مشاهدة النسخة كاملة : مزكراتي عن الايام السابقاتي .... السيكوند بارت (&)
Justine
30-01-2003, 02:34 AM
موشي موشي ^^
كيف الشباب ؟؟ عساتسم بخير :)
Long time no cee yo bois and jirls and dead not write any maudhou3 >>>>>> لعن ام العنقليزي ":"
مرحبنبكم في السيكوند بارت من مسلسل ( زكرياتي عن الايام السابقاتي ) و زي ما قلنا في السابق الياء في كلمة ( السابقاتي ) وضعت لوزن الجوملة ":" فقط ... اي انها فاعل مضارع منصوب بالكسرة ^^
====================
رحلة اصلاحية .... اررر قصدي مدرسية
خارج من فصلي في امان الله .... عمال اتفسح مع ايه رول و أسامة ( طبعن مو حق المونتدا ) و اياد ....
كالعادة في الركن القصي في الفنا زي البساس ( الاحداث في اولى ثانوي عشان اللي في بالي لا يتفلسف :6 ) قاعدين نفطر ...
جانا خوي فيصل و هو راقل هذيك السنة متعرف عليه .....
مسكين طلع قالب الدونيا عشان يدعوني لرحلة من النادي العلمي الخاص بمدرستنا لاستراحة في حدة ( أحد يعرفها :أفكر:)
خلاص يلا تواضعت للرجال و قبلت منه الورقة ...
و في نفس اليوم اتصل ولد خالي عشان في خرجة لجدة ... و انتوا طبعن عارفين عقدتي من جدة و انها ما تصلح للشباب و انه كل شي للعوائل و انه حتى البحر صار ملك للعائلات و الكورنيش و الblah blah blah المعتادة....بلاشي احملكم همي و اخليكم تطلعوا من الموضوع من اول سطرين ...
===============================
و روحنا الرحلة ... أنا شلت معايا الجيم بوي و الووكمان و منشفة و شورت سباحة و 3 اشرطة أغاني و ملابس رياضة و ملابس القعدة و ساندويشة و كاب و جوال و شاحن و........ شغالة و سواق كمان :6
و بعد ساعتين الا ربع من المطبات و الضيقة في الباصات و الخناقة و شريط أهازيج الاتحاداللي تصج في اذنك و ريحة الشراريب الخخخخخخخخخ ... وصلنا
ما ادري ليش الشباب اللي كانوا معايا انفجعوا لمن شافوني اعانق اقرب شجرة و انزل ابوس الارض :" يا اخي ... عرفت فرحة المسجون لحظة الافراج ^^
كانت مزرعة اقرب منها لاستراحة .... اول ما وصلنا فرجونا على المكان ...هذا مكان تربية العرانب و هذا ملعب لكورة الغدم و .... الله ... هوناك مسبح .... عاد انا و بشكتي في الرحلة دايركت على هوناك ^^
بعدها بساعة بس .... لسه هبقة السباحة ما انتهت :" لسه ما غرقت احد لا سويت مقلب محترم في احد.... جمعونا عشان يورونا عرض للقوة الداخلية .... و أكيد المعادلة المدرسية الشهيرة عرض + زحمة طلاب + درس علمي = اتخبصت ام الرحلة :غضب:
تكرمت و خرجت و قلبي متقطع ما في غطسة ثانية الا في النادي ...
لبست و اتزبرقت و قعدت اتفرج العرض ... جابوا واحد عظمة على بعضها و جابوا واحد يلوي يده ... ببساطة لواها ... بعدين الاول سوا حركات ... و خزعبلات ما ادري ايش هي ... بعدين قام الثاني و لوى يد الاول مرة ثانية بس ذي المرة ما قدر ليش ... بسبب القوة الداخلية O_O
ياهو الحركات القرعة ذي على مين :أفكر: هادي كنا نسويها مع شباب الحارة لمن نطفش . ...أتذكر اني خرجت جري ادور عن جزمتي .... لا غلطان ... مو عشان البسها...عشان اضرب بيها نفسي:غضب: .... انا ايش جابني هنا .... رحلة يعني ليبرتي ... يعني سوي اللي ما ما تقدر تسويه ... يعني اتسلى على مدرسيك و طقطق عليهم بحجة المزاح :" مو يعني اقعد عشان اتفرج على هوديني >_<
بعدين قعدونا صفوف عشان محاضرة ( كيف تذاكر) ... تهي تهي و الله كأننا في فصل مدرسي... لا و ربي لو كنا في الفصل كان ارحم على الاقل كنت اقدر انام او اتكلم بالجوال من تحت الشماغ او حتى أمسك بوكيمونات جديدة على الجيم بوي تحت الماصة :"
جلست مقهور من نفسي .... ليش ما سحبني ولد خالي معاه لجدة :" ... ليش ما ضربني و خطفني معاه لجدة :" ليييييييش
و خرااااااااابي ( يصاحب ذي الكلمة ضربة على الصدر :6 )
مشاهد من الرحلة :
تم اتهام مدرس الاحياء بأنه صوفي و زلك أثناء لعبة ( الصدق ) ...... تم سحب الووكومان مني و كل الاشرطة عشان المشرفين مطاوعة طبعن اكلت على راسي محاضرات اللين قلت و لا الضالين ..... اثناء الفطور جاب المدرس ابو حضرم 10 تميسات بس !!! و كان عدد الطلاب 45 :غضب: الشح بطال يا اخوة .... و في فترة الغدا جابوا كوزي من اللي تشتهيه قلوبكم .... للاسف لم يتم احضار اي قطيعة ( تصغير قطعة) تشيز كيك :(
سوحقن .....
Justine
30-01-2003, 02:36 AM
وداعا ....:(
ما ادري كيف راح اقولها ... الكلمات كابتة في نفسي .... و الله فراقها صعب ... من جد صعب ... أنا حبيتها ... و انا متأكد انها هي كمان حبتني
ظهرت في حياتي قبل سنة و شوي تقريبا ... و من وقتها اعتنيت بيها اكثر من اعتنائي بأختي ( ترى ما عندي اخت )
نطلع مع بعض ... نلعب RPG مع بعض ...نتمشى سوا... لمن يهب الهوا تمازحني بتغطية عيوني
اصحى من النوم احممها و ازبرقها .... احاول اغطيها عن الناس عشان لا يطقوها بعين تبعدني عنها ....
يا ما وبخونا سوا و قالوا لازم تنفصلوا ... كنت ابي اعتني بيها العمر كله ... لكن انا اريد و انت تريد و لكن الله يفعل ما يريد ...المدير قال لازم تنفصل عنها .... استاذ الدين وعدني بدرجات اذا سيبتها ..
حتى امي و ابوي برضه ما كانوا راضين
خلاص راحت ... و ما راح إلا ترجع في الاجازة الكبيرة القادمة...
وداعا ...
شوشتي الغالية
[/COLOR]
Justine
30-01-2003, 02:40 AM
نانسي ؟:
من هي نانسي ؟؟؟؟
نانسي هي شغالة جدتي ... اسمها الحقيقي .. بصراحة ما ادري مررررة صعب ؟:
بس نحن الاحفاد الموقرين سميناها نانسي لدلالها و ( غنجها )
تخيلوا كائن راسه عند كتفي ... شعره مجعد بشكل غير طبيعي ... تحط عطر رهييييييييييييب بمعنى الجملة الحقيقي :6
عندها دولاب مليان مك... آسف غلطت في التعبير ... محتويات مكياج لفرع ( قزاز) كامل
ما ادري ايش شغلتها ... طول النهار قاعدة قدام التليفيزون و طول الليل تتابع افلام ... ما تتحرك من محلها الا وقت الغدا و العشا ووقت لمن تبغى تنام ...
انسانة ما اطيقهااااااااااا :غضب: وجع وجعين تلاتة ....
يمكن تستغربوا و تقولوا :
أحمد مضرب الامثال في الادب و التهذيب الملاك الرقيق يطلع منه ذا الحقد كله ؟؟!! <------ تراه مصدق نفسه ":"
راح اقولكم ليه :
دخلت الغرفة مبسوط مستانس و في يدي مشروبي المفضل ( راوخ تفاح ) ... قاعد اتفرج على مسلسل فريندز ايام ما كان ينعرض على المستقبل ...و انا في قمة الوناسة تجي و تخطف الريموت من يدي و تحط تمثيلية مصرية O_O بس سكت و بلعت لساني عشان لو نطقت بحرف راح ينقلب البيت فوق راسي ... راح تتباكى و تروح عند جدتي و تقول :
أومي اهمد سوي زعيق كتيييير >_< لازم يتعاقب .. مشالله صرت كبش فدا( المفروض احط كلب ملوكة لكن تعب اروح ادور عليه :6 )
لا و مرة كنت خارج اشتري مقاضي للبيت .. و رحت عند جدتي عشان اشوف طلباتها .. اعطتني ورقة ... كان مكتوب عليها كل مستحضر تجميل ظهر في التليفيزيون ... من كريم تفتيح البشرة الى صابونة التنحيف O_O
يا جدتي هدي اللعب هادا كله على ايش ؟
عشان نانسي ^^
بالله ايش رايكم :أفكر:
Justine
30-01-2003, 02:44 AM
خسئتم :غضب:
خرجت مع الوالد اله يحفظه عشان نحضر دفن ميت كان انسان محترم و محبوب من الناس كلهم ...
دخلنا المقبرة ... ما قد احد لاحظ انه اذا دخل المقبرة ... يحس بشي غريب ... انا بصراحة احس بخوف ...
كيف لا و هذا المكان اللي راح أؤول اليه في أي لحظة ... هل راح يتقبل ربي اعمالي و لا لا ..
هل راح استرخي في نعيم و لا أشقى بعذاب ما لي قبل بيه ...
هل و هل و هل ...
وقفت جنب قبر مفتوح ... اتذكرت الآيات اللي سمعناها و الحكايات اللي نقلها لنا شيوخ الدعوة ... يا الله ارحمني ...
ما ادري ليش تخيلت نفسي بداخل هذا القبر ... و كمان ما ادري ايش اللي خلاني ابعد بسرعة لمن كلهم البشر سبقوني لمكان دفن الراجل ...
و الناس قاعدين يدخلوا الميت ... اسمع اثنين شباب ... كل اللي اعرفه انهم من اقارب الميت ...
شفت اخر أغنية لكريستينا ... اللي هي حقت ديرتي ؟ قال الاول ...
الثاني بنص عين : الفيديو كليب كان عاجبني اكثر .. اهع اهع اهع <<< افهموها عاد ... هاي ضحكة الشباب الخبيثة :6
بالله ايش رايكم ?:
من اقارب الميت ... و تتكلموا عن اقبح الامور ... لا و عند مقبرة ... خسئتم ...
===================
و باقي الاحداث راح يرويها رفيق دربي A.Rule ^^
yugo the wolf
30-01-2003, 03:00 AM
قصة تخوويف http://smilies.sofrayt.com/1/v/spidereek.gif http://smilies.sofrayt.com/1/950/hides.gif http://smilies.sofrayt.com/1/k/peepwall.gif
Angel whisper
30-01-2003, 06:06 AM
ew !!
شو هالرحلة .. أخس عن رحلاتنا ?: !!
احم ..
what a poor shosha (&)
يلا بتطلعلك اختها لا تشيل هم :6
وهاذي نانسي ..
مدلعينها وايد انتو ..
حشى كأنها من اهل البيت :!
وهاذيلا الاثنين ..
نو كومينت ..
ما اقول الا الله يهديهم ..
وثانكس على مشاطرتنا افراحك واتراحك في المونتدى :)
{gaia_girl}
31-01-2003, 12:18 AM
اي انها فاعل مضارع منصوب بالكسرة ^^
>_< حرام عليك امس مختبرة نحو! >_<
ههههههه من زمان عن مواضيعك باهاموت ^^
يا ربي ايش ده؟ :! ما صارت رحلة :أفكر: يصير رحلات المدرسة اللي كنت فيها رحمة..... ?:
---
ههههههه يا كتر الدادات اللي زي نانسي.. ايش جنسها هي؟ :p شكلها فلبينية
---
من اقارب الميت كمان؟؟ :واو: :واو: و الله انهم ما يستحوا!! :( :( على قول اينجل الله يهديهم.. :o
Justine
31-01-2003, 02:43 AM
خيو يوجو التعلوب :
بليز خيو زود مشاركاتك في مكان ثاني (&)
مشكور على مرورك ^^
==================
أنجولة :
what a poor shosha
تصدقي انه في شباب لمن شافوني ما عرفوني :أفكر: كانت علامة مميزة ^^
يلا بتطلعلك اختها لا تشيل هم
صعبة ... القديمة كان طولها 20 سم بس :#
يعني فين و فين حتى تطلع ...
مدلعينها وايد انتو
مو أنا هاي جدتي ... أنا شاكك انها سحرتها :واو:
مشكورة على ردك أنجولة ^^
و مشكور على صور البيبي ... راح اعمل منها توقيع في اقرب وقت
==================
من زمان عن مواضيعك باهاموت ^^
مشكورة ... ما اكتب عشان اصلا ماني حق مواضيع لاني ما اعرفش اكتب اساسا :":
ههههههه يا كتر الدادات اللي زي نانسي
بالله كنت اتوقعها حالة فريدة ?:
و مشكورة على ردك ^^
MoaeD
31-01-2003, 03:11 AM
اجل ودعت الشوشه خخخخخخخخخ :D
بالنسبه اللي يتكلمون عن كرستينا هذولا من جد %@^&* :غضب:
ومشكور على الموضوع :D
رحلة اصلاحية .... اررر قصدي مدرسية
لقد قلبت مواجعي وزكرتني بحبيب قلبي القيم بوي:6
وفعلا تستاهل أخذ الأشرطه منك ":"
وداعا ....
في ناس رح تغار منك الحين
وبعدين تطردك في أقرب فرصه
فكن حزرا (&):6
خسئتم
طيب واللي فرحان بموبايله وجالس يكلم بيه في المقبره إيش يكون :أفكر:
Justine
31-01-2003, 07:33 PM
اهيلن موعيد ^^ :
ايه حبيبة قلبي راحت :(
بس ما عليك ... القادم أعظم ":"
تدري اني الفت عليها شعر بليييغ جيدان ... لكن بما ان المنتدى تحت رحمة طلاب القسم الادبي فبصراحة خفت من الطرد بتهمة تدمير اللغة العربية )&(
Arigato على ردك ( عناد أكلمك ياباني :6 )
================
حبيب ألبي سمسم ^^ :
لقد قلبت مواجعي وزكرتني بحبيب قلبي القيم بوي
لو كان عليه RPG محترم كنت ما شريته ... الله يرحم ايامه الحيلوة :"
وفعلا تستاهل أخذ الأشرطه منك
يؤ >_< أنا كنت ابي مؤيدين تقوم توافقهم ... عمومن ما راح اطلع رحلات مع المدرسة ثاني :":
في ناس رح تغار منك الحين
وبعدين تطردك في أقرب فرصه
فكن حزرا (&)
منهو (&)
طيب واللي فرحان بموبايله وجالس يكلم بيه في المقبره إيش يكون
خخخخخخخخخ نو كومنت بقوة ^^
و مشكور على ردك سمسومي :)
AL_7RBY
01-02-2003, 01:13 PM
مشكور اخوي احمد على نشر صفحة سوابقك :6 :D
تصدق انك تذكرني برحلة رحت لها توقع وين ودونا ودونا لتلفزيون الكويت بكبره :p
والله اني اذكرها كأنها امس مع انها صارت قبل 9سنين :"
ما ادري ليش الشباب اللي كانوا معايا انفجعوا لمن شافوني اعانق اقرب شجرة و انزل ابوس الارض يا اخي ... عرفت فرحة المسجون لحظة الافراج ^^
:p لحظة افراج السجين بالمؤبد :p
الله يعينك مادام الشوشة راحت بس يمكن راح تتعوض بشي كنت تتمناه :6
..daredevil..
01-02-2003, 03:44 PM
لاب لا بلاب لا
قرقر:6
ما ادري ليش الشباب اللي كانوا معايا انفجعوا لمن شافوني اعانق اقرب شجرة و انزل ابوس الارض يا اخي ... عرفت فرحة المسجون لحظة الافراج ^^
:p
رحلة اصلاحية .... اررر قصدي مدرسية
هههههه فاكر لسى الاشاعات":"
===========
لكن انا ما رحت الرحله ذي ..فكه من اشكالكم :6
وونتظر القادم...افضح;-)
Justine
01-02-2003, 09:49 PM
سميي العزيز ^^ :
الله يعينك مادام الشوشة راحت بس يمكن راح تتعوض بشي كنت تتمناه
أنا شايل هم انها ما تطلع حلوة زي اول :(
لحظة افراج السجين بالمؤبد
يا اخي امة بحالها في باص واحد
... كيف ما افرح بلحظة الافراج ^^
مشكور على ردك خيو ^^
==================
حياك الله رفيق دروبي ^^
قرقر
ايه ساعة على تليفون بيتي بعدين تقول انا اقرقر :6
و صح زي حكاية المسكين آدام .... خخخخخخخ للحين ذائب في عبير الحوب ^^
لكن انا ما رحت الرحله ذي ..فكه من اشكالكم
احسن عشان لو رحت كنت سويت الهاراكيري ... على الاقل انا عندي تحمل شوي ":"
الباقي عليك خيو ... نسيت الاتفاق :6
انت ما لك شكر و لا يحزنون (&)
..daredevil..
01-02-2003, 10:00 PM
الرسالة الأصلية كتبت بواسطة BAHAMUT ZERO
سميي العزيز ^^ :
احسن عشان لو رحت كنت سويت الهاراكيري ... على الاقل انا عندي تحمل شوي ":"
انت ما لك شكر و لا يحزنون (&)
:أفكر:
وايش مكتوب تحت توقيعك؟
Shin Kyo
03-02-2003, 06:59 AM
انا في قمة الوناسة تجي و تخطف الريموت من يدي و تحط تمثيلية مصرية O_O بس سكت و بلعت لساني عشان لو نطقت بحرف راح ينقلب البيت فوق راسي ... راح تتباكى و تروح عند جدتي
كويس أخي باهموت أنتا في نعمة...
شوف قصتنا هذي مع عينه من الشغالات:-
جيرانه وأقريبأي في نفس الوقت كانت عندهم شغالة تكرونية كانت تسوي
نفس الشئ عشان مسلسلات محمد حمزة بس ما كانت تشتكي كانت تضربهم تقفل الفيديو ولا الكوميبوتر عشان المسلسل و ذا ما تقفل تقفلوه بالضرب و بالقوة.و مدري عن عمتي ليه كانت تحبها.
وانا زمان لمن كنت أخش عندهم البيت ما أخش الا بالدسه كانت تكره الصغار بعقلها ان الصغار يوصخو البيت لدرجة بعض الأحيان كانت تتضرد الأولاد اللي هم من أصحاب البيت بعد ما يرجعو من لعب الكورة في الشارع يعني في اليوم اللي نلعب فيه كورة صاحبي ما يدخل البيت الا
الساعة 8 أو 8 ونصف ليل لأنو يكون دوامها قد انتهى...:D
---
و في مرة سمعنا من بيتهم صوت زي الزائير أو ما شابه و في هذا الوقت
أهل صاحبي راحو يتمشو هو ما طلع معهم و هو كان خائف يدخل البيت و الصوت هذا موجود و جا كلمني عشان أدخل معه , قلتله طيب
لمن سمعت الصوت على طول بطلت طلعت مثله":"
فجمعنا عيال الحاره كلهم عشان نشوف و كل واحد شايل عصاية
لمن دخلنا .........
طلعت الشغالة التكرونية حقتهم مريضة وطبعا كلنا شردنا :D
أسد أو وحش أو أي شئ الا هي":"
كانت تضارب حتى مع الرجال الكبار
و هذا كله لاشئ في أشياء كثيره عنها.
أيـــام
ما تفكينا منها الا لمن الترحيل مسكها و هي في طريقها للعمل الى بيت صاحبي .
سوينا مزمار في الحارة عشان هذي المناسبة..:0)
أمكن صح أزعجتنا بس هي الشغالة اللي ما راح تتنسي عندنا في الحارة
خلتها لنا الحين ذكريات حلوة.ما أقول الحين الا الله يذكرها بالخير...:أفكر:
... قاعد اتفرج على مسلسل فريندز
:D :D :D :D ههههه بس ايش رأيك في هذا المسلسل التحفة:D :D :D
و شكرا أخوي باهموت
Justine
08-02-2003, 04:36 AM
A.Rule : هلا ثاني خيو ^^
هي لا يكبر راسك ... تراها غلطة ( مصبعية ) بس :6 يعني لا تفرح كثير ^^
على فكرة رجع شريط حق الbsb و الا السيف حكمون بيننا ":"
و حمدلله على ارتفاع معنوياتك ثاني خيو ^^
دخولك المنتدى اكبر دليل انك تجاوزت همك ^^
و بالتوفيق عزيزي :)
=================
كيو العظيم :
( اذا ما كنتش غلطان Shin يعني عظيم أو شرير )
ازيك خيو ... اخبارك ايه ؟
معلش انت عارف العيال و زوجتي يبون يتمشوا عشان كذا ما قدرت ادخل المنتدى او الماسنجر :D
سوينا مزمار في الحارة عشان هذي المناسبة..
بصراحة أثبت انك من اهل المنطقة الغربية ^^
مدري عن عمتي ليه كانت تحبها
تكرونية ... اجل اكيد هوناك ماجيتس في الموضوع :أفكر:
أما عن فريندز ... فأنا ما اتابعه الا عشان جنيفر ^^
مشكور على ردك و مرورك الخفيف خيو ^^
..daredevil..
08-02-2003, 08:05 AM
الرسالة الأصلية كتبت بواسطة BAHAMUT ZERO
A.Rule : هلا ثاني خيو ^^
هي لا يكبر راسك ... تراها غلطة ( مصبعية ) بس :6 يعني لا تفرح كثير ^^
على فكرة رجع شريط حق الbsb و الا السيف حكمون بيننا ":"
و حمدلله على ارتفاع معنوياتك ثاني خيو ^^
دخولك المنتدى اكبر دليل انك تجاوزت همك ^^
و بالتوفيق عزيزي :)
:"
shut up
لا تذكرني
موضوع رائع كالعاده خيووو^_^
احب كذا كتبابه اليوميات والشعور تجاهاه وناسه.....
سالفه القبر
حلو شعورك وشوفك للميت
بس هذولا الشباب ياربيه?:
ما اصدق طيب اعتبروا الحين وبعدين تكلموا بالي تبون
وشوشتك:"
في شوشات كثيره ودعناها هاليومين
قهر والله مددراس العيال كلها كذا:o
انا توقعت بالبدايه انه قصدك البلاي ستيشن مدري ليه:6
ولا سالفه البحر
هههههههههههههههههههههه
صفوكم اجل طوابير:p مت ضحك عليها هالسالفه
Justine
09-02-2003, 09:58 PM
ليونه : ويلكموا سيس ^^
موضوع رائع كالعاده خيووو^_^
مشكورة ... هذا من ذوقك و الله ^^
في شوشات كثيره ودعناها هاليومين
دونت ووري مصيرها ترجع ^^
بس هل راح تكون زي اول ... هل :أفكر: ؟
انا توقعت بالبدايه انه قصدك البلاي ستيشن مدري ليه
اما توقع ... يعني معقول البلي بلي تبعي احممه و ازبرقه ...
هو صوح انا معتني بيه زي ولدي .... برضه ظنك ما كنش في محله :p
طانكس على ردك ^^
جميع حقوق برمجة vBulletin محفوظة ©2024 ,لدى مؤسسة Jelsoft المحدودة.
جميع المواضيع و المشاركات المطروحة من الاعضاء لا تعبر بالضرورة عن رأي أصحاب شبكة المنتدى .