــــدج ;)

orange road

28-12-2002, 06:46 PM

انشاءالله اشتري الوان خشبية اوكي والون فيها كتطبيق للدرس..

شكرا مادوكا ^^

في ماركة معينة تنصحينا فيها؟؟؟

شرايج في الوان stabillo؟؟؟
لاني كنت دايما اشتري الوان brynzel بس ناوية اغير ^^

الخطاف

28-12-2002, 08:28 PM

ماشالله
في البدايه قلت الصورة بتطلع حلوه بس ما توقعت إنا بتكون روعه لهادرجه:D
ومشكوره وايد على هالمشقه وأنا لازم أجرب التلوين بهالطريقه:D

shaheen

29-12-2002, 01:11 AM

بصراحة التلوين يعطي رونقا آخر على الرسمة... مختلف جدا عن التلوين بالكمبيوتر... هل استطيع شراء اللوعة يا مادوكا؟;-)

سياكا

29-12-2002, 07:28 AM

الله .....الله ...الله :واو: واااااااااااااااااااااااااو

الرسمه طلعت رووووووووووووووووووعه .. ;-)

انا معجبه باسلوبج في التلوين واااااااااااااااااااايد ...يا ابله :#

مادوكا ...ممكن سؤال ؟ :D

ابي اعرف اسم ماركة الالوان الي بتستخدميها ؟ ....لو سمحتي :o

بااااي يا فنانه ;-)

Madoka

31-12-2002, 01:40 AM

:واو: نسيت الموضوع

:D

النجمة الامعه مشكوووره وايد على الرد ... ياريت تغيرين رايج و تراويني رسوماتج اللي قلتيلي عنها ;)

shaheen مشكوور اخوي وااايد ^___^ كلامك الصراحه اعتز فيه ^^ ... اذا تبي الرسمه اخذها مجانا حلال عليك :)
انا متشوقه جدا لرسومك بالالوان الخشبيه ^_________________^

RPGboy مشكوووور وايد على ردك ^________^ :)

orange road :) شكرا عالرد عزيزتي ^______^
بالنسبه للألوان اللي انصحج فيها هي ماركه
Faber-Castell او STEADTLER ... او الخشبي الشمعي (ما اذكر اسم الماركه) لكن ما استغني عن الخشبي الشمعي في تلوين الارضيات ^_______^ ...
ماركه brynzel كنت احبها لكن بعدين طاحت من عيني ?: لانها تخدش الورقه اثناء التلوين >_< .... اما stabillo ما جربتها ابدا :) فرحت اليوم شريت علبه منها عشان اجربها ههههه :)
ودي اشوف تلوينج بالخشبي ^^

الخطاف مشكووور عالرد :):) ...

سياكا ^______^ عزيزتي مشكوووره عالرد ^^
في الرسمه اللي فوق استخدمت Faber-Castell و الخشبي الشمعي ^^

^_________^ ثانكس اول

النجمة الامعه

31-12-2002, 02:45 AM

أنا استحي أحط رسوماتي حبيبتي :# :# بس مو تزعلين مني عمري ;-)

بيبااااااااااي حبي ;-)

سياكا

01-01-2003, 07:37 AM

الرسالة الأصلية كتبت بواسطة النجمة الامعه
أنا استحي أحط رسوماتي حبيبتي :# :# بس مو تزعلين مني عمري ;-)

بيبااااااااااي حبي ;-)

__________________________________________________

ليش تستحي تحطي روسوماتج ؟! :!

ما عندج ثقه في نفسج ؟ :p

سياكا

01-01-2003, 07:41 AM

الرسالة الأصلية كتبت بواسطة النجمة الامعه
أنا استحي أحط رسوماتي حبيبتي :# :# بس مو تزعلين مني عمري ;-)

بيبااااااااااي حبي ;-)
_________________________________________________

ليش تستحي تحطي روسوماتج ؟!

ما عندج ثقه في نفسج ؟ :p

Last_Angel

01-01-2003, 08:31 AM

wooooooooow!!!

الرسمة طلعت مره رهيبه!!!!

بس عندي سؤال:
الغراء الشفاف اللي قلتي عليه... ممكن تعطيني اسم ماركه او اسمه بالانجليزي؟؟ وكيف شكله؟ :":

شكراً ^__^

orange road

01-01-2003, 08:51 AM

لاست انجل...
الغراء اسمه PVA Glue وفي اي مكتبة بتلقينه

بس انصحج بالغراء اللي عند ال Early Learning Center لانه وايد زين ^^

مادوكا.. لما تغطين رسومج بالغراء.. تزيدين عليه ماي والا من الغرشة على طول؟

بس فكرة حلوة انج تغرين الرسوم.. ما فكرت فيها من قبل

النجمة الامعه

02-01-2003, 01:36 AM

الرسالة الأصلية كتبت بواسطة سياكا

__________________________________________________

ليش تستحي تحطي روسوماتج ؟! :!

ما عندج ثقه في نفسج ؟ :p

:# :# أنا واثقه بس ماابي احطهم :# :#

Madoka

04-01-2003, 08:06 PM

شكرا على الردود النجمة الامعه و سياكا و Last_Angel و orange road

لاست انجل .. اظن اورنج رود ردت على سؤالك ;) ... بس على فكره انا الغراء اللي استخدمه نوعيته رخيصه مو ماركه و لا شي و مخفف وايد :)

اورنج رود .. طبعا احط ماي عالغراء و اخففه .. تقريبا تكون سيولته نفس سيوله الوان الجواش (يعني لو حطيناه بالفرشه و تركناها راح ينزل منها) بس لا تضيفين له وايد ماي .. عشان لا يخرب الورقه :)

جربي الغراء و راح تنبهرين من نتيحته ^^

Rex

06-01-2003, 09:29 AM

درس أكثر من رائع أخت مادوكا ;)

الرسمه قبل وبعد وبعد التلوين !!... ;)

خاصة طريقتج بالتلوين ... وايد دقيقة ومذهله أكيد استفدت منها :)
ونبهتيني لشغلات مهمه بالتلوين أيضا :)

شكرا على الدرس ^^

هـداف

07-01-2003, 01:49 AM

حلوه طريقتج مادوكا ومميزه.......لج خبرة بهذي الاشياء.....ماشاءالله........حلوه الرسمه والطريقه جميله جدا جدا.....بحاول اجرب اشوي بالرصاص...يمكن يكون في لي مستقبل:D ^^

مشكورة جدا على الدرس الرائع مادوكـــــــــــ;) ـــــــــــــــــا

Madoka

10-01-2003, 04:14 AM

مشكووور اخوي ريفليكس عالرد ;)

sha3er مشكور عالرد ^_____^ :)

Last_Angel

10-01-2003, 08:05 AM

الرسالة الأصلية كتبت بواسطة orange road
لاست انجل...
الغراء اسمه PVA Glue وفي اي مكتبة بتلقينه

بس انصحج بالغراء اللي عند ال Early Learning Center لانه وايد زين ^^

مادوكا.. لما تغطين رسومج بالغراء.. تزيدين عليه ماي والا من الغرشة على طول؟

بس فكرة حلوة انج تغرين الرسوم.. ما فكرت فيها من قبل

ِArigato gozaimaaaaaaaaaaaaaaaaaaaas ^_^

يعني لمن اورح للEarly learning center اقولهم ابغى الغراء حق حماية الرسومات ولا بس اقول ابي غراء؟؟ <--معليش ازعجتكم بالسالفه شوي:":

GM Head

20-02-2003, 08:56 AM

الرسالة الأصلية كتبت بواسطة orange road
لاست انجل...
الغراء اسمه PVA Glue وفي اي مكتبة بتلقينه

بس انصحج بالغراء اللي عند ال Early Learning Center لانه وايد زين ^^

مادوكا.. لما تغطين رسومج بالغراء.. تزيدين عليه ماي والا من الغرشة على طول؟

بس فكرة حلوة انج تغرين الرسوم.. ما فكرت فيها من قبل

أحس ان إستعمال الغراء قد ينتج عن تكون طبقة متموجة من سائلية المحلول أو كثافتها.

فأنصح الجميع بإستعمال هذا السبري:

Gunze Sangyo
Mr. SUPER CLEAR flat

و هو نافع بأنه يكون طبقة حماية رقيقة فوق اللوحة مع عدم وجود اي لمعان ,لأنه يزيل لمعان المجسمات بعد صبغها ببعض الأوان تكون لماعة>_<

Madoka

21-02-2003, 09:25 PM

الرسالة الأصلية كتبت بواسطة Last_Angel

يعني لمن اورح للEarly learning center اقولهم ابغى الغراء حق حماية الرسومات ولا بس اقول ابي غراء؟؟ <--معليش ازعجتكم بالسالفه شوي:":

سووري لاست انجل تأخرت بالرد :": ... اظن الغراء هو واحد مافي له انواع .. يمكن له ماركات معينه !! :) فاشتري اي غراء و خففيه بالماي و يكون زين انشالله :) .. ممكن تجربينه اول شي على رسمه ما تبينها و تتأكدين من جودته :)

GM Head شكراااا جيم على المعلومه اللي حطيتها و الصوره :):) وااو مكتوب عليه بالياباني @@ .. عيل اكيد وايد زين ^.^

.. بس ترى الغراء لما يخفف ما يكون طبقات ^^!

DARK_AURA

25-02-2003, 05:36 AM

وووااااااااااااااااااااااااوووو

ما شاء الله عليج أختي بصرااااحة أنتي ..............

..................................................................

ما أعرف شوو أقووول :":

مشكوووررة يا الغالية على هذي الرسمات الحلوووة تسلمين دوووم ;-)

Som@y@h

09-03-2003, 08:52 AM

:D أدري متأخرة

عجييب تلوينش مادوكا الرسمة رووووعه ...

كنت مستهينة بالألوان الخشبية :": بس الألوان اللي عندي تبع البيبي .. بشتري لي يدد وبجرب ... ;)

ثاااااانكس ^^

yuki-babe

26-12-2003, 09:26 AM

هاااااي ,,,

م م م للأسف إني ما طحت على هذا المنتدى إلا مؤخرا ,,

أدري إني متأخرة كثييييرا بالرد لكن الموضوع رووووووووووووعة و لااااازم أرد عليه ^_^

مشالله عليج يا مادوكا رسمج يهبل و تلوينج بالخشبي مميز و رااااااااااااااااائع ,,,

أعتقد إن طريقتج مميزة ( يعني حتى لو حاولنا نقلدها مااا راح نقدر هههههه )

و لكن الرسمة مع التلوين صارت في غاية الجمال ,,

يا ليت تسوين درس ثاني ( هههههه طرارة و تتشرد ) , بس فعلا حبيت طريقتج بالتلوين ^_^

و تسلم إيدج ,,,,,,,,,,,,,