المساعد الشخصي الرقمي

مشاهدة النسخة كاملة : اللي عنده حل لمشكلتي لا يبخل علي ..الله يخليكم


شـوق
15-01-2003, 06:24 AM
السلام عليكم ورحمة الله وبركاته

عندي مشكله وابي حل قبل لا يطيح الفاس بالراس..

انا عندي رفيجه من رفيجاتي العزيزاااااات الى قلبي تعودت على النت
واااااايد وصارت تدخل منتديات موااقع وجيييييه المهم سجلت بمنتدى
وووصارت عضووووه مشهووووورة جدا والكل يحبها ...وبعد فترة من تسجيلها وصلتها رساله خاصه من عضو من الاعضاء وقال لها انه يبي
يتعرف عليها ويبيها اتضيفه عالمسنجر ..المهم رفيجتي ضافته واتعرفت عليه وطلع واحد يكبرها بسنه وبلاده غير عن بلادنا ...... ومع مرور الأيام
اعترف لها انه يحبهااااااا ويبيها تصير حبيبته .. يحليلها رفيجتي صدقته وصدقت كل الكلام اللي يقوله لهاااا فكاااااان ما يمر يوم الا وهو مرسل لها رساله يقوول لها عن حبه ووشوقه واللي اتعرفونه طبعا انتوا ..المهم أنا كنت اقرب الناس لرفيجتي فخبرتني بالسالفه كلها أنا ما عجبتني السالفه طبعا لانها اصلا ضد تعاليمنا الاسلاميه المهم نصحتها حاولت معاها عطيتها حل بس هي شو اتقوووووول انا اتعودت عليه وما احب اكسر بخاطر اي واحد ويمكن بعد اجرح مشاعره ..هي الحين مقتنعه انه اللي اتسويه خطأ
بس للأسف تقول لي ما اقدر اشيله من عندي يعني من المسنجر .. وانتوا عارفين انا وياها ندرس يعني هذا الشي يمكن يأثر على دراستها ...

فلوووووسمحتوا ساعدوني لايجاد حل لمشكله صديقتي وحبيبة قلبي
والله ما ودي أخسرها ..ترى للعلم هي ما اتحبه بس خايفه على مشاعره..
ولو هي استمرت مع هذا الشاب صدقوني رااااااح أخسرها وتخسرني

أبي ادليها على الطريق الصح ..ساعدوني الله يخليكم لا تبخلوا علي بنصايحكم
:( :(

أنا محتاجه لنصيحه أقدمها لرفيجتي او حتى للشاب نفسه علشان بس اريح ضميري .. والله ضميري يأنبني لانه بيوم القيامه راح أسأل عن رفيجتي ..

ســـــــــــــــــــــــــاعــــــــــــــــــــدونـــــي:(
((دهن عود))
15-01-2003, 06:40 AM
ماشاء الله عليك اخت شوق هذا المطلوب من الاخوان
وانت مفروض توقفين معاها وتقولين لها لو هي صحيح قويه وتحس بالاحترام لنفسها ولدينها الي تتبعه ولربها الي تعبده مفروض انها تمشي مع اوامر ربها وتبعد عن نواهيه مهما كانت هذي الامور مناسبه لهواها او الشيطان مزينها لها وهذا يدل على قوتها في الحق
ولا تكون ناعق بالكلام بدون ماتطبقه لان القوه مو بالكلام ولكن القوه عند التطبيق

تحياتي وامنياتي لصدقيتك بالهدايه والتوفيق
ولا تنسين
طمنينا عليها
قريب


((دهن عود))
شـوق
15-01-2003, 06:45 AM
شكراا عالرد دهن العود

ما قصرت

بيوصل رفيجتي الكلام ان شاء الله :)
Madoka
15-01-2003, 06:57 AM
سلام اختي شوق ..

الصراحه مو عارفه اذا كان كلامي راح يساعدج في حل مشكله رفيجتج و لا لأ .. :)

بس بقولج كلميها و حاولي تفهمينها ان اللي تسوي اهي الحين غلط و مجرد مضيعه للوقت !!

اهو غلط لانه مثل ما قلتي يخالف تعاليم ديننا الحنيف

و مضيعه للوقت لانج قلتي ان اللي تكلمه من بلد ثاني !! يعني مستحيل انه يتقدم لها و هذي العلاقه من الأساس ما راح تؤدي الى نتيجه !! و عاجلا ام آجلا هي راح تتركه و تسير في طريجها .. فخل تتركه من الحين و تتجنب تضييع الوقت مع شخص ما يندرى شنو اصله و شنو حقيقته !! ما فكرت مثلا انه ممكن يطلع بنت تقص عليها او واحد متزوج و عنده جيش عيال !! او شخص عجوز او .. الخ !! او مجرد انسان لعوب يلعب عليها و على 10 غيرها !!

قوليلها لا تثقين فيه و فكري بعقلج !! ...

و اذا قالت ماقدر اتركه ... قوليلها

الانسان لما يكون مريض بورم خبيث راح يتألم بسبب هذا الألم !! و لازم يزيلون هذا الورم عشان يطيب ، لكنه راح يتألم بعد العمليه لفتره و بعدين راح يشفى
لكن لو ترك هذا الورم في جسمه راح يزداد المه و راح يتألم أكثر اذا ما ازيل هذا الورم و يمكن يقضي عليه !!!

فأحس لصديقتج تتركه من الحين قبل لا تتعلق فيه اكثر و تتألم أكثر !!


آسفه اذا طولت بالكلام :)
باي
شـوق
15-01-2003, 07:01 AM
مشكوورة أختي والله ما قصرتي

ومهما طاااااااال كلامج المهم يوصل لقلب ربيعتي وتفهمه

والله اني ما ودي اخسرها

:) مشكوووورة عالعموم
عقربان
15-01-2003, 07:13 AM
ذكى+ذكيه=زواج
ذكى+غبيه=جنس
غبي +ذكيه=افلاس
غبى+غبيه=الى مايشترى يتفرج



اتمنى ان لاتكون!
Classic Evil
15-01-2003, 09:12 AM
بسم الله الرحمن الرحيم
الشخص اللي عارف نفسه إنه في طريق غلط , ليش يستمر ؟؟
تقول أخاف أجرح مشاعره ...
نقولها :
( وإذا قيل له اتق الله أخذته العزة بالإثم )



على العموم أنا لفت نظري شي واحد ..
وما بقول شي في الموضوع لأن البنت عارفه أنه اللي تسويه شي غلط ..
لكن إنج تقولين بسأل عنها يوم القيامة ..
فهذا غلط ..

والواحد ما يقهر روحه على شان يهدي واحد أو ما حاب يسمع نصيحه منه ..
شـوق
15-01-2003, 06:20 PM
الرسالة الأصلية كتبت بواسطة evilneverdie
بسم الله الرحمن الرحيم
الشخص اللي عارف نفسه إنه في طريق غلط , ليش يستمر ؟؟
تقول أخاف أجرح مشاعره ...
نقولها :
( وإذا قيل له اتق الله أخذته العزة بالإثم )



على العموم أنا لفت نظري شي واحد ..
وما بقول شي في الموضوع لأن البنت عارفه أنه اللي تسويه شي غلط ..
لكن إنج تقولين بسأل عنها يوم القيامة ..
فهذا غلط ..

والواحد ما يقهر روحه على شان يهدي واحد أو ما حاب يسمع نصيحه منه ..

مشكور عالرد

بس للعلم ترى صج يوم القيامة الله راح يسألني عنها
لانها كانت رفيجتي بالدنيا وأنا كنت اشوفها على غلط وما ساعدتها
علشان تترك هالغلط ... والله محتارة والله يعيني على هدايتها ...
شـوق
15-01-2003, 06:24 PM
المصيبه الاكبر هي أنها محطيه في بالها

أنه غير عن كل الشباااااااااب اللي يحاولون بس يلعبون على البنات

يعني هي مصدقه انه يحبها بس هي ما تحبه وها شي يفرحني طبعا

لانها اذا كانت تحبه راح تكون المصيبه مصيبتين

فكيف اخليها تصدق انه نفس كل الشباب اللي يحاولون يلعبون على البنات

ويقضون وقت فراغهم ؟؟؟:(
Classic Evil
15-01-2003, 11:27 PM
الرسالة الأصلية كتبت بواسطة شـوق

مشكور عالرد
بس للعلم ترى صج يوم القيامة الله راح يسألني عنها
لانها كانت رفيجتي بالدنيا وأنا كنت اشوفها على غلط وما ساعدتها
علشان تترك هالغلط ... والله محتارة والله يعيني على هدايتها ...
هنا دخلتي في مسألة ثانية ..
وهي تغيير المنكر .. في هذه الحالة بلسانج يعني ( النصيحة ) وإنتي نصحتي لها لكنها ما تحب الناصحين ..
و الله ما راح يسألج عنها ..
قال تعالى :
ولا تزر وازرة وزر أخرى
و قال عز من قائل :
فمن تولى فما أرسلناك عليهم حفيظا .
و أيضا :
إنك لا تهدي من أحببت و لكن الله يهدي من يشاء .

و إذا كان يحبها خل إي يخطبها مب يلعب عليها بالتلفون مثل ما تقول وتنتهي المشكلة :).
ولد رأس الخيمه
16-01-2003, 03:19 AM
ليش ما اترواين رفيجتج الموضوع الي انتي كاتبته عنها !
يمكن يوم تقرأ الموضوع و ردود الأخوان في المنتدى ! أتحس مدى اهميتها عندج ونج كتبتي الموضوع هذا بس عشان اتنوريها للطريق الصحيح ! يمكن تتـأثر ؟
أو حاولي اتحصلين قصص واقيه حزينه سببها نفس هذي العلاقه الي اهيا فيها ؟


تحياتي: ولد رأس الخيمه:-)
أسد الحق
16-01-2003, 03:41 AM
اهلا اخت شوق


انا اقول حاولى تنصحيها بكل قوتك و بكل ارادة

و ان ما وافقة فهدى الشيطان لعب فى عقلها و لازم تبعدى عنها لانها ممكن تضرك


:) :)


مع تحياتى
((دهن عود))
16-01-2003, 05:35 AM
نعم انا مع الرأيين الاخيرين لانهم جدا مناسبين ومن صالحك وصالحها اذا هي تحبك مثل ماتحبينها وتدور لنفسها ولك الخير في طيرق الاخوه في الله الي جمعتكم مع بعض
شـوق
16-01-2003, 07:18 AM
الرسالة الأصلية كتبت بواسطة evilneverdie

هنا دخلتي في مسألة ثانية ..
وهي تغيير المنكر .. في هذه الحالة بلسانج يعني ( النصيحة ) وإنتي نصحتي لها لكنها ما تحب الناصحين ..
و الله ما راح يسألج عنها ..
قال تعالى :
ولا تزر وازرة وزر أخرى
و قال عز من قائل :
فمن تولى فما أرسلناك عليهم حفيظا .
و أيضا :
إنك لا تهدي من أحببت و لكن الله يهدي من يشاء .

و إذا كان يحبها خل إي يخطبها مب يلعب عليها بالتلفون مثل ما تقول وتنتهي المشكلة :).

مشكوور اخوي على الرد ما قصرت والله

بس تدري هي تسمع النصيحه وموافقه على كل شي اقوله

بس مو قادرة اطبقه مو قاااادرة .. تدري ليش ؟؟؟ خايفه لشعوره

شعووووور شووووووو ما ادري

وما قصرت ...
شـوق
16-01-2003, 07:22 AM
الرسالة الأصلية كتبت بواسطة ولد رأس الخيمه
ليش ما اترواين رفيجتج الموضوع الي انتي كاتبته عنها !
يمكن يوم تقرأ الموضوع و ردود الأخوان في المنتدى ! أتحس مدى اهميتها عندج ونج كتبتي الموضوع هذا بس عشان اتنوريها للطريق الصحيح ! يمكن تتـأثر ؟
أو حاولي اتحصلين قصص واقيه حزينه سببها نفس هذي العلاقه الي اهيا فيها ؟


تحياتي: ولد رأس الخيمه:-)


مشكور أخوي على الاقتراح

بس منو قالك أصلا هي ما تدري .. هي اصلا اللي قالت لي ابي راي الأعضاء بالمنتدى ..

فعلشان جيه كتبته ولا أنا مو ناويه أعلم أحد بالسالفه

جزاك الله خير على الاقتراح ..وهي صح للحين ما دخلت وشافت الموضوع والردود بس عن قريب بتدخل ان شاء الله .. لأنه عندها شويه ظروف الحين
ما تقدر تدخل ..

ولما تدخل بعلمكم وبقولكم شو كانت ردت فعلها
شـوق
16-01-2003, 07:25 AM
الرسالة الأصلية كتبت بواسطة الاسد الملك
اهلا اخت شوق


انا اقول حاولى تنصحيها بكل قوتك و بكل ارادة

و ان ما وافقة فهدى الشيطان لعب فى عقلها و لازم تبعدى عنها لانها ممكن تضرك


:) :)


مع تحياتى

مشكور عالمشاركه أخوي ...

انا نصحتها وللحين ما يأست أنا عارفه أنها راح تاخذ بنصيحتي بس يبيلها
وقت شوي ولازم اصبر عليها .. وخاصه لانها ما تحب تجرح احساس اي انسان ..

وجزاك الله خير ..
شـوق
16-01-2003, 07:26 AM
الرسالة الأصلية كتبت بواسطة ((دهن عود))
نعم انا مع الرأيين الاخيرين لانهم جدا مناسبين ومن صالحك وصالحها اذا هي تحبك مثل ماتحبينها وتدور لنفسها ولك الخير في طيرق الاخوه في الله الي جمعتكم مع بعض


جزاك الله خير أخوي

ما قصرت والله ..
Jin Kazama
17-01-2003, 06:35 AM
كلام فاضي

ايش ما تحب تجرح شعور انسان وما تحب تكسر خاطر احد

يعني اذا جا واحد يرقمها بتقول حرام اكسر خاطره ؟؟؟ :أفكر:


هذي يسمونها تصريفه


اكيد هي ما بتقول انا احبه وجيه لانها تستحي فقالت ما احب اجرح شعور حد


بنات آخر زمن :o


الله يستر علي بناتنا


ودمتم سالمين :-)
شـوق
17-01-2003, 07:33 AM
الرسالة الأصلية كتبت بواسطة Jin Kazama
كلام فاضي

ايش ما تحب تجرح شعور انسان وما تحب تكسر خاطر احد

يعني اذا جا واحد يرقمها بتقول حرام اكسر خاطره ؟؟؟ :أفكر:


هذي يسمونها تصريفه


اكيد هي ما بتقول انا احبه وجيه لانها تستحي فقالت ما احب اجرح شعور حد


بنات آخر زمن :o


الله يستر علي بناتنا


ودمتم سالمين :-)

مشكو أخوي على ابداء رايك ..

تسلم بس ربيعتي صدق ما تحبها .. وأنا عارفه هالشي ومتأكدة منه