المساعد الشخصي الرقمي

مشاهدة النسخة كاملة : مهم جداً....للمشرفين والمراقبين !!


Bo3ooF
12-01-2003, 05:43 AM
السلام عليكم ورحمة الله تعالى وبركاته،،،،

أود أن أشكر كل من قام بالرد على موضوعي عن الباتش التجريبي لتعريب الطاقات والأغاني

أما بالنسبه لموضوعي فهو اني جداً مستاء من الحركه الي صارت في هذا المنتدى، وهذا زعلني بدرجه كبيره جدا.

حيث ان كل من هب ودب في هذا المنتدى العريق قام ينسخ السي دي وبيعه بالباتش الي سويته، حيث ان هذا الباتش قد تعبت وسهرت عليه حتى اتتمت النسخه التجريبيه منه والآن يأتي بالساهل ويسرق تعبي، لقد أصبح المنتدى كسوق الخرده، كل من يأتي ينسخ السي دي ويبيعه، أنا الذي هو صاحب الشأن (وأعود بالله من كلمة أنا) لم أبع السي دي، حيث أنني لو بعته عليكم وعلى غيركم سأستفيد منه الكثير الكثير من الأموال، لكنني فكرت في هذا الموضوع كثيرا وقررت طرحه كباتش ببلاش حتى يستفيد أكبر عدد من زوار هذا المنتدى بالباتش، لكن يأتي واحد من الشارع وينسخ السي دي ثم يبيعه هذي حركه لا يرضاها الله ولا أنا ولا حتى مشرفين وكبار هذا المنتدى، وهذي الحركه علمّتني درس قاسي، ولا أدري ان كنت سأنزل الباتش الكامل أم لا، ولا ادري ان كنت اصلا بانزل العمل الي اسويه على شكل باتشات أم لا :( :(

مع تحياتي لكم
أخــوكم : بـــــوعـــــــــوف
al-3zoooby
12-01-2003, 05:47 AM
والله انك ماقصرت اخوي بوعوف وشاكرلك عالمجهود اللي انت تتقدمه للمنتدى
وصراحه انا هم قريت موضوع عن واحد ماخذ الباتش مالك ويبي يبيعه
انا عصبت من هالسالفه عيل انت شتقول
واتمنى من المراقبين والمشرفين اي عضو يقوم بهذه العمليه انكم تحذفون موضوعه وتعطونه انذار
Victor|Hugo
12-01-2003, 06:50 AM
الحين الأيطاليين الي مسوين الباتش الأنجليزي الأخير ليش ماكتبو في موقعهم ممنوع نسخ الباتش حقنا على سديات وبيعه؟

انت منزله هنا في النت توقع اي شي لو كنت بتزعل كل ماحد باع باتشك مراح تنجح زي الأجانب يا تسوي زي داحم ماينزل شي في النت ينزل في سيدي وعلى المحل علطول او تنزله هنا وتثبت جدارتك وتتوقع كل شي

بعدين ياخي لو محد سواها في المنتدى راح يسووها المحلات
الى مايبي يشتري الشريط يجيب سيدي رايتر ويركب بنفسه
Bo3ooF
12-01-2003, 07:16 AM
من قالك اني ماراح أنجح اذا منعت انكم تنسخون باتشاتي وتضروني

انا اصلا غلطان اني نزلت على شكل الباتش، تدري لو اني كنت بايعه كان وايد أحسن لي على الأقل استفدت من ورى شغلي فلوس ؟؟ تدري ليش باستفيد فلوس ؟؟ لاني اول واحد عرب الطاقات وهذا كفايه شيء يشرفني، لكن في فرق بين نصب وبين بيع

الي قاعد يصير نصب الحين يشتري السيدي بريالين أو 3 ريالات ويروح يلصق عليه طابع ويروح يبيعه ب25 ريال، هذي شتسميه بالله عليك، وانا زعلان على الي راح يشترون النسخ بهذا الباتش من المحلات أو أي مكان ثاني، لكن مااقدر أقول الا حسبي الله ونعم الوكيل، وشكلي أي اصدار قادم لي ان شاء الله بيكون على سيديات علشان أمنع مثل هالسوالف ؟؟

شاكر لك اخوي
مع تحياتي لك
بـــــوعـــــــــــــوف
المهند 2000
12-01-2003, 08:14 AM
السلام عليكم ورحمة الله وبركاته ..
أخوي أنا مؤيد لك تماماً في النسخ العربية والي يقهر زيادة إنالي صلحها عضو معنا ومشارك في المنتدى !.
متاجرة بالهدية عينك عينك ..
ومعذور لو تتردد في وضع باتشات أخرى ..
والبعض هداهم الله يقول أنه عملها لمساعدة من ليس لديه رايتر ..
والسيدي مع التعب يسوى 5 ريال وهم يبيعونه 25 لإفادة من ليس لديه رايتر ..(العب غيرها).

ختاماً ..
لك حق تشتكي أخوي أبو عوف وتتضايق فهذا تعبك وجهدك ..
العالمي الأصفر
12-01-2003, 06:32 PM
خلالالالالالالالالالالالالالالاص شباب انتها الموضوع



و انا اعتذرت

لا زم تجيبون لي السب و العن من الأعضاء و الزوار




باااااااااااااااااااااااااااااااااااي :غضب: :غضب: :غضب: :غضب:
Dark Angel
13-01-2003, 05:03 AM
Bo3ooF

اخوي .. اسمحلي أول شئ أقول أنك ابدعت في جهدك و انا أشكرك جداً على تعبك و مجودك ...

و يحق لك كل الحق أنك تزعل على سرقة تعبك و مجهودك مهما كانت الأسباب...لكن أسمح لي أقول أنك نسيت تذكر وقت اعلانك عن الباتش أنك ترفض استغلال تعبك و جهدك للربح المادي... على الأقل كذا تقفل الباب على ضعاف النفوس من أستغلال تعبك مهما كان العذر...
كلامي هذا ما يعطي أي عذر لأي واحد أستغل جهد الرجال الطيب أبو عوف و قام يسوق لمحله أو غير هالكلام ...و أخونا ابوعوف والله واضح جداً انه أنسان طيب و و فعلاً كان يقدر يربح مرودو مادي كبير جداً من وراء هذا الباتش و لكنه فضل خدمتكم و تقديمه لكم بالمجان لكن للأسف أستغل جهده!

على أي حال ... أنا لفيت في المنتدى على المواضيع اللي فيها اعلان عن النسخه العربيه و الغيت و عدلت فيها .. ورجاء اذا فاتني أي شئ منها اخباري....

اخوي ابوعوف... لا تخلي اللي صار يهبط من عزايكم...اللي انت عملته مو سهل و جهد تستحق الشكر عليه ... و أن شاء الله عقبال النسخه بالكامل عربي :)
Victor|Hugo
13-01-2003, 05:59 AM
حتى السيديات يابو عوف تنسخ

واذا كان ودك تبيع زي داحم عاد هذا حقك الظاهر مالنا نصيب يصير عندنا ناس زي الأجانب الي البشريه شغاله بيع في باتشاتها

على فكره ابو عوف هل عندك استعداد انك تشرح للشباب شلون تتم عمليت التعديل في الباتشات عشان تحاول شوي انك تكسر الأحتكار الى مستانسين عليه بعظ الناس؟