تسجيل الدخول

مشاهدة النسخة كاملة : الهلال يسحق العروبه ويكرر سيناريو القاسيه ..


العمدا
30-01-2003, 04:30 AM
بالخيـــــــر عليكم جميعاً ..

شفنا بالتاكيد الشوط الاول من مباراه الهلال مع العروبه ..

طبعاً لوحظ تفوق العروبه على نظيره الهلال وبمراحل !!

الهلال ظهر متفكك ومتتشت ..

ولعبهم صراحه كانهم اول مره يلعبون مع بعض !!

على عكس العروبه الى ظهر متماسك ومرتب وواثق في نفس الوقت .. ( الثقه حقيقه اهم عامل تقدم العروبه )

بدأت المباراه قويه من بدايتها وقويه من طرف واحد .. وفي الدقيقه الاولى مدري الثانيه استطاع العروبه احراز هدف السبق من كره عرضيه استغلها مهاجم الفريق واحرزها هدف ..

حقيقه ما لى نفس اتكلم عن المباراه ..

ولكن اكتفي بقول انها مباراه ممله ومن طرف واحد ..

طبعاً اذا بغيت اتكلم عن الحكم فيبليى موضوع بكبره ..

ما انكر ان الهلال يلعب بخشونه ..

لكنها اخطاء عاديه وخفيفه ..

على عكس العروبه الى مستلمين ربعنا طق الله لا يوريكم !!

والحكم اكتفي بكرت اصفر عقيم !!

هذا غير البلنتي الى مدري من وين جابه!!

ما غير سيح وجهه قدام الخلق وجاب لنفسه الكلام ..

ادري انه بيجي بعض الناس ويقولون الهلال ومري وشو لغو ضربه الجزاء ..

فبكل بساطه الشريده دز اللاعب وعلى بعد متر ( الله لا يعمينا للحكم ) من منطقه الجزاء .. لكن الحكم وبكل (....) يحسبها بلنتي !!

طبعاً بعد الاحتجاج راح الحكم لحكم الخط وساله وطبعاً حكم الخط وضحله وشي طبيعي ان الحكم يردها ضربه حره :)

من المباراه :

الشريده من يوم ما صار كبتن وهو ملحوس !!

الحربي موب على بعضه اليوم زين ان المدرب طلعه ..

التشكيله مثل ما قلت في موضوعي السابق .. والتغير الى صار خرج الحربى ودخل لطف .. تغيير ذكر من بلاتشى يبى يدعم الوصط المتفكك .. ببساطه الخثران بيمسك وسط ايسر ولطف يرجع ظهير والشلهوب يلعب بحريه ..

في اخر المباراه العلي سفط الحارس طقه على راسه .. مدري هو اغمى عليه والا شلون ‍‍!!

اذا ما بيكمل يستحسن ادخال الجابر بداله .. ويطلع في نص الشوط الثانى بدرا ويدخل التمياط .. والخثران يلعب محور ..

هذا الى عندي ..

ونشوف الشوط الثاني ..
alamid
30-01-2003, 05:02 AM
بالفعل الهلال كان سيء..

بالتوفيق في الشوط الثاني..:)
alamid
30-01-2003, 05:25 AM
مبروووووووووووك..

الف مبرووووووك..

2-1..
العمدا
30-01-2003, 05:29 AM
الشوط الثاني :

من بدايه الشوط كان واضح رغبه الهلالين في احراز هدف التعادل وساعد على ذلك التغيير الاجباري بخروج النجم حسين العلي ودخول الجابر ..

الهلال دخل الشوط الثانى وأوراقه مرتبه وكامل الضغط للهلال ..

ومثل ما قال المعلق (( كثر الدق يفك اللحام ))

سبب الضغط المتواصل عن ضربه جزاء صريحه للجابر تقدم لها الشلهوب وحطها في وسط المرمي قول 38

بعد الهدف بدأ الهلال بضغط خرافي على مرمى العروبه ومن ضربه ركنيه انلعبت وتخلصت من الدفاع لتجد المتميز التمياط الى حطها مقصيه ولا اروع قوووووووووووووول 43

بعد الهدف ضغط الهلال قليلاً الى ان اطلق الحكم صافرته ..

من المباراه :

الهلال ظهر في الشوط الثاني بمستوى متغير عن الشوط الاول .. وهذا يدل على حسن تصرف بلاتشي الى استطاع ترتيب الفريق وقلب النتيجه ..

الجمعان ما كانت له تحركات كثيره .. على عكس الشلهوب والجابر والتمياط الى كانت تحركاتهم متميزه ..

سليمان والشريده ويا قلب لا تحزن .. لياقتهم صفر صراحه لو احمد خليل يلعب اعتقد بيكون ازين ..

الدوخي شكل خطوره كبيره في الجهه اليمنى .. عينى عليك بارده ..

الخثران اثبت تميزه اليوم في اكثر من مركز .. سواء ظهير ايسر .. محور او وسط ايسر ... بالتااكيد انتقاله مكسب كبيييييييير ..

بدرا يبيله يخف شوي ويبطل ذا الثقل .. انا اشوف انه اخطاءه كثيره ..

الهلال اسكت العروبه الى ظهر بمستوى خشن للغايه .. ومع احترامي ظهر باخلاق .........!!

عاد الله يعين وش بيسون المباراه الى طافت طردوا الجهاز الفني من الدور الى هم فيه .. هلحين من الفندق بكبره !!

الف مبروك للزعيم الفوز المستحق .. وفعلاً بلاتشى اثبت انه رجل المهمات الصعبه .. واعاد نفس سيناريو اللقاء الدوري الاخير مع القداسيه ..

وشكراً ..
RAUL 7
30-01-2003, 06:36 AM
مبروك .. و اعتقد ان فوز الهلال في مباراته القادمة يكفيه للفوز بالبطولة :)

بالتوفيق للهلال ..:)

و من بطولة الى بطولة ان شاء الله..
DE NILSON
30-01-2003, 07:13 AM
الف مبروووك لجماهير الهلال الحبيبة
ولكن التحكيم كان مستواه فاشل

فكاد الحكم اللي مسوي حلو انه ينسف احلام الهلال
حيث انه حسب ركلة جزاء من وحي خياله
وهي بعيدة عن منطقة الجزاء حتى لعيبة العروبة تفاجؤو بالقرار
لكن الدعيع كلم الحكم بلطف وطلب منه استشراة المساعد البطل الكويتي
الذي ابطل قرار ركلة الجزاء
وعلى فكرة جمال الغندور قال ان الكرة من خارج منطقة الجزاء ويحسب للحكم المساعد انه ابطل القرار

ولكنه الحكم لم يبطل زناوا
حيث قام بإنذار احمد الدوخي لكي يغيب عن لقاء المحرق القادم

وكان يستهدف الغامدي


وكما ذكر العمدا الشريدة وسليمان فضحـــــــونا واحد عماني سوا شوارع بهم هذا عماني ومو قادر الشريدة يلحقه اجل لو كان اوين ولا شفشنكو
وش بيسوي ؟؟


سيدو بدرا عفش بزيادة والظاهر انه متعود على الكرة الافريقية الخشنة

الشلهوب لم يقدم شيء اللا الهدف الاول وفي اخر بع ساعة فقط

سامي ضربة الجزاء التي تسبب فيها حفظت ماء وجهه

الدعيع عيني عليه باردة ذكرنا بمستويات زمان
وانقذ الفريق من عدة هجمات خطرة وانفرادات


الدوخي بدأ يعود لمستواه


لطف رتب الوسط

الحربي تاه

الجمعان ركز شوي

الخثران: الشوط الاول كان سيء وبطيء

الملك نواف التمياط رجل المهمات الصعبة والفتى الذهبي
هو عريس الليلة
بهدف ماركة تمياطية
Love 4 evear
30-01-2003, 09:37 AM
مبروووووووووووووك والف مبروك الفوز الثاني مع ان الهلال قدم في الشوط الاول مستوى :! مادري وش لون لعب الهلال كذا وهذا من النادر حصوله في نادي كبير مثل الهلال بس اهم شي الفوز:D :D :D :0) :0) :0)



عالي والله عالي واسمه في العلالي
محب التانجو
30-01-2003, 09:48 AM
مااقدر اقول زياده عن اللي قلتوه الا مبروك لكل هلالي



والله عليك ياتمياط

نجم




مبدع




هداف




بالعربي فرييييييييييق كامل
( الزعيم )
30-01-2003, 11:32 AM
مشكور اخوي العمدا على المتابعه ..

و الف مبروووووووووووك للهلاليين هذا الفوز المستحق .. رغم انه جاء متأخر ..

يا عيني على الفتى الذهبي ..

بالتوفيق لزرق وعقبال البطولة انشاء الله

تحياتي للجميع ,,
DE NILSON
30-01-2003, 12:38 PM
والله نواف ظهر في الوقت المناسب بمقصية جميلة اعطتنا 3 نقاط غالية
MandN
30-01-2003, 02:09 PM
مبروك للهلال :0)
baresi
30-01-2003, 03:45 PM
الى متى ونواف التمياط على دكة الاحتياط
وخالد عزيز اجد انه افضل من سيدي بدرا الي اعتقد انه مقلب
ALGNAAS
30-01-2003, 08:58 PM
الف مبروك للهلال
zedan5
30-01-2003, 09:09 PM
لا حول ولا قوة الا بالله

صراحه يا هلاليين معجزة واحمدوا ربكم عليها انا كنت معصب عشان الخسارة اول وبعدين قلت باقي عشرة دقائق فقلت خلني اروح اتعشى عشان مافي امل ورجعت القى الحكم صفر والقى 2-1 :واو: :واو: :واو:
وعاد ابوي واخوي مستغربين

وصراحه مافزتم الا بعد الله ولعب الجابر والتمياط
العمدا
30-01-2003, 09:31 PM
الف مبروك للزعيم الفوز ..

وتشكرون جميعاً على الردود :)

وعقبال الذهب انشالله وامتلاك الكأس ;)
sniper-vip
30-01-2003, 09:38 PM
وخالد عزيز اجد انه افضل من سيدي بدرا الي اعتقد انه مقلب

صحيح

بالتوفيق لممثل السعوديه في المباراه القادمه



:)
العمدا
30-01-2003, 09:47 PM
ان بغينا الحق فسيدو بدرا مهوب ذاك اللاعب السئ للغايه ..

هو فيه مشكلتين .. ثقل حركته او على الاصح انه ما يتحرك الا اذا جاته الكوره والمشكله الثانيه لعبه الخشن !!

يعني اعتقد لو نعطيه فرصه بعد ما بيقصر ..

لان ما اعتقد ان هالنقطه غفلت عن بلاتشي ..

باذن الله خليجي موب منتهي الا وهو متغير من مستواه ..
DE NILSON
31-01-2003, 04:28 AM
الرسالة الأصلية كتبت بواسطة baresi
الى متى ونواف التمياط على دكة الاحتياط
وخالد عزيز اجد انه افضل من سيدي بدرا الي اعتقد انه مقلب


ايه واللله خالد عزيز افضل واحسن في المهارة

لكن سيدي بدرا يفيد في جسمه اللي زي البقرة