شباب أريد استشارتكم في هذه الصورة

[Wolf Sniper]

بسم الله الرحمن الرحيم ...

أريد أن أستشيركم يا أعضاء منتدى 3d Max في هذه الصورة ، هي طبعاً للعبة Tomb Raider 6
أنا أريد فقط أن أعرف ماهو البرنامج المستخدم في هذه الصورة هل هو 3d Max ؟؟؟؟؟
إذا كان غيره فهل يستطيع أحد أن يعرف البرنامج اللي بالصورة؟؟؟؟

و مشكورين على مجهودكم
أخوكم...

[كايتو]

اخوي هذا الصورة من الماكس 3 على الارجح

و ترى تموب رايدر هي اللي خلت كثير من الناس يتجهوا الى الماكس

[Wolf Sniper]

مشكور أخوي ( كايتو ) على الرد
على فكرة انسيت أقول أن الصورة منقولة من منتدى البلاي ستيشين من موضوع ( الموضوع الشامل للبلاي ستيشن 2 )
و مشكور مرة ثانية;-)

[MZM]

و عليكم السلام اخوي Wolf Sniper :D

هاذي رسمه ممكن تكون بغير برنامج الماكس لكن شكلها و جوّها مقارب لجو برنامج ماكس 4 او 3 و الله اعلم
الماكس يسوي مثل ها الرسمه و الشخصيه تتحرك مثل جودة البلي ستاشن 2 بدعم خاصية Direct3D او OpenLG و هم خاصيتين يخليون خطوط التصميم تنكسي بكسوه الجلد او الملابس و الشخصيات او البلاط للأرض و الجدران بشكل مباشر بدون ما تعمل لها Render
يعني تصمم و تشوف النتيجه جدامك و انت تصمم بنفس الوقت مثل الصوره اللي عرضتها فوق
و ها الخاصيه للمحاكاه اللحظيه ( Direct3D او OpenLG ) ما تجي مع برنامج الماكس :D
لازم يكون عندك كرت ثلاثي ابعاد بكمبيوترك لتسريع محاكات الصور الثلاثيه
لا تتوقع ان برنامج الماكس بروحه تصمم فيه و تفر و تحرك الاجسام بالنعومه اللي بالصوره فوق ((في وقت التصميم نفسه)) بدون كرت ثلاثي بالكمبيوتر

يعني الصوره اللي فوق هي فعلا بالماكس و معاه كرت محاكاه ثلاثي (AGP Graphics Card)

كروت المحاكاه و التسريع الثلاثي موجوده بكثر و رخيصه سعرها الحين ما يتعدا 8 دنانير كويتي

ههههههههههههههههه :cool: و تلقاها عندك بالخبر بمركز الخليج اللي على الكورنيش على التقاطع حق الامن .. دور على كرت nVidia TnT2 Vanta 16MB AGP رخيص و كويس .. سعره 120 ريال الحين و يمكن اقل بصراحه هو قوي حيل حيل لكن فيه بنفس سعره و اقوى منه اللي هو Radeon 7000/Randeon VE من شركة ATI Tech المعروفه بقوتها بمنتجات الجرافكس ^^ سعره 200 ريال تقريبا و هو قوي جدا ;) 64MG

ما عليه انا بردودي لك اطول الكلام :D لكن احسك متحمس و احب ابين لك كل شي ... على شان لما تستخدم الماكس و تشوفه مو مثل الصور اللي انت تشوفها بالنت تعرف السبب و الحل

بختصار الصوره بالماكس مع كرت ثلاثي :) و كمبيوتر محترم بانتيوم 3 و فوق

سلاااااااااااااااام :D

[Wolf Sniper]

مرحباً أخوي MZM ...

أنا عندي كرت قوي هو G Force4 64 Mega يعني عندي كرت 3D و باقي بس البرنامج و التعلم عليه فقط و إنشاء الله خير
المهم إيش تنصحني أي كتاب أشتريه عن 3d Max ؟؟؟؟ لأنه في مجموعة كبيرة منهم ؟؟؟ و في شباب نصحوني في ورشة
عمل 3D Max فما رأيك ؟؟؟؟

أخوك...

[MZM]

السلام اخوي Wolf Sniper

ما شاء الله الـ G Force4 64 Mega كرت محترم و قوي .. الاجسام الشفافه و الحركه الاجسام السريعه اللي اطرافها مشتته (Object Motion blur) واضحه حيل فيه ما شاء الله

فيه ناس تحب تمسك الكتب و تقرا و ترتاح لها اكثر من الشاشه

لكن برايي 80% من الكتب اللي بالسوق فقيره للعلم الحقيقي بصراحه لإن اللي يشرحونها ما لهم اي إهتمام بالفن و التصميم كلهم مبرمجين و كتّاب شهاداتهم ما لها علاقه بالإبداع الفني ... يعني لا تتوقع منهم يمرون و يعلمونك اللي انت متعطش له و شاري الكتاب على شانه ..
انت تبي شي يحمسك و يشد انتباهك و تفكيرك و بالأخير تلاقي الكتاب فقير بالفن و الافكار العمليه الجديده اللي تفيدك بشكل حقيقي
الكتاب تلقاه 1500 صفحه هههههههههه و لما توصل للصفحه 1000 تحس نفسك كإنك بالفعل ما قريت شي جديد ...... يعني بصراحه مضيعه للوقت و الفلوس :6

ما اقول ها الكلام من فراغ :) ... انا ما كنت اشتري الكتب لإن الكتب اللي عيني عليها تكون كبيره و غاليه .. فأطلبها من مكتبت الجامعه و يجيبونها لي ببلاش :D هههههههههههههه

اقعد بين المحاضرات اقراها ^^ ..... كتب ضخمه صج و ثقيله
لكن مادتها العلميه مو بمثل ضخامتها

و النتيجه اني عرفت ان الكتب مضيعه للوقت ... ممكن توضح لك الاساس البسيط بس ... لكن ما راح تعلمك اللي انت تبيه

احسن مصدر لتعلم الماكس هو الإنترنت ^^ لإن و بكل اختصار اللي يشرحونه هم فنانين حقيقيين و شرحهم يغنيك عن 100 كتاب بدون مبالغه ههههههههههههههه

خذ ها الموقع ( موقع قديم جدا لكنه من أقوى مواقع تعليم الماكس )

ـــــ إضغط هني موقع ( تعليم الماكس) ـــــ (http://www.3dcafe.com/asp/tut3ds.asp)

الموقع فيه تعليم للماكس و الـ AUTOCAD و الـ LIGHTWAVE 3D و الـ MAYA و الـ SOFTIMAGE 3D ^^

راح يفيدك حيل حيل و بتلاقي فيه اللي ما بتلقاه بكتاب واحد ابد ;-)

لا تضيع فلوسك بالكتب :)