المساعد الشخصي الرقمي

مشاهدة النسخة كاملة : ليش ماتعملون شريط الدوري الياباني للأندية الكويتية؟؟؟طلب الى المبرمجين


abd700
02-02-2003, 11:50 PM
بسم الله الرحمن الرحيم اما بعد
يا جماعة يوجد بالأسواق شريط دوري الياباني للدوري السعودي، انا اطلب منكم طلب ممكن تعملون شريط للدوري الكويتي؟؟؟ خاصة فريق القادسية والعربي، ممكن؟؟؟

وشكرا لكم
Mesharey
03-02-2003, 12:24 AM
أولا اللي يبي يسوي :أفكر:



وثانيا وهو الأهم من قوة الدوري الكويتي :p كلها فرق ...:أفكر: مع العلم أني قدساوي ":"
خلاص أنسى شي أسمه منتخب كويت أو حتى الأندية وأنسى شي أسمه بطولات :o
ahmed316
03-02-2003, 02:25 AM
في فكره احسن, إنك تاخذ احسن 3 انديه من كل بلد وي تحطه في شريط واحد....
abd700
03-02-2003, 09:27 AM
ahmed316 في فكره احسن, إنك تاخذ احسن 3 انديه من كل بلد وي تحطه في شريط واحد....

خوش طريقة
Rivaldo
03-02-2003, 09:39 AM
هههههههههه حلوه
الله والدوري الكويتي المنتخب مو فالح تبي تدوري قوي الدول كله بدأ الدوري عندهم والحين داشين بالقسم الثاني واحنا تونا بادين
اقول خلنا على الدوري الاوربي ابرك ........................
abd700
03-02-2003, 10:22 AM
انا بسألكم سؤال منو الي يسوي الشريط وكيف يعرف اسماء الاعبين وكيف يضع طاقاتهم؟؟؟؟؟؟
يعني مثلا اخذوا من الكويت القادسية والعربي ومن السعودية الاتحاد والأهلي والخ

شرايكم بالفكرة الي طرحها الأخahmed316
؟؟؟

هل العمل بالشريط يطول؟؟؟؟
YagooT
03-02-2003, 03:58 PM
يا حبيبي من زين الدوري الكويتي ولا المنتخب

كل واحد يبي يفر ولا اخر شي يفر نفسه علشان يقول انا فنان


هههاها
والله من كثر مايحبون يتفننون الاردن فازت عليهم

هاهاهاهاههااهاهاهاههاها



يبه شوف اي فريق ثاني
ولا اقولك سم تبي نادي قوي

كبوري ولا لحظه




:)
Devil may cry2
03-02-2003, 04:44 PM
نص الاعبين الي يلعبون في ادوري لكويتي بدون :D :D
Limp _bisket
03-02-2003, 10:30 PM
العضاء الي ردوا كلهم كويتيين .........?:
Mesharey
04-02-2003, 01:17 AM
الرسالة الأصلية كتبت بواسطة Limp _bisket
العضاء الي ردوا كلهم كويتيين .........?:
عشان يبين ما نبي دوري للدوري السيء الكويتي :o ومو راضين عن لعبهم :o
الدوري السعودي ذبيست ":"




يا حبيبي من زين الدوري الكويتي ولا المنتخب
صدقت :أفكر:
abd700
04-02-2003, 09:05 AM
اللي مايبي كيفه بس على فكره منو الي يسوي التعديلات بالشريط بالمنتدى؟؟؟؟
لأني ودي اكلمه بالموضوع

لأني ودي لو يسوون شريط لأفضل الأندية العربية من كل بلد 3 فرق
SkaveN
05-02-2003, 08:43 PM
الي يسويه سعودي...
يعني ما يعرف شي في الفرق الكويتية
ولا يعرف قوة لاعبينها
يعني وش بيعرفه في الطاقات؟
abd700
05-02-2003, 11:33 PM
انزين هو موجود بالمنتدى؟؟؟
SkaveN
05-02-2003, 11:34 PM
ايه:-)
الوصلاوي
06-02-2003, 12:35 AM
الرسالة الأصلية كتبت بواسطة abd700
لأني ودي لو يسوون شريط لأفضل الأندية العربية من كل بلد 3 فرق
________________________________________

يا اخوي .. تعرف لو سحطون من كل بلد 3 اندية .. راح تشوف أندية ضعيفة مرة و أخرى قوية مرة .. يعني المستوى مو متقارب .. يعني مثلا لو فكروا يحطون فريق من الدوري الكويتي .. أنا اتوقع ما راح يكون في فريق غير الكويت الكويتي .. بحكم المستى الثابت للفريق و اللابين الجيديين الي يضمهم ..

و في بلدان ما راح تكون أنديتها مؤثرة (( عمان و البحرين )) ..

و من الامارات و السعودية (( حرام تحط بس 3 فرق مثل باقي البلدان العربية )) .. لأن الدوري الاماراتي يشهد قوه في الاداء و تقارب في المستوى بشكل غير طبيعي (( خصوصا هذا الموسم الي يعتبر من اقوى المواسم الي مرت على الدوري الاماراتي .. (( يعني لو يحطون فرق اماراتية راح يحطون : العين و الوحدة و الشعب و الاهلي و الجزيرة و الوصل )) كل هذي الفرق متقاربة في المسوى و لا يمكن التنبؤ بنتائج مبارياتها ..

و حتى من السعودية ما اعتقد ان 3 أندية كافية .. لان الدوري السعودي ما يزال دوري قوي و مثير ..

و بصراحة هذي تقسيمتي للفرق الخليجية :

من الامارات : العين - الوحدة - الشعب - الاهلي - النصر .
من السعودية : الهلال - الاتحاد - النصر - الاهلي - الشباب .
من قطر : السد - العربي - الاتحاد .
من الكويت : الكويت
من عمان ؟؟ ما اعرف المستوى في الدوري العماني
من البجرين : ؟؟ اعرف المستوى في الدوري البحريني ..


و في النهاية هذي مجرد آراء و تصورات و ان شاء الله محد يزعل مني .. و لا يعتقد اني قاعد استهزء بأحد ..

الوصلاوي :cool:
ahmed316
06-02-2003, 07:27 AM
مو لازم ثلاثة انديه بس, ممكن نزود انديه السعوديه و الإماراتيه مثلا...

نفس نظام الأنديه الأوروبيه, في 5 انديه إيطاليه, بس في 8 انديه إنجليزيه فا مو شرط من كل بلد 3 انديه بس, بعدين انا مو قاصدي نحط انديه خليجيه فقط, ولكن انديه عربيه افريقيه مثل الأهلى المصري و الزمالك و الرجاء البيضاوي...و انديه من تونس و الجزائر..
انا ممكن اسويها(الباتش) , بس المشكله في الطاقات...
إحنا ممكن نسوي 64 نادي (أنديه عربيه فقط), بس لازم على الأقل 20 واحد علشان نسوى باتش مثل هدا..
Mesharey
06-02-2003, 08:26 AM
من الكويت : الكويت
عندي تعليق على هالجملة :أفكر: ...
وين راحوا
السالمية
كاظمة
القادسية
العربي :أفكر:
هذا فريق من الدرجة المتوسطة :D الكويت
الوصلاوي
07-02-2003, 12:12 AM
ahmed316 : اذا تقدر بالفعل تسوي باتش .. (( أنا ممكن اساعدك على الطاقات للأندية الماراتية )) و بالنسبة للاندية المصرية .. صح لازم تكون في اندية مثل الاهلي و الزمالك و الاسماعيلي ..
و يالله نشوف واحد منكم يقول انا بسوي باتش .. و أنا راح أعطيه الطاقات ..



Mesharey :
:( شكلك زعلت .... أنا لو لاحظت قلت هذي مجرد آراء شخصية (( لأني مو من المتابعين للدوري الكويتي . بس اعجبي اداء الكويت الكويتي في البطولة الآسيوية يوم لعب مع الاهلي الاماراتي )) بصراحة قدم أداء ممتاز و أحرج الفريق الاماراتي ..

و شكراً .

الوصلاوي :cool:
ahmed316
07-02-2003, 01:36 AM
باس انديه الإماراتيه؟؟
الوصلاوي
07-02-2003, 08:39 AM
الرسالة الأصلية كتبت بواسطة ahmed316
باس انديه الإماراتيه؟؟

ما فهمت قصدك ..
اذا تقصد اني مساعدتي راح قتصر على الاندية الاماراتية .. فا شو تباني اسويلك في طاقات باقي الاندية غير الاماراتية .. (( على العموم مو مشكلة )) ...

أنا اقدر اعطيك طاقات الاندية الاماراتية و الاندية الاخرى نقدر نحصل على طاقاتها بسهولة ..

الوصلاوي :cool:
Mesharey
08-02-2003, 12:29 AM
الرسالة الأصلية كتبت بواسطة الوصلاوي
Mesharey :
:( شكلك زعلت .... أنا لو لاحظت قلت هذي مجرد آراء شخصية (( لأني مو من المتابعين للدوري الكويتي . بس اعجبي اداء الكويت الكويتي في البطولة الآسيوية يوم لعب مع الاهلي الاماراتي )) بصراحة قدم أداء ممتاز و أحرج الفريق الاماراتي ..
الوصلاوي :cool:
أنا اللي آسف :)
بالنسبة للفريق الكويتي زين :) ...
الوصلاوي
08-02-2003, 02:05 AM
مو مشكلة يا Mesharey ... المهم ان شاء الله نقدر نسوي نسخة عربية تحتوي على افضل الاندية العربية ..

الوصلاوي .:cool:
البواسل
08-02-2003, 03:19 AM
والله موضوع مثير صراحة واللي استهزأ بالكويت والدوري الكويتي

اقوله كفاية انهم اخذوا بطولة الاندية العربية وهو العربي الكويتي ولكن هذا ما يدل على قوة الدوري الكويتي لأن بصراحة صعبة بسبب محدودية الاندية القوية

وبالنسبة لي انا اعلق على كلام الوصلاوي واقول انت اعتقد غلطت يوم حطيت الجزيرة لأنك اول شيء كتبت الجزيرة بعدين النصر وانا ارجح كفة النصر اكثر لأنه بمستوى بهالدوري

وللأسف الوصل لو كان شايل المجلس كامل وجيبلهم من قبل ايمانويل لنافسوا بالدوري وخاصة انتفاضتهم الاخيرة امام الاهلي فريقي يوم غلبتونا :غضب: ويوم تعادلتوا مع العين واسعدتونا :0) :0)

ومبروك لكم الفوز ولكن لو كان كريمي موجود معنا لكان الامر مختلف بس هنيئا لكم الفوز وعن هالشريط انا اتمنى وجود 6 اندية من كل بلد خليجي
ويكون الشريط خليجي بالاول يكون افضل

ومن الامارات كفاية 5 يستاهلون
1- الاهلي
2- الوصل
3- الوحدة
4- العين
5- الشعب

والسعودية وكما هو الحال بكل الخليج
وانا اقول لو اول شيء دوري خليجي يكون افضل لأن كل بلد خليجي بتجيب 6 فرق وهو شيء كافي ولكن باستثناء عمان والبحرين عشان ما نبي نعمق اكثر بالدول العربية لأنها بتكثر


ويوم تقول يا اخ وصلاوي انك تعرف باتش ليش ما تطور موهبتك وتعمل لنا دوري اماراتي وخاصة انك تعرف الاندية الاماراتية ومستواها اذا مو مباشرة من خلال دورينا واذا تبي تعرف التشكيلة لكل نادي هناك ابوظبي الرياضية
تنقل برنامج دوري الامارات ويحطون التشكيلة وهذا مع اعطاء كل ذي حق حقه في الدرجات

شو رايك وأي مساعدة انا جاهز وارجو انك تراعي اذا بتعمل دوري اماراتي بأن يكون لك كافة معلومات عن اللي يخرب العدسة وتاخذ احتياطاتك مو مثل المشكلة اللي انعملت لداحم توتا

وآسف للأطالة وارجو منك ان تقول رأيك
الوصلاوي
09-02-2003, 05:02 AM
البواسل : أنا معاك ان النصر اقوى من الجزيرة (( بس راحوا عن بالي من قبل )) ..

و اما سبب ذكري للجزيرة هو : (( حسارة ان اللعبة ما يكون فيها : جورج ويا + العنبري + جيمس ديبا + بخيت سعد + حسين سهيل و باجي اللاعبين )) ..

بس طبعا لازم الكل يعرف : اني يوم راح اسوي باتش لاوم راح يكون أول نادي أحطه هو الوصل لأني (((((((((( وصلاوي متعصب ))))))))) ..

و بالنسبة لمعرفتي بأسامي اللاعبين و التشكيلات و الطاقات (( لا تشيل هم أنا عندي خبرة كافية و معرفة تامة بالدوري و اللاعبين )) ...

و ان شاء الله في اجازة الصيف راح أسوي باتش (( بإذن الله )) و راح يظم كل فرق الدرجة الأولى في الامارات ..

و السبب الي يخليني ما اسوي باتش الحين هو المدارس (( لأني مجتهد و الحمد لله ))

و طبعاً راح يكون الشريط يضم :
1- الوصل :cool:
2-العين
3- الوحدة
4- الأهلي (( هاردك لك على خسارتكم من الوصل :D ))
5- النصر
6- الشعب
7- الجزيرة
8- الشباب
9- الشارقة
10- الظفرة
11- دبي
12- الاتحاد


و بما انك قلت انك تقدر تساعدني (( خلك جاهز في الصيف ))

ان شاء الله

الوصلاوي :cool:
الوصلاوي
09-02-2003, 05:07 AM
ان شاء الله يعذرونا الأخوان الي من الكويت ..... قلبنا الموضوع للدوري الاماراتي

:D :D :D :D :D
البواسل
10-02-2003, 08:42 AM
خلاص اخوي اتفقنا

طبعا اول شيء اهتم بدراستك لأنها هي اللي بتفيدك

وبنفس الوقت ارجو انك ما تنسى هالفكرة بالصيف:0)


ولو يكون فيه درجة ثانية يكون احلىىىىىىىىى بكثيررررررر والله

ولو اني ادري انها صعبة بس لو يكون افضل ولو سمع احد المسؤولين هالفكرة لكان فيه دعم كبير لك بحكم انك بتشهر الدوري الاماراتي

ولكن انشاله ينال الشريط استحسان الجمهور

وياليت كل واحد تعطيه حقه من الدرجات يعني انا اهلاوي وانت وصلاوي وذاك نصراوي لازم ننصف في الدرجات

فياليت مراعاة هالشيء


والف شكر جزيل لك