الأطفال والاربيجي . [الأرشيف]

AL_7RBY

16-01-2003, 09:07 AM

بسم الله الرحمن الرحيم .

الاربيجي عادتا يكون للكبار او للذين فوق السادسة عشر عاما لأنه دائما يحتوي على قصص غير مفهومة لا تستوعبها عقول الصغار او لأن نظام العب معقد ويعتمد بشكل كبير على قراءة الحوارات بين الشخصيات أو لأن القصة تكون مرعبة بعض الشيء لهم ولكن هل تؤيد ان يلعب الصغار بالاربيجي ولماذا وهل سوف يؤثر عليهم ام ماذا وإذا لم يؤثر عليهم هل تتوقع ان يستطيع الطفل ان يخلص الشريط أو يمستره احسن منك ?:

أنا اعني بالأطفال الذين هم من سن 8 إلى 12 . :)

تبون الصراحة إلى خلاني اكتب الموضوع هو اني قبل ساعة كنت معطي ولد عمتي شريط كينجدوم هيرتس خاصة انه كان دائما يشوفني العب هذه النوعية من الألعاب ويستغرب منها مثلا و يقولي ليش مافي صوت وليش ما تتحرك على كيفك لما يجونك أشرار(على كلامه) :p وليش تلعب بالشريط اكثر من أسبوعين والسؤال الدائم هو ليش ماتخليني العب فيها . :D

وأنا عطيته كينجدوم هيرتس لأن مافيها شي من الخلاعة أو كلام الحب أو القصة الغير مفهومة ولأن فيها شخصيات ديزني وبسبب نظام الاكشن اربيجي السهل والمبسط واذا استطاع انهاء هذا الشريط فهل اعطيه احد اشرطة الاربيجي الصعبةام ماذا . :6

في هذا الموضوع اباخذ رأيكم على لعب الأطفال أو الصغار بألعاب الاربيجي فهل توافق على هذا الشئ ام لا وابيكم تشوفولي حل مع هذا الولد . :"

Yuna

16-01-2003, 09:19 AM

ليس الصغار فقط من يستغرب من هذه الألعاب , مثلاً : اخواني واحد عمره 19 سنة والأخر 23 !! من اتذكر يجي لي وجع راس منهم دايماً يعيبون ويقولون خرابيط وبياخة واذا بغيت اخليهم يشترون لعبة RPG ينامون عشر سنوات قبلها وبعدين يشترونها بالموت والهلاك , واكره اللعب امامهم , وبنسبة للصغار انصحك تعطيهم تسجيل في مكان قتال وطبعا هو مابيعرف الا القتال هناك ^_^ والله يساعد

أسطورة

16-01-2003, 09:30 AM

مكان قتال وطبعا هو مابيعرف الا القتال هناك
أنا أؤيد أختيFFX-YUNAأخوي في ثاني ابتدائي ما يحب الكلام في العاب الـRPGأبد بس حطه في منطقة قتال يبدع فيها

محترف الـRPG

16-01-2003, 10:24 AM

يعني بالتحديد تقصدون تطوير اللاعبين ;-)

AL_7RBY

16-01-2003, 10:41 AM

المشكلة انه يبي يلعب الشريط من اوله يعني ياخذ الشريط بيتهم ويلعب فيه على راحته :"

بس محد قال رايه في الموضوع :-)

master seymour

16-01-2003, 10:56 AM

ولا يهمك ..الموضوع جديد يعني اوكيه ;-)
بس الصغار المفروض ما تخلونهم يلعبون آربيجي وحتى لو كان كينقدوم هارتس لأنه يأثر في عقولهم ... انت ما تشوف تصنيف اللعبة على غلافها يوم تشتريها ...أخوي هم دارسين وعارفين ايش اللي يأثر في الأطفال ..أنا صار لي موقف ...اختي الصغيرة عمرها 10 كانت تشوفني وأنا ألعب فف10 فكانوا قاعدين يقولون كلام عن الدين واليفن وجذي فالطيبة صدقت كلامهم وراحت تسألني اذا كان هلاكلام صح ولا خطأ مع الشك بأنه خطأ فانصدمت والله و الحين ما أخلي واحد من الأطفال يمسون لعبة آربيجي

شكرا على طرح الموضوع:D

FF Expert

16-01-2003, 11:07 AM

أنا رأيي إنه إذا كان صغير ((أقل من 7 سنوات)) لا تخليه يلعب و إسألني عن ولد عمي
عمره 5 سنوات و يلعب في Forever kingdom ((أنا ما لعبت اللعبه بس ولد عمي عنده الشريط))
طبعاً مب هو الي شرى الشريط شراه أخوه على أسس إنه يلعب فيه بس الشريط جاز لأبو 5 سنين و جلس يلعب فيه

تدرون وش صار:
الولد بدا يسوي بعض الحركات الي شافها في الشريط صلوات و ما أدري إيش و أعتقد إن هذا شيء سلبي

أما بالنسبه للي فوق 7 سنين
إذا كان يعرف إنجليزي لاااااااااااا تخليه يلعب
أما إذا كان ما يعرف و بس يمشي على النيه ((يدرعم على قولتهم:D )) ممكن تخليه يلعب فيه بس الأفضل إنك تتجنب الشيء هذا

((هذا رأيي الشخصي))

و بما إننا جبنا سالفة ولد عمي أبو 5 سنين تذكرت سالفه نكب فيها أخوه نكبه قويييييييييييه

كان يلعب في GTA Vice City ((أنا إلى الآن حاقد على أخوه الكبير لأنه ما غبى اللعبه عنه:غضب: ))
و وصل فيها
و يوم كان مع أهله على الغداء جلس يقول لأبوه إنه وصل في الشريط و لقى مرقص يرقصون((تيك تيك تيك تيك)) ((جلس يقول كذا و يرقص))
الأبو طبعاً فورت معاه و كانت النتائج وخيمه:D

أخوي عمره 10 سنوات و أخليه يلعب أحياناً((قدر ينهي FF8 لحاله مع بعض المساعدات الجانبيه:D ))

و مشكور أخوي على طرحك للموضوع

SUPER_SAIYAN

16-01-2003, 11:15 AM

الرسالة الأصلية كتبت بواسطة AL_7RBY
المشكلة انه يبي يلعب الشريط من اوله يعني ياخذ الشريط بيتهم ويلعب فيه على راحته :"

بس محد قال رايه في الموضوع :-)

:أفكر: والله شو تباني اقولك ....... الموضوع يحتاج دراسة وافية ...

:p يا عمي خربانه خربانه .. خلهم يلعبون اللي يبونه .. يعني اذا ما شافوا هذه السوالف الحين تعتقد انهم ما راح يشوفونها بعدين ؟ .. راح يشوفونها ويشوفون اشياء اخس عن اللي نحنا شفناها .. الالعاب الحين قامت تتطور وتدخل فيها اشياء ثانية عجيبة وغريبة .. بالنسبة الى زماننا نحن كانت الالعاب بدائية وما كانت بهذه الطريقة اللي الحين طالعة .. واليوم هو زمانهم هم .. يعني هم طلعوا على الجيل الجديد من الالعاب وما اعتقد انهم راح يبدؤون مثل ما بدأنا نحن .. خصوصا بعد ما تتطورت تكنولوجيا الالعاب بحيث صارت تجذب انتباه الكل من خلال رسوماتها التقنية الرهيبة ..

والله يعطيك 1560 عافية :cool:
ويخليك ربي ":"

AL_7RBY

16-01-2003, 11:38 AM

master seymour...المشكلة اني خايف من هذا الموضوع :"

FF Expert... اعوذ بالله جتي ايه لأ الشريط اصلا ماخلي احد يلمسه بس انا واخوي الكبير و الله حرام اذا صار الاربيجي مثلها وشكرا على ردك":"

SUPER_SAIYAN... لأ انت غلطان علشان يجيني ابوه وانت تعرف الباقي:":

master seymour

16-01-2003, 12:51 PM

AL_7RBY:انت خايف من أطفال :! اصقف الواحد على راسه خله يتأدب وبيتوب ولا بمس أي لعبة مرة ثانية ...وأنا أضمن ذي الطريقة لك (اسأل مجرب ولا تسأل طبيب :D )

سلامي لك ;-)

Yuna

16-01-2003, 12:54 PM

الرسالة الأصلية كتبت بواسطة master seymour
AL_7RBY:انت خايف من أطفال :! اصقف الواحد على راسه خله يتأدب وبيتوب ولا بمس أي لعبة مرة ثانية ...وأنا أضمن ذي الطريقة لك (اسأل مجرب ولا تسأل طبيب :D )

سلامي لك ;-)

حرام عليك , زي ما انت تلعب غيرك عنده نفس الشعور ويمكن اقوى ويحب يلعب

master seymour

16-01-2003, 01:02 PM

حرام عليك , زي ما انت تلعب غيرك عنده نفس الشعور ويمكن اقوى ويحب يلعب

الأطفال مالهم حق ولاشعور ، احذرج الأطفال خطر علينا احنا لاعبي الاربيجي
سلامي لج;-)

RPGgirl

16-01-2003, 01:16 PM

السلام عليكم ...

بالنسبة لي ما أنصحك تخليه يلعب أبدا اي لعبة آر بي جي واكيد فيه سبب مهم بس احب اقول إنه حنا ما لعبناها من كنا صغار (او اغلبنا ) لكن بعد ما كبرنا والاطفال في الصغر يكونون بمرحلة نمو عقلي وجسمي فلابد إنه ينمو بشكل سليم ولو مسك لعبة آر بي جي بهالفتره راح تأثر عليه وايد بهالفتره وبالمستقبل بعد بشكل سلبي جدا اكثر منا نحن ويمكن تلقونهم يقومون ببعض الاشياء اللي يسوونهم مثل ما صار مع اخوي قام يقلدهم وهو بصف رابع فشليت عنه كل العاب الار بي جي وظل على المغامرات .. فالافضل عشان ما ياثر على نموهم العقلي إنك تبعدهم عن الار بي جي بهالفتره خصوصا إلى حين البلوغ ساعتها ممكن يكون أقل تأثيرا ..

وسوري على الفلسفة الزايدة آند ثانكس على الموضوع .. :)

AL_7RBY

16-01-2003, 01:25 PM

master seymour ..... وليش اخاف منه ليش هو اطول مني لأ هو اقوى مني لأ هو اذكى مني لأ ":" الخوف انه يتعلم اشياء هو في غنى عنها :"

FFX-YUNA ... بس مايلعب العاب ماتليق بعمره :D

RPGgirl ... تحليل حلو ورائع شكرا على هذا التحليل :)

RPGgirl

16-01-2003, 01:44 PM

الرسالة الأصلية كتبت بواسطة AL_7RBY
master seymour ..... وليش اخاف منه ليش هو اطول مني لأ هو اقوى مني لأ هو اذكى مني لأ ":" الخوف انه يتعلم اشياء هو في غنى عنها :"

FFX-YUNA ... بس مايلعب العاب ماتليق بعمره :D

RPGgirl ... تحليل حلو ورائع شكرا على هذا التحليل :)

welcome ready anytime :-)

master seymour

16-01-2003, 01:50 PM

وليش اخاف منه ليش هو اطول مني لأ هو اقوى مني لأ هو اذكى مني لأ الخوف انه يتعلم اشياء هو في غنى عنها

هههههه ،يمكن يكون اطول منك وأقوى:أفكر: بس انت سوي اللي قلته لك واذا ما قدرت خش عنهم الألعاب في كبتك وما بيقدر يتعلم دام انك ما تلعبها جدامه .:D

AL_7RBY

16-01-2003, 01:53 PM

RPGgirl ... انتي مرحب فيج في اي وقت :)

master seymour ... من اطول مني":" ومشكور على النصيحة مع اني اطبقها من زمان بس بعض الاوقات لأ :"

احلامو ادوماتو

16-01-2003, 05:52 PM

انا اخوي في ثاني ابتدائي من اول لعبة عربجي وهو يحب يشوف عروضهم

ويحفظ اسماء شخصيات ff لي لعبت بهم ويحب طينج دوم هارتس وخليته

يلعبها مشكلته الوحيدة انه ما يفهم وش يقولون ولذلك ما يقدر يتقدم :)

صراحة العربجي خطير للاطفال لذلك هناك عربجي مخصص لصغار مثل كينج دوم

هارتس ولكنها قليلة جدا ?:

شخصيا مستحيل اخلي اخوي الصغير يلعب بهم الا اذا كان فيه مخصص لسنه

مثل كينج دوم هارتس :)

الا على فكرة فهمت ايش اهداف الموضوع الحقيقية ":"

تبغى تعلمنا انك كبير صح :6

Justine

16-01-2003, 07:26 PM

اقوووووووووول احمد ربك كثير خيو أحمد :o

على الاقل الصوغار هم اللي يسئلوك :(

أما أنا ...

تصدق انه اقاربي اللي في الجامعة لمن يشوفوني العب RPG يحسبوني قاعد اعمل تشات على الماسنجر :" لالالالالا محقوا التحضر ... محقوا الالعاب ... راح أسوي الهاركيري ...ودااااااااااااعن

أما اخواني الصوغار :D

فوالله انهم يعرفوا كلاود و تايدوس و يونا و فيرجينيا و سورا و هوجو و رودي و جاك و اليكس و الخخخخخخخخخخ

و احيانن يترجموا المكتوب على الشاشة <<<<< مصخها :p

و مشكور على موضوعك خيو ^^

Neo Cid

16-01-2003, 07:49 PM

مناقشة حلوة بهذا الموضوع .. :)

الار بي جي لو تبي تعطيه حق ياهل صغير .. بيكون له سلاح ذو حدين ... :أفكر:

يعني لو تعطيه فف7 .. من ناحيتي ما أعتقد أنها راح تأثر عليه لأنها عبارة عن مغامرة و الغاز .. و لمن يخلص من اللعبة تشوف ويهه جذي >:": <.. هههههههه .. من كثرة التعقيد ..

بس .. أمممممم .. لو تعطيه كينجدوم هارتس أو فف تاكتيكس ... ما أعتقد أنها راح يقدر عليهم ..

ولو تبي تقارن يهالنا مع يهال الغرب .. راح تشوف فرق .. الاستيعاب اللغة الانجليزية عندهم .. ولو تبي تقارنا فيهم .. احنا كلنا راح نطلع 60-70% من استيعابهم و اللغة ..

يعني لو انت الحين عمرك 16 ولو تبي تقارن واحد بنفس لغتك و علومك .. راح تشوفه عمره 13-14 .. و هكذا ..

تراهم ناس واصلة ... و احنا تونا .. :p

و نصيحة مني .. لا تلعبون اخوانكم الصغار ار بي جي .. كافي عقد .. :D

و شوكرن .. :)

The best Tidus

16-01-2003, 07:49 PM

هذا الشيء يعتمد على الشخص الذي يلعبها

فبعض الصغار يصدقون كل شيء واما البعض فلا

وانا اكثر انسان يسأل لان عمري 13 منذ عدة اشهر

بمعنى اصح بدأت العب RPG منذ طفولتي

لا تقولوا انني كنت العب ولا افهم :6

و في النهاية اقول ان الصغير صغير بعقله وليس بسنه ;-)

أسطورة

16-01-2003, 10:45 PM

أنا اقول شوف العمر اذا كان مناسب لعمرة خله يلعبها من أولها لا ينطق صح يمكن يصيح يكرهك وده يذبحك في النهايه هذا لمصلحته انا مثلا اخوي ما أخليه يلمس FFXالا علشان يحسم مستوى لاعبيني اما في القصه و اشياء ثانيه لو يوصل السماء و يرجع الأرض ما اخليه يلعب

أبومروان

16-01-2003, 11:26 PM

أنا أعتقد إنه من الأفضل إن الأطفال ما يلعبون أر بي جي إلا لما يكبروا ، لأن فيها معتقدات حاطئة كثيرة و هم راح يصدقوا كل شيء ، و الدليل إن بنت تركية قفزت من سطح منزلها معتقدة نفسها بوكيمون (قصة حقيقية).

DARK HDUKEN

17-01-2003, 02:19 AM

الرسالة الأصلية كتبت بواسطة master seymour
ولا يهمك ..الموضوع جديد يعني اوكيه ;-)
بس الصغار المفروض ما تخلونهم يلعبون آربيجي وحتى لو كان كينقدوم هارتس لأنه يأثر في عقولهم ... انت ما تشوف تصنيف اللعبة على غلافها يوم تشتريها ...أخوي هم دارسين وعارفين ايش اللي يأثر في الأطفال ..أنا صار لي موقف ...اختي الصغيرة عمرها 10 كانت تشوفني وأنا ألعب فف10 فكانوا قاعدين يقولون كلام عن الدين واليفن وجذي فالطيبة صدقت كلامهم وراحت تسألني اذا كان هلاكلام صح ولا خطأ مع الشك بأنه خطأ فانصدمت والله و الحين ما أخلي واحد من الأطفال يمسون لعبة آربيجي

شكرا على طرح الموضوع:D

كلامك صحيح .. وانا صارلي نفس الشي .. كنت ألعب لعبة فف٩ وكان معي ولد جيرنا ٨ سنين دايما يكون موجود عندي وقت الاجازة علشان يلعب بلايستيشن مسكين ما كان عنده الجهاز .. المهم , كنت في بداية اللعبة ووصلت عند منطقة كان الرئيس فيها متفوق من ناحية القوة .. طبعا ما قدرت عليه و أنهزمت عنده .. بعدها سألني ولد جيرانا عن الشخصيات هل ماتوا ؟؟؟ و أنا جاوبته على قد سؤاله بنعم ... بعدها سأل ... الحين هم عند الله ؟؟؟! أرتبكت ما عرفت أجاوبه لانه ظن بأنهم حقيقة وانهم ماتوا... و زادت عندة العقدة وقت رجعته للبيت ... كان خايف يرجع للبيت ويطلع له مخلوق غريب ويقتله ...

نصيحة أبعدو الاطفال عن الالعاب الي ترتكز على معلومات خيالية ... ﻵن الاطفال في هذي اللحظة يتقبل أي معلومة مهما كانت .. و الدليل الاكبر قيام أمريكا بتشديد الرقابه على بيع لعبة المطاردات جراند ثيفت أوتوا بعد المشاكل اللي تسببت فيه هذي اللعبة في تلويث افكار الاطفال ٧- ١٣سنه بعلومات منحطة و ترتبت عليه آثار سلبية .
وتسلم أخوي محترف الـRPG على الموضوع ....سلااااااااااااااااااااااااااااااااااااااااااااااااااااااااااااااام :0) :-) ;-)

Last_Angel

17-01-2003, 02:51 AM

مو قصدي اتفلسف بس انا عندي رأي اخر:

الحين عارفين ان بعض العاب الRGP فيه معتقدات خاطئة و ايضا شركيه (تعدد الاله.. وما شابه)
بعدين كم واحد فيكم قال انه واحد من اخوانه الصغار سأله عن هذي المعتقدات.. فقررتم انكم ما تخلونهم تلعبون فيها؟؟

انا اشوف انه اخليه\ها يلعب فيها بس تحت مراقبة احد فاهم (مو اي لعبه... يعني مثلا xenogears قوية شوي..واحينا لونار كمان..بس يعني زي كينجدوم هارتس او فاينل فانتسي 10) يعني عشان تفهمونه انه هذي معتقدات خاطئة.... يعني لو انت منعته يلعب اللعبه.. ممكن يلعبها عند احد ثاني.. او يشوف فلم او كرتون فيه معتقدات مشابهه.... فأحسنله يكون فاهم انه مو كل شي يشوفه او يلعبه صح... وان فيه ديانات اخرى في العالم ، بس الوحيده الصحيحه هي الاسلام.

:)

من ناحية اخرى غير المعتقدات.. فيه العاب فيها مناظر او افكار خليعه... او تكون القصة معقده شوي على استيعابه (مو من ناحية اللغه.. بس سويكودن مثلا كانت عن حرب و خيانة ووو الخ او فاينل فانتسي 7 اللي القصة عورت راسي وانا افهمها) فهذي اشياء صعب يفهمها طفل عمره 8 سنوات فهذي الالعاب اخليها لمن يكبر شوي.

*خلصت فلسفه*

Golden_Sun

17-01-2003, 04:05 AM

خوش موضوع لنقاش ^^

لأن أخوي اللي أصغر مني عمره 11 سنة ينني o_O
كل ما أشتري لعبة أربيجي لعبها والمشكلة مو إهني ... المشكلة إن إلا بسوي روحه فاهم و يعرف أحسن مني و يدرب شخصياته بس علشان يقهرني >_<

وطبعا ما يفهم شي من القصة وبعد ما يقهرني ويخلصه قبلي و يخرب علي القصة يقعد يبكي و يسوي روحه برئ ... و يقولي فهمني القصة .
وأنا مسكين بسرعة ينقص علي >_<

و طبعا هذا غير كل دقيقتين يقولي جملة قالها تايدوس ولا قالها ميلفس او يقلد حركات كريس ( يحبها :D ) .

أما كينجدوم هيرتس فهذة حالة خاصة ... ألحين صرت أكره كينجدوم هيرتس والسبة أخوي كل يوم أكثر من 5 ساعات يلعب فيها و يقولي شنو يصير و يقعد يقهرني يقولي شوف مركبتي ..... ماأبي أطول عليكم

بعد كل هذا أنا نادم ليش علمت أخوي على ألعاب الأربيجي لو للحين يلعب ألعاب المنصات كان احسن

الخلاصة :

- لو كان أخوك عاقل (مومثل أخوي) ما يأذيك ولا يقهرك باللعب خله يلعب أفضل .
- اما إذا كان العكس فنصيحة لا تخليه يلعب هالألعاب لأنها بتأثر على حياتة ، دراسة ، سلوكه .... و الأهم إنه بيننك >_<

AL_7RBY

17-01-2003, 06:37 AM

Chrono Scar .... هذي هي اساس المشكلة العروض الحلوة هو مرة شاف عرض من فاينل فانتسي 10 وانجن واصلا اي واحد اعرفه يقعد عندي بس علشان يشوف العروض :D

باهموت ..... خيو احمد والله انك فاهمني الى هذي الدرجة وصلت مع اقاربك اخوي:D ولد عمتي مايعرفون غير تايدوس الغبي ولا عاجبهم مدري ليش ?:

نيوسيد...انا عطيته كينجدوم هيرتس علشانها عادية مافيها شي وحلوة وغير معقدة:D والغرب احسن مننا لأنهم متطورين ومتفوقين علينا بفرق كبير واطفال الغرب عندهم قدرة غريبة لدرجة الاستيعاب والفهم يعيني يقدرون يفهمون اللغة عدل ويفهمون اي شي صعب علينا :)

The best Tidus ... لا يكون زعلت اخوي:": وكلامك صح في ان الصغير صغير بعقله ولكن الي يكونون تحت 12 سنة يكونون في مراحل النضوج والبلوغ يعني عقلة في تغير مستمر و يتأثر بأي شي بسرعة :)

أسطورة ... ف ف 10 والله مشكلة كبير لنا خاصة قصتها الدينية الزيادة عن اللزوم ولا ملابس الشخصيات واصلا كل لعبة لها عمر معين والشركة يحطون علامة على الشريط تعني انه لا يصلح للصغار بل لفئة عمرية محددة :)

أبومروان ... هذي مشكلة الصغار هو ان عقلهم قاصر ولا يستوعبون اي شي بل يحاولون ان يطبقونه :)

DARK HDUKEN ..... اخوي الي كاتب الموضوع هو انا (AL_7RBY ):6 موقف محرج مريت فيه انت بس مع ذلك كان المفروض كان المفروض انك تفهمة انهم خيال مو حقيقة لنمثل ماقلت ان الاطفال يصدقون اي شي في هذا العمر :)

Last_Angel .... اختي بلعكس انت قلتي رايج بالموضوع:) بس حتى لو فهمته ان هذا غلط الطفل ودة يجرب الشي حتى لو كان غلط يعيني لو اخليه يلعب بفاينل 10 اذا شاف يونا تحى احد بطريقتهم راح يعتقد انها تسلم على الي امامها ويبي يقعد يقلدها :":

جولدن سن ... الله يعينك عليه اخوك الصراحة لزقة:6 انا اخوي مايحب الاربيجي ويسميهم العاب الكلام :D و لد عمتي هو المشكلة يشوفني ويحب يقلد:p

The Stream

17-01-2003, 08:35 AM

انتم ليش تخوضون في هالموضوع الموضوع محسوم الأطفال من

المفروض إنهم يلعبون العاب تسمى بلات فورم

هالألعاب متوفره اكثر من العاب الأكشن.

لأن ألعاب البلات فورم تنمي عقل الطفل وتزيد من نسبة ذكائة وبعدين لما

يتعدى عمر 15 ينه يبدى بألعاب الار بي جي او الأكشن وغيرها بس

افضل ان تكون بدايته بالألعاب الإستراتيجيه ;) ;) ;)

AL_7RBY

17-01-2003, 10:26 AM

flashing fang..... و اذا هو اصر انه يلعب وانت ماتقدر تمنعه :D

ديجيمون ماستر

17-01-2003, 11:23 AM

مشكور على الموضوع الحلو

انا اشوف لازم انهم ما يلعبون العاب تتعلق بالدين مثل فف10او فيها صور ومناظر مخله و هذا الي لازم يصير في كل شي مو بس في الالعاب حتى الافلام انا اشوف اكثر الناس صار عندهم شي عادي الولد عمره 8سنين او اقل يشوف افلام فيها بلاوي اكثر من الار بي جي واهله معاهم بعد...... المهم مثل ما قلت فوق من الاحسن ان الاطفال يلعبون اشياء خفيفه مثل (كراش) او ( بجز بني) او اذا كان يبي يلعب ار بي جي فيه (ديجيمون 3)
وعنده بعد( كينج دوم هارتس)..... وانشاء الله الالعاب الي زي كذا ما بتأثر عليه ولا على تفكيره ....والحمد لله اخواني الصغار ما يحبون الالعاب الار بي جي و اول ما يشوفوني العب من نفسهم يطلعون ويتركوني ...:p

ومشكور مره ثانيه على الموضوع....:)

master seymour

17-01-2003, 11:52 AM

انا اشوف لازم انهم ما يلعبون العاب تتعلق بالدين مثل فف10او فيها صور ومناظر مخله و هذا الي لازم يصير في كل شي مو بس في الالعاب حتى الافلام انا اشوف اكثر الناس صار عندهم شي عادي الولد عمره 8سنين او اقل يشوف افلام فيها بلاوي اكثر من الار بي جي واهله معاهم بعد...... المهم مثل ما قلت فوق من الاحسن ان الاطفال يلعبون اشياء خفيفه مثل (كراش) او ( بجز بني) او اذا كان يبي يلعب ار بي جي فيه (ديجيمون 3)
صحيح الأفلام =اربيجي لازم في كل اربيجي قصةحب (مرات يمصخونها) لازم ...وأفكار وصخة .
مثل ما تقول خل لهم ديجيمون وربعه:p

ديجيمون ماستر

17-01-2003, 11:59 AM

الرسالة الأصلية كتبت بواسطة master seymour

صحيح الأفلام =اربيجي لازم في كل اربيجي قصةحب (مرات يمصخونها) لازم ...وأفكار وصخة .
مثل ما تقول خل لهم ديجيمون وربعه:p

ترى انا ما اقصد ان الاطفال يلعبون ديجيمون معناها ان ديجيمون للصغار لا لانها ما فيها حب و ما حب ومناظر مخله....:)

master seymour

17-01-2003, 12:06 PM

الرسالة الأصلية كتبت بواسطة ديجيمون ماستر

ترى انا ما اقصد ان الاطفال يلعبون ديجيمون معناها ان ديجيمون للصغار لا لانها ما فيها حب و ما حب ومناظر مخله....:)
لا يالغالي ديجيمون للصغار وباين يوم تلعبها كيف بسيطة :p

ديجيمون ماستر

17-01-2003, 12:26 PM

الرسالة الأصلية كتبت بواسطة master seymour

لا يالغالي ديجيمون للصغار وباين يوم تلعبها كيف بسيطة :p

كل واحد وله رأيه .....

:)

master seymour

17-01-2003, 01:03 PM

الرسالة الأصلية كتبت بواسطة ديجيمون ماستر

كل واحد وله رأيه .....

:)

حبيب قلبي انا احترم رايك وراي الجميع
بس عن يكون زعلت:( اسف ;-)
سلامي لك:D

ديجيمون ماستر

17-01-2003, 01:35 PM

الرسالة الأصلية كتبت بواسطة master seymour

حبيب قلبي انا احترم رايك وراي الجميع
بس عن يكون زعلت:( اسف ;-)
سلامي لك:D

لالا عادي وش دعوه ازعل ......:)

master seymour

17-01-2003, 01:49 PM

الرسالة الأصلية كتبت بواسطة ديجيمون ماستر

لالا عادي وش دعوه ازعل ......:)

شكرا لك

ab@di

17-01-2003, 01:50 PM

مرحبا .

والله انا مع master seymour في كلامه ..... اذا حن عليك اخوك يبي يلعب شوفلك اقرب شي عند ايدك وحطه بين عيونه .... اذا قام يصيح سو روحك مالك شغل وقوله وبكل براءه ............ شفيك ؟؟؟؟؟؟؟

تشاو ;-)

master seymour

17-01-2003, 01:58 PM

اذا حن عليك اخوك يبي يلعب شوفلك اقرب شي عند ايدك وحطه بين عيونه .... اذا قام يصيح سو روحك مالك شغل وقوله وبكل براءه ............ شفيك ؟؟؟؟؟؟؟

ايه والله وانت الصادق وصراحة هذا اسلوب حلو وانت رقيق:D
سلامي لك;-)

BOY_THING

17-01-2003, 03:41 PM

احمد ربك ان الصغار .. اللي يسألونك .. انا اصدقائي دايم يضحكون على اسلوب القتال ..

و يقولون وش ذا... معقوله في عدو بينتظرك تخطط قبل لا تضربه :p

بس الحمد لله ما عندنا صغار ":"

RPGgirl

17-01-2003, 04:57 PM

اذا شاف يونا تحى احد بطريقتهم راح يعتقد انها تسلم على الي امامها ويبي يقعد يقلدها

ايه والله صحيح حتى صارت مع اخوي ... ?:

اصلا اخوي ما خلا شي ما قلده بلوى صدق آخر شي سواه قام شرى سيف لعبة وراح يسوي نفسه بطل ويطلع قوة النار والثلج وهالسوالف ... :":

The Stream

18-01-2003, 07:44 AM

الرسالة الأصلية كتبت بواسطة AL_7RBY
flashing fang..... و اذا هو اصر انه يلعب وانت ماتقدر تمنعه :D

من قال اني ماقدر امنعة ؟

في طريقة حلوه لازم تبعد العاب الار بي جي جانبا عن البلايستيشن

مجهول الإمارات

19-01-2003, 01:56 PM

شووووورايكم بهل اللعبة تعطوهم

Harvest Moon

مافيها شيء .........يتعلم يزروعو وربو الحيوانات
:cool:

Neo Cid

19-01-2003, 06:10 PM

أصلا المفروض احنا العرب نلتزم بالأعمار الخاصة للعبة ..

يعني نلقى ورى كل لعبة محديين أعمار محددة ...

لو احنا التزمنا بهذا الشي بما راح تكون للألعاب تأثيرات سلبيه على أطفالنا ..

يذكرني هذا الشي بحادثة صادفتها بالرحاب ..

صبي عمرة 5 سنوات شرى ريزدنت ايفل على الجيم كيوب ..

و أبوه كان معاه و ما قال شي ..

لمن الولد و أبوه طلعوا من المحل راعي المحل ( شعبان الله يذكره بالخير )

قاللي أنهم باجر راح يردون المحل و يردون اللعبة من كثر ما هي تخوف ..

و الله أعلم شصار بالولد .. يمكن مات من الخوف قبل ما يرد اللعبة .. :p

يعني أهم شي هو الالتزام بالأعمار المحددة للعبة .. و الباجي على الله ! ..

و شكرا .. ;)

master seymour

19-01-2003, 06:46 PM

مافيها شيء .........يتعلم يزروعو وربو الحيوانات ايه والله لعبة مناسبة للأطفال ...اختيارك موفق;-)

صبي عمرة 5 سنوات شرى ريزدنت ايفل على الجيم كيوب هذا ايش دراه بريزدنت ايفل؟?:
لا تخاف ريزدنت ايفل مناسبة للأطفال لأنها ابد ما تخوف:p

RPG_master

20-01-2003, 01:08 AM

الرسالة الأصلية كتبت بواسطة مجهول الإمارات
شووووورايكم بهل اللعبة تعطوهم

Harvest Moon

مافيها شيء .........يتعلم يزروعو وربو الحيوانات
:cool:

ازين حل :6..

بالنسبه لي..ما العبهم اللعبه من البدايه..

يا اخليهم يطورون المستوى شوي..وهذا نادراً

او اخليهم يلعبون مثلا سكودين ويتمشون بالأماكن

لأنهم يستانسون على الألعاب مثل سكودين..لأن شخصياتها كثار مره

وكل مره يختارون واحد..

ووبس..

Last_Angel

20-01-2003, 02:26 AM

الرسالة الأصلية كتبت بواسطة RPG_master

ازين حل :6..

بالنسبه لي..ما العبهم اللعبه من البدايه..

يا اخليهم يطورون المستوى شوي..وهذا نادراً

او اخليهم يلعبون مثلا سكودين ويتمشون بالأماكن

لأنهم يستانسون على الألعاب مثل سكودين..لأن شخصياتها كثار مره

وكل مره يختارون واحد..

ووبس..

Gotta cach'em all!!

ولهان الشوق

20-01-2003, 02:54 AM

انا بصراحة ما اوافق لانها

1- اكثر الاحيان تكون مرعبة

2- لانها غالبا تكون صعبة

3- لانها (ماتصلح لهم)

AL_7RBY

20-01-2003, 10:47 AM

اسف اخواني واخواتي على التأخير في الرد :)

ديجيمون ماستر ... كلامك صح اخوي وعندك العاب كثيرة مثل كينجدوم هيرتس مثل ديول هيرتس ودارك كلاود 1و2 :)

ab@di ..... ههههه فكرة حلوة بس مو حلوة اذا كان في واحد يبي يسويها فيك :6

BOY_THING .... احمد ربك تراها نعمة :"

RPGgirl ... اخوج يحب يتخيل زيادة عن اللزوم :D

flashing fang .... والله شكلي ابشيل الجهاز كله عنه :p

مجهول الإمارات .... لعبة حلوة بس بعض الاطفال مايحبونها ويظن انه كبير :6

Neo Cid ... الله يرحم الولد راح فيها ومالقوا غير ريزدنت ايفل مرة وحدة :p

RPG_master ... سكويدين 3 خليت اخوي وعيال العيلة الصغار كلهم خليتهم يشوفون عرض البداية والله شكلهم يضحك منصدمين العرض يهول :D

ولهان الشوق ... بس في بعض الشركات الحين تنتج العاب اربيجي للأطفال من 6 سنين :)

مجهول الإمارات

20-01-2003, 12:39 PM

نصائحي لمنع الأطفال من ألعاب الأربيجي

1- عدم اللعبة أمام الأطفال
2-أختيار الألعاب المخصصة لهم
3-إذ عاند الولد عندك لسان
4-إذ مب عيبه الألعاب الي تعطوها لي وساوي نفسه ريال
هذه ما يباله إلى حل واحد هو (الطبيب النفسي)

عاد هذه نصايحي

AL_7RBY

20-01-2003, 12:49 PM

مجهول الإمارات ...سؤال اذا انت سويت مثل مايسون فهل ترضى بمثل هذه المعاملة

master seymour

20-01-2003, 12:50 PM

3-إذ عاند الولد عندك لسان يا قوي انت :6 بس ما عندك ايدك:D

هذه ما يباله إلى حل واحد هو (الطبيب النفسي)
:p :p

مجهول الإمارات

20-01-2003, 12:57 PM

الرسالة الأصلية كتبت بواسطة AL_7RBY
مجهول الإمارات ...سؤال اذا انت سويت مثل مايسون فهل ترضى بمثل هذه المعاملة

هـــــا أنا كنت محترم مب متخبل مثلهم ..(عيال هزمان)
وأنا كانت أول أربي جي لعبتها ماريو أربيجي و كانت مناسبة للأطفال

Touya

20-01-2003, 01:01 PM

نصيحتي... لما يعصلق معك واحد منهم سوا شي وكرره... ولا رح طور شخصياتك.... الاطفال يزهقون وينامون جنبك وشلهم وودهم السرير.... وعشان فاعليه اكثر.... رصهم سندويش وكوب لبن قبل ماتبدا.... النتيجة مضمونة كذا":"

اما انا... انسى يشوفون الاشرطة اول... خليت لهم command and conquer احسن....
(آآآآآآه ياأيام زمان.... affermative)

سايكودن خيار حلو... بس اللعبة مو طفولية... لاتنسون هالشي:غضب:

وبالنسبة لي شخصياً.... إذا عند واحد شليته مع فنيلته وقطيته فوق الثانيين المكتلين ورى الباب.... ماهنا احد... بعضهم عناد وبس....

كان عندي كرسي للحاسب يوم طالعت فيه زين يوم لقيت بويته معضضه ومقرومه لين مالقالت بس.... ليه؟؟؟ اخوي الصغير كان ساعات يتسلل وراي وانا العب half-life ... بعدين سنعته وبعدته عن هالحاجات

والمفروض إنا دايم نشوف الفئات العمرية لكل لعبة... سواء فيديو ولا عروسة.... لازم نتأكد... فلم... اغنية... كل شي

مجهول الإمارات

20-01-2003, 01:02 PM

لا تخلونا نطلع من الموضوع وكلام Neo Cid
كلام صحيح بس بزايدة العمر
كما يقولوا [T]
Teen من 13 لفوق
أحنا نزيدها من 15 أو 16 لفوق ونهتم خاصة بالبنات لأنهم يصدقو أكثر

مجهول الإمارات

20-01-2003, 01:06 PM

الرسالة الأصلية كتبت بواسطة master seymour
يا قوي انت :6 بس ما عندك ايدك:D

:p :p

عيال هزمان ما يفيدهم ضرب فكر شو....

Thundark

23-01-2003, 09:11 AM

هلا شباب....

أنا معكم مواجه هذه المشكلة مليوووووووووووووووووووووووووووووووووون مرة لكن الحمد الله ما عندي أخو صغير عشان يغثني وعندي سؤال ....هل لعبة أونيموشا راح تأثر على البزران أو لعبة قتال زي ستريت فايتر زي كذا و لي رأي للكل....خلنا نعاملهم معاملة زين وإذا ماعجبهم يدورون أقرب جدار يصقعون راسهم فيه!!!!

:6

والله أنا معك يالحربي أنا ماأدري وش أسوي معهم ووش الألعاب اللي تناسبهم:(

مع تحيات بدر(أذا كان أحدكم يتذكرني ولا لا...)

A.k.A Dragon

23-01-2003, 09:56 AM

اخوي يتاثر بكلش ألعاب كمبيوتر و الا حتى سبيستون

مرة عطيته يلعب فاينل فانتسي و قعدت اناظره و هو يلعب

قسماً بالله منظره يضحك

مو فاهم شي تشوف علامات الاستفهام فوق راسه ( لووووول )

لكن بعد سنة لقيته يلعب كرونو كروس وقدر يوصل بعيد فيه ....

بدا يفهم

لكني اشوفه انه ما تاثر

اخوي يتاثر بالاعاب القتال زي تكن ( يموت فيها )

لكن الآربيجي ما يتاثر

بس الشي الزين انه بدا يفهم انجليزي من خلال الآربيجي