a journy to the moon (an RPG story)

[flarestar]

هذا تصميم سويته على القصه

اتمنى يعجبكم


http://www.webpost.net/la/ladylove/header2.jpg

Chapter1: a friend in need

بالغابة المجاورة لقرية "ريدج" كان فيه بنت وولد من القرية طالعين يتمرنون على القتال

ولما مروا من عند الجدول وقف الولد يشرب ماء بس اخته مشت و خلته

رفع الولد راسه التفت يمين و يسار يدور عن اخته مالقاها

........: وين رحتي انتظريني

و قعد يدور عنها مشى و مشى لين سمع صوت بنت تغني

........: Somewhere over the rainbow
We hop high
There is a land that I heard of
Once in along time
Somewhere over the rainbow
The skies are blue
And the dreams that you dare to dream
Yes they do really do come true

.......: احب كلمات الاغنيه من وين تعلمتيها يافلير

فلير: يوه يوسف كنت تسمعني؟ تعلمت كلماتها من جدتنا كانت تقول ان كلمات هالاغنيه لها معنى بس اظنها من خرافات القدماء ولا وش رايك يايوسف؟؟

يوسف: وش رايي ؟ وش رايي بكلمات الاغنيه ولا بصوتك اللي بسبته هربت كل الحيوانات و صار ماعندنا شيء نتدرب عليه

فلير : :غضب: وش قلت سمعني مره ثانيه

يوسف : ماقلت شيء :أفكر:

فلير: طيب يوسفوه ... انت تقول صار ماعندنا شيء نتدرب عليه صح؟

يوسف : ايه لانهم هربوا من صوتك الجميل :6

فلير(وهي تضحك بنجاسه): طيب وش رايك لما اقول لك اني لقيتك هدف التدريب حقي هي هي هي هي

يوسف: صدق وينه؟

فلير : هذا هو قدام عيوني...

ورفعت القوس حقها و صوبته على يوسف اللي كان توه ينتبه لها

يوسف : لا مو انا مابي اصير الهدف

حاول يهرب بس فلير اطلقت السهم من القوس و بين لحظه و اخرى و يوسف كان معلق على اقرب شجره

يوسف : فلير الله يعافيك مو هالحركه مره ثانيه اسف ماراح اعيدها مره ثانيه

فلير بسخريه: اممممم مين اللي المره الماضيه قال "اسف ماراح اعيدها مره ثانيه "

و قربت لم يوسف و حطت تفاحه على راسه

فلير : لا تتحرك و لاراح يجيك شي

يوسف بسخريه: من اللي المره الماضيه قال كذا و مدرينا الا و السهم داخل برجل الخيل

فلير: :": المره الماضيه كنت مبتدئه الحين انا خبيره

يوسف: الله يعافيك فلير انا اخوك الصغير اليتيم مابي امووووووووووت :"

فلير :too late brother

و صوبت السهم على يوسف

فلير: ready or not here I come

وفجأه سمعت فلير اصوات من الحشايش كأن فيه حيوان او شيء طالع من ورى الحشايش

فلير بحذر: يوسف انتبه فيه شيء وراك

يوسف : طيب انتي نزليني من هنا عشان اشوف ايش هو

وراحت فلير بسرعه ونزلت يوسف

وقعدوا يناظرون الحشايش بترقب وخوف

يوسف رافع خنجره : تتوقعين حيوان مفترس

فلير مجهزه قوسها: ممكن أي شيء خلك جاهز

يوسف: وقف عن الحركه!!! تتوقعين راح؟؟

فلير: مدري ممكن ينتظرنا نقرب؟

يوسف: خل نروح نشوف

فلير: بس ممكنه شي مانقدر عليه

يوسف: هههه مافي شي ما اقدر عليه انا يوسف مين يقدر يهزمني

فلير : تبي اذكرك من الاثنين اللي هزموك اخر مره
يوسف و هو يكشف عن الحشايش: باهموت!!!

فلير : ايه باهموت و..........

قاطعها يوسف وهو منفجع: فلير تعالي شوفي

فلير:وشو :واو: باهموت!! باهموت!!

الشي اللي شافوه يوسف و فلير ورى الحشايش كان صديقهم باهموت

بس كان باهموت طايح على الارض و جسمه مغطى بالدم

فلير وهي تهزه : باهموت باهموت ايش صار لك؟؟ .... باهموت اصحى!!

يوسف : فلير خل نرجعه للقريه :(

فلير: باهموت اصحى وش صار لك و وينه هو ليش مو معك؟

باهموت بصوت متقطع : اليكس ....انقذوا اليكس...الاحلام تصير حقيقه...تلقونه هناك

و اغمى على باهموت

فلير : يوسف جب الخيول بسرعه

يوسف اطلق صفره عاليه :اليكسانــــــــــــــــــــدر..........ماجيـــــــــــــــــك...............

و بلحظات كانت الخيول عندهم ركب يوسف و اخذ معاه باهموت على اليكساندر و ركبت فلير على ماجيك

و انطلقوا باقصى سرعه لقريتهم

وش بيصير بباهموت ؟؟ هل بيقدرون ينقذونه؟؟و مين اليكس اللي تكلم عنه؟ ومن ايش ينقذونه؟وش قصد باهموت ب"الاحلام تصير حقيقه"

تابعوا معنا القصه وبتعرفون وش بيصير لهم


-------------------------------------

قولوا لي وش رايكم وهذي قصه خيال في خيال لانها قصه ار بي جي:)

[Auron]

ماشالله اليوم موضوعين ورا بعض:6

راجعه بقوه :p


بس القصه بدايتها مشجعه لكن الجزء حاس انه قصير شوي http://www.webpost.net/sp/spikeyman/dog.gif


بس حماس لكن بتخلينها حول اعضاء المنتدى ولا كيف؟:أفكر:

[flarestar]

هههههه ايه راجعه:6

لا بس هذي لان حبوبات طلبوا مني احطها بسرعه



وطول القصه انا كنت احسب بتشتكون انها طويله:":

بس انشاء الله اطولها بعدين


و اكيد القصه عن اعضاء المنتدى;)

[احمـ 9000 ـد]

اقول ايش معناة RPG؟؟؟؟؟؟؟؟؟؟؟؟؟؟؟؟؟؟؟؟؟


لو اسال من يوم لي بكرة ما حد جاوب

:p

[Undine]

روعه :D


شكلها شي و حلوه انها تصير زي الار بي جي


كملي بسرعه تحمست معها:#

[Arsene Lupin]

حلوه البدايه...




بس يكون افضل لو كانت اطول طبعا... (حسي بالي احسه اذا جيت اكتب قصتي...) :"


يعني اذا بتنشرين... حاولي ما يكون الجزء اقل من 5 صفحات في الوورد :6





و يفضل انك تكونين منتهية من القصه قبل ما تبدينها :": ... يعني موب كل شوي تألفين زود :6



ننتظر التكمله

[flarestar]

الرسالة الأصلية كتبت بواسطة احمـ 9000 ـد
اقول ايش معناة RPG؟؟؟؟؟؟؟؟؟؟؟؟؟؟؟؟؟؟؟؟؟


لو اسال من يوم لي بكرة ما حد جاوب

:p


RPG means role palying games

يعني الالعاب اللي فيها ادوار زي فاينل فانتسي و غيره:) <==شكرا يامن علمتني عنها:-)


انديني اصبري شوي في ناس ماقروا

[flarestar]

الرسالة الأصلية كتبت بواسطة Arsene Lupin
حلوه البدايه...




بس يكون افضل لو كانت اطول طبعا... (حسي بالي احسه اذا جيت اكتب قصتي...) :"


يعني اذا بتنشرين... حاولي ما يكون الجزء اقل من 5 صفحات في الوورد :6





و يفضل انك تكونين منتهية من القصه قبل ما تبدينها :": ... يعني موب كل شوي تألفين زود :6



ننتظر التكمله

دوب:p

هذي 3 صفحات بس و انا كاتبه 6 اجزاء الحين نفس الطول تقريبا بعدين ببدا اطول:D


اصبروا علي ياجماعه:"

[احمـ 9000 ـد]

شايفتني اعرف الفنتاسي هذا

علشان اعرف الار بي جي

:p

[Auron]

بتحطين التكمله اليوم عشان استانها ولا باطلع ما عندي شي اسويه :6

[flarestar]

الرسالة الأصلية كتبت بواسطة احمـ 9000 ـد
شايفتني اعرف الفنتاسي هذا

علشان اعرف الار بي جي

:p

في احد مايعرف فاينل:!


اورون ما اقدر احطها اليوم في ناس واجد ماقروا:(


ممكن بكرى او بعده:-)

[{gaia_girl}]

حركاات ^__^ بليز كملي!!

[RPG_master]

مشكورة على القصه

الجزء الأول حلو

لكن قصير ._.


يالله ننتظر الثاني بس يا ليت يكون اطول :6

[احمـ 9000 ـد]

انا ما اعرف غير الويننج الفن

:p

[SUPER_SAIYAN]

ماشاء الله :0) صرتي كاتبة قصص ..... صراحه البداية حلوه .. :-) نترقب التكملة ..

والله يعطيج 1560 عافية :cool:
ويخليج ربي ":"

* http://66.33.81.18/main-mask/m72.gif شو رايج تشوفين قصتي .. موجوده في التوقيع .. ":"

[~MâLâK~]

الله انا فيها كشخه:cool:


والتصميم ماشاء الله روعه ;)

حلووووه حوبه مرره:0)


تراني تحمست وخلي الجزء الثاني طويل شوي :6


انتظر التكمله:0)







ياللهslaaaaaaaaaaaaaaaaaaaam

[انجلينا17]

كخخخخخخخ حلوه اختى فلاير

كملي بسرعه :6 تحمست

[usef]

واااااااااااااااااو

كوول........كملي بسرعه تراني متشقق :D

[alex]

بسم الله علي http://www.webpost.net/sp/spikeyman/dog.gif .. ما ابي اموت توني بزر http://www.webpost.net/sp/spikeyman/dog.gif




القصه حلوه ... بس زي ما قالوا ... قصير الجزء ... شوي شوي هدي السرعه :أفكر:

[Y a z e e d]

توووووب :p
كملي it`s so cool :)

[Lena]

حلوه البدايه فلير<===يعنني كني معرف القصه كلها:p

بس بيلف مي راح راح تعجبكم

[memy]

فليييييييييييييييييييير :"

رديت اخيرا :!


القصه روعه تسلم اناملك :D


مشكوره حوبه على القصه :D

[flarestar]

قايا غيرل....مشكوره:)
=====================

------------------
شوشه فاذر:cool: <==حطيته عشانك تكرهه:6

ثوكرن و انشاء الله اطول الاجزاء الثانيه
-----------------
احمد القصه خياليه باختصار:p
---------------
سوبر سايان مشكور اخوي و انشاء الله القى وقت اقرى قصتك--------------
ملوكه حوبه تسلمين
بس اخاف تزعلين من دورك:":
انتي بتطلعين باجزء الرابع;)
--------------
انجلينا مشكوره:)
--------------
خوباج اشوى انك تعاندت مع ارسين عشان تقراها:p

وعن الصوره بالجزء الثاني بيطلع شيء يوضح ليه شكلك كوذاhttp://www.webpost.net/sp/spikeyman/dog.gif
---------------------
يوسف تحمست :6
تيب متى بتكمل الكوميكس ترانا متحمسين
-------------------
اليكس:-) arigatoooo
dont worry you are not ganna die;)

ممكن سؤال؟وش علاقتك مع الوجه اللي يفكر:p ؟؟

واهدي السرعه بأيش:6 ؟؟
----------------
انجلز نايت
مشكور على المرور
----
لينا:)
ايه وشلون بحط القصه و انا ما اخذت رايك :#


ميمي لولولولولليييش:" اخيرا:6 يله هذلني بكمل

[flarestar]

الجزء الثاني اخذ 6 صفحات بالورد قولاو لي وش رايكم عشان اذا اعجبكم احط لكم الجزئين الثالث و الرابع مع بعض:)


Chapter2: the last words

شوفوا التصميم
http://www.webpost.net/la/ladylove/header1.jpg

انطلقوا فلير ويوسف باقصى سرعتهم عشان ينقذون باهموت

ولما وصلوا للقريه انطلقت فلير:" بسرعه بسرعه!!!" وهي تصرخ

-نادوا الدكتور بسرعه باهموت مجروح!!!

صارت خبه شوي بالقريه و جو رجال القريه شالوا باهموت و اخذوه لم بيت الدكتور

فلير وهي تفتح باب بيت الدكتور بسرعه: DNA تعال بسرعه عندنا حاله خطيره !!!

DNA : بسم الله ايش صار ؟؟

فلير: باهموت!! باهموت لقيناه مجروح في الغابه!!

DNA : باهموت!! غريبه طيب وين اخوه عنه ؟

فلير: حنا ماندري وين اليكس الحين بس ارجوك تعال شوف ايش في باهموت عشان يقول لنا ايش صار لاليكس!!

DNA : حالاً ...

في الوقت اللي كانت فيه فلير توصل باهموت للعياده كان يوسف يكلم زعيم القريه ويشرح له ايش صار بالتفصيل

اودين: انت متأكد انه قال كذا!!!

يوسف : ايه هذا هو الكلام اللي قاله بالضبط (اليكس...انقذوا اليكس...الاحلام تصير حقيقه...تلقونه هناك) حتى اسئل اختي هي كانت معي

اودين: هذا شيء غريب باهموت و اليكس اقوى مقاتلين قريتنا واحد منهم مختفي و الثاني مجروح و بحاله خطره مين او ايش هذا اللي يقدر يسوي فيهم كذا

يوسف: ماراح نعرف الا اذا صحى باهموت...

اودين:اذا صحى :o...مايهم خل الحين نروح نتطمن على حالته :)

يوسف: اكيد فلير قاعده هناك خل نروح نسألها...

راحوا يوسف و اودين عند العيادة بس مالقوا فلير هناك

يوسف: غريبه!! وين راحت بهالوقت !!

اودين: ممكنه تعبانه وراحت ترتاح...

يوسف:لا ما اظن فلير ترتاح بوقت زي كذا... هيه كلير وين فلير شفتيها...

كلير:اظني شفتها تروح من جهة بيت حكيم القريه...روح شوفها و انا بقولكم اذا صار أي شي جديد هنا

يوسف:ok يازعيم بتجي معي ولا بتنتظر هنا

اودين:لا بجي معك بشوف فلير وش عندها مع هارب الحكيم...

واتجهوا لم بيت حكيم القريه هارب عند الباب لقوا انجلينا حفيده هارب العجوز

اودين: انجلينا شفتي فلير...

انجلينا:ايه شفتها دخلت عند جدي و قعدته تسأله اسئله واجد ... بعدين جدي قال لي اطلع وما اخلي احد يدخل...

يوسف: ما احد يدخل !!! حتى اودين :أفكر:

اودين بهدوء: اذا هارب الحكيم مايبي احد يدخل عنده ... اكيد عنده شيء مهم ... لذلك لازم نحترم طلبه...

يوسف بينه وبين نفسه: (الحين ابيك تتحمس عشان تدخل و ادخل معاك...ااااه ماحطوك الزعيم من فراغ :o)

بداخل بيت هارب كانت فلير قاعده قدامه وهي في قمه الخوف

فلير: بس يا هارب لازم ندور عنه

هارب: اهدي وريحي اعصابك وتذكري(بالعجلة الندامه وبالتأني السلامه)

فلير: بس باهموت ماقالنا الا هالجمله و انت ماتعرف شي عن هذا المكان يعني الى متى بننتظر..؟؟ ماندري اليكس كيف حالته الحين هل هو بخطر او لا هل هو حي او..............لا ما ابي افكر بهالشيء

هارب: ننتظر يوم اذا ماصحى باهموت تروحين تدورين عنه و لما يصحى باهموت نرسل معك احد يساعدك

فلير: انا!!! بس انت تعرف اني مو جاهزه اني اطلع خارج حدود القريه ...

هارب: تاخذين اخوك معك وتدورون عن دلائل عن مكان اليكس...واذا عرفتوه تجون تطلبون المساعده من مقاتلي القريه ...

فلير: بس ليش مايجون معنا من البدايه...

هارب: فلير فكري بعقلك مو بقلبك...

فلير: بس...

هارب: اذا خلينا محاربي القريه يطلعون يدورون عن اليكس مين بيبقى يحمي القريه ؟ ممكن اللي سوى كذا باليكس وباهموت كان يقصد قريتنا بس هم حاولوا يوقفونه لازم يبقى احد يحرس القريه...

فلير: :(

هارب: لا تقلقين اليكس وعدنا كلنا انه بيرجع:) وهو من النوع اللي ما يخلف بوعده...

فلير: ايه صح... اهل قريتنا مايخلفون بوعودهم:)...طيب انا بروح اطمئن على باهموت

هارب : بجي معاك...

لما طلعوا من بيت هارب

يوسف: فلير أخيرا طلعتي!

فلير: و انت وش مقعدك هنا ليش ماقعدت عند باهموت...

اودين: لا تخافين اذا صار شيء جديد هناك حنا ارسلنا انجلينا و فيه كلير هناك بيعلموننا

هارب:و الطيب عند سيرته...

فلير:ايش قصدك:?

كلير و انجلينا جايين يركضون من بعيد :باهموت صحى تعالوا بسرعه اسرعوا DNA يقول انه احتمال مايقعد صاحي طويل...

وانطلقوا لبيت الدكتور دخلوا بسرعه

فلير: باهموت!! كيف حالك الحين؟

يوسف: قل لنا من اللي سوى فيك كذا؟؟

اودين:باهموت ايش صار بالضبط ممكن تشرح لنا ايش صار؟؟

هارب: شوي شوي عليه ياجماعه...

DNA: شوي شوي ياجماعه لا تكثرون عليه الازعاج ترى بيضره... وخلوه يتكلم على راحته...

باهموت يتكلم بثقل: هف هف هف... ارجوكم انقذوا... اخوي... ماراح يقدر يهزمه لحاله...

اودين: يهزم مين و ين اليكس الحين؟؟

باهموت: واحد شرير... الشر يتطاير من عيونه... وقوي قوه مو طبيعيه... قابلناه انا و اليكس و مارضى يخلينا نمر لم المكان اللي كنا رايحين له... الا اذا هزمناه...

هارب: وطبعا انت و اليكس حاربتوه...

باهموت: خوباج مارضى يخلينا نتقدم او نتراجع الا بقتال ماكان عندنا خيار الا اننا نواجهه...

فلير بحقد:اسمه خوباج ...

باهموت: ايه لما اليكس شاف انه قوي مره علي… راح هو اشغل خوباج… عشان اهرب و اعلمكم

يوسف: طيب كيف تأذيت كذا!!

باهموت: لما هربت سمعت صرخة اليكس وكأنه يتالم :( وبعدين وقفت شوي و التفت و لقيت خوباج وراي تماما

فلير: وش صار بعدين ...

باهموت: ركضت وركضت باقصى سرعتي بس هو كان وراي و لما وصلت الوادي ماكان عندي الا اختيار واحد...كح كح كح

DNA: باهموت لا تجهد نفسك...

باهموت: لا انا بخير...قررت اني انقز في الوادي و اكيد النهر بيخفف علي الصدمه...هف هف هف ... بس لما نقزت خوباج اطلق علي ضربه قويه حسيت اني بتقطع اسم ضربته....Dark matter ... ااااااااااه

DNA : باهموت !! خلاص لاتتكلم اكثر!! باهموت..

اودين: DNA ايش صار لباهموت؟؟

DNA : للاسف باهموت ماراح يقدر يتكلم لكم اكثر...

يوسف: مات!!!

فلير: مستحيل!!!

DNA: لا ما مات بس دخل بغيبوبه و الله اعلم متى بيقدر يطلع منها...

[flarestar]

هارب: و ماقال لنا وين المكان اللي فيه اليكس...

اودين:ايش راح نسوي الحين؟

فلير:..........................................

يوسف بقلق :فلير!! ايش اللي يدور ببالك؟؟

فلير: هارب اظن اني بسوي اللي اتفقنا عليه...

هارب: متأكده...

فلير: اليكس صديق طفولتي و ماراح اتخلى عنه بوقت الحاجه ...

اودين: ممكن اعرف على ايش اتفقتوا...

هارب: فلير بتروح تدور عن اليكس...

اودين: بس فلير انتي....

فلير: اعرف اني مو جاهزه لهذا النوع من الاشياء بس انا ويوسف اول ناس شافنا باهموت و طلب مننا اننا ننقذ اليكس و انا ماراح اخذله...وبعدين انا ويوسف ماكنا نتدرب على الفاضي صح يوسف:)

يوسف: وش قصدك انا ويوسف...لاتكونين ناويه تاخذيني معاكي...

فلير: وشلون اعيش بدون اخوي الصغير:0) وهدف التدريب حقي بعد:أفكر:...

يوسف : و انا مالي رأي في ذا الشي:!

اودين: يوسف تذكر وعدك لامك و ابوك قبل لايموتون

هارب: لا تنسى ذاك الوعد ابدا...

يوسف: ماراح انساه ابدا طول ما انا عايش...

فلير: ?: هه أي وعد...

يوسف: مالك خص تعرفينه بعدين...

اودين وهارب:ههههههههههه

فلير: طيب يله نستعد للرحله و نجهز اسلحتنا و اغراضنا....

اودين: فلير بما ان قوتك هي قوه الwind خليني اعلمك هالقوه هذي القوه تساعدنا على علاج الجروح راح تكون ضعيفه في البدايه بس لما تستخدمينها و تتعودين عليها بتقوى و راح تتعلمين قوى ثانيه بعد

فلير: شكرا يازعيم:)

وتعلمت فلير قوه wind of healing

يوسف: و انا مالي دروس خاصه...

اودين: للاسف انا قوتي wind مو earth ...

هارب : انا قوتي earth زيك... تعال عندي بعدين عشان اعلمك ;)

يوسف: انت قوتك earth !! توني ادري:p

فلير: اوكي... بكرى تبدأ اول مغامره بحياتنا يايوسف ...

يوسف: و اتمنى تكون مغامره خاليه من المشاكل...

بدوا فلير و يوسف يجهزون اغراضهم و اسلحتهم و يجهزون خيولهم لأول مغامره بحياتهم

وش راح يصير لهم في هذي المغامره؟ مين الناس اللي بيقابلونهم؟ و مين الاشرار اللي بيواجهونهم؟ هل بتكون هذي الرحله رحله بسيطه للبحث عن صديق او انها بتنتهي بشيء ماكان على خاطر احد.........!!

[RPG_master]

شكرا على التكمله الحلوه

ومن رأيي تحطين اكثر من جزء كذا احسن..


تعال عندي بعدين عشان اعلمك;)

ههههههههههههااااي انتبه لنفسك شكله ناوي على شر:6

[usef]

الاااااه ...... شوووووو هيظاااااا <---((يلعن ابو اللبناني :D ))

كملي ولا اقط نفسي من الدريشه :6





تيب متى بتكمل الكوميكس ترانا متحمسين

لعده اسباب:-

1-مشغول مع ناس مهمين جدا هالايام(لايروح فكركم بعيد:D )

2-ماعندي وقت فراغ

3-شوفوا لي حل ادمنت الشعب :D ":" و مشخالها

4-النوم سلطان و خميس و حمود و كلهم <---(مليييق:" )

[Arsene Lupin]

تصاميمك خرافيه :0)




القصه حلوه... بس الجزء ذا ما فيه احداث كثيره...




ثانكس

[flarestar]

شوشه هذا جزء واحد

بحط الجزء الرابع مع الثالث بس انتظر ميمي تجيب الصوره:"

----------------------------

يوسف

انتحر:6

لا تصدق عاااااد:6

بس ننتظر باقي الكوميكس ماراح ننسى:p

[flarestar]

الرسالة الأصلية كتبت بواسطة Arsene Lupin
تصاميمك خرافيه :0)




القصه حلوه... بس الجزء ذا ما فيه احداث كثيره...




ثانكس

هذا التصميم ابي اصيح اذا شفته:(

عرصين لازم فيه عيب:p

ويغكم

[usef]

بس ننتظر باقي الكوميكس ماراح ننسى
انشاله لما يصير الفنار سوق شعبي :D
و الشعب سوق اعبي:D
و لما اخوي ما يشرب بيبسي:D خخخخخخخ...


لا تصدقين عاد ....انا انشاله راح اكملها بعد كورس الرسم خخخ:D

[Arsene Lupin]

الرسالة الأصلية كتبت بواسطة flarestar


هذا التصميم ابي اصيح اذا شفته:(

عرصين لازم فيه عيب:p

ويغكم



مابي يكون ردي "شكرا ننتظر الي بعده" وبس :":

:6

[Lena]

wondeful story flare


go on ;)

[Undine]

هلاع فليرون

معليش جايه متأخر:#


بس وش اسوي كنت مشغوله شوي


وروعه التكمله وكونتينيو تراها تهبل


والتصميم تسذا http://montada.com/images/icons/icon14.gif راكب مع الاحداث

[Angel whisper]

nice stooory flare ^^

والبنت اللي هي انا تشبه فينسينت فالانتاين ..

يعني تشبهني :p

تسلم صوابعك الحلوة عالقصة :)

وفي انتظار المزيد :)

وبليز كملي بسرعة ..

احب هالنوع من القصص :":

[~MâLâK~]

Verey Nice:"


كملي تراني متحمسه:":


وميمي جيبي لها الصوره بسرعه:غضب:



وباالنسبه لدوري عادي اهم شي إني فيها":"











ياللهslaaaaaaaaaaaaaaaaaaaam

[usef]

ترا مليت وانا انتظر :(

[Justine]

كووووووووول سيس ^^


رهيبة القصة خصوصن انه البداية كانت بتوقيعي ":"


يلللا ناطرين التكملة ^^

[flarestar]

ودي اكمل بس:" مو راضي يفتح لا جيران ولا ويب بوست وش اسوي:"

[..daredevil..]

الرسالة الأصلية كتبت بواسطة flarestar
ودي اكمل بس:" مو راضي يفتح لا جيران ولا ويب بوست وش اسوي:"

وانا عندي توقيع ماني قادر احطه:" :"


القصه رائعه.....انشاء الله ينفتحوا وتكمليها:أفكر:

[memy]

واااااااااااااااو فليرون روعه :0)

بس ويني انا ؟ متى اجي ؟ :":

بسرعه كملي القصه :D


لو تعرفين انه الساعه 1 فتح الويب بوست :6

كان يعاندك :6

[rushin_911]

قصة جميلة :)

على فكرة إن احتجت موقع فأنصحك anglefire.com لأنه يعطي 20 ميجابايت مساحة مجانية و و ما في حدود على حجم الملف الواحد (طبعاً لازم يكون أقل من 20 ميجابايت هذا هو الحد الأعلى)
و أنا عندي account في الموقع لو تبين وضعت الصورة اللي تبينها في الaccount حقي...

[HArb200]

روووعه ,, بس الشين فيها .. أني شايب .. ياهوه تونا على التخريف ؟!

وياخوباج تستقوي علي .. على الشيبان .. افا >>حنكه ودهاء ":"

[SUPER_SAIYAN]

:0) يا سلام ... بدأت الرحلة ..... :0)

شدي حيلج .. نبى نشوف هذه الرحلة ..

والله يعطيج 1560 عافية :cool:
ويخليج ربي ":"

[alex]

خنبوج .. ابعد عني http://webpost.net/sp/spikeyman/dog.gif

[flarestar]

http://angeltear.jeeran.com/header3.jpg



Chapter3: into the mysterious castle

باليوم التالي بدوا يوسف وفلير برحلتهم بعد ما ودعوا أهل القرية... انطلقوا عبر الغابة باتجاه الوادي اللي تكلم عنه باهموت... بس الجسر كان مقطوع وماقدروا يمرون من فوقه...

مشوا على حدود الوادي على امل يلقون جسر ثاني...و هم يمشون لقوا رجلين كان شكلهم يثير الشبهه...لابسين اسود بأسود... وكانت على وجوههم اقنعه...و عيونهم...كانت مرعبه لدرجه غير طبيعيه...عيونهم كان لونها احمر زي لون الدم...

يوسف:فلير وقفي شوي...

فلير:وش فيك!!! خل نروح نسألهم ممكن يعرفون وين مكان اليكس...

يوسف: فلير شوفي عيون هالرجلين...

فلير:oh my god ... عيونهم حمرا...

يوسف: فلير اظنهم من قبيلة الcrimson eyes اللي قال لنا عنهم اودين...

فلير: طيب وش نسوي الحين؟

يوسف: لازم مايكتشفون اننا موجودين...لانهم اذا كانوا من ال crimson eyes من جد !!! فانهم بيقضون علينا بلمح البصر...لانهم زي ماتعرفين مشهورين بقوى السحر الأسود

فلير:اييييي ?:....طيب وش رأيك نراقبهم من بعيد لبعيد أحسن...

يوسف: راح نتورط إذا اكتشفونا بس....ممكنهم يعرفون شي عن هذا المكان اللي تصير فيه الأحلام حقيقة...

قاموا يوسف و فلير يلاحقون الرجلين و يتسمعون على كلامهم

الرجل الأول: يله بسرعه ترانا تأخرنا....القائد بيقتلنا اذا تأخرنا اكثر...

الرجل الثاني: لا تخاف منه بس :o ...

الرجل الأول:هيه يا اي رول أنت تعرف القائد إذا عصب ما يهمه اللي قدامه عدو ولا حبيب...

اي رول: طيب طيب خلاص ياez2dj ولا يهمك و لاتخاف هذانا و صلنا للقصر...

فلير و يوسف وقفوا من الدهشه و قعدوا يناظرون المكان اللي قدامهم كان فاضي مافيه أي حياة واي رول و ez2dj يقولون وصلنا للقصر...

قعدوا الاثنين يترقبون وش بيصير ووين ذا القصر اللي يتكلمون عنه...

فجأة وقفوا الرجلين و قالوا كم كلمه مو مفهومه و طلع قدامهم قصر كبييييير جدا دخلوا فيه

و فلير و يوسف مو مصدقين اللي صار :!

يوسف بدهشه :معقوله قوة السحر الاسود قوية لها الدرجه...

فلير: يوسف احس بهذا المكان بنلقى معلومات عن مكان اليكس...

يوسف:بس فلير اننا ندخل هنا هذا يعتبر انتحار...

فلير:اممم...ممكن هال crimson eyes طيبين...

يوسف:لو طيبين ماخبوا قصرهم...

فلير: يوسف القصر بدأ يختفي وش بنسوي لازم ندخل ماعندنا خيار

اسرعت فلير ودخلت...

يوسف: فلير اصبري ماندري وش فيه داخل...sheeeesh do I have a choice sis

ولحقها و دخلوا القصر...

يوسف: الحين دخلنا القصر وش بتسوين...

فلير بثقة: خل ندور و نشوف...

يوسف: بروووود اعصاب غير طبيعي...

صوت رجال يصرخ: الحين انتم الاثنين ليش تأخرتوا....

فلير:ههههههه شكلهم راحوا فيها :6

يوسف: ههههههههه اكيد هذا قائدهم اللي كانوا يتكلمون عنه هههههههههه

قربوا لم مصدر الصوت و قعدوا يتسمعون....كان فيه رجال عيونه مليانه شر ...و يكلم الرجلين اللي لحقوهم يوسف و فلير للقصر....

أي رول: ياسيدي حنا دورنا عن اللي طلبته مننا مالقيناه...

قائد الجنود: طبعا يا اذكياء مالقيتوه لان الانسه انجل سبقتكم لقرية shikon no tama و جابت الجوهرة بدون مشاكل

فلير: shikon no tama؟؟

يوسف: هذي هي قريه النينجا المخفيه ...بس كيف لقوها!!

Ez2dj : ياسيدي ...وشلون تبينا نغلب الانسه انجل و انت تعرف انها الافضل في هذا القصر...

قائد الجنود: وش قلت!!!

اي رول وهو يضرب ez2dj على راسه: قال هي الافضل بعدك ياسيدي?:...

قائد الجنود: طيب انت وياه عقاباً لكم انتم الليله بتحرسون الزنزانه اللي فيها السجين في القبو

اي رول: اثنين عشان يحرسون سجين واحد ياسيدي...

قائد الجنود: للأسف ماودي اعترف بس هالسجين الواحد له اهميه كبيره اكثر من اثنين عديمين الفائده مثلكم :o

Ez2dj : شكل الزعيم زعلان علينا...زي ما تأمر ياسيدي بنحرس السجن ...

قائد الجنود: اتمنى ماتفشلون بمهمه بسيطه زي كذا...طيب انا بروح عند القائد

يوسف: فلير خل نتخبى!!

فلير: هل تعتقد ان هذا السجين اللي كان يتكلم عنه هو.....

يوسف: تعالي هنا

وجرها و تخبوا ورى تمثال كبير بالقصر....

فلير:اوتش اتركني يادوووب...

يوسف بهمس: اصصص لا يصيدنا....

فلير بهمس: تعتقد ان هالسجين هو اليكس؟

يوسف: لا مو هو..و مو اعتقد ..متأكد انه مو هو بعد

فلير: ليش!!

يوسف: لأني ما أظن إن هذا المكان تتحول فيه الاحلام لحقيقه...اظن الحقيقه تتحول لاحلام هنا...

فلير: بس يعني...

يوسف: ماعلينا الحين من هذا السجين خل نلحق هالقائد عشان نشوف من الزعيم حقه...

لحقوا قائد الجنود لين دخل لم غرفه كانت كأنها هي القاعة الرئيسية للقصر وقفوا عند الباب و قعدوا يتسمعون

قائد الجنود: سيدي انا رجعت ... و زي ما امرتني عاقبت هالرجلين الكسولين

الزعيم: زين زين... الحين خل نتكلم عن الاشياء اللي عرفناها لحد الان...

قائد الجنود: زي ماتعرف اننا لقينا ال summoning jewel من قرية النينجا

الزعيم: قصدك انجل لقتها...

انجل: انا لقيتها اعتمادا على معلوماته.... ياعماد امم اقصد سيدي...

عماد: انجل متى رجعتي...

انجل: حالاً ... توني جايه من المكان اللي توقعنا نلقى فيه البنتين ... بس زي ما انت شايف مالقينا الا هالرجال اللي تحت

عماد:يعني مافي اثر للبنتين...

انجل: للاسف لا...

قائد الجنود: طيب ممكن الرجال اللي بالسجن يعرف عن البنتين شيء

عماد: "في المكان اللي تتحقق فيه الاحلام بتلقى الطريق للقمر اذا لقيت الcursed children في الليله اللي يكتمل فيه القمر" هذي هي المقوله اللي لقيناها

فلير و يوسف: المكان اللي تتحق فيه الاحلام :!

انجل: ومعروف ان الcursed children من الاساطير القديمه هم بنتين توأم

قائد الجنود: وحنا كنا نتناوب على المكان لمدة شهرين و اخر مره لقينا هالرجل و مالقينا أي بنتين...

عماد: ماعليه اذا لقينا هالبنتين بتنحل كل مشاكلنا...

قائد الجنود: كيف يا عماد حنا نحتاج كل الجواهر السبعه و اذا لقيت البنتين ماراح يصير عندنا الا 3 فقط

انجل: بقوه ملاك بيتحقق كل شيء

قائد الجنود: ملاك؟؟ وش بتقدر ملاك الصغيره تسوي!! حتى انها ماعمرها طلعت برى القصر

عماد بغضب: خوبااااااااج... لا تغلط على بنتي...ملاك هذي عندها قوه تقدر تحكم العالم فيها...

فلير بدهشه: خوباج!!

وفي هذي اللحظة تراجعت فلير شوي على ورى وطاحت و سببت ازعاج كان صوته واضح..

وبلحظه التفتوا عليهم الثلاثه...!!!

انتبهوا لهم عماد و انجل و خوباج!!وش بيصير لفلير ويوسف بعد ما اكتشفوهم؟؟ ... مين ملاك ؟؟... ومين الرجل اللي بالسجن ؟؟..

[flarestar]

http://angeltear.jeeran.com/header4.jpg



Chapter4: the lost hope



فلير قعدت ترجف من الخوف... ماتوقعت انها راح تلقى خوباج بالسرعه هذي...

يوسف: فلير خل نهرب اذا صادونا بنروح فيها!!

فلير بخوف: تعتقد اننا بنقدر نهرب!!

يوسف: فلير بسرعه تراهم يقربون!!

قامت فلير بسرعه و انطلقوا الاثنين بأسرع ماعندهم يحاولون يهربون و فجأة

انجل: وين رايحين

انجل اللي كانت وراهم بلمح البصر صارت قدامهم

يوسف:crimson eyes

انجل:ههههههه شكلك تعرف كثير ياولد.... وش جايبكم هنا انتم الاثنين؟

يوسف بحركه سريعه طلع خنجره و حاول يطعن انجل بس انجل تفادت الضربه

يوسف: فلير اهربي بسرعه ... اهربي

فلير: و انت!!

يوسف: ماعليك مني ... انتي اهربي وبس

انجل: تحاول توفر لها الوقت...

و ركضت فلير باسرع ماعندها

انجل :وقفي!!!

فلير وقفت التفتت على ورى ببطأ و شافت يوسف داخل كوره و يتعذب

انجل بخبث: ارجعي هنا اذا كنتي تبغينه يعيش....

ماقدرت فلير تستحمل منظر اخوها وهو يتعذب و طلعت قوسها

فلير: اتركي اخوي احسن لك....

يوسف: ففففلليييير....اهربيييييييييي.....ااااااااااااااااااااااااااااااه

انجل: وش تعتقدين انك تقدرين تسوين بهذا القوس!!

فلير: (لازم لازم استخدم هذي الضربه…)

يوسف: لا فليررررر…..اااااااااااااااااااااااااه

انجل: انت اسكت...

فلير: wind arrow

انطلق سهم بقوة الريح ولكن!!!

خوباج رد السهم بسيفه...

خوباج: هذا كل اللي تقدرين عليه!!!

هنا ادركت فلير ان مالها امل بالنجاة...

طاحت على الارض فاقدة الامل

فلير: ابي اسئلك شي واحد قبل لا تقتلني...

خوباج: انا!!

فلير: وين اليكس؟

خوباج: مين اليكس!!

فلير: اليكس اللي مارضيت له يمر لين يحاربك وش سويت فيه قل لي!!

خوباج: للاسف اني ما اقدر ارد على سؤالك هذا لان اللي قتلتهم كثار الصراحه و انا ماراح اسئلهم" وش اسمك" قبل لايموتون ههههههههههههههههههه

فلير: يا متوحش!!

قامت عليه فلير تحاول تضربه بس سبقها خوباج و اطلق عليها شعاع اسود و طاحت فلير على الارض بدون حركه

يوسف: فلييييييييييييييييييييييييييييييير....

عماد: لاتخاف .... البنت ما ماتت... بس الحين اقض عليهم ياخوباج اثنينهم....

يوسف: لا وقف ارجوك...

ملاك: بابا!!!

عماد: ملاك !! صحيتي من النوم!!

ملاك: ايش فيه هنا انا سمعت صوت ازعاج و صحيت من النوم...

عماد: لا تخافين:) بس هذولا ناس اشرار دخلوا القصر و حنا قاعدين نعاقبهم...

يوسف: تكلم عن نفسك يالشرير!!!

ملاك:بابا لا تقتلهم...

يوسف: ?:

عماد:ليش؟ هم دخلوا هنا يبون يأذوننا و شلون ماتبيني اقتلهم

ملاك: بابا ارجوك عشاني...

عماد: و انا اقدر ارفض طلب لبنتي الوحيده

خوباج: يعني ايش !!

انجل: يعني اللي تبيه الاموره ملاك يصير... :o

خوباج: اوووووووف و انا متحمس ابي اقتل

عماد: لازم تخفف حماسك شوي...

انجل : يعني ننزلهم للزنزانه ؟

عماد: ايه...خوباج ناد جنودك و خلهم يشوفون لهم صرفه...

خوباج: هيه انتم...اي رول و ez2dj تعالوا خوذوا هالاثنين و حطوهم بزنزانه لحالهم...

أي رول:بس ياسيدي مافيه الا زنزانه وحده الثانيه مكسور بابها...

Ez2dj : و الزنزانه الوحيده فيها السجين المهم :أفكر:

خوباج: اوووه حطوهم معاه و فكوني...

أي رول: حاااااااااضر :o

جا أي رول و ez2dj شالوا فلير المغمى عليها و يوسف الدايخ من كثر التعذيب و راحوا يقطونهم بالسجن

ياترى من بيكون الرجل اللي في السجن!!

[Angel whisper]

ياهوووووووووووووو طلعت ساحرة شريرة هااا :D

احبج فلير (k)

بس هالجزء من جد حلوووو

حمستيني للي ياي :)

تسلم ايدج فلير :)

[Undine]

:! <<<تحمست


:" تهبل الاحداث


روعه صراحه والتصاميم رهيبه:#

[memy]

تسلمي فلير على القصه :D

بس ليه صوره ملاك حلوه ؟ (6)

مابي خليها شينه :6

و كلمي بسرعه عشان اطلع انا ?:


و ثانكيو :)

[rushin_911]

روعة القصة ما شاء الله :)
و التصميمات كمان نفس الشي :)

مبروك عليكي العيد و ننتظر التكملة :)

[flarestar]

انجل...

مشكوره حبيبتي بس ممكن سؤال ليش كل البنات يبون يصيرون شريرات:p ؟؟



انديني...ياعمري:"

تثلمين:# :6




ميمي توك بدري عليك:": وملاك وس فيها اذا صارت حلوه<===تراني متقصده لاتقولون اغلاط املائيه:6



رشين الله يبارك فيك ومشكور على عرضك اللي قبل:) بس خلاص صلح جيران تسلم:-)

[usef]

:D و الله تونس القصه واشكرج عليها يالغاليه...

[Arsene Lupin]

نايس نايس (&)





كملي.. بس اهم شي لا تحطيني شرير... ابي تغيير :":

:6



و التصاميم روعه كالعاده... :0)

[RPG_master]

حلوه التكمله والتصاميم بعد


هي كم جزء كلها؟

[Undine]

الرسالة الأصلية كتبت بواسطة RPG_master
حلوه التكمله والتصاميم بعد


هي كم جزء كلها؟

سبعة اجزاء يومكن :6

[SNOoOP]

مشكووووووره على القصة والتصميم رائع بس كملي ولا يكثر :6

--------------------------------------
خوباج: اوووووووف و انا متحمس ابي اقتل

عماد: لازم تخفف حماسك شوي...
--------------------------------------

هدي أعصابك خوباج الموضوع مايستاهل والله :6

[tidusxxx]

روعة فلير....تجنن...
لاااااااااااااازم تكملينها:D

[ahmed23]

حلوة القصة ... ننتظر التكلمة قريباً :)

[flarestar]

مشكورين كل ابوكم:6

وشوشه لاتهك عليك تراها اجزاء واجد الا الحين ماخلصتها:6

انديني انا قلت لتس بتطلعين بالسابع مو هو اخر جوزء:p


والتكمله بحطها بموضوع جديد عوكي:)

[flarestar]

خفت يقولون لي شي ولا شيات:p


طيب اصير احط كل جزء بموضوع لحاله على مسؤليتك:6

[flarestar]

الا على فكره ليه شوشه مايعلمك هو قرى كل الاجزاء:6