المساعد الشخصي الرقمي

مشاهدة النسخة كاملة : عام اكثر لعبة مظلومة بالعالم .


NG_2003
28-12-2002, 10:17 AM
هل احد منكم خلص Robot Alchemichal Drive اللي من Enix ؟؟ ولا اقول خلوني اعيد صيغة السؤال . هل احد منكم مجرد لعب RAD ؟؟؟ ولا بلاش هذي بعد خلوني اسأل وأقول هل احد منكم سمع ولو خبر بسيط عن RAD ؟؟؟

للاسف الجواب عند 99.999999999999 % من سكان الكرة الارض راح يكون لا . وفعلا قهر . لأن هالاشخاص فوتوا على انفسهم وحدة من احسن العاب 2002 على كل الاجهزة .

اللعبة هي اقرب شي يمكن توصله لعبة لاحساس انك عايش في مسلسل كرتوني قديم.تحديدا اللي فيها اليات عملاقة . حلم انا متأكد انه راود كثير منكم قبل عقود من الزمان والحين توه يتحقق .

اللعبة فيها اللي انا اعتبرة اذكى حركة عملت على لعبة على الPS2 . ان التحكم باللاعب غير التحكم بالالي . أول شي يتحكم الشخص بقائد الالي ويدور فيه بمدن شبيهة جدا جدا بمدن GTA3 ( بس هنا تقدر تهدم المباني ) واذا هاجم الوحش تقدر تتغبى في مكان مناسب او تطير فوق مبنى عشان تنادي الالي . وهنا يبدى اللعب الحقيقي .الاليات اكبر من اللاعب بعشرات المرات ( ورسمهم من اروع الرسوم على الPS2 وأدقها) وراح يبين هذا لما تقود الاليات عند اللاعب وتشوف كيف دقة التفاصيل فيهم وفي الاعداء . والقتال ممتع جدا جدا جدا خصوصا ان الشاشة تهز كلما طاح العدو (او الالي ) ويكمل الاحساس اللي تعطيه اللعبة بأنك تشوف عمالقة يتضاربون .

انا كل ما العب اللعبة اتحسف . اتحسف على تعب المبرمجين الهائل اللي ضاع . واتحسف ان الناس ماجربوا المتعة الجديدة اللي تعطيه اللعبة هذي . واكثر شي يخليني اتحسف انه المبيعات راح تقنع صناع الالعاب ان الابتكار مايربح وبكذا يبطلون يجربون افكار جديدة . كل اللي ودي انه لو احد شاف اللعبة نسخ يلقطها . ماراح يخسر فوق 15 ريال\دينار\درهم\اي عملة تتسعملونها وصدقوني ماراح تندمون .
BADRAWN
28-12-2002, 10:46 AM
أنا معك في كل كلمة قلتها اخوي NG_2003 ..صدقت .؟

اللعبة اللي تقول عنها أنا بصراحه شفتها في إحدى القنوات الفضائية , بصراحه أعجبتني والله , فكرتها حلوه مره حلوه لكن لو تبيني احلف لك إني أنا الحين كاتب أسامي أشرطه فوق 20 شريط وأكثرها أشيلها من كثرها والله لكن لو لقيتها قدامي على طول راح اشتريها , لكن بعض الناس مايفضلون مثل هذي الألعاب أكثرهم يحبون الأكشن والرعب والأشرطه القتالية , أما الآليات والألعاب الألية ما شفت أحد كتب عنها أو أبدئ رائيه فيها , أتمنى والله إن فكرتك تصل للجميع , وشكرا لك اخوي

تحيات اخوك البدراون
أميرة ال RPG
28-12-2002, 03:18 PM
أنا لعبيتها بس ما خلصيتها واللعبة الصراحة روعة :)
SNIPER GAMES
28-12-2002, 06:34 PM
خلاص ....... هذه أول لعبة سوف أشتريها بعد الإمتحانات إن شاء الله ;)
Yamato
28-12-2002, 07:27 PM
عيل انا 0.000000001%

لاني لعبت اللعبة وخلصتها وانا بعدي ما مصدق انه بعدي كنت العب فيهامن كثر ما عجبتني وذكرتني برعدالعملاق

انصح الكل انهم ما يفوتونها فعلا ;-)

":"
NG_2003
30-12-2002, 01:54 AM
للي بيشتري اللعبة لازم يستعجل . لان الظاهلر انهم ماعاد يجيبون نسخ جديدة لان اللعبة ماتمشي .
Pentium
30-12-2002, 02:31 AM
لا تخاف إنشاء الله بعد ما أنتهي من الامتحانات أدور عليها و أشتريها :)