للحفاظ على Ps2 بالتفصيل الممل ...

[Squall 9]

للحفاظ على PS2 بالتفصيل الممل ...
دعونا نناقش المسببات التي تجعل عدسة البلايستيشن 2 تتجه الى الهلاك
هل يمكن تكون نتيجة لاستخدام الدسكات الدي في دي الغير الاصلية تؤثر على العدسة على المدى البعيد ... دون ان تحس بالاثر مباشرة بعد لااستخدام ... ام يكون باللعب المتواصل الذي لا يرحم الجهاز .. أليكم نتائج النقاشات :
كثرت الأخبار هذه الأيام عن أن جهاز البلايستيشن2 يخرب بسرعة خاصة اللي يشغل الكوبي بسببوضع قطعة التشغيل الكوبي فوق المحرك التي تضغط عليه فتصيبه بالتلف .
وأما عدسة الجهاز فسبب تلفها يرجع كما ترجح بعض المصادر إلى أشرطة الكوبي ديفيدي الذهبية والزرقاء
وتفسير ذلك هو أن السطح الذهبي أو المزرق للشريط ينعكس على العدسة فيؤدي إلى احتراق العدسة نتيجة لتركيز ذلك اللون

والبعض قد يظن أن الحل الوحيد لهذه المشكلة هي شراء الأشرطة الأصلية ونزع قطعة تشغيل الكوبي

لكن إذا كنت تبحث عن حل آخر فاتبع هذه السبل الوقائية لتضمن عمرا أكول لجهازك:
أولا: عند شرائك جهاز البلايستيشن2 اشتر الأصلي أول مرة ومن ثم اذهب إلى محل الألعاب واطلب من البائع أن يركب قطعة تشغيل الكوبي في مكان آمن بعيد عن المحرك وليس فوقه

ثانيا: أثناء شرائك للألعاب الكوبي الديفيدي انظر لسطح الشريط من الأسفل
بعض ألعاب الديفيدي يكون من الأسفل فضي
اشتريه إذا أعجبتك اللعبة لكن إذا اشتريت الذهبي أو الأزرق فعليك ألا تلعب به لأكثر من ساعتين في اليوم

ثالثا: لا تضع البلايستيشن2 مهما كان في الوضعية العامودية لأن ذلك سيؤثر بدرجة كبيرة في محرك الجهاز بسبب القطعة اللي فوقه

رابعا: لا تبق الجهاز شغالا لأكثر من 5 ساعات يوميا

خامسا: احرص على إطفاء الجهاز بالطريقة السليمة
المذكورة في الكتيب المرفق

سادسا : إذا لم تعجبك الطرق السابقة فعليك إذا شراء الأشرطة الأصلية ونزع قطعة الكوبي
ولا بأس به مادمت تريد لجهازك أن يدوم فترة أطول ولاتهتم مما سيقولونه عنك لكن احرص في هذه الحالة أن تختار لعبة تناسبك ميولك
وأن تكون في غاية الدقة والجمال والروعة والجودة واحرص على اختيار ألعابك من الشركات ذات الباع الطويل في عالم الألعاب خاصة اليابانية مثل كابكوم المشهورة في ألعاب الرعب والأكشن وكونامي في الألعاب الرياضية والعسكرية ونامكو في الألعاب القتالية وسكوير في عالم الآربي جي
اتبع هذه الطريقة وستجد انك وفرت على نفسك الكثير
..




سلام ;-)

[Sparta Ghost]

مشكورررر


إنشاء أنتبه لهنصيحة .............

...!

مشكلة دي في دي كوبي ........:" :0)

[SNIPER GAMES]

يعطيك العافية أخوي سكوال 9 على النصائح المهمة وخاصة أن لا نضع الجهاز بالطريقة العمودية ;-)

[Gio]

الرسالة الأصلية كتبت بواسطة SNIPER GAMES
يعطيك العافية أخوي سكوال 9 على النصائح المهمة وخاصة أن لا نضع الجهاز بالطريقة العمودية ;-)


;)

[Kasser]

لو كل ثلاث شهور اصلح العدسة بميتين ريال يكون احسن من كل شهر اشتري لعبتين بخمسمية ":"
عدل او مو عدل :)

[Squall 9]

مشكورين شباب على الردود ;)

[italy100%]

يا شباب

انا اشتريت ديفل ماي كراي (2)

بس السريط لونه ذهبي

كل النسخ تقريبا

بس هل سيضعف العدسه

[عاشق باتيستوتا9]

مشكور جدا على النصائح

أنا عدستي توها مختربة و لما رحت المحل يقول أن كل 6 شهور تخترب العدسة ؟؟؟؟ فبغيت أعرف كلامه صح ولا لا ؟؟؟؟

[Squall 9]

على حسب لو كان بال ما يخرب ولو كان إن تي سي يحتاج تروح بعد كل شهرين لتنظيف العدسه بس... المحل إلي حينظفلك العدسه ما حينظفها أصلا لانه حيشيل العدسه الأصليه ويركب بعد كل شهرين عدسه تقليديه وتنظيف العدسه أصلا ما ينفع لانها تخرب;) هذا لك يا عاشق باتيستوتا

___________________________________


italy100%

هلا أخوي والله ما أدري بس ما أعتقد يضعفها:D

[EmInEm_20]

الله يعطيك العافيه

[DeadLy_]

موضوع كافي ووافي اخوي سكوال 9
:واو:

بالنسبة لعكس القرص على عدسة السوني 2 و يتركز لون واحد يخرب العدسة اول مرة ادري انه هذا هو السبب مشكور على الموضوع يالغالي . معلوماتي اصبحت كثيرة الحين :D

[bader_hhh]

عادي تركيب قطعه الدي في دي كوبي ما تخرب بس شرط انك تركبها عند


محل خبير بهالشغلات مثل (الوكاله الاسيويه ) بالكويت طبعا ":" وشرط انك


تستعملها برفق ودقه وشوي شوي عليها.... مثلي انا ركبتلها القطعه هذي


من حوالي 7 اشهر وللحين الحمد لله ما اختربت ":" لانها PAL



فانا انصح بتركيبها لانها اوفر و بعد انه الكوبي ما يختلف فيه النظام


اوروبي او امريكي .





سلملم:D

[Squall 9]

الرسالة الأصلية كتبت بواسطة sonykid
موضوع كافي ووافي اخوي سكوال 9
:واو:

بالنسبة لعكس القرص على عدسة السوني 2 و يتركز لون واحد يخرب العدسة اول مرة ادري انه هذا هو السبب مشكور على الموضوع يالغالي . معلوماتي اصبحت كثيرة الحين :D

العفو أخوي وهذا من واجبنا


bader_hhh

شكرا على النصيحه


EmInEm_20

شكرا ;)

[Haitham999]

شكراً جزيلاً على النصائح أخي سكوال,الحمد لله أتا لا أستعمل سوى الأصلي":"(أصلاً يوجد غيره:غضب:)

[Yamato]

مشكور اخوي عالنصائح الذهبية والزرقاء :D

بالنسبة لي انا العب بين ثلاث ساعات الى ست ساعات احيانا

وقبل كم من يوم قعدت العب من الساعة 3 الصبح للساعة 8 المساء :6

الله يستر عليه بس ما يخترب :0)

[Squall 9]

RPG fan


من الساعة 3 الصبح للساعة 8 المساء




رابعا: لا تبق الجهاز شغالا لأكثر من 5 ساعات يوميا :غضب: :D


Haitham999

العفو هثومي 999

[hha]

مشكور يا سكوال 9 على هذي النصائح ولو انها جت متأخرة شوي لأن العدسة مالتي اختربت :" :" :"

وأنا ألحين وجيد بدون رفيق الدرب >>>>> PS2

[CV XBLOOD]

أشكر الأخ كاتب الموضوع ، لكنه موضوع مكرر ، ويوجد موضوع نفسه وأشمل منه وقد شرحت فيه شرحاً شاملاً للأسباب المسببة لخراب العدسة ..... وليس كل سبب طاريء على الجهاز ممكن أن يسبب تعطل للعدسة ، ، الرجاء مراجعة موضوع ( الأسباب إلي تخرب العدسة ) في الصفحات السابقة ......:)

[master seymour]

الحين قلت نصايحك بعد ما اخترب الجهاز الثاني اللي اشتريه :" بس يشغل أصلي:(
للأسف تأخرت اخوي:6

[بوعبدالرحمن]

الله يعطيك ألف ألف عافية النصايح الحلوه;-) ;)

[البواسل]

شكراااااااااااا كثير اخوي سكوال

والله هذي النصايح كنت محتاج الها قبل لا اشتري البلاي ستيشن 2


الله عليك تسلم يديك

[Flanteus]

هع:أفكر:
استمروا في المعاناة :أفكر: ..فقط سعداء الحظ هم اللي ما يخترب جهازهم:أفكر: ..........
ياعمي لو الجهاز طول عمره سليم وشغال 100% راح يخرب يعني راح يخرب :D
الأصلي وبس .......

لو كل ثلاث شهور اصلح العدسة بميتين ريال يكون احسن من كل شهر اشتري لعبتين بخمسمية
المؤمن لا يقع في الخطأ مرتين ;) ...أحرجتك ها:6
ومين قالك ..أنا عندي محل يبيع ثلاثة أشرطة أصلية بـ 250 ريال:cool:
بحجة انها ألعاب محد يشتريها :D

شكراً جزيلاً على النصائح أخي سكوال,الحمد لله أتا لا أستعمل سوى الأصلي
احم احم ...هذي هي الناس":"
ومشكور أخوي على النصائح الجميلة ...بس حبيت أضيف نصيحة للي ماعندهم قطعة .....
اذا جلست تلعب لا تغير وضعية الجهاز ( طولا أو عرضا) الا اذا كان الجهاز مقفلا ....لأن هذا التغير المفاجئ يؤثر على العدسة أثناء عملها:)
وشكرا للجميع....

[streetboys]

أنت تقول القطعة تبع الكوبي

لازم ما تكون فوق المحرك ؟؟؟؟11

وين يحطها ؟؟

[محب الأجهزة]

يعطيك العافية .. وأنا أحس أن العدسة حقتي بدت تستهبل يعني بعض الأشرطة تشغلها وبعضها لا وبعضها تشغلها بعد معاناة ...

[Squall 9]

CV XBLOOD

العفو وأنا ماقصدت أتحدى الناس كنت أبغى موضوعي مستقل لحالوه ما أضيفوا مع أحد":" معليش أخوي هارد لك;-)




hha

hha

SORRY GAYS :# :6


flanteus

مشكور على إضافتك للنصيحه :D



بوعبدالرحمن

العفو أخجلتني بكلامك




محب الأجهزة

العفو أتبع النصايح ومح تستهبل 2 :cool:


streetboys

كيف ما فهمتك ؟:واو:


____________________________________ ___________________-



شكرا على الردود يا شباب



سلملم :D :D :D

[CV XBLOOD]

أخي سكوال 9 ، أنا بعد ما قصدت شيء ، بس في موضوع متعوب عليه وشامل ، يكون أفضل :)

[dragon warriors]

شكرا يا سكوال لكن عندي سؤال بعد اذنك
توجد ديسكات للتنظيف العدسات في السوق ما رأيك بها هل تنفع مع البلاي2؟
وشكرا

[CV XBLOOD]

تنفع إلى حد ما !!

[Yuna]

فقط سعداء الحظ هم اللي ما يخترب جهازهم

اللهم لا حسد ...


الأصلي وبس

صح

شكراً سكوال على الموضوع

[باهاموث]

مشكووور اخ سكوال على الموضوع

وانا صارت لي سالفة مع الجهاز:غضب: :غضب:

شريته قبل سنتين من اليابان في ثالث اسبوع له في السعودية

شريت انتي اسي ياباني

أول ما جا السوني كان له وقطعه للكوبي قديمه تركب له السيدي الخاص بالقطعه وبعدين يطلع لحاله وانا اشيل السيدي واركب اللعبة اللي ابغاها


المهم يوم وصل عندي كان يحتاج مخول عشان الكهرب باليابان مو مثلنا

المهم يوم شغلته ما طلع السيدي روم انا استغربت بعدين عرفت ان هذي قطعه ولازم اركبها

انتظرت فترة ونزل الانتي اسي الامريكي ومعاه قطعه ar2 وبعيدن نزلت القطعه للياباني وركبتها العام وقعدت عليها لما كسرها اخوي(طبعا انا مب حوله ) في آخر يوم لي للأختبارات النهائية وقعدت سهرين بدون لعب وآخر شهر شريت القطعة من جديد وبعد كم اسبوع نزلت الماسية والدفي دي وكانت للأمريكي ونزل قبلها البال

وصار الياباني ماله داعي وهذه تركته بعد قهر ولا أشغله ولا أعرف شي عنه بس لما نزلت الالعاب الجديدة جراند ثيفت 4 والالعاب اللي بتجي عام 2003 فكرت العبه طلع محترق ولا أقدر أصلخه لأنه ياباني وقطه مو موجوده هنا عشان كذا أفكر أشتري ثاني ولا أعتقد اني بشتريه


أعتقد ان اللي بيقراها الكلام بيحس بالقهر ويحمد ربه



:"

بس عطونا نصايحكم عشان أحافظ عليه أكثر طبعا اسباب الخراب ما تصير فيه الا اذا كنت انا مو موجود يعني في أي وقت أنا أطلع فيه يستلمونه أخواني والله يعين:D

آسف على الرد الطويييييل

[CV XBLOOD]

أخي باهاموث ، تبي الصراحة ؟!
الحق عليك !!
هذا جزاء إلي يشتري الشيء أول ما يطلع !! ( في العجلة الندامة وفي التأني السلامة ) .
بعدين إنت عارف إن نظام اليابان يختلف عن السعودية ، هذي مشكلة ، والمشكلة الثانية إذا الجهاز خرب ماله قطع لأن الوكيل ما يدعم النظام الياباني ولا الأمريكي !!
وبالنسبة لخراب الباب حق النظام الياباني ، من أصعب الأعطال ، لأنه في قطعة اسمها ( IC CONTROLLER ) تكون هي إلي خربت ....
والله يعينك !!:cool:

[عاشق باتيستوتا9]

مشكور جدا يا سكوال 9

[باهاموث]

وانا معاك لأني تحطمت يوم عرفت ان في شي اسمه امريكي وقطع
وانا على بالي انه مثل القديم بدون قطع ولا خرابيط والله يعزه:D


وآسف على الاغلاط الاملائية :أفكر: كنت مستعجل

[Squall 9]

dragon warriors

العفو ;-)


FFX-YUNA

آمين يا ييونتنا ..والعفو :)


عاشق باتيستوتا9

ويلكم;)


CV XBLOOD

هلا أخوي أنا عارف الموضوع بس..المفروض الكلام هذا ينحط في موضوع مو رد :#

وشكرا لإهتمامك لموضوعي ;-) الله يعطيك العافيه:o

[UAE200000]

انا البلاي ستيشن 2 الى عندي مركبلها القطعة تقريبا من 7 شهور وتشتغل في اليوم تقريبا من 6 الى 12 ساعة وكل الالعاب الى عندي كوبي والحمدالله لين الحين صاحية

[Squall 9]

إن شاء الله ما يجيها نوم ;-)

[rushin_911]

الألعاب الأصلية اللي تكون سي دي و ليست دي في دي (مثل تكن تاج تورنمنت) زرقاء ؟

[Squall 9]

بعض الزرقاء يكون أصلي زي ما قلت;)

[عبدالله911]

مشكور على الموضوع بس ودي أسأل كيف ممكن أفك البلاي ستيشن2 ؟؟
أنا أبغى أفكه علشان انظفه فهل تنصحني أفكه وكيف أفكه لأنني مالقيت مسامير إلا في مواقع غبيه أحس أنني أقدر أفكه بدون فك المسامير

[hattawi]

و الله ما اظني ان كل هذا ينفع ,لان عندي جهازين واحد امريكي و واحد بال و كلهم مركبلهم قطع و اغلب العابي سي دي و العب اكثر من 3 ساعات في اليوم و كلهم في وضع عمودي و من اشتريت الجهاز و هو في الوضع العمودي,و الجهاز عمره سنة بس و القطعة عمرها 9 اشهر.
و لين الحين ما نظفت العدسة و لا بدلتها.

.........................................................................................

[Squall 9]

الرسالة الأصلية كتبت بواسطة hattawi
و الله ما اظني ان كل هذا ينفع ,لان عندي جهازين واحد امريكي و واحد بال و كلهم مركبلهم قطع و اغلب العابي سي دي و العب اكثر من 3 ساعات في اليوم و كلهم في وضع عمودي و من اشتريت الجهاز و هو في الوضع العمودي,و الجهاز عمره سنة بس و القطعة عمرها 9 اشهر.
و لين الحين ما نظفت العدسة و لا بدلتها.

.........................................................................................

طيب أنا ما قلت لازم قلت الأفضليه لك :)


عبدالله911

نصيحتي لك إذا كانت لك أول مره لا تفكه وتجازف وديه عند رجال خبير وخليه ينظفه ;-)