المساعد الشخصي الرقمي

مشاهدة النسخة كاملة : لقــــاء مع عـــضو -2-


BOY_THING
19-01-2003, 12:05 AM
مرحباً بكم .. كما وعدتكم .,. بتقديم لــقاء مع عضو من أعضاء منتدى فاينل فانتسي ... كل اسبوع .. حان الوقت لتقديم ضيفنا التالي .. الذي لا يحتاج اي مقدمات .. الكل ينتظر مواضيعه المميزه .. له تاريخ حافل بالموضيع المميزه التي اضافة لهذا المنتدى رونقاً خاصاً

انا متأكد انكم تعرفتم عليه

ضيفنا للأسبوع الثاني هو العضو البارز - Neo Cid -


البطاقه الشخصيه ؟

اسمي ميثم الحسيني من الكويت .. و عمري 16-17 سنة :D

يلقبي الكثير من الناس بسيد .. و السبب مولازم أقوله لكم .. و البعض يسموني ( قمبلة ) :p


هل تغير من حياتك شيء بعد التعرف على الأر بي جي ؟

من ناحيتي كل شي تغير .. قعدتي جدام التلفزيون زادت بشكل كبير ..:D و لغتي الانجليزي احترفت فيها .. و تعلمي على كيفية ربط الأحداث حتى أصل إلى الإجابة الصحيحة ( فف7 ) ":".. <--اللي يسمع يقول كونان:p


كم لعبة ار بي جي تمتلك ؟

أقل من 30 لعبة .. و يمكن اللي خلصته من بينهم كلهم بس 7 ألعاب ..

ما نوع الأر بي جي .. المفضل لديك ؟

أحب اي نوع ار بي جي .. بس المهم هو القصة و اسلوب القتال .. خاصة إذا شفته أنه ممل من أول قتال أترك اللعبة مباشرة .. :p

ماهي :

أفضل لعبة فاينل فانتسي 7 بجدارة :)

أسوء لعبة ما أعرف .. لأني ما اشتري اي لعبة اشوفها :أفكر:

لعبة تتمنى اقتنائها ستار اوشين 3

========

شيء تريده ان يبقى بدون أي تغيير ؟

سؤال محير .. من ناحيتي احب أغير بكل شي .. ( عدى الدين طبعا ) :D

مالصحيفة اليومية المفضله لديك ؟

القبس الكويتية

مدينة تود زيارتها ؟

طوكيو Tokyo

مدينة زرتها و لا تود العوده لها؟

مدينة فيلادلفيا الأمريكية .. كلها اجرام

أجمل ما في الحياة ؟

الصديق .. الحب .. و الابتسامة

هل هنالك من تعتبره مثلك الأعلى في الحياة؟

كثير من الشخصيات الاسلامية و من رأسهم الرسول ( صلى الله عليه و آله و سلم )


موهبة فقدتها مع الأيام ... و موهبة تود ان تحصل عليها ؟

فقدت موهبة الرسم .. و أود الحصول على التخاطب بكل اللغات

أغلى شيء تعتز به في الحياة ؟

الأهل و الأصدقاء :)

------------------

عضو تتمنى لقائه ؟

ولد العم سايان :p و تايدوس الامبراطور
:)

عضو تتابع مواضيعه باستمرار ؟

الصراحة لي مجموعة من الأعضاء أحب أتابع مواضيعهم باستمرار ... ماني ذاكر أسامي عشان لا أقصر بحق أحد منهم :)

مشرف - مراقب ... يزعجك ؟

حاليا .. لا أحد .. .. بس سابقا .. يا كثرهم ..

عضو يشدك شيء معين به ... مواضيعه - شخصيته - توقيعه ... إلخ

الصراحة أنت أخوي محمد شادني بتواقيعك الله يهديك .. :D .. و المواضيع يا كثر الأعضاء .. و الشخصية .. الأخت ار بي جي جيرل .. لحد يزعل لو ماذكرت اسمه .. تراكم كلكم عندي حبابيب و اخوه

لقب يجسدك ... في الواقع ؟

تقدر تقول سيد بكل معانية :p

كلمه اخيره ؟

أول شي كلمة شكر للوالد و الوالدة لأنهم شروا لي كرت الانترنت .. :D .. و كلمة شكر ثانية لكل عضو موجود بالمنتدى .. و كلمة شكر ثالثة لكل عزيز على قليباتنا .. ( إذا تبون تعرفونهم تلقونهم قاعدين بالزاوية رافعين أياديهم ........ أنهم نعم .. هذولاك هم ) ..":"
و الكلمة الأخيرة هي لكل عضو جديد أو قديم بالمنتدى .. هو انكم تحافظون على هدفكم بالمنتدى .. هو الإفادة .. و الاستفادة .. و كسب الاصدقاء .. و أنكم تحاولون و تجتهدون في كتابة المواضيع المميزة .. خاصة أن المنتدى صادف فترة ركود قبل فترة بسبب اختفاء الكاتبين المميزين .. و اجتهدوا .. ولا تقولون كلمة ( صعب ) أو ( مستحيل ) أو ( ما أقدر ) .. لأنهم عقبة جدامكم .. و لازم تقولون ( سهلة ) .:p :p . عشان توصلون حق مرادكم ..
و نسيت أقولكم .. هالله هالله بالصلاة .. تراها عامووود الدين .

و شوووكرن ..

:)

ألف شكر للعضو - نيو سيد - على اللقاء الخفيف الظل .. لنا لقاء مع عضو الأسبوع القادم ...

كن مستعداً ... قد تكون أنت القادم
SUPER_SAIYAN
19-01-2003, 12:25 AM
يلقبي الكثير من الناس بسيد .. و السبب مولازم أقوله لكم .. و البعض يسموني ( قمبلة )

قمبلة ؟؟؟؟ :أفكر: ... هي بحرف النون ولا الميم ؟؟ ... اذا كانت قمبلة فانا اتوقع هذه نوع جديد من حلويات لقمة القاضي :p



أقل من 30 لعبة .. و يمكن اللي خلصته من بينهم كلهم بس 7 ألعاب

:أفكر: ما اعتقد ....... انا متأكد انه ما عندك غير فاينل فانتسي 7 بس .. وهي الوحيده اللي ختمتها .. :o الاخ مجنون بشيء اسمه فاينل فانتسي 7 .... تعال اقولك .... سلم على تيفا الله يخليك ;)



لعبة تتمنى اقتنائها ستار اوشين 3

انسى سالفة هذه اللعبة ..... شكل شركة انيكس بتأجلها حتى اشعار آخر .. ( هذه ما صارت لعبة .... كل هذا الوقت على شو بالضبط ؟؟ )



سؤال محير .. من ناحيتي احب أغير بكل شي .. ( عدى الدين طبعا )

كل شيء في الدنيا بيتغير الا انت ..




فقدت موهبة الرسم .. و أود الحصول على التخاطب بكل اللغات

بالهندي مثلا .......؟؟ ?:




ولد العم سايان و تايدوس الامبراطور

:D هلااااااااااااااا بن عمي ........ الله يذكر الامبراطور بالخير



مشرف - مراقب ... يزعجك ؟
حاليا .. لا أحد .. .. بس سابقا .. يا كثرهم ..

والله تبى الصدق كلهم مزعجين .. في كل زمان ومكان .. ( الحين بنطرد :6 )
شكلي ما بدخل المنتدى 4 شهور مع الاشغال الشاقة :أفكر: ..... خلاص عاد ... كنت امزح :6



الصديق .. الحب .. و الابتسامة

:أفكر: الثاني ما عندي اي فكرة عنه بالضبط شو ... انت شو تقصد .. حب العدس ولا الهريس ولا الفستق :p

والله يعطيك 1560 عافية يا BOY_THING :cool:
ويخليك ربي ":"
FF Expert
19-01-2003, 12:32 AM
مشكور بوي ثينج على إكمال الموضوع

و الله عضو يستاهل و رجع لنا بعد غيبه طويله
بس يا ليتنا عرفنا أكثر>>>طماع:D

حنا بانتظار المقابلات القادمه

و يا ليت المقابله الجايه تكون مع جلتي جير:0)
تايدوس إمبرطور ال RPG
19-01-2003, 01:00 AM
BOY_THING :
و الله اني اشوف موضوعك هذا مسلي :D :D :D
مشكور ما قصرت :D:D:D

نيو سيد :
خلاص الصيفية هذي انا بجي الكويت عندي كم شغله :D :D :D
محترف الـRPG
19-01-2003, 01:18 AM
مشكور والله يالغالي على الموضوع الخيال ×خيال تسلم لي حبيب قلبي

مع اطيب تجياتي

محترف الـRPG

:):):):)
RPGgirl
19-01-2003, 01:35 AM
اهلا جميعا ^_^

ما شاء الله لقاء حلو مع العضو المميز نيو سيد


( شوف عاد هههه سوولك لقاء لازم تتحفنا بمواضيع زيادة هالايام) طماعة ..:D

آند ثانكس على الموضوع الحلو باي :)
احلامو ادوماتو
19-01-2003, 02:00 AM
الرسالة الأصلية كتبت بواسطة BOY_THING


[COLOR=darkblue]اسمي ميثم



قصدك هيثم ?:

الموووهم ميثم ازيك عامل ايه يا ابني :6

وتبي تروح لطوكيو اجل :D

سلم لنا اجل على هايدو كوجيما وميتسودا :6

طيب سيد يعطيك العافيه على مشاركتنا معلوماتك وطانكس واجد محمد ;)
Golden_Sun
19-01-2003, 05:01 AM
مشكور BOY_THING على المقابله:)


و البعض يسموني ( قمبلة )

:D :D :D
bah
19-01-2003, 10:58 AM
لقاء جميل:D
شكرا للمذيع والضيف:6

عمري 16-17 سنة
شيبت

يلقبي الكثير من الناس بسيد .. و السبب مولازم أقوله لكم .. و البعض يسموني ( قمبلة )
اول مرة ادري انه هذا لقبك انا خابر لقبك القديم(اذكرك بالماسنجر):6

طوكيو Tokyo
حتى انا ودي ازور طوكيو(خلاص نمشي مع بعض):D

اسف اذا ازعجتك:6
Neo Cid
19-01-2003, 05:06 PM
شكرا جميعا على آرائكم .. :)

و شكرا للمرة ال35346 لصاحب المقابلة محمد .. :)


خلاص الصيفية هذي انا بجي الكويت عندي كم شغله

حياك الله أخوي .. الكويت كويتك ( طباق مع كلمة البيت بيتك ) :D

و تلقانا أنا و جولدن سون بالخدمة .. ;)


( شوف عاد هههه سوولك لقاء لازم تتحفنا بمواضيع زيادة هالايام) طماعة ..

تامرين أمر اختي ..

بس الظروف ما راح تسمح هالفترة .. مضطر اني ابتعد عن المنتدى مرة ثانية لسببين :
1- بعد 5 ساعات بروح البر و ما راح أرد إلا تاريخ 29/1
2- 1/2/2003 بروح الحج .. و أرد تاريخ 15/2 ..

يعني يمكن أغيب لفترة شهر .. بس ان شاء الله لمن أرد أتحفكم بمواضيع ما شفتوا مثلها من قبل <--نصاب .. :D


اول مرة ادري انه هذا لقبك انا خابر لقبك القديم(اذكرك بالماسنجر)

خخخخخخخخخخخخخخخخخخخ

خشها لا تقول حق أحد .. مالنا خلق فضايح الحين .. :p


قصدك هيثم

هذي عقدتي بالحياة :"

انا اسمي ميثم نسبة إلا ميثم التمار اللي كان عايش من زمااااااااااااااااااااااااااااااااااااان ... :p

بس ميثم و هيثم لهم معاني مختلفة .. انت هيثم بمعنى السيف أو الاسد علما اذكر ..

بس أنا ميثم بمعنى السريع بالمشي و المستعجل بالأمور .. :أفكر:


شكلي طولت عليكم وايد ..

سلام ... و شوكرن مرة ثانية .. :)

و ان شاء الله أكون عند حسن ظنكم فيني .. ;)
BOY_THING
19-01-2003, 05:49 PM
هذي عقدتي بالحياة

انا اسمي ميثم نسبة إلا ميثم التمار اللي كان عايش من زمااااااااااااااااااااااااااااااااااااان

والله ان اسمك حلو .. من جد عاجبني .... كان عندنا واحد في القاعة اسمه ميثم ... هاذي كانت اول مره اسمع فيها هذا الاسم .... و من جد اعجبني

أشكر الجميع على التفاعل في الموضوع .. :)
Neo Cid
19-01-2003, 06:06 PM
الرسالة الأصلية كتبت بواسطة BOY_THING


والله ان اسمك حلو .. من جد عاجبني .... كان عندنا واحد في القاعة اسمه ميثم ... هاذي كانت اول مره اسمع فيها هذا الاسم .... و من جد اعجبني

أشكر الجميع على التفاعل في الموضوع .. :)

شكرا محمد .. هذا من ذوقك .. ;)

و أنت أحلى .. :)
Anime-Girl
22-01-2003, 11:28 AM
بس حبيت ارد واشكركم على الموضوع الحلو اللي فتح لنا باب نعرف شوي عن اعضاء منتدى فاينل :) ,وان شاء الله نشوف مع بقية الاعضاء الاخرين
مشكور بوي ثينق على الموضوع الحلو ^^
احلامو ادوماتو
22-01-2003, 02:51 PM
الرسالة الأصلية كتبت بواسطة Neo Cid

هذي عقدتي بالحياة :"

انا اسمي ميثم نسبة إلا ميثم التمار اللي كان عايش من زمااااااااااااااااااااااااااااااااااااان ... :p

بس ميثم و هيثم لهم معاني مختلفة .. انت هيثم بمعنى السيف أو الاسد علما اذكر ..

بس أنا ميثم بمعنى السريع بالمشي و المستعجل بالأمور .. :أفكر:


شكلي طولت عليكم وايد ..

سلام ... و شوكرن مرة ثانية .. :)

و ان شاء الله أكون عند حسن ظنكم فيني .. ;)

ليش الزعل على الاقل الاسم مميز :D

ازيك ميثوووووومه :6

وانت عند حسن الظن دوما وابدا :)
ديجيمون ماستر
23-01-2003, 12:16 AM
مشكور BOY_THING على هذا اللقاء ....:)


و عمري 16-17 سنة

كنت احسبك اكبر.....:أفكر:



الصراحة أنت أخوي محمد شادني بتواقيعك الله يهديك

اي والله حتى انا دايما يشدني بتواقيعه هو وار بي جي جيرل...

:)
عاشق فيديو جيمز
23-01-2003, 02:14 AM
لقاء جدا رائع ولطيف وظريف :)





انشاء الله يجي دوري بعده ............. :6 :6 ( انساها )


شكرا اخوي محمد على الموضوع ;-)
viper037
23-01-2003, 06:00 AM
PERFECT
The Stream
25-01-2003, 07:36 AM
السلام عليكم مشكور على الموضوع

كالعادة:D

ومنتظرين الباقي على احر من الجمر

انا عندي عضو ابغى ارشحة لو سمحت العضو هو Chrono:D :D :D :D :D :D :D :D:0) :0) :0) :0) :0) :0) :0) Scar

Chrono Scar

وباي اقصد سلام
QaHir
25-01-2003, 09:13 AM
ماشاء الله موضوع ولا اروع وكما تعودنا منك .. المثير والمشد والمدهش الفكرة روعة الاداء اروع والاعضاء اكثر روعة .. شكرا لك .. وشكرا لنيو سيد :p <== ماشاء الله الطلب عليه وايد الكل بيسوي معاه مقابلة .. الظاهر اكتشف طيارة جديدة .. :6


الرسالة الأصلية كتبت بواسطة SUPER_SAIYAN

والله تبى الصدق كلهم مزعجين .. في كل زمان ومكان .. ( الحين بنطرد :6 )
شكلي ما بدخل المنتدى 4 شهور مع الاشغال الشاقة :أفكر: ..... خلاص عاد ... كنت امزح :6



":" أخوي الميثاق الجديد في المنتدى يقول : حرية أراء الاعضاء .. :D

والله يوفق الجميع ..
Neo Cid
26-01-2003, 02:51 AM
شكرا جميعا على ردودكم .. :) ;)

و القادم أضخم .. ":"


ماشاء الله الطلب عليه وايد الكل بيسوي معاه مقابلة .. الظاهر اكتشف طيارة جديدة ..

لحق .. الكمية محدودة .. :D :6
محترف الـRPG
26-01-2003, 05:17 AM
اممممممم بصراحه اسم ميثم عاجبني بعد :)
Neo Cid
30-01-2003, 01:56 AM
الرسالة الأصلية كتبت بواسطة محترف الـRPG
اممممممم بصراحه اسم ميثم عاجبني بعد :)

شكرا يا قليبي .. هذا من ذوقك .. :D