مشاهدة النسخة كاملة : السعوديه .. ثمرات يانعه .. تنتظر من يقطفها !!
HArb200
07-02-2003, 03:58 PM
السلام عليكم ..
طبعا كلكم شايفين الأحداث السياسيه الجاريه حاليا .. والتجمهر العالمي حول العراق .. وطبعا لازم ماناخذ بكلام ابو متعب (وللأسف أول مره أقولها) .. فيجب الحذر .. ولا ننتظر حتى تتساقط علينا الصواريخ ونحن نلعب ونلهو .. فالحرب والله أعلم قائمة لامحالة .. إلا إن حدثت معجزه .. وانفض النزاع بين الدول المتناحره .. يقال والله أعلم أنها حرب عالميه أو أنها حرب صليبيه ..لا تبقي ولاتذر .. وستحرق الأخضر واليابس .. وسيكون بعدها الفاصل الحقيقي بين الخير والشر .. الاسلام والكفر .
يُقال!!
نحن لن نستبق الأحداث .. فالأيام بدورها ستكشف الحقائق .. لكن لنتحدث قليلا عن الأهداف في السعوديه .. الثمرات اليانعه .. ليس هناك من يحميها , قرأت باحدى المجلات أو الصحف وأعتقد أنها عرب نيوز .. أن دفاعات الخليج مشتركه وبكل قوتها وعتادها والحرس والجيش .. لن يصمد أمام اي قوة غازيه سوى خمس ساعات !!!!! .. فقط .. هذا ان صمدوا .. فكيف بالسعوديه لوحدها .. عموما .. شؤون الجيش لانعلمها .. فمن الممكن أن تكون تحتنا قنابل نوويه وذريه ونحن لانعلم .. "كل شي جايز"
لكن الاهداف المكشوفه .. من الجسور والمطارات والموانيء والمناطق التجاريه .. كلها مكشوفه .. ومناطقها حساسه .. فأي صاروخ (لاقدر الله) يضرب برج التلفزيون .. سينتهي عندها شيء اسمه (التحذير قبل وقوع الخطر).. وسيبقى الناس تائهين لايعلمون مالذي يحدث .. هذا فقط برج التلفزيون .
أما الجسور فعلى امتداد شوارع المملكه ستجد جسور هامه وشوارع رئيسيه .. اذا حصل به أي خدش .. توقفت عجلة الاقتصاد .. وانتهى شيئ اسمه اقتصاد .. فنحن لايوجد عندنا شوارع خدمه بمعنى الكلمه .. فأي ضربه ستكون قاصمه ... ومالزحمات (اللي تطلع ريحة الواحد) الحاصله كل يوم الا اكبر دليل على التخلف المنهجي التي تتبعه وزارة المواصلات .. او الامانات .
ولدينا أيضا .. برجين تجاريين .. المسافه بين أحدهما وأقرب منصة اطلاق صواريخ معاديه .. لايوجد جدار يحمي هذا البرج .. الا اذا أخطأ الهدف .. ولاأعتقد هذا (الا اذا كان الصاروخ أو راعيه حول)>>حتى الحول يجيبها
المطارات .. أحسن شي يحميه هو الشبك! .. لا أقول ضعوا فوقها قطعه من الفولاذ .. ولكن حماية بسيطه تتمثل في منصه أو منصتين لاطلاق الصواريخ المضاده للصواريخ .. على الأقل . وهذه صورة للمطار http://www.imaratarriyadh.gov.sa/images/ruh24.jpg سداسي .. أظن البنتاغون سداسي بعد :6
على طاري الشبك .. من يوم تمشي من الرياض تجاه البر .. الدهناء كمثال .. تلقى الشبوك الحبيبه .. تحجر لك .. ماتدري من وين تطلع .. لاقدر الله حصل اجلاء .. بيقعدون سنتين يقطعون في ذا الشبوك !! .. أم التخلف .. كل ذا خايفين على حلالهم (من زينه عاد ) .. وعذرهم أقبح من ذنبهم .
الموانيء .. ما اعتقد بيكون حالها أفضل من غيرها .. لكن اللي شاف شي .. لامانع انه يقوله .
آبــــــــــــــار النفط .. أعتقد بدوا يخططون أنهم يسوون لها حماية فعليه .. ولكن من يدري .. أخاف تصير خطط خمسطعشريه !!
المياه .. كل محطات المياه ماعليها الا حراس .. لو تفجر أحد محطات التحليه بالدمام .. ينشفون اهل الرياض .. تشوف الواحد تقل طالع من عصاّرة ليمون (بس بالطول) .. وأعتقد كووووووووولنا نذكر الماصورة اللي انفجرت على خط الدمام .. ذيك الأيام ادّهر سوق الوايتات .. ادهااااار غير طبيعي :6
وقعدوا الناس مدة شهرين أو اكثر .. لين تكرم وتلطف وتطرطع أحد المسؤولين بالدوله وتكرم وتلطف أنه يشوف وش السالفه .. وبعدها تبرع من كيسه الخاااص عشان يتصلح هالفتق بالماسورة .. الله يخارجنا.
وفيه من البلاوي مايشيب له الرضيع ويرضع لها الشايب .. مير مانقول الا الله يلطف بنا .. ويخارجنا .
اللي عنده زود .. يتفضل .. الدعوى خربانه .
Arsene Lupin
07-02-2003, 04:13 PM
و عليكم السلام...
مدري ياخي بس... احس انك تكثر ادعاءات عشان نحس انا في خطر...
مثال... البرجين الي عندنا... كيف تقول مافيه جدار يحميهم؟... تبي يحطون ابراج حواليهم عشان لا يجيهم صاروخ؟...
طيب صاروخ يطيح احد الابراج المحيطه... يصير البرج مكشوف...
يعني اصلا لو سووا كل الي جالس تقوله... تتوقع بنصمد قدام امريكا؟... لو خربتها امريكا ميب مرسله صاروخ صاروخين عشان تحط جدار...
بترسل مية صاروخ... و اذا لا زال باقي فيك حياة... ترسل مية ثانيه... ما تعوق معها...
باختصار تفوق امريكا علينا موب شي بسيط فتحاول تعدله بجدار و لا كم صاروخ حول المطار... ولا نشيل الشبك الي قاعد تقول عنه... ولا نحط كم شارع خدمه...
يعني كل هالي قلت عنه... المية صاروخ الاولى ترجعك زي ما كنت...
معليش كلامي حوسه... بس يمكن ارد زود بعد ما اشوف ردك
RPG_master
07-02-2003, 04:16 PM
اقسم بالله ان موضوعك ذا ضيقه صدر?:
لا تروعنا ياخي:"
وأعتقد كووووووووولنا نذكر الماصورة اللي انفجرت على خط الدمام
لا تذكرنا انواع المعاناهhttp://www.webpost.net/sp/spikeyman/dog.gif
بالنسبه للأضافات ترا ما عندي سالفه بالسياسه
فلذلك اقول اننا ننتظر ونشوف وش بيصير بذا الحرب بعدين نقرر نروح نجاهد ولا لا:6
HArb200
07-02-2003, 04:31 PM
وانت توك ماحسيت أننا في خطر !!
مثال... البرجين الي عندنا... كيف تقول مافيه جدار يحميهم؟... تبي يحطون ابراج حواليهم عشان لا يجيهم صاروخ؟...
طيب صاروخ يطيح احد الابراج المحيطه... يصير البرج مكشوف...
لا فيه أكثر من حل غير هذا .. وعموما انا اقتبست هالفكره من فكرتك .. والا لو حولها ماكنت بفكر فيها ..
المهم .. يقدرون .. ليش مايقدرون ؟؟ .. لو فيه خطط منطقيه وشافت من يحسنها ويعدلها .. بتشوف أن هالبرجين أحسن دفاع من قاعدة الرياض الجويه!.. بس ماعندك أحد .. لكن ردا على سؤالك , مثلا لو بنوا برج أو اثنين .. (طبعا لحاجه لها .. مهيب دفاع) .. أول صاروخ نقول مثلا أحدث أضرار بالغه في البرج الدفاعي .. طيب .. عندها نقدر نحيط البرج (مثلا المملكه) بطائرات بدون طيار .. أو طائرات قادرة على اسقاط الصورايخ أو تفجيرها في الجو ..
اما الطائرات اللي بدون طيار .. تهاجم الصاروخ .. اذا مافجرته(بالاصطدام) .. على الأقل تضعف من قدرته على اصابة الهدف .
الحلول بسيطه وعمليه .. لكن مثل ماقلتلك .. نحن فعلا مكشوفين .. قبل عشر سنين .. مافيه الا برج التلفزيون .. الحين ثلاثه .. والعدد قابل للزياده .. بالله عليك .. هالابراج المهمه .. والاقتصاديه ماتستحق أن يكون لها دفاعات خاصة ؟!.
عني اصلا لو سووا كل الي جالس تقوله... تتوقع بنصمد قدام امريكا؟... لو خربتها امريكا ميب مرسله صاروخ صاروخين عشان تحط جدار...
بترسل مية صاروخ... و اذا لا زال باقي فيك حياة... ترسل مية ثانيه... ما تعوق معها...
باختصار تفوق امريكا علينا موب شي بسيط فتحاول تعدله بجدار و لا كم صاروخ حول المطار... ولا نشيل الشبك الي قاعد تقول عنه... ولا نحط كم شارع خدمه...
أدري .. بس مهوب من الأحسن أن نصمد جويا لمدة شهر شهرين .. أشوى من يوم ولا يومين .. حتى مايمدي الدول المتعاونه معنا أن تقدم أي معونه .
يعني أنت الحين صرت زي البحرين وعظمتهم .. اللي جيشهم بس منظر .. ديكور .. لايسمن ولايغني .. وحتى جيشهم مااهتموا فيه ذاك الاهتمام الا بعد ازمة الخليج .. الكويت كان ماعندهم الا 10 طائرات اف 15 مدري كم .. ماكانوا يتخوفون من شي .. وشف وش جاهم .. والحين تعلموا من الدرس .
نحن فعلا لانستطيع مجابهة أمريكا أو غيرها جويا .. لكن الصمود لابأس به .. اجل وش رايك نرجع لخيامنا ومزراعنا .. ونترك المدن .. ونقول : يالله مهوب جاينا شي .. وان جانا شي .. فدا .. مايحتاج القلق هذا كله !!!
HArb200
07-02-2003, 04:36 PM
الرسالة الأصلية كتبت بواسطة RPG_master
اقسم بالله ان موضوعك ذا ضيقه صدر?:
لا تروعنا ياخي:"
لا تذكرنا انواع المعاناهhttp://www.webpost.net/sp/spikeyman/dog.gif
بالنسبه للأضافات ترا ما عندي سالفه بالسياسه
فلذلك اقول اننا ننتظر ونشوف وش بيصير بذا الحرب بعدين نقرر نروح نجاهد ولا لا:6
ياخي ازين انك تعرف الحين .. قبل مايصير شي ماكنا نتوقعه !
ياخي عطنا وش رايك بالاهداف السعوديه .. ذي بسيطه ؛؟
AL_7RBY
07-02-2003, 04:56 PM
.. الكويت كان ماعندهم الا 10 طائرات اف 15 مدري كم .. ماكانوا يتخوفون من شي .. وشف وش جاهم .. والحين تعلموا من الدرس .
تدري ان الكويت الحين تملك اكثر من الفين مدري ثلاثة الاف مظاد طائرات
هذا غير طائرات الاف 16 مو 15 (بس طبعا تختلف عن الطائرات الامريكية طبعا)
المشكلة اننا محنا عارفين من راح نواجه هو العراق ولا امريكا مستقبلا
اما عن موضوعك فهو ان مشكلة السعودية ما عندها دفاعات جوية قوية (مثل كل دول الخليج) بس القوات الارضية قوية (مدري بسلاح ولا بكثرة الجنود )
وشكرا على الموضوع ؟
HArb200
07-02-2003, 05:04 PM
الحربي ,,
العفو .. بس أنا يوم قلت كذا كنت أقصد قبل الازمه .. الحين .. صاروا أحسن منا .
AL_7RBY
07-02-2003, 05:08 PM
الرسالة الأصلية كتبت بواسطة HArb200
الحربي ,,
العفو .. بس أنا يوم قلت كذا كنت أقصد قبل الازمه .. الحين .. صاروا أحسن منا .
المشكلة انهم لولا امريكا ماسووا كذا ولا تراهم مايعرفون يسون شي
HArb200
07-02-2003, 05:10 PM
وعلى فكره تلاحظون أني حددت الأهداف اللي ممكن تضرب من الجو .. سواءا بصواريخ أو طائرات .
لأن الحرب الجديده تقتضي كذا .. هتلر يوم بدا حربه العالميه .. يوم يحارب بولونيا .. لعب في أبو خامس مطاراتهم وموانئهم .. بالعربي اعتمد على سلاح الجو .. وبعدين حرك الدبابات وبالأخييييييييير المشاة ,. ومن ذلك الحين والى هالحين وهالخطه هي المستخدمه .. نلاحظ في العدوان الثلاثي على مصر .. هاجموا المطارات (وهذي وحده على ارسين ) دمروها تدمير غير طبيعي .. لكن لأنه كان عندهم سرعة بديهيه واستخبارات زي البشريه .. ضبطوا امورهم وقلبوا على الدول المعاديه .. وانتصروا .. بدهاء !
Arsene Lupin
07-02-2003, 05:10 PM
اجل وش رايك نرجع لخيامنا ومزراعنا .. ونترك المدن .. ونقول : يالله مهوب جاينا شي .. وان جانا شي .. فدا .. مايحتاج القلق هذا كله !!!
لا ياخي ما قلت لهالدرجه... يعني تكون فيه هالابراج... بس بحمايه عاديه... انت بتخليها تحصينات حربيه...
و حتى امريكا ما عندها مثل هالاشياء... اثنين من اطول ابراجها بطيارتين سفر طيحوهن...
و فيه معلومه سمعتها من واحد... ان جيوش الخليج مجتمعه.... اذا هاجمتهم امريكا... ما تصمد قدامهم ولا يوم واحد... اظن انه قايل خمس ساعات بس...
يعني نحتاج تغيير جذري عشان نعدل الوضع... و هالتغيير الجذري مستحيل يصير مع هالاقتصاد الي يحبه قلبك...
عندك اقتصاد الارجنتين... اسوأ اقتصاد مر في التاريخ... حتى انهم اعلنوا افلاسهم... اقتصادنا اسوأ منهم... بس راحمنا ربي بهالبترول...
فافضل من انا نضيع هالكم قرش الباقيه على تحصينات لا تسمن ولا تغني من جوع... نحاول نعدل هالاقتصاد اول...
على العموم... لا هذا ولا ذاك راح يصير... ما عندك احد... ما نقول الا الله يعيننا على الي جاي..
يمكن برا الموضوع شوي...
بس من جد معجبني صدام ياخي :6
اسلوب تعامله مع امريكا... احس انه واثق من نفسه بقوه و يستلكع معهم... كنه يقول اطقع ما عندي انتم... لو فيكم رجال يقرب :cool:
مثل تعامله مع المفتشين قبل ما يجون... اذا جت امريكا بتضرب قال جيبوهم.. و اذا بغوا يجون قال لا محد بيجي... و على كذا...
و عندك يوم تطلع نسبة ترشيحه للرئاسه 100%... :D ... هذي قاضيه... واضح من جد انه جالس يستهبل...
ما اقول الا عسى ان يكون من جد عنده شي يرن به راس امريكا :6
Arsene Lupin
07-02-2003, 05:20 PM
نلاحظ في العدوان الثلاثي على مصر .. هاجموا المطارات (وهذي وحده على ارسين ) دمروها تدمير غير طبيعي .. لكن لأنه كان عندهم سرعة بديهيه واستخبارات زي البشريه .. ضبطوا امورهم وقلبوا على الدول المعاديه .. وانتصروا .. بدهاء !
من قال لك انهم انتصروا عليهم؟ ?:
رئيسهم... السادات... وقع صلح مع اسرائيل يوم درا ان ثلاث جسور من الطيارات الحربيه دازه لمه... و على طول قال للدول الثلاث انه وقع صلح و ما فيه مشاكل... فرجعوا... طبعا بعد ما ضربوا منا و منا
و عشان كذا اغتيل لانه وقع صلح مع اسرائيل... لانهم لو مستمرين في هجومهم على اسرائيل كم يوم كان معد فيه ولا اسرائيلي عندك الحين في فلسطين..
اما هجومهم على المطارات... انا ما قلت انه موب هدف في الحروب... بس يبقى موب شبك ولا جدار بتحل المشكله...
و ما تدري اذا يوجد مضادات طائرات و صواريخ في المطار ولا لا...
HArb200
07-02-2003, 05:23 PM
أي اقتصاد اللي تتكلم عنه ؟ .. اذا كان قصدك بالتحسين المجلس الاقتصادي الأسفل (الاعلى) .. فتراه فقط الاجتماع اللي يحصل فيه تقسيمة المحصول! .. ربك يعدلها.
أما المعلومه اللي تقول .. ايه هذي قلتها أنا .. شكلك ماانتبهت !؟
اما صدام .. ماظنتي عنده سالفه .. مسوي شده .. وأمريكا جمعت الأساطيل كلها قدامه ووراه ويمينه ويساره .. والله ان يطقونه لين يقول الله حق .
هو ان كان عنده شي .. فهو علينا .. وعلى اليهود .. مدري وش جنسه هالصدام .. يكرهنا ويكره اليهود .. وش بقى ?:
HArb200
07-02-2003, 05:29 PM
الرسالة الأصلية كتبت بواسطة Arsene Lupin
من قال لك انهم انتصروا عليهم؟ ?:
رئيسهم... السادات... وقع صلح مع اسرائيل يوم درا ان ثلاث جسور من الطيارات الحربيه دازه لمه... و على طول قال للدول الثلاث انه وقع صلح و ما فيه مشاكل... فرجعوا... طبعا بعد ما ضربوا منا و منا
و عشان كذا اغتيل لانه وقع صلح مع اسرائيل... لانهم لو مستمرين في هجومهم على اسرائيل كم يوم كان معد فيه ولا اسرائيلي عندك الحين في فلسطين..
اما هجومهم على المطارات... انا ما قلت انه موب هدف في الحروب... بس يبقى موب شبك ولا جدار بتحل المشكله...
و ما تدري اذا يوجد مضادات طائرات و صواريخ في المطار ولا لا...
طيب أهم شي أنه وقع هدنه .. وفك عمره .. هذا يعتبر جزء من النصر (وانا قلت انه فاز بدهاء) هو أبعدهم على الاقل .. يعني ماخلاهم يسرحون ويمرحون بكيفهم .. وأكيد لازم يوقع صلح لأنه مهوب قادر عليهم اذا طالت المده .
يمكن فيه .. وبعد يمكن فيه بترول تحتنا !!
RPG_master
07-02-2003, 05:48 PM
اهم شي لا يخش خوينا ميدو من مصر في النقاش ولا ترا بقلب موضوعك على راسك انت وياه:6
مهجدهم
07-02-2003, 06:21 PM
لاتخافون دامي موجود معكم
الكسندر قويحص
07-02-2003, 08:44 PM
موضوع جيد وسياسي محنك بس حبيت اقولك شي واحد احفظ الله يحفظك.
ملاحظه البنتاغون مبنى خماسي ومعنى كلمة بنتاغون اي المبنى الخماسي
أول شي الله يحفظلكم دولتكم ويحميها من الهجوم
أما الشي الاخر اللي بقوله هو إنك ماتحتاج أخوي هارب لأي إحصائيه من أي جريده ولا مجله عشان تعرف القوه العسكريه الضعيفه لدولنا العربيه والخليجيه في هالحاله
طبعا مصدر الأسلحه بيكون في الغالب من الإتحاد السوفيتي سابقا أو من أمريكا
أسلحه الإتحاد السوفيتي صارت الحين زي ما يقولون سكراب كلها حديد مصدي ما يقدر يصد الهجوم حتى لو كان هجوم من الفئران
أما الأسلحه الأمريكيه
فأكيد مارح تعطيك أمريكا كميه من الأسلحه عشان يكون عندك تفوق عسكري ضدها مهما كان السبب حتى لو كانت مأمنه للأوضاع الحاليه
فكل اللي بتعطيه لك هو لزوم الإستعراضات العسكريه اللي بتتسوى كل سنه عشان الهيبه لا أكثر:)
وفيه نقطه أخرى بتكلم عنها
معقوله إقتصاد السعوديه ضعيف ؟؟
السعوديه برأيي وعلى حسب معلوماتي أغنى الدول العربيه نفطيا والكميه اللي بتصدرها منو مفروض يخليها الأغنى على الإطلاق
طيب أهم شي أنه وقع هدنه .. وفك عمره ..
نصر شنو
شروط الإتفاقيه ( إتفاقيه الإستسلام ) تنص على
وجود 20 ألف جندي مصري فقط على كامل سيناء
الأسلحه اللي بيستعملوها هالجنود لازم تكون أسلحه خفيفه فقط ويمنع إدخال المدرعات والطائرات وخلافه
إسرائيل ليها الحق في حشد أي كميه من الجيوش وإعاده إحتلال سيناء في الوقت اللي تشاء
طبعا إسرائيل سوت هدنه لأنها عارفه لو إنها إستمرت بالحرب فهي كانت رح تكون خاسره لا محاله
فأي قوه رح توقف أمام 50 مليون بشري يدافعون عن أرضهم ؟؟؟
يبقوا هما تراجعوا عشان يحققوا الإنتصار في المعركه وفرض شروطهم في الهدنه ( طبعا المنتصر هو اللي يحدد هالشروط ) وتحقيق أول خطوات التطبيع مع مصر أولا وباقي الدول العربيه تاليا
وفي نفس الوقت يتركوا السادات يغني بإنتصاره ( العظيم ) في أكتوبر :)
yugo the wolf
07-02-2003, 11:00 PM
الرسالة الأصلية كتبت بواسطة A.J
أول شي الله يحفظلكم دولتكم ويحميها من الهجوم
أما الشي الاخر اللي بقوله هو إنك ماتحتاج أخوي هارب لأي إحصائيه من أي جريده ولا مجله عشان تعرف القوه العسكريه الضعيفه لدولنا العربيه والخليجيه في هالحاله
طبعا مصدر الأسلحه بيكون في الغالب من الإتحاد السوفيتي سابقا أو من أمريكا
أسلحه الإتحاد السوفيتي صارت الحين زي ما يقولون سكراب كلها حديد مصدي ما يقدر يصد الهجوم حتى لو كان هجوم من الفئران
أما الأسلحه الأمريكيه
فأكيد مارح تعطيك أمريكا كميه من الأسلحه عشان يكون عندك تفوق عسكري ضدها مهما كان السبب حتى لو كانت مأمنه للأوضاع الحاليه
فكل اللي بتعطيه لك هو لزوم الإستعراضات العسكريه اللي بتتسوى كل سنه عشان الهيبه لا أكثر:)
وفيه نقطه أخرى بتكلم عنها
معقوله إقتصاد السعوديه ضعيف ؟؟
السعوديه برأيي وعلى حسب معلوماتي أغنى الدول العربيه نفطيا والكميه اللي بتصدرها منو مفروض يخليها الأغنى على الإطلاق
نصر شنو
شروط الإتفاقيه ( إتفاقيه الإستسلام ) تنص على
وجود 20 ألف جندي مصري فقط على كامل سيناء
الأسلحه اللي بيستعملوها هالجنود لازم تكون أسلحه خفيفه فقط ويمنع إدخال المدرعات والطائرات وخلافه
إسرائيل ليها الحق في حشد أي كميه من الجيوش وإعاده إحتلال سيناء في الوقت اللي تشاء
طبعا إسرائيل سوت هدنه لأنها عارفه لو إنها إستمرت بالحرب فهي كانت رح تكون خاسره لا محاله
فأي قوه رح توقف أمام 50 مليون بشري يدافعون عن أرضهم ؟؟؟
يبقوا هما تراجعوا عشان يحققوا الإنتصار في المعركه وفرض شروطهم في الهدنه ( طبعا المنتصر هو اللي يحدد هالشروط ) وتحقيق أول خطوات التطبيع مع مصر أولا وباقي الدول العربيه تاليا
وفي نفس الوقت يتركوا السادات يغني بإنتصاره ( العظيم ) في أكتوبر :)
as A.J :أفكر:
silverpaco_101
07-02-2003, 11:09 PM
ايه احصدوا اللى زرعتوه:-)
ثريول
08-02-2003, 12:11 AM
ايه والله صاج
المشكله لو أنهم ضربوا محليات ماء البحر
وش بيكون حالنا
*مدلـل*
08-02-2003, 12:47 AM
يارجال ...
احصدوا اللى زرعتوه
2TGOOL
08-02-2003, 02:28 AM
إنا لله وإنا اليه راجعون...
اشوف الناس بدت تخاف....
من...(((فقاعة صابون))) اسمها امريكا..
ويننا عن الصحابة رضي الله عنهم..اللي يوم قالو لهم..إن الناس جمعو لكم..فإخشوهم..فلم يزيدهم الى ايمانا...
الجيش الأمريكي يقدر يهزم جيش...بدقائق..مو ساعات مثل ما انت تقول..
لكن...ما يقدر يهزم شعب مؤمن....
وحتى لو كان ايمانه...ايمان كفر وضلال..مثل ما حدث لهم في فيتنام..
فكيف بمن يؤمنون بالله..العلي القدير...
إن العاقبه لنا..هذا امر محتم..لا جدال فيه...
واللي يشك في الكلام هذا...اقوله..
من يرضيك كلامه...وتأكيده..على الحقيقة هذي..
يرضيك كلام الله عز وجل...
اجل اسمع...
((اكفاركم خير من اولائكم ام لكم برائة في الزبر@ أم يقولون نحن جميع منتصر@ سيهزم الجمع ويلون الدبر@بل الساعة موعدهم والساعة ادهى وأمر))
هذا كلام صريح من الله عز وجل...إن جموع..وتحالفات الكفار...
ستهزم....هزيمتين..
الأولى..في الدنيا..
والثانية..في الآخرة...
كلمة اخيرة: اتوقع أمتنا نامت نوم عميق جداً...جداً...وما بعد النوم هذا..الى واصلين له..ذي الأيام..إلا الموت...
وأمتنا لن تموت.
يعني..الفجر بإذن الله..اقترب...:)
tidusxxx
08-02-2003, 04:44 AM
ياخي خوفتني....ونكدت علي....وانا اللي كنت مخطط اندس في الغسالة....:(
silverpaco_101
08-02-2003, 05:35 AM
الرسالة الأصلية كتبت بواسطة 2TGOOL
إنا لله وإنا اليه راجعون...
اشوف الناس بدت تخاف....
من...(((فقاعة صابون))) اسمها امريكا..
ويننا عن الصحابة رضي الله عنهم..اللي يوم قالو لهم..إن الناس جمعو لكم..فإخشوهم..فلم يزيدهم الى ايمانا...
الجيش الأمريكي يقدر يهزم جيش...بدقائق..مو ساعات مثل ما انت تقول..
لكن...ما يقدر يهزم شعب مؤمن....
وحتى لو كان ايمانه...ايمان كفر وضلال..مثل ما حدث لهم في فيتنام..
فكيف بمن يؤمنون بالله..العلي القدير...
إن العاقبه لنا..هذا امر محتم..لا جدال فيه...
واللي يشك في الكلام هذا...اقوله..
من يرضيك كلامه...وتأكيده..على الحقيقة هذي..
يرضيك كلام الله عز وجل...
اجل اسمع...
((اكفاركم خير من اولائكم ام لكم برائة في الزبر@ أم يقولون نحن جميع منتصر@ سيهزم الجمع ويلون الدبر@بل الساعة موعدهم والساعة ادهى وأمر))
هذا كلام صريح من الله عز وجل...إن جموع..وتحالفات الكفار...
ستهزم....هزيمتين..
الأولى..في الدنيا..
والثانية..في الآخرة...
كلمة اخيرة: اتوقع أمتنا نامت نوم عميق جداً...جداً...وما بعد النوم هذا..الى واصلين له..ذي الأيام..إلا الموت...
وأمتنا لن تموت.
يعني..الفجر بإذن الله..اقترب...:)
ايه هذا الكلام اللى ينقال:)
اصلا من متى كانوا المسلمين ينتصرون بكثرتهم دائما كانوا اقل بس الايمان بالله هو اللى ينصرهم
HArb200
08-02-2003, 06:04 AM
اربيجي ,,
بالعكس ميدو سكر الموضوع .. بس لايطول لسانه ... >>وانت لاتتهور زي الموضوع السابق:أفكر:
قويحص ,,
اعقلها وتوكل !!؟
اي جي ,,
طبعا مصدر الأسلحه بيكون في الغالب من الإتحاد السوفيتي سابقا أو من أمريكا
أسلحه الإتحاد السوفيتي صارت الحين زي ما يقولون سكراب كلها حديد مصدي ما يقدر يصد الهجوم حتى لو كان هجوم من الفئران
بالتأكيد .. لكن مايمنع اننا نستخدم خبرات الباكستان في هالمجال .. عندهم تفكير حلو .. ويحتاج الدعم بصراحه ... وصواريخهم جيده .. صح أنها فقط تحسينيه ومجرد تعديلات على الصواريخ الصينيه .. لكن تبقى لها أهميه .
وللاسف غير باكستان مافيه .. الا ايران .. واعتقد الاتفاق العسكري .. بتطول نتايجه .. وعموما ماوراهم خير .
اما امريكا .. اكيد هم مابيعطونا لين نصير أحسن منهم .. لكن في المجال البحري .. بارجه أو اثنين .. أعتقد تكفي .. مع بعض الصناعات الالمانيه الجيده .. والفرنسيه أيضا .. خاصتاً فرنسا ... لأن لها مبادرات قويه مع العرب .. هم اللي أعطوا العراق أساسيات صنع النووي .. من مخصبات اليورانيوم وغيرها .
على فكره ترى عندنا مصنع يصنع ثلاث دببات يوميا على طريق الخرج ":" <<اظن هذي طاقتة الانتاجيه القصوى!!
-------
اما الاقتصاد .. فمثل ماقال ارسين .. لولا الله ثم النفط .. كان شفتنا زي السودان واطقع بعد .
اقتصاد مدري وين يروح .. البترول في الايام القادمه بنصدر منه مالا يقل عن 10.000.000 برميل يوميا !! .. وكل برميل على الاقل 20 دولار .. وين يروح هالخير هذا كله !؟؟
الله اعلم!
------
اما حرب مصر .. فيمكن .. انا عموما ماحددت هالشي كمحور .. لكن استطراد أدى به أن يصير محور للنقاش .
ومشكور على ردك .
سيلفر باكو & مدلل ,,
نقدر نحسن هالحصاد .. بس ماعندك احد للاسف .
ثريول ,,
تحس بالمعاناة !
خوباج ,,
العفو .. ومشكور .. بس وين ردك ":"
HArb200
08-02-2003, 06:24 AM
إنا لله وإنا اليه راجعون...
اشوف الناس بدت تخاف....
من...(((فقاعة صابون))) اسمها امريكا..
ويننا عن الصحابة رضي الله عنهم..اللي يوم قالو لهم..إن الناس جمعو لكم..فإخشوهم..فلم يزيدهم الى ايمانا...
الجيش الأمريكي يقدر يهزم جيش...بدقائق..مو ساعات مثل ما انت تقول..
لكن...ما يقدر يهزم شعب مؤمن....
وحتى لو كان ايمانه...ايمان كفر وضلال..مثل ما حدث لهم في فيتنام..
فكيف بمن يؤمنون بالله..العلي القدير...
إن العاقبه لنا..هذا امر محتم..لا جدال فيه...
واللي يشك في الكلام هذا...اقوله..
من يرضيك كلامه...وتأكيده..على الحقيقة هذي..
يرضيك كلام الله عز وجل...
اجل اسمع...
((اكفاركم خير من اولائكم ام لكم برائة في الزبر@ أم يقولون نحن جميع منتصر@ سيهزم الجمع ويلون الدبر@بل الساعة موعدهم والساعة ادهى وأمر))
هذا كلام صريح من الله عز وجل...إن جموع..وتحالفات الكفار...
ستهزم....هزيمتين..
الأولى..في الدنيا..
والثانية..في الآخرة...
كلمة اخيرة: اتوقع أمتنا نامت نوم عميق جداً...جداً...وما بعد النوم هذا..الى واصلين له..ذي الأيام..إلا الموت...
وأمتنا لن تموت.
يعني..الفجر بإذن الله..اقترب
طيب اولا مشكور على كلامك .. لكن الايه هذي تنطبق على غزوة الخندق .. هل المسلمين جلسوا ينتظرون الاعداء .. ويقولون الله معنا .. الله بينصرنا .. لا .. اتخذوا الاسباب .. والباقي على الله .. حفروا الخندق .. تنادوا للجهاد .. تدربوا .. خططوا .. أشياء كثيره عملوها .. لاتتوقع انهم فازو وانتصروا بسهوله .
وأمريكا اذا كانت فقاعة صابون لدى غيرنا .. فلدينا أكثر .. ويجب أن نعرف قدر عدونا .. ولانستهين به .. الفيتنام حفروا جحور وانفاق زي الفئران .. وخططوا خطط لم يكن يتوقعها الامريكان .. فانتصروا عليهم .
ليس لاننا مسلمين .. نقعد ونقول سيأتينا النصر .. النصر من عند الله لاشك . لكن يجب ان نتخذ الأسباب للوصول الى النصر .
في معركه احد .. كان المسلمين والصحابة والرسول صلى الله عليه وسلم ضد الكفار .. لكن .. هزموا ! .. وبعدها انتصروا .
وايضا يجب ان نتمسك بالدين الصحيح .. يعني بالله عليك .. هذي أمه تخشاها الأمم ؟؟ ..
تكلم بواقعيه .. يرحم والديك .. الكلام هذا زين .. ماقلنا شي .. لكن لايدعونا الى التساهل بالعدو .
وعموما .. شكرا على ردك.
تايدوس ,,
افا .. الصعاب هي اللي تبين معادن الرجال .. أجل اخرتها بتندس بغساله :واو:
RPG_master
08-02-2003, 06:36 AM
الرسالة الأصلية كتبت بواسطة tidusxxx
ياخي خوفتني....ونكدت علي....وانا اللي كنت مخطط اندس في الغسالة....:(
فيه مكان فاضي بالنشافه الي جنبها?: ؟
crazy
08-02-2003, 07:05 AM
شكرا .:":
Victor|Hugo
08-02-2003, 02:37 PM
نعم صدقت الأستعداد واجب واقله لو الأستعداد النفسي وان الناس تفهم ان امريكا ماجابت جيوشها للخليج وعندها نيه تطلع
Arsene Lupin
08-02-2003, 05:18 PM
http://www.anashed.net/audio/mohannadyat/nehayat_a7zan.ram
2TGOOL
09-02-2003, 01:49 AM
أخوي هارب...
كل اللي قصدته في ردي...إننا ما تخاف...ونرتجف بس اذا سمعنا...فقاعة الصابون-اقولها مره ثانية- أمريكا...مثل بعض الردود هنا...اللي يقول..يبي يهج,,,,واللي يبي يندس بغسالتهم...وحتى لو كان يمزح...انا اتكلم من ناحية المبدأ...
بس اذا انت تقصد الإستعداد....والله انا معك..إن العدة واجبه على المسلمين..والصراحة....ونكون صريحين مع بعض..اللي ما عنده سلاح..يروح يدبر...ولا يقعد بكرا...يناظر لأي معتدي لا سمح الله..وهم يدنسون ارضه..وبيته...وأهله..وهو ما يقدر يسوي شي....
حبيبي المشكله الاساسيه انه لو جات الحرب ياحبيبي حتاجي الدوله علينا يكتفونا احنا ياالشباب وياالله على ساحه الجهاد ياحبيبي.
حنتلقا تدريب اسبوع واحد او اسبوعين وكمان تدريب اي كلام وندخل الحرب واحنا محنا دارين عن شي وحنموت شهداء انشاء الله كل واحد رصاصه في دماغوا قبل مايموت يتذكر امه وابوه اخوه اللي معاه في الجيش ومايدري هل هو حي والا ميت ويتذكر حبيبته:" ويتذكر احسن اصحابه بعدين يموت:" :" :" :" حكايه مؤثره صح:" .
قولوا بس الله يبعد عننا الحرب
tidusxxx
09-02-2003, 07:27 AM
الرسالة الأصلية كتبت بواسطة RPG_master
فيه مكان فاضي بالنشافه الي جنبها?: ؟
ايه والله فيه....النشافة اكبر من الغسالة....الحق خذها على ديدمان تراني حاقد عليه:D
SNOoOP
09-02-2003, 08:01 AM
بصراحة ماقريت كل الردود بل أغلبها الي أعتر أكثرها محبطة
لن تنتصر الأمة الإسلامية الا باتباع الاسلام
انظروا ماذا فعل المجاهدون في الشيشان في دولة عظيمة هي روسيا مع قلة عدتهم وعتادم لم يستسلموا ويقولون احنا خايفين
لم يهابوا الموت لأنهم عارفين الحق فتولدت في قلوبهم رغبة بالموت أكثر من الحياة و صاروا أقوياء بسبب إيمانهم
كما يجب أن نأخذ بالأسباب
فالسبب صعب بوجود أمراء وحكام ينفقون الملايين الملايين من الريالات
في دعم الرياضة والسياحة والفن!!!
بينما لا ينفقون ثمن المبلغ في دعم العلم والعلماء حتى تولدت عند هؤلاء
العلماء إحباطات بسبب عدم الدعم فهاجروا إلى الخارج حيث استفادت
أمريكا ودول الغرب منهم ودعموهم بكل شيء
وشكرا...
Spike
09-02-2003, 10:41 AM
الرسالة الأصلية كتبت بواسطة mib2
وندخل الحرب واحنا محنا دارين عن شي وحنموت شهداء انشاء الله كل واحد رصاصه في دماغوا
لووووووووووول :" :" :"
جميع حقوق برمجة vBulletin محفوظة ©2024 ,لدى مؤسسة Jelsoft المحدودة.
جميع المواضيع و المشاركات المطروحة من الاعضاء لا تعبر بالضرورة عن رأي أصحاب شبكة المنتدى .