الشاب خالد
26-01-2003, 10:59 PM
مرة من المرارير كنت نايم ( قل والله ) وطبعاً زي العاده انواع البطولات في الحلم ( أميتاب على غفلة ) من معركة الي معركة الين انقذت حبيبتي في الحلم ووصلنا الي بيتهم ويشنقل الدباب غزالا واجيك على خشتي وصحيت وخشتي تخرخر دمان وانقز لـ الثلاجة واغطس خشتي في الكريمة اللي مصلحتها امي لعزيمة بكرة (مايذوقون الكريمة الا في العزايم او في رمضان ) ثمن طلعت من المطبخ وقلت يا ولد يا ابو خلود ورا ما تروح تشوفلك شغله بدال النوم ويوم طلعت واثرنا في عام 3004 والدنيا مقتلبه وسيارتي الونيت قالب صاروخ بصندوق ( حوض ):D ولونه احمر بعد وانا اركب الصاروخ حقي وانطلق يمدحون همبرجر في المشتري على كيفك وازورق بين النجوم والمجرات ولا هذاك راعي الصاروخ المرسدس اللي حادني واتفاداه ولا صاروخ تريله قدامي واسحب جلنط ( طبعاً انا راعي طاره ) وادخل في زبالة زحل:D ....... وارجع والحق الملعون ومن مجرة الي مجرة الين حديته حول الزهره وانزل عليه وكشرتي ممتده شبر من الزعل وابرطم :غضب: :D ........... ولا ذيك البنيه اللي من اليوفو ( ايه حقين دامبي >>> لمتابعي غرندايزر ) لها عين مكحلتها ( لان مالها الا عين وحده ) وذاك الشعر الاسود ليل ولا ركب سود ( وش دراك ) ولا مشق ولا صيبان ( قمل للمتطورين ) ولابسه ميني جب وانا اللي رحت خرخر معها وكان الحوار التالي :
انا : اهـ صار خير عسى ما تعورتي بس ( تراه لابس زبيريه )
اليوفوه : بي بي ................................... ( الترجمه : وش تقول )
انا : باب بي بوب ............................ ( الترجمه : وش هالجمال )
<<<<<<<<<< يفت لغات
اليوفوه : بين باب بوب ................. ( الترجمه : يا ثقل دمكم يا حقين الارض )
<<<<<<<<<< طاح وجهه ويحاول يصرف
انا : با باب ................ ( الترجمه : ليه شايلته )
<<<<<<<<<< والله من المصاله
( ترى ابقلبها دبلجه عارفكم عجازين )
انا : ورى ما تقصرين الشر ونروح نتقهوا في المشتري
هي : تم ( ملتهم سمحه )
يوم رحنا خذنا طاوله تطل على الارض وجلسنا
انا : وش اسمتس
هي : هيله ( اثرهم يسمون مثلنا )
وانت
( قلت وش اقول اخاف اقول ابو خلود تلوع تسبدها واخاف اقول سمير تقول هذا مصري )
انا : سمير ( والشكوى لله )
هيله : ياخي انت وسيم
انا : عارف والله ......... بس وش دراتس
هيله : من اذانك .... عندنا اللي اذانه كبار وسيم
انا : اشوا نفعت هالاذان اخيراً
المهم مالكم بالطويله دخل واحد من ليبتون ( عارف بتقولون وش دراك بسيطه لانه لابس فروه ) وعليه شنبات ياقف عليها الحمار وبدا يستخف دمه وانا عاد ابشخص قدام البنيه قمت عليه ابأدبه:D :D
انا : ورا ما تغدي رجال وتنثبر وتاكل من هالبرسيم اللي انت طالب
هو : معد الا انت ياراعي الارض تسكتني
انا : اقطع واخس لأقلبك نعناع ( هذا من اللكاعه بما انه من ليبتون = شاهي ) :D
جا وتلني وعلقني بأذاني تسني ارنب ( وانا افكر كيف قدر يمسك اذاني اثرها كبار صدز وهذا يؤكد نظرية ان الارض مستديره:D :D ) وقامت هيله ( اليفوه ) وفكتني منه وقال عشانتس بس
المهم طلعنا وشكرتني على الشاهي وشكرتها انها فكتني من هالبغل ورحت البيت ولا الشايب قاعد يحتريني عند الباب وسالفته زي العاده وينك يالسمرمدي مغير دعسكه في هالفضاء وبس ( طبعا الباقي كل شاب سعودي قد شافه مع الشايب حقه ) وانا منيب يمه قاعد افكر في هيله اللي خرشتني
وانجطل في سريري واقطع ورده واقول : بتحبني ما تحبنيش وفي الاخير صارت ايش :D ....... لكني صملت ثم صملت وقلت يا ولد بدال صجت هالشايب على الدخله والطلعه خلني اشتغل احسن ............ ولقيتها ...... اكد جح على الونيت اشيل من عتيقه ( سوق خضرة الرياض ) واودي لتقاطع المشتري مع زحل ومنها اشوف المودام ( هيله ) وفي موسم التمر اكد تمر وبعدين صرت اخذ معي عسل واطق طوق ريحان على راسي واسوي نفسي من الزهره ( ايه هين )
وفي لمسه رومنسيه مني اهديت لهيله حبيبتي جحه مكتوب عليها ( اغدي جحه بس اشوفتس تحرجين على الجح معي ) نعنبو الرومنسيه
وكان الزواج بيني وبين هيله
وبعد 4 سنوات
جبنا ولد وبنت وش ملحهم:D
طبعاً اذانهم كبار:D ( علامة الجمال )
وسلامتكم ............ وسلامي لأمي في ليبيا واخوي في هولندا وخالتي عيشه في سوق الصواريخ
....
انا : اهـ صار خير عسى ما تعورتي بس ( تراه لابس زبيريه )
اليوفوه : بي بي ................................... ( الترجمه : وش تقول )
انا : باب بي بوب ............................ ( الترجمه : وش هالجمال )
<<<<<<<<<< يفت لغات
اليوفوه : بين باب بوب ................. ( الترجمه : يا ثقل دمكم يا حقين الارض )
<<<<<<<<<< طاح وجهه ويحاول يصرف
انا : با باب ................ ( الترجمه : ليه شايلته )
<<<<<<<<<< والله من المصاله
( ترى ابقلبها دبلجه عارفكم عجازين )
انا : ورى ما تقصرين الشر ونروح نتقهوا في المشتري
هي : تم ( ملتهم سمحه )
يوم رحنا خذنا طاوله تطل على الارض وجلسنا
انا : وش اسمتس
هي : هيله ( اثرهم يسمون مثلنا )
وانت
( قلت وش اقول اخاف اقول ابو خلود تلوع تسبدها واخاف اقول سمير تقول هذا مصري )
انا : سمير ( والشكوى لله )
هيله : ياخي انت وسيم
انا : عارف والله ......... بس وش دراتس
هيله : من اذانك .... عندنا اللي اذانه كبار وسيم
انا : اشوا نفعت هالاذان اخيراً
المهم مالكم بالطويله دخل واحد من ليبتون ( عارف بتقولون وش دراك بسيطه لانه لابس فروه ) وعليه شنبات ياقف عليها الحمار وبدا يستخف دمه وانا عاد ابشخص قدام البنيه قمت عليه ابأدبه:D :D
انا : ورا ما تغدي رجال وتنثبر وتاكل من هالبرسيم اللي انت طالب
هو : معد الا انت ياراعي الارض تسكتني
انا : اقطع واخس لأقلبك نعناع ( هذا من اللكاعه بما انه من ليبتون = شاهي ) :D
جا وتلني وعلقني بأذاني تسني ارنب ( وانا افكر كيف قدر يمسك اذاني اثرها كبار صدز وهذا يؤكد نظرية ان الارض مستديره:D :D ) وقامت هيله ( اليفوه ) وفكتني منه وقال عشانتس بس
المهم طلعنا وشكرتني على الشاهي وشكرتها انها فكتني من هالبغل ورحت البيت ولا الشايب قاعد يحتريني عند الباب وسالفته زي العاده وينك يالسمرمدي مغير دعسكه في هالفضاء وبس ( طبعا الباقي كل شاب سعودي قد شافه مع الشايب حقه ) وانا منيب يمه قاعد افكر في هيله اللي خرشتني
وانجطل في سريري واقطع ورده واقول : بتحبني ما تحبنيش وفي الاخير صارت ايش :D ....... لكني صملت ثم صملت وقلت يا ولد بدال صجت هالشايب على الدخله والطلعه خلني اشتغل احسن ............ ولقيتها ...... اكد جح على الونيت اشيل من عتيقه ( سوق خضرة الرياض ) واودي لتقاطع المشتري مع زحل ومنها اشوف المودام ( هيله ) وفي موسم التمر اكد تمر وبعدين صرت اخذ معي عسل واطق طوق ريحان على راسي واسوي نفسي من الزهره ( ايه هين )
وفي لمسه رومنسيه مني اهديت لهيله حبيبتي جحه مكتوب عليها ( اغدي جحه بس اشوفتس تحرجين على الجح معي ) نعنبو الرومنسيه
وكان الزواج بيني وبين هيله
وبعد 4 سنوات
جبنا ولد وبنت وش ملحهم:D
طبعاً اذانهم كبار:D ( علامة الجمال )
وسلامتكم ............ وسلامي لأمي في ليبيا واخوي في هولندا وخالتي عيشه في سوق الصواريخ
....