المساعد الشخصي الرقمي

مشاهدة النسخة كاملة : سلسلة المقابلات ... هذه المرة مع acer2


ODIN
23-01-2003, 06:38 AM
السلام عليكم ..

انتهينا بالمرة الاخيره مع العضو منتدى- منتدى . والي ودعنا لاسباب مجهوله ! نشكره على تجاوبه مع اسئله الاعضاء ..


هذه المرة المقابله مع العضو acer2 .. مثل ما رشح نفسه .. الله يعينه على الاسئله :)


اخوي acer2 .. نبدأ بالاسئله الروتينيه والبقيه على الاعضاء .

1- البطاقه الشخصيه .. الاسم العمر الحاله الاجتماعيه ..

2- كيف تعرفت على منتدى المنتدى .

3- رايك بوضع المنتدى حاليا ..

4- اقرب الاعضاء اليك ..

5- عضو معجب باسلوبه وبكتاباته ..
acer2
23-01-2003, 07:02 AM
1- اسمي معن محمد علي الشارخ ( ادري انه غريب :أفكر: :أفكر: ) عمري 16 وداش بال17 حالتي الاجتماعيه ما اتوقع اكون متزوج :6

2-تعرفت عليه عن طريق العضو العراقي17

3-والله المشاكل اللي بمنتدى المنتدى ما بتخلص بس هذي حال المنتديات العامه اما باقي المنتدى ممتاز بس بعض المنتديات نايمه

4-والله وايد اعضاء اعزهم مو معقوله اكتبهم كلهم

5- montada_montada يعجبني اسلوبه

وشكرا على مباردتك يا ODIN
عضو 32371
23-01-2003, 12:18 PM
مشكور اخ اودن على اختيار العضو acer2

حياك الله اخى العزيز وعندى سؤال اذا ممكن

ماهى تطلعاتك للمستقبل؟ ومن هو مثلك الاعلى؟

مافيه اختيارات :)

مشكور على الاجابه
أسد الحق
23-01-2003, 06:30 PM
مشكور اخ اودين على تكملتك لهده السلسلة


و انا عندى سؤال للاخ acer2 ممكن

و هو ايش اكتر شئ تحب تسويه فى وقت الفراغ؟؟

لو ما تريد تجاوب طبعا انت حر و ما راح ازعل:)

مشكووووور

مع تحياتى
acer2
23-01-2003, 07:46 PM
ماهى تطلعاتك للمستقبل؟ ومن هو مثلك الاعلى؟

شكرا على سؤالك يا montada_montada

انا انشالله بدرس للكمبيوتر ما حددت برمجه ولا هندسه !!
اما مثلي الاعلى بيل جيتس :)
تدرون انه اغلب عباقره الكمبيوتر في امريكا ومنهم بيل جيتس كانوا فاشلين بدراستهم بس اللي خلاهم يصيرون جذي حبهم للكمبيوتر.......


و هو ايش اكتر شئ تحب تسويه فى وقت الفراغ؟؟

الاسد الملك :)

والله وايد اشياء اقعد على الانترنت اطالع تلفزيون اطلع مع الربع اقرأ
هذول الاشياء تعتبر محور حياتي بالعطل :0)
محمدS.M
23-01-2003, 11:38 PM
ماهو اكثر مجموع حصلته بCounter-Strike ؟؟
وما هو اكثر مجموع حصلته في مادة دراسيه ؟؟
:أفكر:
acer2
24-01-2003, 06:40 AM
اكثر مجموع حصلته مع البوتات بعشرين دقيقه 411 في مرحله
fy_dustworld
اما بلعب الانترنت فما اذكر لانه العب وايد
اما درجاتي فاحصل درجات كامله بعض المرات
راعي الجي تي آر
24-01-2003, 11:38 PM
هلا اخوي
ممكن تجاوب على هذي الاسئلة
1- اذا عندك سيارة شو نوعها
2- اذا ما عندك سيارة شو ناوي تاخذ او داخلة ببالك
3- واي لون بتختار
4- هل بتشفط (بتفحط) فيها
5- هل بتزودها
6- وليش بتاخذها
ومع السلامة ;-)
( الزعيم )
25-01-2003, 01:12 AM
مشكور اخوي اودين على تواصل هذه السلسلة من المقابلات ..

ممكن سؤالين اخوي ..

* ماهو ناديك المفضل عربيا و عالميا ؟

* من هم الاعضاء الذين تعتقد ان المنتدى افتقدهم ؟


تحياتي للجميع ,,
acer2
25-01-2003, 01:56 AM
راعي الجي تي آر
1-ما عندي سياره لانه السن القانوني للاخذ الليسن بالكويت 18
2- والله لومينا عاجبتني وايد
3-السيلفر
4-اكو احد ما يشفط هذي الايام :cool:
5- ما فهمتك شنو يعني تزودها ؟؟؟
6- لانها عاجبتني وايد ولاكن ما عندي خبره بالسيارات وايد لاكن يمدحونها


( الزعيم )

ما احب اتابع مباريات الكره احب امارس لاكن ما احب اتابع :)

والله الاعضاء اللي ببالي وفاقدينهم :
محروم رمسيس2 شجون
acer2
25-01-2003, 05:01 AM
ودي ازور مدينه مارسيليا في فرنسا

سؤالج يحير :)
لاني اذا قلت شيء عن نفسي كاني اذم نفسي او اكون مو راضي عن شغله الله زرعها فيني

لاكن محد كامل والكامل وجهه سبحانه

انا ما اشوف عيب فيني يستلزم اني اتخلص منه
DE NILSON
25-01-2003, 05:10 AM
ماهي اكلتك المفضلة؟؟


وماهو شرابك المفضل؟




ماهو سبب انخفاض مستوى الكرة الكويتية؟
acer2
25-01-2003, 05:17 AM
والله احب اكل وايد ويعتمد على الوجبه غدى عشى ريوق

الريوق: ماكل اكل شيء بالريوق :)
الغدى: افضل مكبوس دياي
العشى: بيض مع جبن تشدر :)

وشرابي
ماي لبن عصير حليب ما احب البيبسي وايد بس افضل مونتن ديو :)

انا ما اهتم بالكره لاكن الواضح بسبب الاداره السيييئه جدا
أسد الحق
25-01-2003, 07:58 AM
السلام عليكم



طيب انا عندى سؤال تانى ممكن


ايش هى اكتر مادة تحبها من المواد الدراسية؟؟:)


مع تحياتى و مشكور مرة تانية يا اودين:)
acer2
25-01-2003, 05:26 PM
انا افضل الانجليزي والرسم (الفنيه) :-)
محمدS.M
29-01-2003, 08:14 AM
acer2 أدعوله بالشفاء العاجل!!! (http://www.montada.com/montada/showthread.php?s=&threadid=182047)
ابتسامــــــه
29-01-2003, 11:20 AM
قلت انك تعرفت على المنتدى عن طريق العضو العراقي


.. كيف عرفته ...؟

... وهل بينكم حزازيات (( غير متفاهمين )) ..؟






وشكر للاه اودن على اختيارك :)
رومانسيه
29-01-2003, 11:40 AM
السلام عليكم أخوتي الكرام
الى أخي الصغير اذا سمحت لي بذلك (بعد أذنك)

عندي كم سؤال
من هو قدوتك في الحياة؟
من هو قدوتك في العلم؟
من هوقدوتك في التاريخ؟
ولوكنت عايش في العصور السابقه فأي شخصيه ترغب أن تكون معها أو تعيشها ؟أو أن تكون أنت تلك الشخصيه؟
المادة العلميه المفضله لديك ما هي؟

ارجو اني ما ثقلت عليك
acer2
07-02-2003, 10:49 AM
اول شيء اتأسف على التأخير :)

ابتسامــــــه

العراقي واحد من ربعي (صديقي) بالثنويه يعني علاقتي قويه معاه

ما اظن انه احنا مو متفاهمين بشيء :)



رومانسيه

1-بيل جيتس :cool: بس انا ما افكر فيه كانشان كافر ولا يكره المسلمين افكر فيه كانسان بنى نفسه بنفسه بذكائه هذا اللي يعجبني فيه


2-والله وايد وايد ما ينحصرون مثل ارخميدس نيوتن ابن الهيثم الرازي اينشتاين


3-قدوتي بالتاريخ !!!!!
ممكن تحددين من اي ناحيه ؟؟؟؟
عسكريه اقتصاديه دينيه اجتماعيه شنو ؟

4- ودي اعيش في عصر الدوله العثمانيه :> وما عندي شخصيه محدده

5-الانجليزي والرياضيات

6- لا ما ثقلتي علي ;-)
( الآزوري 10 )
08-02-2003, 03:35 AM
تلبس ساعة:-) ؟
acer2
08-02-2003, 05:11 AM
ههههههههههههههههههههههههههه

اي البس ساعه :0)
ODIN
08-02-2003, 05:43 AM
حياك الله مرة ثانيه ايسر ..


على طاري الساعه .. اما هذي بيني وبينها عداوه :6 ما اعرفها الا بوقت العروس والمناسبات ..

ساعه الموبايل تكفي :)
acer2
08-02-2003, 05:48 AM
الرسالة الأصلية كتبت بواسطة ODIN
حياك الله مرة ثانيه ايسر ..


على طاري الساعه .. اما هذي بيني وبينها عداوه :6 ما اعرفها الا بوقت العروس والمناسبات ..

ساعه الموبايل تكفي :)

هههههههههه اللي يسمعك يقول الساعه صنع اسرائيلي :D :D

انا ما اعترف بساعه الموبايل مادري ليش لا تسأل :)

والله يحيك ;-)
أسد الحق
08-02-2003, 06:39 AM
طيب:أفكر:


ايش تتمنى ان تعمل بعد التخرج يعنى اعمال حرة ولا مع الحكومة ولا ايش بالضبط؟؟


مع تحياتى
acer2
08-02-2003, 08:29 AM
اعمال حره طبعا :0)
yosef_mohd2005
08-02-2003, 08:44 AM
ما رايك فيما يحدث مع العراق من ظلم ؟؟؟

وما رايك فيما تفعله حكومتكم الرشيده باستقبال الجنود الامريكان واعلان وزير الدفاع ان الجيش الكويتي سيشارك في الحرب ؟؟؟؟؟؟
acer2
08-02-2003, 09:21 AM
والله صدام خطر على الكويت والوطن العربي والعالم كله
فانا لو كنت مسؤول والله اشارك بالحرب لتحرير شعب العراق ركزوا على كلمه تحرير !!!!!!!
لانه المظلوم الحين الشعب من قيادته

انا بالنسبه انه الكويت تستقبل الجنود الصراحه معاها حق وانا موافق ومؤيد

قبل الغزو ما كان فيه ولا جندي اجنبي على الكويت وبعد الغزو نشوف الكويت فيها الجنود لييييييييييييش ؟؟؟؟؟ هذا السؤاال ليييييييييش ؟؟؟ شالسبب ؟؟؟؟؟؟؟؟؟

طبعا الجواب واضح الجواب انه العراق ما خله في امان يخلص من حرب ويدش بحرب

انت تشوف المشكله من جانب واحد طالع جميع الجوانب يا اخي !!!!

لو العراق ما غزا الكويت ؟؟؟ هل بيكون في جندي واحد اجنبي بالكويت ؟؟؟


واصلا الجنود موجودين للحمايه فقط

هذا راي ويبقى مجرد راي
"اختلاف الاراء لا يفسد في الود قضيه"
;-)
ابتسامــــــه
09-02-2003, 12:01 PM
الرسالة الأصلية كتبت بواسطة acer2
والله صدام خطر على الكويت والوطن العربي والعالم كله
فانا لو كنت مسؤول والله اشارك بالحرب لتحرير شعب العراق ركزوا على كلمه تحرير !!!!!!!
لانه المظلوم الحين الشعب من قيادته

انا بالنسبه انه الكويت تستقبل الجنود الصراحه معاها حق وانا موافق ومؤيد

قبل الغزو ما كان فيه ولا جندي اجنبي على الكويت وبعد الغزو نشوف الكويت فيها الجنود لييييييييييييش ؟؟؟؟؟ هذا السؤاال ليييييييييش ؟؟؟ شالسبب ؟؟؟؟؟؟؟؟؟

طبعا الجواب واضح الجواب انه العراق ما خله في امان يخلص من حرب ويدش بحرب

انت تشوف المشكله من جانب واحد طالع جميع الجوانب يا اخي !!!!

لو العراق ما غزا الكويت ؟؟؟ هل بيكون في جندي واحد اجنبي بالكويت ؟؟؟


واصلا الجنود موجودين للحمايه فقط

هذا راي ويبقى مجرد راي
"اختلاف الاراء لا يفسد في الود قضيه"
;-)

من كلامك ان الحمايه والامن من الجنود الامريكان ... مب من رب العالمين



.. والله لو الله اراد ان العراق تضرب الكويت " لا سمح الله " رح يصير غصبن عن الجندي الامريكي ..
acer2
09-02-2003, 09:53 PM
الرسالة الأصلية كتبت بواسطة ابتسامــــــه


من كلامك ان الحمايه والامن من الجنود الامريكان ... مب من رب العالمين



.. والله لو الله اراد ان العراق تضرب الكويت " لا سمح الله " رح يصير غصبن عن الجندي الامريكي ..

ما قلنا شيء ونعمه بالله

لاكن الكويت قعد الغزو فيها 7 اشهر !!!!!!!! مو يوم ولا يومين 7 اشهر فكري شطولهم كل يوم عذاب وتعذيب وبلاوي ؟؟؟

ونص الدول العربيه وقفت مع العراق :6 منهم اليمن الاردن السودان فلسطين

فالحين اذا نشوف من نص الدول العربيه توقف من الظلم شنو تسمينه هذا ؟؟؟

وبعد سبع اشهر من الغزو تحرك احد علشان يساعد الكويت !!!! بس منو اللي تحرك مجلس الامن وطبعا الدول العربيه اللي ساعدت الكويت ما نتنكر لها بالعكس نشكرها منها الامارات قطر البحرين عمان مصر سوريا واهم دوله السعوديه كافي انها اسذافت الامير الشيخ جابر..........

فالحين اجاوب على سؤالج واقول:
"لو نشوف الحمايه الكامله من الدول العربيه ووقفتهم كلهم مع الحق واللي اهو الكويت هل احنا بندخل جندي اجنبي واحد بالكويت ؟؟؟؟؟؟؟"
ابتسامــــــه
10-02-2003, 12:47 AM
الرسالة الأصلية كتبت بواسطة acer2


فالحين اجاوب على سؤالج واقول:
"لو نشوف الحمايه الكامله من الدول العربيه ووقفتهم كلهم مع الحق واللي اهو الكويت هل احنا بندخل جندي اجنبي واحد بالكويت ؟؟؟؟؟؟؟"


أصلاً كل دول العالم تدري انا الكويت على حق بما فيهم الدول العربيه

واساس غزو العراق للكويت هم امريكا .............. انت تدري ان امريكا كانت امحطيه عينها على جزيرة فيلكا قبل الغزو وبعد الغزو حجتهم قاعدين يدافعون عن الكويت والكويتيين ..

وحتى لو جاء 100 الف جندي من كل دوله عربيه ما رح تزرع الامان .. قد ما رب العامين زرعه فيكم ..
:)
acer2
10-02-2003, 01:07 AM
شكرا على ردج يا ابتسامه

اذا امريكا كانت حاطه عينها على جزيره قبل وبعد الغزو ؟؟؟
فالعراق حاط عينه على الكويت كلها من قبل اكثر من 70 سنه

:) :)