ليه كوذا>_<

[flarestar]

السلام عليكم :)

كيفنكم ... ازايكم... صار لي زمااااااااااااااان ماشفتكم:6

و الله اني اشتقت للمنتدى:( الله يذكر ايام العطله بالخير :"

الا ليت ايام العطله تعود يوما ......... فأخبرها بما فعلت بنا الدراسه

الموهم ماعلينا كيفكم انتم عسى بخير :)

انا الحين قايمه الفجر مدري وش عندي قلت خل اكتب موضوع للمنتدى

الساعه الان في تمام ال4 و 55 دقيزه

قاعد يأذن الفجر بعد :p

المهم ابقولكم عن شي شفته يوم رحنا الرياض

بينما كنت جالسه في السياره و اتلفت يمنه ويسره <== تحسون توها طالعه من محاظره عربي

لا عاد السالفه و مافيها

اني كنت جالسه في السياره انتظر اهلي يطلعون من السوق

فقمت اتفرج غلى العالم و بما ان سيارتنا مظلله فأخذت راحتي":"

المهم و لايجي ذاك الرجال اللي راز نفسه ويوم شفت وراه :واو:

و لا زوجته المسكينه تخيلوا وش مسوي فيها

اولا : هو يمشي قدام و هي تمشي وراه كأنها خدامته مو زوجته

ثانيا : الاخ يمشي بكل راحه ويدينه مافيها الا مفتاح السياره و زوجته ياعمري عليها بيد شايله ولدها اللي شكله توه مابدا يمشي و شايله كيسه بعد و باليد الثانيه ماسكه ولده الثاني و اكياس بعد :واو:

ليه كوذا >_<

انا عاد صار وجهي كذا :غضب:

تراها زوجتك ياولد الحلال يعني على الاقل على الاقل شل منها الاكياس :(

المهم انا ودي اسئلكم

وش رايكم باللي سواه هالرجال هل هو صح او خطأ ؟؟

و ليش فيه رجال يعاملون زوجاتهم كوذا>_<؟؟

و انتم كشباب هل تعاملون خواتكم او زوجاتكم كذا تمشون و تخلونهم وراكم ؟؟

و هل تعتبرون ان الواحد لما يمشي بمكان عام مع اخته او زوجته و هي جنبه و ماسك ايدها هل تعتبرونه شيء عيب؟؟

اما بالنسبه للفتيات (عشان مايصير فيه عونصريه)

لو صار لك هذا الموقف انك و انتي قاعده تمشين مع اخوك او زوجك مشى و صرتي وراه وش راح تكون رده فعلك؟؟

و هل تحسين انه عيب اذا مشيتي في الحديقه او السوق و اخوك او زوجك ماسك يدك ؟

Thanx

Something on my mind and I wanted to get rid of it:p

[konnan87]

he Has to walk by my side
if he doesn't want to do that...
which is suicidal :6
we might as well not go out together at all

i just wonder why guys are ashamed to walk with
their sister, mother or wife :أفكر:

but i couldn't find an answer for that question

but i always thank god that in my family
we're all the same...without all that non sense

thankx flarey for that post
and i hope to see you more often:)

[عماد 18]

وش عرفك انها زوجته ؟؟
يمكن اخته و مزعجته ودني و جبني ..
و الولد الصغير اخوهم الصغير ..
قالت خل نجيبه عشان ينبسط ..
فهو قرر انها تتوب من اللقافة و الازعاج و حطها في هالموقف ":" ..
يعني من كلامك واضح انهم عرسان جدد معقولة يسوي فيها كذا ؟!
بعدين من راقب الناس مات هما :أفكر: ..
و بخصوص مسك اليدين ..
هي مو مسألة حيا ..
لو يحصل لي شلتها و ما خليتها تمشي خطوة وحدة و تتعب نفسها ..
لكن تعرفين الناس ..
هذه خويته و جالسين يتمشون مع بعض ..
شكله مطلعها من بيتهم ..
و ما الى ذلك ..

[silverpaco_101]

انا رايي انه هالنوع من الناس مستعبد زوجته ?: و المشكله انه واجد من الناس يسوى كذا


انا صراحه معاملتى مع خواتى ما توصل لهالدرجه

[flarestar]

سوسو:) يو ار ويلكم:)

حتى انا ودي ادري ليه

عماد:o

واضح الزوجه من الاخت

بعدين ولدين مو واحد


و ماكنت اراقب هم مروا من عندنا:6


لو يحصل لي شلتها و ما خليتها تمشي خطوة وحدة و تتعب نفسها ..

هههههههههههه

لا عاد مو لها الدرجه:p


عموما مشكور:)

[flarestar]

الرسالة الأصلية كتبت بواسطة silverpaco_101
انا رايي انه هالنوع من الناس مستعبد زوجته ?: و المشكله انه واجد من الناس يسوى كذا


انا صراحه معاملتى مع خواتى ما توصل لهالدرجه

صح مستعبد:o


شكرا انك تعامل خواتك كذا:0)

[DiGit4L]

خساره ماعندي خوات :"

كان اشيلهن بعنوني .. :D


وان كانت مرته .. فشكلها مبلشته تقول له ودني السوق .. زي ماقال عماد
وقال خل نادبها


لاني امس .. شفت واحد ومرته

منب قايل حاظنها وهم يمشون .. بس انها متعلقه بيده
كنها ماتبيه يضيع منها

من جد هالمشاهد تفتح النفس :0)

ومهب شباب تقول ذولا توهم متزوجين .. كبار بالاربعين يمكن

ودك من نزل من السياره وحب راسه :)


بس كلام الناس ينخاف منه .. عشان كذا محد يقرب من البنات .. سواء مرته او اخته

والهيـــــــــــــــــئه بالمرصاد":"

[RPG_master]

عاد هالنوعيات موجوده بكل المجتمعات..


ومدري من وين جبتي سالفه انها تمشي جنبك عيب..

اول مره اسمع بها:6


انا عادي بالنسبه لي..اهم شي اني انشب لأمي بالسياره واخليها تربط الحزام":" (هذي احد الوناسات الوحيده في اني اوديها السوق:6 )


ومثل ما قال عماد..

بعض الأخوات ما تقضي طلباتهم

لذلك يحطها بموقف مثل كذا علشان تفكر مية مره قبل لا تشتري بعض السخافات..

ولا احد يشتري من الصيدليه بأربعمية ريال?: ؟

اول مره اشوف احد طالع من الصيدليه ومعه كيس كبير كأنه كيس مقاضي سوبر ماركت:6

وليتها ادويه..كلها خرابيط:o

[RPG_master]

الرسالة الأصلية كتبت بواسطة DiGit4L
خساره ماعندي خوات :"

كان اشيلهن بعنوني .. :D




ما كنه رد محمود:6؟

[rushin_911]

بكل بساطة الجواب لأن بعض الناس يشوفون إن المرأة إنما هي للفراش فقط و عملها الوحيد الولادة و أي شيء يتم عمله منها غير هذي إنما هو مخالف للأنوثة و الفطرة التي خلقها الله عليها و بالتالي هي أقل منهم قدراً و فائدة المرأة تنحصر في الفراش لذا يحق للرجل معاملتها حسب ما يرى -طبعاً هذا حسب رأيهم-

و هذا التفكير ما يجي إلا بسبب الجهل و قلة الأخلاق و بالعلم فقط و سمو الأخلاق بتنقضي مثل هذي الظواهر و قد تكون هناك أسباب نفسية لهذه الظاهرة مثلاً الرجل يتعرض لمضايقات أو أنه يتم التأمر عليه من صاحب العمل مثلاً فبالتالي يفرّغ الغضب الكامن في نفسه في زوجته الضعيفة المسكينة اللي ما تقدر تقول لأ أو تدافع عن نفسها...

[RPG_master]

الرسالة الأصلية كتبت بواسطة rushin_911
بكل بساطة الجواب لأن بعض الناس يشوفون إن المرأة إنما هي للفراش فقط و عملها الوحيد الولادة و أي شيء يتم عمله منها غير هذي إنما هو مخالف للأنوثة و الفطرة التي خلقها الله عليها و بالتالي هي أقل منهم قدراً و فائدة المرأة تنحصر في الفراش لذا يحق للرجل معاملتها حسب ما يرى -طبعاً هذا حسب رأيهم-


أحقر الأشخاص ما يفكرون هالتفكير:أفكر:..

يمكن انت تتكلم عن العرب قبل الإسلام؟؟:o

[rushin_911]

الرسالة الأصلية كتبت بواسطة RPG_master


أحقر الأشخاص ما يفكرون هالتفكير:أفكر:..

يمكن انت تتكلم عن العرب قبل الإسلام؟؟:o

ههه العرب قبل الإسلام كانوا أحقر من كذا :)

عموماً لا تخاف في ناس مثل كذا موجودين للأسف

[flarestar]

مشكورين كلكم على المشاركات:)

شوشه جبت هالكلام من بنات الكليه و هم يقولون انه عيب و انا اقول لهم نوب:o


و بعدين ترى في ناس من اللي قال عنهم رشين موجودين للاسف:(

[Anima]

هلا وغلا

من طول الغيبات جاب الغنايم

كيفك فلاير

المهم

الي شفتيه شي يقهر والله

يعني هذي النوعيه من الناس خليه فاسده في المجتمع>>>":"

وهو شكله يبي يتبرا من زوجته ويشوفله وحده ثانيه


هذا والله اعلم..

[RPG_master]

انا ما قلت انه ما في ناس يعتبرونه عيب..ولا قلت مافي ناس من نوعيه الي تكلم عنهم راشن..

لكن قلتلك في كل مجتمع موجوده كل النوعيات

لكن اسلوب راشن فالكلام كأن الي يتكلم عنهم الأغلبيه او نسبه كبيره من الرجال..

[flarestar]

انيما و عليكم السلام:)

وش اكبر من هالغنيمه:p


شوشان بصمنا بالعشره انك مو من هالنوعيه :D

و عن النسبه الله اعلم:أفكر:

[rushin_911]

الرسالة الأصلية كتبت بواسطة flarestar


و عن النسبه الله اعلم:أفكر:

جبتيها :)

[RPG_master]

وانا وش دخلني بالموضوع..


وعلى العموم الي يشك ان النسبه عاليه ما ألومه..يمكن هو من هالنوعيه او ان اخوه منها..:o

[flarestar]

الرسالة الأصلية كتبت بواسطة RPG_master
وانا وش دخلني بالموضوع..


وعلى العموم الي يشك ان النسبه عاليه ما ألومه..يمكن هو من هالنوعيه او ان اخوه منها..:o


شكرا ياشوشان من طيب اصلك:)

[rushin_911]

الرسالة الأصلية كتبت بواسطة RPG_master
وانا وش دخلني بالموضوع..


وعلى العموم الي يشك ان النسبه عاليه ما ألومه..يمكن هو من هالنوعيه او ان اخوه منها..:o
يمكن...

و لكن يمكن ما يكون :)

[RPG_master]

غريبه..ما توقعت الرد يزعل:أفكر:


أقري الرد مره ثانيه يمكن تفهمين وش اقصد..

[Angel whisper]

هلا فلير :)
you've been missed :)

اممم ..

مب كل الرجال يتصرفون ويا حريمهم بهالطريقة ..

طيب اذا هو ما يبغي يمسكها من ايدها .. على الاقل يخليها تمشي جنبه ...

واللي يقول انها صديقته او حبيبته .. غبي وافكاره سودا :)

ويعني المفروض انه على الاقل يشيل عنها الاكياس ..

ولو حتى كانت مسويتله قلق عشان يوديها ..

ما اعتقد ان شيله للاكياس ينقص من رجولته شي :)

Thankies Flare :)

[RPG_master]

يمكن...

و لكن يمكن ما يكون





ادري..هذا الي قلته:أفكر:




ولو حتى كانت مسويتله قلق عشان يوديها ..

ما اعتقد ان شيله للاكياس ينقص من رجولته شي


قلنا يسوي فيها كذا اذا سوتله قلق علشان يمكن يعاقبها..

مالها دخل بمسأله رجوله ومدري ايش..

[Angel whisper]

الرسالة الأصلية كتبت بواسطة RPG_master

قلنا يسوي فيها كذا اذا سوتله قلق علشان يمكن يعاقبها..

مالها دخل بمسأله رجوله ومدري ايش..
عاد ما صار عقاب هذا .. تعذيب ..

يعني كأنه يبغيها تحرم نفسها من طلعات السوق غصب ..

وهذا شي غلط يسويه فيها ..

[rushin_911]

إن كان اللي سواه عقاب فهو عقاب سخيف و ماله داعي و في طرق أخرى متحضرة ممكن يتم فيها حل المشاكل بدال اللجوء للعقاب بطريقة تهضم حقوق الزوجة المسكينة :أفكر:

[RPG_master]

انا اتكلم عن الأخت..

خل الزوجه برا الموضوع..

لأن مهما كان هي زوجتك ولازم تتحملها مهما كان..

نفس الكلام ينطبق على اختك..لكن انا اقصد ان زودتها شوي

مشاوير سخيفه جداً..

وما تعرف تخلص اشغالها من طلعه وحده..

هنا اتكلم يكون عقاب بسيط..

لأنها هي غلطانه..

ولا تقولي اساليب متحضره ومدري وشو..

العقاب ما اعتبره عقاب خارج عن حدود المزح..

بس علشان تفكر اكثر من مره قبل لا تطلع بعض المشاوير السخيفه..

وما قلت اني بحرمها من الطلعات..

من سنتين وانا اوصل اهلي ولا قلت شي..لكن بعض الأحيان يزودونها شوي

وسالفه انها تشيل الأكياس ما طبقتها الى الحين..

ولا راح اطبقها بس اقولك انها مجرد عقاب بسيط

[rushin_911]

في ردي كان الكلام عن الزوجة...

و لكن يظل العقاب حسب ما تم وصفه من كلير (شيل الأكياس + شيل البزرين) عقاب ماله داعي أما إن كان العقاب فقط شيل الأكياس فممكن نقول إنه يعتمد على الحالة و لو إن السموحة تظل أفضل من الأخ لأن الأخوات من حوله ينظرون عليه على إنه هو القوي اللي يقدر يعتني فيهم...

[RPG_master]

على العموم..انا قلت ان الزوجه مهما كان ما تستحق اي نوع من العقاب..


انا بطلع الجامعه الحين..سلام

[rushin_911]

الرسالة الأصلية كتبت بواسطة RPG_master
على العموم..انا قلت ان الزوجه مهما كان ما تستحق اي نوع من العقاب..


انا بطلع الجامعه الحين..سلام

صح كلامك

في أمان الله

[باباسنفور]

شوف هو مو عيب..

شىء طبيعي وشرعاً يجوز له يمسك يدهاا وتمشى معاه عادي..

لكن الناس ماترحم..

يعني يشوفنك أنت وأختك بالوضع هذا يقولون معه خويته..

شوف ال(...) هذي تمشى مع هذاك..

ومدري كيف:واو:

يعني بالعربي توخلف..

لذلك أبعد عن الشر ياعمري وغنيلووه":"

[alex]

مثل ما قال عماد ... اكثر الناس يخافون من الكلام ... ولا هو مهب عيب ...






اللي يقهرني اذا طلعت للسوق مع اهلي وقعدوا لهم كم ساعه وبالاخير كيس واحد وصغيييييييييييير .... تنقهر :p

[عماد 18]

في ناس مثل كذا ما اختلفنا ..
و في نسبة ..
برضوا ما اختلفنا ..
لكن ترى هالشي في كل مكان ..
مو بس عندنا ..
فلحد يحاول يصطاد في الماء العكر مثل عوايده ..
بعدين انا عمري ما سويت هالشي ..
انا كنت امزح بس و اطلع حرتي ..

[MetalGear]

هذا شيؤن خطؤن :p



الرسالة الأصلية كتبت بواسطة alex

اللي يقهرني اذا طلعت للسوق مع اهلي وقعدوا لهم كم ساعه وبالاخير كيس واحد وصغيييييييييييير .... تنقهر :p

انا عكسك ..

نص ساعة وطالعين بكل مافي السوق..:D

[Pepsi Kun]

الصراحة :o :o راحة :D :D




أنا .....:(






:D





مافكرت بالزواج ولا بفكر ولا عندي خوات الا بزران :6 يازييييييييين هالعيشة :6 :6

[كاو بوي]

الرسالة الأصلية كتبت بواسطة عماد 18
وش عرفك انها زوجته ؟؟
يمكن اخته و مزعجته ودني و جبني ..
و الولد الصغير اخوهم الصغير ..
قالت خل نجيبه عشان ينبسط ..
فهو قرر انها تتوب من اللقافة و الازعاج و حطها في هالموقف ":" ..
يعني من كلامك واضح انهم عرسان جدد معقولة يسوي فيها كذا ؟!
بعدين من راقب الناس مات هما :أفكر: ..
و بخصوص مسك اليدين ..
هي مو مسألة حيا ..
لو يحصل لي شلتها و ما خليتها تمشي خطوة وحدة و تتعب نفسها ..
لكن تعرفين الناس ..
هذه خويته و جالسين يتمشون مع بعض ..
شكله مطلعها من بيتهم ..
و ما الى ذلك ..