المساعد الشخصي الرقمي

مشاهدة النسخة كاملة : ياوقح .. يابذيء .. كف عني "برطمك"


HArb200
12-02-2003, 01:48 PM
السلام عليكم ..


اكيد كلكم فرحانين .. وسعدانين .. ومبصوطين .. بالعيد ,,

لاتقولون انت بعد سعيد .. ترا تحطون يدكم على الجرح .. ويبدا بالنزيف !!
ايييه الله يهنيكم .. ويجعل ايامكم كلها سعيده وهنيه .


المهم .. البرد زين لاشك .. لكن عند قرب انتهائه .. يجينا مخلوق كريه .. قبيح .. بذيء .. مافيه أحد مادعا عليه .. الا وهو "النامس" .. وفي بعض الروايات " الملاريا" << فرق شاسع .. ويقال لها "البعوضه" .. وبالهنديه "ذبان بس يقرص" .. واختلفت الروايات .. والحجه على الراوي .. <<انت وش قاعد تقول !؟

المهم .. هذا المخلوق .. آذاني وأقلق عيشتي .. وأضجع نومي .. ومدري وش بعد .. من الاحزان وضيقة النفس اللي جابها معه .. الله لايوريكم .. معاد أطيق العيش بدون الشرشف .. الحين اكلمكم وانا متلطم .. ومتربط وشكلي تقل مومياء من العصر الفرعوني مدري وش يقاله .

وذلك بعد المعاناه اللتي حصلت لي في أحد الايام .. فبينما انا جالس اتصفح النت .. بسلام وهدوء .. وارمق بنظرة خاطفه احد مخلوقات الله (النامس).. واتعجب منه ومن شكله .. وابتسم له بكل أخويه ووديه وحبيه .. اذ بتلك القرصه .. اللتي كاد أن يغشى علي فيها .. واناظر يمنة ويسره .. قدام وورا .. ابحث عن القارص .. فااذ به .. نامس قابع عند اصبع رجلي الاكبر .. واذ ببراطمه قد تغطت بالدماء .. وهو يمص من الدم .. حتى اغمي علي.

"طبعا .. الموضوع من معاناه ..ولاجهزت له.. لذلك .. تحملوا .. بتصير فيه لفات غير طبيعيه .. وشطحات مهيب صاحيه "

نكمل .. طبعا مع هذي المعاناه الشديده .. قررت فعل الجريمه الشنعاء .. وقد استثار دمي من تلك الليله .. وخططت ودبرت كل مااحتاج من أسلحه .. "وكمامات" ..

ففي اليوم الحادي والخمسون من شهر ذي النقزه .. وفي يوم الاربعه .. وبينما انا اطقطق على الانترنت .. والمح بعيني اليسرى .. تلك الناموسه القبيحه .. وهي منتفخه بعد مامصت من دمي لين قالت بس

قهر .. دم كله من أحسن المطاعم .. لو على ايام الفلافل .. كان بقريح .. بس للأسف .. كلها من مطاعم راقيه !!

نرجع لسالفتنا .. فبينما انا ارمقه بتلك النظرة الحاده .. اذ وقّع (بيجيك واحد دلخ الحين .. ويقول .. وشلون يوقّع ولا معه قلم ؟! ) ماعلينا .. المهم .. بينما هو موقع على الجدار .. اذا اقوم بحركه خفيه .. واجيب السلاح الحاد .. وهو عباره عن كتاب مكون من 200 صفحه .. وارجع لمكاني .. واحدد الهدف.


وطاااااااااااااااااااخ(لاأخفي عليكم أنني نتعه بالملعون وبصوت مرتفع .. وذلك لشدة الحقد اللذي بداخلي) ... اذ به يقع مغشياً عليه

واذ به ينفعص تحت قوة وهول الصدمه .. فينتقل الى مثواه الأخير

ترحموا عليه !

المهم .. وتجي الفزعات .. من قومه .. واذ بهم جحافل لايشق لها غبار .. واذ بي اتراجع بحنكه ودهاء لامثيل له ..وأطبق الخطط .. وأجيب الدرع .. وهو عباره عن شرشف مغطى بطبقه خفيفه من الكريمه <<وش !؟؟ ..

لا وش مغطى .. شكلي خشيت جو مطاعم .

اقصد شرشف .. ساده .. المهم .. واتغطى به .. واذ هم يقرصونني من كل حدب وصوب .. واهرب .. واعود بفليت .. للحشرات الزاحفه .. <<عاد مدري وشلون بيقتلهم !؟

وأبدأ برش المبيد الحشري .. بكل مكان .. من الغرفه .. وخارج الغرفه .. وحتى أنني كدت أشرب الباقي منه !!

ويموت بتلك المعركه جنود كثر .. وأرجع ومعي الغنائم والنصر واضح على محياي :0)

ويأتي اليوم التالي .. واذ بنفس المعاناه .. وازود من قبل .


فقاومت .. وقاومت .. وقاومت .. وكل يوم يتحسن مستواهم الحربي .. لكن انتهت الأسلحة .. ونفدت الذخيره .
فرفعت الرايه .. واعلنت الاستسلام في مؤتمر روما .. وهاانا أعيش متلطما .. متكمما .. وقوانين الغاب تحكمني .. لا أقدر أن أقول الا .. قبح الله النامس !

وشكرا ..
snow river
12-02-2003, 01:55 PM
هههههههههههههههه والله نفس الحاله :D :D



لكن النامس يهون عند الذبان :غضب: ياهو غثييييييييييييث اعوذ بالله :غضب: اذا كنت نايم وكل شوي تجيك تدغدغك وتهشها وترجع مره ثانيه ززززززززززززززززززززززز وتوخرها وترجع وهكذا الى الصبح اقوم وانا خلاص متنكده :":




ثانكيو هارب عالموضوع الغير شكل ":" ":"
RPG_master
12-02-2003, 02:00 PM
ههههههههههههههههه الله يعينك:6

بس صدقني..ما تجي شي عند النمل



جرب قرصه النمل بعدين تعال:6


يدي كانت عباره عن دور واحد وبعد القرصه بنت لها دور ثاني

صارت كنها كليجا من كبرهاhttp://www.webpost.net/sp/spikeyman/dog.gif
ahmed23
12-02-2003, 02:06 PM
عندكم حق الذبان هذا مصيبة لوحده

دوناً عن باقي الحشرات
HArb200
12-02-2003, 02:16 PM
سنو ,,

الذبان بعد مصيبه .. بس ماعنده اسلحه زي النامس .. يعني اهون بكثير .. الا ان صار سكران .. بعض المرات يخش بفمك ولا اذنك .. السكير ذولي هم أشر انواع الذباب .

والعفو ..


اربيجي ,,

اشوا انك تحس بمعاناتي :"
النمل ايضا مصيبه .. بس الحين منقطع عندي والحمدلله .. مانكد علي البرد والجو الرومانسي .. الا هالنامس .

وشكرا على ردك .

بوي ثينج ,,

لاصاروا فاضين .. انحش .. وخلهم يحتلون المكان كله :"
وشكرا على ردك .

احمد 23 ,,

صح .. ومشكور على ردك .

وشكرا ..
Arsene Lupin
12-02-2003, 02:25 PM
و الله تونا في البرد :cool: ... محد يقدر يقرب شقتي... يموت من على بعد كيلو منها :6



و طبعا نادر من يستطيع الدخول... و لو دخل... كتاب الكالكولوس الي ماله فايده يصير مفيد في هالمواقف :0)



لا و ميزة هالكريتشر انه بطيء... مو مثل الذبان اسرع من الضوء..





اني وي... god help u:o
المعدن
12-02-2003, 05:01 PM
اعوذبالله ناموس ذبان




وش خليتوا حق هذا






















http://www.ag.auburn.edu/~spouncey/roachliv.gif




:D
:D
:0)



http://www.handykult.de/plaudersmilies.de/jump.gif
Angel whisper
12-02-2003, 07:45 PM
يحليلك يا اخ العرب :": ..

بس تدري ..

احنا هني نقتلهم بطريقة فريدة من نوعها ":" ..

نراقب الواحد مراقب زينة ..

ونحصره بين ايادينا ..

ونصفق :0)

فيسقط صريعا بين يديك ":" ..

هاذي طريقة تراثية والله :p

بس انا ما احب استخدمها :6

والله يعينك ومشكور :6
Justine
12-02-2003, 08:20 PM
خخخخخخخخخخ

ايه حتى ناموس مكة نفس الشي <<<< مؤجر ":"

دايمن يكون عند الرجول ... لمن ادخل السيارة الاقيه جوه ?: عند رجولي

لمن اقعد فوق المكتب اذاكر او اقرا الاقيه عند رجولي كمان :غضب:

لو كان الناموس شجاع كان شرب من دمي اللي فوق مو اللي عند رجولي :غضب:



و سالفة الدبان !

من واقع خبرتي في الحياة ملاحظ انه الذباب الصغير مزعج أكثر من الكبير ?:

أحيانا افكر انه ما عنده خبرة لهذا يكون شقي اكثر ... أما الكبير فيكون بالع اللعبة كلها لهذا يكون خواف :p


و مشكور على الموضوع قيثارة ^^
الكسندر قويحص
12-02-2003, 10:21 PM
الله يمسح وجه الناموس كله من وجه الارض واشكرك على المشاركه الجميله
2TGOOL
13-02-2003, 01:44 AM
ههههههههههههههههه


ياخي انت مهستر....وبس...
HArb200
13-02-2003, 01:56 AM
ارسين ,,
عاد نامس أمريكا غييير .. تلقى عنده أسلحه مطوره .. وبيولوجيه خخخخ

وشكرا على ردك ..

المعدن ,,
وع !

اينجل ,,
الا شكلك تستخدمينها .. بس ماتبين تعلمينا ":"
وطبعا .. من واقع خبرة التعامل مع مثل هالانواع .. الاحظ ان الكتاب ذو 200 صفحه ..هو أقوى سلاح يمكن استخدامه .
ونتايجه فوريه ":"

وشكرا على ردك .

باهاموت ,,
خخخ .. متواضع النامس ذا ..

من ناحية الذبان .. فأعتقد نظريتك صحيحه ":" ..

قيثاره :! .. ومشكور على ردك .


قويحص ,,
العفو .. واشكرك على الرد الجميل .


وشكرا ..
tidusxxx
13-02-2003, 04:13 AM
خخخخخخخخخخخخخخخخخخخخ.....زي حالتي:6
بس الموشكلة انه يصوب على اذاني?:
ما تشوفني الا اضارب بالجرايد.<<<تراها سلاح فتاك..
لكن اغرب شي ان نامسنا تعلم خدع....اذا ضربناه يسوي نفسه ميت...وشوي ويطير?:
فيه بخاخات يمدحونها تبخ منها ولا يجيك ولا حشرة...بس مدري عنه:6
الدكتور زحفان
13-02-2003, 05:21 AM
والله حالتك صعبة :D

تصدق أنا كنت زيك ":" بس ألحين ماعاد يقرب شي اسمه نامس

لأني خذيت إحتيطات

وجهزت غرفتي بأحدث أنواع الزنوبات وأجدد عصا أم شبك <- - مدري والله وش أسمها:D

وأي ناموسه تقرب .... تروح فيها على طول

وألحين النواميس حرمت تقرب لغرفتي ":"

والله يعطيك العافية على الموضوع
انجلينا17
13-02-2003, 09:49 PM
الذبان بعد مصيبه .. بس ماعنده اسلحه زي النامس .. يعني اهون بكثير .. الا ان صار سكران .. بعض المرات يخش بفمك ولا اذنك .. السكير ذولي هم أشر انواع الذباب .

زين اذا فكر يدخل فى الفم ولا الاذن ?: خشمي :6

والنامس من زمان ماشفته

والنمل على قوله عربجي ماستر قرصته حاره :"
ثريول
13-02-2003, 11:16 PM
أكره شي... أنك تكون في البر... القايله



ويجونك الذبان..... من كل حدب وصوب:D

تشكر على الموضوع... ياهارب


أخوي.... فيه حساسيه من البعوض.... (يعني اذا لدغته بعوضه

....تنفخ جسمه)
قطعة_13
14-02-2003, 04:16 AM
أكرة مخلوقات الله البعوض و الذبان

مزعجة من جد:غضب: :غضب:
memy
14-02-2003, 07:49 AM
وطاااااااااااااااااااخ(لاأخفي عليكم أنني نتعه بالملعون وبصوت مرتفع .. وذلك لشدة الحقد اللذي بداخلي)

ههههههههههههههههه الله يقطع ابليسك :D

الله يعينك يا اخي :(

و بعدين عندي حل احسن حط حولينك تور .....افضل :6

و ما اقدر اقول لكم معاناتي مع البعوض لانه..... ما عندنا بعوض ":"


و مشكور على الموضوع :)
cubelover
14-02-2003, 12:37 PM
اخواني سارو يتنافسون مين اكثر يصيد
HArb200
14-02-2003, 12:53 PM
خنباج ,,
هههه .. لو قدر له ان يتكلم .. كان قال .. انا وش جابني عند الدب ذا :p
بس تلقاه شاف هالجسم الأنيق والرشاقه .. قال أكيد دم مذهّب خخخ

والعفو..

تايدوس ,,
تلقا امه ذبانه .. وابوه نمس خخخخ

وشكرا على ردك .

الدكتور زحفان ,,
اي والله حالتي من جد صعععيه

العفو .. ومشكور على ردك الجميل.

انجلينا ,,
يؤ .. انتي زي حالة الشمقمق العظيم .. ماسمعتي بحالته مع الذبان؟؟
Lena
14-02-2003, 01:27 PM
يووو

ما شفت حالتنا اليوم بالكورنيش
يا هارب

وش بتقول
?:

مدري وراهن متسلطات علينا الحريم

يحبون لون العبايات الظاهر


شفت مجموعة النحل الي تطار الدب الي يسرق العسل الي بالكرتون<==سالفة:p

بس شفت وش كثرها

هذي الي كاانت فوق راس كل حرمة مننا اليوم

اذا قعدنا قعدوا واذا قمنا قاموا معنا:":

شي:p
HArb200
14-02-2003, 01:29 PM
ثريول ,,
العفو أخوي .. وفعلا الذبان في البر موشكله ,,
والله يعين أخوك .. يعني اذا قرصته يتنفخ جسمه كله !!

ومشكور على ردك..


قطعة13 ,,
شكلك تعاني منها

ميمي ,,
ليه ؟؟
لاتقولين أنك بالقمر .. الفنادق هناك غاليه خخخخ

والعفو ..


كيوب ,,
هههه .. أصووووولها ":"
ممكن نسوي مسابقه بالمنتدى بعد خخخخ

وشكرا على تفاعلكم ,,
انجلينا17
14-02-2003, 11:19 PM
الرسالة الأصلية كتبت بواسطة HArb200


انجلينا ,,
يؤ .. انتي زي حالة الشمقمق العظيم .. ماسمعتي بحالته مع الذبان؟؟

شمقمق ولا بقبق => دجاج :6

يااخي كرهت البر من الذبان مانزل شئ من السياره الا لامسه :"
HArb200
15-02-2003, 10:08 AM
شكرا شكرا على هذا التفاعل <<مهوب مصدق

لينا ,,
خخخخ .. تاج من الذوبان .. اكيد حاطين بشعوركم شي .. حنا ولا حلبه ؟ <<خخخخ ..

انجلينا ,,
الشمقمق .. كان عظيم .. بس موذيه الذيان .. المهم .. بينما هو جالس .. اذ دخل في خشمه ذبانه .. وحاول يطلعها بكل السبل .. وبعد مرور برهة من الزمن.. اذ بها تدخل قمة راسه .. وتبي تطلع .. مالقت لها طريق .. ويوم شافت هالمخ .. وتقوم تاكل منه .. وهو يتألم .. ومايرتاح الا لاقاموا يطقون راسه بالقبقاب <<نوع من الأحذيه
الين مات .. الله لايبلانا .. عاد مدري هو شمقمق ولا واحد ثاني .. المهم احذروا لاتجيكم مثل ماجاه .. خخخ

ومن ناحية ذبان البر .. هو نظيف يعني عادي .. لكن ان كان مسبب لك قلق .. اقعدي بالسياره ولاتطلعين البته ,, هههه


وشكرا ..
MoaeD
15-02-2003, 10:41 AM
حرب الناموس لن تنتهي الا بسهارية (&)


جربها وما راح تندم :p


حطينا 3 ببيتنا وعقبها ما قد شفنا الناموس حركه حلوه :D



حتى احيانا تسمع صوت قوي يعني ذباب طاح فيها :p


(السهارية : جهاز ذو لمبتين زرقاوين يجذب الناموس لقتلها كهربائيا (&) )




الرسالة الأصلية كتبت بواسطة memy


ههههههههههههههههه الله يقطع ابليسك :D

الله يعينك يا اخي :(

و بعدين عندي حل احسن حط حولينك تور .....افضل :6

و ما اقدر اقول لكم معاناتي مع البعوض لانه..... ما عندنا بعوض ":"


و مشكور على الموضوع :)


ايه هين


اشوا انني راجع من الخبر قبل شوي ولا الكورنيش ولا الشاليهات



كلها باعوض ?:


ومن النوع النهم اللي ما يشبع :!



شكلك ما طلعتي من غرفتك من شهور (&)
Abbatt
15-02-2003, 11:31 AM
اقول .. :6 يا زين النامس اذا فغصته بيدك وتشوف دمك منظر خلاب
Sparta Ghost
15-02-2003, 12:51 PM
الرسالة الأصلية كتبت بواسطة snow river
هههههههههههههههه



لكن النامس يهون عند الذبان :غضب: ياهو غثييييييييييييث اعوذ بالله :غضب: اذا كنت نايم وكل شوي تجيك تدغدغك وتهشها وترجع مره ثانيه ززززززززززززززززززززززز وتوخرها وترجع ...



جرب قرصه النمل بعدين تعال


هههههههههههههه عجيب .....

مشكوررر على الموضوع ;-)
HArb200
16-02-2003, 01:04 PM
مؤيد ,,

وين مطاعم حنا ?:
بس فكره حلوة عموما .. اجل اسمها سهاريه (&)

ومشكور على ردك .

ابات ,,
مايمديك .. أسرع من أنك تفعصه باصبعك .
لاتحاول تألف ":"

وشكرا على ردك.

الجني ,,
مشكور على ردك .


شكرا .