مجموعة اسئلة.

[DK]

السلام عليكم.
جهازي الامريكي ما رضي يشغل بلودي رور 3 و أنريل تورنمنت مع العلم اني غيرت النسخ 3 مرات.باستخدام ال SBOX.ما ادري اذا تصادفكم نفس المشكلة لاني لازم العبهم.
ثانيا:كيف هي طريقة كيسن.نفس فاينل فانتسي اوامر؟؟؟ولا زي ديستني واريور

[the slayer]

يا DK هل تتوفر اشرطة ntsc في الامارات لاني ارى ان اشرطة pal متوفرة بكثرة و هذا يعني ان البلاستيشن 2 الياباني افضل من الامريكي في هذة الحالة صح او غلط

[Uncharted]

السلام عليكم ورحمة الله...
وبخصوص DK هذا الله يسلمك ويسلم غاليك المشكلة في النسخ نفسة موب في القطعة وبتلقى ديسكات غيرها مثل ناسكار رمبل مب كاملة يعني النسخ اللي عندك موب كاملة وهذا عيب من النسخ مب من جهازك.
بس اصبر بتنزل نسخ كاملة صدقني ..
وتبى شوري؟؟؟
نزلت قطعة جديده في العين تشغل الكوبي والاصلي الps1 وبدون مشاكل
الا اللهم الاصلي الياباني مايشتغل لان النظام امريكي..
وأبشرك بعد ديسكات السوني 1 تشتغل على طووول والسوني2 بدون تضغط على الزر وبدون يطلع الباب وبدووون اي مشاكل وعن طريق الجيم شارك..

وبخصوصthe slayer الntsc أفضل من الياباني ومتوفر بكثره

[DK]

سلاير:شكرا وال ntsc متوفر.والامريكي احسن من الياباني.
انشارتيد:شكرا بس القطعه غير ال sbox?المشكلة انه اللعبتين يشتغلوا عادي.وممكن اتحرك بالشخصيات.بس اول ما اضغط زر من الازرار الاربعة تعلق اللعبة‍?: :واو:

[Uncharted]

هلا دي كي القطعة نفسها .. اي اس دي .. الجديده...
بس مطوره اكثر ولاتحتاج لتوقيت او عد او مسك زر..
واحتمال النسخ فيه خلل ؟؟؟؟
وبس هاللعبتين اللي تعلق ولا فيه بعد؟؟؟؟؟

وشوري عليك انك تشتري غيرهن مب من نفس المحل تعرف ليش؟؟؟
لان كل النسخ اللي في ذاك المحل نفس الشي..
حاول تشوف نسخة من محل ثاني وغير عن نسخة لعبتك وبتشتغل ان شاء الله .. واذا فيه ديسكات غيرها تعلق انصحك تفحص القطعة يمكن تحركت او اهتزت

وبخصوص كيسن فهي مب اربي جي مثل فاينل ..
كيسن ياطويل العمر استراتيجية بس روووووووووعة كيف تبني جيش ومحاربين وهجوم ودفاع وفي النهاية حررررب
ويمكن شوي فيها ملل لانها مب لعبة حره ..

وفي النهاية يامرحبا وسهلا والله يحييك يالغالي

[DK]

اجيب نسخة من محل ثاني.فكره معقووووووولة.انا قطعتي ما تحتاج لتوقيت او عد او مسك زر.. بس حط الجيم شارك بعدين حط السي دي.تقصدها هي؟
يعني قصدك انا ابني الجيش و بعدين اسيبه يتحرك لحاله؟بهدلتك اكيد باللعبة بس المشكلة مو لاقيها فقلت لو تستاهل بطلعها من تحت الارض.

[DK]

نسخ المحل طلعت مضروبة.كلها مدقوقة من ورى الظاهر من الشحن.

[alkhaj]

عزيزي DK
عندي نسخ إضافية لبعض الألعاب مثل بلودي رور 3 وهي تشتغل بدون أية مشاكل.
بس قول لي وين تبغي أوصلك إياها.
عزيزي UNCHARTED .
لقد زرت مدينة العين الحبيبة يوم الأثنين الماضي ولكن للإسف الرقم الذي سجلتة والخاص بك طلع غلط وحزنت كثير إني وصلت هناك وما قدرت أن اتلاقا وياك.
عموما إشتريت بعض الألعاب وإحتمال أزور العين في وقت قريب فالرجاء الإتصال بي أو إرسال رقم الهاتف على البريد الألكتروني.

[DK]

والله انت شهم.
بس المشكلة طلعت انه الجيم شارك نفسه خربان.اليوم ماشاء الله مارضي يشغل ولا لعبة"حتى WE5"وبروح ابدله ان شاء الله.لو برضه طلع خربان"بلودي رور"ان شاء الله اتفق معاك.

[Uncharted]

alkhaj حراااااااااااااااااااام والله اني داري؟؟
قلت اكيد عنده ظروف ولا شي؟؟؟
وخساااااااااره مالقيتك:( والله اني كنت في عود التوبة اترياك لين الساعة 1 فليل وكل شوي اقول الحين بيتصل الحين الحين؟؟؟؟
ياخي اسمحلي التقصير مني أنا مب منك والله أنا اللي مقصر وحقك علي المفروض اني اتصل عليك بس والله اني كنت مستحي خايف لايكون ظرف عندك ولا شي؟؟؟؟
السمووووووووووحة ياخوك ومتى ماجيت العين ياحياك وسهلا غالي وعزيز.

وبشوف رقمك وابتصلك في اقرب وقت .

وبخصوص الغاليDK السمووووووحة ياخوووك تأخرت على الرد واسمحلي وتفضل
اللعبة والله روعة بس اذا عندك صبر لانها تختلف عن الار بي جي
وتختلف عن اسلوب الاستراتيجية المعتاد مثل ريد اليرت ومختلفه عن لعبة التصاميم ثيم بارك وسيم سيتي.
اللعبة الله يسلمك من الشر ماقولك لاتشتريها لو لقيتها اشترها ولو مالقيتها قولي من الحين من بكره بشتريها وفي أقرب فرصة اذا سرت؟؟؟ مادري انت وين؟؟؟ عجمان؟؟؟ ولا الشارقه؟؟؟
المهم في اقرب فرصة اذا جيت العين ياحياك مرحبا وسهلا بتلقى لعبتك موجوده وجاهزه واذا انا سرت هناك ابشر بسعدك..ولا تأخذ هم وأنا خوك.
واللعبة لو تلاحظ نفس قصة أكبر معركة في التاريخ (ووترلو هي المعركة الثانية) معركة سيجاجاهار سنة 1600م
ومن ناحية الرسوم :واو: :واو:
قمة في الروعة ومن ناحية التحكم صدقني بتلقى سهولة في الارشادات لان اللعبة مبنية على اساس استراتيجي وموجوده الاوامر كلها من تكوين جيش الى البدأ والانتصار في المعركة.
شو المميز فيها؟؟؟
تصدق انك تقدر تشوف 200 حصان وجندي في ساحة الحرب؟؟؟
يعني كانك تشوف فيلم اكشن؟؟
والحلو فيها ان لكل كتيبه قائد وأنت الزعيم اللي تعطي الاوامر لكل قائد كتيبة؟
ومابى أحمسك أكثر لكن أقول .. استراتيجية... ولاتتحسب انها حره.
والله يوفقك.

[DK]

بس يابانية.مافي انجليزية؟اتفقت مع الرجال يجبلي ياها بكره ان شاء الله.بس لي سؤال انشارتيد العزيز"نزلت دارك كلاود عندكم؟"او في السعودية عموما يا شباب؟

[Uncharted]

هلا وغلا DK ايييه نعم نزلت دارك كلاود من يومين ...
الله الله ولا زيلدا .. واللعبة على دي في دي
روووووووووووووووووووووووووووووووووووووووووووووووووووعة
نظام القتال حر مب مثل فاينل فانتاسي
العب وهاجم واضرب نفس زيلدا

ومبروووووووك على النسخة وان شاء الله تلقى الانجليزية

[Uncharted]

على فكره .. مب تقليل في حق امبراطورية الاربي جي فاينل فانتاسي
اقصد مب نفس فاينل يعني مب لعبة ادوار متعاقبة ومافيها نظام التكتيك المعروف في فاينل .

اللعبة حره وجميلة ورسووووومها ولااحلى القصة روعة وتتلخص في:
نفس لقطة ذا مامي ريتيرن، يوم قوموا الوحش.
والله ياخوك بتشوف يوم جالسين الجنود.. يؤدون رقصة ياخي مذهله خاصة الاغنية ويوم يقوم المارد من سبات 400 سنة وووو
مابخرب عليك بس اسلوب اللعبة المارد هذا هجم على أهل قرية مسالمين بقيادة جنرال خسف:p وخلى القرية كلها داخل كور وانت مهمتك تحارب الشر وتجمع اجزاء القرية وتبنيها من أول وجديد
بأسلوبك الخاص.
وطريقة التحكم قريبة من زيلدا..
واللعبة مدتها 70 ساعة . تعرف أول قائد كم مدة قتله؟؟

20 دقيقة؟؟؟؟

وياخي لاتفوتها وخاصة انها على دي في دي وبـ 190 درهم وامريكية
بس أقولك انها اسطورية ومشابهة لحبكة على الدين .


واحلى شي بتبدأ فيه اللعبة رقص اهل القرية ورقص الجنود لاضهار المارد .. بتشوف نعووووومة الرسوم الخلابة

بقى شي واحد.



























المارد أول مابيطلع جوعاااااااان انتبه;)

وسلامي ياعزيزي

[DK]

تسلم ياغالي.تعبناك"وايد":cool:

[Uncharted]

تعبك راحه افا عليك مابه تعب ياخوك

[Winning Eleven 2000]

سلام......... تراني أحترت أيهم أفضل الياباني أو ألانجليزي .....يقولون ان الياباني تنزل الألعاب عليه قبل الأمريكي صح وألا انا غلطان.......وهل صحيح ان الياباني سعره بالكويت 125 دينار.......... +) +) +)

[Uncharted]

سلام عليكم مرحبا وسهلا عزيزي Winning Eleven 2000
وبخصوص سؤالك ..
من ناحية الالعاب الياباني مسكت
ومن ناحية الجهاز الامريكي افضل .

وهذه الاسباب:
الجهاز الياباني مايشغل الا الالعاب اليابانية وبس.
يشغل الدي في دي بعد التحميل وليس مباشره.
لايتوافق مع البال . الاوروبي.

مميزاته:
يتوافق مع ال ان تي اس سي NTSC الياباني. J
يعتبر هو الوحيد اللي يصدر اولا
قوي جدا ويعيش معاك فتره اطول بسبب تميزه بانه ياباني ولانه بنظام واحد .
كثره الالعاب اللي عليه.


وبخصوص الجهاز الامريكي.

يتوافق ((( اذا تم تركيب قطعة الاس بوكس والجيم شارك))) s box
يتوافق مع كل الالعاب اليابانية والامريكية.
يعتبر نظام متعدد.
يشغل الدي في دي بدون تحميل ... مباشره..

واخيرا نصيحة اشتر الجهاز الامريكي مشان تقدر تلعب بكل الالعاب الاصلية والكوبي .. ماعدا اليابانية الاصلية.

وسعر الجهاز في الامارات مع المود شيب والجيم شارك وديسك اصلي من اختيارك


1700 درهم ..

وشكرا

والياباني

1250


وسلاااام